ضيف على مائدة سودانيات ...! - 14 - همس الشوق [الأرشيف]

أبو أماني

27-07-2009, 06:38 PM

gooodأحبائي الأعزاء ..
أحباء سودانيات .. لكم صادق الود والتحايا القلبية .. حقا قد سرني وأثلج صدري عمق صداقتي بكم ذهاء ما يقارب السنة أو يزيد .. قضيتها بينكم في سعادة وحبور .. وأحسست وأنا بينكم وبكم بدفء الأسرة وأحلى وشائج الإخاء والمحبة .. حيث صرتم بالنسبة لي كأفراد أسرتي رحما بل أكثر من ذلك..بحيث أقضي الساعات الطوال في رحابكم المرحة العامرة قبل وأكثر مما أقضيه مع أسرتي .. فلكم الشكر على ما وهبتموني من حب صادق إمتزج في شراييني وصار يغزو القلب ويعمر غرفه الأربع ويهرب ليعود ثانية ليمدني بالحياة .

فكرت مليئا في شكل مستقبل علاقة كل سوداني في سودانيات بالآخر! وهالني أن تكون علاقة صادقة حميمة كهذه عرضة للعيش والعمران طويلا عبر الفضاء الإسفيري والعالم الأثيري ..! وتصورت حياة شخوصها في اللاشئ وفنائهم في اللاشئ ..تماما كما يحدث يوميا بالنسبة لممثلين وممثلات نشاهدهم عبر الشاشات البيضاء والبلورية .. نعايشهم ونعاصرهم ثم يتلاشوا في اللاشئ حقيقي حزت في نفسي هذه الخاطرة .. وفكرت ثانية !..

أضع بين أياديكم عتبة أولي لتجسيد علاقة كل منا بالآخر .. وهو بوستر تتم استضافة عضو فيه ليكون مصدر حوار تعارفي يحكي لنا ما عن له أن يرويه عن نفسه فنزداد قربا منه أكثر وأكثر ومعرفة به وثيقة أكثر .. نعرف موقعه الحالي .. رقم موبايله .. عدد أفراد أسرته .. طموحاته الآنية والمستقبلية .. بعض مشاكله الخاصة التي يمكن الخوض فيها .. والمشاركة في علاجها بعض الجوانب المضيئة من حياته الماضية والتي يحلو له الخوض فيها مع الأحباء .. الخ ..

إن راقت لكم فكرتي هذه فأقترح أن يقوم كل ضيف حل بالبوستر في نهاية حلقته بترشيح من يحل بعده ضيفا على مننتسبي سودانيات .. وهكذا دواليك .. تبقى المعضلة في إختيار عضو الشرف الأول .. وأقترح أيضا أن يقوم صاحب البوستر بإختياره .. درج كبارنا على إختيار كبير القوم ليتولى ضربة البداية في كل مشروع أو عمل .. وحيث أن مجتمع سودانيات يحفل بالكبار شكلا وموضوعا وليس من بينهم من يتفضل على الآخر .. فأسمحوا لي أن أختار أكبر الأعضاء (سنا) .. فليكن ضيف الحلقة الأولى العميد الأستاذ :-

:Dخـــالـــد الحــــاج:confused:
مساهمتي الأولي معه المطالبة بنبذة صغيرة عن عميدنا والبطاقة الشخصية وتعريف مختصر ولكم جميعا خالص حبي وإعتزازي وإحترامي ...

أبو أماني

02-10-2010, 10:17 AM

اقتباس:
المشاركة الأصلية كتبت بواسطة طارق الحسن محمد http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=282891#post282891)
نص شنو ياخى
مافى عديل

:D :D

العزيز أبو الحسن .. يا خي والله مشتاقين .. صاحبك الليمبي ده خليك منو .. نص شنو يا أخي .. ومافي شنو؟؟ والله لو حتى كأس على الطائر ما عنده .. عموما .. طالب منك أن تجهز نفسك وشعورك من الآن لآن تحل ضيفا عزيزا على المائدة .. وحضر الإجابات وكل الزوغات .. من هسع ..لاني خلال الفترة دي بكسر حاجز الذكور في ضيافة المائدة وعاوز أستضيف ليكم شخصية .. تنقط عسل .. رحبوا معي بالعزيزة :-

همس الشوق

الواحد يشيل نفسه ويتنفس البتاعة ديك البقولوا عليها .. أأي الصعداء بعد الله حلاني من زول الله .. وعصابته .. رحبوا يا شباب بخطيبة أبو أماني وعروس المستقبل .. أسع فتحي مسعد يقول لي .. هو فضل فيها مستقبل .. يلا تشششاااووو :D

همس الشوق

03-10-2010, 01:15 PM

http://sudanyat.org/vb/images/myframes/7_cur.gifhttp://sudanyat.org/vb/images/myframes/7_cul.gifهمس الشوقhttp://sudanyat.org/vb/images/myframes/7_cdr.gifhttp://sudanyat.org/vb/images/myframes/7_cdl.gif

الواحد يشيل نفسه ويتنفس البتاعة ديك البقولوا عليها .. أأي الصعداء بعد الله حلاني من زول الله .. وعصابته .. رحبوا يا شباب بخطيبة أبو أماني وعروس المستقبل .. أسع فتحي مسعد يقول لي .. هو فضل فيها مستقبل .. يلا تشششاااووو :D

غالي والطلب رخيص يا أبو اماني
رغم اني زهلت حينما قرأت الخبرية ولكن ... اتمنى ان اكون ضيفة سهلة الهضم ...
لك شكري واعتزازي
__________________

جانيت

03-10-2010, 01:19 PM

غالي والطلب رخيص يا أبو اماني
رغم اني زهلت حينما قرأت الخبرية ولكن ... اتمنى ان اكون ضيفة سهلة الهضم ...
لك شكري واعتزازي
__________________

هاااااااا انبنية سهلة الهضم والامتصاص كمان
يلا اوعي تكبي الزوغة بنجيبك من اضانك
همس الشوق
الاسم الحقيقي -العمر ;)
الدراسة ومكان العمل
الحالة الاجتماعية
وبعد كده بنجيك بالمستخبي
والله دعوة لي كانديك وزول خرفان وكلكلاوي وسجمان هنا توجد مادة حية :D:D:D

مرافي

03-10-2010, 06:14 PM

هاااااااا انبنية سهلة الهضم والامتصاص كمان
يلا اوعي تكبي الزوغة بنجيبك من اضانك
همس الشوق
الاسم الحقيقي -العمر ;)
الدراسة ومكان العمل
الحالة الاجتماعية
وبعد كده بنجيك بالمستخبي
والله دعوة لي كانديك وزول خرفان وكلكلاوي وسجمان هنا توجد مادة حية :D:D:D

ممكن اجاوب..يا ابله....:confused:

انتي يا جانيت دايره توظفيها اصلك...:D

الاسم الحقيقي -العمر ;)

الاعمار بيد الله ياخ في انسه يقولوا ليها عمرك كم..:(؟؟؟؟

الحالة الاجتماعية

وبعد كده بنجيك بالمستخبي ..

