يا خالد غالي

أسعد · 16-04-2015, 06:15 PM

وأنا صاحي في أمانة الله، إذ يرادوني حلم اليقظة داااك
وفجاءة القى نفسي كائن من نور واقف قدامي، ذو وجه مضيء ويمتلك اجنحة وتعلو رأسه حلقة دائرية من ذهب ... المهم من الآخر كدة هذا الكائن طلع ملاك... الصراحة انا استغربت وحبيت أتاكد قلت ليهو أنت ملاك من الملائكة؟!، قام هوزز راسه كدة بالايجاب... قمت سألتو عن سبب قدومه لي؟ وقلت ليهو بصراحة كدة لو جايب لي رسالة وعاوز تعملني نبيّ، يا اخوي من أسي دي دربك زراعي، الزمن العلينا الناس لا بسمعوا كلام نبيّ ولا كلام جنّ أحمر، نحن يا عزيزي الملاك اصبحنا في زمن الكجار... قام قعد يضحك وقال لي أيووووة عارف وانا ما جايب ليك رسالة ولا يحزنون... أنا جاي بس أوضح ليك معلومة ... قمت قلت ليهو يعني المعلومة دي كان ترسلها بالواتساب يااااخ، فقعد يضحك زيادة وقال لي انهم محظورين من التطبيقات الأرضية... المهم وفي خضم ونستي دي لاحظت في يدين وكرعين الملاك في أثر حنة شديدة السواد... الصراحة استغربت وقمت سألتو هل دي حنة؟! قام قال لي أيوة دي حنة وقال لي اتزوجت يوم الأثنين الفات، الصراحة ما استغربت في قصة زواج الملايكة لكن استغربت في حتة انو كيف واحد متزوج ليهو يومين وينزل شغل؟!
قام الملاك قعد يضحك تاني وقال لي ياخ البمنعني من الشغل شنو؟! أصلو أنا اتزوجت ولاّ عملت عملية بواسير؟!... قال لي نحن بنكون شغالين حتى في يوم زواجنا، لانو نظام شغلنا بعتمد على ارسال (طيف الشخصية)، يعني الواحد ما بمشي براهو لكن برسل طيفو... قال لي شغلة شهر العسل دي عندكم أنتو يا البشر، وبعدين زاتو يا عزيزي البشري نظام الزواج عندكم اتطور وعاااادي ممكن العريس في شهر عسلو يظهر في العالم الافتراضي ويتداخل مع الناس... قال لي أنت قايل شهر العسل دا غيبوبة؟! قال لي الانسان بكون اكثر فضاوة في شهر العسل وبكون أكتر زول ما عندو موضوع... لذلك عااادي جدا ممكن تلقى العريس يظهر في العالم الافتراضي بصورة متواصلة لأنو عندو تلفونو ومشبك نت وفاضي وما عندو موضوع....
المهم قمت قلت ليهو يا عزيزي الملاك عليك الله سيرة العرس دي كدي ادمسنا منها... اسي انتي جايني لي شنو؟!
قال لي أنا جييك بس عشان اوريك أنو شهر العسل دا هو شهر اللاموضوعية وأنو العريس بكون أكتر زول فاضي....
وقام فوووووووووووووووو طار مني....

غايتو حلم حيرني كلو كلو كلو!!

خالد غالي · 16-04-2015, 07:49 PM

اسعد يارفيقي في الحرية
طعميتك حامضة لكن

تعرف ياصديقي انت بتنفع فيلسوف! بس داير ليك زيادة فلقصة وقعير كلام، فلسفة اللاموضوعية دي لو عملتها في كتاب عادي ممكن تنتشر في اوساط طلاب الجامعات النوع المبرم شعرو وبنطلونو ناصل داك! وده شكر بالمناسبة

المهم
صاحبك اليوم داك كتب ليك انو حايختفي من الاسافير لمدة غير محددة، انا لمن قريت كلامو ضحكت ضحكة من جوة الجوف، وقلت لي نفسي : الــ(كلمة نابية) ده حايتصدم حتة دين صدمة

قبل كم سنة كان عندي صاحبي النوع المتحمس داك وعندو حسن ظن عظيم في الدنيا، اها قبل عرسو بي كم يوم شابكنا ليك والله انا... وفي شهر العسل... وافعل واترك وبتاع، يازول صاحبك داخل ليك على الموضوع ده بي Great Expectation مبالغ فيها، اكتر من حقت الرشيد ذاتو،
بعد الحفلة ساق زوجتو ومشى على الشقة المؤجرها شهرين قابلات للزيادة على حسب كلامو، المهم تاني يوم الصباح ضرب لي تلفون وقبل ما اقول ليهو وييييين ياعريس، قال لي: اسمع، انت الموضوع ده اصلو كده؟ قلت ليهو اها مالك؟
فجاءني صوته عبر الهاتف متهدجا باكيا : يا أخي ده اكتر فعل مخيب للآمال شفتو في حياتي

