اقتباس:
المشاركة الأصلية كتبت بواسطة بابكر مخير
سلام
طبعن عمكم وأخوكم
الأيام دي وبعد طور النقاهة من الزهجة، ديك..
يمكن تتذكروها..
في حالة إنعدام وزن، ما العاطل، بيكون دون إحساس ولا فكر ؛؛
بدون مناسبة؟؟
كلمة فكر وهي من اللغة عربية واللغة العربية تكاد تكون مشتقة من التقريية،،
فهم الناس ديل بيقولو للحب "فيقر" وهذا يقود الي أنه الحب في مفهوم العربان،، شي يشغل العقل ويمكن أن يذهبه،،،،،،
نرجع للمناسبة،،
آها وإنعدام الوزن خلاني أحلق في جو سودانيات لأوكات طويلة،،
مما آثار حفيظة "زنوبة، بنيتي" ونصحتي أن أهم بعد العمل وحياة العطالة أكتر من السرحان في أجواء المنتديات...
دآ جاء بعد أن بنفسي شعرت أني،،
منجض الخلق هنا،،
ما في زول يكتب سطر وإلا أنط ليهو في حلقو،،
يعني شوفو عمدتنا ال BOSS،، لمن وقف شريار الكلمات المتقاطعة إسبوع قبل ميعادها من نقة بابكر،،
هاشم طه، بس زول يقول هاء وأستلم الموضوع وأولاد الخيلان، كان حسن فرح أكان شوقي بدري،، ديل نجضهتم عديل كدي، وأبو أماني وعبد العزيز امسكين شاب لسة في مقتبل العمر وهريتو نقة،،
عشان كدآ
وبس كدآ
(يعني هو في أكتر من كدآ)
حاقيف عن الطربقة والهترشة والشتآرا،،
الي حين إخطار آخر..
يمكن أن يكون الي حين عطلة عيد الفطر، العيد الكبير أو أعياد الميلاد،،
بس؟؟
أكيد أعياد إنقلاب يونيو ما ليها سبب..
يمكن الإنتخابات لو إترشحتا تفرض عليا العودة،،
لزوم دعمكم
سلاااام
ملحوزة؛؛
حا أتفرج،،
ومجاملة ليا وقولة أواصل،، غير مقبولة من حسي بقولها...
|
الحبيب قلت لى شنو-- قرار بالتوقف-- كدى حاول- على بالقسم جماهير سودانيات تطلع بمظاهرة وتلحقك كان عند الشيوخ او الخواجات يجوك بى لافتاتهم وهتافاتهم واذا ما تراجعت فى كلامك يكلبشوك ويودوك لاكامبو