الإنسان هو مجموعة من المكونات..
جسدية، عقلية، نفسية وعاطفية وهناك مكونات أخرى ذي الروحانية. المكونات دي ممكن تكون أشياء واقعية وحقيقية لأنها ملموسة وياها قدامنا.. جسم شئ مادي ومحسوس، عقل كتلة ذات وظائف في الرأس، النفسي هو أحداث تبدر من الإنسان ويحسها البشر والعاطفة لو لا هي ما كان عدد سكان العالم بقى بالمليارات نتاج زيجات شرعية وغيرها... مثلن الجسد هو مربوط مع العقل فيحركه ونفسيا هناك التأثير على الجسد سواء خمول أو نشاط كما يؤثر حتى على العقل في توازنهو ويخلي العاطفة تبرز كمؤثر مباشر على تصرف الإنسان.. القصد الأنا رامي ليهو تصرفات تطلع من الإنسان وهي خارج المعادلة دي ولكنها نتاج لمؤثرات ممكن تكون جينية وهي الإنسان ما بيكون عندهو فيها يد لأنها وراثة وخرموزمات فرضت عليه قبل أن يكون نطفة. أو أنها رد فعل لعوامل خارجية وذي ما بتقال "إتكرنر، يعني ذي الكديس اللهو حيوان أليف ولطيف لكن لم إتزنق بتصرف تصرف عدائي" وفي عامل أخر ممكن يكتسب ذي إنسان يكون في وضع أو مركز ويلقى أنهو الأمور تساعدهو على خلق تصرفات متفردة "عندك ترامب مثلن. أكيد ما في زول قدر ما وصفتا فوق بيتصرف ذي تصرفاتهو الهوجاء دي لو ما إلا أنهو قعد في كرسين فوق مقامهو"... برضك الجزئية الفوق دي ما هي القصد والمقصود الأنا حقيقتن قاصدهو.. الغرور، الغلاط، النقد.. تعريف مختصر لي كل منها.. الغرور: ما ظنيتهو من المكونات الفوق ديك لأنهو ما شيتن واقعي، هو وهمة بتصيب الإنسان في نفسهو وممكن بدل الهو شايفهو أنهو فوق تدق بيهو الدلجة. الغلاط: هو المحاججة يعني مقارعة الحجة بالحجة وهي ملكة ممكن يحسن إستعمالها عند العاقليين ومن خلالها تتبلور رؤى وتنجلي أمور ودآ يعني ذي ما تقول كدآ "الفقه" المعناهو العلم وبرضك الغلاط لمن يكون الإنسان البيمارسهو ما بيقول قولن مؤسس ومنطقي بكون أقرب لي الإنسان دآ قريب من "المغالط" النقد: دآ هنا مشكلة كبيرة فهو ذي السيف ليهو حدين يبترن. فهو لو كان بناء بيبقى قلل من شأن المنتقد كان قول ولا فعل ولا حتى إنسان وإن كان غير موضوعي فيبقى رمى بالناقد الي زمرة المغالطين.... في الختام أقول قولي هذا وأعترف بأنها ربما هترشة أو رص حروف لكناه دون شك أفكار وأستعيذ المولى أن لا يظلمنا في ما أوتينا من شوية معرفة ونوظفهو في غير منفعة.. |
كلام علمي وأيضا أكثر فائدة لما يحدث لنا اليوم
|
|
صاحبنا شوقي لم يرد !
|
لمن تكبر في العمر وتلاقي نديداتك أو أندادك تتطعم ريحة الند يعبق من ذكريات جميلة وتتذكر أيام الصبا والشباب والنضوج وكيف كانت التصفات وما يشوبها لتعجز السنة العجايز..
