** ﻳﺎ ﺳﻼﻡ ﻟﻮ ﺍﻱ ﺯﻭﻝ ﻳﻮﻡ ﺗﻀﻴﻖ ﺍﻟﺪﻧﻴﺎ ﺑﻴﻬﻮ **
بسم الله ... و الحمد لله ... و الصلاة و السلام على رسول الله ... السلام و التحايا الطيبة لكم جميعا اهلنا و احبابنا في سودانيات .. و ناسف للغياب و عدم التواصل و المشاركة التى لم تسببها ظروف قاهرة او مشغوليات و لا شواغل .. و لكنه الكسل و التكاسل عن الكتابة .. مقروننا بجفاف اصاب كيبوردنا امتد لاناملنا .. زيادة على المزاج المعكر و زادته الغربة و الوحشة و الوحدة بعض شذرات من اسى و لوعة .. نعم طال الغياب .. و لكن تاكدوا بانكم و سودانيات دوما في البال و الخاطر .. و لم و لن تغيبوا عنا لحظة واحدة لا تناسيا و لا شرودا و لا سهوا .. ﻳﺎﺳﻼﻡ ﻟﻮ ﺍﻱ ﺯﻭﻝ ﻳﻮﻡ ﺗﻀﻴﻖ ﺍﻟﺪﻧﻴﺎ ﺑﻴﻬﻮ ﻳﻘﺪﺭ ﻳﻠﻘﻰ ﻭﺳﻂ ﻫﻤﻮﻣﻮ ﺯﻭﻝ ﺣﻨﻴﻦ ﻳﺴﺄﻝ ﻋﻠﻴﻬﻮ ﺯﻭﻝ ﺗﻔﺘﺶ ﻟﻴﻬﻮ ﺭﻭﺣﻚ ﻟﻤﺎ ﺗﺤﺘﺎﺭ ﺗﻤﺸﻲ ﻟﻴﻬﻮ ﻭﻟﻤﺎ ﺗﻤﺮﻕ ﻣﻦ ﺩﻭﺍﺧﻠﻚ ﺍﻭ ﺗﻀﻴﻊ ﻣﻨﻚ ﻣﺪﺍﺧﻠﻚ ﺗﺒﻘﻰ ﻣﺎﺭﻕ ﺷﺎﻥ ﺗﺠﻴﻬﻮ ﺯﻭﻝ ﺑﻴﺸﻴﻠﻚ ﻓﻲ ﻭﺩﺍﺭﻙ ﻳﺒﻨﻲ ﺑﺎﻟﺤﻨﻴة ﺩﺍﺭﻙ ﻭ ﻳﻮﻡ ﺗﻠﻬﻠﺐ ﻓﻴﻚ ﻧﺎﺭﻙ ﻳﻄﻔﻲ ﺟﻤﺮﻙ ﺑﻲ ﺍﻳﺪﻳﻬﻮ ﻟﻮ ﺣﺼﻞ ﺿﺎﻕ ﺑﻴﻚ ﻣﻜﺎﻧﻚ ﺍﻭ ﺯﻣﺎﻧﻚ ﻣﺮﺓ ﺧﺎﻧﻚ ﺑﺮﺿﻮ ﺑﻔﺘﺢ ﻟﻴﻚ ﺣﺘﺓ ﺑﻴﻦ ﺭﻣﻮﺷﻮ ﻭﺑﻴﻦ ﻋﻴﻨﻴﻬﻮ ﺍﻳﻪ ﺗﻜﻮﻥ ﺍﻟﺴﻜﺓ ﻣﻦ ﻏﻴﺮ ﺯﻭﻝ ﺭﻓﻴﻘﻚ ﻳﻤﺸﻲ ﺑﻴﻨﺎﺗﻚ ﻭ ﻳﺴﺮﻉ ﺷﺎﻥ ﻳﺴﻬﻞ ﻟﻴﻚ ﻃﺮﻳﻘﻚ ﻭﻟﻮ ﻛﻤﺎﻥ ﺍﻟﺴﻜﺓ ﺻﻌﺒﺖ ﺗﻠﻘﻰ ﻓﻲ ﺩﺭﺑﻚ ﻣﺸﻴﻬﻮ و تسوى ايه الدنيا من غير زول يحسك يبقى عايش في كيانك شان يحرك ليك حسك و تبقى مليان انت بيهو http://www.youtube.com/watch?v=CJJYldSupxQ |
بسم الله الرحمن الرحيم
طلتك والخريف ،، ليك وحشة يعلم الله ،،،، |
اقتباس:
تماضر حمزة قالت لي: لو الشفيف فيصل ما جا راجع؛ حرّم ما بجيكم شن فائدة الشعر بعد ذهاب فيصل!!! قلت ليها: الله في ما داير ليهو فكي |
اقتباس:
كان فقدك كبيراً تشهد به جنبات هذا المكان وياسيدي فرحانة بيك كل النجوم |
انتو ياجماعة الخير الفيديوهات ليييه بتنزل كرابط ...!!!!:nono:
|
الاعزاء النور و بابكر لكم المودة و الاعزاز ..
طبعا لو قلت ليكم " يكفيني فقط حضوركم الجميل لهذا البوست" قطع شك بكون اتلومت و اجحفت في حق كثير من الاعزاء .. و لكن فليسمح لى الاحباب هنا دون ملامة و اجحاف ان اؤكد لكما انني سعيد بكما و نشوان و متمم كيفي و ممتن لكما بما يفوق كل وصف و تصوير .. اما على ذكر السحسحة يا بكور يا نديد فاقول ليك " كلو في وكتو حلو" .. و اما بخصوص تماضر فانا سارجع الى المخابي و لن اعود الا ان تكتب لي قصيدة عصماء و كدا كيتا في البروف امين مغنطيس اب صلعة !! |
