[imported_عبدالله علي موسى]

المشاركة الأصلية كتبت بواسطة أمين محمد سليمان

يا زول الكلام ده تقولو الناس ما عندها حدايد !!

كلامك ده علاقتو شنو بمقدمتك دي :


جاي هسي تقول أنا كاتب بالكتير 15% .... في زول بكتب أقل من 15% في بحث و يقول ده حقو ؟

إنت جيت قلت أنا داير أعمل literature review ؟!! إنت قلت عندك مبحث ... في الحقيقة مباحث ده أولهم ... لمن جبنا ليك مكان العليفة عملتها literature review !!

و عليك الله يا عبدالله... تبقي شيعي و جاي تقية ... تبقي هندوسي و عندك نقطة حمرا في صلعتك ... تبقي جن أحمر و بتقوم ليك قرون بالليل ....كلو علي كيفك ... بس عليك الله ما تستوسخنا تنقل ليك كلام بضبانتو و تجي تقول لينا ده مبحث عملتو لسبر ((بعض التفاصيل المثيرة للجدل التي إرتبتط بالاسلام والمسلمين)) !!

لو جيت من الأول و قلت ده إستعراض لكتاب شيخ المضيرة كنا عرفنا من ياتو كوشة من كوش الشيعة بتعلف منها و مافي زول كان سألك ... لكن تجي تعمل لينا فيها محسن خالد و عندك مباحث و أمن دولة و تطلع بتاع علايف بنبلك زي البل ده !!


بالنسبة للرد علي الكلام نفسو ، فدي أصلا ما القضية .... كتاب أبورية و شبهاتو عن سيدنا أبي هريرة كلها إترد عليها ... القضية هنا قضية زول سرق من كتاب و علق اسمو عليه و سماه مبحث و لمن كشفو قال ده literature review !!!
بالنسبة لقلة أدبك و صعلقتك الفوق معاي دي ... فعادي جدا ... كل الحرامية البكشفوهم بلومو الزول البكشفهم !!

-----------------
" المباحث" إذا لم تعلف لا يعول عليها !!

المشاركة الأصلية كتبت بواسطة أمين محمد سليمان

آية الله العلاف... سلام تاني ... نسيت أعلق علي جزء من كلامك لي، إنت قلت : يلا عايزك تجيب لي - و إنت قلت بتحكم علي ما رأيته هنا و في مكتبتي في س. أونلاين - إسم زول غيرك إنت و هشام أدم أنا أثبته عليفتهم ...جيب إسم وااااحد ... فرد واحد يا قول امي الله يرحمها !!!!
و لا أقول ليك حاجة ... عفيتك ما تجيب أي إسم !! ما تجيب ... لانك :
1- ما ح تلقي .
2- أي زول بقرأ هسي عارفك زول كضاب ... كضبة واحدة زيادة ما بتضرك !!
-----------
البني ادم إذا لم يكضب لا يعول عليه !!

نزولاً عند طلب الاستاذ طارق كانديك أرد على الأخ أمين هنا، و سأعود لتكمله ما بدأت في البوست الأخر أول ما انتهي من دوشة بداية الاسبوع،

أعلم مسبقاً أني سأندم على ما كتبت هنا يوماً ما لأن اللغط والخوض مع الخائضين ليس من ما ارنو له، لكن تقتضي الضرورة أن أوضح لا أخي هذا بعض النقاط.

اسلفت أن الجزء الأول عبارة عن عرض مادة، و هذا أمر أخاله واضح و كما قلت لك تليمذ في سنة أولى جامعة ممكن يوضح ليك الحتة دي إلي هي واضحة..أي بحث يا أخي...على الأقل في المناهج الأكادمية التي درسناها (APA & MLA) يبدأ بعرض ماده ليس للكاتب فيها أي شئ غير أنه عثر على هذه المادة، يعرضها في سياق معين و يستخدمها كحجه يعضدد بها نتائج البحث، واجبات الكاتب في تلك المرحلة، المرحله الأولى:

1- أن لا يقدم استنتاجات البحث التي لا تأتي إلا في نهاية المبحث و قد يكن الإستنتاج عبارة عن سؤال.
2- أن يقدم استنتاجات غيره في العرض
3- أنا يتأكد من كل المقتبسات و أن يحدد الاقتباس عن الاقتباس إن ورد...حددنا الاقتباس المباشر و لم نحدد الاقتباس عن الاقتباس في كل فقرة بل تركت مذكرة أن الاقتباسات أعلاه من كتاب أبو رية و اقتبسته في مكان أخر و ذكرت في بداية المبحث أني اكتب من هوامش جمعتها و لم أقل كتبتها. لك و للقارئ العتبى في ذالكم التقصير، و ذالك لا يجعلني سارق لان:

1- البحث لم ينتهي، و فعلاً بدأت في الأجزاء الأخيرة التي كتبت الابتعاد عن العرض و كل المكتوب في تلك الأجزاء ما عدا ما اقتبس من السيرة ليس له علاقة بكتاب أبو ريه أو غيره إلا التسلسل في بعض الأماكن و زدنا كثيراً في أماكن أخرى و لك أن تتحقق و تأتي بالبينة، و أنت قلت أنه كله منقول كلمة كلمه و هذا غير صحيح.
2- ذكرت أبو ريه في ثلاث مواقع و قلت أني اكتب منه و قلت أن ما ورد هوامش مجموعة (بدهياً من مصادر أخرى)
2-اعترفت أني لم التزم تماماً بكل القواعد الأكاديمية، فأنا يا أخي كما اسلفت لا اعتزم تقديم هذا لرسالة أكاديمية، الهدف هو عرض هذا الذي ورد في السيرة من كتب السنه نشوف رأي الناس فيه إيه

بالنسبة لتعليقك أني جعلته عرض مادة Literature Review لمن جبتا لي مكان العليفة...طيب أنا شايف الناس هنا بقولوا ليك بروف..ما عرفك بروف أسافير ساي ولا بروف حقيقي لأنه يا أخي ده كلام ينم عن بساطة..عرض المادة جزء من أي بحث تستهل به البحوث, و معنى كلامي أنك حكمت على عرض المادة، وهو جزء وعرض المادة دائماً مقتبس بي ضبانتو..