أسعد · 16-04-2015, 08:04 PM

كاااااااااااااااااااااااااااااااااااااك علي صاحبك ياخ
ههههههههههه
بعدين يا خالد ياخ ما تشخصن الأمور...
ولو قلت ليك وأنا بكتب في البوست دا نوهااااااااااااااااااائي كدة ما جاء في بالي العريس الرشيد، بتصدقني؟!!!!!!

بعدين ياخ أي نعم شهر العسل فضاوة وأكثر شهر ممل يمر به الكائن البشري...
لكن الرشيد رجل قادر على جعل أيامه عصائر من فسيخ شهر العسل...
وأكاد أجزم أنو الرشيد ما حيقرأ البوست دا نوهااااااااااااااااااااائي كدة، لأنو لمن يرجع من شهر العسل بكون البوست نزل في الصفحات القديمة وما ح يعرفوا...
وبل أكاد أجزم أنو الرشيد ما حيدخل سودانيات دي قرييييب نوهاااااااااااااااائي كدة
وبل أكاد أجزم أنو الرشيد ما حيدخل الفيس بوك إلا بعد ثلاثة شهور
وبل أكاد أجزم أنو الرشيد ما حيفتح تلفونو إلا بس عشان يطمن الوالدة -يديها العافية- ويقفلوا تاني، عشان ما يخرب ليهو شربات أيامه الذي صنعه من فسيخ شهر عسله.

لا يمكن الرشيد يدخل نت في الأيام دي
مستحيل الرشيد يفتح تلفون في هذه الأيام المباركة

أسعد · 16-04-2015, 08:10 PM

ويظل السؤال الذي طرقه هذا الملاك في رأسي، كأنه جرس كنيسة لا يتوقف...
هذا السؤال لم يبارح خيالي (لماذا يعتبر شهر العسل أكثر شهور الله مللا وفضاوة ولاموضوعية؟!)

الناس بقولوا -وهم بارعين في قول الأوهام- بقولوا أنو شهر العسل هو أفضل أيام الله في عمر الانسان...
لكن الحقيقة التي لا مناص منها والواقع الذي لا مفر منه أنو شهر العسل دا هو أكثر شهور الله مللا وتعاسة وكآبة، لماذا؟!

لذلك يا صديقي وبما إننا والحمدلله نعتبر من زمرة أحرار سودانيات، ينبغي علينا أن نعمل حريتنا في البحث والتقصي عن الأسباب التي جعلت هذا الشهر مملا؟!

أسعد · 16-04-2015, 08:23 PM

لماذا شهر العسل هو شهر الملل؟!
الأفتراض الأول:
الافتراض الأول هو يحوي بداخله احتمالين:
الأحتمال الأول انك تكون اتزوجت واحدة ما بتعرفها، أها لمن تمشوا شهر العسل بتكون عدم المعرفة دي هي جردل الودك الذي سيسبح فيه الزوجين آبان شهر العسل... أتخيل نفسك مع زول ما بتعرفوا... ومهما تحاول تكون ظريف ولطيف ووناس، لكن الطرف الآخر بكون عارفك أنو أنت عارف أنو هو عارف أنك انت عارف أنو هو عارف محاولاتك دي ليست تلقائية بل هي محاولات مصطنعة لكسر جدار عدم المعرفة الذي يفصل الطرفين عن بعض...
الاحتمال الثاني أنك تكون اتزوجت واحدة بتعرفها معرفة شديدة، أها لمن تمشوا شهر العسل بتكون المعرفة دي هي بئر الملل الح يقع فيها الطرفين... وأتخيل نفسك انك مع زول بتعرفوا حق المعرفة... ومهما تحاول تكون ظريف ولطيف ووناس، لكن الطرف الآخر بكون عارفك أنو أنت عارف أنو هو عارف أنك انت عارف أنو قبل كدة حضر أفلام ظرافتك ولطافتك دي في سينما القضارف... بمعنى أنو حافظها حفظ ومافي داعي تكررها ليهو...

طبعا ستمطر السماء كآبة وملل وتزيد الطين بلل على حسب التوقعات التي كانوا يتوقعناها عن هذا الشهر... زي ما حصل مع صاحبك اعلاه.

