مشاهدة النسخة كاملة : *** مصطلحات عامّية سودانية ***
الصفحات :
1
2
3
[
4]
5
6
7
8
9
10
11
12
imported_فيصل سعد
24-02-2008, 01:03 PM
أكل راسي بى فكو لحدي ما القى (الرد دوت) في وشي ...
ياااااا
موديراتور ... سوبر موديراتور ...
الكلام لم يخش خط حداشر منو خوف ... فاحسن تخليني اموت بيو ... لي وليك ... ولى زمانك
يا زول اتوكل و بسمل و هات ما عندك لي و ليك و لزمانك ، و كان ملاوز من بلنتي في خط ستة جيبوا بهناك و برواقة بنتفاهم و كل الصعاب بنحلها تب . ارقد عافية..
imported_أشتر
24-02-2008, 01:19 PM
يا زول اتوكل و بسمل و هات ما عندك لي و ليك و لزمانك ، و كان ملاوز من بلنتي في خط ستة جيبوا بهناك و برواقة بنتفاهم و كل الصعاب بنحلها تب . ارقد عافية..
عافية دي بالعين ...
وانت بتلح على ليه نفسي اعرف
الشمار كاتلك ولا شنو !!!:D:D
لكن والله لسه واقف لي هنا ... وانا كان سكت هو ماااا بخليني
كلو زول عارف روحو !!!
imported_منال
24-02-2008, 02:53 PM
عافية دي بالعين ...
وانت بتلح على ليه نفسي اعرف
الشمار كاتلك ولا شنو !!!:D:D
لكن والله لسه واقف لي هنا ... وانا كان سكت هو ماااا بخليني
كلو زول عارف روحو !!!
محمدو انشاالله عافية كبفنك - الشمارنت ما دوت كوم لكن انت الواقف ليك ده شنو مالو واقف قدر ده:D:D:D
وارسم دنيا تكون ترنيمك
واصنع دنيا تكون تحديدك
واكتب في عنوان دنيانا
مافي وطن في الكون الواسع
دون عينيك راح يبقي وطن
ومافي سكن في الدنيل الغنوة
دون عينيك راح يبقي سكن
imported_شبارقة
24-02-2008, 03:05 PM
ما صدقت استاذ فتحي قال ليك أفلست ...
هي لكن يا شبارقةيا خوي دا كلام شنو الجبتو لينا دا !!!
ياها نمرة ستة دي لكن فيصل خش فيها وطممت بطنا ...
انا غايتو غير البرم العارفو أنا مااااا عندي شي اقولو ليك ...
ولو سمحت ما ترطن لينا هنا ...
اتكلم عربي او قدّم اوراق استقالتك خلينا نتفكفك من بدري ...
لسه ورانا عصِر و مغرب وعشا ... وعدم نوم !!!!
هههههههههه ما قلتو ...........وفعلاً وين عمنا فتحي ؟ زعّلنا وخلانا نكتر المحلبية ..وكب الزوغة :D:D
imported_فتحي مسعد حنفي
24-02-2008, 04:14 PM
هههههههههه ما قلتو ...........وفعلاً وين عمنا فتحي ؟ زعّلنا وخلانا نكتر المحلبية ..وكب الزوغة :D:D
ياخوي ما بدس عليك آي زغتا ما دام الكلام بقي فيهو فكفكة بالانجليزي وسحسخة زي ما قال ود ابو عاقلة:D يازول الواحد ما داير آخر عمرو يتفكفك ويتسحسح والكلمتين ديل ذاتم حقو تنزلهم في باقي الكلمات الدايرة شرح عشان الناس تعذرني:Dوبعدين زي كا قال ود ابو عاقلة انت يازول جايب لينا رطانة عديل وداير تغشنا وكان الموضوع كدا أنا حأستعين بي أخوي شوقي بدري يديني كلمات دينكاوية ومش برضو الدينكا ديل في السودان:confused::confused::confused:
imported_شبارقة
24-02-2008, 06:22 PM
لو سمحت ما ترطن لينا هنا ...
اتكلم عربي او قدّم اوراق استقالتك خلينا نتفكفك من بدري ...
لسه ورانا عصِر و مغرب وعشا ... وعدم نوم !!!!
وبعدين زي كا قال ود ابو عاقلة انت يازول جايب لينا رطانة عديل وداير تغشنا وكان الموضوع كدا أنا حأستعين بي أخوي شوقي بدري
ندي فرصة لغيركم وبعدين نشوفكم :mad: ما سمعتو بي دابي الخُشش ؟ ولا سمعتو بي : ست الفي الخُشش من العصير بنتر(أوبريت سودانية المنسوب للشريف زين العابدين الهندي) ..قالوا رطانة قالوا :mad:
imported_شبارقة
24-02-2008, 07:03 PM
ونديكم حاجة ساهلة : حوّل هذه القصة إلى لهجة الحناكيش والجائزة عِرق محبة :D:D:
عمنول عشة وكت جاتا الوردة مشت لي حكيم شفخانة الحلَّة الحكيم قال ليها لازم تمشي حكيم الاسبتاليا الفي البندر، انخمَّت وفاتت.
أها وكت سعلا موجوعه من شنو قات ليهو:
قعورد وعندي شحتفت روح وخمت نفس والقلب طاحونت الماحي والخشم عرديب واللضنين يسون صنننننننن.
imported_بسمله
25-02-2008, 08:37 AM
ونديكم حاجة ساهلة : حوّل هذه القصة إلى لهجة الحناكيش والجائزة عِرق محبة :D:D:
عمنول عشة وكت جاتا الوردة مشت لي حكيم شفخانة الحلَّة الحكيم قال ليها لازم تمشي حكيم الاسبتاليا الفي البندر، انخمَّت وفاتت.
أها وكت سعلا موجوعه من شنو قات ليهو:
قعورد وعندي شحتفت روح وخمت نفس والقلب طاحونت الماحي والخشم عرديب واللضنين يسون صنننننننن.
شبارقه يا سلام عليك دا شنو السهوله دى ياخى
شحتفت روح دى غايتو انا بعرفا كويس
الحكيم يعنى الطبيب الاسبتاليا يعنى المستشفى
سعلا يعنى سالا
طا حونه الماحى زى طاحونه الجاك :p
عرديب عصير جميل جدا جدا
اللضنين يسون صنن يعنى فيهم زنين شديد
انخمت يعنى ذهبت على عجل ..
فاتت يعنى مشت
الورده يعنى الحمى
البندر يعنى المدينه
imported_شبارقة
25-02-2008, 10:06 AM
شبارقه يا سلام عليك دا شنو السهوله دى ياخى
شحتفت روح دى غايتو انا بعرفا كويس
الحكيم يعنى الطبيب الاسبتاليا يعنى المستشفى
سعلا يعنى سالا
طا حونه الماحى زى طاحونه الجاك :p
عرديب عصير جميل جدا جدا
اللضنين يسون صنن يعنى فيهم زنين شديد
انخمت يعنى ذهبت على عجل ..
فاتت يعنى مشت
الورده يعنى الحمى
البندر يعنى المدينه
أولاً مشكورة على زيارتنا في بيتنا التاني بتاع أسيوط .....وإجاباتك كلها صحيحة لكن ما بديك العِرق :D لأنك فطيتي قعورد ، وبعدين ما حكيتي الحكاية في شكل قصة بالفصحى :cool:
imported_أشتر
25-02-2008, 10:20 AM
أولاً مشكورة على زيارتنا في بيتنا التاني بتاع أسيوط .....وإجاباتك كلها صحيحة لكن ما بديك العِرق :D لأنك فطيتي قعورد ، وبعدين ما حكيتي الحكاية في شكل قصة بالفصحى :cool:
اول مرة في حياتي اسمع بالكلمة دي (قعورد) وبالمرة كدا ما كلمة بتشد الزول عشان يعرف معناها ...
حتى نطقها شين ... شكلها من الكلمات الخشنة ...
imported_بسمله
25-02-2008, 10:32 AM
أولاً مشكورة على زيارتنا في بيتنا التاني بتاع أسيوط .....وإجاباتك كلها صحيحة لكن ما بديك العِرق :D لأنك فطيتي قعورد ، وبعدين ما حكيتي الحكاية في شكل قصة بالفصحى :cool:
قعورد دى صعبه شديد يا شبارقه بالجد انا ما عرفتا
الحكايه بالفصحى انت ذاتك ما طلبتا بعدين ما ممكن عشان بس ما عرفت غقرود دى تسقطنى و تشيلنى ملحق :mad:
imported_نهى أحمد
25-02-2008, 10:38 AM
إزيكم..
أنا جيتكم..
أنا ما حنكوشه شديد لكن الكلمه بتاعه قعورد دي زي بعرفا
مش يعني عيًانه
imported_أشتر
25-02-2008, 10:43 AM
محمدو انشاالله عافية كبفنك - الشمارنت ما دوت كوم لكن انت الواقف ليك ده شنو مالو واقف قدر ده:D:D:D
وارسم دنيا تكون ترنيمك
واصنع دنيا تكون تحديدك
واكتب في عنوان دنيانا
مافي وطن في الكون الواسع
دون عينيك راح يبقي وطن
ومافي سكن في الدنيل الغنوة
دون عينيك راح يبقي سكن
اسمعيني يا منال !!!
البوست دا ما مطارحة شعرية بتاع فيصل ... تكوني خاشه غلط وما جايبة خبر ...
او كلامك دا اسمو (حندكة) ... بتعرفي الحندكة ... مااااا ظنيت ...
وعليك الله اكتبي لينا كلام نفهمو عشان خمة النفس ... وشحتفة الروح وطاحونة حاج الماحي ...
والشمار دوت كوم ... كوم كبييييييير ... وما اظن تخمي ليك منو حاجة ...
بين قوسين .... انا قايل فيصل براو:D
imported_منال
25-02-2008, 10:48 AM
قعورد دى صعبه شديد يا شبارقه بالجد انا ما عرفتا
الحكايه بالفصحى انت ذاتك ما طلبتا بعدين ما ممكن عشان بس ما عرفت غقرود دى تسقطنى و تشيلنى ملحق :mad:
اها كلام اهلى
قعورد يعنى قاعدة تجينى الوردة زى ما قلتو هى الحمى
و الفصة المترجمة
عمنول عشة وكت جاتا الوردة مشت لي حكيم شفخانة الحلَّة الحكيم قال ليها لازم تمشي حكيم الاسبتاليا الفي البندر، انخمَّت وفاتت.
أها وكت سعلا موجوعه من شنو قات ليهو:
قعورد وعندي شحتفت روح وخمت نفس والقلب طاحونت الماحي والخشم عرديب واللضنين يسون صنننننننن.
عائشة عندما مرضت بالحمى ذهبت لطبيب العيادة فى الحى قال لها حولتك المستشفى فى المدينة اتهائيت و عدلت ثوبها و ذهبت و عندما سالهاماهو الم او مرضك اجابت اشعر بالحمى و القلق و الزهج وزيادة فى التنفس و ضربات القلب تك .... تك ...نك..تاك... و الفم به مرارة لاذعة والاذن فيها اذيذ ما لذيذ
عربى مافى
قرقرقرقرقرقرقرقرقرقرقرقرقرقرقر شبارقة اديك العافية و يجيك البلد طوالى :D:D:D
imported_منال
25-02-2008, 11:03 AM
اسمعيني يا منال !!!
البوست دا ما مطارحة شعرية بتاع فيصل ... تكوني خاشه غلط وما جايبة خبر ...
او كلامك دا اسمو (حندكة) ... بتعرفي الحندكة ... مااااا ظنيت ...
وعليك الله اكتبي لينا كلام نفهمو عشان خمة النفس ... وشحتفة الروح وطاحونة حاج الماحي ...
والشمار دوت كوم ... كوم كبييييييير ... وما اظن تخمي ليك منو حاجة ...
بين قوسين .... انا قايل فيصل براو:D
اصبر لى يا محمدو الحندكة بعرفها جدا و انت عند جنس مكاواة خلى بس ............
سجمى الكلام بالعربى ما بتفهم و انا قايلها لما احييك بالعربى تلقط طوالى من غير شحتفة و قومت نفس حاج الماحى خلى لشبارقة و جماعتو انت امسك قوى فى الفلاش
اوريك الشمار دوت نت و كلو زووووووووول يخم براهو خليك قريب:D:D
imported_بسمله
25-02-2008, 11:18 AM
اها كلام اهلى
قعورد يعنى قاعدة تجينى الوردة زى ما قلتو هى الحمى
و الفصة المترجمة
عمنول عشة وكت جاتا الوردة مشت لي حكيم شفخانة الحلَّة الحكيم قال ليها لازم تمشي حكيم الاسبتاليا الفي البندر، انخمَّت وفاتت.
أها وكت سعلا موجوعه من شنو قات ليهو:
قعورد وعندي شحتفت روح وخمت نفس والقلب طاحونت الماحي والخشم عرديب واللضنين يسون صنننننننن.
عائشة عندما مرضت بالحمى ذهبت لطبيب العيادة فى الحى قال لها حولتك المستشفى فى المدينة اتهائيت و عدلت ثوبها و ذهبت و عندما سالهاماهو الم او مرضك اجابت اشعر بالحمى و القلق و الزهج وزيادة فى التنفس و ضربات القلب تك .... تك ...نك..تاك... و الفم به مرارة لاذعة والاذن فيها اذيذ ما لذيذ
عربى مافى
قرقرقرقرقرقرقرقرقرقرقرقرقرقرقر شبارقة اديك العافية و يجيك البلد طوالى :D:D:D
:D:D:D:D:D
منال يا خى انتى عسل شديد ضحكتينى بالجد
حلو الترجمه مع الموسيقى التصوريه دى
يديك العافيه
imported_أشتر
25-02-2008, 11:18 AM
سجمى الكلام بالعربى ما بتفهم و انا قايلها لما احييك بالعربى تلقط طوالى من غير شحتفة و قومت نفس حاج الماحى خلى لشبارقة و جماعتو انت امسك قوى فى الفلاش
اوريك الشمار دوت نت و كلو زووووووووول يخم براهو خليك قريب:D:D
ألقط طوالي انت قايله على راسي ريسفر ... :D:D
والشمار دوت نت بتاعك دا لو ما كان اخضر ما عاوزنو ... ولا فيني حيل أخم لي حاجة وتطلع فالصو ...
اها رايك شنو في دوت اورغ ... طبعا دا شمار بالمزيكا:D:D:D
مزيكا حسب الله والاجر عل الله ...
وبعدين تعالي هنا ... أنا قصدي بخمة النفس يعني حسيتو ...
وكان للجماعة ديل انا عارف بجو ماشين فيو سااااااي ... البعفص يعفص والبفجخ يفجخ كل على طريقتة الخاصة في الخمج :D
imported_منال
25-02-2008, 11:32 AM
ألقط طوالي انت قايله على راسي ريسفر ... :D:D
والشمار دوت نت بتاعك دا لو ما كان اخضر ما عاوزنو ... ولا فيني حيل أخم لي حاجة وتطلع فالصو ...
اها رايك شنو في دوت اورغ ... طبعا دا شمار بالمزيكا:D:D:D
مزيكا حسب الله والاجر عل الله ...
وبعدين تعالي هنا ... أنا قصدي بخمة النفس يعني حسيتو ...
وكان للجماعة ديل انا عارف بجو ماشين فيو سااااااي ... البعفص يعفص والبفجخ يفجخ كل على طريقتة الخاصة في الخمج :D
اها كمان داير تحكى براك عن راسك اقصد دقنوسك راسك ملان ياخى
الشمار الاخضر بالبامية المفروكة مع كسرة رهيييييييييييفة او خضرة مفروكة كاربة مع صحن سلطة كبير و شطة ليمون ساكت
الاورغ خلى للشباب البغنو ساى الشمارات ساكت مغربلة بتعرفا سمح
الجماعة خليهم فى شيخهم بس العفص ما معانا لانو فى ونستنا يعنى زى الفتح واحد- الفجخ الله لا جابو و الخمج خلو بس
imported_شبارقة
25-02-2008, 11:35 AM
اول مرة في حياتي اسمع بالكلمة دي (قعورد) وبالمرة كدا ما كلمة بتشد الزول عشان يعرف معناها ...
حتى نطقها شين ... شكلها من الكلمات الخشنة ...
ود أبو عاقلة ... وينك؟ مشتاقين إنت متين تجينا وسهرانين الليل طال علينا;)
أولاً : كونك أول مرة تسمع بيها دي مشكلتك براك ....ولو ماكنت حنكوش كان شدتك ومطتك :D وبعدين هي بنفس معنى : زائرتي كأن بها حياء فلا تزور إلا في الظلام (للمتنبي) وهي الحمى وقلنا بالبلدي بنسميها الوردة (بكسر الواو) وقعورد (قاعدة أورد = بتجيني الحمى) ولكن بنطقوها كلمة واحدة إختصاراً ولعدم إضاعة الوقت (أهلنا كانوا بيعرفوا الـ Shortcut :D) فأصبحت قعورد (زي مرقنبو قرنبو :D:D)
ثانياً : الحناكيش الدخلوا بعدك عرفوها وحلوها :mad::mad: وسلم لي على أولاد حاج الماحي :D:D
imported_شبارقة
25-02-2008, 11:43 AM
إزيكم..
