سلام يا أبا إبراهيم ...
قبل يومين و أثناء مراجعة كتاب أبي رية ... لمن جات النقطة بتاعت خرشمية حديث مرويين عن أبي هريرة ... أقسم علي تزعه و أطلع بالاتنين عشان يصل إنو راوي في اليوم سته احاديث ... قررت أحسب عدد "أحاديثي" في اليوم !!
بعد كم ساعة الرقم كان مزعج لي بصورة عجيبة ... قلت أنا ربراب و كلامي كتير ما بصلح مقياس، أخواني تيمان جوني زيارة حيث أقيم ... ناس كلامهم بالسيسي ... رجعت من الشغل و قعدت أحسب "أحاديثهم " في ونسة عادية جدا ... بعد داك طلعنا علفنا بره و أخوك لابد بالحساب، لحدي ما سالوني إنت الليلة مالك !!
المهم في زي تلاتة ساعات كده "احاديثهم " فاتت أحاديث أبوهريرة باكتر من الضعف للفرد الواحد ....
المسالة دي نفسية جدا ... يعني لمن تسمع يقولو ليك أبوهريرة روي ستة أحاديث في اليوم ( و هو زول كان ملازمو صباح مساء ) تقول ما ممكن الرسول صلي الله عليه و سلم يكون بنضم اليوم كلو ... لكن لمن تجي تحسبها براك بتلقي الكلام ده معقول جدا ...
|
