سودانيات .. تواصل ومحبة - عرض مشاركة واحدة

منال · 25-05-2009, 06:15 AM

اقتباس:

المشاركة الأصلية كتبت بواسطة بابكر مخير

سلام
حاقيف عن الطربقة والهترشة والشتآرا،،
الي حين إخطار آخر..
يمكن أن يكون الي حين عطلة عيد الفطر، العيد الكبير أو أعياد الميلاد،،
بس؟؟
أكيد أعياد إنقلاب يونيو ما ليها سبب..
يمكن الإنتخابات لو إترشحتا تفرض عليا العودة،،
لزوم دعمكم

سلاااام

ملحوزة؛؛
حا أتفرج،،
ومجاملة ليا وقولة أواصل،، غير مقبولة من حسي بقولها...

صباحك زين ابونا بكور

قلت كيف
اكان وقفت معاك بقيف و نبطل هترشة و خستكا ... اها كمان القاعدين ليها شنى و انت مكتف و تقول ما داير تواصل ...
المجاملة اكيد ... اكيد ما بينا لانو الجارى ده مننا و فينا و بينا بحور ... وانت غرقان يابا من زمااااااااان

نبدا الاعياد و نستمد من روحك الفرح بيها

قلت لى عيد الثورة تعرف يا مخير الجماعة ديل طارت ليهم فى راسهم المدقوس و قالو تانى ما دايرين اجازة اللت اعياد و حرمو الناس من اللمة و لعب الكوتشينة ... اها عطلة واحدة فى العام بمناسبة الاستغلال ...
وقاموا شركائهم التانين احتجو و عملوا اعياد السلام هليمانة براههم كده فى شارع النيل عرضو نقزوا زول شاركهم يا كافى البلاء ماف ...
اها هسه كلهم لابتين لبعض و النشوف 30 يونيو ده اخرتو شنو

اها لو قالو فى ارهاصات بتاعت انقلاب ... اى زول بلقى ليهو شغل و ان فشل كلنا نشيل سلاح ... تاااااااااح ... تراااااااااااح

وان مشت بى اخوى و اخوك ... و قامت الانتخابات ... و انت مرشحنا فى الدائرة الجغرافية مدينة امدرمان الكبرى ... نعزف من هسه الى عام 2010 الحان للديمقراطية و الحريات و الكرامة و العيش الكريم ( دى قدرتنا نسكت نغنى

) بتوافق و مؤامة مع الوضع السياسى الراهن و المتاح الى الان.......

بس ابقى لا جوا و بطل فرجة من ع الرصيف

شعارك الانتخابى
يا غرقت يا جيت حازما