أنا جيتكم..
أنا ما حنكوشه شديد لكن الكلمه بتاعه قعورد دي زي بعرفا
مش يعني عيًانه
مرحباً بالبرلومة نهى .... إجابتك صحيحة وسلمي لي على ود أبو عاقلة :D
imported_نهى أحمد
25-02-2008, 11:47 AM
مرحباً بالبرلومة نهى .... إجابتك صحيحة وسلمي لي على ود أبو عاقلة :D
بطًل زوغان
وين عروقي!
imported_شبارقة
25-02-2008, 11:52 AM
اها كلام اهلى
قعورد يعنى قاعدة تجينى الوردة زى ما قلتو هى الحمى
و الفصة المترجمة
عمنول عشة وكت جاتا الوردة مشت لي حكيم شفخانة الحلَّة الحكيم قال ليها لازم تمشي حكيم الاسبتاليا الفي البندر، انخمَّت وفاتت.
أها وكت سعلا موجوعه من شنو قات ليهو:
قعورد وعندي شحتفت روح وخمت نفس والقلب طاحونت الماحي والخشم عرديب واللضنين يسون صنننننننن.
عائشة عندما مرضت بالحمى ذهبت لطبيب العيادة فى الحى قال لها حولتك المستشفى فى المدينة اتهائيت و عدلت ثوبها و ذهبت و عندما سالهاماهو الم او مرضك اجابت اشعر بالحمى و القلق و الزهج وزيادة فى التنفس و ضربات القلب تك .... تك ...نك..تاك... و الفم به مرارة لاذعة والاذن فيها اذيذ ما لذيذ
عربى مافى
قرقرقرقرقرقرقرقرقرقرقرقرقرقرقر شبارقة اديك العافية و يجيك البلد طوالى :D:D:D
قصتك حلوة ولذيذة لكن نسيتي تترجمي كلمة عمنول الفي بداية القصة
imported_شبارقة
25-02-2008, 11:54 AM
بطًل زوغان
وين عروقي!
هههههههههههه (لمن إتفنقلتا من الكرسي)
imported_منال
25-02-2008, 12:09 PM
قصتك حلوة ولذيذة لكن نسيتي تترجمي كلمة عمنول الفي بداية القصة
عشان ما تقول حناكيش
عمنول : هى طبعا زى ماقلت الاختصار فى النضم و الونسة حبوبات تعنى العام الاول = العام السابق= العام الفات و كمان كلمة عام يقابلها سنة عند ناس المدن
لقيتنى كيف حبوبة ساكت مش كدى بس بدور اسعلك انت قاعد تونس وليداتك جنس ده
imported_شبارقة
25-02-2008, 12:12 PM
هاكم إلى أن ألقاكم :
1- وليد صغيرون جاء لأمه يبكي ويقول: طعنتني ساسويا في الكدمبس (أها الساسويه والكدمبس ديل شنن؟)
2- يقول المثل السوداني : أم الكلب بعشوم :D (أها البعشوم ده شنو؟)
3- ما معنى الكلمات التالية : البربندي - التقنت - القحفة
(الكلمات السابقة عددها 6 كلمات والباص 30 من 100 كعرض خاص للحناكيش :D)
imported_بسمله
25-02-2008, 12:16 PM
هاكم إلى أن ألقاكم :
1- وليد صغيرون جاء لأمه يبكي ويقول: طعنتني ساسويا في الكدمبس (أها الساسويه والكدمبس ديل شنن؟)
2- يقول المثل السوداني : أم الكلب بعشوم :D (أها البعشوم ده شنو؟)
3- ما معنى الكلمات التالية : البربندي - التقنت - القحفة
(الكلمات السابقة عددها 6 كلمات والباص 30 من 100 كعرض خاص للحناكيش :D)
و الله يطرشنى ..
بس ما دام الباص 30 قلت معناها الدخول ساى باص
imported_شبارقة
25-02-2008, 12:20 PM
بس بدور اسعلك انت قاعد تونس وليداتك جنس ده
طبعاً نحن في الغربة وبعيدين من السودان ومن الأهل (يا ريت لو كنا جنبهم) وطبعاً أكيد عارفه وليدات وبنيات الغربة ما عارفين التكتح في تراثنا ....ولكن وليداتي أنا نجيضين تب وما عندهم أي عوجة أكان دخلوا معاكم هنا ح يجهجهوكم ويخلوكم تتلفتو ....وبعدين أنا عندي كمية من الصور لأشياء تراثية (يعني في أشياء كتيرة ما شافوها لكن بيعرفوها من خلال الصور ... زي الشلوخ والمترار والتيبار والعنقريب (و كرابو) والبنبر الراكوبة والرتينة وحبوبة ونسيني ...إلخ ... ) وشكراً مرة أخرى
imported_شبارقة
25-02-2008, 12:26 PM
و الله يطرشنى ..
بس ما دام الباص 30 قلت معناها الدخول ساى باص
دخولك ساي ما بيديك الباص ...لكن ممكن يديك جك ليمون أو هزة كانون :D
imported_بسمله
25-02-2008, 12:37 PM
هاكم إلى أن ألقاكم :
1- وليد صغيرون جاء لأمه يبكي ويقول: طعنتني ساسويا في الكدمبس (أها الساسويه والكدمبس ديل شنن؟)
2- يقول المثل السوداني : أم الكلب بعشوم :D (أها البعشوم ده شنو؟)
3- ما معنى الكلمات التالية : البربندي - التقنت - القحفة
(الكلمات السابقة عددها 6 كلمات والباص 30 من 100 كعرض خاص للحناكيش :D)
دخولك ساي ما بيديك الباص ...لكن ممكن يديك جك ليمون أو هزة كانون :D
:D
انا محتاجه لى ليمون و الله اسكت ساى مديرى هندى ... يعنى عاوزه لى جردل مش جك
imported_شبارقة
25-02-2008, 12:42 PM
:D
انا محتاجه لى ليمون و الله اسكت ساى مديرى هندى ... يعنى عاوزه لى جردل مش جك
ههههههههه نهي نهي محبتكي هي وتك تاك:D
imported_بسمله
25-02-2008, 12:55 PM
ههههههههه نهي نهي محبتكي هي وتك تاك:D
مجى نهى معلوم :
يا اخوى قلنا المدير ما قلت ليك انا جوهى جاولا حتك انت كمان ..
:p
imported_فيصل سعد
25-02-2008, 03:00 PM
:D
انا محتاجه لى ليمون و الله اسكت ساى مديرى هندى ... يعنى عاوزه لى جردل مش جك
البعشوم اظنه الكدروك و الله أعلم ...
imported_شبارقة
25-02-2008, 03:11 PM
البعشوم اظنه الكدروك و الله أعلم ...
هسع الإقتباس الجايبو ده فيهو بعشوم ؟ البعشوم اليكجمك :D:D وسلم لي على الحلّوف :D:D
imported_فيصل سعد
25-02-2008, 03:23 PM
:Dهسع الإقتباس الجايبو ده فيهو بعشوم ؟ البعشوم اليكجمك :D:D وسلم لي على الحلّوف :D:D
ما فيو يا حبوب :D:D لكن فيه المدير و افتكرتك تفهمها طايرة زي فردتك الواقفه ليو في حلقو داك :D
هاكم إلى أن ألقاكم :
1- وليد صغيرون جاء لأمه يبكي ويقول: طعنتني ساسويا في الكدمبس (أها الساسويه والكدمبس ديل شنن؟)
2- يقول المثل السوداني : أم الكلب بعشوم :D (أها البعشوم ده شنو؟)
3- ما معنى الكلمات التالية : البربندي - التقنت - القحفة
(الكلمات السابقة عددها 6 كلمات والباص 30 من 100 كعرض خاص للحناكيش :D)
سلام..
الساسويه: هي القطع الصغيره من القزاز
الكدمبس: الحاجه الوسخانه.. إعتقد إنك قاصد الكوشه
البعشوم: الثعلب..
imported_شبارقة
25-02-2008, 04:53 PM
سلام..
الساسويه: هي القطع الصغيره من القزاز
الكدمبس: الحاجه الوسخانه.. إعتقد إنك قاصد الكوشه (نعم هي المقصودة)
البعشوم: الثعلب..
وينك يا شليل؟ مشتاقين ....شليل وينو وشليل وين راح:D
الإجابات الثلات صحيحة ...ونديك 50 % وتجد تعليقي بالأحمر على الكدمبس ...وخش على الباقي..... وما تغيب
imported_شبارقة
25-02-2008, 05:11 PM
هاكم وبدون تنوين عشان نديكم الخيال والإنشطاحة والإنشكاحة :D زي ما عمل عمنا فتحي في الجبنه الفي الصفحة الفاتت
1- الخشش 2- النتر 3- التيلاد 4- الأندراب 5- الترتوس
6- البرم 7- الشوتال 8- الجاقوس 9- الدوداي 10- الكاتول
جبناها ليكم راده وصاده تاني من الصفحة رقم خمسين ....وح نجيبها لكم طوالي لغاية ما تقولوا الرووووب :D .... ولم ينجح أحد ....الجميع صفر من عشرة (قديتو كلكم :mad:) والباص 2 من 10 للحناكيش
imported_أشتر
26-02-2008, 08:17 AM
هاكم إلى أن ألقاكم :
3- ما معنى الكلمات التالية : البربندي - التقنت - القحفة
البربندي ... وتد من الحديد لربط الحمير
التقنت ... ليهو علاقة بالحواشات
القحفة ... باص
imported_أشتر
26-02-2008, 08:31 AM
ود أبو عاقلة ... قعورد وهي الحمى وقلنا بالبلدي بنسميها الوردة (بكسر الواو) وقعورد (قاعدة أورد = بتجيني الحمى) ولكن بنطقوها كلمة واحدة إختصاراً ولعدم إضاعة الوقت (أهلنا كانوا بيعرفوا الـ Shortcut :D) فأصبحت قعورد (زي مرقنبو قرنبو :D:D)
mad::mad:
قلت لي قاعدة أورد يعني بتجيني الحمى !!!!!
طيب ممكن أقعد ليكم هنا أورد وماف زول يزعجني لو سمحتو !!!
والشورط كط لكن عندهم ... ياخي ديلاك فنجانين قهوة بتلاتة ساعات وحشو في النص كميات ما ليهو أي لازمة ... وما أكتر من الوكت الضاع شمار في مرقه آآآآآآآه ... يا نورة آه
وضاع الميعاد وزماني راح ...
imported_فيصل سعد
26-02-2008, 08:38 AM
انت يا محمد انا ما رسلت ليك رسالة مالك ما رديت علي :confused::confused:
يعني الا ارسل ليك عسكري و امر قبض :D:D و لا محقرني و داقي بي الواطة :D:D
imported_شبارقة
26-02-2008, 08:52 AM
البربندي ... وتد من الحديد لربط الحمير
التقنت ... ليهو علاقة بالحواشات
القحفة ... باص
ود أبو عاقلة يا عسل ..... سلامات وشوقنا بحر
واضح الإستعانة بصديق :D والدليل معرفتك للبربندي
القحفة هي القطعة الصغيرة من الزير المكسر (كانو البنات زمان بيلعبو بيها بوربرة (أريكا عامية) :D)
imported_شبارقة
26-02-2008, 08:58 AM
آآآآآآآه ... يا نورة آه
.
جايي ليك يا نورة آفة للسوس البنقر عود عشيمن داخرو فيك (والكلام ما داير شرح)
imported_أشتر
26-02-2008, 09:08 AM
انت يا محمد انا ما رسلت ليك رسالة مالك ما رديت علي :confused::confused:
يعني الا ارسل ليك عسكري و امر قبض :D:D و لا محقرني و داقي بي الواطة :D:D
والله يا فيصل يا خوي ... اخوك ما عندو حاجة تحت الطربيزة ... وكان حبيت اقولو اونلاين كنت قلتو ... تحقيقا لمبدأ المساواة بين الجميع ... وحرصاً مني على بذل فصارى جهدي لتكون الكلمة عامة ...
والخاص للرخاص:D:D أو كما يقولون ...
imported_أشتر
26-02-2008, 09:15 AM
ود أبو عاقلة يا عسل ..... سلامات وشوقنا بحر
واضح الإستعانة بصديق :D والدليل معرفتك للبربندي
القحفة هي القطعة الصغيرة من الزير المكسر (كانو البنات زمان بيلعبو بيها بوربرة (أريكا عامية) :D)
أقسم بالله العظيم ما استعنت بأي صديق ... لا من قريب ولا من بعيد ...
وكلامك دا انا بشوفو تقليل من مقدراتي كفرد سوداني يريد العيش بسلام ...:D
ولفيت لم وعثاء السفر زاااااتو شكى مني ... دا غير اللفات البتتاكل على الطاير ... ودي موضوعا طويل
وبراك شايف (الحمير) اللافه كتييييييرة ومحتاجين بربنديات كميات ...
وممكن برضو الحمير تكون فرضت نفسها وخلتني أعرف انو في حاجة اسمها بربندي ...
imported_فيصل سعد
26-02-2008, 10:50 AM
والله يا فيصل يا خوي ... اخوك ما عندو حاجة تحت الطربيزة ...
و مال الباقات البتتطاقش ديك شنوا :D غير الجواكر المصبنها و لابد تحرقنا بيها :o
وكان حبيت اقولو اونلاين كنت قلتو ... تحقيقا لمبدأ المساواة بين الجميع ... وحرصاً مني على بذل فصارى جهدي لتكون الكلمة عامة ...
ولد دا :D:D:D كلام تفتش ليو و كلام يفتشك :confused::confused:
والخاص للرخاص أو كما يقولون ...
ايني ويي :D عشان كدة ما داير تفك لينا فلاش توقيع ايبود ملان غناء مصطفى الطلبناو منك داك :D:D فتناك بعافية يا الحبيب :D:D و ان شاء الله ما آخر وداع ..
imported_شبارقة
26-02-2008, 10:57 AM
أقسم بالله العظيم ما استعنت بأي صديق ... لا من قريب ولا من بعيد ...
وكلامك دا انا بشوفو تقليل من مقدراتي كفرد سوداني يريد العيش بسلام ...:D
سامحنا يا فردة ونحن مصدقنك والله وبدون حليفة .... بس السبب إنو البربندي ده مدقوق ليهو أربعة أيام هنا ولا واحد عبّرو حتى لو بنظرة (ولو بهمسة ) فقلنا أكيد غلب الجماعة .... وبرافو عليك وشوف الباقيات
imported_نهى أحمد
26-02-2008, 11:55 AM
1- الخشش 2- النتر 3- التيلاد 4- الأندراب 5- الترتوس
6- البرم 7- الشوتال 8- الجاقوس 9- الدوداي 10- الكاتول
ــــــــــــــــــــــ
مافي خيارات!
أنا غايتو سمعت بغنية الأسد النتر (نمره إتنين) يكون الهجم ياربي!
الباقيات ديل كلهم ماعارفاهم ولا منتظره منكم هدايا
يا غشاشين:confused:
imported_فيصل سعد
26-02-2008, 12:10 PM
سامحنا يا فردة ونحن مصدقنك والله وبدون حليفة .... بس السبب إنو البربندي ده مدقوق ليهو أربعة أيام هنا ولا واحد عبّرو حتى لو بنظرة (ولو بهمسة ) فقلنا أكيد غلب الجماعة .... وبرافو عليك وشوف الباقيات
طبعا يا معلم المفردات دي اغلبها اخوك ناقشها و فايتة اضانو :D:D لكن زي ما عارف اخوك ديمقراطي و يؤمن باشتراكية الحلول و المشاركات و العمل الجماعي و كدة :D:D اها نديك حاجات جديدة من وحي اغانينا :
الهبك ، الدربكانة، عصافير الجلد ، دابي الكر ، كاويقْ الجرف الأمحل ، غناوى السـاب ، كون شِبِر ، الطِرقى ، الكجر ، الغربة الكدروبية ، تُرابَك يبوسِبْ ، جبل الضرا
imported_شبارقة
26-02-2008, 12:24 PM
1- الخشش 2- النتر 3- التيلاد 4- الأندراب 5- الترتوس
6- البرم 7- الشوتال 8- الجاقوس 9- الدوداي 10- الكاتول
ــــــــــــــــــــــ
مافي خيارات!
أنا غايتو سمعت بغنية الأسد النتر (نمره إتنين) يكون الهجم ياربي!
