** ﻳﺎ ﺳﻼﻡ ﻟﻮ ﺍﻱ ﺯﻭﻝ ﻳﻮﻡ ﺗﻀﻴﻖ ﺍﻟﺪﻧﻴﺎ ﺑﻴﻬﻮ **

[فيصل سعد]

بسم الله ... و الحمد لله ...
و الصلاة و السلام على رسول الله ...

السلام و التحايا الطيبة لكم جميعا اهلنا و احبابنا في سودانيات .. و ناسف للغياب و عدم التواصل و المشاركة التى لم تسببها ظروف قاهرة او مشغوليات و لا شواغل .. و لكنه الكسل و التكاسل عن الكتابة .. مقروننا بجفاف اصاب كيبوردنا امتد لاناملنا .. زيادة على المزاج المعكر و زادته الغربة و الوحشة و الوحدة بعض شذرات من اسى و لوعة ..

نعم طال الغياب .. و لكن تاكدوا بانكم و سودانيات دوما في البال و الخاطر ..
و لم و لن تغيبوا عنا لحظة واحدة لا تناسيا و لا شرودا و لا سهوا ..

ﻳﺎﺳﻼﻡ ﻟﻮ ﺍﻱ ﺯﻭﻝ
ﻳﻮﻡ ﺗﻀﻴﻖ ﺍﻟﺪﻧﻴﺎ ﺑﻴﻬﻮ
ﻳﻘﺪﺭ ﻳﻠﻘﻰ ﻭﺳﻂ ﻫﻤﻮﻣﻮ
ﺯﻭﻝ ﺣﻨﻴﻦ ﻳﺴﺄﻝ ﻋﻠﻴﻬﻮ
ﺯﻭﻝ ﺗﻔﺘﺶ ﻟﻴﻬﻮ ﺭﻭﺣﻚ
ﻟﻤﺎ ﺗﺤﺘﺎﺭ ﺗﻤﺸﻲ ﻟﻴﻬﻮ
ﻭﻟﻤﺎ ﺗﻤﺮﻕ ﻣﻦ ﺩﻭﺍﺧﻠﻚ
ﺍﻭ ﺗﻀﻴﻊ ﻣﻨﻚ ﻣﺪﺍﺧﻠﻚ
ﺗﺒﻘﻰ ﻣﺎﺭﻕ ﺷﺎﻥ ﺗﺠﻴﻬﻮ

ﺯﻭﻝ ﺑﻴﺸﻴﻠﻚ ﻓﻲ ﻭﺩﺍﺭﻙ
ﻳﺒﻨﻲ ﺑﺎﻟﺤﻨﻴة ﺩﺍﺭﻙ
ﻭ ﻳﻮﻡ ﺗﻠﻬﻠﺐ ﻓﻴﻚ ﻧﺎﺭﻙ
ﻳﻄﻔﻲ ﺟﻤﺮﻙ ﺑﻲ ﺍﻳﺪﻳﻬﻮ

ﻟﻮ ﺣﺼﻞ ﺿﺎﻕ ﺑﻴﻚ ﻣﻜﺎﻧﻚ
ﺍﻭ ﺯﻣﺎﻧﻚ ﻣﺮﺓ ﺧﺎﻧﻚ
ﺑﺮﺿﻮ ﺑﻔﺘﺢ ﻟﻴﻚ ﺣﺘﺓ
ﺑﻴﻦ ﺭﻣﻮﺷﻮ ﻭﺑﻴﻦ ﻋﻴﻨﻴﻬﻮ

ﺍﻳﻪ ﺗﻜﻮﻥ ﺍﻟﺴﻜﺓ
ﻣﻦ ﻏﻴﺮ ﺯﻭﻝ ﺭﻓﻴﻘﻚ
ﻳﻤﺸﻲ ﺑﻴﻨﺎﺗﻚ ﻭ ﻳﺴﺮﻉ
ﺷﺎﻥ ﻳﺴﻬﻞ ﻟﻴﻚ ﻃﺮﻳﻘﻚ
ﻭﻟﻮ ﻛﻤﺎﻥ ﺍﻟﺴﻜﺓ ﺻﻌﺒﺖ
ﺗﻠﻘﻰ ﻓﻲ ﺩﺭﺑﻚ ﻣﺸﻴﻬﻮ