وهنا تتذكر وتقول بالله الفيلم دآظاتهو الكان بنتفرج فيهو في أيامنا الخوالي.. كنا فوضوين في نظر أمهاتنا وأبائنا كنا مشاكين عند المعلمات والمعلمين كنا رافضين عند الساسة وشيوخ الدين وكنا نحب اللعيبة والفنانين وفي نظرهم يانا المعجبين.. كنا كدآ في نظر الناس التانين لكن إحنا بيناتنا.. شايفين روحنا عاديين.... العمر مراحل ولكل مرحلة سلوك معين ممكن تحكمه التربية وممكن تأثر فيهو البيئة وبرضك ممكن تكون السيكلوجية الخاصة لها اليد العليا في التصرف الفردي.. خليك ود عالم ممكن مكونك يكون سالب وتطلع خيخة وممكن تكون إتولدتا في بيئة تعبانة وإتتخرتا منها وبيقت علم مشهور بالقوام.. وعشان كدآ أنا بفتكر أنهو الزول أخير ليهو ديمة يكون بي ذاتهو ويحفظ حقهو بي ذاتهو.. أعتز بي نفسك وخلد إسمك بي عملك.. ما ترجى من الناس تفتش ليك عشان تلمعك وتوصفك وتمدحك ويقوموا يفتشوا لمن يلقوا ليهم لحظة عملت فيها شيتن سمح ولا قمتا بي أمرن للمراضاة وينقزوا بيها وكانك ياكا الفارس الملهم والبطل الهمام ومحقق المستحيلات... بالجد موضوعي دآ زعلة في أننا إبنا إحنا السودانيين مجاملين وفي وصفنا مبالغين لو درنا الأقرع نمدح في خاطرهو الثعلبة ونقول أنها مودة والكضاب نقول أنهو بيح مراضاة الناس وقولهو ذي الكسرة بالموية لا بغلط عليك ولا بوسخ إيديك مع أنهو دآ ما صاح لأنهو الكسرة مع القولون بتتعب والبصل المرافق للوجبة كريه الرائحة... http://www.sudanyat.org/vb/uploaded/851_1587317412.jpg قال:صورة نادرة للاخ حامدوك فى مظاهرة ضد نظام البشير. لندن 1992. "مني أنا وخلي بالك قال"(فليصمت كل من قال انه لم يناضل ضد نظام القهر الظلامى). ناوي أرجع ونشوف حكاية نضال المظاهرات السلمية. مقارنة مع النضال البروح فيهو الغالي والنفيس :mad: |
والله كلام
يسر الخاطر دة بتجوبي من وين * تصور موضوعي عن الأفندي خلاه يرد علي في البريد: <[email protected]> انت يا ايها الكويتب اهون من ترد علي المفكر د الافندي Just shut-up كم دفعوا لك يا هذا حتي تورد هولاء المواسير لقيادة السودان حقا انك لا تفقه و لا تري ابعد من ارنبة انفك يا ايها من اهل العوض الخام مقبول منك جهد المقل بدرجة الرسوب هنا |
مع الزمن وبديهات الحياة..
مع الكُبر الإنسان، يتوفى والدواب تنفق والطيور تهلك.. والميت من الإنسان يُقبر والدواب ربما يتحفظ عليها والطيور ترمى.. الإنسان وبعد ما يشبع موت الناس تتذكرهو وفي أغلب الأحيان يمدح وعشانها قالوا:: الجلابة شكارين التُرب :(:(:(.. ناس ذكراهم بأقلام وأحبار شهادات ونياشين.. ولا نذكر أصحاب البر والأحسان.. لو سألنا من هو عبد المنعم محمد. أكيد قلة من يعرفونه مع أن أمدرمان تدين له بمكارم لا حد ولا حصر لها. وقولة أمدرمان تعني كل السودان.. عثمان صالح وحتى أرونتي وجورج مشرقي.. نعرف من كتب سطرا ليمجد وبه يخلد نفسه وما بنتذكر من عمل ليل نهار ليسعد الأخرين بالأمن والأمان ناس أبارو ورفاقهم.. ولا نذكر تلك السيدة التي سهلت لكم منا أن نوجد في هذا العالم بعد وجع ولادة أمهاتنا.. لا نذكر كما يذكر بكل هذا الزخم. ناسن ما لبسوا البوبيون لكنهم شنقوا الواطقي ولا ديك الما ولعوا الكدوس لكن دخانتهم كانت القامشة ولا إتريحوا بروائح باريسية لكن ريحة عرقهم تفيض ذكورة ولا الما إتمسحوا بفزلين ولا كريم نيفيا، لكن غبشتهم وصف زول بلدهم (ناسنا الغُبش) وطوريتهم سطروا بيها جداول كتبت مشاريع وزرديتهم رسمو بيها أفكار ومدرجهم كان نفير زراعة ولا بناية خلوة.. ديل ما بنذكرهم بعد يدفنوا.. لكن منصور أيوة وفاروق أه ومحجوب أيي وهلما جرآ |
