|
وكل عام حسي أو مضى أو جآي وسيمضي ليهو وكما يقال في علم الطقس أربعة فصول.
الشتاء.. هذا أقسى شهور السنة للمسنين. دآ حتى لو الأرض والشجر والسماء وسقوف البنايات كلها لونها أبيض ومغطاة بالجليد الذي المكون الأساسي فيهو الموية تلقى ناس إحنا ديك غبشآ ونشاف اليدين التقول فارة نجارة يعني تخطت مرحلة الصنفرة لأنها بتنخر ما بس تصنفر. أما هناك في بلدي فحدث ودون حرج وبلا حياء "في الدين" كل الأحياء تعاني البيض يفسد والحيوانات تتلاشى والسوائل تتجمد والبسمة تصبح نغمة "إن إبتسمت، تشققت الشفاة ونزفت" وإن إبتسمت كذلك تحركت عضلات الوجه وشدت على الخدود التي أصبحت كأرض جرداء مليانة شقوق وحفر فتتألم كثيرا ويصبح الفرح الذي كان أن تعبر عنه ببسمة حزن أليم موجع وهذا حال الشتاء في بلدي وفي كل بلاد العالم، كئيب وغير مريح. يا أخي لسة ما إنتهيت من العصر وإلا المغرب قد أذن وخير لك أن تقراء من قصار السور لأنك لو أطلت سيكون العشاء قد هجمك.. أنا بفتكر أنهو الحكمة الإلآهية قد تجلت في أن يتبعهو الربيع.. هذا الفصل الذي تسبق إسمه سمعة حسنة ويوصف بأجمل الأوصاف حتى أن يحتفل بمقدمه دون فصول العام الأخرى.. الإيرانيين عندهم عيد النوروز. أما السويد فديل من حقهم أنهم في الربيع يحتلفوا بال "فالبوري". يا ربي إحنا في السودان عندنا ربيع؟؟ الملاحظة الفعلن توري أنهو فصل الربيع دخل في السودان هو أنك نلاحظ عودة علب الفزلين والجرسلين في رفوف الصيدليات بعد قضت فترة من العام كالسلعة المطلوبة الأولى.... ربيعنا في السودان هو الشتاء لأنهو الطقس نسبيا درجة حرارتهو في النهار في التلاتينات.... نشوف أشهر العذاب بالنسبة للسودان وما هي بالنسبة للأخرين.. الخريف والصيف |
لك سنة وأنت بألف خير يا د.بابكر وعام نتمناها سعيدا لك وللجميع
|
اقتباس:
|
المطر ياهو ظاتهو مطر زمان والبيوت ياهن ما نقصن لكن زادن فلل وعمارات يعني المفروض أنهو في تطور عمراني والمفروض أنه يصاحبهو تطور في كل أوجه الحياة كان فهم ولا رخاء ولا بنية تحتية وسطحية وفوقانية تواكب هذا التطور.
لكن رغم أنهو المطر ما إتغير. لا زاد ولا نقص وأيامهو معروفات (ويمكن نقول أنهو الفصل الوحيد الفي السنة نسبيا محافظ علي مواعيدهو، نعمهو وشرورهو..) بس الحصل أنهو المطر بقآ سبب إنتكاسات وعتراسات. ينزل ينهمر يخلي السيول تبقآ جارفة وما بتنقدر وللزرع يحرق خضارهو ومن جزورهو ينقلع.. كان زمان يرشو بالمبيد لو إتجمعن مليليترات موية. خوفن من الناموس والباعوض والذباب ومع أنهو ما بيعض! لكنهو بينقل الأمراض ويخلي الناس تموت وتنقرض.. بتذكر كان نغني ونطرب وكتيييييير بنفرح بالخريف وأكتر لمن يكون المطر بي غزارة بينهمر. أكييييييييييييد المدارس تتعطل والخيران تتملي وتبقآ؟ عطلة من المدرسة واللهو العوامل المساعدة ليهو متوفرة في الخيران. شئ عوم وشئ خوضان وعند الحرفآ يجتمعن الإثنان.... وبعد دآ برضك الخريف على أيتها حال ما هو أفضل بكثير من الفصلين الإتنين (الشتآ والصيف) والما ليهم تالت (ما هو الربيع دآ عندنا في السودان يعدمنا إلا نسمع بيهو أسماء للأطفال الذكور "وهنا بتذكر أخ وصديق جميل وطيب ونظك ربيع عبد المعطي نجار، له كل المحبة").... الباقي لينا الصيف الفيهو بتعرف عظمة الصيام..... :cool: |
قبل هجير الصيف
الأغنية دي بتهز ديمة دواخلي مع أني ما بعرف سلمى وااااااااحدة توفيت... [youtube]https://www.youtube.com/watch?v=9dNVEuox9f8[/youtube] |
بمناسبة الكضب يا دكتور:
في واحد كضاب زي عمر البشير قال: ساكي ليهو غزالة من الدمازين لحدي ما وصلت سنجة الناس قالو ليه: والبحر ؟ رد عليهم : البحر ما نسيتو! |
اقتباس:
فصلن خليك من زنقتهو حرهو وأمراضهو ناس سحآي والمواجع يا أخي لي درجة شحمة الأضان إن عصرتها تتفتفت والموية أن لمستها تتشوشو والواطة دي جمرة تحرق الواطيها... الأرض هنان تكون جافة والتربة بإنتظام مشققة ومخططة بالله عليك كأنها صفحة من كراس الحساب وهنا وهناك تلقى ليك نقط حبر أغبش متشتتة... http://www.sudanyat.org/vb/uploaded/851_1578566360.jpg صيفنا غير وناسنا وكت الصيف أخلاقها ضايقة من الحراية والهجير وحت لو هبت تكون بدل نسمة تلقاها سموماية.. شوف صيفنا وشوف صيفهم الهو زمن المرقة والفسحة والتمتع بالهواء العليل.. http://www.sudanyat.org/vb/uploaded/851_1578567122.png الصورة التحت دي "أقحمتها" دون مبرر، لكنها عجبتني لجمال البنية والفكرة والرؤية. كنت في مكان تاني علقت عليها.. هل هي ليهو هو ولا ليها هي؟؟؟؟؟.. والحقيقة أنهو المريآ بتكضب الغطاس ;);););) وتورينا من قدام :eek::eek::eek: والقصد تفاصيل الوش goood... http://www.sudanyat.org/vb/uploaded/851_1578566400.jpg |
الكُبر والفلس
إتنينتهم قريبين من بعض الكُبر بتفقد فيهو حاجات كتيييييييرة الفلس بتفقد فيو برضك حاجات. "المال، الجاه، تقرب الناس ليك وحاجات وحاجات... فا أهااا لقيت روحي ذي الخواجة الفلس... بفتش في دفاتري القديمة وهنا هي مواضيع كتبتها في سودانيات وإخترت منها؟؟ والله ما أظني شوفتا جمالن متل دا .. وقررتا أجمع كل مشاركاتي في البوست في مشاركة وااااااحدة وطويلة... لأنهو في ناس تانية في الفيس بوك دايرهم يكونوا معاكم... ____________ والله ما أظني شوفتا جمالن متل دا وناس كتيرين ما بيكونو شافوا ليها شبيها لونها أبيض، قمحي فاتح، دهب مصقول، مجمر، لون القمحة،،، ما تعرف لكن حاجة بتتناسب مع زولة يعني بالجد في سمحاتا التلوين الفي الوش، ما النوع الفيهو مبالغة، مع إنو عدد الألوان قدر عدد ألوان قوز قزح، لكن برضو ما بتشوفها كتيرة يمكن لأنها منتظمة ومنظمة، الحكاية الفوق الحواجب لونها على بنفسجي وكل ما تنزل تحت في إتجاه العين اللون بي نعومة وسهولة يتحول لمن يكون بمبا فاتح. الرموش، بس حراب مرصوصة، سواد الليل بالنسبة ليهو نص نهارية وفي السودان. الكحل في العيون، ما أسود ذي البنعرفو داك، لا يعني بالجد لا، حاجة كدا،، أقول ليك هي لبني، أزرق، أسود عليهو حمرة، ما بتوصف مبااااااااااااااااالغة. بعدين الخدود، بس التقول مجضمينها، حمارتهم الأتقول طماتمايتين ولا شوفتا ؟؟ مش في نوع البرتكان الجواهو أحمر،،، بيقول ليهو أفتكر برتكان أبو دم، بس كدا وتقول لو لمستهم الدم يجيك دافر. النخرة،،، نتشة كدا،، يعني يا دوبك كدا بارزا من أرضية الوش، وليها لمعة، يعني بس تقدر تقول عليها أنف، ما أظنها لمسا منديل ولا كلينكس، ما ذي ست النخرة دي ما أظن بتجيها زكمة. في نقطة كدا موقعها بالظبط، الجهة اليسرا في الوش وتحت الأنف (ما ذي دي حرام ينقال ليها نخرة) وفوق الشفة تمام، ذي ما بتقول الفرنجة beauty spot بنعرف الخشم وبنعرف القدوم وبنعرف الشلاليف، بس الشفاة دي حاجة براها، أها ست الجمال الماشفتا ليهو مثيل، ممكن تتختا كدا عشان الناس تعرف أنو الشفاة كدا ولا بلاش وعليها ما أحمر شفايف، عليها لون مهوقني، بني، شكولاتيي، حاجة كدا ما بيشابها في اللون إلا خصل الشعر المنسدلا على جنبات الوش، ذي شلالات (وين يا فيصل سعد؟؟) نياجارا. الرقبة، قزازة عصير شنو ولا قزازة شامبانيا بتاعت مين، يا زول دي قارورة من الكريستال وتقول مالينها عصير خوخ (قمرالدين) قلت أواصل في الفرجة عاينتا في الشباك، لي تحت؟؟؟؟؟؟؟؟؟؟؟؟؟؟ طلع بترينة عرض بتاعت دكان مستحضرات تجميل وأتاريه الوش كان لي بت جابسين،، يعني موديل ويا فرحة ما تمت الفراغ ما قاتل.. وهو ذي السيف واحد، التعامل معاهو بالمثل. إن لم تقطعه قطعك، والفراغ إن ما كتلتو كتلك. ناس أبو ظبي عندهم وصفة تشفي من الفراق بصورة تامة ومع أني صيدلي ود صيدلي ود أخت صيدلي وشيقيق صيدلي وعم صيدلي صحباني صيادلة. ما سمعت بيها. ومع أني رباطابي وصاحب قرابة بالتيمان وقريب د.(العميد) محمد عثمان عبد الله الشيخ برضو ماسمعت بي الوصفة دي في الطب النبوي ولا الشعبي ولا الأعشاب. الوصفة بسيطة بشكل. تلبس أفخم ما في دولاب هدومك، أن كان في الشقة ولا الأوضة ولا حتى العنبر، تراجع تصفيفة شعرك ولو كانت في شعرة بيضاء، أحسن تراجع الحلاق قبل أن تبدا في تناول الوصفة. المهم دي كلها لإجراءات شكلية. التوجه نحو قهوة الحبش،،، أول حاجة لازم تلف على أكبر مجموعة حتى تستنضف الوصفة الأنجع. بعد ما خلاص شربتا من القهوة أطنان ومليت خزينة البرازيل المصدر الأساسي للبن وميزانية الدولة الشيقيقة أثيوبيا بالبيرات، ما الدراهم البتتدفع هنا تحول، حتى قبل ما فنجان القهوة يغسلهو لي حساب بنك إتيوبيا الوطني،،، ما الحكاية دعم الإقتصاد الوطني الأتيوبي على حساب الإقتصاد الوطني السوداني الأصلن منهار (الأعور طبزو في عينو قال خربانة خربانة).......... الوصفة لا تكتمل إلا والتوجه الي الديسكو هنا لا بقى !! أسمحو ليا أن أهني سودانيننا الهنا على الأكتشاف الرهيب دا لعلاج الكأبة والملل والفراغ والإحباط،،، بس الفاليم أول أيام عزو!! ما كان مشرف بي الطريقة دي. أنا شخصين ما عارف كنت عملتا شنو؟؟؟؟ يا أخي حور وعين دا شنو دا؟؟؟ وآآآآآآآآآآآآآآآآآآآآآآآآآآآآآآمعتصماه وآآآآآآآآآآآآآآآآآآآآآآآآآآآآعصمتاه وآآآآآآآآآآآآآآآآآآآآآآآآآآآآآخلود شافعة ويافعة قدامي كدا، إتذكرت بت الجابسين،،، قلت أمشي أخير أتأكد وأهبش،، قبل ما أتحرك إختفت، فتشتا وبإحباطي الأول بتاع الفترينا، لميت فيها في المراية الجانبية لقيت ليك كمان مصيبة غطتني شوفة الشافعة قلتا في سري بعاين للشافعة فوق المرايا 000 قام حجبني السحاب ندهتا أستنجد وأنادي الصحاب بستفسر هي عيني بقت طشاش ولا دا شعاعن يبهر الألباب يا ناس!!! دا ضو الشمس ونور القمر وقفو يعاينو بي إعجاب كتر خيركم يا سودانيين أبو ظبي أضفتم وصفة ولا كل الوصفات والله ناس سودانيين أبوظبي فاتو شيخ التشيكس في الروحانيات ما تمشو تقروها غلط وتخلطوها بالروحيات سبحان الله!! الناس إتخلقت من معدن واحد، طريقة وجود واحد الياهو حمل 9 شهور بعدها الولادة، حالات أقل وقليل أكتر.... عشرين صباع ويدين ورجلين إتنين وراس واحد وووو الي آخر ما هو معروف وبرضو معروف أنو مع هذا التشابه في الخلق والولادة والترابط الوراثي. إلا أن هناك إختلاف تام في بصمة الأصبع من شخص الي آخر ودا من الناحية النظرية لأنو عملياً للآن لم تحصر كل بصمات البشر لزوم المقارنة وكذلك بصمة العين التي بدأت الأن تأخذ مساحة في وسط أجهزة السرطة والعاملة في الجوازات والهجرة، برضو البصمة الوراثية DNA نظريا متفردا ولك التيمان من حيوان منوي واحد وبويضتين يجتمعان في هذه البصمة الوراثية، ماهو حيوان منوي واحد من الأبو.... إذن الإختلاف محدود والتشابه أوسع ومعا كدا؟؟؟؟ تلقى الناس مختلفة في حبها للأشياء وكرهها لها.... الأمزجة متباينة، التوجهات متباعدة.......... يعني تلقى فلان مؤمن بالقضية الفلانية ومتشدد في حملها خلافا لذاك وتلك،، تلقى زول بيحب الفنان الفلاني والتاني بيحب غيرو والي ما لانهاية.. كذلك حب الناس مذاهب في النواحي الجمالية، ناس تشوف وسامة الرجل في تفاصيل وشه وعرض أكتافو أو حتى في ريحتو وريحة عرقو وناس تشوف الجمال في المرأة مرتبط بقوامها وإكتناز اردفها وبروز صدرها....... وبرضو حب الناس مذاهب آها !!!!!!!! أنا بشوف الوسامة في الرجال مربوطة بحضوره، بشخصيته المتكاملة الرجولة وشهامته وعن مقايسي في جمال المرأة كتيرة ومتعددة وتتنوع حسب المكان والزمان... ودا ظهر ليا أنا ذاتي في أندهاشي بجمال الموظفة الفي المحل الشفتا فيهو الوش الجميل وإتغشيت فيهو وطلع ليا وش منيكان ذي ما سماها العاقل ود أبوعاقلة..... الزولة دي وقصداً سميتها زولة لأن لونها لون بنات بلدي، شكولاتا لبنها زيادا شوية، لاهو بني ولاهو قمحي، ياهو شيتن لا بتوصف ولا بيتشبه... جسمها باللون دا ليهو لمعة كتروالله بس ترابيزة مهوقني مرشوشا بي ورنيش لماع، تشوف وشك فيها،، مراية بس والغريب الجلد وكأنو ورق سلوفان ملفوف بيهو سلوك كهرباء لونها أزرق ودي هي المفروض العروق البتشيل الدم من القلب ومشحونة بكم من الأوكسجين النقي الجاي من رئتين مدسوسات تحت نهدين ولا جبال شنقول مليانة بالغالي والنفيس من معادن الأرض... دي ياها الكانت ورا الفترينة وهي الياها بي أنملها (الحنجي نوصفها بعد شوية) ختت المنيكان يا محمد أبوعاقلة في الفترينة نواصل في وصف الجمال الما ليهو متيل ولا شبيه _________________________________ في الطول!! ما دا بقولو عليهو: لاقصيرة محتاجة تلبس كعب عالي ولا طويل تضطر ترخي ركبها عشان تتساوى معاك في الطول، صممت بالمقاس البتناسب مع مستوى النظر العادي خمسة قدم وواحد ونص بوصة، الجسم والقامة دي منصوبا على قامتين ملفوفتين ذي ماسورة الندقية من جوا وللماعارفين الوصف دا، ماسورة البندقية من الداخل ملفوفة على شكل حلزوني، ودا كان الساق فيهو شوية ضمور في النهاية نحو القدم (دا الإحنا نسميهو العرقوب لكن دا ما ممكن يكون إسمو عرقوب) والمنطقة دي ناس علم التشريح قطع شك بيوافقوني، أنها عند البشر العاديين بكون فيها بروز وإنخفاض وعضام خالقا ربوات، لكن عندها دي!! التقول بالمسطرينا الحتة دي إتساوت ولا حقنوها بالمادة البحقنوا بيها الخدود عشان تنتفخ (لو لاحظتوا نانسي عجرم عاملاهو في شفتها العليا وبرضو واحدة مذيعة في واحدة من القنوات العربية دي والزادت بالشروق الجيكس بتاعا والهارموني والبيلي الفيها وزول الناس هيمنوت وندى القلعة منورنها). منطقة التقول جروها بي كراركا لمن ساوها وبعدها زرعو الماعريض ودا على قول شيخنا البرعي في وصف خف الجمل والأحسن في وصفو لمن بقاهو فات الجمال وكل جَمال العالم، القدم!!!!!!! يا ناس فات القدوم (عندنا بيقولوهو للخشم العندنا برضو بيسمى بوز وهو المفروض يكون فم) كمال وجمال.. مقاس القدم ما بين تمانية وتلاتين وستة وتلاتين، يعني حتة كدا وسبحان الخالق القطعة الصغيرة دي من لحم مكتنز ملفوف في سلوفان مساكاتنو عضيمات ولا عضام الحمام (داك ما هش وبتقرمش ووووووين لي عضام خرافنا، الهلكا المشي من درافور الجريحة لين الخرطوم المريحة،،، شوف بالله مشوار جماعة خليل إبراهيم قطعهو بالعربات وكانو مرهقين والحمد لله جات كدا وسهلت عملية إجهاض حركتهم،،، ما علينا) الحكاية دي حاشرنها في شبط بي سيور، زانق حدي ما تتخيل أنو السيور غرقانا في لحمها، ذي ما أنا غرقان في جمالها وببحلق بكل تركيز وعبدتُ الله جهراً جهراً (ما سرأ يا كابلي) لأن الله سواك..... ذي ما قلتا لونها شكولاتا بالبن زيادة وشوف الذوق في الإختيار؟؟؟ النعال البي سيور لونو فضي مقصود بي رقي، لأنو لون بيمشي مع لونها ولون المنكير!! المصبوغات بيهو الأظافر. وفي كل ظفر حاجة كدا في النص؛ في الأول ما قدرتا أشوفها ما النظر كان زماااااااان ستة على ستة!! حسي ظنيتو ستين على نص والنضارة بس كعب كبابي الشوب بتاعت ياسين (دي ما بتذكروها إلا ناس جيلي الحلويين.....) المرحومة سعيدة بدري كانت مشهورة في العايلة بخفت الروح؛ من نوادرها؛ تصنيف الأعمار!!!! عن الستين قالت ديل ناس السؤال؟؟ وين ماشين (لاحظتا الحكاية عندي، سؤالي لأي زول وين ماشي ومن وين جايي؟؟) والسبعين ديل الحلوين، ناس ناسيين وماعارفيين وبرضو سمتهم ناس الإعداد (الروضة)!!! قالت ديل لازم يعاملوهم ذي شفع الروضة، يكون معاهم زول هو الماسكهم يدويهم ويجيبهم!!!!!!... المهم الحاجة المرسومة في كل ضفر وبعد ما ختيت نضارتي سمك سنتمتر ونص، عرفتا أنها قلب مرسوم بالبني، حاجة قريبة من لون البشرة، حتى يخيل ليك أنو الظفر مخروم في شكل قلب... وأنا قلبي من محلو قرب يقع... ما خفتا يكون صابها مكروه ولا أكون طقيتها عين؟؟؟ وعيني عين الرباطاب نااااجعة.... بأدب جم ولغة!!! الإنجليز بيسموها؛ إنجليزي الملكة (queens English)، وبإعتذار المسبوق!!!! قالت ليا: في حاجة غلط في لبستي دي؟؟؟!!! ما تكون الخلطة دي أزعجتك وأنها خالية تناسق؟؟؟؟؟ يا أخي كلام طلع بخور من مبخر ولا عطر من فتيل شنيل خمسة ولا نسمة من جنة ولا شنو ولا شنو،،، أنا بقيت أشمشم وأفتش في الهواء عن رزاز أو ذرات من السلسبيل (الكلمة دي عجبتني وعشان كدا زجيتها، أفهموها بقى!!) السايل ومتطاير دا... جاني الصوت وفحا كدا في قلبي ودا أول مرة أعرف أنو القلب بيسمع،، وبيشوف وبيشم ، رفعتا رأسي أشوف وأتوكد مصدر الصوت!!!!!! وأسقط في يدي يا الله، يا الله حلم علم سمعتا الصوت جايي من أعلى وما بعيد ولا قريب لكن في طعمتو ذي صوت بلبل من فوق الشجر بزغزغ ولا ذي صوت حفيف الصفق هزتو نسمة خفيفة لمن تلمس خدك تحس بحرير مجرور في وشك. رفعتا رأسي وهج الشمس لفحني زغلل عيوني ولما الوكت كان مغيرب!! إتسألتا: دي ما الشمس البتجهر في المغرب. طيب دا يكون شنو؟؟ كشافة مختوتا في جوا المحل الفيهو الفترينة؟؟؟ لا!!!! ما الكشافة نورها أبيض ساطع ودا كان وهج في ضياهو ذي لمعان الدهب، غمتضا وفتحتا، مسحت عيوني، فركتها وإتوكد ليا المصدر.... وش إنسانة، ليها عيون قدر فنجان القهوة، كمية من البياض الناصع في نصو ديوريا لون طين بحر جروف النيل في شواطي توتي المتوسطا النيل الأزرق شمال الخرطوم وعند مقرن النيلين. فوقا الرشرش كل سبيبة فيهو واقفة ذي الحراب مشهورة... الله يرحم شاعر أمدرمان الفذ الوصف للرشرش دا وما شافو انا الولدوني بالتهليل وهلت فوقي غابه رماح وأخاف أنو عليه رحمة الله الواسعة سبقني في شوفها ما هو قال برضو بي لسان حالها: انا الطابيه المقابله النيل وانا العافيه البشد الحيل وهي كذلك،،،، ممشوقة القد، ممدودة القوام، جسمها ينعم بكل الصحة وتمام العافية عيونا، محور كلامي!!! إترسم فوق كل واحدة حاجب شكلو هلالي، بس إن إبتديتوا من قمة الأنف تجد إنو غليظ وفي شكل بيضاوي من الطرف الخارجي وكل ما ليهو منسحب بتناسق وإنسياب نازل نحو رأس الخد، أخذت من حافته كل شوائب شعر، ما أشبه بالأرض المحسنة بمجرار كراتربيلر. العيون عليها غشاوة كأن ما لصقت عليها رقائق صنعت من سائل شفاف ناعم، يمكن أن قول أنها دمعة إتشرت تغطي بياض العين وسوادها!! الهو ما سواد لكن بني مايل للسواد..... تشوف بسمة في العين، تشوف ترحاب، تشوف الفرحة تقول ليك تعال حباب.... كانت لابسة الينفورم بتاع المحل، بنطلون لونه أسود، ما بقول فصل على مقاسها لأنو لو جبت أخير الخياطيين وأمهر الترزية ما أظنهم يخلقوا التوليفة المتناسقة بين الجسم بكل تفاصيلو؛ خصر (يقال ليهو وسط) والغريب ما بتوسط الجسم فهو أقرب الي منطقة النهود البارزات كقمم الهملايا وبصلابة جبال رأس الخيمة حيث يوجد أصلب أنواع السريميك،، المهم في الحكاية المنطقة دي من الجسم؟ دبلة الخطوبة في يد بنية صغيرونية، حنونة ورقيقة، نحيفة بس ما ضعيفة، أصابعينها قدر مصاصة التمر، في عمر الزهور فاتت العشرين وما وصلت الواحد وعشرين!؟ واسعة عليهو، ناهيك خاتم سليمان ولا إكليل الشوك الوضعهو في رأس المسيح، عيسى بن مريم، عليهم السلام. الشئ دا يشكل منطقة تلاقي،، أنا شخصيا شبهتها بمضيق جبل طارق، فهي منطقة تلاقي سلسلة جبال بين شواطئ المغرب العربي ورأس إفريقيا (تستحق هذه الدولة أو المملكة ويصح التعبير أن تكون هي عنوان الجمال، فمليكها قمة في الوسامة ورجالها حسنيي المظهر أما نسائها، فهن يتقاسمن الجمال مناصفة من قوم أبرها) وبين سلسلة جبال إسبانيا (الأندلس) هذه البقعة من الأرض التي أجد كل عذر لطارق بن زياد والداخل أن قاتلوا وحاربو وقتلوا من أجلها، فهي قطعة من الروض، نزلت لتغري البشر بمحاسن الجنة وليعملوا ويعبدو ليظفروا بها في حياتهم القادمة..... هذه البقعة من الأرض التي تجمع غير هاتيين السلسلتين من الجبال، تجمع بين عملاقيين، المحيط والبحر المتوسط... يسحر هذا التلاحم والتجامع والخلط!! لب الجان قبل الإنسان... هاكذا كان الشئ دا. واقف على ركيزتين، كأنها الكرة الأرضية، إستدارة وتمحور، خلطة ما بين كرة القدم في الإستدارة وكرة الرقبي في البروز عند القطبين وشكل القوس عند المداريين.... كأن الإسم قصدت به هي! فهو حقاً ترادف لي أرداف ترادفت جنبا الي جنب، تلاصقت وتلاحمت لتكون عنوان وجودتها حين صممت كأنها خصصية لهذا الغرض ،،، ما أهو الرولزرويس متخصصة محركات طيرات كانت إيربص ولا بوينغ ولا حتى الأنتينوف.... جمع كل هذا داخل البنطلون والذي أثار حيرتي من الأول. هل فصل ومن فصله لكني أكاد أن أجزم أنها ولدت وهي ترديه كل ما زاد عمرها، يمتط ليتناسب والحجم وكل ما كبر جزء من جسمها شد على بعضه ليسع الكبر دا.. ولكم لاحقا على ماذا تعتمد هذه المؤسسة المتكاملة من سلاسل جبال وتلاحم مياه مياه محيطات وبحار فالعماد هو الأساس وهو الإعتماد يشكل نوع الأثاث.. سنتطرق الي القوائم التي هي أقوى من عماد المعبد الذي هدمه شمسون عن القوائم والأساس وعن السكن الفيهو الراحة ومفروش بأرقى الأثاث نبتدي بقولة، جعان وبحام، بتذكر،،، الضلع والخروف المشوي والفراخ المسحب لكن قاليك: خير اللحم ما جاور العظم لكن هنا!!! العضم يلقوهو وين؟؟؟ ما هو الشئ ملموم في البنطلون ، إن هبت نسمة تشوفو يتهزا !!! بس قالب الجيلي ((المرحوم أبو الصادق؛ شاعر أمدرمان المرحوم عبد الله، حكى لمن كان مضيف في سودانير، قدم وجبة لراجل (دفعة كدا) وكان الحلو جلي، عاين للراجل وهو بالملعقة بيأكل الجلي، وقال: إتا تتهز والجلي يتهز جننتو الملعقة جن....)) دي هي المنطقة؟؟؟ التحت الشئ داك الذكرناهو في السطور الفاتت. وبيسموهو الورك. في قطع دجاج الكنتاكي يا هو الورك المحبب ليا من كل الأجزاء التانية. لأنو تشكيلة جامعة من لحم الأبيض ولحم شبعان دم لمن لونو ماشي للبني أو الأحمر القاني وحتى عضمتو هشة بتتقرمش،،، الما ضاقو بوصيهو يضوقو وأكيد بدعو ليا، بعدها.... دا القليل اليسير من ملامحها وشكلها وتوليفة الجسم وتناسقها، توزيعها ولملمتها... آهاااااااااا؟!؟!؟! مشيت أتطاول وانا القصير في الصبر والضعيف أمام مقاومة الفضول، لكن ما بخفي سر. قصدي وهمي جرجرة في الكلام وفتح مشروع ولفة ووئام. سألتها بإنجليزي هو فهم عربي وكلمات عربية ترجمتها وبستنى الرد عشان أعيدو تاني للعربي وأفهمو؛ قلتا وقبال ما أقول، دخلتا في حيرة؟؟؟ ياتو الأصح وشنو في الأول وشنو بعدو؟؟؟ هو بينقال؟: "هيوير آر يوو فروم" where are you from ولا؟ "فرووم هيوير آر يو" from where are you. شقلبتها وقلبتها. المهم رميتها عسى تكون صاح ومقبولا وشيتن طالع من عاقل وبي عقل، لكن هو وينو؟ عقلي وأمامي هذه اللوحة التي لم ولن يتجراء فنان، إنسان ود تسعة أن يدعي قدرة حتى تصويرها وييييييين يا الفرجوني، تقول ليا "الرسم صورتك ما عرف رسمك" هو ظاتو في قدرا لي كدي؟؟؟ السؤال كان: إتي من وين إبتسمت وكشفت عن فصوص لولي، ذكرتني "وعضت على العنابي بالبردِ" مرصوصة بنظام، مصفوفة بإحترام، مافي واحدة متقدمة على التانية، متلاصقات كتف بكتف وهن، من دوريين. الدور الأسفل مافيهو، لا فجوة ولا فضا والعلوي تتوسطو فجة بالكاد يبرز منها طرف لسان أحمر في لونو، مقارب لي الروج الموضوع على الشفاه وديلا؟؟ العليا تشابه قطع عرضي لي قناة السويس الفي أطرافها تلال، في طرف الجانب المصري تل وعلى الناحية الإسرائيلية تل كان عليهو حائط بارليف. قناتي الموصلة بين حسي وقلبي وقناة السويس، لكل واحدة نوع مياه تسيل بين ضفيهما ، عندي اللتي، لا لون له لا تلوين، عصير عنب مخمر دون رائحة خمر لكن بريحة مسك وحق قناة السويس؟ مالح بلون أزرق،. إلا أن التشابه يضاف اليه في أنو الإتنين شواطيهم مبللة، رطبة ويفرق بيناتهم من القناة تشتم رائحة البحر و دي زولتي، عبق العنبر ورائحة الطيب... شفاه لونها لون العقيق اليمني ومن يدري ربما كان فيها هي نفسها من روح بلقيس أو من خضرة أرضها، سبأ. تلك اللألئ!! غرست وثبتت على أرضية يغلب عليها لون البنفسج وهو يميل للإخضرار بشدة ولكن هنا لا ضرر في الوشم ولا ضرار، بل زيادة في الجمال جمال، خاصية تميز بها أهل دار صباح (أهلنا في الغرب، يقولونها لكك ما هو شرقا وأتي من الشرق و"الشرق أتى والغرب أتى والأم سليلية آمهرآ"، قوم أكسوم، تقراي، أمهرا أو قوراقي!! من أصحاب البشرة السمراء منهم وتلك البيضاء!؟!؟ لون حليب طازج محلوب من بقرة طاهرة يعبدها الهندوس ويقدسها الدينكا ويمجدها القرآن في سورة لها بإسمها وذكرت في يوسف بن يعقوب ونذكر قصته مع إمرأة العزيز. لكن هذه؟ عزيزة هي ولا يبدو عليها من طباع تلك، وإن كان فيها روح وحلاوة يوسف. وواصلت حديثي معها!!! ما عنها،،،، سألتني بأدب وبصوت خااااااااافت، إدسا وسط صوت نفسي الطالع ونازل، ذي المرجيحة؛ الأيام دي عندكم رمضان، هي قالت وللأمانة "رمدان". رديت بي صوت متحشرج، ما الحبال الصوتية نشفانا من شدة العطش والعقل البيدي التعليمات للسان، صايبو خمول من النقص في النكوتين. قلتا ليها: آآآآي، عرفتي كيف؟؟؟ قالت: في المنطقة الساكنا فيها، كتييرين من شعوب شرق آسيا ويكادو يكون كلهم مسلمين. وأضافت أنهم كمسيحيين عندهم برضو أيام صيام وعددها أكتر من أيام صيامنا. قلتا ليها ما ممكن، لأنو إحنا غير رمضان عندنا البيصومو إتنين وخميس وصيامكم يما، ياهو عدم أكل الشئ الفيهو الروح،،،، روحو غادي،،، إحنا صيامنا،،، من قبل الشمس تظهر عيان بيان لييييييييين تغيب من العيون،،، يعني صومن ما بالقي الشمس. قالت: بيقولو الصيام بصح الجسم،،،، سكتا وقلتا: اللهم إني صايم،،، قلتا ليها كمان: كدي يا بت الناس، ما أجرح صيامي ساكت، بجيك راجع في العيد أشيل عيديتي الشهر الكريم مرا بالنسبة لي ناس رجيم قاسي، لي ناس أيام روحانيات سمحة، لي ناس مستين عيدو عشان يعيدو، لي ناس مسلسلات وتلفزيون، لي ناس؟؟ إجازة ليهم بتسيبو فيه من العمل...... وبالنسبة ليهم كلهم؟؟؟ يبقو مستنين وينتظروهو حداشر شهر ويرجع وترجع ليهم حاجاتهم دي مرة تانية،،، وهاكذا "دواليه" (كلمة عجبتني و"زجيت" بيها)............... أنا وفي الشارع ولعتا ليا سجارة، بخيتا في الهوا وسرحتا معاها، لقيت روحي قدام قهوة دلفت داخل وطلبتا قهوة إسبرسو،، ما قدامي يوم طويل،،، السوق بعد صلاة العيد،، ميزة الصلاة مع أهلي الأنصار أنهم بيصلو متأخر شوية ولي كل البفتوهم صلاة العيد،، معاهم متسع للجميع،،، (قالها شيخ بابكر بدري لأحد الشيوعيين الفصلوا من هيئة التدريس في مدرسة حكومية وتم إستيعابه في مدارس الأحفاد وكان أستاذ عظيم، شاعر ومعلم متمكن) مشيت إشتريت باقة ورد، بعد صلاة العيد وكانت الدكاكين فتحت،،،، السمحة التقول من الحور،،،، واقفة في وسط الدكان وما إنبهت لي دخولي،، حيتها لمن بي بسمة لاقيتها.. قالت ليا بي غير ترحاب بتاع ناس كان بيناتهم حوار،،، كان آي هلب يو ( )، الباقة بتاعت الورد الفي يدي؟ ذبلت من هول الصدمة، لكني برضو لا زعلت ولا حردتا،،، صاحب الحاجة أرعن............... إتغلبتا على صفاتي البتروح ليا دايمن الشي الجميل،،، وقلتا ليها بي حرج وأنا مدسي ورا باقة الورد،، "دا أنا" لطيفة يا أخي هي،، ذوق،، رقي،،، عطف وحنان يا ناس،،، قالت: آآآآآآآآآآآآآآآآوه ما عرفتك،، فقدتا وزن وعملتا ليك دقن،،، قلتا: الصيام سيح الشحم ونشف الموية الفي الجسم،، ما قلتا ليك صيامنا وييييييييييييييييين لي صيامكم وبعدين الدقن دي لزوم الشو،،، ذي عندنا بيسمو الدقن بعد الإنقاص،، دعوني أعيش،،،، لمن قلتا الإنقاص،،، إتحيرت وقال ليا،، يعني بنقصو ليكم الإعانة،،،،،،، ضحكة وقلتا ليها: ديل وربنا يعزك، حكام مليون ميل مربع بنتمي ليهو.... خلاص، رجعت الدماء للعروق وإنفرجت أسارير وشي وقدمتا باقة الورد،،،، يا الله فرحة في وشها، بس فرحة أمي لمن الواحد يرجع من سفرن طويل،،، حاجة كدا عندها طعم الصدق وأقول ليك،، لا بس فرحة طفل برضع وقدمو ليهو البزازة ولا فرحة الزهر لمن يلمح ليهو فراشة جايا تلقحو،،، قالت: دي ليا،،،،،،،،،،،،،،، أُأُأُأُوه سانك يوووووووووووووو نان لي مينو؟؟؟؟؟؟؟؟؟؟؟ ردي بس حق زولن، أغبش ولو زول جاب ليا حاجة،،، كف بختفها قلتا ليها: وعدتك برجع ليك بعد رمضان وبجيب ليك العيدية ووعد المؤمن دين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ إتونسنا، كلمة، إتنين وجات طاريت الكورة أنا بشجع تشيلسي دروقبا، لاعب كورة في تشيلسي قامت قالت ليا: عيديتي ليك!!!!!!!!! أمشي أدخل النت وشوفنا، إحنا بنات قارتك وبلد الأفيال المنها دروقبتك، بس ما تمشي تلوح رقبتك .............. قالوا: كل يبكي ليلاه.. والناس تتصارع والمبارة النهائية والحكم منحاز ومصر والجزائر، وأنا؟؟ كان همي الأول والأخير.. الفيل الأفريقي.... ما السمحة قلنا من هناك... إنتهزتها فرصة وقلتا ربك يا بابكر سهل ليك أمر كنتا ناسيهو من زمن،، إتذكرتا السمحة وقلتا يلا نضرب ليها تلفون.. إشتريت كرت بقيمة خمسين درهم، يعني يكفي حق مكالمة لفترة 20 دقيقة بالكمال والتمام مع الطرف الشمالي من الكرة الأرضية.. إستعدلتا في القعدة وعمرتا رأس تفاحتين للشيشة (علامتهو تفاحة واحدة خضرا وتفاحة حمراء) وولعتا الفحم.. في لحظة فكرت في جمع الأمور على المنوال دآ وكيف قدرت الخالق وافقت ما بين الجمرة والتفاحة الخضرآ، لقيت أنه الجمر بيبقى ذي قالب التلج مقارنة بحرقة الشوق البيا لسماع صوتها وأنه التفاحة الخضراء المرسومة في الصندوق!! ذابلة بالنسبة لي إخضرار وجناتها.. إسترخيت وأنا أرتجف رهبة من كيفية بداية الحديث بعد الغيبة المفروضة دي، يديني عرقانة وقلبي التقول دق النوبة في ساحة حمد النيل.. متشوش ولكن بلذة، مترقب ولكن بتفاؤل.. وأنا في حالتي دي والتلفون لساتهو في يدي أسمع صوت "يس yes"... هو أنا تاريني ضربتا الرقم ولا أدري... قلبي فحآ، لساني تلعثم، أطرافي تجمدت.... آ آ آ آ، وأحاول إقتلاع الحروف من دأخل أحشائي وأستغيث بالكلمات أن تخرج لتنجدني ولا زالت ال؟! آ آ آ آ، تتلاحق وفجاءة.. أسمع صوت التلفون توووووووووووووووووووووووووت قررت بعدها مراجعة الطبيب النفساني عشان يلحقني بحباية فاليم، تهديني وأنوم بعدها، على أن أعاود المحاولة مرة أخرى باكر.. إضافة:: إتصلت باكر لكن أترايهو كان الرد عليا أمس ما هي.. كانت زميلتها في الغربة وقالت ليا أنها سابت البلد وخلاص نهائي سافرت بلدها "للفيلة" [youtube]https://www.youtube.com/watch?v=Cr24SF7-XwU[/youtube] |
جيتكم تاني بعد قلبتا في دفاتري...
بيقولوا أنه الإسلام دخل السودان بطريقة هادية وحضارية، هم دعاة وفقهاء (عبد الله بن السرح دآك نخليهوا لأنهم دخل السودان بي حرابة وفرض عهود "دي بخليها لي أهل ناس كوش ).. المهم في الناس ديكآ، قطع شك هم جوا والواحد شايل مخلاتهو جغمة مويتهو، آها لاقا الناس هنا ورحبوا بيهو سكنهو وأكلهو وشربهو والأهم سمعوا كلامهو... إتجمعوا "تحبشو" حوالينهو وذاع صيته وتوجه نحو آخرون.. ِيبدا سكنن أو مسيدا أو حوش أو غيره "المهم أكبر من القطية بتاعت شيخ الحلة"... بدت الناس تجيهو تتعلم وتقرآ ويمكن تكتب وزاد الإعجاب وبدت العطايا لمساعدته في توفير ما يلزم للوفود القادمة "المحبة".. وبدآ الأمر (ما بقول ذي حافظ الأسد، وراثة) لكن برضهو شكل من الأشكال الياها... مهو ذي ما السياسة تتورث برضهو العلم "على وجه التحديد الفقه" يورث.. وبدت ال"الفراشات" تملآ الحفاظات وبدت الملابس تأخذ نوعا مخالف "ما هي صوفية ما جهادية" وبدت البشرة التي حرقتها شمس رحلة الهجرة الي أرض المجهول تتغير بعض تنعمها بظل المساكن وحتى المسكان بدت تتغير ملامحها، فالمروحة كانت بالاول وبعدها مكيف الهواء المائي والمكيف الشباك واحد طن ثم 2 ونص طن والإسبليت ثم المركزي والمركزي قوته بالأطنان وما هو طنان ويحتاج لمساحة أكبر يمكن أن تكون فيلا من طابقين أو أكثر... قصة بدت رحلتها من شغف الصحراء المفغر الي برودة المكيفات بزمهرير وختامها حسب الحسابات............... الجنات والقصة كلها "جينات" .... أها نعيد قصتنا مع شيخ التيكس ;););) ___________ شيخ صوفي في عمر لا أظنه وصل الأربعينات، جميل المظهر، طويل القامة، يلبس دوما جلباب أبيض ناصع البياض يضاهي بياض أسنانه التي يظهرها بزهو وتفاخر ويضع على رأسه قطرة على النهج المتبع هذه الأيام من علماء الدين وأحلى ما فيه نعاله الذي ينتعله، لا أقول شبط أو شبشب ولكنه راقي لدرجة تختف الأنظار وتضع تساؤلات وتساؤلات عن ما هذا الشئ ومن آي أرقي بيوت الأزياء أحضر. أول مرة رأيته فيها كانت في بيت عزاء. جاءت عربة مرسيدس آخر موديل، مظلل زجاجها لا ترى من بداخلها ولو بالأشعة الحمراء. ومن تلك العربة بعد وقوفها على بعد سنتمترات من صيوان العزاء، قفز رباعي من زينة الشباب بطريقة كأنها لرجال أمن درسوا فنون التغطية في الأف بي آي. واحد فتح الباب الأمامي والثلاثة الأخرين شكلوا هلالية صلبة حول شاب (شيخي الصوفي الشاب)، خلع الشيخ نظارة كان يضعها. وبحركة خفيفة وسريعة التقطها واحد من الهلالية حين ناوله آخر نظارة متعارف عليها بإسم نظارة شمس (مع تجوالي في العديد لدول العالم ومشاهدتي الطويلة للأفلام لم أرى لها مثيل، النظارة هي نفسها كانت تضئ كأنها شمس في ذاتها) وفي حركة؛ لا أبالغ إن قلت مسرحية، ناوله أخر الجوال ووقف الجميع من التيم الذي معه من الحراك لأن (شيخي الصوفي ) قد بداء محادثة هاتفية. لم تكن إلا كليمات قليلات كما بدت لي، وإلا ومن وسط الجلوس في الصيوان برز شاب أخر يماثل شيخي طولا ووسامة ونضارة، يضع طاقية بيضاء تميزها خطوط بيضاء لامعة نسجت بأيدي محترفين في أجمل أشكال التطريز (لاحظت أن رأسه حافي من القطرة التي؛ علمت في ما بعد أنها خاصية للزعامة في عرف صوفيتنا الجدد) تشابكات يد شيخي الصوفي مع يد الشاب الأخر (علمت في ما بعد أنه يأتي في المرتبة الأولى التي تلي شيخي الصوفي في هيكل الجماعة) وبصورة جميلة إستعرت إنتباهي مع الأخرين من الفراجة، قبل (من قبلة) كل واحد يد الأخر خلال تشابكهن الي درجة تلاصقت فيها الجباه وتكررت التحية المميزة مع الرباعية الهلالية. للشخص مثلي يرى هذا المنظر لأول مرة لاحظت أن هنا فرق في الطريقة الحديثة (على ما ارى) فيما تمت بالنسبة لشيخي وللأخرين، كأنما لشيخي كانت من لزعيم في حين للأخرين كانت لتابعيين. هذا الحدث أثار فضولي. تلفت حولي وسألت واحد من أصحاب العزاء قائلا: يا أخي أنا كنت قايلو واحد من ناس الحكومة الكبار وديل الحرس الخاص بتاعينو الإجابة كانت حافزا لي لمعرفة المزيد عن هذه الشخصية الهلامية (شيخي الصوفي) قال: يا أخي دا شيخ الأمين، شيخ الطريقة !؟!؟ ما بتعرفو قلت: لا والله قال: طيب يا صاحبي ما سمعت بي شيخ التشيكس ولمعرفة المزيد عن شيخ التشيكس سألت ولم أحتاج أن أسأل سؤال ضهبان لأن العديد من الأمهات و الأباء تطوع بتعريفة، منهم من بكى بالدمع السخين لإنطماست ولدو ومنهن من شكت لطوب الأرض عن إنشغالة بنتها. فأبنائهم حيرانه (تباعه) وبناتهن من حيرونياته (وأخاف لزوم التأنيث؛ تكون حورياته) وبمأني أملك أنف شرطي (سابق)، تملكت بعض من المعلومات وعلى ذمة الرواة ومتطوعي المعلومات خريج جامعي ودا الكلام الوصل مسامعي مستقيم في أخلاقه من الصغر، قلبو حنين ما حجر عابد وخاشع لي إسم الله دايما رافع محب لنبيه الكريم، داعي للتمتع بذكر اليتيم تشوقت لحضور حلقة من الحلقات التي يقيمها، ولما كنت لا أعرف المكان فقد ذهبت في صحبة إبن أختي وهو من حيرانه وإستحبطت مع إتنين من بنات أخواني وأخواتي أعمارهن 19 وعشرين. إبن أختي هذا!! أبوه من الأباء إياهم (البكايين). وعند الموعد جائني وعلى غير عادته لم يكون بالجلابية (جناح أمجكو،، بتاعتنا الأنصار) أو الزي الأفرنجي، جاء بجلابية تشابه جلاليب الأنصار (أحد المصريين الظرفاء قال عنها _ رايح قايي ، لأن بها جيوب من الجهتيين، الامامية والخلفية وعليها خياطة معروفة في السودان بي شكل الحربة،،، ما ناس دواس وهي تلبس حسب الجهة التي تصدف = هذه الخاصية يقال أنها بقصد أن يكون الأنصاري دوما جاهز ولا يتأخر في إرتداء ملابسه في الضلمة أو النور) لكن الجلابيبة لونها أخضر والحربة بتاعتها حمراء. ( في كتابات كنت قرأتها أن اللون الأحمر كان محببا عند الرسول "ص") وملفحة صغيرة خضراء، الشاب كان منتشي تذكرني بالنشوة التي كنا نعيشها ونحن في طريقنا الي الديسكو أيام الشباب في براتسلافا (فرق ما بين الحضارات وتشابه في الإحساس) كان يسوق عربة خاله المستلفينها بي سرعة، يبدو أننا تأخرنا عن شئ هام؟؟؟؟؟ حين وصولنا عرفت السبب وبطل العجب، جئنا متأخرين على طابور التمام، ما الشيخ كان في وسط حلقة من الشباب، لكن هذه المرة لم يكونو مثل أولائك من أصحاب البنية المخصصة لأهل الحراسه. كانو شباب خفيفي البنية (يحلو لبعض السودانيين إطلاق لقب حناكيش على أمثالهم) جميلي الطلعة، تهجم من كل واحد منهم لفحة عز وترف، ليس بينهم من تشك في أنه لم يتناول وجبة دسمة مغزية، تطيب باللحوم أبيضها وأحمرها ولو كان هناك لون أخر لكان محسوبا. أول شئ فعله إبن أختي، أن خلع نعاله بسرعة تشابة الطريقة بتاعة الكوبويات في نشل المسدس من جرابو (مع الفارق طبعا، داك وسحان ومكتح ودا مستحمي ومتريح ومستريح) ولفت واحد من شباب الحلقة فأفسح له مكان. والبنات الكانو معاي مشن الي مكان مطرف حيث وقفن مع الحوريات... حلقة الذكر تقام في مكان فسيح، الدخول اليه من زقاق ضيق كبقية أحياء أمدرمان القديمة، عرض الزقاق لا يتجاوز مترين ونص وطوله قرابة التلاتين متر، راس الزقاق شارع ظلط ونهايته بيت مازال تحت التشييد وهذه أيضا خاصية احياء أمدرمان (تدخل في الزقاق وتلقى نفسك في حوش أحد المنازل). الفسحة مضاءة بكشافات تفتقر لها أندية رياضية في الدوري الممتاز وتتوسط كل من البيت التحت التشييد ومنزل أخر لابأس بشكله (نسبياً بيت حديث إذا أُخذت هذه المنطقة كمعيار لنوعية المنازل) وعلى شرق الفسحة (مكان الذكر) منزل فخم بعدة طوابق، إن قلت بيت أكون ظلمتو وإن قلت فيلا ما بكون أديتو حقو، لكنو جميل وأنيق وقيافة ذي سيدو. أمام هذا المنزل من الناحية الشمالية فسحة أخرى؛ في مساحتها تقارب حلقة الذكر (أو صالة، ما بيقولو شيخ الجيكسي أو التشيكس كما يحلو لي كتابتها وبما أنو الحكاية خاصة بالتشيكس فتبقى حلقاتهم؛ صالات ذي الديسكو). في الطرف الجنوبي للحلقة مستطفين مجموعة من الشباب بجلاليبهم الخضراء تلاتة منهم شايلين طييران (جمع طار) وإتنين محملين بنوبات متوسطة الحجم، أقرب للصغيرة؛ ما ذي البشيلوها بتاعيين نوبة طريح الشيخ حمد النيل، ما ديل شباب (حناكيش) وديك ناس التقال؛ مع هؤلاء بين تلاتة الي أربعة مداحيين ويظهر للناظر من الوهلة الأولى أنهم مستوردين (يعني ظاهر أنهم ما من المجموعة المصطفاة من الحيران) وبجانبهم الشاب الأنيق من يوم العزاء والبفتكر أنو نمرة إتنين في الهيكل الهرمي للجماعة وأمام هذه المجموعة وقف الشيخ بقامته الطويلة وهذه المرة، لابس جلابية حمراء اللون في شكلها مثل التي يرتديها الجميع ويضع شال مطرز جميل أحمر على كتفه ورابط وسطه بقطعة قماش حمراء اللون لم أستطع تمييزها إن كانت شال أو غيره. بداء الشيخ الحديث من خلال ميكرفون غير موصل بسلك (cordless) ليسهل الحركة خلال حديثة، فالشيخ كان دايم الحركة. قال الشيخ حديث كثير يتخلله بصورة مستمرة أو دعني أقول بعد كل خمس الي ست كلمات الدعوة للصلاة على النبي (ص) وتحدث عن الأخلاق والطاعة للأباء وكانه كان يعلم أن بعضهم بكى بالدمع السخين لإنطماست اولدوم وكان يأمرهم عن الإبتعاد عن التدخين والخمر وأصدقاء السؤ (شئ جميل حقيقة) ولكني طوال تواجدي هناك والذي دام الي قرابة الساعتين ونصف لم أسمع شيخنا يتحدث عن طاعة الأمهات (هاكم يا الجندرجية) واللأئي شكين لطوب الأرض عن إنشغالة بناتهن. لم أسمع الشيخ يحث الشباب على العمل لرفعة الوطن ولم أسمعه يحرضهم على حب الأخرين غير مجموعتهم (لا يؤمن أحدكم حتى يحب لأخيه ما يحب لنفسه – هذا الكلام لعامة أمة الإسلام يا المليارديرات). بعد محاضرة تناول الشيخ فيها العديد من الأمور، منها الفقة وكان يتحدث كأنه واحد من علمائه والأدب وكأنه أحد دهاقنته وحتى عن المخدرات وهذا شجعني أن أطلب من إبن أختى بإمداد الشيخ بواحدة من إصدرات (إنسان) ليقوي معرفته في هذا المجال. بعد المحاضرة بدأت رحلة التلاحم الروحي (الذكر يسرح بك في دنيا تتلاحم فيها الأرواح والأذهان وتتهتز فيها الأجساد فتنفض عنها الأعياء والهموم) بداء العزف هادئا وكان الشيخ يطوف على كل أنحاء الحلقة الي أن وصل الرتم الي أقصاه. بداء الشيخ في التمايل وبقامته الطويلة كان حقا مبدعا. رأيت جيمس برون والفيس برسلي في السينما وحتى على المسرح ولكن الشيخ فاتهم في الحركات، لأنه كان يتمايل بعفوية نابعة عن إحساس، كانت متعة للناظر وليت كانت مع كاميرت فيديو حتى أصورها لأعيدها في اليوم الف مرة لأنها كانت فن وطرب وعجب. كان يلاحق الشيخ شاب يسير بخلفه حين يخفف من سيره ويهرول خلفة حين يسرع. كان حين ينجذب الشيخ في إهتزازه يضرب على كتف شيخه بحنية، تبدو وكأنه لايريد أن يؤلمه ولكنها كانت كافيه للشيخ أن يخفف شةية من إنجذابتو. المنظر في كامله كان بالنسبة لي؛ إما هو مسرحي متقن أو عفوي صادق. الذي دفعني أن أعتقد بأنه مسرحي أن الكل يتصرف حسب خطة موضوعة، إذا الشيخ رفع رأسه يرددون قولاً وإذا رفع يده اليمنى يفعلون شيئا معينا!!! أتمنى أن يكون مسرحيا، لأنه لوكان عفويا فهذا يعني أن للأباء لهم الحق في الخوف على أبنائهم وللأمهات السلام على بناتهن. فهذه مرحلة خطرة في التبعية أن تصل مرحلة إشارة من عصاة ليأتمر الإنسان بفعل شئ أو القدوم على عمل دون إرادته. From London and still Al-Sheikh in my memory سامحوني على الأخطاء الإملائية.... ما بين الفكر والذكر يشغل الإتنين موقع هام في الإستجابة من الإنسان، الذكر فيه ترويح ونشاط وتذكر في المقام الأول للمولى عز وجل ونبيه الكريم (هذا هو المفروض والمعروف عن حلقات الذكر) والفكر تنشيط للدماغ والتمتع بمعايشته من خلال إبداعات المفكرين؛ كان ذلك من أفكارهم السياسية أ, العلمية أو الأدبية الي آخره. وبما أن للإثنين أثر مباشر على الإنسان تكمن خطرتهم كذلك. أي طريق يذهبان وما هو المقصود من كلٍ. كارل ماركس مفكر وبفكره خلق ثورة في العالم، جون بول سارتر مفكر وبفكره أوجد نظرية عاشت لفترة طويلة في العمر وحتى عمرو خالد مفكر، خلق لنفسه شعبية وسط بعض من البشر. كما لا يفوتني!! الشيخ حسن الترابي فكر ومهما إختلف الناس في فكره، إلا أنه وصل الي جزء من مبتغاه وسُرق فكره وأثمر عن ما يصيب السودان هذه الأيام. أذكر وأنا في القاهرة (أوائل أيام الهجرة القسرية) كتبت كلمات(قافية الكلامات كانت بدايتها باللأف وإنتهت بحرف الياء) وسميتها من الألف للياء قلت في مطلعها: إحنا الراح حقنا إندفن حينا إتوارى فوق تراب والجبهة طالعة رقاب طالقة فينا كلاب نبيحا يملاء الحتة لونا ذي الزفت ا ريحتا متل الروث فطيسة وكايسة بعوث دا غريقنا لفحو الموج وداهو حد التوج (البشير في أول لقاء إذاعي له قال: إحنا جينا ننشل جنازة البحر. صدق بأنهم نشلو البلد في ليل ونشلو مال البلد في عز النهار) الم يكن الترابي هو صاحب فكرة الإنقلاب الإنقاصي؟؟؟؟؟؟؟؟؟؟؟؟؟ إذن ذهب كل مفكر من هؤلاء في طريق ليوصله الي المقصود وصل بعضهم في حياته الي مبتغاه وفشل بعضهم عن نيل مبتغاه. والذكر حلقات كما ذكرنا المقصود منها؛ ذكر المولى عز وجل ونبيه الكريم. وفي حلقات الذكر؛ تُدق النوبة ويقرع الطار للذين حضروا حلقات الذكر لابد وأنهم شعرو بدق النوبة داخل أحشائهم وكانت تعجبني حلقات الذكر التي كانت تقام عند طريح الشيخ حمد (يروى أن الشيخ حمد كان عالما جليل وعلى خلاف مع سيدي خليفة المهدي. دفن الشيخ حمد في مكان قرب النيل. ويقال أنه ذات مرة إستيقظ سيدي خليفة المهدي من نومه مفزوعا، مع بداية فيضان النيل وقال يا حمد !! النيل، وتم نقل رفات الشيخ من قرب النيل الي مكانه الحالي وبعدها بأيام قلائل غطى النيل المكان الذي كان مدفون فيه جثمان الشيخ حمد ومنها سمي حمد النيل وحسبت من بركاته،، الله ونبيه أعلم عن صدق الرواية). كانت تعجبني تلك الحلقات فقد كان يؤمها جمع غفير متنوع من البشر، رجال ونساء، شيب وشباب وحتى أطفال محملون على أكتاف الكبار من الذكور أو على أجناب الكبار من الإناث (كم حمولنا وكم حملت نساؤنا صغارنا على هذا النحو من أيام) كان يحضر تلك الحلقات أجانب من الدبلوماسين والسياح بأشكال مختلفة متباينة، منهم المعتدل الهندام ومنهم الوجوديين (الوجودية، فكر بول سارتر)، هكذا كان في زماننا يطلق على هييبزاليوم. إن دق النوبة وقرع الطار مصحوبين بضرب الصاجات يشابه أو ربما هو الأصل للموسيقة التي يهونها. كنت أذهب في عصرية الجمعة الي ذكر حمد النيل غير ممتلئ البطن خوفا من الإسترجاع، فالنوبة حين تدق تحس بها تقلب أحشائك وتحس بقلبك يقفز من كانه خائفاً، هارباً يبحث له في أحشائك عن ملاذ (الحبيبة ملاذ؛ سلام ف {ذكر} إسمك قد ورد). غريب أمر النوبة؟ من يضربها تجده هادئا، سارحا في ملكوته، عائشاً في زهو وكبرياء كانه يعلم أن قلوب الحضور جميعها قد وجلت وأخذت في الهروب من أماكنها الي الأحشاء. أما النوبة في ذاتها فهي لاتتجاوز في دائرتها نصف المتر وهي غالبا من صفيح أو كبرميل خشبي صغير مفتوح من الجانبيين، مثبت على جانبيه جلد مدبوغ لدرجة أنه في سمك ورق الصحف. يضرب على النوبة بقطعة صغيرة من الخشب ومع هذا فهي حين تُضرب تهز الأرض تحت الأرجل، مع مراعاة أنه أغلب الأحيان الأرضية هي من التراب وللتراب خاصية تشابه قدرة الجدارعازل الصوت، تصور معي قدرة النوبة في خلخلة مكونات الجسم من الكتيرونيات وأيونات ونيترونات وحتى من فلذات. تساعد النوبة في أن تتملك زمام الأمر في حلقة الذكر؛ صاجات نحاسية بحجمين. واحد من الأحجام مكون من صاجتين يمسكهما العازف (فلنسمه العازف، لأنه حقا يعزف بمهارة وقدرة تشابه قدرة محمدية في عزف الكمان) كل صاجة على يد، والعازف تراه في حجم إنسان عادي ولكنه حين يضرب بالصاجتين معاً؛ رنينهما يكاد يفوق صوت إطلاق صاروخ موجه الي السماء ليصحبك معه في رحلة تطوف حولها الكون في ثواني وكانك على البراق وعادة يكون عدد العازفيين واحد أو إثنان على أكبر تقدير. أما الصاجات الأخرى فهي صغيرة الحجم يتلاعب بها العازفين فتصدر أصواتاً تشابه تغاريد العصافير فوق الأشجار وقت المغيب لتخلق خلفية يعجز اللسان عن وصفها والقلم عن تصويرها ولا يسعها قرطاس لإبدائها. وللإبداع في هذا التفنين فهذه المهمة موكولة لعدد بين أربعة الي خمسة أفراد. وهناك الطار الذي يتملكه المنشدين ما صغر أو ذاد عددهم. فكل واحد يمسك طاره كما الجندي يمسك سلاحه بكل عزوة وإفتخار، يضرب على الطار ليضيف على النوبة سحر ويضربه ليشد من عزم الصويجات (الصاجات الصغيرة) وليكون وقود الدفع للصاجات الكبار، يعزف الطار في في شكل يشابه النشاز لدقات النوبة (خلفة) فيخلق ذاك سحرا سرمديا وطيفاً في بقائه أبدياً (هذه الكلمات تشابه قول أخونا عصمت العالم {حقوق طبعك محفوظة يا أبو الوليد}). وحلقة الذكر لها شيخها كما له ملازميه الذين يساعدونه في إدارة الحلقة {الصالة الرحبة المغطاة بأقوى إضأة فالشمس هي إضائتها وأقوى مكبرات صوت فالنسيم العليل والهواء الطلق ينقل الصوت ويزيده صفاءاً} أما حلقة الذكر عند ضريح الشيخ حمد النيل فلها سيدها؛ حبيبنا الزبير، ذاك الشاب الأسمر، طويل القامة، ببسمته العريضة ليفرج عن فلجة لتزيد شكله حلاوة، تطمئن الناظر وتفرح العابس. كان سيد الحلقة يلبس جلباب الدراويش (جلباب قصير يظهر من تحته سروال حتى كعب القدم) كاشف الرأس، حافي القدمين. كان الزبير حين يطرب ينظر الي الأرض كأنه يغوص فيها يبحث بترولها الذي نهبه الأقزام، يدور الحلقة مرات ومرات دون أن يرفع رأسه وللذين يعرفونه فقد كانت هذه هي طبيعته، حتى حين يسير في أزقة أمدرمان وعلى وجه الخصوص حي السوق وحي الشيخ دفع الله. شيخ الزبير هو راقي في تعامله، مبالغ في تأدبه. كان سيد الحلقة - شيخ الزبير يطوف هكذا في الأوقات الأوائل من بداية الذكر قبل أن يحمي الوطيس, فحلقة الذكر لها طقوس تشابه أرض معركة حربية. البداية هادئة يتحسس فيها المحاربيين مواقع أرجلهم وحين يتأكدون من ثباتها يبدء الهجوم. كان سيد الحلقة يعمل بنفس هذا التكتيك هدوء ودوان في صمت وفجاءة!! دون مقدمات يبداء في اللفافان حول نفسة، مثبتاً قدما واحدة على الارض. يستمر على هذه الحالة لمدة ساعات من حلقة الذكر، تشعر به ثابتٌ كالهرم ولكن الأرض هي التي حوله تدور وكأنه يثبت نظرية الأرض تدور وحول الشمس تدور. في قصة حدثت لي أخر أيام عملي في الشرطة السودانية في السبعينات وقبل هجرتي الأولى لدولة الإمارات. في مساء يوم 26 يوليو 1977 كنت في كشف المرضى، فحوصة الكلى كنت في حركة وكنت في ألم شديد. أنا في تلك الحالة تم إستدعئ لسد خدمة (إستعداد!! وما كان أكثره أيام حكم مايو. ملحوظة: أقل مئات المرات من أيام الإنقاص) في القسم الشرقي حينها وكان ذلك لطفاً من قادتي في المباحث المركزية؛ حتى أكون قريبا من بيت الوالد حيث كنت أسكن عنده. في حوالي الساعة الرابعة صباح اليوم التالي، ونحن في نتبادل الحديث مع بعض الضباط وصف الضباط (شاءت الظروف أني كنت أعلى رتبة (نقيب) في القسم وقد الحق بالقسم ضباط أخرين من إدارات مختلفة منهم وعلى وجه الخصوص، أذكر ملازم أول الشهيد قسم الله وأيضا الرائد موسى من وحدة الكلاب البوليسية (مع أنه أقدم رتبة، إلا أنه رفض تسلم القسم (يعني وقعت في رأسي، مع أنه لم ينقضي على تخرجي من كلية الشرطة سوى أسابيع). ونحن نتجاذب أطراف الحديث والمعلومات من صف الضباط القدامى وإلا نسمع ما لم يكن في حساباتنا. مع العلم بأن سبب الإستعداد: تحرك جماعات مسلحة في أطراف العاصمة؛ كان الذي سمعناه بالنسبة لي أمر جديد، أما لصف الضباط القدامى والذين بعض منهم عمل في الجنوب والغرب كان صوت واضح المعالم. عرف الذي يحدث أحد قدامى ضباط الصف وقال: يا جنابو دا سلاح أوتماتيك وإحنا عندنا ماركة أربعة (وهي البندقية العتيقة ولا حتى شبية بنصف أوتماتيك) أحسن نجمعها وأي زول يجينا نسلم القسم. كانت هذه كلمات شاويش السلاح وكان هو أكثر المتحدثين في ندوة ما قبل الأمور تسخن. بالنسبة لي فأنا جديد في الشغلة وشاويش السلاح كان فرض نفسو علىَّ حلقة تجاذب الحديث وافقته حتى قبل أن يكمل حديثه وبدأنا في جمع السلاح، أذكر الشهيد قسم الله كان مجهز بعدة الشغب وعلى رأسة خوذة حديد. كنت دوما أعتقد بأنها تحمي الرأس حتى من الرصاص (لكن ثبت غير ذلك)، أما العبد لله فكنت أضع على رأسي (كاب) الشرطة والذي كنت قد حصلت عليه هدية من مصر (لزوم القيافة) وعلى كتفي دبابيري التلاتة ذي عدد بناتي (ربنا يخليهم). لا اطيل في السرد فبعد دقايق وإمكن ما ببالغ لو قلت ثواني والمكان بس حولية ولا مولد ولا ذكر ولا زار ونار ولا جهنم ذاتها إتفتحت، لم أفق من ذلك إلا على صوت (صديقي ما طبعا بقت صداقة وأكتر من خوة للقالو ليا) شاويش السلاح يهمس في أذني: يا جنابو أقلع الدبابير (هو معقول وديل وهن بناتي التلاتة!! مع العلم أنو بناتي لسة ما كانو إتولدو، لسة ما كنت عرستا، لكن عاجباتني وفرحان بيهم قبل يجوا في الدنيا) والله في لمحة بصر أو رمشة عين!!! لا دبابير ولا أصبليطة فاضية حتى، بس التقول ديجانق (الكاوبوي) في السرعة ما كان نافسني. (في واحدة تاني جاية). المهم كنا محتجزين لحدي العصر وبعدها جات دبابة عرفت في ما بعد من الشجرة وكان فيها ضابط جنوبي، قصفت مبنى القسم الشرقي ورفع عنا الحجز، حاولت الإتصال بقيادة الشرطة عشان يوفرو لينا ترحيل من المنطقة دي وما كان هناك غير سبيل واحد، هو أن أتحرك وأجيب عربات نقل من رئاسة المباحث التي كنت أنتمي اليها (طبعا دا كلو حسب نصيحة من هم أقدم مني في الخدمة من أنفار وصف ضباط وضباط). وافق الرائد موسى أن يبقى في قيادة القسم الي حين عودتي وهو كان قد أصيب في قدمه ونتج عنها أنه لجن (أحيل للتقاعد) شقاوة وطلاشة مني بس أني مشيت، ذهب مع الملازم أول قسم الله وكأنه كان على موعد مع