[رأفت ميلاد]

سلامات يا شوقى

فى مدنى أسم الكمخ ده ما سمعت بيهو وشايفك بتكتب إسم التاجر (مخنجى) ما عارف غلطة إملائية أو أسم تانى عشان نحن بنسميهو بدبل خ (مخخنجى)

عندى مغامرة مع البنقو أصلو ما بنساها الله يطراهو بالخير صاحبى مهدى .. كانت فى حملات مكثفة على تداول البنقو أياما فى مدنى .. مهدى كان كييف وضاربو قلق .. قال لىّ (دايرك تساعدنى .. أركب الطراحة البعدى وأنزل فى آخر محطة فى حى المدنيين .. أتحاوم لامن تشوفنى أركب الطراحة الفى الصف زى الما بتعرفنى) .. طاوعتو وأنا عارفو حبرتجى شديد .. لامن شفتو ركبت الطراحة البيجو 60 وكانت بتشيل إتنين قدام وأربعة أو خمسة خفاف ورا .. مهدى أنحشر جمبى وغمت لىّ الوزنة بتاعتو حشرتها فى جيبى .. لامن أتملت العربية وأتحركت بشارع البحر ونحن على بعد أمتار من النقطة الراكب جمب السواق طلّع البطاقة (مباحث) وأمر السواق بدخول نقطة البوليس .. مافى زول نطق كمن على رؤوسنا الطير .. فتحوا أبواب العربية وأمروا الناس بالنزول إلا أنا والسواق وأمروهوا بالإنصراف .. بعد شوية حصلنى مهدى يضحك وقال لىّ (العربية كلها كانت محملة ما برانا) .. تهمة البنقو كانت بـ(الحيازة) يعنى الزول كان جدعا بعيد عنو قبل القبض عليهو البوليس ما بقدر يثبتا عليهو عشان كده فكوهو لامن ما لقوا معاهو حاجة

غايتو تانى ما كررتها قدر ما حنسنى مهدى