الباقيات ديل كلهم ماعارفاهم ولا منتظره منكم هدايا
يا غشاشين:confused:
بنتنا نهى ... سلامات
في نمرة (2) دي قربتي من الحقيقة ولو خشيتي على أوبريت سودانية المنسوب للشريف الهندي ح تعرفي بعض من معاني الكلمات دي ..و ما في خيارات لكن ممكن نساعدك شوية :
1- أسألي عن دابي الخشش .. وساعتها ح تعرفي الدابي وح تعرفي الخشش
3- التيلاد : في قصيدة أنا أم درمان بيقول الشاعر : ده ميلادي وتيلادي البشيل إسمي... أها عرفتي التيلاد هو شنو
4- الأندراب : نوع من الحطب (الأخشاب) بيجي براهو مع مياه الأنهار وهو من أجود أنواع الأخشاب التي تدخل في الصناعات الخشبية
5- الترتوس : نوع من جذور الأشجار يستخدم بدل الفحم وناره تظل مستعرة لزمن طويل ويفضلونه عن الحطب والفحم .
6- البرم : يقولوا ليك فلان ده زي عتيد البرم (عتيد تصغير عتود) عارفه العتود؟
7- الشوتال : ما بين السكين والسيف
8- الجاقوس : أسألي ناس المراكب وح تعرفيها
9- الدوداي : صوت من الأصوات .... وأسألي عنه الرعد
10- الكاتول : أترك لك باب البحث والإجتهاد مفتوحاً
أها قصرنا معاك ....وساعدناك بالدس (ناس ود أبو عاقلة وفيصل ما يسمعونا) ولأنك جديدة وضيفة علينا وما عاوزنك تطفشي مننا ... عشنا كدة بنشتت ليك في السكر .:D. ويلا بعد ده ممكن تحليهن كلهن... ونشوفك في المداخلة الجاية ...وإنتي ح تكوني عضو مميز معانا هنا
imported_نهى أحمد
26-02-2008, 12:37 PM
جبناها ليكم راده وصاده تاني من الصفحة رقم خمسين ....وح نجيبها لكم طوالي لغاية ما تقولوا الرووووب :D .... ولم ينجح أحد ....الجميع صفر من عشرة (قديتو كلكم :mad:) والباص 2 من 10 للحناكيش
بنتنا نهى ... سلامات
في نمرة (2) دي قربتي من الحقيقة ولو خشيتي على أوبريت سودانية المنسوب للشريف الهندي ح تعرفي بعض من معاني الكلمات دي ..و ما في خيارات لكن ممكن نساعدك شوية :
1- أسألي عن دابي الخشش .. وساعتها ح تعرفي الدابي وح تعرفي الخشش
3- التيلاد : في قصيدة أنا أم درمان بيقول الشاعر : ده ميلادي وتيلادي البشيل إسمي... أها عرفتي التيلاد هو شنو
4- الأندراب : نوع من الحطب (الأخشاب) بيجي براهو مع مياه الأنهار وهو من أجود أنواع الأخشاب التي تدخل في الصناعات الخشبية
5- الترتوس : نوع من جذور الأشجار يستخدم بدل الفحم وناره تظل مستعرة لزمن طويل ويفضلونه عن الحطب والفحم .
6- البرم : يقولوا ليك فلان ده زي عتيد البرم (عتيد تصغير عتود) عارفه العتود؟
7- الشوتال : ما بين السكين والسيف
8- الجاقوس : أسألي ناس المراكب وح تعرفيها
9- الدوداي : صوت من الأصوات .... وأسألي عنه الرعد
10- الكاتول : أترك لك باب البحث والإجتهاد مفتوحاً
أها قصرنا معاك ....وساعدناك بالدس (ناس ود أبو عاقلة وفيصل ما يسمعونا) ولأنك جديدة وضيفة علينا وما عاوزنك تطفشي مننا ... عشنا كدة بنشتت ليك في السكر .:D. ويلا بعد ده ممكن تحليهن كلهن... ونشوفك في المداخلة الجاية ...وإنتي ح تكوني عضو مميز معانا هنا
1/ دبيب! الخششش ده الدبيب أبجرس
3/تيلاد: حبيب قساي!
6/ العتود: السخل الصغنوني.
ع تود
عنخ آمون
7/ الساطور
الباقيات عفيتن ليك لله والرسول
imported_أشتر
26-02-2008, 03:06 PM
ايني ويي :D عشان كدة ما داير تفك لينا فلاش توقيع ايبود ملان غناء مصطفى الطلبناو منك داك :D:D فتناك بعافية يا الحبيب :D:D و ان شاء الله ما آخر وداع ..
شوف الحاجة دي واديني رايك ...
http://www.geocities.com/boldman14/faisal.swf
imported_أشتر
26-02-2008, 03:16 PM
بنتنا نهى ... سلامات
أها قصرنا معاك ....وساعدناك بالدس (ناس ود أبو عاقلة وفيصل ما يسمعونا) ولأنك جديدة وضيفة علينا وما عاوزنك تطفشي مننا ... عشنا كدة بنشتت ليك في السكر .:D. ويلا بعد ده ممكن تحليهن كلهن... ونشوفك في المداخلة الجاية ...وإنتي ح تكوني عضو مميز معانا هنا
يعني كان غلبتنا حاجة نفك ليك دامة ديناري وللا شنو !!!!!!!!!!!!!
او دامة هارت....
دامت ايامكم افراحا ...
هسي دي ما ياها زااااتا المحسوبية والانتهازية وزعزعة توزيع الفرص:D ... والعمل العام ينفع الجميع ...
imported_شبارقة
26-02-2008, 03:59 PM
يعني كان غلبتنا حاجة نفك ليك دامة ديناري وللا شنو !!!!!!!!!!!!!
او دامة هارت....
دامت ايامكم افراحا ...
هسي دي ما ياها زااااتا المحسوبية والانتهازية وزعزعة توزيع الفرص:D ... والعمل العام ينفع الجميع ...
هههههههههه ده الكلام يا ود أبو عاقلة ... جهجه لينا شبارقة ده :D:D وخليهو يدينا نظرة ;) ... أنا بتكلم بلسان أخونا فيصل ولاّ شنو؟
imported_شبارقة
27-02-2008, 07:01 AM
يا ود أبو عاقلة ويا فيصل يا خبراء ...تحميل الصور مشى وين ؟ ما لاقيهو ....حاولت من تحميل الملفات وما فهمت حاجة ....ألحقونا وأفزوعونا ....يلحقكم الفكي جقمبيز قليل الميز :D
imported_أشتر
27-02-2008, 07:19 AM
يا ود أبو عاقلة ويا فيصل يا خبراء ...تحميل الصور مشى وين ؟ ما لاقيهو ....حاولت من تحميل الملفات وما فهمت حاجة ....ألحقونا وأفزوعونا ....يلحقكم الفكي جقمبيز قليل الميز :Dعملت تست وكل حاجة تمام ...
يكون جهازك بلع حبوب المنع وانت ما عارف !!!!:eek:...
والتسوي بى ايدك يغلب اجاويدك ...
رجاء ... المحاولة مرة أخرى ... ولا تقنُط
imported_شبارقة
27-02-2008, 08:16 AM
عملت تست وكل حاجة تمام ...
رجاء ... المحاولة مرة أخرى ... ولا تقنُط
تشكر يا فردة على الإستجابة الفورية دي ولكن السؤال : كان عندي تحميل الصور لكن شايف حل محله تحميل الملفات... ينفع؟ وكيف ؟
imported_أشتر
27-02-2008, 08:24 AM
تشكر يا فردة على الإستجابة الفورية دي ولكن السؤال : كان عندي تحميل الصور لكن شايف حل محله تحميل الملفات... ينفع؟ وكيف ؟
ينفع ونص ... ماهو نفسو يا استاذ
وتاني حاجة ما تلاوز ... شوف الكلك بوديك وين ... واختا الرملة ما تقع المكان الهش ...
دي الممطورة ما بتبالي من الرش ...
بمناسبة ممطورة دي ...
اتذكرت المطمورة ... فما هي ؟
imported_شبارقة
27-02-2008, 11:19 AM
ينفع ونص ... ماهو نفسو يا استاذ
وتاني حاجة ما تلاوز ... شوف الكلك بوديك وين ... واختا الرملة ما تقع المكان الهش ...
دي الممطورة ما بتبالي من الرش ...
بمناسبة ممطورة دي ...
اتذكرت المطمورة ... فما هي ؟
يا زول دخلت ليك عليهو وقام قال لي : الملف موجود مسبقاً ... يظهر لأني حمّلتو مرتين (وموجود وين ماني عارف) المهم خليهو أصلاً الحكاية عصلجت معاي ... وإنت عارف لمن تعصلج معانا خلاص بتقفل مرة واحدة ... نرجع ليها بعدين وبنديك خبر (وزمان تحميل الصور كان أسهل ... نسخ ولصق و إرمي )
المطمورة : هي مخازن للذرة (غالباً) تحت سطح الأرض (يحفرو حفرة كبيرة وعميقة ويضعوا فيها المحصول المراد تخزينة وفي النهاية يغطوهو بطبقات من القش وبعدين يردمو فوقو التراب) وذلك كمخزون احتياطي للأيام الجدباء ... وإلى عهد ٍ قريب كانت توجد لدينا مطامير في الشبارقة
وبالمناسبة شاهدت بالأمس بالتلفزيون مخازن ضخمة جداً تم عملها تحت الثلوج في النرويج لحفظ البذور (من الإنقراض) لمائة ألف سنة ..كما قالوا ... نفس مطاميرنا ... بس نحن بندفن تحت التراب وهم بيدفنو تحت الجليد ...
imported_منال
27-02-2008, 12:24 PM
تشكر يا فردة على الإستجابة الفورية دي ولكن السؤال : كان عندي تحميل الصور لكن شايف حل محله تحميل الملفات... ينفع؟ وكيف ؟
ااااااااااااى يا شبارقة فى مشكلة فى رفع الملفات لى يومين بكابس عشان ارفع لى اغنية ما قادرة و لا تحميل ملفات و لا ادارة مرفقات الجماعة ديل سونا برالمة جد جد جد جد الحاصل شنو ياخى.......:confused::confused:
حردتو حرد الحراز للمطر
اها يعنى كيفن عندك حرد الحراز
imported_أشتر
27-02-2008, 12:39 PM
يا زول دخلت ليك عليهو وقام قال لي : الملف موجود مسبقاً ... يظهر لأني حمّلتو مرتين (وموجود وين ماني عارف) المهم خليهو أصلاً الحكاية عصلجت معاي ...
ياخي خلي عندك إرادة ...
اديني اسم الملف الرفعتو وبنزلو ليك هنا هسي ...
بس يا ريت تكون حاجة تستاهل التعب :D:D
imported_شبارقة
27-02-2008, 04:49 PM
ااااااااااااى يا شبارقة فى مشكلة فى رفع الملفات لى يومين بكابس عشان ارفع لى اغنية ما قادرة و لا تحميل ملفات و لا ادارة مرفقات الجماعة ديل سونا برالمة جد جد جد جد الحاصل شنو ياخى.......:confused::confused:
حردتو حرد الحراز للمطر
اها يعنى كيفن عندك حرد الحراز
الحمد لله اللقيت لي زول غيري عندو نفس المشكلة وأضم صوتك إلى صوتي ونرفع الموضوع للإخوة أصحاب الإختصاص عشان يلحقونا ويفزعونا ... وأنا أستعنت لي بواحد كنت قايلو فزع لكن لقيتو ......:D
قعد يقول لي خلي عندك إرادة وخلي عندك عزيمة وخلي عندك تصميم ...عقدني وخلاني أتحوصل وأنكمش
imported_شبارقة
27-02-2008, 04:55 PM
ود أبو عاقلة يا فردة ... سلامات
أولاً : بعد ما نقوم بالتحميل تجينا ليك رسالة ناطه وتقول ليك : تم تحميل الملف بنجاح ويتم الآن عرض الصورة التي حملتها... وبعدين (سهران ليلي طائل حارس بدر غائب ...والزمان ده كلو مصائب) وبعدين يجيك مربع صغيرون عليهو علامة الخطأ الحمرا ديك ... وبعدين أنسى.
ثانياً : يا دكتور تلك كانت المعضلة والمشكلة (وهي ما مشكلة المشكلة حبك .. زي ما قال الحلنقي وفرفور في الأغنية الهزيلة بتاعتهم ديك) .. وبعدين يا ود أبو عاقلة نحن جاينك تفزعنا وتلحقنا .. تقوم تقول لينا إرادة وما إرادة ...نحن ناس على قدر حالنا ما عارفين الفرق بين الدسنتاريا والبكالريوس :D وبعدين إنتو جيل العولمة والإتصالات .. ونحن جيل الحمام الزاجل ....خدونا على قدر عقولنا ... وتسلم
imported_شبارقة
27-02-2008, 05:34 PM
قالت ليها : فلان ده أريتو راجل التابه واليابه .... أها المقصود شنو بالكلام ده (مدح ولاّ ذم ؟) مع تفسير كلمتي (التابا واليابا)
imported_أشتر
27-02-2008, 06:45 PM
وأنا أستعنت لي بواحد كنت قايلو فزع لكن لقيتو ......:D
كنت قايلو فزع لكن لقيتو جدع ... مش دا قصدك
وكان لقيتو وجع ... تقول شنو !!!!
غايتو الحسنة في الـ .......... زي الخيل تجقلب :D:D:D
جقلب ساااااي هي كلها كمها !!!!!
imported_أشتر
27-02-2008, 06:53 PM
ود أبو عاقلة يا فردة ... سلامات
أولاً : بعد ما نقوم بالتحميل تجينا ليك رسالة ناطه وتقول ليك : تم تحميل الملف بنجاح ويتم الآن عرض الصورة التي حملتها... وبعدين (سهران ليلي طائل حارس بدر غائب ...والزمان ده كلو مصائب) وبعدين يجيك مربع صغيرون عليهو علامة الخطأ الحمرا ديك ... وبعدين أنسى.
ثانياً : يا دكتور تلك كانت المعضلة والمشكلة (وهي ما مشكلة المشكلة حبك .. زي ما قال الحلنقي وفرفور في الأغنية الهزيلة بتاعتهم ديك) .. وبعدين يا ود أبو عاقلة نحن جاينك تفزعنا وتلحقنا .. تقوم تقول لينا إرادة وما إرادة ...نحن ناس على قدر حالنا ما عارفين الفرق بين الدسنتاريا والبكالريوس :D وبعدين إنتو جيل العولمة والإتصالات .. ونحن جيل الحمام الزاجل ....خدونا على قدر عقولنا ... وتسلم
هسي كان في داعي للبرجقة دي كلها ...
قلت ليك اديني اسم الصورة وانا بنزلا ليك هنا كلمح البصر ...
الصورة الرفعتها من وين ما عارف ...
عشان ما تكتر كلامك ساي وتطلعني قدام الناس جيهة اقبل عليها ماف :D:D:D
الكلام في الكورة عرفناهو وفي السياسة عرفناهو كمان عاوزين تفكو هموم الغربة فينا ...
ذنبي شنو انا ...
وياخي دا كلو كوم وإنك ترفعا كوم تاني ...
وكان صورة ما قدرت ترفعا ... باقي ليك تاني بترفع شنو !!!!:D:D:D
ونصيحة مني ... ارفع يديك للخالق تضرعا ...
كان الله يغفر لينا كلنا ...
imported_شبارقة
28-02-2008, 07:29 AM
يا ها دي الصورة يا ود أبو عاقلة ..:D:D:D.وبدون تعليق لو سمحت ;) وأنس الفات
http://www.l44l.com/up/uploads/1ecee8a50f.jpg (http://www.l44l.com/up)
السؤال : التحت السرج ده إسمو شنو؟ وما الفرق بينه وبين البردعه ...ويا ود أبو عاقلة زمااان سألناكم عن الضنّاب وما عرفتوهو ... ياهو ظاهر هنا... وسلم لي على النعير السؤال موجه للحناكيش والباقيين يمتنعوا ويتمتعوا بالنظر إلى الخضرة
imported_أشتر
28-02-2008, 08:06 AM
لو ما لقيتو مفتوح ما كان رفعت و حمّلت على كيفك ...:D
وعلى كيفك تعال ... وعلى كيفك تفوت ...
وادخل فراغ كل البيوت ..
في العتمة او نصة نهار
يعني لم قلت ليك يا ريت تكون حاجة تستاهل كان معاي حق ...
imported_أشتر
28-02-2008, 08:16 AM
يا ها دي الصورة يا ود أبو عاقلة ..:D:D:D.وبدون تعليق لو سمحت ;) وأنس الفات
معليش والله المرة دي ما قدرت امسك نفسي
[align=justify]السؤال : التحت السرج ده إسمو شنو؟ وما الفرق بينه وبين البردعه ...ويا ود أبو عاقلة زمااان سألناكم عن الضنّاب وما عرفتوهو ...
تحت السرج هي الّلبادة ...والفرق بينها وبين البردعة ... اعتقد واحدة فوق السرج والتانية تحت ...