.واللييييلة انا بررررررررررره (علقه ساخنه)

والله دعوة لي كانديك وزول خرفان وكلكلاوي وسجمان هنا توجد مادة حية

ويتجمعوا كل الاخوة الصهاينه... loooolloooolبس الخرفان دا ما عرفتوا

معليش يا جماعة( عسمت) ليكم البوست.....:D:D

رأفت ميلاد

03-10-2010, 07:56 PM

يا همسة راجيك جنس أسألة .. بس زحى مننا مرافى دى :mad:

مرافي

03-10-2010, 09:55 PM

يا همسة راجيك جنس أسألة .. بس زحى مننا مرافى دى :mad:

http://3.bp.blogspot.com/_C-7vphD2muU/SI34IRBOYWI/AAAAAAAAAkc/FJX36DH_bAU/s400/no.jpg

همس الشوق

04-10-2010, 07:40 AM

دعاء الجلوس على الكرسي

اللهم يا أرحم الراحمين
ارحمني من ويلات هذا الكرسي
وباعد بيني وبين أسئلة رأفت ميلاد وأشتر والأغبش
اللهم يا مثبت القلوب
ثبتني من مداخلات الرشيد وزول الله

اللهم يا مسهل
اجعل الاسئلة ساااااااااااهلة وكلها من نوعية مكان العمل والحالة الاجتماعية وفنانك المفضل
يا رب العالمين

يا أرحم الراحمين
أرحمني من الأسئلة التعسفية والمصيرية

انك قاااادر على كل شي

أها قلتو لي شنو ؟؟؟؟؟؟؟؟؟؟؟؟

همس الشوق

04-10-2010, 07:50 AM

اقتباس:

هاااااااا انبنية سهلة الهضم والامتصاص كمان
يلا اوعي تكبي الزوغة بنجيبك من اضانك

جنو يا حبيبة
يعني من غضب ربنا علي أول مداخلة القاهها منك وقال شنو العمر
ياخ قومي لفي

اقتباس:

همس الشوق
الاسم الحقيقي -

ياخ في أجمل من همس الشوق ؟؟؟؟

مناهل عبد الله

اقتباس:

العمر ;)

يا بت أنتي عويرة يعني هسه قايلاني بكااااااااااااامل قواي العقلية حأقول ليك عمري كم ؟؟:mad:
عمري ما فكرته انك يوم حتخلف للوعود
لكني ما فاقد الأمل إمكن تحن ترجع تعود :D

اقتباس:

الدراسة ومكان العمل

درست في الجامعة الأهلية بامدرمان
علوم إدارية ( محاسبة )
الآن أعمل في مكتب محاماة في دبي

اقتباس:

همس الشوق

الحالة الاجتماعية

في محطة الإنتظار حتى يأتي القطار .. او يمشي وانا ما جايبة خبر
والله يستر

اقتباس:

همس الشوق

وبعد كده بنجيك بالمستخبي
والله دعوة لي كانديك وزول خرفان وكلكلاوي وسجمان هنا توجد مادة حية :D:D:D

يعني لو كنتي نسيتي كلمة مادة دي ما كان خربتي بيتي
على الرحب والسعة

همس الشوق

04-10-2010, 07:51 AM

همس الشوق

04-10-2010, 07:54 AM

اقتباس:
المشاركة الأصلية كتبت بواسطة رأفت ميلاد http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=285123#post285123)
يا همسة راجيك جنس أسألة .. بس زحى مننا مرافى دى :mad:

يعني يا روفي ليك كم يوم ما ظهرته
الليلة الجابك شنو ؟؟؟؟

هو يا جماعة المائدة دي مدتها كم ؟؟؟

الله يجازي محنك يا خطيبي
مبسوط كدا goood

جانيت

04-10-2010, 08:11 AM

اقتباس:
المشاركة الأصلية كتبت بواسطة مرافي http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=285115#post285115)
ممكن اجاوب..يا ابله....:confused:

انتي يا جانيت دايره توظفيها اصلك...:D

الاسم الحقيقي -العمر ;)

الاعمار بيد الله ياخ في انسه يقولوا ليها عمرك كم..:(؟؟؟؟

الحالة الاجتماعية

وبعد كده بنجيك بالمستخبي ..

.واللييييلة انا بررررررررررره (علقه ساخنه)

والله دعوة لي كانديك وزول خرفان وكلكلاوي وسجمان هنا توجد مادة حية

ويتجمعوا كل الاخوة الصهاينه... loooolloooolبس الخرفان دا ما عرفتوا

معليش يا جماعة( عسمت) ليكم البوست.....:D:D

ينوبك ثواب يا مرافئ
نوبي عني

البداية ما مطمئنة goood

اها مطافي دي بالذات تبعديها

يابتي داخلة بي دعاء الجلوس التقول ماشة الحج
مااا بحلك

هموثة هنا يوجد تحذير لحد ما باقي الشلة تجي وفي ناس حيسجلو مخصوص في سودانيات
عشان خاطر عيون الفي الكرسي

لمن يسالوك تجاوبي بالتفصيل
ولمن تجاوبي جاوبي بذمة ياخ اسال من عمرك تسويها لي غنا ;):D

رضا

04-10-2010, 08:12 AM

اقتباس:

اقتباس:
المشاركة الأصلية كتبت بواسطة همس الشوق http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=285218#post285218)
اقتباس:

درست في الجامعة الأهلية بامدرمان
علوم إدارية ( محاسبة )

همس الشوق يا دفعة (كم بالله )
بما إنك خريجة هذا الصرح العملاق
رأيك في الأتي
السوري - الأمريكي - النشاط - الجمعيات
وفي هؤلاء
فاروق كدودة - الفيل

ولي عودة ؛؛؛

همس الشوق

04-10-2010, 10:30 AM

اها مطافي دي بالذات تبعديها

يابتي داخلة بي دعاء الجلوس التقول ماشة الحج
مااا بحلك

هموثة هنا يوجد تحذير لحد ما باقي الشلة تجي وفي ناس حيسجلو مخصوص في سودانيات
عشان خاطر عيون الفي الكرسي

لمن يسالوك تجاوبي بالتفصيل
ولمن تجاوبي جاوبي بذمة ياخ اسال من عمرك تسويها لي غنا ;):D
طيب بس ما تهرشيني
بجاوب :cool:
__________________

طارق الحسن محمد

04-10-2010, 10:53 AM

همس حبابك

1- من وين فى السودان - المنطقة . ؟

2- عندك ميول سياسية ؟

3- لو كنتى موجودة فى السودان وقت الانتخابات وكان التصويت اجبارى ولايسمح بوضع الورقة خالية من اى علامة التصويت كنتى بتصوتى لمنو ؟

4- رائك فى حال السودان بعد الانفصال ؟ وقبله هل انتى مع اوضد الانفصال ؟

كنتى غائبة من سودانيات الفترة الماضية وجيتى بشكل ملحوظ جدا - اسباب الانقطاع والعودة ؟

5- سودانيات بماذا يمكن ان تصفها همس الشوق ؟

6- همس الشوق اللقب -سره شنو ؟

7- اعضاء تسعدى بمداخلاتهم فى بوستاتك ؟

8- سمى لنا عضو واحد فقط يمكن ان تطلقى عليه اسم فاكهة المنتدى ؟

9-

10-

11-

12-

13-

.

فى الطريق
مودتى

همس الشوق

04-10-2010, 11:09 AM

اقتباس:
المشاركة الأصلية كتبت بواسطة رضا http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=285227#post285227)
اقتباس:

اقتباس:

همس الشوق يا دفعة (كم بالله )
بما إنك خريجة هذا الصرح العملاق
رأيك في الأتي
السوري - الأمريكي - النشاط - الجمعيات
وفي هؤلاء
فاروق كدودة - الفيل

ولي عودة ؛؛؛

تسلم يا أخ رضا looool
انت دفعة كم عشان اقدر احدد ليك ؟؟؟؟

السوري والأمريكي لهم زكريات جميلة لا تنسى فهم عالم خاص بفئات معينة من الطلاب

النشاط مكان تواجدي دائما مع جمعية بتاعت الشاي
لها مني الف تحية وحب
للأسف فاروق كدودة هو من الاساتذه الأجلاءالذين صنعوا تاريخ حافل في مجالهم ولكن لست من المحظوظين بالتعلم منه وكذلك الفيل

نكشة
انت دفعة كم يا أخوي ؟؟؟؟؟؟

ابرا

04-10-2010, 11:12 AM

اقتباس:
المشاركة الأصلية كتبت بواسطة جانيت http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=285020#post285020)
هاااااااا انبنية سهلة الهضم والامتصاص كمان
يلا اوعي تكبي الزوغة بنجيبك من اضانك
همس الشوق
الاسم الحقيقي -العمر ;)
الدراسة ومكان العمل
الحالة الاجتماعية
وبعد كده بنجيك بالمستخبي
والله دعوة لي كانديك وزول خرفان وكلكلاوي وسجمان هنا توجد مادة حية :D:D:D