أسعد · 16-04-2015, 08:31 PM

لماذا شهر الملل تم اعتباره شهر العسل؟!
الافتراض الأول:
زماااااااااااااااان زمن الدنيا بي خيرها والحياة كانت امورها راااااايقة... فكانت جميع شهور الله في السنة تعتبر شهور عسل... حتى المساجين كانت شهورهم عسل... ولكن لأن الناس بتحب الوهم وبتموت في الوهم، فقاموا اتوهموا وغضوا البصر عن بقية الشهور وقاموا ركزوا على شهر الزواج واطلقوا عليه لقب (شهر العسل)...
طبعا أيام زمان كانت أيام عسل لا لسبب إلا سبب غياب الفعل السايكولوجي... لحدي حقبة التسعينات كانت العوامل النفسية لا تشكل حضورا في حياة الناس... وببداية الألفية الثانية قامت الامبراطورية النفسية باجتياح العالم بجيش جرار من العوامل النفسية واساطيل السايكولوجيست... ومن هنا تحولت الأيام من عسل إلى بصل... وبالتالي عاد شهر العسل إلى أصله واصبح شهر الملل...

خالد غالي · 16-04-2015, 08:51 PM

ههههههههههههههه
والله انت زول كعب خلاس، حنيت على الرشيد صدق

تعرف، انا اعتقد انو الملل سببو الاساسي القريت اكسبيكتشن البكون الزول جايي بيها، الزول قبل مايعرس بيكون جايي مليان بي كلام الناس المعرسين الكضابين ديل، وعلى حسب الحرمان العايشو بكون تفكيرو كلو مركز في حتة واحدة بس، وحسب (البتاعة) الازلية بكون قايل انو مية سنة ماحاتكفيهو

اها من اول يومين بيكون خلاص اتصدم بالواقع المرير، اها يلا بتبقى المشكلة في انو ماعندو خطة ب ، وعندها ياصديقي تبدأ الكبكبة والارتجال في خلق موضوع، الواحد يبقى قرد رسمي في الظرافة، بعد شوية تلقاهو حكى قصة حياتو كلها وزاد ليها شوية توم وشمار وعمل فيها بطل زمانو
اها الجرسة الجد جد والبتحنن صحي بتبدا لمن الواحد يقعد يقول للمدام ارحكي الليلة نتغدا عند ناس امك، وناس عمي عازمننا عشا وبتاع

تفتكر اسي الرشيد بكون في ياتو مرحلة؟ المرحلة القردية ولا مرحلة قص الحكايات البطولية

خالد غالي · 16-04-2015, 08:53 PM

الرشيد عليك النبي لمن تصل مرحلة العزومات كلمنا عشان انا ووجدي ده متراهنين في عدد الايام الحاتقدر تصمدها

أسعد · 16-04-2015, 09:16 PM

لماذا شهر العسل هو في الحقيقة شهر الملل؟!
الأفتراض الثاني:
وهذا الافتراض الاكثر ترجيحا عندي... يتبنى هذا الافتراض ان السبب الرئيسي لجعل هذا الشهر الأكثر مللا في حياة الزوجين هو أن هذا الشهر يعتبر المرحلة الانتقالية الوحيدة بين الزوجين التي يتم من خلالها تحويل العلاقة العامة إلى علاقة خاصة... وهنا تكمن الاشكالية فهذه النقلة النوعية ستصاحبها خيبات آمل في توقعات سابقة عن حقيقة الطرف الآخر الذي كان يظهره في تلك الفترة... وايضا نجد ان هذه المرحلة ستتخللها تصادمات وتقاعطات في حدود حريات كل الطرفين... وهكذا اشكاليات التي تصاحب هذه المرحلة ستجعل من هذا الشهر شهر الملل بلا منازع....

لذلك نصيحة للعرسان الجدد بأن لا يحملوا هذا الشهر أكثر مما يحتمل... ويجب عليه أن يدرك أن هذا الشهر بمثابة اللبنة الأساسية لصرح زواجهم... فيجب على العريس ان يتحلى بنوع من الحكمة والحنكة في مجابهة هذا الشهر الملل وأن لا يحاول تجميل هذا الشهر وبل يجعله أكثر مللا وأن يتصالح مع هذا الملل ... فعندما يتقبل العريس هذه الحقيقة ويتصالح معها بالتالي سيتعايش مع هذه الحقيقة بتناغم بديع ... هذا التناغم سيصبح هو الوسيلة الوحيدة لتطويع ملل هذا الشهر وجعله عسل ...
هذه النصيحة تحت شعار (أسمع كلام طبيب وما تسمع كلام مجرب).