اقتباس:
كيف حالكم و احوالكم في ام القوين الامارة الشامخة غصبا عن القروي الرويعي المدعو ابوبكر عباس و كدا .. |
اقتباس:
عساه بالف خير و عافية .. |
اقتباس:
|
فيصل سلمات وفرحانين بالشوفة الحلوة والله :dance:
بس اوعى تكون كنت حردان اعمل حسابك الزمن دا ما في تحنبس دازمن مشت براها تجي براها على قول جارنا الدنقلاوي :girl_sad::girl_sad: |
اقتباس:
و المحسي و الجعلي و الشايقي كمان .. لو انا حردان انت عاشقة بالجد خيالك و منو ساكنة ظلا ظليل .. لك وافر التحايا .. |
يا الف مرحب بالاخ فيصل سعد وحمدا لله بسلامة العودة مشتاقين والله
|
ياااا فيصل سعد،
قريت بوست رجعتك وانا بعيد عن النت؛ فطلبت واحد قهوة رغوتها نص الفنجان وبدون سكّر واحتفلت فرّادي! فرحان بشوفة حرفك، لله الحق (مع تحياتي لماجد). |
اقتباس:
و شكرا لوجودك الفخيم معنا تواصلا و محبة .. و نتمنى ان نلتقي معا في وطن و قد تعافى تماما من كل ما اعتراه من خراب ضجيج ممجوج و مشروع حضاري مزور و مضروب و تايواني .. مجدد التحايا و التقدير لمقامك السامي .. |
اقتباس:
العمدة البازخ اباذر عكود : انني في غاية البحث عن فنجان فنجانيين سليماني منعنع يحتسى مع بعض الرطب المعتق بديلا عن السكر لكي ارد على حلاوة مفرداتك العطرة الدافئة دوما يا حبوب .. و الى ذلك الحين; طب مقاما و زمانا و تدثر بالمودة .. |
اقتباس:
انت وين بوست المفردات العامية، وبالمرة وييييين حبيبنا شبارقة؟ زمان يا باذخ، شراب الجبنة كان في الاصل بالتمر، وشرابها بالسكر كان فنكهة أفندية ساكت، وساعة يحصل يغنولو. عشان كدي عثمان حسين كان بيغني يقول: قالوا كريمة فيها قطر تلغرافها ينقر چل ام غربان ادوها خبر شربنا الجبنة بالسكر دي قهوة عافي، تكفي الشر وين يا الله بلالي بلالي وهكذا تداعي. |
اقتباس:
واحد اخونا زمن الجاهلية بكورنش ابوظبي و كاسر الامواج مطالع التسعينات و نحن عزابة اشقياء ..في خفقان الموج و تلاطمها مع خفيت اضواء على الشاطئ كان بجيب ثيرموس قهوته معاو و يرتشف الراح و يحبس بالقهوة !! قلنا ليو النظرية شنو !! قال منعا للحيرقان و الهانقوفر بالاضافة لو زارونا و لاوزوا لينا العبايبس على الاقل نكرمهم من هذه الثيرموس و رغوتها !! http://www.youtube.com/watch?v=CJJYldSupxQ |
فافا الحبيب.....