قدره، ذهب ليسلم روحه الي بأريها، ذهب بي شبابه وحلاوته وعظم خلقه، لابد أن هناك نفر كثير يعرفه أكثر مني ولكني أحببته، كما بكيته (رحمه الله رحمة واسعة). ذهبنا في سيارة ملاكي كان يقودها وكيل من جهاز الأمن إسمه وراق وهو من أبناء توتي حسب ما عرفت لاحقا وهو الأخر إستشهد في ذلك اليوم أو تلك الليلة المظلمة. كان الحادث أن السيارة تعطلت بنا أمام دار الهاتف وعرفت لاحقا أنه المكان الذي كان تتمركز فيهو مجموعة من شباب الأخوان المسلمين الذين تلقو تدريباتهم في ليبيا وجاءوا لإزالة نظام مايو، أسم واحد عرفت أنه كان من بين هؤلاء (غازي صلاح الدين العتباني) إذن يداه ملوثة بدماء الشهداء قسم الله ووراق الطاهرة. من هذه العربة خرجت أنا وفي النهاية عرفت أن بالسيارة كان هناك أخرين فيها، أين ذهبوا حين الضرب الله وهم أعلم والشيخ سيد سبحة اللالوب. ملخصه: عدت صباح اليوم التالي الي مكان الحادثة وكان شكل العربة (السيارة) أشبه بلغربال والدماء عليها تزيدها قتامة وكأبة وخوف وحزن. تفحصنا المنطقة وتلاحظ وجود رجل شايب يجلس تحت شجرة أمام وزارة الزراعة التي على بداية الشارع تقاطع الجامعة وكان هذا الرجل شبه غارق وسط كوم من سبحة لالوب، ذهبنا اليه نسأله إن كان هناك ليلة البارحة السوداء، فأجب: دا محلي الأنا فيهو قاعد ديمة وفي مغارب أمس جات العربية الشايفينها دي، سمعت صوت نار وقريت للفيها ربنا يغتيهم؛ بس الضرب كان شديد شفت إتنين مرقو وقلت خلاص ربنا إستجاب لي دعاي، لكن بعدها شفت الباب القدام إنفتح ووقع منو زول ما بيتحرك، قلت خلاص يرحم للباقيين لو فيها تانيين، سمعت ليا صوت قال ليا الفيها محجبين وبمرقوا. هنا قلت ليهو أنا كنت فيها والوقع داك كان الوكيل وراق وإستشهد ولكن معاي كان الباقي في العربية الملازم أول قسم الله وهو برضو إستشهد في إيديني. كان رد الشيخ الغرقان في لالوبو: إتا من وين ياوليدي؟ قلت من الغرب وبرضو أهلي رباطاب. رد بي بسمة لازالت مرسومة أو منحوتة في ذاكرتي: ناس الغرب بيعرفو الكتابة والرباطاب فيهم الصلاح. لم أخذ قول عمنا سيد اللالوب على ضمان فحتى اليوم أخاف إبرة طبيب الأسنان وركوب الطائرة فالموت حق وإن طال الزمن. قصة السرعة ما قلت قبيل (في واحدة تاني جاية) في تلك الليلة المشئومة وبعد أن هدء ضرب النار على العربية (الغربال) خرجت وتلفت شمال ويمين، المهم كبرت ولي جسمي صغرت وقلت هوب. المسافة بين مكان الواقعة ووزارة الثقافة والإعلام حوالي متين متر وسور وزارة الثقافة والإعلام علوه حوالي إتنين متر، بدون مبالغة من قولت هوب ودي أخر حاجة متذكرها (يعني غمضة عين وفتيحتها) وأنا كنت داخل المبنى وبندقية حرس الوزارة في عنقي. (تقول ألعاب أولمبية وبطولة العالم للجري والقفز العالي، كان تشوفني لو قدرتو من السرعة المبالغة، ما النفس غالية لكن برضها ماشية). القصة دي الطويلة وسببها موضوع شيخ التشيكسي وقولو ليا كيف؟؟؟؟؟؟؟؟ عرفت من الحنينة حنو؛ بأنه تم إتهامي من شخص أني خرجت عن دستور سودانيات (دستور ياسيادي والسماح إن كان إتطاولنا) وحبيت أعرفْ أنوُ إحنا برضو ناس غرب وبيعرفو الكتابة ورباطاب وفينا الصلاح. لكن المهم أنو كتابتي دي (عشان الناس ما تزعل) شيخ الأمين لست القصد منها إلا عكس لشئ حادث في السودان، كما أني لم أخفي إعجابي بالتجربة وأني أبديت ملاحظاتي عن السلبيات، ما أصلو أهلنا علمونا قولت الحق ولي سودانيات التي هي في حدقات عيوني الإتنين أنا إستأذنتها وقلت في آخر البورد {إذا ما كان في سودانيات سعة صدر} ومجددا قولو ليا كلامي دا فيهو خروج من النص ولا ياهو الكلام العادي البتقال؟؟؟؟؟؟؟؟ كلمة بس أقولا: الدين دين الله وكل الناس عند ربه سواسية (الحمد ليك يا الماك سر زول) وان الذي عند الناس هو من عطاء الله؛ إن كان علماً علموا وأفادوا به عباده دون أجر أو جزاء، فأجرهم عند الله يوم الجزاء العظيم وإن كان مال وجادو به على عباده دون منةٍ ولا زل، فخزائن الله تفتح لهم يوم الجود العظيم وإن كانت السنتهم ذكرت خيرا فخيرهم مرتجى يوم لا خير إلا خيره وإن ذكرت شراً أو مكرو فهو مردود عليهم يوم الحق حقه وهو خير الماكريين. أوعدنا يارب وأعطنا يا الله من جزيل إحسانك سوابك وأعفو عنا يا حنان. (إنك أنت الحليم التواب الحنان يا حنان يا منان، يا حنان يا منان، يا حنان يا منان يا متعطف يا رءوف يارحيم) من راتب الإمام المهدي عليه السلام.... مصر المؤمنة، مدحة لا توصف بالكلمات العادية فهي في ذاتها غير عادية، كتب كلماتها شيخ غير عادي في كتاباته فهو غير مسبوق عليها في طريقة صياغتها، الكلمات فيها بالعامية، مستساغة في الفهم، سهلة في التقبل، سلسة في الأداء. الشيخ عبد الرحيم البرعي أحبه الناس وإعتقدو فيه، يزوره خلق في زريبته في حياته الطويلة عطاء والقصيرة في فترة الإمتاع الذي أعطانا ولم نشبع منه ولا أظن أننا كنا لنشبع . كان للرجل أن يعيش أطول ليثري مكتبة المديح بالمزيد من إبداعاته. هذا شيخ من شيوخ أخريين صوفيتهم هادئة بلاضوضاء ولا صخب، عاشوأ بالكفاف، أوقدوا نار زريبتهم من العدم فجاد الله عليهم بالمحسنين من عباده لتستمر هذه النار ترشد الضال في الطريق والضال عن الدنيا. الشيخ عوج الدرب (عوجلو الدرب) إسمه يُعرف هويته فكان صاحب موقع إختاره في خلاء واسع وأشعل ناره، فأضاءت سماء المعرفة وأوقد ناره ليدل الضاليين في طريق السفر فكانت محطة كم من مسافر ريح فيها وإستراح في في راحة الكرم والعطاء. شيوخ كوتار كان ترحالهم بالدواب يقصدون أهل المعرفة الأكثر منهم ليتلقوا عليهم دروس العلم والفقه. شيوخ كثر إستقروا في أماكن جديدة عليهم، زادهم كان العلم وجاههم كانت المعرفة، فحلوا أهلا في ترحالهم وأقاموا سهلا في أرض الله الواسعة. أفادوا الناس ولم يستفيدوا إلا رضاء الله عليهم وحب الناس لهم. عشنا في هذه الدنيا وعرفنا عن شيوخ خلدهم التأريخ وأكرمهم الله وعظمهم الناس، لا لشئ إلا لتواضعهم وزهدهم الصادق عن متع الدنيا، طامعيين في غفران المولى عز وجل ومحبة نبيه الكريم. عشنا أيضا لنرى شيوخا غير ما كنا نعرف، إستهوتهم الحياة فاصبحوا من روادها وأغراهم المال فأصبحوا من جماعه وفتنهم الجمال فأصبحوا من المتلذذين به. عمرو خالد صاحب البرنامج التلفزيوني، كم من المال يدفع له في الحلقة؟؟؟؟؟؟، الله والقائميين على أمر هذه القنوات أعلم (طبعا الصراف برضو بيكون عارف) عن شيوخ الحاضر هاهو عيان بيان قدامنا شايفين وعن شيوخ المستقبل وطبعا ما حنكون حاضرين، بخت أولادنا وبناتنا حيشوفو الما شافتو العين ولا سمعت بيهو أضان ولا القالو لسان ولا خطر على ذهن بشر. هذه سنة الحياة على ما يبدو وحسب تجاربنا المحدودة في السودان. إستعمار وإستقلال وعسكرتارية شوية سهلة ثم ديمقراطية وبعدها عسكرتارية صعبة وبعدها ديمقراطية لمن جات العسكروجبهاوية السيئة وأصعب من صعبة. والدايرة مدورة ولا ساقية جحا، من البحر للبحر لافة مدورة. الله يديك العافية حمد الريح ما طريت لينا خير (ساقيتنا لسة مدورة) يعني شيوخ صوفية زاهدين عايشين على التمرة الناشفة وسبحتهم لالوبة ممصوصة، لابسين الشقيانا وكرعينهم مشققة من الحوامة الدايمة بين القرى والمحل، لابسين الجبة من الدمورية نمرة عشرة، رسينهم ملفوفة فيها عمة الحر من لهيب الشمس وحتى حين يركبون فركوبهم حمار بلا سرج كوباني او حتى من خشب غابة السنط (مدينة السنط وغابة الخرطوم وصفقة الملايين). شيوخ شاخو في دربهم وماتو للخلق شايلين الهم وشيوخً شابو في عز بعيداً من الوهم من الصوفية!! ناس الحايم وناس الما نايم وناس القايم، ناس العايم وناس النوبة واللالوبة ناس ما نامو الليل وفي التبروقة ديمة مقيل، الناس راضية بالمافي او حتى قليل ديل ناسي، شيوخي وتاج راسي. الشيوخ والشيوخ شيوخً رايقة، عرباتً سايقة، وجاهةً لايقة وجاهاً لاقية وبي حيرانا وبي جيرانا وبي حبانا يديمة المولى ليها زمانا حبي للشيخ الشاب الأمين وهنيئا له بما كسب من حب الناس والله يسامح الجاهلين له والمتظلمين منه وربنا يزيدو من حق الدنيا ويوعدو بجزاء حسن في القدام. إن كنت كتبت ما يمسه بغير المودة فله العتبى وإن كنت ذكرت ما يتجاوز الذوق فله العذر وإن كنت كتبت عنه سطر واحد غير الذي رأيته ولم أسمعه عن وعن وعننا فله الحق أن يكذب ما كتبت. ولي هنا نسكت عن شيخنا الشاب (شيخ التشيكسي، المحايتو بيبسي) لأن البعض غير راضي وعليه بستعير قولة مولانا عبد الباقي "وسكتت شهرزاد".... [youtube]https://www.youtube.com/watch?v=vnxNcTs4YZs[/youtube] |
مقتبس من الحال الحسي ومع الإحتفاظ بحق سيد القصة أو أول محول ليها في الواتس..