وبالله ياهو دا الضنّاب!!!!!! ... بمسك السرج عشان ما يتحرك لقدام ...
imported_شبارقة
28-02-2008, 09:16 AM
المطلوب التعرف على جميع الأشياء التي في هذه الصورة (وما تنسوا عمنا المصنقر ده إسمو منو ؟ :D:D)
http://www.l44l.com/up/uploads/a2873f1ea0.jpg (http://www.l44l.com/up)
imported_شبارقة
28-02-2008, 09:28 AM
الجماعة الكانو قاعدين هنا (تذكروهم) مشو وين؟ وإتجاه التبروقة يمكن يحدد لينا جهوية الكرّاب (وين الزولة القالت لينا الكرّاب دائماً شمالي :D) والعناقريب دي موسرة بي شنو ؟ حبل ولاّ نال ؟ وما الفرق بين الحبل والنال ؟ والتبروقة القديمة دي في مقدمتها توجد حاجة كدة مصنوعة من الصوف ..أها بيسموها شنو؟
http://www.l44l.com/up/uploads/278319c51b.jpg (http://www.l44l.com/up)
imported_شبارقة
28-02-2008, 09:47 AM
الما ضاقو إن شاء الله يضوقو ...والما ضاق يضوق السيرة ... (وعقبال نفرح بيكم كلكم..... أها عقبال دي مصدرها شنو وجاءت من وين ؟) خشوا لينا على الصورة دي وأدونا الأسماء التراثية والحديثة (لو في إمكانية أدونا أسماء الريحة كمان :D) http://www.l44l.com/up/uploads/027b2a5ee9.jpg (http://www.l44l.com/up)
imported_أشتر
28-02-2008, 10:06 AM
والتبروقة القديمة دي في مقدمتها توجد حاجة كدة مصنوعة من الصوف ..أها بيسموها شنو؟
حتى دي عندها اسم ... والله بالغت يا شبارقة ... زمني دا كلو قايلا ديكور ساي !!!
تحت تحت
لقيتك ما بتنسى أي حاجة شمالية !!!
imported_أشتر
28-02-2008, 10:13 AM
المطلوب التعرف على جميع الأشياء التي في هذه الصورة (وما تنسوا عمنا المصنقر ده إسمو منو ؟ :D:D)
http://www.l44l.com/up/uploads/a2873f1ea0.jpg (http://www.l44l.com/up)
السعف والسيف والدرقة وابريق بلاستيك ... وعمك قعد للقهوة بمزاااااج بعد صلاة العصر ... والداييرة الفي التبروقة هي نفس الاسم بتاع التبروقة التحت العنقريب ... مع انو دي راقية شوية ... وحديثة ...
اصلو مما الاباريق بقت بلاستيك قنعنا منها ...
شبارقة : يعني شنو طالع زي الناس ؟:D
imported_منال
28-02-2008, 11:59 AM
[QUOTE=شبارقة;90802]الما ضاقو إن شاء الله يضوقو ...والما ضاق يضوق السيرة ... (وعقبال نفرح بيكم كلكم..... أها عقبال دي مصدرها شنو وجاءت من وين ؟) خشوا لينا على الصورة دي وأدونا الأسماء التراثية والحديثة (لو في إمكانية أدونا أسماء الريحة كمان :D) [/color
[color=#FF0000]عقبال دى يعنى عقب = بعد = اللبعدو : D:Dالبرش بتاع رقيص العروس و الجرتق و الصينية ذاتها بتاعت الجرتق و الحنة للعروس و العريس بقت تكون مكوناتها واحدة مكسية باللون الاحمر لاعتقاد اهلنا بالفال للون الاحمر كمان بكون فى الهلال البربطو فى جبين العريس..المفخر - و علبتين القزاز الكبار ام غطاء برضو احمر واحدة للبخور الحلو المعبق يعنى و التانية للدلكة...و برطمان التنك دى البختو فيهو الضريرة اللت المحلب و معها ضفرة مسحون....الريحة هى اتجاوبت قبل ده لكن فيها بنت السودان..اللونو كحلى سوار باريس .. الكبير الطويل فرير دامور.. و العندو القرقور اللعبنى كتير اسمو الصاروخ ...العلب (محلبية -سراتية - مجموع - صندلية ماركة التاج) وفى زيت سمسم ساى او دهن كركار سودانى اصلى بمسحو بيهو الحنة فى الرجلين و اليدين و تانى فى فتيل ريحة رش ساكت .. و الهبابة ام يد دى زى العلم كان الدنيا حر بهببوا بيها العرسان الا نسيت اللبن و جريد النخل و السيف و سوط العنج كمان
اها
دقت الدلوكة قلت الدنيا ما زالت بخير اهو فى ناس تعرس و تنبسط
اعنية سعاد لكابلى
لمن اشوف اللنك اديك العديلة و السيرة اللتنا
imported_أشتر
28-02-2008, 07:14 PM
و برطمان التنك دى البختو فيهو الضريرة اللت المحلب و معها ضفرة مسحون
لمن اشوف اللنك اديك العديلة و السيرة اللتنا
هههههههههه الكلمات دي بالغتي فيها يا منال ههههه
واللخت هيلت منو ؟:D:D
imported_فيصل سعد
28-02-2008, 07:56 PM
شوف الحاجة دي واديني رايك ...
http://www.geocities.com/boldman14/faisal.swf
هسي بعد لفك الكتير دا :D:D دي كل الطلعت بيها فرد غنيوة و لون احمر ويحيد ، يا اللخو انستر و اتصلح معانا زيد الغناء و ظبط الالوان و ركب ساعة و تاريخ و رش لينا فيهو لوقو و توقيع و شعار و اكتب فيه "فيصل سعد للذكرى و التاريخ" و اعمل ليو اعادة ارسال و رينا نثبته كيف في التوقيع و لك الشكر و الود مضاعفا لما تحمله لنا :D:D
imported_فيصل سعد
29-02-2008, 08:01 AM
المعلم شبارقة و بقية الخبراء و الخبيرات :D:D الخيوط دي ما تنسوها :
الهبك
الدربكانة
عصافير الجلد
دابي الكر
كاويقْ الجرف الأمحل
غناوى السـاب
كون شِبِر
الطِرقى،
الكجر
الغربة الكدروبية
تُرابَك يبوسِبْ
جبل الضرا
و يا ريت يا شبارقة تاخد ليك رجعة لا وراء و تحصر المفطوط و المنسي في لستة واحدة للمداولة :D:D
imported_شبارقة
29-02-2008, 05:43 PM
و يا ريت يا شبارقة تاخد ليك رجعة لا وراء و تحصر المفطوط و المنسي في لستة واحدة للمداولة :D:D
رجعنا ليكم من الصفحة الأولى ولغاية الصفحة رقم 30 ولقينا فعلاً في كلمات فطيناها وما شرحناها وح ننزلها ليكم تاني ونديكم فرصة أخيرة وكمان فرصة للشباب الداخلين حديثاً عشان يجتهدوا معانا شوية ونبحث سوياً في التراث ... وهاكم الكلمات مع المساعدة:
1- الهبّاب 2- شُخب الحليب (قال سماعين حسن : عيونن يمه زي شخب الحليب الدافئ يرهج في الكبابي ...ولونن يمه زي لون القمح ضروهو لي وجعي وعذابي ) 3- الكرو (والمثل بيقول : الجديد ..في الكرو سمح) 4- التعل (بكسر الباء والعين) وأهلنا كانوا بيداعو : تعال ..التعل اليشيلك 5- الرحراح 6- الحويه (لها علاقة بالإبل) 7- المقدري 8- المخلوفه (لها علاقة بالإبل) 9- الدوانه (لها علاقة بالروب) 10- الصير (لها علاقة بالسمك) 11- الكرك 12- الفافنوس (ما هو الفافنوس وما هو الغليض البوص ) 14- الرجرجه 15- الضغلوب 16- الحتلوب 17- الربوبه (لها علاقة بالطين) 18- الزعتور (له علاقة بالشَعَر) 19- البرجوب (له علاقة بالطين) 20- الجبردين 21- السبر (بكسر السين والباء) 22- البوغا (لها علاقة بالزراعة) أها قصرنا معاكم ؟
imported_شبارقة
01-03-2008, 08:25 AM
ما الفرق بين الشلاتيت والتلاليش والشلاليت :D:D:D
imported_شبارقة
01-03-2008, 05:47 PM
هههههههههه الكلمات دي بالغتي فيها يا منال ههههه
واللخت هيلت منو ؟:D:D
ود أبو عاقلة ... سلامات
كلامكم جميل وزي الدرر يتناثر ما بين الجعليين والشوايقة :
حقي = الليلي = اللي = هيلي = حقينا (حقي أنا)
حقتي = الليلتي = اللتي = هيلتي = حقتينا(حقتي أنا)
يا ربي الحناكيش فهمو حاجة؟ :D
imported_فيصل سعد
02-03-2008, 12:20 PM
رجعنا ليكم من الصفحة الأولى ولغاية الصفحة رقم 30 ولقينا فعلاً في كلمات فطيناها وما شرحناها وح ننزلها ليكم تاني ونديكم فرصة أخيرة وكمان فرصة للشباب الداخلين حديثاً عشان يجتهدوا معانا شوية ونبحث سوياً في التراث ... وهاكم الكلمات مع المساعدة:
1- الهبّاب 2- شُخب الحليب (قال سماعين حسن : عيونن يمه زي شخب الحليب الدافئ يرهج في الكبابي ...ولونن يمه زي لون القمح ضروهو لي وجعي وعذابي ) 3- الكرو (والمثل بيقول : الجديد ..في الكرو سمح) 4- التعل (بكسر الباء والعين) وأهلنا كانوا بيداعو : تعال ..التعل اليشيلك 5- الرحراح 6- الحويه (لها علاقة بالإبل) 7- المقدري 8- المخلوفه (لها علاقة بالإبل) 9- الدوانه (لها علاقة بالروب) 10- الصير (لها علاقة بالسمك) 11- الكرك 12- الفافنوس (ما هو الفافنوس وما هو الغليض البوص ) 14- الرجرجه 15- الضغلوب 16- الحتلوب 17- الربوبه (لها علاقة بالطين) 18- الزعتور (له علاقة بالشَعَر) 19- البرجوب (له علاقة بالطين) 20- الجبردين 21- السبر (بكسر السين والباء) 22- البوغا (لها علاقة بالزراعة) أها قصرنا معاكم ؟
سلامات يا شباب ماكمطيبين و نعلكمبخير :
اها يا معلم رقم عشرة الصير هو سمك صغير مقرشة ، نمرة حداشر الكرك و هو آلة لتسوية الارض ، نمرة عشرين الجبردين نوع من القماش الممتاز ... يلا شدو حيلكم في الباقي ما دايرين نهبرها كلها :D:D:D
imported_نهى أحمد
02-03-2008, 02:56 PM
إزيكم..
إنتو مهمشين إجابتي الفاتت ما لكم!
غايتو..
في واحده بعرفا
السبر(بكسر السين والباء)
تعني " العمل/ الحجاب: الإعتقاد في مخيلة الحبوبات)
نقطة. سطر جديد
سبر
معاك
الواحد
imported_شبارقة
02-03-2008, 03:22 PM
1/ دبيب! الخششش ده الدبيب أبجرس
3/تيلاد: حبيب قساي! نعتبر الإجابة صحيحة عشان ناس أم درمان (أنا أم درمان ده ميلادي وتيلادي البشيل إسمي)
6/ العتود: السخل الصغنوني (صاح حتى ولو كان غلط !! يا زولة في زول في السودان ده كلو ما بيعرف العتود ؟)
ع تود
عنخ آمون وعملتي فرعون كمان
7/ الساطور قربتي شديد
الباقيات عفيتن ليك لله والرسول
إزيكم..
إنتو مهمشين إجابتي الفاتت ما لكم!
غايتو..
في واحده بعرفا
السبر(بكسر السين والباء)
تعني " العمل/ الحجاب: الإعتقاد في مخيلة الحبوبات) هو فعلاً إعتقاد ولكن في مخيلة الرجال والنساء وهو التشاؤم والتطاير
نقطة. سطر جديد
سبر
معاك
الواحد دي حلوة
معليش ولا تزعلي يا بنتنا (وتسلمي إنتي من مناطق التهميش والتطنيش والتفنيش وإن شاء الله ما تطلعي الطيش:D).... تجدين تعليقي بالأحمر ...وأبحثي عن الباقيات ... والجفلن خلهن أقرعي الواقفات ... ما معنى جفلن وما معنى أقرع في المثل المذكور .. ودمتي لنا كرتوبتن وحبوبتن ... شنو يعني كرتوبة؟ :D:D
imported_شبارقة
02-03-2008, 03:43 PM
سلامات يا شباب ماكمطيبين و نعلكمبخير :
اها يا معلم رقم عشرة الصير هو سمك صغير مقرشة ، نمرة حداشر الكرك (ويسمى الكرن أيضاً يا فيصل ) و هو آلة لتسوية الارض ، نمرة عشرين الجبردين نوع من القماش الممتاز ... يلا شدو حيلكم في الباقي ما دايرين نهبرها كلها :D:D:D
الإجابات صحيحة والنتيجة 3 من 22(Three out of twenty two) للحناكيش نجاح :D لكن ليك إنت وود أبو عاقلة Fail ;) ... هسع ود أبو عاقلة سألك يا شبارقة ؟ :mad:
imported_شبارقة
02-03-2008, 05:27 PM
هاكم حاجات ساهلة وبدون تنوين عشان تسرحو وتمرحو وتشطحو :
1- الكرور 2- الجوغير 3- الجيعير 4- الدغلوب 5- الحنكول
النجاح 2 من 5 للحناكيش ....أما الجماعة البشربو المويه بدغلوبا فلازم يعرفوها كلها (بنديهم الجائزة إذا عرفو 6 من 5 :D:D )...أها وكمان ساعدناكم في معرفة الدغلوب ...قصرنا معاكم ؟
imported_منال
03-03-2008, 12:51 PM
ما الفرق بين الشلاتيت والتلاليش والشلاليت :D:D:D
احتهاد ساى
الشلاتيت = الشلاتيت زى الهكر المركون هسى بقى يلمو فى مخزن و عند النسوان العدة من البلاستيك
والتلاليش = تعنى الشفاه الكبيرة وغليظة حسب وصف الحكايين(زول متلش)
والشلاليت = اخو البنية هى باليد و هو بالرجل جمع شلوت
ياجازى محنك يا شبارقة
imported_فيصل سعد
04-03-2008, 07:44 AM
احتهاد ساى
الشلاتيت = الشلاتيت زى الهكر المركون هسى بقى مخزن و عند النشوان العدة من البلاستيك
والتلاليش = تعنى الشفاه الكبيرة وغليظة خسب وصف الحكايين
والشلاليت = اخو البنة هى باليد و هو بالرجل جمع شلوت
ياجازى محنك يا شبارقة
انت برضوا اصابعينك ناشفة يا كافي البلاء :D:D:D نصلح و لا تصلحي براك يا بت الخالة :D:D
imported_منال
04-03-2008, 12:49 PM
انت برضوا اصابعينك ناشفة يا كافي البلاء :D:D:D نصلح و لا تصلحي براك يا بت الخالة :D:D
تصلح طوالى ياخى........ اللغة و المعنى لكن التانية دى الاهم عشان الحناكيش يعرفو جنس الكلام ده و اللعة ما مقصرين تب (انت و شبارقة) (قاليك بالاحمر معلمين و كدة ) ذكرتك شخبطت الكراريس متين دى انسى بس :D:D:D
imported_منال
04-03-2008, 12:55 PM
هههههههههه الكلمات دي بالغتي فيها يا منال ههههه
واللخت هيلت منو ؟:D:D
عاد ما هيلكم :D:D:D... سودانيات تجمعنا و تلمنا ....كان ما جيت من زى ديل كان ...
انت وين غاطس
imported_فيصل سعد
04-03-2008, 01:12 PM
عاد ما هيلكم :D:D:D... سودانيات تجمعنا و تلمنا ....كان ما جيت من زى ديل كان ...