:mad::mad::mad:يا جنو بكره بجي الخريف

جانيت

04-10-2010, 11:30 AM

ابرا

04-10-2010, 11:33 AM

اقتباس:
المشاركة الأصلية كتبت بواسطة جانيت http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=285302#post285302)
ياخ خطأ مطبعي

اها لمن يجي اثمك ده الدنيا كلها بتتلخبط مش اصابعي البكتب بيهم ديل بث

غايتو سؤ الظن عندك بالكوم

ماعافية ليكم الزغني ياخ

اخخخخخخخخخخخخخخخخخخخخخخخخخ;) الزغني بالزغني:D

جانيت

04-10-2010, 11:37 AM

همس الشوق

04-10-2010, 12:31 PM

همس حبابك

فى الطريق
مودتى

حبابك الف يا طارق ومرحب بيك

جر الكرسي دا وتعال شكلك مطول هنا :D

همس حبابك

1- من وين فى السودان - المنطقة . ؟

فى الطريق
مودتى

انا من أمدرمان - حي المسالمة
البيت السابع لبيت ناس رأفت ميلاد ههههههههههههه

همس حبابك

عندك ميول سياسية ؟

2فى الطريق
مودتى

أبدا ... أبداًً ..
تعرف يا طارق مره في الجامعة كنا في النشاط معاي شلة قلته ليهم كدي نمشي الاركان دي نشوف الناس دي بتتكلم بتقول في شنو نتثقف شوية :D... اها مشيتنا كدا الا نشوف ليك الكترابه قايمة ... والشكلة ... والناس دي اتشتت في أقله من ثانية .. من يومها وحرمته تاني ما امشي هناك

همس حبابك
3- لو كنتى موجودة فى السودان وقت الانتخابات وكان التصويت اجبارى ولايسمح بوضع الورقة خالية من اى علامة التصويت كنتى بتصوتى لمنو ؟
مودتى

كنت سوف امتنع عنه بكل السبل .. لان صوتي امانة في عنقي ولا اخادع به
بصراحة حاولت ايام الانتخابات ان ارى من هم المرشحين غير البشير وما هي برامجهم ومن هم .. من خلال منبر سونا في قناة النيل الأزرق ولكني اقنتعت ان صوتي احسن ان امشي اغني بيهو للشريف هههههههههههههههه ;)

همس حبابك
رائك فى حال السودان بعد الانفصال ؟
ربنا يكون في العون .. كل المؤشرات تنبئ عن واقع مرير ينتظره السودان بعد الانفصال .. قول يا لطيف

وقبله هل انتى مع اوضد الانفصال ؟
بالتأكيد يا طارق ضد الإنفصال وكيف نترضي للسودان ان يبتر منه جزء . فهو الوطن بكل ما تحمل من معاني .... نعم هو تقطيع وتشتيت للجسد الواحد .. فلا يكون هنالك شمال بلا جنوب ولا جنوب بلاشمال .. في كل مجالات الحياة العامة فالجنوب جزء لا تيجزأ من السودان
بس للأسف ان الانفصال اصبح واقعاً حتمياً يجب ان نتعايش معه ...فأغلب إن لم أقل كل الفصائل الجنوبية تنادي من اجل الإنفصال فالمشكلة ان انفصال الجنوب يعني تشتت كل السودان .. فهو يعني انفصال جبال النوبة ويعني انفصال اهل الغرب وربما اهل الشرق ويصبح السودان دويلات متناحرة .....ولكن اتمنى إن حدث ان نتجنب اراقة الدماء وان يكون انفصال سلمي حتى لا تهدر الأروح من الجانبين ..

فى الطريق
مودتى

.

ود فداسي

04-10-2010, 06:40 PM

همس الشوق

مشتاقون والله مشاقين وحات ديني مشتاقين

همس الشوق

05-10-2010, 08:15 AM

كنتى غائبة من سودانيات الفترة الماضية وجيتى بشكل ملحوظ جدا - اسباب الانقطاع والعودة ؟

نحن كما الطقس تنمرجح ونتقلب ما بين بارد شتاء وحار جدا صيفا ومعتدل بعض الشي
فهنا يكون الانقطاع والوجود المكثف والوجود مرات مرات ...

- سودانيات بماذا يمكن ان تصفها همس الشوق ؟

واحة نستظل بها من هجير الحياة المتعب والحارق لأعصابنا .. فهي الملاذ لنا خصوصا ونحن في غربة نعاني من بعد الوطن.... الاهل .. الاصحاب .. المفردة السودانية الحنينه

6- همس الشوق اللقب -سره شنو ؟
اغاني محمد الامين التي لا امل سماعها ... احب هذا الصوت المتفرد .. من قبل كنت مسجلة بحلم الأماسي ... ولا أعلم اللقب القادم ربما زاد الشجون :D

7- اعضاء تسعدى بمداخلاتهم فى بوستاتك ؟

كل عضو له ثمة مميزة احب مداخلته فالكل يحمل طابعه الخاص والمميز ..... وماااا تودناش في داهية يا طاااااارق :D

8- سمى لنا عضو واحد فقط يمكن ان تطلقى عليه اسم فاكهة المنتدى ؟

أبو أماني بدون منازع هو فاكهة المنتدى لما يحمل من روح مرحه ونقاء سريرة وملكة في الكتابه والتعبير .............له التحيه من على البعد

9-

10-

11-

12-

13-

.

؟؟؟؟؟؟؟؟؟؟؟؟؟؟؟؟؟؟؟؟؟؟؟؟

فى الطريق
مودتى

احترامي وتقديري طارق

همس الشوق

05-10-2010, 08:17 AM

همس الشوق

مشتاقون والله مشاقين وحات ديني مشتاقين

يا ود يا شقي انت
والله شوقنا زاتو غلبو الصبر
سألتك عنك كتير وكل طائر مرتحل عبر البحر
حملته أشواقي الدفيقة

أبو أماني

05-10-2010, 08:39 AM

اقتباس:
المشاركة الأصلية كتبت بواسطة همس الشوق http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=285580#post285580)
يا ود يا شقي انت
والله شوقنا زاتو غلبو الصبر
سألتك عنك كتير وكل طائر مرتحل عبر البحر
حملته أشواقي الدفيقة

يعني عشان خطيبك راجل شاب عصري ومتحضر تقومي تغازلي الرجاجيل قدامو وعلى عينك يا تاجر؟ أعملي حسابك لأني غيور جدن ..جدن .. جدن ، بعدين سوعالي ليك في إطار الغيرة ظااااطو ..
السوعال : أروي لنا تفاصيل أول خفقة قلب في حياتك .. أكيد حتكون أيام الجامعة.. سوعال واحد بث.. شايفا زوج (المستقبل) حنين كيف؟ أوعي تكلفيتيني عليك الله .. وكفي .. يلا تشششاااووو:D

همس الشوق

05-10-2010, 08:48 AM

اقتباس:
المشاركة الأصلية كتبت بواسطة أبو أماني http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=285604#post285604)
اقتباس:
المشاركة الأصلية كتبت بواسطة همس الشوق http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=285580#post285580)
يا ود يا شقي انت
والله شوقنا زاتو غلبو الصبر
سألتك عنك كتير وكل طائر مرتحل عبر البحر
حملته أشواقي الدفيقة

يعني عشان خطيبك راجل شاب عصري ومتحضر تقومي تغازلي الرجاجيل قدامو وعلى عينك يا تاجر؟ أعملي حسابك لأني غيور جدن ..جدن .. جدن ، بعدين سوعالي ليك في إطار الغيرة ظااااطو ..
السوعال : أروي لنا تفاصيل أول خفقة قلب في حياتك .. أكيد حتكون أيام الجامعة.. سوعال واحد بث.. شايفا زوج (المستقبل) حنين كيف؟ أوعي تكلفيتيني عليك الله .. وكفي .. يلا تشششاااووو:D

