اقتباس:
ودي تتحسب ليهو مغفرة لأنهو البليد لا يحسن التصرف ويعفى عنه في المحافل والهيئات وبين الشعوب :cool::cool::cool::cool: |
اقتباس:
تدوهو يغرف بكسر الكاس و بعطش الناس 😅 😅 كما قال السيد عبد الرحمن، له واسع الرحمة و المغفرة.. لك التحايا يا دوك، و للاستاذ عبد الله الشقليني، و ارقدوا عافية... |
تحياتي أخ بابكر:
ماعارف شعور الناس حيكون شنو لو تم حساب العُمُر بالعداد by mileage بدلا من تاريخ الصناعة , زي السيارة تماما ? |
اقتباس:
اقتباس:
والصوفي القريب [youtube]https://www.youtube.com/watch?v=mD9UQ2WPT94[/youtube] |
جيتك يا أبو علي
وصفي ليك بالصوفي لإعجاز حدث وأبهرني وأنك قريب، لأن أفكاري عندك كتابها مفتوح.. أمس وفي لحظات التجلي (هي لحظات الشفاء والعافية) كنت بفكر أنهو العمر قدر ما يمتد ويطول وأيامهو وسنينهو تتراكم حتى بالأجيال. ما هو دآ المقاس الأوحد وأنه لا بدن هناك مقياس أخر هو وأيهما الأصح.. شوف بقآ!؟!؟ الإسلام بيفرض خمس صلوات وصيام شهر والحج أقصره الأربعة أيام... شوف كم نفر تلتقي في المسجد الخمس مرات وكم مئات الألوف بتلاقي في الحج وكم نفر بتلاقي في صلاة التراويح .. الحياة الإجتماعية ما بين أفراح وعروسات وأحزان المرض السقيم وأتراح الموت اللئيم "ومع أنهو حق لكنه فراق حبايب" وشوف برضك كم نفر بتلاقي في هذه الإجتماعيات في كل مراحل عمرك.... الحياة الأكاديمية والعملية من الخلوة أو الروضة لغاية الجامعة وإن ربك سهل دراسات عالية وكمان هناك قصة الحياة العملية. إن قلتا عسكري يلا شوف فصي لي كتيبة لي لواء ولي إدارة و و وإن قلتا طبيب عد المستشفيات والمرضى والعاملين ولا دبلوماسي وتتدرج من أول السلم ليين القمة فكم بلد بتسافر وكم نفر بتجتمع بيهم... شوف في الطريق في البص دآك كم نفر والمشاة عددهم كم ومنو فيهم بيهو إتعارفتا وإتخالطآ وتجامعتا أو حتى شفتهو وما عبرتا... ظنيتنا بنتكلم عن ملايين هل دآ ممكن يكون مقياس برضك للعمر من غير عد السنين ؟؟؟ |
اقتباس:
يابا أصلهو العُمُر ذي العربية.. شغل نضيف في الأول، بس ياهو تغيير الزيت "أكل والبيت دآك يكرم القارئ" وبعد مدة تدخل في دخنة المكنة "بدايت الأمراض" وبعدها العمرة "ناس قسطرة وتوسيع وكدآ" وأمسك عندك العمليات الإصلاحية دون الحوجة لرمي المانافع من قطع المكنة والهيكل والبودي وما ننسى الإضاءة ودكتور العيون ومن ثم الحوجة للإسبيرات الأساسية في المكنة ظاتها "صمام، كلى وغيرهو".. وقبل الختام العربية بتقوم دفرة وأخرتها الونش يزف الزول لي الإسكراب إلا ف حالة أنهو يكون لايوق ويوصي أنهو ينشال منهو القطع اللساتها بتنفع لتشغيل عربية تاني وكدآ بيقى في الذكرى كم عمل شئ في دنياه يحفظ بيهو إسمهو... إضافة: فلتكن أو يكن العربية أو الإنسان مرسيدس ولا رولزرويس غني أو فقير أخرتهم ياها زريبة الخردة بس العربية ميزتها؟؟ أنهو ممكن تتدور.. لكن الإنسان فالله أعلم |
الحبيب الدكتور بابكر
تحياتي لقد بلغ الملف أكثر من 73000 مداخلة ! مبرووك دة شيء ما منظور ... حبيبنا المامنظور ينسانا [rams]https://www.youtube.com/watch?v=cyOe2Q_-mkY[/rams] |
الأخ العزيز بابكر:
يعجبني قول الإمام علي : " بركة العمر حسن العمل. " ثم قول الروائي غابرييل غارسيا ماركيز: " العُمر الحقيقي ليس ما قد بلغه أحدنا ، بل هو ما نشعر به من داخلنا." |
اقتباس:
أولن مشاركاتك الفايتا الألف ووقوفك الف في رأسي عشان أوصل وام أقيف شكرا ليك واحد من ناس كتيرة حتكون مواضيع الردود الجآية... كنت فتحت قبل كدآ بوست "إضاءات في حياتي (النقاط المظلمة نتجاوزآ)" عن ناسن سروني بأنهو أَثِرَوني على أنفسهم فكانوا العون وناسن دعموني وقوني ما خايفين بكرا لمن الكتوف تتلاحق نكون أنداد لأنهو علي نيتهم وعارفين أني دآك البرد الجميل... |
[rams]https://www.youtube.com/watch?v=1-OSRIJXBEQ[/rams]
|
وبرضك مع الكُبر وثقالتهو..