انت وين غاطس
سلام يا منال ، زولك الشقي دا يكون مجغمس ليو بويبسايد :D:D او ويبسايد مجغمس بيو :D:D و في الحالتين الجغمسة حاصلة و هكذا حال البلاد و العباد :D:D
imported_شبارقة
04-03-2008, 04:55 PM
انت وين غاطس
فعلاً غاطس ومتغدي بأم بقبق والبطاطس ..وهاكم الدليل من النصيبة بتاعتو البتنقص في العمر دي :D:D.... ويا فردة الموج الأزرق في عينيك ينادينا نحو الأعمق ونحن لا نملك تجربة في العوم ولا عندنا زورق .. وبسبب غيابك نحن في الشوق ح نغرق نغرق .... وسلملي على الـ Diving team
http://www.l44l.com/up/uploads/7e1e0e983b.jpg (http://www.l44l.com/up)
imported_شبارقة
04-03-2008, 05:25 PM
قالت ليها : وليدات الزمن ده ولادة الكودا واللاكودا ...فماذا تقصد تلك المرأة العجوز بالكودة واللاكودة :confused::confused:
وهاكم :
1- الفاخورة 2- الدقه (ضم الدال وفتح القاف) 3- السكلي 4- الزقاده (ضم الزين وتشديد القاف) 5- الشيطه 6- الكينكيج
الحناكيش يمشوا يلعبو بعيد ......الشغل ده ألمي حامي ما لعب قعوي :D
imported_فيصل سعد
06-03-2008, 11:09 AM
قالت ليها : وليدات الزمن ده ولادة الكودا واللاكودا ...فماذا تقصد تلك المرأة العجوز بالكودة واللاكودة :confused::confused:
وهاكم :
1- الفاخورة 2- الدقه (ضم الدال وفتح القاف) 3- السكلي 4- الزقاده (ضم الزين وتشديد القاف) 5- الشيطه 6- الكينكيج
الحناكيش يمشوا يلعبو بعيد ......الشغل ده ألمي حامي ما لعب قعوي :D
نمرة اتنين الدقة هي الفول المدروش و نمرة تلاتة السكلي رديف للردحي و لمزيد من التوضيح اسأل عكود او ود الحاج بدوك خبروا و بقعدوا ليك في علبو تمام و بجازفوا ليك مواضع استعماله و كدة :D:D
imported_أشتر
06-03-2008, 04:37 PM
نمرة اتنين الدقة هي الفول المدروش و نمرة تلاتة السكلي رديف للردحي و لمزيد من التوضيح اسأل عكود او ود الحاج بدوك خبروا و بقعدوا ليك في علبو تمام و بجازفوا ليك مواضع استعماله و كدة :D:D
كضبن كاضب ... الدقة يا (اخوي المشتاق ليو) هي هريس النبق ... النبق النبق النبق :D:D
دي حالة دي الواحد ما يضحك الا يوم الخميس ( وباقي الضحك بنجيهو بعدين)
والجري دا ما حقي ... حقي المشنقة والمدفع السكلي ... الله يكفينا شر السكلبة والكركبة ...
وبعدين يا شبارقة ... الله لا يسيئك (دي مكتوبة صاح) ولا يحيق الظن السئ الا بأهلو ... بالجد مشتاقين ... والشيطة يا عزيزي على ما اعتقد هي الحاجة الحرقت ما عارف يا في قعر:rolleyes: الحلة او قعر;) الصاج ...
imported_أشتر
06-03-2008, 04:44 PM
عاد ما هيلكم :D:D:D... سودانيات تجمعنا و تلمنا ....كان ما جيت من زى ديل كان ... وآ مأساتي وآآآآآآآآآآ ....
انت وين غاطس
الله يخليك لينا يا منال ... اصيلة وبت بلد ...
لكن كان على ناس (فلان) ديلاك خليهم !!! ... الفيهم عرفتها ... الكراسي بنرصها والطمبارة بجو:D:D (المثل دا حقوق النشر محفوظة):D:D ...
النشوف لي زول فيهم يهز كتفو ...
بطان ليوم البطان ... وعنجاً ما غنج
كان رضو أو ما رضو ...
ونرضيك ... مرة أرضينا ...
الأرضية مخمل والشوارع موكيت ...:D:D
imported_أشتر
06-03-2008, 04:51 PM
سلام يا منال ، زولك الشقي دا يكون مجغمس ليو بويبسايد :D:D او ويبسايد مجغمس بيو :D:D و في الحالتين الجغمسة حاصلة و هكذا حال البلاد و العباد :D:D
وفي الحالتين متكيف للطيش ... ابنص خالي محطات ودعك الجن ... تتلب هنا وتتلب هنا ون قو ... والسرير ختت راس ...
تعرف يا فيصل يا خوي ... اخوك مدمن شغل ...
بحب شغلي أكتر من المنتديات والبنات ...
مع اني أخدت شاكوش مع سبق الاصرار والترصد ... شاكوش شنو !!!! دي مرزبة الله لا ورّاك ليها ...
راسي لسه دايش ... وبطني طامّة ...
و قالو آخر العلاج الكي !!! وكيف وكأنك ولكن ليت لعل !!!
كلها ما جابت نتيجة !!! ولسه راسي لاف ...
واصبر ليو بعد شوية بسيّح لم ما اعرف حاجة !!!
imported_أشتر
06-03-2008, 04:59 PM
فعلاً غاطس ومتغدي بأم بقبق والبطاطس ..وهاكم الدليل من النصيبة بتاعتو البتنقص في العمر دي :D:D.... ويا فردة الموج الأزرق في عينيك ينادينا نحو الأعمق ونحن لا نملك تجربة في العوم ولا عندنا زورق .. وبسبب غيابك نحن في الشوق ح نغرق نغرق .... وسلملي على الـ Diving team
http://www.l44l.com/up/uploads/7e1e0e983b.jpg (http://www.l44l.com/up)
ياخوي مالك عاوز تغطس حجري ... لسه بنات اعمي ما سمعن بي ...
وبعدين دايفنج شنو في الشتا دا ... الموية تحت تلج عديل كدا ... وبعد الجو يتغير تجيك (الجلي فش) تكرهك شهر ... حتى بعد كدا نقوم نخش في السوت وعالم البحار والقبطان (جاك كوستو)
وكان ما جاك ما تكوسو :D:D:D
الحي بلاقي يا شبارقة ...
قلت لي شنو !!!! الموج الأزرق في عينيك .. هههههه كمان جابت ليها كضب
imported_أشتر
06-03-2008, 05:01 PM
عالم البحار دا موضوع كبير يا شبارقة ...
فاحسن تخلينا في (أم بُقبُقنا) دي :D:D:D ياخي كل ما اتذكرنا اقعد اضحك
imported_فيصل سعد
06-03-2008, 05:04 PM
كضبن كاضب ... الدقة يا (اخوي المشتاق ليو) هي هريس النبق ... النبق النبق النبق :D:D
كضبا كاضب يا سيرفر ، هي هريس القونقليز و ليس النبق يا نبق :D:D و هريس النبق يصنع منه حاجة مدورة برتقالية لذيذة و مرطبة و منعشة اسمها "قراصة نبق" ، و الفول المدروش او المسحون هو الدكوة يا حبوب و عذرا للالتباس بين الدكوة و الدقة :D:D
و الشوق بحر الحاصل :D:D لكن فلاشنا وين ما تجغمز بيه و بينا و ما تتزاوغ :D:D
imported_أشتر
06-03-2008, 05:08 PM
بعد كدا اقوم أشوف درب (أم فتفت) بى وين ... والراجينا شنو !!!
imported_فيصل سعد
06-03-2008, 05:13 PM
بعد كدا اقوم أشوف درب (أم فتفت) بى وين ... والراجينا شنو !!!
بس اوعى تكتر من الاتي ، بعدين كبدة إبل احسن ليك من ام فتفت ما بتعمل حيرقان و محفزة بالبصل و الشطوط الخضراء و الدكوة و بتزيل الحموضة و بتربط الصواميل :D:D
imported_أشتر
06-03-2008, 05:13 PM
كضبا كاضب يا سيرفر ، هي هريس القونقليز و ليس النبق يا نبق :D:D و هريس النبق يصنع منه حاجة مدورة برتقالية لذيذة و مرطبة و منعشة اسمها "قراصة نبق" ، و الفول المدروش او المسحون هو الدكوة يا حبوب و عذرا للالتباس بين الدكوة و الدقة :D:D
و الشوق بحر الحاصل :D:D لكن فلاشنا وين ما تجغمز بيه و بينا و ما تتزاوغ :D:D
سبتني يا فردة قبلما امشي اجيب ام فتفت ... والحقيقة تشابهت علي البقر ...
ما قلت ليك ... اكيد خلطت زيت ...
وبعدين خلاص اخترت ناس غيرنا وهم اغروك تفكنا عكس الهوا ... شايفك متّلح الغرافنجية والذي منو ... عاوز شنو بالضبط ....!!!! خلصنا خلينا نتفكفك ...
imported_أشتر
06-03-2008, 05:14 PM
بس اوعى تكتر من الاتي ، بعدين كبدة إبل احسن ليك من ام فتفت ما بتعمل حيرقان و محفزة بالبصل و الشطوط الخضراء و الدكوة و بتزيل الحموضة و بتربط الصواميل :D:D
كلو خميس لكن نقعد نهرس في كبدة الجمل ... قلنا نغير واخوك بحب التغيير ...
التغيير لراحة الضمير ...
imported_أشتر
06-03-2008, 05:23 PM
WIDTH=600 HEIGHT=250
لسه ما خلص ... اديني رايك واختار غناك وحاجاتك ...
نص وبسحبو ... اوكى معاك
imported_أشتر
06-03-2008, 05:25 PM
اقصد نص ساعة واسحبو ... عشان ما تشطح :D:D:D
imported_شبارقة
08-03-2008, 11:39 AM
قالت ليها : وليدات الزمن ده ولادة الكودا واللاكودا ...فماذا تقصد تلك المرأة العجوز بالكودة واللاكودة :confused::confused:
وهاكم :
1- الفاخورة 2- الدقه (ضم الدال وفتح القاف) 3- السكلي 4- الزقاده (ضم الزين وتشديد القاف) 5- الشيطه 6- الكينكيج
الحناكيش يمشوا يلعبو بعيد ......الشغل ده ألمي حامي ما لعب قعوي :D
نمرة اتنين الدقة هي الفول المدروش و نمرة تلاتة السكلي رديف للردحي و لمزيد من التوضيح اسأل عكود او ود الحاج بدوك خبروا و بقعدوا ليك في علبو تمام و بجازفوا ليك مواضع استعماله و كدة :D:D
كضبن كاضب ... الدقة يا (اخوي المشتاق ليو) هي هريس النبق ... النبق النبق النبق :D:D
دي حالة دي الواحد ما يضحك الا يوم الخميس ( وباقي الضحك بنجيهو بعدين)
والجري دا ما حقي ... حقي المشنقة والمدفع السكلي ... الله يكفينا شر السكلبة والكركبة ...
وبعدين يا شبارقة ... الله لا يسيئك (دي مكتوبة صاح) ولا يحيق الظن السئ الا بأهلو ... بالجد مشتاقين ... والشيطة يا عزيزي على ما اعتقد هي الحاجة الحرقت ما عارف يا في قعر:rolleyes: الحلة او قعر;) الصاج ...
سلامات يا شباب ومنورين البوست بقفشاتكم وتلميحاتكم وشوقنا بحور
أفضتم وأسهبتم في الدقه وما قصرتم من حيث المط والشد (كان صاح كان خطأ ما مهم ..المهم شوفت عيونكم :D)
الدقة لغةً :D هي كل شئ يدق دقاً (ومن ثم قد يُشم شماً أو يُلحس لحساً :D) والدقة في لغتنا العامية هي خليط من البهارات مدقوقة مع بعضها ...ولذلك سموها الدقه ..وهن (بنات فندق واحد) ...وأشهرها خلطة الشمار والكسبرة والشطة
imported_أشتر
08-03-2008, 12:38 PM
سلامات يا شباب ومنورين البوست بقفشاتكم وتلميحاتكم وشوقنا بحور
أفضتم وأسهبتم في الدقه وما قصرتم من حيث المط والشد (كان صاح كان خطأ ما مهم ..المهم شوفت عيونكم :D)
الدقة لغةً :D هي كل شئ يدق دقاً (ومن ثم قد يُشم شماً أو يُلحس لحساً :D) والدقة في لغتنا العامية هي خليط من البهارات مدقوقة مع بعضها ...ولذلك سموها الدقه ..وهن (بنات فندق واحد) ...وأشهرها خلطة الشمار والكسبرة والشطة
تسلم عيونك يا غالي
تسرح طوالي
لكن يبدو احنا في وادي وانت بى غادي
دق دقك وخلينا ندق دقنا ... وما تدقق في دقنا الخارم بارم دا ...
اوكي يا برنس
imported_شبارقة
08-03-2008, 03:51 PM
1- الهبّاب (عنقريب صغيرون يوضع في الظل وتحت الأشجار غالباً لزوم القيلولة وأحياناً الونسه) 2- شُخب الحليب (قال سماعين حسن : عيونن يمه زي شخب الحليب الدافئ يرهج في الكبابي ...ولونن يمه زي لون القمح ضروهو لي وجعي وعذابي ) 3- الكرو (والمثل بيقول : الجديد ..في الكرو سمح) الكرو هو الدمامل الصغيرة (المرحلة الأولى من العواوير (بلا مؤاخذة)... وهي مرحلة لذيذة نوعاً ما :D من حيث الحك والهرش .. وفي أوائل التسعينات إنتشرت في غرب الجزيرة ظاهرة مشابهة إسمها الحنكلو وكانوا بيقولو الحنكلو أب حكن حلو :D) 4- التعل (بكسر الباء والعين) وأهلنا كانوا بيداعو : تعال ..التعل اليشيلك (والتعل هو السحاب التقيل الماطر ...وكانوا بيقولوا : كيل يا ميكائيل بالتعل التقيل) 5- الرحراح (معروف ولا يحتاج لشرح ) 6- الحويه (لها علاقة بالإبل) سرج الإبل 7- المقدري (النزلها يحلها لينا) 8- المخلوفه (لها علاقة بالإبل) 9- الدوانه (لها علاقة بالروب) 10- الصير (لها علاقة بالسمك) حلاها فيصل سعد 11- الكرك (حلاها فيصل سعد) 12- الفافنوس (ما هو الفافنوس وما هو الغليض البوص ) 14- الرجرجه 15- الضغلوب ( ويعرف بالضبضوب وهو المرحلة الأولى في مراحل الضفادع وتكون في المياه الراكدة .. حصل شربتو المويه بدغلوبا ؟:D) 16- الحتلوب (حتل يحتل حتلوباً :D وهي الأشياء التي تترسب (تحتِل) في قعر الإناء كما في مديدة الحلبة أو البربور أو النشا ) 17- الربوبه (لها علاقة بالطين) الطين الممزوج بالماء (طين سائل) 18- الزعتور (له علاقة بالشَعَر) الشعر المنكوش 19- البرجوب (له علاقة بالطين) طين سائل بدرجة أقل من الربوبه 20- الجبردين (حلاها فيصل سعد) 21- السبر (بكسر السين والباء) حليناها قبل كم يوم كده وقلنا هو التشاؤم من شي ما 22- البوغا (لها علاقة بالزراعة) أها قصرنا معاكم ؟
أديناكم فرصة كافية بعد الزمن المحدد للإجابات ...ولذلك تجدون بعض الإجابات باللون الأحمر أعلاه ... وحاولوا أن تقرعوا الباقيات ...
imported_شبارقة
08-03-2008, 04:46 PM
قالت ليها : وليدات الزمن ده ولادة الكودا واللاكودا ...فماذا تقصد تلك المرأة العجوز بالكودة واللاكودة :confused::confused:
وهاكم :
1- الفاخورة 2- الزقاده (ضم الزين وتشديد القاف) 3- الكينكيج
الحناكيش يمشوا يلعبو بعيد ......الشغل ده ألمي حامي ما لعب قعوي :D
برضو أديناكم فرصة ولكن ...وهاكم الإجابات: وإين عمنا فتحي مسعد حنفي؟
1- الفاخورة :الجمجمة 2- الزقاده (ضم الزين وتشديد القاف): البطن الكبيرة - الكرش 3- الكينكيج : نوع من السمك في النيل الأزرق يمتاز بالقوة والمقاومة ... يقولوا ليك : فلان ده زي الكينكيج
imported_أشتر
09-03-2008, 07:48 AM
الله يكفينا شر الحنكلو أب حكّن حلو ...
(1) الكبسيبـة
(2) الهمبــتـة
(3) الجخنون
(4) القدنبلية
(5) الفولة
imported_شبارقة
09-03-2008, 03:55 PM
الله يكفينا شر الحنكلو أب حكّن حلو ...