يا أبو اماني ( خطيبي )
بيقولوا المراة الذكية لا تتكلم عن ماضيها لزوجها
شوف ليك حنك تاني
قال اول خفقان لقلبك قال
عشان تمسكها لي ذله :D:D

بابكر مخير

05-10-2010, 08:54 AM

اقتباس:
المشاركة الأصلية كتبت بواسطة همس الشوق http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=285018#post285018)

غالي والطلب رخيص يا أبو اماني
رغم اني زهلت حينما قرأت الخبرية ولكن ... اتمنى ان اكون ضيفة سهلة الهضم ...
لك شكري واعتزازي
__________________

سنة يا الأندروس

بابكر مخير

05-10-2010, 09:01 AM

اقتباس:
المشاركة الأصلية كتبت بواسطة همس الشوق http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=285577#post285577)

8

أبو أماني بدون منازع هو فاكهة المنتدى لما يحمل من روح مرحه ونقاء سريرة وملكة في الكتابه والتعبير .............له التحيه من على البعد

:(:(:(
هيهيهيهي
دموع مرترتآ
نازلا سيل
من الدغشية لييييييييييييييييييين نص الليل:mad::mad::mad:

بابكر مخير

05-10-2010, 09:04 AM

اقتباس:
المشاركة الأصلية كتبت بواسطة أبو أماني http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=285604#post285604)

يعني عشان خطيبك راجل شاب عصري ومتحضر تقومي تغازلي الرجاجيل قدامو وعلى عينك يا تاجر؟ أعملي حسابك لأني غيور جدن ..جدن .. جدن ، بعدين سوعالي ليك في إطار الغيرة ظااااطو ..
السوعال : أروي لنا تفاصيل أول خفقة قلب في حياتك .. أكيد حتكون أيام الجامعة.. سوعال واحد بث.. شايفا زوج (المستقبل) حنين كيف؟ أوعي تكلفيتيني عليك الله .. وكفي .. يلا تشششاااووو:D

عاااااااااااااااااااارفك
بتجرجر لكن والله الدم بيبقآ لين الركب
يا مكركب;)

أبو أماني

05-10-2010, 10:00 AM

اقتباس:
المشاركة الأصلية كتبت بواسطة بابكر مخير http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=285621#post285621)
اقتباس:
المشاركة الأصلية كتبت بواسطة أبو أماني http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=285604#post285604)

يعني عشان خطيبك راجل شاب عصري ومتحضر تقومي تغازلي الرجاجيل قدامو وعلى عينك يا تاجر؟ أعملي حسابك لأني غيور جدن ..جدن .. جدن ، بعدين سوعالي ليك في إطار الغيرة ظااااطو ..
السوعال : أروي لنا تفاصيل أول خفقة قلب في حياتك .. أكيد حتكون أيام الجامعة.. سوعال واحد بث.. شايفا زوج (المستقبل) حنين كيف؟ أوعي تكلفيتيني عليك الله .. وكفي .. يلا تشششاااووو:D

عاااااااااااااااااااارفك
بتجرجر لكن والله الدم بيبقآ لين الركب
يا مكركب;)

طبعا الغيرة البائنة فوق دي ما خافية عليك .. ولو إنك واثقة مني .. يعني غيرة الجلاكين ديل ناس هاشم وبوكو وتوحة .. ديل ما بتهمني كتييير أنا بغير بث لو قال الكلام ده زول شاب لذيذوني زي خطيبك كده .. يعني زي .. شلولخ ولو أنو قريب من فتحي مسعد في السن .. وود حليمة .. وطارق .. في الحالة دي الدم بيبقي للركب زي ما قال عجوز غابرين ده .. يلا واصلي التغريد وأشجينا .. كيتن على المارقوت .. بمناسبة المارقوت دي يا همس .. أخبار شاعرتنا الخترية الجعفرية .. هيفاء عبد الستار شنو ؟؟ مالها ضاربة طناش اليومين يا ربي يكون الفي بالي تم ليها؟ آممممميييييين:D

بابكر مخير

05-10-2010, 11:07 AM

أبو أماني

05-10-2010, 02:51 PM

الأغبش

05-10-2010, 03:02 PM

ابو أماني ..ياخي مشتاقين يازول يا كعب ..
عشان كعوبيتك دي اليومين دي نحن نغلب خمسة خمسة ..
عارفك بتكون استمتعت اول امس ..مافي داعي تكلمنا ..خليناك ;)

الجيلى أحمد

05-10-2010, 06:46 PM

بصراحة حاولت ايام الانتخابات ان ارى من هم المرشحين غير البشير وما هي برامجهم ومن هم .. من خلال منبر سونا في قناة النيل الأزرق ولكني اقنتعت ان صوتي احسن ان امشي اغني بيهو للشريف هههههههههههههههه

:D:D
يااخى انت تحفة والله :D:D

سمراء

05-10-2010, 07:27 PM

اقتباس:
المشاركة الأصلية كتبت بواسطة الجيلى أحمد http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=285814#post285814)

:D:D
يااخى انت تحفة والله :D:D

ياخ دى همسة ياخ looool
همسة ستة سبعة لوووووووووووووووووووول

انا زاتى فكرته فى عمليته دى والله ...بس لقيت صوتى راح :D

همس الشوق

06-10-2010, 07:38 AM

همس الشوق

06-10-2010, 07:39 AM

اقتباس:
المشاركة الأصلية كتبت بواسطة الجيلى أحمد http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=285814#post285814)

:D:D
يااخى انت تحفة والله :D:D

ما تلخبط يا الجيلي انا همس ما تحفه :D

لكن بجد يا جيلينا اها رايك شنو
كلامي دا فيهو غلط لا سمح الله

همس الشوق

06-10-2010, 07:40 AM

ياخ دى همسة ياخ looool
همسة ستة سبعة لوووووووووووووووووووول

انا زاتى فكرته فى عمليته دى والله ...بس لقيت صوتى راح :D
__________________

سمراء ليه ضيعتي صوتك ساكت
هسه كااان بالمييييييييييييت كدا اغاني واغاني :D:D

أبو أماني

06-10-2010, 01:21 PM

اقتباس:
المشاركة الأصلية كتبت بواسطة الأغبش http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=285769#post285769)
ابو أماني ..ياخي مشتاقين يازول يا كعب ..
عشان كعوبيتك دي اليومين دي نحن نغلب خمسة خمسة ..
عارفك بتكون استمتعت اول امس ..مافي داعي تكلمنا ..خليناك ;)

تكون كضاب تسرق الضحى اللعلا .. لو قلت شوقك لي بيحصل ربع شوقي ليك .. يا أخي والله ليك وحشة .. أظهر وبان .. ولا مستني الهلال يحقق الإعجاز الغالبو قرن من الزمن تحقيقه .. أتمني أن يطلع (نقبك) على شونة إنت وكل قبيلة الصفراب وحتي في المربع الذهبي تجيبوا الوصافة الأدمنتوها دي .. بس عشان العين ما تتطاول على الحاجب ..! قول آمين .. لك معزتي ولكل الصفراب الذين يقدرون الزعيم حق قدره .. يلا تشششاااووو:mad::cool:

طارق الحسن محمد

06-10-2010, 01:50 PM

اقتباس:
المشاركة الأصلية كتبت بواسطة أبو أماني http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=285642#post285642)
.. شلولخ ولو أنو قريب من فتحي مسعد في السن .. وود حليمة .. وطارق ..