أسعد · 16-04-2015, 09:27 PM

اقتباس:

المشاركة الأصلية كتبت بواسطة خالد غالي

الرشيد عليك النبي لمن تصل مرحلة العزومات كلمنا عشان انا ووجدي ده متراهنين في عدد الايام الحاتقدر تصمدها

المصيبة الأكبر يا خالد في هذا الشهر، أنك لمن تكون عريس وعايش في الشهر دا على اساس انه شهر عسل وما شايف فيهو أي نوع من الملل... في اللحظة دي انت بتكون بتشبه عمر البشير. عمر البشير شايف السودان أنو أحسن دولة في افريقيا والشرق الأوسط وبل متفوقة على الدول المتقدمة لأنها دولة قائمة على شرع الله وكدة....

ود الخير · 17-04-2015, 07:51 AM

اقتباس:

المشاركة الأصلية كتبت بواسطة أسعد

لماذا شهر الملل تم اعتباره شهر العسل؟!
الافتراض الأول:
زماااا
طبعا أيام زمان كانت أيام عسل لا لسبب إلا سبب غياب الفعل السايكولوجي... لحدي حقبة التسعينات كانت العوامل النفسية لا تشكل حضورا في حياة الناس... وببداية الألفية الثانية قامت الامبراطورية النفسية باجتياح العالم بجيش جرار من العوامل النفسية واساطيل السايكولوجيست... ومن هنا تحولت الأيام من عسل إلى بصل... وبالتالي عاد شهر العسل إلى أصله واصبح شهر الملل...

كنت حا اتسرع وأقول تجارب عن شهر العسل في التسعينات

لكن لقيت انها حاتكون تحسر على شي مضى،،،

تعرف مع فكرة الدبُل الفي نية كل متزوج ،، كلامك دا بيخلي الرغبة تزيد لدخول معمكة عسل الالفية الثانية الشكلو كدا عاوز خبرات وتواصل اجيال حتى لا تزيد مشكلة الملل الخلقها الجو بتاع اساطيل السايكو شنو قلت؟؟

تعرف انا امشي شهر العسل القى المدام داخلة في فلم بتاع اللاموضوعية بتاع الاخ العزيز وجدي دا ،،، حا أمشي برندات السوق العربي أجيب لي ملوة الت تمر بركاوي

وانا في الطريق أضحك لي ضحكة كبيييييييييييييييييري !! ودخلتي الهوتيل اكون عادي ! وأقول كدي اجي اخت التمر دا في نص الغرفة واقعد اسمع في واسمع واسمع لامن تب تكمل الفي رأسها وأصلي ما بقاطعها ،،، وماني مستعجل ،،، أها باقيلك سكاتي دا ما بحنن الحجر ؟؟ اها لما تحِن بعد داك حملتك بي ترجع من محلنا داك ملياااااااانة موضوعية ،،،

غايتو شكلي حا اختك في التجاهل لاني ما جاهز للمشروع دا الان

اللاموضوعية يا سلااااااام

دا عالم تاني!

عبد المنعم حضيري · 17-04-2015, 08:40 AM

اسعد صباح الخير

قبل كدة قلت ليك اللا موضوعية هي عين الموضوعية ... طيب كيف يبقى شهر العسل هو شهر الملل دا بيتناقض مع مشروع اللا موضوعية ... كيف؟ ..
هو يقعد يملاها لا موضوعية وهي تملاهو لا موضوعية وسالب في سالب يبقى موضوعية كاملة الدسم خالية من الملل.. واسال الرشيد تحياتي لخالد وود الخير

جيجي · 17-04-2015, 08:57 AM

غايتو يا خالد لو باريت وجدي الاسعد دا
حيدمر ليك احلامك السعيدة كلها
ويخليك قاعد بلا احلام

ود الخير · 17-04-2015, 09:06 AM

اقتباس:

المشاركة الأصلية كتبت بواسطة عبد المنعم حضيري

اسعد صباح الخير

قبل كدة قلت ليك اللا موضوعية هي عين الموضوعية ... طيب كيف يبقى شهر العسل هو شهر الملل دا بيتناقض مع مشروع اللا موضوعية ... كيف؟ ..
هو يقعد يملاها لا موضوعية وهي تملاهو لا موضوعية وسالب في سالب يبقى موضوعية كاملة الدسم خالية من الملل.. واسال الرشيد تحياتي لخالد وود الخير