(1) الكبسيبـة
(2) الهمبــتـة
(3) الجخنون
(4) القدنبلية
(5) الفولة
(1) الكبسيبـة : اللمه
(2) الهمبــتـة : السرقة حمرة عين وإيديا ..الهمباته نحن أصلنا معروفين وغير حق الرجال ما عندنا تامين ..ما بندبا ليهو بنشيلو حمرة عين ..وبي موت بي حياة لازم نرضي أم زين ...في مسلسل إذاعي قديم (منتصف سبعينات القرن الماضي) إسمو الهمباته ... فيهو أشعار جميلة مثل : آكل حارة ما أضوق باردة ماك داريني ..وأسأل عنى ربعاي البعرفو قريني ...حس أبجقره والقربين دوام باريني ...وأنا أخو الساره كان يبقى الكلام عانيني ...(هع :D)
(3) الجخنون : المخزن أو الشى الكبير
(4) القدنبلية : قرية ما بين الفاو والقضارف
(5) الفولة : الفوله بتتملي والبقارة بجو
imported_فيصل سعد
11-03-2008, 09:27 AM
(4) القدنبلية : قرية ما بين الفاو والقضارف
[/color]
و مالك نسيت ابودليق يا برنس :D:D و في سيرة المترادفات و الثنائيات والمتضادات ، في كلمات و معاني و شخوص ما بتلفق براها ابدا :D:D ، يعني عندك القدنبلية و ابو دليق ، حمد و الديبة ، حمد و خوجلي ، الانصار و الختمية ، مصر و السودان ، الهلال و المريخ ، بنطلون و قميص ،الشمال و الجنوب ، جري و طيران ، صحة و عافية ، اصل و صورة ، سعوط و سجاير ، غسيل و مكوة :D:D:D:D ... اها ارح اتذكروا معانا و البوست مغلق لاستراحة ترفيهية قصيرة المدى :D:D:D...
imported_شبارقة
11-03-2008, 06:25 PM
هاكم :
1- التخا 2- الليدر 3- الخبوب (للمساعدة : الليدر الفوق ضهرو الخبوب والطين)
4- البرطمه (برطم يبرطم برطمةً) 5- عمسيب
imported_أشتر
11-03-2008, 07:24 PM
و مالك نسيت ابودليق يا برنس :D:D و في سيرة المترادفات و الثنائيات والمتضادات ، في كلمات و معاني و شخوص ما بتلفق براها ابدا :D:D ، يعني عندك القدنبلية و ابو دليق ، حمد و الديبة ، حمد و خوجلي ، الانصار و الختمية ، مصر و السودان ، الهلال و المريخ ، بنطلون و قميص ،الشمال و الجنوب ، جري و طيران ، صحة و عافية ، اصل و صورة ، سعوط و سجاير ، غسيل و مكوة :D:D:D:D ... اها ارح اتذكروا معانا و البوست مغلق لاستراحة ترفيهية قصيرة المدى :D:D:D...
عمة وطاقية ... سروال ومركوب ... سيف وسكين ... امستردام وروتردام ... المقلبونا وجابوها كرتونة ... ميرغني المامون واحمد حسن جمعة ... شدة وغسيل عدة ... السنقة والرنقة ... وهكذا دواليك ...
imported_أشتر
11-03-2008, 07:30 PM
هاكم :
1- التخا 2- الليدر 3- الخبوب (للمساعدة : الليدر الفوق ضهرو الخبوب والطين)
4- البرطمه (برطم يبرطم برطمةً) 5- عمسيب
1- التخا ... السحاب الممطر
2- الليدر ... الليدر شب
3-الخبوب (للمساعدة : الليدر الفوق ضهرو الخبوب والطين) (كان دي مساعدتك اخير عدما)
4- البرطمه (برطم يبرطم برطمةً) ... الزعل ومد القدوم واللغلغة
5- عمسيب ... غير فايزة عمسيب ما عارف حاجة
imported_شبارقة
12-03-2008, 10:28 AM
1- التخا ... السحاب الممطر (صاح)
2- الليدر ... الليدر شب (الليدر = أبكريق = التمساح = العشاري (تمساح طوله عشرة أمتار)) كفاك ؟
3- الخبوب (للمساعدة : الليدر الفوق ضهرو الخبوب والطين) (كان دي مساعدتك اخير عدما)
الخبوب = البرجوب = ربوبة تقيلة شوية = الطين السائل
4- البرطمه (برطم يبرطم برطمةً) ... الزعل ومد القدوم واللغلغة (صاح)
5- عمسيب ... غير فايزة عمسيب ما عارف حاجة
للمساعدة في ود عمسيب : قالت ليهو : إنت يا فرنيب إنت ما بتجيب لي عيب .... إنت في الرجال عمسيب إنت للضرس عرديب....هع (هع دي معاها تبه قوية).... وطبعاً فرنيب شرحها الأخ عكود في بدايات هذا البوست وهي الشَرَك
imported_فيصل سعد
13-03-2008, 07:11 AM
عمة وطاقية ... سروال ومركوب ... سيف وسكين ... امستردام وروتردام ... المقلبونا وجابوها كرتونة ... ميرغني المامون واحمد حسن جمعة ... شدة وغسيل عدة ... السنقة والرنقة ... وهكذا دواليك ...
الايام و الصحافة ، البشير و الترابي ، الحكومة و الحركة ، الشاي و القهوة ، الشوق و الريد ، الحساب و العربي ، الطحنية و الجبنة ، الروح و النص ، البطيخ و الشمام ، البطل و الخائن ، العود و الصفارة :D:D:D
imported_أشتر
13-03-2008, 09:54 AM
للمساعدة في ود عمسيب : قالت ليهو : إنت يا فرنيب إنت ما بتجيب لي عيب .... إنت في الرجال عمسيب إنت للضرس عرديب....هع (هع دي معاها تبه قوية).... وطبعاً فرنيب شرحها الأخ عكود في بدايات هذا البوست وهي الشَرَك
هع دي كيفتني وخصوصا التبة بتاعتا (النترة) والاسد النتر للزول العمسيب ... والفرنبة بتاعتك تشبه الفرفرة بتاعتي !!!!(دي ما بتكون فهمتها)
وس وس
مشتاقين يا
imported_أشتر
13-03-2008, 10:03 AM
الايام و الصحافة ، البشير و الترابي ، الحكومة و الحركة ، الشاي و القهوة ، الشوق و الريد ، الحساب و العربي ، الطحنية و الجبنة ، الروح و النص ، البطيخ و الشمام ، البطل و الخائن ، العود و الصفارة :D:D:D
الصفارة والحكم ...التسالي والسينما ... الزيداب والعالياب ... اربعة وعشرين والقرشي:D:D ... عباس ركس ودار الرياضة ... التين والزيتون ... البغلة والابريق ... الثورة والمهدية ...
imported_شبارقة
13-03-2008, 12:28 PM
الصفارة والحكم ...التسالي والسينما ... الزيداب والعالياب ... اربعة وعشرين والقرشي:D:D ... عباس ركس ودار الرياضة ... التين والزيتون ... البغلة والابريق ... الثورة والمهدية ...
الدالي والمزموم - الشحمه والنار - الزمام والرشمة - الضحوه والضهرية - ريا والتريا - طه وأماتو :Dالسد ومروي :D
وهاكم :
1- الجيعير 2- الجوغير 3- الحنكول 4- الكاتول
imported_فيصل سعد
15-03-2008, 12:32 PM
الدالي والمزموم - الشحمه والنار - الزمام والرشمة - الضحوه والضهرية - ريا والتريا - طه وأماتو :Dالسد ومروي :D
وهاكم :
1- الجيعير 2- الجوغير 3- الحنكول 4- الكاتول
اها يا برنس :D:D نمرة واحد دا بطلع في حالتين ، عندما يغيب الموت لديك عزيزا ، و لا لما واحدة تكسر فيك ضلعة :D:D و تخليك تهاتي و تتمحن و تتلخم زي اخونا طارق الحسن محمد و كدة :D:D
الباقيين ندي الأخرين فرصة يتفاكروا فيهم معاك و ما نتجوغر ساي :D:D ارقد عافية ..
imported_أشتر
16-03-2008, 06:25 AM
[size=5الباقيين ندي الأخرين فرصة يتفاكروا فيهم معاك و ما نتجوغر ساي :D:D ارقد عافية ..[/size][/B]
اذا كانت الحنكول من الحنكلة ... دي ظاهرة
ويافيصل
مما تخش في العويص تعمل زغبير ... وانا زاتي زغبير
imported_شبارقة
16-03-2008, 07:19 AM
و ما نتجوغر ساي :D:D ارقد عافية ..
مما تخش في العويص تعمل زغبير ... وانا زاتي زغبير
سلامات يا شباب
يقولوا ليك والله إتجوغرنا جوغيرة تمام .... والجوغير هو إمتلاء البطن شبعاً , وخصوصاً بالمواد السائلة مثل المريسة :D أو العسلية أو المديدة أو العكارة :D أو الغباشة أو الروب أو اللبن أو ....إلخ يعني الحاجات البتخلي البطن تجلبغ :D
imported_شبارقة
16-03-2008, 07:38 AM
اذا كانت الحنكول من الحنكلة ... دي ظاهرة
ود أبو عاقلة يا فردة ...ليس الحنكول من الحنكلة ولكن الحنكلة من الحنكول :D لأن الحنكول هو الأصل والحنكول هو عصا معقوفة من أعلاها ويتوكأ عليها كبار السن غالباً ..ويستخدمونها أيضاً في حنكلة الأولاد الصغار الذين لا يستجيبون لمطالبهم (المراسيل الكثيرة) وياما إتحنكلنا كتير من حبوباتنا :D وكان عندنا حبوبة متخصصة في الحنكلة تسحبك من كراعك بالحنكول وتجيبك الدلجة على قدومك وتقول ليك : أمك ! :D:D
imported_أشتر
16-03-2008, 07:47 AM
والحنكول هو عصا معقوفة من أعلاها ويتوكأ عليها كبار السن غالباً ..!
عُلم سيادتك
يعني بتقصد (القرجة)
imported_أشتر
16-03-2008, 07:50 AM
وعندكم قولو واحد
المضبّب
اتنين
المهضلب
تلاتة
المشقلب
اربعة
المبتّب
وماهو اصل كلمة (تب)
imported_شبارقة
16-03-2008, 07:56 AM
عُلم سيادتك
يعني بتقصد (القرجة)
لا يا فردة القرجة بتختلف شوية عن الحنكول ويا هو ده الحنكول :
http://www.l44l.com/up/uploads/b9508af8e6.jpg (http://www.l44l.com/up)
http://www.l44l.com/up/uploads/d33becd381.jpg (http://www.l44l.com/up)
imported_شبارقة
16-03-2008, 08:02 AM
وعندكم قولو واحد
المضبّب
اتنين
المهضلب
تلاتة
المشقلب
اربعة
المبتّب
وماهو اصل كلمة (تب)
ههههههههههه (القافية ب) أنا ما ح أعمل زغبير ولكن حقيقي ح أدي فرصة للشباب وبنرجع ليكم ...أنا غايتو عرفت 4 من 5 غلبتني المهضلب بس
imported_أشتر
16-03-2008, 08:02 AM
[color=#0000FF][align=justify]لا يا فردة القرجة بتختلف شوية عن الحنكول ويا هو ده الحنكول :
align]
يعني الحنكول صُنع خصيصا للحنكلة ... ودق الدلجة
imported_أشتر
16-03-2008, 08:04 AM
ههههههههههه (القافية ب) أنا ما ح أعمل زغبير ولكن حقيقي ح أدي فرصة للشباب وبنرجع ليكم ...أنا غايتو عرفت 4 من 5 غلبتني المهضلب بس
وما قصرت (تب)
تب دي مالك عملتا منها زغبير
عيبا لي !!!!
imported_شبارقة
16-03-2008, 08:39 AM
وما قصرت (تب)
تب دي مالك عملتا منها زغبير
عيبا لي !!!!
يا أخوي إنت منزل 5 كلمات وأنا قلت ليك عرفت 4 من 5 (غلبتني المهضلب بس) يعني تب دي فيهن .
imported_أشتر
16-03-2008, 09:32 AM
يعني تب دي فيهن .
طبعا خاشة في الموضوع
وللا انتو بتقولوها من زمااااان ساي ... وحركاتك دي اسمها (بطبطة)
تحت تحت
لقيت فيك مَلْكَه ... :D:D
imported_منال
16-03-2008, 11:00 AM
يا أخوي إنت منزل 5 كلمات وأنا قلت ليك عرفت 4 من 5 (غلبتني المهضلب بس) يعني تب دي فيهن .
ازيكم يا شباب
المهضلب اعتقد كدا تعنى الجيعان ده اجتهاد بس;);)
و الكلمات البتجى الاتنين سوا (ضل الشجرة - الضحك و القرقرا - الونسة و الضحك - الفول والتسالى - الشطة والليمون- الموية و الزير - المرتبة و السرير-التوب والفستان.
imported_شبارقة
17-03-2008, 11:43 AM
وعندكم قولو واحد
المضبّب
اتنين
المهضلب
تلاتة
المشقلب
اربعة
المبتّب
وماهو اصل كلمة (تب)
ازيكم يا شباب
المهضلب اعتقد كدا تعنى الجيعان ده اجتهاد بس;);)
1- المضبب : الضبه خشم بيوت :D وتلبيسة ضنب الحمار :D بعد قطعه وتجويفه تصبح حلة زاهية للعكاز :D وتعطيه مزيد من القوة حتى لا ينكسر وإن كان مكسور برضو التلبيسه بتنفع كجبيرة وكده ...وبنسميهو عكاز مضبب.
2- المهضلب : دي نجرتها من رأسك سااااي ..وكدي شوف رد أختنا منال
3- المشقلب : UP SIDE DOWN
4- المبتب : التعبان شديد ...الغالباهو القومه وخصوصاً بعد القيام بمجهود عضلي
5- تب : قطعاً أو إطلاقاً وأصلها بت من بتاتاً ونحن في السودان بنغير مواضع الحروف فتحولت بت إلى تب (غايتو نجرتها ليك من رأسي سااي) :D:D:D
imported_فيصل سعد
17-03-2008, 12:08 PM
لسه ما خلص ... اديني رايك واختار غناك وحاجاتك ...
نص وبسحبو ... اوكى معاك
اها يا محمد فلاش الجن دا لسة ما خلص بكسر الخاء :D:D
بابكر مخير
19-03-2008, 10:17 AM
نظرة
إبتسامة
سلام
كلام
موعد
لقاء
فتح خشم
تعارف
خطوبة
زيارات وهدايا
عقد
قعدات
حنة
زفاف ودخلة
بيت واحد
أطفال
وبعدين؟؟؟؟
ياهو من جنس دا
http://sudaniyat.net/up/uploading/wowowo.png
imported_فيصل سعد
20-03-2008, 04:40 AM
نظرة
إبتسامة
سلام
كلام
موعد
لقاء
فتح خشم
تعارف
خطوبة
زيارات وهدايا
عقد
قعدات
حنة
زفاف ودخلة
اها يا حبوب مالك جليت القيدومات :D:D
بابكر مخير
20-03-2008, 06:36 AM
اها يا حبوب مالك جليت القيدومات :D:D
تعرف راحة ليا كلمة قيدومات (ما حناكيش ومابنعرفل كلام البيئة) وقمت قلتا قعدات
يديك العافية
imported_فيصل سعد
20-03-2008, 07:08 AM
تعرف راحة ليا كلمة قيدومات (ما حناكيش ومابنعرفل كلام البيئة) وقمت قلتا قعدات
يديك العافية
لا يا الحبيب القعدات بتاعة ابو بت و هواء و كشتنة و بشتنة :D:D و كدة :D:D فما تاكلنا حنك ساي.. بعدين انت الحنكشة لقيتها وين يا ابو زينب ، بس اوعى تقول لي في راس الخيمة :D:D يديك الف عافية ..
imported_فيصل سعد
21-03-2008, 07:02 AM
وجب علينا ان نسأل عن الاخ الصديق الحبوب محمد ابو عاقلة لانه الغياب طال و كدة :D:D و بالمرة برضو نسأل عن الاخوة سعادة الامين العام العمدة عكود ، و الاخ الحبيب الخال ود الحاج سيد الزبدة :D:D، و الريس ابو جمال ،و ابو قصي ، جلال ، عمار، مهند، كباشي، محسن خالد ، كيكي، ود الريس، عبد الرحيم ابراهيم العبيد ، تاج السر الملك ، ود الجريف ، حسين عبد الجليل ،ابو مناهل ، طارق عم ميادة ، مجدي مسعد ، مهدي الامين ، السفير جمال ، شوقي بدري ، عثمان حمد ، حميد ، ود عثمان ، ابو رحيق ، و الاخوات منال و نهى و فنار و نعمات و بيان و تماضر و اشراقة و ممكونة و حلم الاماسي و بسمله و نسائم و ام روان و ايمان، اظهروا بالله ، سيبوا الجفاء و ارحموا كفى :D:D
imported_شبارقة
22-03-2008, 06:09 PM
رجعنالكم رجوع القمره لوطن القماري ..وذلك بعد غيبة قصيرة لعدم التفرغ :D ..
وهاكم المسدار ده شوفوهو وترجمو لينا كلماتو التي باللون الأحمر ...والحناكيش يمشو يلعبو بعيد بعيد :D:
اخوك سمتان محرق خاتي قولة لسه
عايش فرقة المن السحاب مندسه
قوقيت بالصقيع جنيت دخلت العسه
من نسمة هوادا غايبة مامن هسه
imported_ود الشيخ
22-03-2008, 09:44 PM
اصبرو لي لمن اقرأ الستين صفحة
بجي افنجط ليكم في البوست دهـ
والكع ليكم من الذي منو يا فنيتوني ولا طبيتكم كربون خبت بيكم دلجة
سوق الزلعة معاكم كيف
القرعم فيكم يجيني
imported_همس الشوق
23-03-2008, 08:59 AM
لك الشكر الجزيل اخ فيصل
انها بعض المشغوليات العملية
الف شكر على الاهتمام
imported_عبد العظيم الطاهر
25-03-2008, 07:46 AM
سلام يا فيصل،
بوست جميل ومهم للجميع . .