:eek:
ابو امانى
نص النهاردا
ضارب شنو عليك الله
قول لى ؟ ؟
حاول حس بى
عليك النبى الجابنى وجاب ود حليمة
ليك ولفتحى شنو

:eek: :eek:

شلولخين تلاتة

:eek:

ولا

بهت الذين كفرو

:D

أبو أماني

12-10-2010, 01:40 PM

اقتباس:
المشاركة الأصلية كتبت بواسطة طارق الحسن محمد http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=286094#post286094)
:eek:
ابو امانى
نص النهاردا
ضارب شنو عليك الله
قول لى ؟ ؟
حاول حس بى
عليك النبى الجابنى وجاب ود حليمة
ليك ولفتحى شنو

:eek: :eek:

شلولخين تلاتة

:eek:

ولا

بهت الذين كفرو

:D

والله يا أبو الحسن يا أخوي ما عليك مدسة ضارب لي فسيخ مصلح صنع الهانم بإيدها .. ومن ما غسلت إيدي بالصابون اللوكس ولي هسع .. مرة مرة بشم لي ريحة غريبة كدي لمن قلبي يرفني وأقول يا ربي فتحي مسعد الجابو شنو الليلة !.. تهئ تهئ :D بعدين إنت مالك يابا بتلم روحك مع الجلكن ديل ؟ أنا خاتيك معاهم ديكور ساااكت والله وعشان يفوتوا لي .. خليك مصحصح يا با ودقس الجلاكين .. تصور دقيستهم ساهلة خلاس ..!! ود حليمة فهم الشغلة وضرب طناش .. وإت يابا سخنت .. لاكين والله ما بلومك .. يا أخي إسمك ساكت وسط الموميات ديل .. كلمة شاذة خليو العمر .. عموما ما تاخدنا بالصوت وتلهينا عن إستضافة أحلى الحسان .. همس الشوق .. شهد الشموس .. وراحة النفوس .. يلا يا السمحة غردي .. وأشجينا .. عليك الرسول يا طارق لمان تكون ختيبتك بالسماحة والذوق وخفة الروح والدم زي همس الشوق دي .. وإت برغم مجهودات العطار الخرافية شكلك (الخواجة) يقصر شئ جضوم مطفقات ..وشئ سنون في حالة غياب تام .. وشئ شعر التقول ممسحنو بكورة زبادي .. والعوينات بعد تلقاهن بصعوبة تحاول تحدد مكانن ما تقدر لانو الجفون نازلات عليهن التقول ستارة المسرح القومي .. وكان للمشية ديك دقرت عيني وحمدت سيدي .. الله يرحمك يا .. بت قضيم .. وبعد ده كلو تلقى بنية سمهرية سكرية كلامها عثل جيبوها ليا .. تحبك .. باقي ليك زي بابكر مخير كان قعد يشتغل لي بالبين والغبي .. وفتحي مسعد كان بقى يشوف العمي مايشوفني .. باقي ليك بلومهم ؟؟؟ يا الله .. وين وين وين تلقوا زي ده .. الزين شحد الله والله أداه .. إتو ما تشحدوه .. بدل شايلنها معاي تقيلة ومقابلني بوش الله حق !! ما تخافوا ناس .. فائزة عمسيب قاعدييييين .. واليوم داك ساهرت مع التليفيزيون .. يمين حواء طقطاقة أنصح منك يا بابكر ومن الخواجة فردتك ده .. تنضم زي الطلقة وكمان تنضم اللبره في الخيت ..لاكين برااااكم .. متقاعسين .. وحاة نظري القدركم في .. وعلى قفاء من يشيل .. بس إتو أشروا ..;)

جيجي

12-10-2010, 02:02 PM

همس سلام
كنتي من اكبر مناصري البشير وكنت تضعين صورته شعارا لك وتدافعين عنه في مكان ما ولزمن جد قريب
لماذا تمتنعين عن التصويت له؟

عبداللطيف النقر

12-10-2010, 02:57 PM

اقتباس:
المشاركة الأصلية كتبت بواسطة جيجي http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=288692#post288692)
همس سلام
كنتي من اكبر مناصري البشير وكنت تضعين صورته شعارا لك وتدافعين عنه في مكان ما ولزمن جد قريب
لماذا تمتنعين عن التصويت له؟

كلامك معقول يا جيجى -- نسمع معاك الاجابة---

بس ياريت تكبرى خطك شوية -- نظارتى مقاس 2 ونص + 1

الخطوط من 4 الى 5 هى البقدر اقراها بارتياح

واختارى ليك لون مريح للنظر مثلا زى الازرق الباهت

جيجي

12-10-2010, 03:06 PM

اقتباس:
المشاركة الأصلية كتبت بواسطة عبداللطيف النقر http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=288702#post288702)
اقتباس:
المشاركة الأصلية كتبت بواسطة جيجي http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=288692#post288692)
همس سلام
كنتي من اكبر مناصري البشير وكنت تضعين صورته شعارا لك وتدافعين عنه في مكان ما ولزمن جد قريب
لماذا تمتنعين عن التصويت له؟

كلامك معقول يا جيجى -- نسمع معاك الاجابة---

بس ياريت تكبرى خطك شوية -- نظارتى مقاس 2 ونص + 1

الخطوط من 4 الى 5 هى البقدر اقراها بارتياح

واختارى ليك لون مريح للنظر مثلا زى الازرق الباهت

حاضر ياسيدي
بالمناسبة
انت زول جميل جدا

بث
بتكتر الميكبlooool
بيكون عشان النضارة;)

طارق الحسن محمد

12-10-2010, 04:41 PM

اقتباس:
المشاركة الأصلية كتبت بواسطة أبو أماني http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=288682#post288682)
والله يا أبو الحسن يا أخوي ما عليك مدسة ضارب لي فسيخ مصلح صنع الهانم بإيدها .. ومن ما غسلت إيدي بالصابون اللوكس ولي هسع .. مرة مرة بشم لي ريحة غريبة كدي لمن قلبي يرفني وأقول يا ربي فتحي مسعد الجابو شنو الليلة !.. تهئ تهئ :D بعدين إنت مالك يابا بتلم روحك مع الجلكن ديل ؟ أنا خاتيك معاهم ديكور ساااكت والله وعشان يفوتوا لي .. خليك مصحصح يا با ودقس الجلاكين .. تصور دقيستهم ساهلة خلاس ..!! ود حليمة فهم الشغلة وضرب طناش .. وإت يابا سخنت .. لاكين والله ما بلومك .. يا أخي إسمك ساكت وسط الموميات ديل .. كلمة شاذة خليو العمر .. عموما ما تاخدنا بالصوت وتلهينا عن إستضافة أحلى الحسان .. همس الشوق .. شهد الشموس .. وراحة النفوس .. يلا يا السمحة غردي .. وأشجينا .. عليك الرسول يا طارق لمان تكون ختيبتك بالسماحة والذوق وخفة الروح والدم زي همس الشوق دي .. وإت برغم مجهودات العطار الخرافية شكلك (الخواجة) يقصر شئ جضوم مطفقات ..وشئ سنون في حالة غياب تام .. وشئ شعر التقول ممسحنو بكورة زبادي .. والعوينات بعد تلقاهن بصعوبة تحاول تحدد مكانن ما تقدر لانو الجفون نازلات عليهن التقول ستارة المسرح القومي .. وكان للمشية ديك دقرت عيني وحمدت سيدي .. الله يرحمك يا .. بت قضيم .. وبعد ده كلو تلقى بنية سمهرية سكرية كلامها عثل جيبوها ليا .. تحبك .. باقي ليك زي بابكر مخير كان قعد يشتغل لي بالبين والغبي .. وفتحي مسعد كان بقى يشوف العمي مايشوفني .. باقي ليك بلومهم ؟؟؟ يا الله .. وين وين وين تلقوا زي ده .. الزين شحد الله والله أداه .. إتو ما تشحدوه .. بدل شايلنها معاي تقيلة ومقابلني بوش الله حق !! ما تخافوا ناس .. فائزة عمسيب قاعدييييين .. واليوم داك ساهرت مع التليفيزيون .. يمين حواء طقطاقة أنصح منك يا بابكر ومن الخواجة فردتك ده .. تنضم زي الطلقة وكمان تنضم اللبره في الخيت ..لاكين برااااكم .. متقاعسين .. وحاة نظري القدركم في .. وعلى قفاء من يشيل .. بس إتو أشروا ..;)

ابو امانى والله
اسع يردو عليك كيف
؟ ؟ ؟
ما خليت شى والله
وانا لو بقدر ارد على ردك دا كله
كنت جيت الاول فى المدرسة والله
ياخى انا عمرى ما دخات العشرة الاوائل
ياربى اكون كنت بليد ولاشنو
مودتى
:D