أبو ريه الأغلب أنه ليس شيعي و أقول الأغلب لأن ليس هناك تأكيد لكنه إشتهر على أنه سني تتلمذ على سنة و اشاد به كبار أمثال طه حسين و غيرهم و الرجل إجتهد و نقل لكم كلام زي النقلتو أنا منو و من غيرو فهو عبارة عن رسول لا أكثر و لم أراه ينقل عن شيعة، و انشالله بس ما تكون فاكر إنو غير الشيعة مافي من إعترض على أبو هريرة أو على السنه كلها، أمسك عندك الخوارج، الغنوصيين، القرانيين، بعض الليبراليين والعقلانيين و ناس الله ساي ما عندهم إنتماء ... بطل الاجابات الجاهزة دي ياخي... قلت الناس ردوا عليه زمان، جيب الردود دي في نهاية البوست نناقشه بدل الازعاج دة و والله أنا أكاد أجزم أنك لم تسمع عنه قبل حديثنا هذا.


في معرض ما تقيأت علينا من إسفاف استغربت منه صراحة، مالك مضايق كده ياخي؟؟ زي ما قال الأخ طارق الأولى أن تأتي و تفند هذا الكلام بدل شغل الحواري دة..المهم قلت "لكن تجي تعمل لينا فيها محسن خالد" ..جميل المكان ليس مكان مزايدة و هذه كانت غير موفقه منك..لكن نرد عليك بمثل ما أتيت...الحمدلله أنا لا اتمنى أن أكون إلا أنا و عيني ما يملها التراب و لي انجازاتي التي انجزتها في سن مبكر جداً يعلمها الناس و أفخر بها..احترم محسن خالد جداً و لي معه مداخلات هنا تشرفني...بلرغم من دخولي الحديث للمنبر و هو أول منبر سوداني اشترك فيه أصلاً، وبالرغم من قلة ما اكتب تركت هنا في مشاركات قصيرة مفاتيح إن تدبرت فيها كفيلة بأن تضعك في طريق العارفين و تخرجك من متلازمة الهرج التي نراكم عليها..بالمقابل أمشي أجرد ارثك في الأسافير هنا و في أماكن أخرى تكتبون فيها، أجرد إذا طلعته ورقتين فولسكاب فيها ما يمكن أن تستفيد منه البشرية تعال لومني. و إذا على المباحث والله ما مشتهيها... من بين ما انجزت حديثاً شهادة عليا من أرقى و أعرق جامعات أمريكا في مجال ندر من يدرسه من العرب في أمريكا قدمت الكثير من البحوث حتى تحصلت عليها و في خلال سنة اتحصل على شهاده عليا أخرى من جامعة أعرق في مجال أخر، و طبعاً لا يجوز هذا القول، لكن المعرض معك بقى معرض فارغة والفارغة يملاها الله.



أما هذا "لقلة أدبك و صعلقتك الفوق معاي دي" بالرغم من ما نزلناه معك حتى الآن ما بقدر أنزل لي مراحل زي دي فهذا مردود عليك، و إذا كان زعلتك كلمة تهريج، زي ما قلته فوق أمشي أجرد حسابك طلع التهريج شوف يفضل ليك كم في الأسافير بعد داك قول أنا افتريت عليك كذبا. أنت من إخار لنفسك دور البلياتشوه هذا

و لا أدري ما الحكمة في قول "قول أمك الله يرحمها"...الله يرحمه و يرحم والديك يا أخي .. ما فاهم ليه رجل كبير في سنك ربما هو أكبر من أبي مصر يستخدم أساليب صبيانية و يجي يقحم أمي في نقاش إسفيري..ما علينا الله في.

تابعت تربصك والقسوة التي عاملت هشام بها و في بوست مر علي إنو الموضوع كان فيه ناس تانين..ما علينا..موقفك مع هشام كفيل بتبيان ما أنت مصنوع منه، على الرغم من إختلافي معه و عدم معرفتي بهشام إلا من خلال مداخلاتي معه هنا في البوست إياه و البوست غير الموافق الذي إفترعتة فأتينا نبين دلائل وجود الله من منظور عقلاني ثم اكتشفت أن الأمر لا يعدوا كشفاً لعوراه الأخرين و تصفية حسابات قديمة بصبيانية ليست من شيم الكرام. واجه هشام نفسه بشجاعة أمام الجميع، و ترك لك الأسافير تملأها ضحكاً و هرج، تبقى شجاعة الرجل وسام شرف على جبنيه و تبقى صبيانيتك و تشفيك وسم عليك.

المهم زي ما قلت ليك، كل إنسان بختار دور في الأسافير، قد تكن إنساناً مختلفاً تماماً في الحقيقة لكن أحكم عليك هنا بما اخترته لنفسك من أدوار. سأعود لتكملة ما بدأت في الأيام المقبلة، و حضرتك إذا حابي تستمر في العواسة تعال عوس هنا و أفتح ليك بوست أتجدع فيه.

أرجو المعذرة من كل من في هذا المنتدى إذا خرجت من طوري هنا و قلت ما لا يليق، أخرجني الأخ بهرجه و تحامله العجيب، و غفر الله لنا إن أخطأنا.