حياك الله وحفظك ورعاك اخي منعم وجمعة طيبة مباركة عبرك لجميع اهلنا في سودانيات الخير والتواصل والامل والمحبة ،، جزا الله القائمين على امرها عنا كل خير ورحمة الله ومغفرته الواسعة لأخونا المرحوم خالد الحاج اذ خلق من عبد المنعم وخالد واسعد وخالد غالي اخوان في الله يلتقو ويفترقو تربط بينهم فقط هذه الحبة والتواصل ،،

في مداخلة سابقة للأخ فيصل سعد ليهو التحية ،، ذكر للأخ وجدي في ما معناهو مقولة العسكر المعروفة ،، من اول طلقة في ميدان المعركة تسقط كل النظريات العسكرية !

ففي اول يوم من شهر العسل نظريات اعمامنا اللاموضوعيين ديل حملتك بي بردلب تدق الواطة

زول الله · 17-04-2015, 11:03 AM

عساك طيب يابوالسعود

اها نان "العسل" ذات نفسه وين موقعه من إعرابك دا؟

اقول قولي هذا واستغفرالله لي..........................

16-04-2015, 06:15 PM	#[1]
أسعد :: كــاتب نشــط::	يا خالد غالي وأنا صاحي في أمانة الله، إذ يرادوني حلم اليقظة داااك وفجاءة القى نفسي كائن من نور واقف قدامي، ذو وجه مضيء ويمتلك اجنحة وتعلو رأسه حلقة دائرية من ذهب ... المهم من الآخر كدة هذا الكائن طلع ملاك... الصراحة انا استغربت وحبيت أتاكد قلت ليهو أنت ملاك من الملائكة؟!، قام هوزز راسه كدة بالايجاب... قمت سألتو عن سبب قدومه لي؟ وقلت ليهو بصراحة كدة لو جايب لي رسالة وعاوز تعملني نبيّ، يا اخوي من أسي دي دربك زراعي، الزمن العلينا الناس لا بسمعوا كلام نبيّ ولا كلام جنّ أحمر، نحن يا عزيزي الملاك اصبحنا في زمن الكجار... قام قعد يضحك وقال لي أيووووة عارف وانا ما جايب ليك رسالة ولا يحزنون... أنا جاي بس أوضح ليك معلومة ... قمت قلت ليهو يعني المعلومة دي كان ترسلها بالواتساب يااااخ، فقعد يضحك زيادة وقال لي انهم محظورين من التطبيقات الأرضية... المهم وفي خضم ونستي دي لاحظت في يدين وكرعين الملاك في أثر حنة شديدة السواد... الصراحة استغربت وقمت سألتو هل دي حنة؟! قام قال لي أيوة دي حنة وقال لي اتزوجت يوم الأثنين الفات، الصراحة ما استغربت في قصة زواج الملايكة لكن استغربت في حتة انو كيف واحد متزوج ليهو يومين وينزل شغل؟! قام الملاك قعد يضحك تاني وقال لي ياخ البمنعني من الشغل شنو؟! أصلو أنا اتزوجت ولاّ عملت عملية بواسير؟!... قال لي نحن بنكون شغالين حتى في يوم زواجنا، لانو نظام شغلنا بعتمد على ارسال (طيف الشخصية)، يعني الواحد ما بمشي براهو لكن برسل طيفو... قال لي شغلة شهر العسل دي عندكم أنتو يا البشر، وبعدين زاتو يا عزيزي البشري نظام الزواج عندكم اتطور وعاااادي ممكن العريس في شهر عسلو يظهر في العالم الافتراضي ويتداخل مع الناس... قال لي أنت قايل شهر العسل دا غيبوبة؟! قال لي الانسان بكون اكثر فضاوة في شهر العسل وبكون أكتر زول ما عندو موضوع... لذلك عااادي جدا ممكن تلقى العريس يظهر في العالم الافتراضي بصورة متواصلة لأنو عندو تلفونو ومشبك نت وفاضي وما عندو موضوع.... المهم قمت قلت ليهو يا عزيزي الملاك عليك الله سيرة العرس دي كدي ادمسنا منها... اسي انتي جايني لي شنو؟! قال لي أنا جييك بس عشان اوريك أنو شهر العسل دا هو شهر اللاموضوعية وأنو العريس بكون أكتر زول فاضي.... وقام فوووووووووووووووو طار مني.... غايتو حلم حيرني كلو كلو كلو!!
أسعد :: كــاتب نشــط::	التوقيع: وأي كنت من الخلائق، إما أن تبدو كما أنت، وإما أن تكون كما تبدو. مولانا جلال الدين الرومي