حاجات كدآ تتأملها وتفرحك.. مثلن أو في الحقيقة أهماها!؟!؟ أسرتي الصغيرة الجادت بيها أخصب تربة وأثمرتها أذكى شجرة "أمهم"... ونقول: قال تعالى أن أصل مخلوقاته من البشر جاء (من ماء دافق يخرج من بين الصلب والترائب) بمعنى "وحسب تفسيري المتواضع" أنهو سر الحياة الأعظم، يكمن في الزراعة وهو الماء والمعني السائل الذكوري أما عن الترائب فالمعاجم تتحدث عن مكان في الصدر تحت الترقوتين. "لكن وحسب تفسيري المتواضع" لا يفوتنا أن هناك تشابه في مكونات الكلمة وتقارب في النطق يمكن أن يشار له وأن القصد وهو الأتْرِبَةٌ أو بمعنى أخر الأرض والله أعلم.. وتقريبا للأمر فأن إنزرعتا بذرة أصيلة في تربة كريمة، بتجيك ثمرة كما أنا وأخوتي الإناث والذكور ذي ما هم نتاج التلاقح العظيم دآ. وهكذا دواليك في هذه الدنيا فزرعك، بتحصدهو وجناك ذي ما ربيتهو ينشاء ويكبر ويصبح شجرة تحمل ثمار والثمار مليانة بذور والساقية تفضل مدورة والعملية نفسها مستمرة من بذرة لي ثمرة وهلما جرا لغاية ما يغضي الله أمرا كان مكتوبا... القصد من المقدمة دي هو التفاخر بأنهو الجينات المتوارثة في أسرتي الكبيرة من قبائل متنوعة وأجناس مختلفة من بين إناث وذكور كلها إنصبت في أسرتي الصغيرة.. كرم "مدون" البستاثر بيهو حسي عيشتن منعمة ورغد و"خديجة" داعمة لها بقوة في مساعيها ومحنة "زنوبة" الباقية ليا مظلة لهيب الوحشة والغربة وتواصل وإمتعاي رغم بعد المسافة دوما بمعايشة "دانيل ودينا" من خلال التواصل المرئي والمسموع و"أمونة" التي لا تألوا جهدا في أن تقطع المسافات لتتفقد حالي وتطمئنني عليها وعلى "أحمد وأية" وتطمئن عليا وهنا ولست هناك تقف صداقتي ب"محمد" الذي يعيش داخلي أمل وتفاخر وطمئنينة تفرحني بأن الساقية مدورة والإرث عمرهو حيستمر متداول جيل بعد جيل وما حيندثر.. حتى بعد يستأثر بيا المولى الغفور |
التشديد في الإيمان كويس .. ربنا يزيد ويبارك
|
اقتباس:
أفرحني متعني زادني فخرا وزهو بالنفس، ما عشان صلة القرابة، لكن للعلم والأسلوب الممتع وأنهو بيناتنا في ناس عظيمة.. والحس الوطني والجمال حين الناس الكبرت في سنها ومعرفتها تتدي الخلاصة والزبدة بحماسة للأجيال المن بعدهو وكيف يفرح لإنجازات الشباب وكيف بيحلم لي وطنه بالأمان... [youtube]https://www.youtube.com/watch?v=PaK-AMsS9ig[/youtube] |
اقتباس:
تحياتي أخ بابكر: إستمتعت جدا بالمحاضرة . ماشاء الله , قريبك دا مفخرة للسودان و أتمني من الله ان اكون في مثل نشاطه و حيويته و توقد ذهنه إن شاء الله لي أن أبلغ مثل عُمره . بعد مااستمعت للمحاضرة التي تفضلت انت بانزالها , تجولت في انحاء الشبكة العنكبوتية باحثا عن درر أخري لمالك بدري , وقمت بتنزيل دراسته عن كتاب "مصالح الابدان و الأنفس" تاليف ابي يزيد البلخي . يقول الاستاذ مالك بدري بأن البلخي في كتابه هذا سبق الغربيين ب 11 قرنا في إكتشاف "العلاج السلوكي المعرفي" اذا ان ال cognitive behavioral therapy لم يعرف في الغرب قبل 1960 هذا لقاء له حول ذلك : [youtube]http://www.youtube.com/watch?v=PsZkKMT0LSA[/youtube] |
بيقولوا: العصِر بيجيب الزيت...
والمعروف أنهو العصِر ما بيتم إلا فيهو ضغط شديد يسبب الوجع والتفكك، يعني مثلن البزور عشان تطلع منها الزيت بتعصرها شديييد وتفرتك جزيئاتها، الرغيف دآ البناكلهو ولمن تكون في أزمة فيهو بنثور ونغضب" العجان بيلوخهو وبيعصرهو ويدخلهو الفرن عشان تطلع منهو الشيتن الفيهو فايدة وغذاء يكاد كل سكان العالم (إلا الإتنين مليار بتاعين الصين والهند).... المثل دآ لو الناس عاينت لي في فترات الحكم الشمولي العسكري الدكتاتوري البغيض في السودان بس بمنظور غير الحانق، المتمرد، الغضب ممكن توافقني في أنهو برضهو.. العصر دآك فيهو بعض الفوائد... ما فوايدن بالمصلحة المرجوة ولا فوائد تجيب خيرن للبلد لكن فايدة أنهو العصر بيفتح الذهن في كيفية التعامل مع الواقع بنوع من الرضاء الموقت أو الضد المؤجل... أمسك مثلن الثورات التلاتة في السودان شعبنا المعلم تحمل العصِر وأبدع في أن أخرج ثورة ناجحة في نهاية المطاف وأزاح الحكم الديكتاتوري.. العصِر لمن الناس تنصرف عن ممارسة حياتها الطبيعية بتتجه لي أشياء أخرى ... قالوا مصريين إتنين قاعدين في قهوة وفي التربيزة الجمبهم شلة سودانيين، بيتونسوا بين القفشات والنكات والضحك وكأنهم بلا هم ولا هموم.. المصري قال لي أخوهو: أهم قاعم "جاعوا" عمال ينكتوا.. ودآ نوع من التغيير الحصل علي السودانيين،... جديد في المسرح وفي الفن... أنا قصدي أنهو بيحصل نتيجة العصِر تفجير لأفكار وظهور إبداعات. ممكن تكون ترفيه عن مأسى الحياة أو إنصراف عنها.... بفتكر جائزة الطيب صالح رغم أنها قبل الإنقاذ لكن المثقفين والمتعلمين والأدباء والشعراء وأهل الفكر وجدوا فيها متنفس وحافظوا عليها، ممكن يكون الناس غلفوا كرههم وإحتقارهم لناس الإنقاذ فكانت ثورة مضادة متخفية ومغلفة وإستغلوا الإحتفالية بشخصه لإذ هو من اوائل من هاجم الكيزان وإحتقرهم إذ جردهم من سودانيتهم "من أين جاء هؤلاء"... هذه الجائزة لها معنى ثوري عظيم قدر ما لها أهمية حضارية.... [youtube]https://www.youtube.com/watch?v=uJiPTcaVRt8[/youtube] |
| الساعة الآن 06:44 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.