طارق الحسن محمد

12-10-2010, 04:43 PM

اقتباس:
المشاركة الأصلية كتبت بواسطة جيجي http://sudanyat.org/vb/images/styles/smartblue/buttons/viewpost.gif (http://sudanyat.org/vb/showthread.php?p=288703#post288703)

حاضر ياسيدي
بالمناسبة
انت زول جميل جدا

بث
بتكتر الميكبlooool
بيكون عشان النضارة;)

البورد دا الليلة ما براهو
ياربى الاداه عين منو

:D
:D

طارق الحسن محمد

12-10-2010, 04:45 PM

همس الشوق

12-10-2010, 07:48 PM

انتو يا شباب ما عندكم غير عمر البشير والانقاذ والانفصال

انتو قالو ليكم انا المتحدث الرسمي بالخارجية السودانية

شوفوا لينا اسئلة لذيذه ولا تعالوا زحوا مني مائدتكم دي
خلوني احلي واتخارج

أبو أماني

18-10-2010, 10:15 PM

طارق جيجي جانيت وكل المتداخلين ..شايفكم راخين الحبل لهمس ومادخلتو عليها بالتقيل .. لما قالت ليكم كان ماعندكم أسئلة خلونا نتفكفك..!! عاد ده كلام يا طارق وين شوتاتك البتور النفس ديك؟ وكان لجيجي بس فلاحتها تستعرض عضلاتها مع زول الله وعزوز والجماعة المساكين ديل .. غايتو أنا عندي سوعال لهمس من بيت الكلاوي واتوقع منها إجابة عليه بمنتهى التفهم والشفافية والوضوح!..

همس سؤالي أكيد ما في زول غيري بيطرحوا .. وهو :-

حسب رؤيتي الشخصية همس الشوق فتاة جميلة جذابة خفيفة الروح والدم والظل رائعة الجمال .. وأي شاب (زي أبو أماني كده) يتمنى مجرد نظرة من عينيها .. السؤال .. بنت بهذا القدر من الميزات التي يطلبها كل رجل .. ماسر تأخر قطار الزواج من الوصول لمحطتها حتى الآن ؟؟؟

ملحووووزة ود مخير :-

طرحت هذا السؤال على عدة فتيات حسناوات كهمس من قبل وكان معظم الأجوبة :- *مافي نصيب !!
*مالقيت الشخص البيستاهلني!!
*ما مفكرة في الزواج حاليا !!
*واحده عندها ثمانية بنات إتزوجن إثنين بس .. وبناتها الباقيات على مستوى من السماحة والأدب وكلو .. قالت لي يا يابا يا حليل زمن الراجل البشيل المرأة !!! وواحدة قارية فلسفة قالت لي أنا ماحا أتزوج بالطريقة التقليدية .. يعني عاوزة أنا اللي اخنار العريس حسب نظرتي الخاصة .. وبصراحة رحلة بحثي حتطول عن الرجل المثالي الفي تصوري...!!

هووووي .. أبو أماني ..كفاية ورجقة ... خلينا نشوف رد همس الشوق .. يلا تشاو

بابكر مخير

19-10-2010, 06:13 AM

اقتباس:
المشاركة الأصلية كتبت بواسطة أبو أماني http://sudanyat.org/vb/images/underworld/buttons/viewpost.gif (http://sudanyat.org/vb/showthread.php?p=291169#post291169)

همس سؤالي أكيد ما في زول غيري بيطرحوا .. وهو :-

حسب رؤيتي الشخصية همس الشوق فتاة جميلة جذابة خفيفة الروح والدم والظل رائعة الجمال .. وأي شاب (زي أبو أماني كده) يتمنى مجرد نظرة من عينيها .. السؤال .. بنت بهذا القدر من الميزات التي يطلبها كل رجل .. ماسر تأخر قطار الزواج من الوصول لمحطتها حتى الآن ؟؟؟

طيب

المشاركة الأصلية كتبت بواسطة أبو أماني http://sudanyat.org/vb/images/underworld/buttons/viewpost.gif (http://sudanyat.org/vb/showthread.php?p=291169#post291169)

ملحووووزة ود مخير :-

بمناسبة ورود "وزهور" إسمي
ربك بيخلق حاجات عشان تعم وما تحتكر
الشمس دي!؟
بيعرسوها
القمرة؟!
بيربطوها بزول دون الخلق
الهوآ البنتنفسهو!؟
بيشيلهو زول واحد ويحرم منه الآخرين
الدهب؟!
مش حلاتهو تشوفهو (هو طبعن مشكلة البيلبسهو ما بيشوفهو)
البحر؟!
بي كبرهو وبي الفيهو،،،
حق زول ولا ممنوع من زول....

ياى أخي ديمة تحرجني
إسئلة ما في محلها.....
يابا
بأعلى صوت ولعلعآ وصريخي....

همسة شوق

هي الشمسlooool والقمرآgoood والهوآ:) والبحر:D والدهب الصاااااااااااافي;););)
بث تقعد لينا كدي،
تنور وتضوي

سنة يا بت:(

همس الشوق

19-10-2010, 07:38 AM

اقتباس:
المشاركة الأصلية كتبت بواسطة أبو أماني http://sudanyat.org/vb/images/underworld/buttons/viewpost.gif (http://sudanyat.org/vb/showthread.php?p=291169#post291169)

طرحت هذا السؤال على عدة فتيات حسناوات كهمس من قبل وكان معظم الأجوبة :- *مافي نصيب !!
*مالقيت الشخص البيستاهلني!!
*ما مفكرة في الزواج حاليا !!
*واحده عندها ثمانية بنات إتزوجن إثنين بس .. وبناتها الباقيات على مستوى من السماحة والأدب وكلو .. قالت لي يا يابا يا حليل زمن الراجل البشيل المرأة !!! وواحدة قارية فلسفة قالت لي أنا ماحا أتزوج بالطريقة التقليدية .. يعني عاوزة أنا اللي اخنار العريس حسب نظرتي الخاصة .. وبصراحة رحلة بحثي حتطول عن الرجل المثالي الفي تصوري...!!

هووووي .. أبو أماني ..كفاية ورجقة ... خلينا نشوف رد همس الشوق .. يلا تشاو

[

دي خيارات يا أبو أماني ولا شنو ... لأنه مافي غير الاسباب دي بتمنع البت من الزواج ...
غايتو جنس أسئلة تعسفية

QUOTE]
سوعال لهمس من بيت الكلاوي واتوقع منها إجابة عليه بمنتهى التفهم والشفافية والوضوح!..

همس سؤالي أكيد ما في زول غيري بيطرحوا .. وهو :-

حسب رؤيتي الشخصية همس الشوق فتاة جميلة جذابة خفيفة الروح والدم والظل رائعة الجمال .. وأي شاب (زي أبو أماني كده) يتمنى مجرد نظرة من عينيها .. السؤال .. بنت بهذا القدر من الميزات التي يطلبها كل رجل .. ماسر تأخر قطار الزواج من الوصول لمحطتها حتى الآن ؟؟؟
[/QUOTE]

انا .... لأنه ربنا بريدني ... دخرني لحدي ما يجي أبو أماني ويخطبني...

همس الشوق

19-10-2010, 07:41 AM

بمناسبة ورود "وزهور" إسمي
ربك بيخلق حاجات عشان تعم وما تحتكر
الشمس دي!؟
بيعرسوها
القمرة؟!
بيربطوها بزول دون الخلق
الهوآ البنتنفسهو!؟
بيشيلهو زول واحد ويحرم منه الآخرين
الدهب؟!
مش حلاتهو تشوفهو (هو طبعن مشكلة البيلبسهو ما بيشوفهو)
البحر؟!
بي كبرهو وبي الفيهو،،،
حق زول ولا ممنوع من زول....

ياى أخي ديمة تحرجني
إسئلة ما في محلها.....
يابا
بأعلى صوت ولعلعآ وصريخي....

