يا عادل عسوم لحظه من فضلك
 

الاخ التحايا النواضر
اولاً ياخ اعفي لي اني فتحت بوست بأسمك..كل الهدف من البوست توضيح بعض الحقائق التي قد تكون غايبه عنك وعن الاعضاء..
سبب فتح البوست بأسمك لانك في بوست الاخ بابكركان رأيك انو انا من يأخذ الامور بصورك شخصيه وقد يكون ده رأي كثير من الاعضاء..انا ما شيف كده..انا شايف انو بسبب كلام هايف وكلام لابودي ولابجيب ..صاحبك بابكر اتلحني في بت ام رويحتي دي بأني هل انا شخص حقيقي اني شخصيه متنافيه وانو انو انو..ده كلو فوق كم وسببو شنو..انا اقول ليك سببو شنو في احد البوستات مامتذكر اسم البوست ولا موضوع البوست
وعليك الله ما تقول لي اقتباس وما اقتباس ..بابكر حايجي يقول فقط للمكابره..اختنا مرافئ الله يطراها بالخير تداخلت في ذلك البوست جا اخونا بابكر لشئ في نفس يعقوب راداً علي مرافي بنوع من التعالي والاستفزاز وبعيد كل البعد عما قالته اختنا مرافي (ارجو من الاخت مرافي ان تنفي او تاكد كلامي)بعده تداخلت انا وقلت انو رد بابكر علي مرافئ بعيد كل البعد من ما قالته مرافئ وانو عندو شئ في بطنو علي مرافئ ولقي ردها ده فرصه يفرغ الفي بطنو (ليس حرفيا ولكن بمعني)ولسذاجتي ماكنت عارف اني عفصتا فيل المنتدي في ضنبو......
نواصل

المهم انو عفصت ضنب الفيل فتحت لبواب جهنم الشخصنه علي مصرعيه ..بعد ما رد علي بكلام الطير جمب البنطون كعادته رسل لي ايميل!!!!!
[QUOTE][/QUOTEAbubakr Abbas <[email protected]>
Feb 23

to me
Arabic
English Translate message
Turn off for: Arabic
هل انت شخصية حقيقية؟
بابكر عباس

Sent from Windows Mail]
دي الشخصنه الامها بت عم ابوها ذاتا يا عسوم ..الكلام ده تقريبا ليهو سنه او اقل شويه ..بيني وبين نفسي قلتا الزول ده ما نصيح ولا شنو..وتخيل رديت ليهو واضعاً في اعتباري انو الزول ده خير مثال لمن يعيش حياه الاسافير كأنها الواقع ...

برضو نواصل

في ردي ليهو قلتا الراجل شكلو عاوز يعمل check لIP لانو احتمال يكون شاكي اني واحد من الاعضاء كما لمح ثم بعد ذلك صرح
Abubakr Abbas <[email protected]>
Feb 25

to me
Arabic
English Translate message
Turn off for: Arabic
سلام تاني يا قاسم
من الرد دا تأكدت إنك ليس بعسوم
ما داير أعتذر عن شيء أنا فعلته مع سبق الأصرار والترصد
يا أخي مسألة خلو برفايل المتحاور من معلوماته الأساسية قاعدة تزعجني جدا
ودي قاعدة تخلق لي مشكلة وشك
دا أنا كدا ولو انت متضرر مني ازعاجي لك، ممكن تأخذ حقك بالصورة التي تراها مناسبة

شكرا على تكبد مشقة الرد

بابكر عباس
to be continued

سلامات الحبيب قاسم،
آسف للمقاطعة، بس عاوز اشكرك وإستاذنك،
الشكر بانك صححت لى معلومة عن ابوبكر عباس!
وح إستاذنك بموجب المعلومة الصححتها لى عن المدعو اعلاه، بفتح بوست إعتذار كارب له،
الزول طلع مريض! الله يشفيه

وادبياً - البعمل فيهو ''ابوجهل'' دا صحيح؟
يا زول الله انت ماتعاين للصورة من كل الجوانب!

