[صديق عيدروس]

المشاركة الأصلية كتبت بواسطة ناصر يوسف

نفس سوء الفهم الحصل لي قبال كده مع الأخ العزيز عادل عسوم

لما الواحد يناقش جزئية معيييييينة ،،، يقولوا ليه ليه ما ناقشت الجزئية التانية

يا صديق عيدروس يا اخوي قفل باب النقاش والله ما حبابو عشان تقول ليه {انا شخصياً ما منتظر منك إجابة }

هسي منو القال ليك بإني ما عندي رأي في أقوال أخونا عبد الله علي موسي ؟؟

انا ناقشتك إنتَ ده في عضمة كيبوردك وقلتها ليك ،،،


إلصاق كلمة المدعو قبل إسم العضو عبد الله علي موسي أنا شايفها إستخفاف مههههههما كانت درجة إختلافك معاه

مجرد وجهة نظر ،،، تقبلها أو ترفضها إنتَ مخير

وده ما بيعني إني مع عبد الله علي موسي في قوله هنا ولا في أي حتات تانية وليس دفاعاً عنو

يااااااااااااا عمنا صديق عيدروس

أنا أقدر ليك جدددددددداً وأنحني لك إحتراماً لحميتك في الدفاع عن الإسلام وعن سيد الخلق أجمعين وصحابته الكرام وده شئ بيدعوني للفخر والله بإنو أخوي صديق عيدروس بيعمل فيه

لكن ،،،، ياخي كدي أرجع وعاين لكلامي ده بعين تانية بعيد عن ربط المسألة بأقوال عبد الله علي موسي وليس المدعو

وبرضو علي كيف كيفك يا حبوب

شاكر ومقدر ليك وتجدني آسف للتداخل الغير مقبول من قبلك

الشئ العاوز أأكده ليك ،،،

انا لا عندي فهم زي فهمكم ولا وعي زي وعيكم ولا بقدر أعاين لما خلف السطور بذات الكيفية العندكم

أشكر ليك إنتَ والعزيز كيشو وعبد المنعم الحضيري وكتار منكم القادرين علي القراية الصاح ،،، خلوني انا في عنقاليتي دي ياخ

السلام عليكم اخونا ناصر ،، ياخي لاعليك وارجو تسامحني انت ، لاني رديت عليك وفعلا كنت غضبان ،، ياسيدي مقدرين دوافعك الحسنة ،، ومنذ معرفتنا بك هنا ، نعرف عنك كل خير وماعرفنا فيك تلون ولا نفاق ،،، فارجو ان تسامحننى ،،،،

قول الحمد لله ، اننا ماتسرعنا وختيناك في قائمة التجاهل