و تسوى ايه الدنيا
من غير زول يحسك
يبقى عايش في كيانك
شان يحرك ليك حسك
و تبقى مليان انت بيهو


http://www.youtube.com/watch?v=CJJYldSupxQ

[النور يوسف محمد]

بسم الله الرحمن الرحيم

طلتك والخريف ،،
ليك وحشة يعلم الله ،،،،

[أبوبكر عباس]

المشاركة الأصلية كتبت بواسطة النور يوسف محمد

بسم الله الرحمن الرحيم

طلتك والخريف ،،
ليك وحشة يعلم الله ،،،،

صاحبك، يا نور، اول حاجة عملها؛ دخل على الخاص شال الفواتح، ونزل الكفارات، وبارك الأفراح والسمايات وبعد دا، ح بتفرغ لينا للسح...
تماضر حمزة قالت لي: لو الشفيف فيصل ما جا راجع؛ حرّم ما بجيكم
شن فائدة الشعر بعد ذهاب فيصل!!!
قلت ليها: الله في ما داير ليهو فكي

[مرافي]

المشاركة الأصلية كتبت بواسطة فيصل سعد

بسم الله ... و الحمد لله ...
و الصلاة و السلام على رسول الله ...

السلام و التحايا الطيبة لكم جميعا اهلنا و احبابنا في سودانيات .. و ناسف للغياب و عدم التواصل و المشاركة التى لم تسببها ظروف قاهرة او مشغوليات و لا شواغل .. و لكنه الكسل و التكاسل عن الكتابة .. مقروننا بجفاف اصاب كيبوردنا امتد لاناملنا .. زيادة على المزاج المعكر و زادته الغربة و الوحشة و الوحدة بعض شذرات من اسى و لوعة ..

نعم طال الغياب .. و لكن تاكدوا بانكم و سودانيات دوما في البال و الخاطر ..
و لم و لن تغيبوا عنا لحظة واحدة لا تناسيا و لا شرودا و لا سهوا ..

يا 100 هلا وعوداً جميلاً مستطاب

كان فقدك كبيراً تشهد به جنبات هذا المكان

وياسيدي فرحانة بيك كل النجوم

http://sudanyat.org/vb/showthread.php?t=29288

[مرافي]

انتو ياجماعة الخير الفيديوهات ليييه بتنزل كرابط ...!!!!:nono:

[فيصل سعد]

الاعزاء النور و بابكر لكم المودة و الاعزاز ..

طبعا لو قلت ليكم " يكفيني فقط حضوركم الجميل لهذا البوست"
قطع شك بكون اتلومت و اجحفت في حق كثير من الاعزاء .. و لكن
فليسمح لى الاحباب هنا دون ملامة و اجحاف ان اؤكد لكما انني سعيد بكما
و نشوان و متمم كيفي و ممتن لكما بما يفوق كل وصف و تصوير ..

اما على ذكر السحسحة يا بكور يا نديد فاقول ليك
" كلو في وكتو حلو" ..

و اما بخصوص تماضر فانا سارجع الى المخابي و لن اعود الا ان تكتب
لي قصيدة عصماء و كدا كيتا في البروف امين مغنطيس اب صلعة !!

[فيصل سعد]

المشاركة الأصلية كتبت بواسطة مرافي

يا 100 هلا وعوداً جميلاً مستطاب

كان فقدك كبيراً تشهد به جنبات هذا المكان

وياسيدي فرحانة بيك كل النجوم

http://sudanyat.org/vb/showthread.php?t=29288

العزيزة مرافي ذات العقل و القلب الذهبيين .. شكرا لحضورك الانيق ..
كيف حالكم و احوالكم في ام القوين الامارة الشامخة غصبا عن القروي
الرويعي المدعو ابوبكر عباس و كدا ..