طلتك ولا القمر ياغالي ؟؟؟ انا قبل افتح رسالتك جيت بي جاي اسلم عليك وحشة وافتقادات واشياء اخرى ... مفرح وجودك ومفرحة شوفتك ياااافردة جناحي التانية بعد كده ممكن نفتح الرسايل.... وبجيك راجعة يا غالي الحروف |
اقتباس:
الرجل المملؤ محبة و عشقا لهذا المكان .. |
اقتباس:
كيف حالك و الزمان شرمبرم !! و كيفك مع ناس دهار و رفاقه !! وافر الود و مجدد التحايا و التقدير .. |
اقتباس:
انا بخير وتسأل عنك العافية يافيصل دهار بقى شوف عين يارفيق مازي الونسة ديك:grin: وربك غالب بس ... طلبي في الرسالة الجوانية ماتنساهو وتسلم ياعظيم |
يا فيصل ياخ
محبة فى الله و سودانيات و فى شخصك السمح دا .. |
ياخي والله لو ما الدنيا هني في الرياض بَرِد ،،، كان أقول ليك شنو كده ما عارف يا فيصل سعد
عِلا بجيك راجع بروااااااااااقه يا الحبيب عن نفسي سعيد بشوفة قلمك هني يا الحبيب |
أخيــراً يأتي المســافة ...
لسة بيناتنا المسافة ... فيصل رفيق الغار و (مِرق) هذا المكان ...عليك السلام ... |
اقتباس:
معتصم الطاهر .. حبابك يا رجل و تسلم و تطيب و سمح الله ايامك بالخير الوفير .. |
اقتباس:
اسعد الله ايامك و لياليك خيرا و عافية و حفظك حلا و ترحالا و لك من المودة قواسيب و اطنان .. |
اقتباس:
الحبيب العام ربيط لك وافر التحايا و الود و الاعزاز .. قاليك : لاني خايف اني ابعد لاني خايف من مسافة الا بس فرقة عيونك ياها دي الغربة البخافها كيف نهاراتك و امسياتك و كيف ناس "تقى" بضم التاء !! |
يا سلام يا سلام
العود احمد يا حبوب وجودك بيحفِل المكان |
اقتباس:
العزيزة الغالية نبراس : لك التحايا و التقدير .. و المكان حافل بوجودك و يزداد القا و ضياء .. يديك العافية .. |
اقتباس:
اقتباس:
السلام عليكم يا شباب شكرا ً العزيزين عكود وود سعد ... تسأل عنكم العافية والأيام الطيبة حبسنا عنكم حابس .. لكن الشوق لم ينحبس يعلم الله مشتاقين لهذه الديار ولي ساكنيها بين ظهرانيننا هذه الأيام الحبيب ناصر يوسف لنا عودة في القريب إن شاء الله. |
اقتباس:
ياخي يعلم الله شوفة قلمك هنا ،، شئ يفرِح القلب ياخ الترحال قبال الحِل تراني دايماً بحاول أطبق المفهوم العميق لسودانيات البيت الكبير ده عالمٌ من التواصل والمحبة بحاول أطبق المفهوم العميق ده عملياً ياخ كلما تسنح لينا الفرصة والجيوب تبقي فيها شوية قريشات ممكن توصلنا لأهلنا وأحبابنا في كل بكان علي الكرة الأرضية الغير مُسَطَحة دي ياخ و 2014 دي إن ساعدتونا بدعوة بزيارة بفيزا سياحية أو ما شابه ،،، حتلقاني قدام وشيك أقالدك وأفت شوق السنين وأباكيك في الحبيب خالد الحاج ،،، ربنا يرحمه ويغفر ليه تعرف أنا لغاية هسي عندي فهم خاص بي بإني ما عزيتك في رحيل خالد الحاج ،،، لا إنت ولا عمي شوقي بدري ،، ولاااا رأفت ميلاد ؟؟ إن ما لاقيتكم وقالدتكم وبكيت خالد معاكم ،،، ما ببقي عزيتكم فيه كلو كلو ياخ ،،، ربنا يرحمو ويغفر ليه يا رب فشنو ،،، شوف لينا طريقة إني أجيك فوق بكانك ياخ دلوقت أنا مع أهلي وأهلك بورداب السعودية ،،، شباب وعواجيز جده كنت معاهم الأسبوع الفات وبرجع ليهم الأسبوع الجاي دلوقت أنا مع شباب وعواجيز سودانيات في الرياض وبَحَضِر ليكم في مفاجأة من العيار التقيل ( غير قابلة للحديث عنها الآن) يا سيدي تسلم وفرحان بعودة قلمك يعلم الله |
اقتباس:
اهلين فيصل مشتاقين ياصديق زمن سودانيات الجميل واياما الحلوة الجابك يجيب عقابك:drinks: |
اقتباس:
لكم وافر التحايا و الاشواق و جمل الله ايامكم صحة و عافية و سعادة.. قربتي تقولي "البحبني يجيب عقابو" :drinks: |
اقتباس:
و تقبل عميق الامتنان و التقدير لحضورك الفخيم هنا و يظل المنبر عامرا بكم جميعا تواصلا و محبة يا صاحب .. |
اقتباس:
|
فيصل يا قريب
اسعد الله أيامك ود سعد انت دحين بيناتنا مافي وعد؟! احتفى بي قبل ايام اخي وصديقي الفنان على السقيد في حضرة أحباب لي بينهم الطيب بشير وإسماعيل حميم وإبراهيم عبدالحليم في منزلي بحلتكم لصق المعرض الدولي. ويا لها من أمسية .. غنى من القلب للقلب درره الخاصة وأبدع كعهده في اختياره من الحقيبة. لو اوفيت بوعدك بمدك بالتسجيل الناااااااادر النضييييف. |
|
اقتباس:
سيادة القنصل ابا رزين : لك التحايا و عميق الود و التقدير و عساكم بالف خير و عافية و نعمة و بركات .. نتمنى لك اقامة طيبة بارض الوطن العزيز في صحبة رفاقك الاوفياء و عودة سالمة للمنفى بعد الاستجمام في ضفاف النيل و نخيله : رملتنا بيضة و بين بحرين يلاك نزورها نسقي الحبايب كاس كاسين و نسقي حورها لعن الله الذاكرة العاوزها تلومنا معاك !! انت بس رسل التسجيل المنمق و كلو بيهون ان شاء الله .. سلام يا صاحب.. |
اقتباس:
سلام و ود و تحايا يا رجل يا كلس .. وينك و وين ايامك و لياليك الزمان والقمرة في ليل الغريب ما زي قميراتنا الحنان ارقد عافية .. |
|
| الساعة الآن 12:09 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.