16-04-2015, 07:49 PM	#[2]
خالد غالي :: كــاتب نشــط::	اسعد يارفيقي في الحرية طعميتك حامضة لكن تعرف ياصديقي انت بتنفع فيلسوف! بس داير ليك زيادة فلقصة وقعير كلام، فلسفة اللاموضوعية دي لو عملتها في كتاب عادي ممكن تنتشر في اوساط طلاب الجامعات النوع المبرم شعرو وبنطلونو ناصل داك! وده شكر بالمناسبة المهم صاحبك اليوم داك كتب ليك انو حايختفي من الاسافير لمدة غير محددة، انا لمن قريت كلامو ضحكت ضحكة من جوة الجوف، وقلت لي نفسي : الــ(كلمة نابية) ده حايتصدم حتة دين صدمة قبل كم سنة كان عندي صاحبي النوع المتحمس داك وعندو حسن ظن عظيم في الدنيا، اها قبل عرسو بي كم يوم شابكنا ليك والله انا... وفي شهر العسل... وافعل واترك وبتاع، يازول صاحبك داخل ليك على الموضوع ده بي Great Expectation مبالغ فيها، اكتر من حقت الرشيد ذاتو، بعد الحفلة ساق زوجتو ومشى على الشقة المؤجرها شهرين قابلات للزيادة على حسب كلامو، المهم تاني يوم الصباح ضرب لي تلفون وقبل ما اقول ليهو وييييين ياعريس، قال لي: اسمع، انت الموضوع ده اصلو كده؟ قلت ليهو اها مالك؟ فجاءني صوته عبر الهاتف متهدجا باكيا : يا أخي ده اكتر فعل مخيب للآمال شفتو في حياتي
خالد غالي :: كــاتب نشــط::

16-04-2015, 08:04 PM	#[3]
أسعد :: كــاتب نشــط::	كاااااااااااااااااااااااااااااااااااااك علي صاحبك ياخ ههههههههههه بعدين يا خالد ياخ ما تشخصن الأمور... ولو قلت ليك وأنا بكتب في البوست دا نوهااااااااااااااااااائي كدة ما جاء في بالي العريس الرشيد، بتصدقني؟!!!!!! بعدين ياخ أي نعم شهر العسل فضاوة وأكثر شهر ممل يمر به الكائن البشري... لكن الرشيد رجل قادر على جعل أيامه عصائر من فسيخ شهر العسل... وأكاد أجزم أنو الرشيد ما حيقرأ البوست دا نوهااااااااااااااااااااائي كدة، لأنو لمن يرجع من شهر العسل بكون البوست نزل في الصفحات القديمة وما ح يعرفوا... وبل أكاد أجزم أنو الرشيد ما حيدخل سودانيات دي قرييييب نوهاااااااااااااااائي كدة وبل أكاد أجزم أنو الرشيد ما حيدخل الفيس بوك إلا بعد ثلاثة شهور وبل أكاد أجزم أنو الرشيد ما حيفتح تلفونو إلا بس عشان يطمن الوالدة -يديها العافية- ويقفلوا تاني، عشان ما يخرب ليهو شربات أيامه الذي صنعه من فسيخ شهر عسله. لا يمكن الرشيد يدخل نت في الأيام دي مستحيل الرشيد يفتح تلفون في هذه الأيام المباركة
أسعد :: كــاتب نشــط::	التوقيع: وأي كنت من الخلائق، إما أن تبدو كما أنت، وإما أن تكون كما تبدو. مولانا جلال الدين الرومي

16-04-2015, 08:10 PM	#[4]
أسعد :: كــاتب نشــط::	ويظل السؤال الذي طرقه هذا الملاك في رأسي، كأنه جرس كنيسة لا يتوقف... هذا السؤال لم يبارح خيالي (لماذا يعتبر شهر العسل أكثر شهور الله مللا وفضاوة ولاموضوعية؟!) الناس بقولوا -وهم بارعين في قول الأوهام- بقولوا أنو شهر العسل هو أفضل أيام الله في عمر الانسان... لكن الحقيقة التي لا مناص منها والواقع الذي لا مفر منه أنو شهر العسل دا هو أكثر شهور الله مللا وتعاسة وكآبة، لماذا؟! لذلك يا صديقي وبما إننا والحمدلله نعتبر من زمرة أحرار سودانيات، ينبغي علينا أن نعمل حريتنا في البحث والتقصي عن الأسباب التي جعلت هذا الشهر مملا؟!
أسعد :: كــاتب نشــط::	التوقيع: وأي كنت من الخلائق، إما أن تبدو كما أنت، وإما أن تكون كما تبدو. مولانا جلال الدين الرومي