همسة شوق

هي الشمسlooool والقمرآgoood والهوآ:) والبحر:D والدهب الصاااااااااااافي;););)
بث تقعد لينا كدي،
تنور وتضوي

سنة يا بت:(

سنه بث
دا عمر كااااااااااامل يا مخير ياخ
عليكم النبي في أجمل من هكذا كسير في الدنيا
ياخ بختهم ناس المكتب الليله حأشتغل ليهم شغل الجن .. كيييييييف والواحد يجي من الصباح يلاقي ابو اماني ومخير بزات نفسه بكسرو لي في التلج ...
يا ربي تبعد من الحاسدين والحاسدات .. :D:D

هي أجمل أجابة يا أبو اماني على سؤالك

مرافي

19-10-2010, 06:19 PM

همسة شوق

هي الشمسlooool والقمرآgoood والهوآ:) والبحر:D والدهب الصاااااااااااافي;););)
بث تقعد لينا كدي،
تنور وتضوي

سنة يا بت:([/QUOTE]

سنة يا انت..

الليلة البت دي ما بتنوم....looool

لكن دحن النسعلك الكلام دا بيندرج تحت باب الغزل

ولا كيف..:mad::mad:

اقول ليك حاجة وهي كذلك...looool

هي البحر من اي النواحي اتيته تجد به الدرر

الله يحفظا....من عين ابو اماني

طارق الحسن محمد

20-10-2010, 01:24 PM

اقتباس:
اقتباس:
المشاركة الأصلية كتبت بواسطة مرافي http://sudanyat.org/vb/images/underworld/buttons/viewpost.gif (http://sudanyat.org/vb/showthread.php?p=291605#post291605)

همسة شوق

هي الشمس والقمرآ والهوآ والبحر:D والدهب الصاااااااااااافي;)
بث تقعد لينا كدي،
تنور وتضوي

سنة يا بت

سنة يا انت..

الليلة البت دي ما بتنوم....

لكن دحن النسعلك الكلام دا بيندرج تحت باب الغزل

ولا كيف..:mad:

اقول ليك حاجة وهي كذلك...

هي البحر من اي النواحي اتيته تجد به الدرر

الله يحفظا....من عين ابو اماني

عين ابو امانى فيها الاغانى

:D

اها يا ابو امانى
جيت حسب طلبك
وعندى سوال ابو لستك

للزولة دى
اها
يا همس الهمس
لو لقيتى الزول البتحبيه ويحبك
وفلسان راقد واطا
وموكد انه حاتعيشى فى مستوى اقل بكتيرررررررررررر
من مستواك الحالى
بتقبلى ؟؟
وما دائرين رومانسية بالله

على قول صباح وتغدينى جبنة وزيتون وتعشينى بطاطا
وباكلها معاك بكسرة وموية وانشاء الله عنقريب
وقطية

:D :D

ما بنكلش من الكلام ديت يا بنتى

:D

همس الشوق

21-10-2010, 08:57 AM

اقتباس:
المشاركة الأصلية كتبت بواسطة مرافي http://sudanyat.org/vb/images/underworld/buttons/viewpost.gif (http://sudanyat.org/vb/showthread.php?p=291605#post291605)

همسة شوق

هي الشمسlooool والقمرآgoood والهوآ:) والبحر:D والدهب الصاااااااااااافي;););)
بث تقعد لينا كدي،
تنور وتضوي

سنة يا بت:(

سنة يا انت..

الليلة البت دي ما بتنوم....looool

لكن دحن النسعلك الكلام دا بيندرج تحت باب الغزل

ولا كيف..:mad::mad:

اقول ليك حاجة وهي كذلك...looool

هي البحر من اي النواحي اتيته تجد به الدرر

الله يحفظا....من عين ابو اماني

[/QUOTE]

شكرا يا مرافئ ياخ
اخجلتم تواضعنا
حبي الذي تعلمين

همس الشوق

21-10-2010, 09:10 AM

اقتباس:
المشاركة الأصلية كتبت بواسطة طارق الحسن محمد http://sudanyat.org/vb/images/underworld/buttons/viewpost.gif (http://sudanyat.org/vb/showthread.php?p=291835#post291835)
اقتباس:

عين ابو امانى فيها الاغانى

:D

اها يا ابو امانى
جيت حسب طلبك
وعندى سوال ابو لستك

للزولة دى
اها
يا همس الهمس
لو لقيتى الزول البتحبيه ويحبك
وفلسان راقد واطا
وموكد انه حاتعيشى فى مستوى اقل بكتيرررررررررررر
من مستواك الحالى
بتقبلى ؟؟
وما دائرين رومانسية بالله

على قول صباح وتغدينى جبنة وزيتون وتعشينى بطاطا
وباكلها معاك بكسرة وموية وانشاء الله عنقريب
وقطية

:D :D

ما بنكلش من الكلام ديت يا بنتى

:D

أنا زاتي ما باكل منو ..
تعرف يا طارق حكاية عشه صغيرة ونتغدى حب ونتعشى حنان والحركات دي انا زاتي ما بؤمن بيها .. قالو ليك اذا اتى الفقر بالباب ذهب الحب بالشباك ... فالمادة لابد منها .. مهمه شديد في حياتنا ... حتى ربنا سبحانه وتعالي في محكم تنزيله قال { المال والبنون زينة الحياة الدنيا والباقيات الصالحات خير عند ربك ثوابا وخير أملا (http://www.islamweb.net/newlibrary/display_book.php?flag=1&bk_no=46&ID=1619#docu)} يعني شوف حتى قدم المال على البنون .. فما نقعد نكتب في إنشاء ساكت :D
اما اذا جينا لمحور سؤالك التعسفي جدا جدا ...
فما بعرف هل الفلس دا نتيجة حظ ولا نتيجة عدم تعليم ولا نتيجة إهمال وعدم طموح .. الفلس دا ما أسبابو كتيره .. وفي كثير من المرات نحن من نقود أنفسنا الى الفلس ..
لكن في كل الاحول بقول ليك بكل صدق ما بتزوج شخص اقل مني ماديا ... دا بغطسني في سابع ارض .. ولكن برضو ما بضع المادة هي اهم أولوياتي ... لانه الحياة الزوجية فيها كتير من المطبات ولابد من وجود شريك كفؤ لهذه المطبات ...
ثم أنه في مشكلة حقيقية بيعيشها الاثنان معا في حالة ان تكون المراة أكثر نجاحا من الرجل .. هنا يصاب الرجل بحالة نفسية خفية تظهر في بعض التصرفات .. وممكن يؤدي الى مشاكل جمة في الحياة مما يكدر صفوها
عليك الله هسه تقولي لي راجل فلسان بدل ما قول يا رب يديني راجل غنيييييييييييييييييان لي حلقه نرتاح شوية ياخ .. :D:D:D:D

طارق الحسن محمد

21-10-2010, 01:14 PM

لكن في كل الاحول بقول ليك بكل صدق ما بتزوج شخص اقل مني ماديا ... دا بغطسني في سابع ارض .. ولكن برضو ما بضع المادة هي اهم أولوياتي ... لانه الحياة الزوجية فيها كتير من المطبات ولابد من وجود شريك كفؤ لهذه المطبات

فشريها لى
ولا ادغيميها
لى
ولا
واللورى حل بى

:D
لقيتنى حكاك ؟
موش ؟ ؟
:D

مودتى

الرشيد اسماعيل محمود

21-10-2010, 01:36 PM

اقتباس:
المشاركة الأصلية كتبت بواسطة همس الشوق http://sudanyat.org/vb/images/underworld/buttons/viewpost.gif (http://sudanyat.org/vb/showthread.php?p=292039#post292039)

عليك الله هسه تقولي لي راجل فلسان بدل ما قول يا رب يديني راجل غنيييييييييييييييييان لي حلقه نرتاح شوية ياخ .. :D:D:D:D

كلام عقلاني وموضوعي جداً جداً..
قلتي لي ياهمس الإنشاء بتاع الرومانسيات وضل شجرة
ومقاسمة النبقة وتطايب النفوس داك مابيقسم معاك..
مية مية.
الله يديك..
ويدينا برضو.
سؤال:
الحب بيجي بعد الزواج ولا بس قبلو.
سلامات ليكي وللطيب بن زياد.

