:like2: :like2: :like2: :like2: :like2:

سلام أسعد،

بالضبط ياهو الحوار.
العفو ياخي، أنا أبداً ما فهمت إنك بتحجر علينا، وفاهم تماماً إنّو دي وجهة نظرك البتختلف مع وجهة نظرنا.

تحياتي

سلام ناصر،

شايف قول زول الله عجبك.
أصلهم الفنانين كدي.

تحياتي

سلامات

ربما كان عزوف بعض رواد سودانيات عن الكتابة ها هنا سبب كافئ جدآ للتجاوز و عودة الإنسجام و إن لم يكن فلتكن الغيرة علي هذا النفاج بدافع الحب .

من أقوال المهاتما :
الأختلاف في الرأي ينبغي أن لا يوصل للعراك .

من تمعن هذه العبارة الأخيرة وجد فيها جذء لا يتجذء من قوانين المنتدي .
و بغض النظر عن الأسباب و العوامل و الأشخاص يُعتبر علي ما أعتقد أن الموقف قد أفادنا و ( العترة بتصلح المشية )
دحين أمشوا لاااا قدام ...

تقبلوا مروري .

سلام يا شريف وبركة العودة.

شاكر ياخي فتلك في نفس مسّار المناشدة،
وصدق المهاتما.

مافي سبب واحد يحوّل الإختلاف لعراك، وأتمنى أن نستفيد من عثراتنا.

تسلم ود اخوي.

السلام عليكم عكود
ومع أحترامي ... كيف السبيل إلى حوار معافى، وبمجرد شكوى كيدية يمكن وقف أي مشروع فكري في سودانيات .. ويقفل مفترعك.
http://www.sudanyat.org/vb/showpost....&postcount=370

نحتاج إلى تغيير جذري في هيكلة ولائحة سودانيات

وعليكم السلام أبو جعفر،

إن كنت تقصد قفل المفترع، فقد ذكر الأمين العام أنّه مغلق إلى حين البت في الشكوى، ويجب إحترام ذلك، فالأمين العام ليس بمتفرّغ، فقط، لسودانيات.

التغيير الجذري في هيكلية سودانيات، مجاله تعديل اللائحة، فلنصدح برأينا ونقنع به الأعضاء عند عرضها للنقاش.

قليل من الصبر على المؤسسية، يرسّخها.

تحياتي

تحياتي عكود
نعم ألف مرة للمؤسسية.. وانا أدافع عنها بدرجة كفر وإيمان .. خيانة ووطنية..

ولكن أن تتعدى المؤسسية المبادئ العامة للعدالة، من مثل المتهم برئ حتى تثبت إدانته .. والسماح للخصم بالدفاع عن نفسه .... فهذا كثير.

عمدة باللحيل والله ياعكود
وكلام من دهب

داخل النص:

وعلى مرتين

في سودانيات تتم العقوبة ثم يقال لك دافع عن نفسك

سلام تاني يا أبا جعفر،

هدف هذا البوست واضح وهو أن نترفّق في الحوار.
أمّا تذمّرك عن هيكلية سودانيات ونظام الشكاوى فيها فقد وصلت وجهة نظرك، ومن حقّك أن ينظر فيها ويتم نقاشها عند عرض اللائحة للنقاش، حتى الخروج بصيغة ترتضيها الأغلبية.

تحياتي.

سلام يا جيجي،

تسلمي كتير والله،
ومعنا أرفعي صوتك حتّى "يتنعّم" الحوار.

تحياتي

كان تقول ليها:

يا ام ضفاير قودي الرسن
و اهتفي فليحيا الوطن

أبقوا بخير..

لا يافيصل
هوقاصد الزبادي
الزبادي البخلي الحاجات لادنة :smile:
رسن شنو ياخ



معليش ياعمد على الخرمجة
كلو من فيصل:smile:

ياخ تحت تحت قالوا بتحلق .ام ضفاير شنو؟