16-04-2015, 08:23 PM	#[5]
أسعد :: كــاتب نشــط::	لماذا شهر العسل هو شهر الملل؟! الأفتراض الأول: الافتراض الأول هو يحوي بداخله احتمالين: الأحتمال الأول انك تكون اتزوجت واحدة ما بتعرفها، أها لمن تمشوا شهر العسل بتكون عدم المعرفة دي هي جردل الودك الذي سيسبح فيه الزوجين آبان شهر العسل... أتخيل نفسك مع زول ما بتعرفوا... ومهما تحاول تكون ظريف ولطيف ووناس، لكن الطرف الآخر بكون عارفك أنو أنت عارف أنو هو عارف أنك انت عارف أنو هو عارف محاولاتك دي ليست تلقائية بل هي محاولات مصطنعة لكسر جدار عدم المعرفة الذي يفصل الطرفين عن بعض... الاحتمال الثاني أنك تكون اتزوجت واحدة بتعرفها معرفة شديدة، أها لمن تمشوا شهر العسل بتكون المعرفة دي هي بئر الملل الح يقع فيها الطرفين... وأتخيل نفسك انك مع زول بتعرفوا حق المعرفة... ومهما تحاول تكون ظريف ولطيف ووناس، لكن الطرف الآخر بكون عارفك أنو أنت عارف أنو هو عارف أنك انت عارف أنو قبل كدة حضر أفلام ظرافتك ولطافتك دي في سينما القضارف... بمعنى أنو حافظها حفظ ومافي داعي تكررها ليهو... طبعا ستمطر السماء كآبة وملل وتزيد الطين بلل على حسب التوقعات التي كانوا يتوقعناها عن هذا الشهر... زي ما حصل مع صاحبك اعلاه.
أسعد :: كــاتب نشــط::	التوقيع: وأي كنت من الخلائق، إما أن تبدو كما أنت، وإما أن تكون كما تبدو. مولانا جلال الدين الرومي

16-04-2015, 08:31 PM	#[6]
أسعد :: كــاتب نشــط::	لماذا شهر الملل تم اعتباره شهر العسل؟! الافتراض الأول: زماااااااااااااااان زمن الدنيا بي خيرها والحياة كانت امورها راااااايقة... فكانت جميع شهور الله في السنة تعتبر شهور عسل... حتى المساجين كانت شهورهم عسل... ولكن لأن الناس بتحب الوهم وبتموت في الوهم، فقاموا اتوهموا وغضوا البصر عن بقية الشهور وقاموا ركزوا على شهر الزواج واطلقوا عليه لقب (شهر العسل)... طبعا أيام زمان كانت أيام عسل لا لسبب إلا سبب غياب الفعل السايكولوجي... لحدي حقبة التسعينات كانت العوامل النفسية لا تشكل حضورا في حياة الناس... وببداية الألفية الثانية قامت الامبراطورية النفسية باجتياح العالم بجيش جرار من العوامل النفسية واساطيل السايكولوجيست... ومن هنا تحولت الأيام من عسل إلى بصل... وبالتالي عاد شهر العسل إلى أصله واصبح شهر الملل...
أسعد :: كــاتب نشــط::	التوقيع: وأي كنت من الخلائق، إما أن تبدو كما أنت، وإما أن تكون كما تبدو. مولانا جلال الدين الرومي

16-04-2015, 08:51 PM	#[7]
خالد غالي :: كــاتب نشــط::	ههههههههههههههه والله انت زول كعب خلاس، حنيت على الرشيد صدق تعرف، انا اعتقد انو الملل سببو الاساسي القريت اكسبيكتشن البكون الزول جايي بيها، الزول قبل مايعرس بيكون جايي مليان بي كلام الناس المعرسين الكضابين ديل، وعلى حسب الحرمان العايشو بكون تفكيرو كلو مركز في حتة واحدة بس، وحسب (البتاعة) الازلية بكون قايل انو مية سنة ماحاتكفيهو اها من اول يومين بيكون خلاص اتصدم بالواقع المرير، اها يلا بتبقى المشكلة في انو ماعندو خطة ب ، وعندها ياصديقي تبدأ الكبكبة والارتجال في خلق موضوع، الواحد يبقى قرد رسمي في الظرافة، بعد شوية تلقاهو حكى قصة حياتو كلها وزاد ليها شوية توم وشمار وعمل فيها بطل زمانو اها الجرسة الجد جد والبتحنن صحي بتبدا لمن الواحد يقعد يقول للمدام ارحكي الليلة نتغدا عند ناس امك، وناس عمي عازمننا عشا وبتاع تفتكر اسي الرشيد بكون في ياتو مرحلة؟ المرحلة القردية ولا مرحلة قص الحكايات البطولية
خالد غالي :: كــاتب نشــط::

