إنما النساء شقائق الرجال، ما أكرمهن إلا كريم، وما أهانهن إلا لئيم،( صوت ) للاخت/ وهادمحمدابراهيم

[البديري]

المشاركة الأصلية كتبت بواسطة سر الختم إبراهيم نقد

السلام عليكم جميعاً
والتحية للأخ البديري
وللمرشحين
المقصود الولاية الكبرى وليس رئاسة مجلس إدارة سودانيات.
معاً لانتخاب وهاد.

سلامات الغالى جداً
سر الختم،
ماعندى لك غير التقدير والاحترام المتبادل دوماً باذن الله
وتعرف كم معزتك لقلبى، الله يخليك، ويخلى من تحب.

[البديري]

المشاركة الأصلية كتبت بواسطة عبد المنعم حضيري

وأنا برضو بحكم أني جديد ما عرفت بتنا وهاد إلا من خلال القليل من ما قرأت لها وهو كافي ليؤكد كل ما قلته عنها ...... ونحن نؤيد حزب السيد

تحياتي

شكراً لمرورك.........لكن للمعلومية وفى عرف قبيلتى مافى راجل 100% بيقول لراجل مثله ''سيد'' او يزيد الطين بلة ويعرفه ب''السيد''!!!! إلأ يكون راجل نص كم!!!!..............وهوكذلك!!!! العياز بالله ، والله يحفظنا،!!

[البديري]

المشاركة الأصلية كتبت بواسطة ابرا

وتاني فوووووووووووووووق

تسلم يا حبيب

[البديري]

المشاركة الأصلية كتبت بواسطة نبراس السيد الدمرداش

هودنه يا هودنه

تسلمى يا اختى نبراس

[البديري]

المشاركة الأصلية كتبت بواسطة حسين عبدالجليل

تحياتي أخ البديري :

أؤيد إنتخاب أختنا وهاد بلا تردد . فهي إنسانة مثقفة , كلمتها متوازنة جدا , لم تشتم يوما أحد , و قلبها علي سودانيات .

كان لي شرف العمل معها في لجنة تعديل اللائحة . و قد أجادت العمل في كلٍ ماتم تكليفها به, وكانت خير مُعين لنا في اللجنة لتجاوز الإِحباطات و العقبات الكثيرة التي إعترضت طريقنا .

الأخت العزيزة وهاد ستكون مكسبا كبيرا لمجلس إدارة سودانيات .

سلامات الحبيب حسين،
والله ماعارف اقول ليك شنو! لكن إسلوبك وتواضعك وحكمتك بدخل الزول فى ''ضفورة'' انا بعترف باننى غلطة عليك بطريقة غير مباشرة فى بوست العنصرية الشهير!!...وانا غير نادم علية وساواصل فية بعد نهاية الانتخابات!!، ولكل اجل كتاب! ولكل اهبل ومتخلف جحر يتوارى فية! إنتظرنى وسترى باذن الله
ودى وتحياتى لك

[ناصر يوسف]

المشاركة الأصلية كتبت بواسطة البديري

شكراً لمرورك.........لكن للمعلومية وفى عرف قبيلتى مافى راجل 100% بيقول لراجل مثله ''سيد'' او يزيد الطين بلة ويعرفه ب''السيد''!!!! إلأ يكون راجل نص كم!!!!..............وهوكذلك!!!! العياز بالله ، والله يحفظنا،!!

المشاركة الأصلية كتبت بواسطة البديري

سلامات الحبيب حسين،
والله ماعارف اقول ليك شنو! لكن إسلوبك وتواضعك وحكمتك بدخل الزول فى ''ضفورة'' انا بعترف باننى غلطة عليك بطريقة غير مباشرة فى بوست العنصرية الشهير!!...وانا غير نادم علية وساواصل فية بعد نهاية الانتخابات!!، ولكل اجل كتاب! ولكل اهبل ومتخلف جحر يتوارى فية! إنتظرنى وسترى باذن الله
ودى وتحياتى لك

البديري

سلام اخوي

أضبط حرفك يسلم قولك

او ربما اكون فاهم خطأ

ذل لساني ذات يوم لحظة غضب
ولم اكن اقصد الاعضاء هنا حينما افوهت ببعض الكلام عب بوست .. فهمه الاعضاء هنا بأنه إساءة للجميع وللمنبر
ولكم ساءني حينها ااني لم اتمالك اعصابي وفلت مني لسان التعبير

اتمناك بوافر الخير دوما

ونا قولي عاليه بضبط الحرف سوي نصح من اخ لأخيه

[البديري]

المشاركة الأصلية كتبت بواسطة ناصر يوسف

البظيري

سلام اخوي

أضبط حرفك يسلم قولك

او ربما اكون فاهم خطأ

ذل لساني ذات يوم لحظة غضب
ولم اكن اقصد الاعضاء هنا حينما افوهت ببعض الكلام عب بوست .. فهمه الاعضاء هنا بأنه إساءة للجميع وللمنبر
ولكم ساءني حينها ااني لم اتمالك اعصابي وفلت مني لسان التعبير

اتمناك بوافر الخير دوما

ونا قولي عاليه بضبط الحرف سوي نصح من اخ لأخيه

up
+
عليك الله ياغالى لمن تخش سودانيات بموبايل حاول ان (أضبط حرفك يسلم قولك) بدل حرف غلط ممكن يوديك وراء الشمس

[الجيلى أحمد]

الاخ البديرى،
التحايا الطيبة
ارجو الانتباه إلى أنه غير مسموح بالاستمرار فى الدعاية الانتخابية مع بداية عملية التصويت.