طبعن مع الكُبر في حاجات بتونسك... :cool: زواج الاقارب = محاصصات 😂 زواج المغتربين = كفاءات 😂 زواج عن حب = إنتخابات حرة و نزيهة 😂 البورة = الدولة العميقة 😂 الشلب=إنقلاب عسكري 😂 صحباتها = لجان المقاومة 😂 الخالات = جنجويد رباطة خالتها البتدق الجرس في الشيلة = كتائب ظل 😂 البيجي يتعشى وعينو قوية = المؤتمر الشعبي 😂 النسيبة و الحموات = الحزب الشيوعي 😂 أهل العروس = الجبهة الثورية 😂 زواج بدون رضا الأهل = مدني عباس 😂 امها = الدولة عميقة😂 الشكلة في المال والشيلة = تحديات الفترة الإنتقالية 😂 شهر العسل =المدنية ♥ كان بحب العروس زمان وشوكشتو = الصادق المهدي 😂 خرابة الحفلة = تراجي مصطفي😂 طباخ المناسبة = حسين خوجلي😂 إثبات النسب = معمر موسى 😂 الاهل الرافضين لفكرة زواجك من برة العائلة = مندسين ومخربين 😂 منظمين العرس = ناظم سراج 😂 البقول العروس شينة وما سمحه = ذو النون 😂 أصحاب العريس السمحين وشايلين العرس وما قصروا = معتصمين القيادة 😂 الآوت دور = الوثيقة الدستورية😂 الفنان الراجينو يربها وطلع ماسورة = المدفعية عطبرة 😂 البعرف العروس من زمان = فاروق كسباوي 😂 قولة خير = التوقيع بالأحرف الأولى 😂 الكهرباء البتقطع في نص الحفلة = وحدس ما حدس 🤷♂ الدبايب البجو الحفلة من غير ما تعزمهم = الإدارة الأهلية 😂 تأخير العرسان في الكوفير = بيان من القوات المسلحة بعد قليل فترقبوه 😂 صحبات العروس والعريس = أعضاء المجلس السيادي 😂 استديو التصوير الرخيص الوهمي = قناة الحدث 😂 المأذون = الوسيط الإفريقي 😂 وزير العريس = ابي احمد صحبات العروس البكسروا الحفلة كلها = داليا الروبي و لينا الشيخ وولاء البوشي 😂 لما ترفضي عريس وأهلك ينقو ليك عشان توافقي = التعايشي للسيادي نسينا عبد الحي ياخ!!!! دا البجي يكابس في صحون الباسطة قبل العرس يبدأ 😂 |
حرقة هي ولا غيرة ولا هو أسى ووجع..
لمن تستعرض شريط السنين الطوال المرن. وتتذكر كيف كانت أيامنا وكيفنها حسي. السكن فيهو متنفس ووساع. بيوت فيها حيشان ذي المروج تسرح وتمرح فيها وعندك جيران لأهلك وكأنهم أهلهم وجناهم ليك كانوا إخوة. لا فواصل بين البيوت إلا الحيطة القصيرة ديك الكانت لا ترتفع عن المتر لتسهل عملية التواصل بين الأمهات "ونسة ومناولت الصواني". كانت أبواب الحيشان لا تغلق من الصباح حتى المساء (بتذكر القولة الشهيرة: تأكي الباب بي حاجة عشان ما ينقفل) وقولة (أمشو أقفلوا باب الحوش) وقت النوم . النفاج، الأزقة والشوارع كانت بقدر ماهي للمشاة والدواب والعربات. كانت كذلك مواقع لقاء وتعارف وعلى الجنبات مجالس أنس وحين خلوها من العربات، كانت هي المضمار للعديد من الألعاب الجماعية "الدافوري وأم صلص، السك بالضحية وشليل" وكانت هذه الألعاب في كثير من الأحيان مشتركة، يشاركن فيها البنات "علي قولهم الصبايا" أندادهم الأولاد وهناك أيضا الألعاب الفردية مثل البي والحجلة. ... أما الحرقة فهي أنهو إنحرمت أجيال من جنس دآ، حال أنهو كان شئ جميل... ولا الغيرة في أنهم ينعموا بمفاهيم التربية الحديثة (إن أخطاء فأقسى العقوبات المسموحة هي قولن لين وطري ولا لطيش ولا جلد "لا في المدرسة ولا في البيت") لأننا إرتوينا وشبعنا من التربية القديمة وفي ناس لساتهم دي عندهم تقليدية ... أما الأسى والوجعة فهي خوفة لما سيكون الحال مع الأجيال اللاحقة. بالنظر الي التسلسل السكني.. من بيت لي شقة وندر أن تعرف جيرانك ومن شارع أمن لي شارع مليان مخاطر.. حالة صعبة... :(:(:(:(:( |
قرابة نصف القرن أو بي سنة أقل أو أكتر :D
كان الحيوية تملئ الجسم تتجارى ورا الكورة ولا مسي وقول رونالدو أو حتى صلاح "المصري لعاب تب وبريدهو رم كره أهلي لي أهلهو لكن بيقول: العرق دساس".. [youtube]https://www.youtube.com/watch?v=RxopKlvr_Xk[/youtube] |
الحظ
شنهو حكاية المبهمة دي.
لو كان أمورهو ماشة وعلى أحسن حال. يقولوا: محظوظ (وهي فقط لمن يكون أمرهو سالك)، حباه الحظ بهذا، شوف حظهو وكل ما كان الأمر خاسرا ينقال: حظهو كعب، الحظ عسرهو أو ما عندهو حظ وكأنه الحظ دايمن وراهو الخير. بس للحظ ديمة وشين. يعني ذي الطرة والكتابة ما أظن وما أظن أنهو من أصلهو الحظ شيتن موجود وعشان كدآ قلت مبهمة.. حاجة لو صبت إيجابا ينسب له وفي نفس الوقت إن ناصبك إجحاف كذلك ينسب له.. بس كمان ما ننسى أنهو في قدرة فوق كل الأحداث وقوة هي الموجه الأول لحياة الناس. قال المولى عز وجل "وكل صغير وكبير من أعمالهم مُسَطَّر في صحائفهم" وهذا أمرنا أمة المسلمين وكما نزل في كتابنا القرآن الكريم. ولست هذا فقط فكل الديانات تؤمن بأن الله "الرب، الإله أو نسمه كما كان يسمونه من يؤمنون بأنه وكله حسب تقدير من يؤمنون به".. وهل الحظ يخص ولا بيعم.. زولن حظهو أداهو الغنا والجمال ورغد كتير، هل أهلو وأمتهو برضك بيصيبوا ما حظي بيهو.. وزولن حظه سيئ برضك هل برضك بيعم الحوالينهو.. بس وبرضك بين البشر في المحظوظ وفي المنحوس مع العلم أنهم كلهم.. مسيرين وما فيهم زولن ولا واحد مخير في إختيار مصيرهو ومسير حياتهو وكيف ممكن أصلن وهو ما إختار الأرض البيتولد في ولا شاوروهو في منهو هم الحيكونوا والدينهو ولا حيكون لون بشرة أسود ولا أبيض ولا أصفر ولا عرفوهو كيف حيكون مسار حياتهو أو متى وكيف سيُقضِي.. ما عليكم..... :cool: [youtube]https://www.youtube.com/watch?v=0pZLocwqVpk[/youtube] |
كنت عملت دورة في كلية الشرطة لمن إلتحقتا "بالبوليس" 1975 وفيها الممت ببعض من القوانيين ذات الصلة بعمل الشرطة "إجراءات، عقوبات ..." لكن شغلي في مكافحة المخدرات هننانا أداني فرصة جميلة في توسيع مداركي ففي العشر سنين الغبَرت فيها عملتا دورات وكان واجب عليا أن أعرف الأكثر لأوصل منه الجديد لمنتسبي الدورات وكذلك حضرت بروحي ولإشباع رغبتي بمعرفة المزيد، دورات تخصصية عقدت للضباط والأفراد...
دورة أعجبتني جدن لي درجة أني كنت أتمنى أنهو يكون دآ العلم القريتهو "بلا صيدلة بلا إرث عائلي". علم النفس يا جماعة وفي علم النفس الشداني بالجد هو "لغة الجسد" المادة دي بتفييد جدن المحققين في القضايا مهما صغرت أو كبرت.. أمس كنت أتمنى لو كنت ملم بتقنية هذه المادة لأنهو الطريقة البيتكلم بيها حمدوك فعلن تشد الإنتباه. متمكن في أن يدلي بأمور حياتية خطيرة ولكن بهدوء هل المقصود مزج هدوء المتحدث بهول المشكلة وبث إنطباع الطمئنينة في المتلقي. هل هو هدوء من لا يعرف معنى أن جوع الإنقاذ لم يسد وبه رمق هل هو هدوء من طبيعة الشخص وعدم المبالة من شيمه هل هو هدوء يسبق عاصفة ولا عدم إكتراث وإستعلاء ولا أقول شنهو؟؟ هذاء إستعلاء تخلف ولا خلعة... من صباح اليوم ومن بعد اللقاء، الكان ناس كتييييرة راجية فيهو حسم لأمور سالبة ولا تذكير بالمعاناة وأنهو حتستمر لي قدام وبي بسمة "أصبروا وصابروا" وكان الله في العون..... |
| الساعة الآن 09:03 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.