[ناصر يوسف]

المشاركة الأصلية كتبت بواسطة صديق عيدروس

وانا ربضو عندي مجرد سؤال

هل هذا كل ما اثار فضولك وحميتك وغيرتك
هل الاستخاف والتهكم والكذب والتغول بالفاظ بذيئة وساقطة ومنحطة على الصحابي الجليل ابوهيرة مقبول عندك

وهل تساوى بين كلمة (المدعو ) فلان ،،، وكل الاسفاف والسفاهة المبذولة هنا


انا شخصيا مامنتظر منك اجابة ،، ،،،
شكرن

المشاركة الأصلية كتبت بواسطة صديق عيدروس

مافي مشكلة يمكن الاستهزاء والتهكم بالصحابي الجليل ابوهريرة ،، ووصمه بانه جبان ومتسول وكذاب وصفيق ووووو هذا كله عادى ومقبول

ولكن كلمة (المدعو ) عبدالله على موسى ،، فيها استخفاف وتثير حفيظة البعض مما يستلزم الرد والانكار ،،،،

سبحان الله نحنا فعلا في زمان العجائب وانقلاب الموزاين

نفس سوء الفهم الحصل لي قبال كده مع الأخ العزيز عادل عسوم

لما الواحد يناقش جزئية معيييييينة ،،، يقولوا ليه ليه ما ناقشت الجزئية التانية

يا صديق عيدروس يا اخوي قفل باب النقاش والله ما حبابو عشان تقول ليه {انا شخصياً ما منتظر منك إجابة }

هسي منو القال ليك بإني ما عندي رأي في أقوال أخونا عبد الله علي موسي ؟؟

انا ناقشتك إنتَ ده في عضمة كيبوردك وقلتها ليك ،،،


إلصاق كلمة المدعو قبل إسم العضو عبد الله علي موسي أنا شايفها إستخفاف مههههههما كانت درجة إختلافك معاه

مجرد وجهة نظر ،،، تقبلها أو ترفضها إنتَ مخير

وده ما بيعني إني مع عبد الله علي موسي في قوله هنا ولا في أي حتات تانية وليس دفاعاً عنو

يااااااااااااا عمنا صديق عيدروس

أنا أقدر ليك جدددددددداً وأنحني لك إحتراماً لحميتك في الدفاع عن الإسلام وعن سيد الخلق أجمعين وصحابته الكرام وده شئ بيدعوني للفخر والله بإنو أخوي صديق عيدروس بيعمل فيه

لكن ،،،، ياخي كدي أرجع وعاين لكلامي ده بعين تانية بعيد عن ربط المسألة بأقوال عبد الله علي موسي وليس المدعو

وبرضو علي كيف كيفك يا حبوب

شاكر ومقدر ليك وتجدني آسف للتداخل الغير مقبول من قبلك

الشئ العاوز أأكده ليك ،،،

انا لا عندي فهم زي فهمكم ولا وعي زي وعيكم ولا بقدر أعاين لما خلف السطور بذات الكيفية العندكم

أشكر ليك إنتَ والعزيز كيشو وعبد المنعم الحضيري وكتار منكم القادرين علي القراية الصاح ،،، خلوني انا في عنقاليتي دي ياخ