وافر التقدير والاحترام

[ناصر يوسف]

المشاركة الأصلية كتبت بواسطة البديري

up
+
عليك الله ياغالى لمن تخش سودانيات بموبايل حاول ان (أضبط حرفك يسلم قولك) بدل حرف غلط ممكن يوديك وراء الشمس

يعلم الله يا البديري يا اخوي
ما شفت الخطأ المطبعي بتاعي ده الا قبيل
وقبل ما اشوف مداخلتك
قمت جاري جري ولحقتو عدلتو

اتاريك كففففف لفحتها

يا حبوب ليك العتبي حتي ترضي
اعتذر ليك ويعلم الله ماها مقصوده يا حبوب
خطأ مطبعي
الكتابة من الجوال للعجايز قلنا ليكم صعبة ياخ

[البديري]

ايوها المشاركين فى هذا البوست، انا اسف ما ح اقدر ارد عليكم فرداً فرداً، لان حبيبنا الجيلى قال بان القانون لايسمح بدعاية الانتخابية اثناء عملية التصويت، فعليه سعيكم مشكور
الحبيب ناصر، ماتفكها فينا، مُشاركتك دى بايتة كم يوم! راجع التواريخ! والزمن!

[رأفت ميلاد]

بعيداً عن الإنتخابات يا صاحب .. كدى أشرح لى يعنى شنو (إنما النساء شقائق الرجال)

كلام ما قادر أستوعبو كلو كلو .. هل كان فى إعتقاد غير كدة

[سر الختم إبراهيم نقد]

السادة لجنة الانتخابات
لماذا لا تغلق كل البوستات الدعائية بمجرد بدء التصويت، مع العلم بأن الغرض منها هو الدعاية للمرشح والتداخل حول هذا الموضوع حصرياً.
مجرد اقتراح.
وشكراً
مع الاعتذار للبديري عن رفع البوست بعد مداخلته الأخيرة.

[ناصر يوسف]

المشاركة الأصلية كتبت بواسطة البديري

ايوها المشاركين فى هذا البوست، انا اسف ما ح اقدر ارد عليكم فرداً فرداً، لان حبيبنا الجيلى قال بان القانون لايسمح بدعاية الانتخابية اثناء عملية التصويت، فعليه سعيكم مشكور
الحبيب ناصر، ماتفكها فينا، مُشاركتك دى بايتة كم يوم! راجع التواريخ! والزمن!

البديري سلام

نعم انا كتبت المداخلة الفيها إسمك مكتوب خطأ يوم 4/12/2014

ولما إكتشفت الخطأ كان يوم 9/12/2014

وتحديداً في الوقت ده .....

( التعديل الأخير تم بواسطة ناصر يوسف ; 09-12-2014 الساعة 07:41 PM. سبب آخر: تم التعديل في اسم اخوي البديري )

وبعد ما عملت التعديل حتي شفت مداخلتك البتعيب علي الخطأ المطبعي


انا قلتها ليك يا البديري
انا بكتب من الجوال ،،، مع كُبُرنا ده ونظرنا البقي رهاب رهاب ده ،،، أخطأت في حقك دووووووون قصد

ولما إكتشفت الخطأ ،،، جيت صلحتو وإعتذرت ليك علي الملأ


وين المشكلة هسي يا اخوي لغاية ما تقول لي ( ما تفكها فينا )

أفكها فيكم بتعني إني زول بكذب عليك او علي الجميع هنا

وده نعت انا لا أرضاه أن يلتصق بإسمي مطلقاً

انا لستُ بكاااااذب يا البديري

لستُ بكااااااااذب


وليتك تعي ذلك جيداً ،،، بأنني ،،،،

لستُ كاااااااااذباً علي الإطلاق

[ابرا]

المشاركة الأصلية كتبت بواسطة الجيلى أحمد

الاخ البديرى،
التحايا الطيبة
ارجو الانتباه إلى أنه غير مسموح بالاستمرار فى الدعاية الانتخابية مع بداية عملية التصويت.

وافر التقدير والاحترام

وين الكاكي؟

سلام يا صاحب

[الجيلى أحمد]

الرجاء من الجميع الالتزام بالعرف الانتخابى
وعدم التداخل فى البوستات الدعائية لحين انتهاء فترة التصويت.

فى حالة التداخل مجددا نرجو تدخل الأمانة العامة لاغلاق البوست لحين انتهاء فترة التصويت.