[فيصل سعد]

المشاركة الأصلية كتبت بواسطة مرافي

انتو ياجماعة الخير الفيديوهات ليييه بتنزل كرابط ...!!!!:nono:

سؤال محول للحبيب الزوول
عساه بالف خير و عافية ..

[مرافي]

المشاركة الأصلية كتبت بواسطة فيصل سعد

العزيزة مرافي ذات العقل و القلب الذهبيين .. شكرا لحضورك الانيق ..
كيف حالكم و احوالكم في ام القوين الامارة الشامخة غصبا عن القروي
الرويعي المدعو ابوبكر عباس و كدا ..

عايزة لي وش كدا يضحك لما ينقلب على قفاهو....:happy::girl_haha::yahoo:

[جيجي]

فيصل سلمات وفرحانين بالشوفة الحلوة والله :dance:
بس اوعى تكون كنت حردان
اعمل حسابك الزمن دا ما في تحنبس
دازمن مشت براها تجي براها على قول جارنا الدنقلاوي
:girl_sad::girl_sad:

[فيصل سعد]

المشاركة الأصلية كتبت بواسطة جيجي

فيصل سلمات وفرحانين بالشوفة الحلوة والله :dance:
بس اوعى تكون كنت حردان
اعمل حسابك الزمن دا ما في تحنبس
دازمن مشت براها تجي براها على قول جارنا الدنقلاوي
:girl_sad::girl_sad:

و الله يا جيجوش احبك واحب ديشك و ديش جاركم الدنقلاوي
و المحسي و الجعلي و الشايقي كمان ..

لو انا حردان انت عاشقة بالجد خيالك
و منو ساكنة ظلا ظليل ..

لك وافر التحايا ..

[Hassan Farah]

يا الف مرحب بالاخ فيصل سعد وحمدا لله بسلامة العودة مشتاقين والله

[عكــود]

ياااا فيصل سعد،

قريت بوست رجعتك وانا بعيد عن النت؛
فطلبت واحد قهوة رغوتها نص الفنجان وبدون سكّر واحتفلت فرّادي!

فرحان بشوفة حرفك، لله الحق (مع تحياتي لماجد).

[فيصل سعد]

المشاركة الأصلية كتبت بواسطة Hassan Farah

يا الف مرحب بالاخ فيصل سعد وحمدا لله بسلامة العودة مشتاقين والله

سلامات يا دكتور و عساك و الاسرة الكريمة بالف خير و عافية ..
و شكرا لوجودك الفخيم معنا تواصلا و محبة .. و نتمنى ان نلتقي
معا في وطن و قد تعافى تماما من كل ما اعتراه من خراب ضجيج
ممجوج و مشروع حضاري مزور و مضروب و تايواني ..

مجدد التحايا و التقدير
لمقامك السامي ..

[فيصل سعد]

المشاركة الأصلية كتبت بواسطة عكــود

ياااا فيصل سعد،

قريت بوست رجعتك وانا بعيد عن النت؛
فطلبت واحد قهوة رغوتها نص الفنجان وبدون سكّر واحتفلت فرّادي!

فرحان بشوفة حرفك، لله الحق (مع تحياتي لماجد).

لك التحايا الماهلة حبيبنا في السموات
العمدة البازخ اباذر عكود :

انني في غاية البحث عن فنجان فنجانيين سليماني منعنع
يحتسى مع بعض الرطب المعتق بديلا عن السكر لكي ارد
على حلاوة مفرداتك العطرة الدافئة دوما يا حبوب .. و الى
ذلك الحين; طب مقاما و زمانا و تدثر بالمودة ..