رمضان كريم |
في رمضان لمن كان رمضان
كان الفطور في الميدان وكان نعبي من قبل الفطور للمدافع بتاعت الحديد ونطقطك البمبان واللعب في السهلة مع الحبان ونساهر بعد ما العشاء ينادي ليهو الأذآن كان حاجة حلوة ذكراها محفوظة بمتنان حسي حتى الصوم ذاتهو ما الصوم الزمان... كان لو صيف بيعدي لا تحس بي عطش ولا حر ما الياهو التوب يتبلبل بي موية وكأنهو مكيف سامسونج 2 ونص طن بإمتياز والعطشة حقت اليوم تنكتل بي جغمة حلو مر والجوعة بلقمة عصيدة .. إيييييييييييه وينك يا رمضان البقيت؟؟ الفطور جوآ الشقق والصلاة في البيوت والتراويح قصار السور ولا عمرة ولا سفر ولا شوفت الكعبة وقبر النبي الرسول.. وما ينعرف عيدهو حيكون كيف.. وبرضك اقتباس:
|
أهو لقيت ليك عذر من الحج .. بختك
|
اقتباس:
الحج السابق سبقوني ليهو السيدة الفضلى حسب سيدها بدري وأخي بروفسير قاسم بدري.. في دواخلي شعرت بأن الحج يناديني إغتداء بهم وشبه عزمت. لكن أهو يابا؟؟ حدث ما حدث فأخير خلينا على كدآ نقوم نفكر ونطربقها مرة واحدة ;) |
قرّط على كدة يا دكتور
|
منذ غابر الأزمان كان الجدل قائم ومستحوز على غلوطية أن الأنسان مسير أم مخير وتبارى أهل العلم وأهل الفقة وأصحاب الرأي في أيهما الحقيقي..
إستند كل فريق على مرجعياته. أهل الدين نهلوا من الكتاب والأحاديث وأهل العلم إستشهدوا بالإغريق وفلاسفتهم وأصحاب الرأي أخذوا من الحجة خط هجموهم ودفاعهم سيان لأيهما ينحازون... خلقناهو في أحسن تقويم؛ وهذا نص صريح بأن الإنسان خلق كامل لا ينقصه عقل ولا قدرة ولذا فإن أخطاء فعقابه حتمي قد غواه الشيطان؛ ما معناه أن هناك قدرة أخرى تتلاعب بالإنسان غير تلك التي خلقته في أحسن تقويم وبما أن هناك إعتراف مسبق بأن قدرة إبليس لا يستهان بها فمن المقبول أن خطا الإنسان يمكن أن يغفر وفي الحالتين يستشر أن الإنسان مسير فمن يوم مولده كتب له في كتابه ومن ضمن ذلك سطوة القدرة الأخرى في أن تؤثر عليه وتسيره.. هل هو مخير: أكيد الإنسان مخير في إختيار الطريق الذي يسير عليه وهو أكيد مخير فأن يختار القدرة التي يستأنس أن تؤثر في حياته في "العالمين"... حتى زمنا وهذه الجدال قائم وبلا إجابة قاطعة وهو شعور يضع الإنسان دوما في حيرة من أمره.. كن مسلما ملتزم فهل هو خيارك أم أنه الخط الذي كتب عليك أن تسير فيه، كن ملحدا وأمرك سيان هل هو إختيارك أم مكتوب عليك.. وما علينا المهم أننا نعمل ما يرضي الله وخلقه ونكون كدآ في ال (Safe Side)... الموضوع الأنا حقيقتن شاغلني غير مسير ولا مخير.. هل إحنا فعلن عايشين. ما تقول ليا بنتنفس وبنشرب وبنتكاثر ونمرض ونفرح ونموت.. ما هو دآ ممكن يكون كلهو إفتراض... الحلم هو شنهو؟؟ العقل الباطن والعقل الواعي.. ياهو إفتراض ... غايتهو ظنيتها جوطة الكرونة. نجحت في زعزعة الفكر وهزة العقل وشوشت الرؤية... |
|
اقتباس:
بس برتاح وبفرح لمن أخي الحبيب عبد الله الشقليني تدوح دواخله فتجئ بالجميل |
| الساعة الآن 10:29 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.