وشايفك ما قصّرت
وما دام السبلوقة والأسبتالية بقوا دايرين شرح . .
ما ألوم أبو عاقلة ونسايم في سؤالهم عن العميوق
الأغنية بتقول في واحدة من مقاطعها:
"قام إتمطّق العميوق"العميوق: شجيرة طفيلية تقوم في المزارع وتنتشر بسرعة
ريحتها بطّالةوطعمها تعافِه البهايم
سلام وبجيك راجع أدّيك من القديم.
باقي لك يا عكود .. كان قلت ليهم :- العميوقة ثمرتها إسمها ( السنا مكّة ) بيطشوا ..؟؟؟:D:D
والسنا مكَّة .. تستخدم علاج للكثير من أمراض البطن .. علا كان شربتها كتيري .. تسوي الشيط:D
والشيط ... أظنكن كلللكن عارفنو ...:D:D:D
imported_عبد العظيم الطاهر
25-03-2008, 08:05 AM
http://sudaniyat.net/up/uploading/wowowo.png[/QUOTE]
:D:D:D يا مخير .... مخير الله في خلقو ... يعني المرأة دي ... مع سبق الاصرار والترصد ..:D:D:D
imported_أشتر
27-03-2008, 07:40 PM
اها يا محمد فلاش الجن دا لسة ما خلص بكسر الخاء :D:D
الجن بداوى ... بس يبقى شديد وتشوفو لانو حاليا في العناية المركزة بعيد عنك
imported_شبارقة
31-03-2008, 12:03 PM
هاكم إلى أن ألقاكم :
1- الفوسيب 2- الشوشه 3- السروبه 4- الباصور 5- الشالع
6- القراف 7- الشايه 8- الهو 9- الصي 10- من الأقوال الشائعة :
رفاعة الربه لا مسيد لا قبه ...فما هي الربه؟
النجاح للحناكيش 3 من 10 وللغبش 11 من 10 :D :D:D
imported_سارة
31-03-2008, 09:09 PM
ماشاء الله عليكم ما قصرتو تب
علا يا اخوانى بوستيكم دا داير ليهو غياب من الشغل عديل
يومين تلاتة كدى علا صلاتى على النبى ما فضلتو فرضا ناقص
ويا شبارقة
البجى بجى : دا ملاح مشهور فى كردفان وكردفان مشهورة بعدم كفاية الماء خاصة فى فترة الصيف
وهذا الملاح يصنع من موية البطيخ ..يعنى بيجمعوا موية البطيخ وبيخمروها وبيعملوا منها ملاح
للعصيدة
وملاح ام تلاتة : دا موية وويكة وملح
وملاح الابديب: دا نوع من النبات اسمو ابديب يستعمل كالويكة فى ملاح الروب
بعدين نجيكم لى ملاح دفروا رمى ومشروب قام زوت
imported_سارة
31-03-2008, 09:10 PM
هاكم إلى أن ألقاكم :
1- الفوسيب 2- الشوشه 3- السروبه 4- الباصور 5- الشالع
6- القراف 7- الشايه 8- الهو 9- الصي 10- من الأقوال الشائعة :
رفاعة الربه لا مسيد لا قبه ...فما هي الربه؟
النجاح للحناكيش 3 من 10 وللغبش 11 من 10 :D :D:D
:mad::mad:
imported_فيصل سعد
02-04-2008, 05:10 AM
الربة دي يا معلم البهرة او اللعبة :D:D يعني حفلة رابة غناء و رقيص و دلوكة و توستي ، ممكن تكون قيدومة ، حنة ، دخلة ، صبحية ، كرسمس ، راس سنة ، اوفرنايت :D:D بس اهم حاجة الرصاصات تكون سنينة ، و السيرة و التمتم في السلك يا حبوب..
imported_شبارقة
07-04-2008, 11:52 AM
ويا شبارقة
البجى بجى : دا ملاح مشهور فى كردفان وكردفان مشهورة بعدم كفاية الماء خاصة فى فترة الصيف
وهذا الملاح يصنع من موية البطيخ ..يعنى بيجمعوا موية البطيخ وبيخمروها وبيعملوا منها ملاح
للعصيدة
وملاح ام تلاتة : دا موية وويكة وملح
وملاح الابديب: دا نوع من النبات اسمو ابديب يستعمل كالويكة فى ملاح الروب
بعدين نجيكم لى ملاح دفروا رمى ومشروب قام زوت
أختنا سارة كتر خيرك ونحن في إنتظارك وفي إنتظار الدفرو رمى ومشروب قام زوت وأم بقبق :D
أين أنت يا ود أبو عااااااقلة ... ألحقنا وأفزعنا
imported_شبارقة
07-04-2008, 12:00 PM
الربة دي يا معلم البهرة او اللعبة :D:D يعني حفلة رابة غناء و رقيص و دلوكة و توستي ، ممكن تكون قيدومة ، حنة ، دخلة ، صبحية ، كرسمس ، راس سنة ، اوفرنايت :D:D بس اهم حاجة الرصاصات تكون سنينة ، و السيرة و التمتم في السلك يا حبوب..
الكلام صحيح وما مشيت بعيد .... والمثل : رفاعة الربه لا مسيد لا قبة .. المقصود بالربه هنا هو الخليط أي أجناس وقبائل متفرقة ..ولو كانو جميعهم أبناء رجل واحد لكان وجدت لهم قبة لذلك الرجل أو مسيد بإسمه كما في باقي قرى السودان التي تنحدر من صلب رجل واحد ..والله أعلم
imported_شبارقة
07-04-2008, 12:09 PM
رجعنالكم رجوع القمره لوطن القماري ..وذلك بعد غيبة قصيرة لعدم التفرغ :D ..
وهاكم المسدار ده شوفوهو وترجمو لينا كلماتو التي باللون الأحمر ...والحناكيش يمشو يلعبو بعيد بعيد :D:
اخوك سمتان محرق خاتي قولة لسه
عايش فرقة المن السحاب مندسه
قوقيت بالصقيع جنيت دخلت العسه
من نسمة هوادا غايبة مامن هسه
في الإمتحان أعلاه لم ينجح أحد...للأسف الناس كلها بقت حناكيش ...والواحد عاوز ينفقع من الزعل
imported_شبارقة
07-04-2008, 12:15 PM
هاكم إلى أن ألقاكم :
1- الفوسيب 2- الشوشه 3- السروبه 4- الباصور 5- الشالع
6- القراف 7- الشايه 8- الهو 9- الصي 10- من الأقوال الشائعة :
رفاعة الربه لا مسيد لا قبه ...فما هي الربه؟
النجاح للحناكيش 3 من 10 وللغبش 11 من 10 :D :D:D
لم ينجح أحد حتى الآن ...ونديكم فرصة أخيرة لغاية بكرة إن شاء الله وبعدها ح نشوف لينا بوست زي ده ولكن مع الغبش البياكلو العصيدة والبني كربو والبيشربو المويه بدغلوبا ...ناس دابي الكر ..والفي الخشش بنتر ...وح نفارق درب الحناكيش ده :D
imported_منال
09-04-2008, 10:35 AM
لم ينجح أحد حتى الآن ...ونديكم فرصة أخيرة لغاية بكرة إن شاء الله وبعدها ح نشوف لينا بوست زي ده ولكن مع الغبش البياكلو العصيدة والبني كربو والبيشربو المويه بدغلوبا ...ناس دابي الكر ..والفي الخشش بنتر ...وح نفارق درب الحناكيش ده :D
سلامات يا ناس البوست الغبش البياكلو العصيدة والبني كربو والبيشربو المويه بدغلوبا ...ناس دابي الكر ..والفي الخشش بنتر ...
تحياتى يا شبارقة و كل الحناكيش
5- الشالع ( بسمع بقولة الشالع عمتو يعنى فى طريقة لبسها - و الشالع توبها)
7- الشايه تبقى شاية وراية يعنى شى ذو قيمة و معنى8- الهو اول من تهب الهبوب و الريح9- الصي حر الشمس (فيافى الصى و بيوضة )
imported_فيصل سعد
12-04-2008, 05:52 AM
سلام للجميع هنا و عساكم بخير:
نعرج بيكم لمصطلحات اخرى جديدة :
ماهو الخزام و الشيح و البراح ؟؟ ، لتسهيل الاجابة استمتع باغنية خليل فرح "في الضواحي طرف المدائن" تجد تلك الكلمات ..
imported_فيصل سعد
12-04-2008, 06:20 AM
سلامات يا ناس البوست الغبش البياكلو العصيدة والبني كربو والبيشربو المويه بدغلوبا ...ناس دابي الكر ..والفي الخشش بنتر ... تحياتى يا شبارقة و كل الحناكيش
5- الشالع ( بسمع بقولة الشالع عمتو يعنى فى طريقة لبسها - و الشالع توبها ..
تمام يا عزيزتي منال و لك التحية و اجابتك مظبوطة ، لكن علي باليمين كلمة الشالع القاصدها الحبوب شبارقة ان ختت "البرق" انت عارفة معناها و فايتة اضانك :D:D لكن جليتيها ساي يا بت عمك خوفا من الانضمام للستة فتحي و معتصم :D:D و مافي زول بلومك تب .. زمان البنات كانوا بغنوا للعروس :
ما بدوك للسكارى
و ما بدوك للحيارى
بس للسائق الطيارة
و بالمناسبة دي احكي ليك طرفة حقيقية : كنا قاعدين محتفلين و محتفيين في عرس واحد اخونا، حبيبنا و قريبنا و جارنا و نديم سابق و الكنج بتاع قعداتنا ايام الجهل ، و الفنان بيغني في مسادير و رميات الشكر للعريس في الحنة في اغنية العديل و الزين :
الليل ليل العديل و الزين
الليلة العديلة تقدموا و تبرا
غني و شكري الليلة يا الراسية
لا دخن سجار لا بشرب الخمرة
طبعا اخوك انفقع بالضحك و الحفلة كلها فنان و عازفين و كورس تضحك معاي،
و العريس يضحك و العروس تضحك :D:D:D:D
imported_منال
12-04-2008, 12:18 PM
تمام يا عزيزتي منال و لك التحية و اجابتك مظبوطة ، لكن علي باليمين كلمة الشالع القاصدها الحبوب شبارقة ان ختت "البرق" انت عارفة معناها و فايتة اضانك :D:D لكن جليتيها ساي يا بت عمك خوفا من الانضمام للستة فتحي و معتصم :D:D و مافي زول بلومك تب .. زمان البنات كانوا بغنوا للعروس :
ما بدوك للسكارى
و ما بدوك للحيارى
بس للسائق الطيارة
و بالمناسبة دي احكي ليك طرفة حقيقية : كنا قاعدين محتفلين و محتفيين في عرس واحد اخونا، حبيبنا و قريبنا و جارنا و نديم سابق و الكنج بتاع قعداتنا ايام الجهل ، و الفنان بيغني في مسادير و رميات الشكر للعريس في الحنة في اغنية العديل و الزين :
الليل ليل العديل و الزين
الليلة العديلة تقدموا و تبرا
غني و شكري الليلة يا الراسية
لا دخن سجار لا بشرب الخمرة
طبعا اخوك انفقع بالضحك و الحفلة كلها فنان و عازفين و كورس تضحك معاي،
و العريس يضحك و العروس تضحك :D:D:D:D
شكرا فيصل سعد
صحى كان فى ذهنى مدورة كلمة شالع يعنى سكران --- لط و صحى دى فايته اضانى ---لكن حكاية البرق ما اذكرت الا لما قريت ردك اصلو حناكيش نص كم يا شبارقة
طبعا صاحبك كان شفيف جدا و ما عايز شكر بالكدب ساكت عشان كدا انفقع بالضحك زى ما انا بقرقر:D:D و يا حليل زمان و الحفلة مدورة للصباح و الذكريات صادقة و نبيلة
تحياتى
imported_أشتر
14-04-2008, 09:28 AM
[size=5]لا يا الحبيب القعدات بتاعة ابو بت و هواء و كشتنة و بشتنة :D:D size]
ومِيتة وخراب ديار !!!
مع الاعتذار للأغنية
imported_أشتر
14-04-2008, 09:36 AM
غايتو يا شبارقة
الا اخد لي لفة تاني عشان نخش في المود
imported_شبارقة
14-04-2008, 11:19 AM
غايتو يا شبارقة
الا اخد لي لفة تاني عشان نخش في المود
وينك يا فردة ..فقدناك وإن شاء الله ما نفقدك بسبب شينه .. وفقدك كتب حزن المغني (زي ما قال أبو عركي) وسألنا عنك في البيت وفي الشارع وفي المطبخ (لأنك قاعد تنجض في الحاجة ديك بتاعت أخونا فيصل البقت زي كوجين الآبري :D) ...المهم أخد ليك لفة كدي وتعال شوفنا في غيابك عملنا شنو ...وشوف معاي الحناكيش بيتاوقوا ويقوموا جاريين الكلام باقي ليهم زي الرطانة:D الحالة دي بنديهم من وش الملاح ..طيب كان غرّقنا شويه ح يعملوا شنو؟
imported_شبارقة
14-04-2008, 11:26 AM
تمام يا عزيزتي منال و لك التحية و اجابتك مظبوطة ، لكن علي باليمين كلمة الشالع القاصدها الحبوب شبارقة ان ختت "البرق" انت عارفة معناها و فايتة اضانك :D:D :D:D:D:D
نعم القاصدا أنا هي الشالع بتاعت البرق وهي تعني اللامع أو المضئ .. وليست كما في فلان شالع التي تفيد بأن فلان سكران أو مشعشع
imported_أشتر
14-04-2008, 11:30 AM
وينك يا فردة ..فقدناك وإن شاء الله ما نفقدك بسبب شينه .. وفقدك كتب حزن المغني (زي ما قال أبو عركي) وسألنا عنك في البيت وفي الشارع وفي المطبخ (لأنك قاعد تنجض في الحاجة ديك بتاعت أخونا فيصل البقت زي كوجين الآبري :D) ...المهم أخد ليك لفة كدي وتعال شوفنا في غيابك عملنا شنو ...وشوف معاي الحناكيش بيتاوقوا ويقوموا جاريين الكلام باقي ليهم زي الرطانة:D الحالة دي بنديهم من وش الملاح ..طيب كان غرّقنا شويه ح يعملوا شنو؟
وييييييين يا استاذ شبارقة
والله الشوق ارادب ارادب ...
كان بقت حاجة اخونا دي براها ماااااا في السلك ...
قلت لي كوجين !!!!! هههههه الله لا وراك كوجين الفلاش ... كان ما راسك سخن ... بتفوت شنبر !!!
وما ادراك ما الحناكيش !!!!
ياخي ديل بتحنكشو على الفاضي ... وكان الحنكشة خلقة ما بتشوف وشي هنا ... لكن تقول شنو !!!
لكن اخوك( شحويط) وبحب الف واتعلم واعرف منكم ومن غيركم ...
imported_مهند بشير
14-04-2008, 11:42 AM
الدفتر : ورق شفاف رهيف يستعمل في نظافة النظارات
لاااااااااااااااااااااا
كدا ما صاح ابدا
دي تسأل منها الخواجه المهترهش داك:D:D
قطع شكك بلقى ليها تفسير:p
قول يا خواجه و ما تخجل
و كان خجلتا
رسلا في الخاص
:rolleyes:
imported_شبارقة
14-04-2008, 04:08 PM
هاكم إلى أن ألقاكم :
1- الفوسيب 2- الشوشه 3- السروبه 4- الباصور 5- الشالع
6- القراف 7- الشايه 8- الهو 9- الصي 10- من الأقوال الشائعة :
رفاعة الربه لا مسيد لا قبه ...فما هي الربه؟
النجاح للحناكيش 3 من 10 وللغبش 11 من 10 :D :D:D
حنحلحل ليكم بعض من المعضلات الفوق دي عشان تعم الفائدة إن كان هناك فائدة :
1- الفوسيب : القصبة المخضرة التي تنبت منفردة في وسط الماء فتمتص كمية كبيرة منه ... والفوسيب أيضاً هو مرحلة من مراحل الإنبات .