الشئ الطبيعي انو الموضوع مفروض يكون خلاص انتهي كما اعتقدتا انا لكن نووووووو
ماذال في نفس الرجل شئ من حتي ..في بوست اخونا يحي عثمان بتاع الانسحاب اخر مداخله فيهو كانت للاخ بابكر عباره عن سؤال موجه لشخصي وهي (هل انت شخص حقيقي)هههههههههاي ..ياخ ده زول تحفه لمن بغادي ..وكأنك يا ابوزيد ..الراجل مشكلتو كما قال مع الزول البكون البروفايل تبعو فاضي بتزعجو وتسبب ليهو مشكله ..ودي بالجد مشكله عويصه لمن ينسلخ من الحياه الواقعيه للاسفيريه او مزجهم ومعايشتهم كأنهم واقع ..ذنبي شنو انا البنسبه لي الاسفير ماهو إلا لحظه استرخاء من عنت الواقع ..جمه صغيرونه وبعدها تدور عجله الحياه مره اخري وبدون رحمه ادفع تمنا harassment over and over again..فيا اخ عسوم ظلمتني بحكمك علي بدون خلفيه لما هو داير ..بابكر فاهم انا ليه بقول ليهو ابعد عن الشخصنه انت يا عسوم الحبيت بحسن نيه او سوءها الله اعلم بيك تكبر كوم بابكر وشهادتك لله و(لا خير فينا ان لم نقلها) بالنسبه لي طق حنك ليس إلا ..

الاخ زول الله تحيه نضره
الايميلات دي ليها سنه تقريباً ..في الايميل التاني قال لي ممكن تاحد حقك بالطريقه البتشوفا وعلي الطلاق يا زول الله القصه ما اخد حق ولا دياولو القصه انو انا صوت اللوم نتف لحمي من الاخ عسوم بدون خلفيه عما هو دائر..فحبيت انور اخونا عسوم
تشكر

حبيبنا البديري يازول اذنك معاك البيت بيتك يا رجُل ..انا اعتزار منو ما داير ولا ده كان هدفي من فتح البوست فقط إستفزاني كلام عسوم باني انا من يشخصن الامور مع بابكر فحبيت اوضح الصوره ليس إلا...
تسلم يا حبيب

فى مخالفات للائحة هنا ارجو الابتعاد عنها ..

سلام للشباب،
مقدمة:
- أرجو من السيد الأمين العام عدم المساس بالبوست الذي أراهو مهم جدا، ومن جانبي أسمح بأي نوع التعدي في شخصي من جانب مفترع البوست أو المتداخلين.
- الأخ زول الله، شكرا على المداخلة لكنني أنا من سمح لمفترع البوست بإتخاذ ما يراهو مناسب كرد على الرسالة الخاصة والنشر يدخل ضمن ذلك الإذن.
- الأخ عسوم، فعلا أنا متشكك بأنك ومفترع البوست شخصية واحدة حتى بعد مداخلتك الداعمة لي في البوست الآخر.

الاسافير في رائي لا تمت للواقع بصله ..بإمكان اي عضو رسم شخصيته كما يتمني ان يراها الناس وهو يعلم ان شخصيته الا السفيريه لا وجود لها في ارض الواقع ..فبيانات البروفايل كمثال ،اكتب ما تشاء فانت غير مطالب باي نوع من الاثبات ،انسب لنفسك ماتحب من الالقاب فلن تكون إلا ما انت والميزان هو ما خطه يراعك ،وللقراء عقول بها يميزون (البروف) في جورج تاون من سائق ال18wheeler في فيافي نبراسكا ، انت بالضبط ما يقوله قلمك ،في كثير من الاحيان يكون العكس هو الصحيح ،يرضو ممكن تكون (بروف) حقيقي ولكنك خير مثال لمقوله القلم مابزيل بلم ...

اللائحة :
4/ يمنع بشكل بات نشر أي رسائل خاصة داخلية اياً كان مرسلها او متلقيها بدون الحصول على موافقة مرسلها, وعلى العضو المتضرر شخصياً من أي رسالة داخلية تصله من عضو آخر إرفاقها بشكوى للأمين العام فقط. ولايجوز لغير العضو الموجهة اليه الرسالة الاحتجاج بها اوالاطلاع عليها, وفي حالة نشرها بأي شكل وتضرره منها له أن يلجأ بشكوى للأمين العام

هل تعتبر رسائل Hotmail/yahoo etc رسائل داخلية؟

أولاً: بما يخص مرافي إعتذرت ليها عن المخاشنة هنا، وأتصلت بها تلفونياً وعرضت انو ممكن أجي لحدي بيتها للإعتذار، لا أدري حالياً هل أنت تتحدث عن نفس المخاشنة أم أنها حادثة أُخرى. نترك هذا جانبا لحدي ما تجيب السياق العندك أو تمهلني فترة أقوم بالمراجعة.
ثانياً: موضوع التنافي وخلو البروفايل من المعلومات الشخصية (لا أقصد الكتابة بنِك نيم):
أرجو أن تسمح لي بإكمال فكرتي ومن ثمّ التداخل.

للريكورد