همس الشوق

21-10-2010, 05:10 PM

اقتباس:
المشاركة الأصلية كتبت بواسطة طارق الحسن محمد http://sudanyat.org/vb/images/underworld/buttons/viewpost.gif (http://sudanyat.org/vb/showthread.php?p=292159#post292159)

فشريها لى
ولا ادغيميها
لى
ولا
واللورى حل بى

:D
لقيتنى حكاك ؟
موش ؟ ؟
:D

مودتى

طاااااااارق يا صديقي

افسرها ليك كيف
طيب انا ما مادية ولا بقيس الناس بالمادة لكن كمان عايزه اعيش ...

همس الشوق

21-10-2010, 05:28 PM

اقتباس:
المشاركة الأصلية كتبت بواسطة الرشيد اسماعيل محمود http://sudanyat.org/vb/images/underworld/buttons/viewpost.gif (http://sudanyat.org/vb/showthread.php?p=292168#post292168)
كلام عقلاني وموضوعي جداً جداً..
قلتي لي ياهمس الإنشاء بتاع الرومانسيات وضل شجرة
ومقاسمة النبقة وتطايب النفوس داك مابيقسم معاك..
مية مية.
الله يديك..
ويدينا برضو.
سؤال:
الحب بيجي بعد الزواج ولا بس قبلو.
سلامات ليكي وللطيب بن زياد.

اقول ليك حاجه يا الرشيد
الحب بعد الزواج على حسب ما شايفه انه احسن واعقل ...
وذلك يتوقف على الارضيه الثابته التي سوف يبدا بها كل من الزوجين هذه المسيرة الطويلة وما هي العقلية لكل طرف
اسأل مجرب ما تسأل همس:D

مرافي

21-10-2010, 09:17 PM

الاعزاء طارق الرشيد وهمس

المادة ضرورة في هذه الحياة والكل يشقى ليناله

ولكن قناعاتي والتجارب تؤكد ان الكريم افضل من الغني....

الكريم يجود بما عنده وبما ليس لديه....

اما الغني البخيل...(واغلبن بخلاء) فيهوى تكديس المال بدل صرفه...

وفى سبيل ذلك يحرم من حوله من كل فلس..!!!!!

زي مابقول مثلنا :- في الجراب ويحلف بالخراب..:mad:

لذلك اظفري بالحاتمي تربت يداك...

طارق الحسن محمد

22-10-2010, 12:57 PM

اقتباس:
المشاركة الأصلية كتبت بواسطة همس الشوق http://sudanyat.org/vb/images/underworld/buttons/viewpost.gif (http://sudanyat.org/vb/showthread.php?p=292221#post292221)
طاااااااارق يا صديقي

افسرها ليك كيف
طيب انا ما مادية ولا بقيس الناس بالمادة لكن كمان عايزه اعيش ...

خلاس فكيتك
( دعونى اعيش )
اسم فلم بس ما هندى
:D :D :D
مودتى

طارق الحسن محمد

22-10-2010, 01:00 PM

اقتباس:
المشاركة الأصلية كتبت بواسطة مرافي http://sudanyat.org/vb/images/underworld/buttons/viewpost.gif (http://sudanyat.org/vb/showthread.php?p=292297#post292297)
الاعزاء طارق الرشيد وهمس

المادة ضرورة في هذه الحياة والكل يشقى ليناله

ولكن قناعاتي والتجارب تؤكد ان الكريم افضل من الغني....

الكريم يجود بما عنده وبما ليس لديه....

اما الغني البخيل...(واغلبن بخلاء) فيهوى تكديس المال بدل صرفه...

وفى سبيل ذلك يحرم من حوله من كل فلس..!!!!!

زي مابقول مثلنا :- في الجراب ويحلف بالخراب..:mad:

لذلك اظفري بالحاتمي تربت يداك...

انت جبتى الزبدة
وسيحى حبة كدة منه
فوق راس همس دى
خلي راسها يضوق حبة كركار
:D :D :D

يا مرافى
انا مع كرام الله العوض
باناشف
وباخشب
وباصرة
ديل ما بدورون
وبكجنن بالجد

همس الشوق

23-10-2010, 08:36 PM

اقتباس:
المشاركة الأصلية كتبت بواسطة طارق الحسن محمد http://sudanyat.org/vb/images/underworld/buttons/viewpost.gif (http://sudanyat.org/vb/showthread.php?p=292519#post292519)
انت جبتى الزبدة
وسيحى حبة كدة منه
فوق راس همس دى
خلي راسها يضوق حبة كركار
:D :D :D

يا مرافى
انا مع كرام الله العوض
باناشف
وباخشب
وباصرة
ديل ما بدورون
وبكجنن بالجد

اها يا طارق
ناس بانا شف
وباخشب ديل
كان اعيش راهبة
ما يعرضوا علي
دهب في خزانة ولا جوازة وسخانة

همس الشوق

23-10-2010, 08:39 PM

اقتباس:
المشاركة الأصلية كتبت بواسطة مرافي http://sudanyat.org/vb/images/underworld/buttons/viewpost.gif (http://sudanyat.org/vb/showthread.php?p=292297#post292297)
الاعزاء طارق الرشيد وهمس

المادة ضرورة في هذه الحياة والكل يشقى ليناله

ولكن قناعاتي والتجارب تؤكد ان الكريم افضل من الغني....

الكريم يجود بما عنده وبما ليس لديه....

اما الغني البخيل...(واغلبن بخلاء) فيهوى تكديس المال بدل صرفه...

وفى سبيل ذلك يحرم من حوله من كل فلس..!!!!!

زي مابقول مثلنا :- في الجراب ويحلف بالخراب..:mad:

لذلك اظفري بالحاتمي تربت يداك...

اكيد يا مرافئ
الرجل والكرم وجهان لعمله واحده

أبو أماني

24-10-2010, 03:07 PM

اقتباس:
المشاركة الأصلية كتبت بواسطة همس الشوق http://sudanyat.org/vb/images/underworld/buttons/viewpost.gif (http://sudanyat.org/vb/showthread.php?p=292901#post292901)
اكيد يا مرافئ
الرجل والكرم وجهان لعمله واحده

حقيقي لما فكرت (أعرس) هموستي المزيونة..كت محتار بين أمرين أمرهما حلو! لأنو حقيقي الشاف جمال وحلاة روح همس الشوق يضربها في رقم من تلاتة ديسيملز جائز يصل درجة مرافي .. وحمدت الله مليون مرة لما عرفت إن الأخيرة متزوجة وعندها عيال كمان وأحلى ما في عيالها .. الآنسة (ملاذ) والتي يشاع إنها ورثت عن أمها وخالتها كل الجمال .. روحا وبدن .. سنة يا أبو أماني؟؟ كمان جابت ليها كسير تلج أوفر سيييز ؟؟ وإسفيري .. يا أخي إنت منقة .. تخلى العجوز فتحي مسعد يسوي في الحي ووووب .. وبابكر مخير داك بيفرش عديييل .. أما أم أماني وووووب علىّ .. ما نسيتها يا أخواني .. عاد كان قرت كلامي ده .. الرماد ما كال حماد .. وأنا ما بين حماد وبلة والقالو أحمد .. أروح في خور جلا .. همس الشوق عليك الله وحات عريسك المسمسم ده .. ما تفتلي لي بوستري .. أرجعي جاوبي على أسئلة المعجبين .. ونحن لسع ما دخلنا في الغريق .. عاوز أستقل الفرصة وأستشف ( شايفين أستشف دي..ما قلت ليكم الليلة سمسمية فتحي مسعد ملعلطة ) وأستشف نفحات من ماضيك الوضئ..يلا تشششاااوووو... ( ;) ) .. ده منظر فتحي مسعد بعد يقرأ كلامي العثل الفوق ده .. غايتو جنس شنو ماعارف !؟؟؟