16-04-2015, 08:53 PM	#[8]
خالد غالي :: كــاتب نشــط::	الرشيد عليك النبي لمن تصل مرحلة العزومات كلمنا عشان انا ووجدي ده متراهنين في عدد الايام الحاتقدر تصمدها
خالد غالي :: كــاتب نشــط::

16-04-2015, 09:16 PM	#[9]
أسعد :: كــاتب نشــط::	لماذا شهر العسل هو في الحقيقة شهر الملل؟! الأفتراض الثاني: وهذا الافتراض الاكثر ترجيحا عندي... يتبنى هذا الافتراض ان السبب الرئيسي لجعل هذا الشهر الأكثر مللا في حياة الزوجين هو أن هذا الشهر يعتبر المرحلة الانتقالية الوحيدة بين الزوجين التي يتم من خلالها تحويل العلاقة العامة إلى علاقة خاصة... وهنا تكمن الاشكالية فهذه النقلة النوعية ستصاحبها خيبات آمل في توقعات سابقة عن حقيقة الطرف الآخر الذي كان يظهره في تلك الفترة... وايضا نجد ان هذه المرحلة ستتخللها تصادمات وتقاعطات في حدود حريات كل الطرفين... وهكذا اشكاليات التي تصاحب هذه المرحلة ستجعل من هذا الشهر شهر الملل بلا منازع.... لذلك نصيحة للعرسان الجدد بأن لا يحملوا هذا الشهر أكثر مما يحتمل... ويجب عليه أن يدرك أن هذا الشهر بمثابة اللبنة الأساسية لصرح زواجهم... فيجب على العريس ان يتحلى بنوع من الحكمة والحنكة في مجابهة هذا الشهر الملل وأن لا يحاول تجميل هذا الشهر وبل يجعله أكثر مللا وأن يتصالح مع هذا الملل ... فعندما يتقبل العريس هذه الحقيقة ويتصالح معها بالتالي سيتعايش مع هذه الحقيقة بتناغم بديع ... هذا التناغم سيصبح هو الوسيلة الوحيدة لتطويع ملل هذا الشهر وجعله عسل ... هذه النصيحة تحت شعار (أسمع كلام طبيب وما تسمع كلام مجرب).
أسعد :: كــاتب نشــط::	التوقيع: وأي كنت من الخلائق، إما أن تبدو كما أنت، وإما أن تكون كما تبدو. مولانا جلال الدين الرومي

17-04-2015, 08:40 AM	#[12]
عبد المنعم حضيري :: كــاتب نشــط::	اسعد صباح الخير قبل كدة قلت ليك اللا موضوعية هي عين الموضوعية ... طيب كيف يبقى شهر العسل هو شهر الملل دا بيتناقض مع مشروع اللا موضوعية ... كيف؟ .. هو يقعد يملاها لا موضوعية وهي تملاهو لا موضوعية وسالب في سالب يبقى موضوعية كاملة الدسم خالية من الملل.. واسال الرشيد تحياتي لخالد وود الخير
عبد المنعم حضيري :: كــاتب نشــط::	التوقيع: إذا فتحت ابواب خير فأقبلوا موائد أهل الله خير الموائد

17-04-2015, 08:57 AM	#[13]
جيجي :: كــاتب نشــط::	غايتو يا خالد لو باريت وجدي الاسعد دا حيدمر ليك احلامك السعيدة كلها ويخليك قاعد بلا احلام
جيجي :: كــاتب نشــط::	التوقيع: http://m.youtube.com/watch?v=uIbZxhLEUyE

17-04-2015, 11:03 AM	#[15]
زول الله :: كــاتب نشــط::	عساك طيب يابوالسعود اها نان "العسل" ذات نفسه وين موقعه من إعرابك دا؟ اقول قولي هذا واستغفرالله لي..........................
زول الله :: كــاتب نشــط::	التوقيع: انا يوماتي أردد إسمِك بعد الحمدو "مكان الآية" لما وحاتِك -من أشواقي- حِفِظ القول خيط المُـصلاية أبــداً ماهُنـتَ ياســـوداننا يـومـاً علـينا