2-الشوشة : هي أعلى جزء من الشئ ...يقولوا ليك البتاع (زير أو برميل أو ...إلخ) ده مليان لشوشتو
3- السروبة : شجرة الطندب (أتمنى أن تكونو عارفين هو الطندب زاتو شنو)
4- الباصور : سرج الجمل
5- الشالع : اللامع
وح نواصل الحلحلة في الحلقة الجاية ....قالوا نحن ما حناكيش :mad::mad:
imported_أشتر
14-04-2008, 04:20 PM
حنحلحل ليكم بعض من المعضلات الفوق دي عشان تم الفائدة ( إن كان هناك فائدة) :mad::mad:
:D:D:D
imported_أشتر
14-04-2008, 04:35 PM
وهاكم إلى أن القاكم
(١) زاغ
(٢) سبهلل
(٣) الزيطة
(٤) المطمورة
(٥) الرتيلا
(٦) شرموزة
imported_شبارقة
14-04-2008, 05:18 PM
هاكم إلى أن ألقاكم :
1- الفوسيب 2- الشوشه 3- السروبه 4- الباصور 5- الشالع
6- القراف 7- الشايه 8- الهو 9- الصي 10- من الأقوال الشائعة :
رفاعة الربه لا مسيد لا قبه ...فما هي الربه؟
النجاح للحناكيش 3 من 10 وللغبش 11 من 10 :D :D:D
ونواصل الحلحلة ويحلنا الله :
6- القراف : وعاء من الجلد يوضع على الإبل عادة لحمل الحبوب وغيرها
7- الشايه : تعمل نفس عمل المحويب ولكن (المحويب للبقرة والشايه للناقة) وكنا ذكرنا سابقاً بأن المحويب هو حبل خاص (مش حبل عمنا الخواجة فتحي الضائع منو:D) لربط أرجل البقرة الخلفية لمنعها من الحركة أثناء عملية الحلب
8- و 9- الهو والصي : لهما نفس المعنى وهو الخلاء والغفار والبيداء والعفا (وسلمولي على المتنبي)
10- الربة : الخليط (تجمع العديد من العرقيات وتعدد الأجناس) وجاءت منها الربة المعروفة حالياً بمعنى تجمع الناس في حفلة أو ما شابه ذلك ...وما قصر أخونا فيصل تب في شرح الربه بمعناها المستحدث :D
imported_شبارقة
14-04-2008, 05:25 PM
وهاكم إلى أن القاكم
(١) زاغ
(٢) سبهلل
(٣) الزيطة
(٤) المطمورة
(٥) الرتيلا
(٦) شرموزة
ود أبو عاقلة يا فردة زاغ وسبهلل وزيطة وزمبريطه والمطمورة حقتنا في الشبارقة البنخت فيها العيش كلهن بعرفن إلا ...شرموزة دي نجرتها من وييييين ؟ يطرشنا طرش السواد وطرش المابيك :D:D
imported_شبارقة
14-04-2008, 05:29 PM
ما الفرق بين العنافي والكهريب ؟ :D:D
الجائزة رحلة بسفينة الصحراء إلى عالم الخيال :D
imported_شبارقة
14-04-2008, 05:34 PM
وهاكم إلى أن نلقاكم في اللفة الجاية :
قال الشاعر السوداني في قصيدة سهران ليلي طائل حارس بدر غائب :
أدعج أفلج أدج مقرون حواجب فمن هو الأدعج والأفلج والأدج و (الأمرد والأدروج :D:D)
وسلمولي على فيصل سعد يا بتاع الحقيبة يا أنت ;)
imported_شبارقة
14-04-2008, 05:39 PM
وهاكم إلى أن نلقاكم في السودان:
1- التقا أو التقه 2- الدمريب 3- الساكلاب 4- اللتيبه 5- النوسار
(الحناكيش يمشوا ينططوا بعيد :()
imported_فيصل سعد
15-04-2008, 08:47 AM
=محمد أبوعاقلة;94728]وهاكم إلى أن القاكم
(١) زاغ
(٢) سبهلل
(٣) الزيطة
(٤) المطمورة
(٥) الرتيلا
(٦) شرموزة
واحد بمعنى "عمل زغبير" و "خستك بالشغلانة" و "جغمس العهود"... و بالمغنى " كيف تسيبني دا كلام مستحيل" ..
اتنين بمعني غير مرتب و غير منظم و زول حرمبيطي و زلنطحي ساي ... و بالمغنى " ماك هوين سهل قيادك سيد نفسك مين اسيادك" ..
تلاتة بمعنى "زمبريطة" و "ردحي" و كدة ... و بالمغنى "باكر نقيف جنب الحيطة و نسمع الزيطة ،، و زاد وجدي" ..
اربعة بمعني "مخزن العيوش و حبوب الغذاء" ... و بالمغنى " مطمورة هواي مونة خريفي و صيفي" ..
خمسة نوع من انواع النمل الاسود قرصته حارة بالحيل ... و بالمغنى "وصف الخنتيلة جمال تاجوج المافي مثيلها هات يا زميل" ..
ستة بقى دي معلم :D:D حيث انك ساكن الدوحة فشرحها بعوقك لكن ممكن نقلبها ليك خيرموزة :D:D و الشر برة و بعيد ...
imported_أشتر
15-04-2008, 12:09 PM
ود أبو عاقلة يا فردة زاغ وسبهلل وزيطة وزمبريطه والمطمورة حقتنا في الشبارقة البنخت فيها العيش كلهن بعرفن إلا ...شرموزة دي نجرتها من وييييين ؟ يطرشنا طرش السواد وطرش المابيك :D:D
في كلمات لم ترجع بيها ورا بتعرف عِرقها ...
بس الكلمة ما تطق ليك عرق ...
كلمة شينة لكن موجودة نعمل ليها شنو !!!!!!!!!!!
وكان راجين اقولا ليكم واطاتكم اصبحت !!!!!!!!!!
imported_أشتر
15-04-2008, 12:12 PM
ستة بقى دي معلم :D:D حيث انك ساكن الدوحة فشرحها بعوقك لكن ممكن نقلبها ليك خيرموزة :D:D و الشر برة و بعيد ...
:D:D:D:D
مسكتني من بدي البتوجعني يا بوكش ...
وانا بقدر اقول شي !!!!!!!!!!
وخيرن علي بالجد كتير ...
بس الله يكفينا شرك
-- ------
شبارقة برجع ليك بعدين ... خاشي لي زنقة
imported_فيصل سعد
15-04-2008, 03:40 PM
:D:D:D:D
مسكتني من بدي البتوجعني يا بوكش ...
وانا بقدر اقول شي !!!
أخُتْ ايدي البتوجِعْني
على السأم البراجِعْني
واسأل يا وطن يا بيتنا
ليه شوقك مواجهني
و ليه حبك مجهجهني
وليه تاريخ زمن خسران
موكّر لسَّه في شجني؟
حأكتب لي شجر مقطوع
مسادير يمكن يتحرك
خطابات لي طفل مجدوع
يقوم يجرى يقع يبرُك
رساله لكل قُمْريّة
إذا دم الشقا اتوزع
واسأل عن وطن رايِح
واديكم خبر جارح
بأنو جميع جموع الناس
حيفضلوا لا كراع لا راس
ونشترى في الدكاكين
يوم مسابح من دموع الناس
مساحيق من هموم الناس
زهج يتْعَبّا في الأكياس
ونعلن في المزاد علنا
وترغي الجوقة والأجراس
نبيع الطفلة والكراس
واصرَخ ياوطن يا بيتنا
ليه ما تبقى لينا الساس
قدر ما تجري فيك أفكار
يزيدوا الحبس حراس
قدر ما تجري فيك الخيل
تدوس الهيبة والإحساس
imported_أشتر
15-04-2008, 03:46 PM
يا سلاااااااااااااااااااااااااااااااام يا فيصل
ياخ كان في داعي للغلغلة دي !!!!!!!!
افففففففففففففففففففف...
قلبت مودي تلتمية وستين درجة مضروبة في تلتمية وستين !!!!!!!
بابكر مخير
16-04-2008, 06:02 AM
الكلام صحيح وما مشيت بعيد .... والمثل : رفاعة الربه لا مسيد لا قبة .. المقصود بالربه هنا هو الخليط أي أجناس وقبائل متفرقة ..ولو كانو جميعهم أبناء رجل واحد لكان وجدت لهم قبة لذلك الرجل أو مسيد بإسمه كما في باقي قرى السودان التي تنحدر من صلب رجل واحد ..والله أعلم
حصل أنو ماشين رفاعة لزواج خالي العزيز من بت الأصول في رفاعة
الناس المعروف لمن تكون ماشا العرس، بتستنضف الحرير وفرش السرير
آها
لقيت الجماعة بيحضرو في الخوزات والدرق، بس التقول الإحتياطي العام منادينو لي مظاهرة للحدادين.
معانا فنانا والإختيار ليهو برضو كان منصب في نفس السياق،،، فرقة الديوم بقيادة المرحوم العم (نسيت الإسم، لكن كان مشهور بي غنية "كولن كولي").
وصلنا رفاعة وبدت الربة يا فوفو، بس مع قولة "دن" وعيونا ماتشوف النور، ما ضلمت أكان من الورم ولا من قطع الكهرباء مع أنو في صوت الميكرفون لكن "وشششششششش"
تقول ليا ربة بمعني الرقص؟؟؟
لكن يا شبارقة والله قولتك تمام، ما رفاعة لامة الناس ةما في زول فيها بيحتاس، فيها العلم وفيها الكرم،،،، وفيها باقي تمثال جدنا بابكر بدري، ما الراس قطعهو ورمو في البحر،،، بس التقول غردون:D
بمناسبة تجمع الناس ما الحبش برضهم إسمهم جاي من جنس دا،،، تحبش الناس بمعني تجمعوا،،،،،، وديل ياهم هموا أسياد الربة الجد
"دمعة من ناس البكا وربة ولا قعدة يا ها عندهم وما تربكا
imported_شبارقة
16-04-2008, 09:17 AM
وصلنا رفاعة وبدت الربة يا فوفو، بس مع قولة "دن" وعيونا ماتشوف النور، ما ضلمت أكان من الورم ولا من قطع الكهرباء مع أنو في صوت الميكرفون لكن "وشششششششش"
تقول ليا ربة بمعني الرقص؟؟؟
لكن يا شبارقة والله قولتك تمام، ما رفاعة لامة الناس ةما في زول فيها بيحتاس، فيها العلم وفيها الكرم،،،، وفيها باقي تمثال جدنا بابكر بدري، ما الراس قطعهو ورمو في البحر،،، بس التقول غردون:D
بمناسبة تجمع الناس ما الحبش برضهم إسمهم جاي من جنس دا،،، تحبش الناس بمعني تجمعوا،،،،،، وديل ياهم هموا أسياد الربة الجد
حبيبنا ود مخير الما بتحير ....سلامات ...ليك وحشة يا غالي
رفاعة دي كانت عاصمتنا نحن أهل شرق النيل ..وإليها ننحدر أصولاً ويكفى أن أول مدارس بنات كانت بها ومن بعدها الشبارقة (مدرسة بنات الشبارقة تأسست 1934م ) وبالمناسبة جميع حبوباتنا في الشبارقة نالن حظهن من التعليم لغاية سنة رابعة (إذا النساء نشأن في علمٍ رضع الرجال فهماً وعلماً ونشاطاً وبحثاً وتنقيباً وإجتهاداً ;))...وكان بإمكانهن المواصلة ولكن منعوهم أهلهم خوفاً عليهن من غدر الزمن لأنه كان يستلزم سفرهن إلى بلاد بعيدة تنوم وتصحى على مخدات الطرب ;);) مع إنو الزمن كان غير الزمن والناس كانت غير الناس ... ورفاعة بابكر بدري ورفاعة الهادي آدم ورفاعة مرغني النصري ورفاعة عاصم شبارقة :D والقائمة تطول وتطول...ورفاعة الربه لا مسيد لا قبه ...أها شنو قولكم؟وتقولي شنو وتقولي منو نحن الساس ونحن الرأس ونحن شنو شنو داك:D ...ولك مودتي يا دكتور
imported_منال
16-04-2008, 12:55 PM
[align=justify]
وتقولي شنو وتقولي منو نحن الساس ونحن الرأس ونحن شنو شنو داك:D .
يا ناس شرق النيل سلام اها الكبرى عملتو فيهو شنو :D:D:D و المعدية لى الليلى تلقلق و الموية تجلبق و طريق الشرق خلو ساكت يا شبارقة و عر بالحيل و سلام لاهل الهلالية الحنان و رفاعة البدرى و المسيد والتى وهلم جرا
imported_أشتر
16-04-2008, 03:28 PM
واللتى وهلم جرا
اللتي ولا الليلتك ...
ولا اللتي نقضت غزلها !!!!
imported_شبارقة
16-04-2008, 03:46 PM
وهاكم إلى أن نلقاكم في اللفة الجاية :
قال الشاعر السوداني في قصيدة سهران ليلي طائل حارس بدر غائب :
أدعج أفلج أدج مقرون حواجب فمن هو الأدعج والأفلج والأدج و (الأمرد والأدروج :D:D)
وسلمولي على فيصل سعد يا بتاع الحقيبة يا أنت ;)
نديكم فرصة لغاية بعدين وكان ما عرفتو الحل حنحلحل ليكم ...وأدونا فندقكم ندق ونديكم أبيتو تدونا إن شاء الله كاروشه تأكلكم :D
imported_أشتر
16-04-2008, 03:55 PM
نديكم فرصة لغاية بعدين وكان ما عرفتو الحل حنحلحل ليكم ...وأدونا فندقكم ندق ونديكم أبيتو تدونا إن شاء الله كاروشه تأكلكم :D
النصيحة لى الله يا شبارقة كترت المحلبية شديد
ما قالو ليك قدر دا !!!!!!...
حيث اننا نجتهد بما فيه الكفاية ...
وكلو زول وقدرتو ...
وطبعا خطتك ... تدردق فينا شوية شوية لغاية ما تخلينا ما نفهم حاجة زاتو
منهم من قضى نحبه ... ومنهم من ينتظر الفرصة المناسبة ليطفش ...
فشويه شويه علينا يا (إرث)
imported_شبارقة
16-04-2008, 06:18 PM
النصيحة لى الله يا شبارقة كترت المحلبية شديد
ما قالو ليك قدر دا !!!!!!...
حيث اننا نجتهد بما فيه الكفاية ...
وكلو زول وقدرتو ...
فشويه شويه علينا يا (إرث)
ما قلتو ....... كنا ماشين معاكم كويس وبنديكم من وش الملاح لغاية ما عمنا فتحي زعّلنا وخلانا نخش في الغويييط لغاية ماهو زاتو بقى يتاوق متاوقة من بره لي بره وغالباهو الدخلة ....وبالمناسبة يا فردة أنا فكرت كده ما أشارك بحاجات جديدة ولكن لقيت عدد الزوار والمشاهدين بالآلاف وبعدين جاتنا رسائل كده في الخاص وفي العام وبالذات من الجكس ;) تناشدنا وتطلب منا المواصلة والإستمراراية والمطالبة بمنتديات حية تكون على الهواء الطلق في السودان ...شفت الفقير إلى الله بقى مهم كيف ;)(ولكي تعم الفائدة إن كان هناك فائدة على حسب كلامك) ....ولكن بالرغم من ذلك سوف أجلس متفرجاً وزائراً لهذا البوست ونشوف الكوجين والهترشة ...وبالمناسبة البوست ده بيختلف عن باقي البوستات في أشياء كثيرة ولذا كنت أجد نفسي فيه ولكن ...وداعاً روضتي الغنا ...وشكراً لكم
imported_فيصل سعد
16-04-2008, 09:38 PM
وبالمناسبة البوست ده بيختلف عن باقي البوستات في أشياء كثيرة ولذا كنت أجد نفسي فيه ولكن ...وداعاً روضتي الغنا ...وشكراً لكم
ساب ديارنا و فاتنا يا طير مالو فات اهلو و صحابو :D:D
تفارق كيف تخليا ،، انت ان شاء الله لا تفوت لا تموت :D:D
و يا معلم حرم و علي باليمين باقي البوستات ديك برضو ما عندها عوجة تب :D:D
imported_منال
17-04-2008, 07:56 AM
ما قلتو ....... كنا ماشين معاكم كويس وبنديكم من وش الملاح لغاية ما عمنا فتحي زعّلنا وخلانا نخش في الغويييط لغاية ماهو زاتو بقى يتاوق متاوقة من بره لي بره وغالباهو الدخلة ....وبالمناسبة يا فردة أنا فكرت كده ما أشارك بحاجات جديدة ولكن لقيت عدد الزوار والمشاهدين بالآلاف وبعدين جاتنا رسائل كده في الخاص وفي العام وبالذات من الجكس ;) تناشدنا وتطلب منا المواصلة والإستمراراية والمطالبة بمنتديات حية تكون على الهواء الطلق في السودان ...شفت الفقير إلى الله بقى مهم كيف ;)(ولكي تعم الفائدة إن كان هناك فائدة على حسب كلامك) ....ولكن بالرغم من ذلك سوف أجلس متفرجاً وزائراً لهذا البوست ونشوف الكوجين والهترشة ...وبالمناسبة البوست ده بيختلف عن باقي البوستات في أشياء كثيرة ولذا كنت أجد نفسي فيه ولكن ...وداعاً روضتي الغنا ...وشكراً لكم
دقيقة بس با شبارقة روضتى الغنا شنو ياخى ما جهحهت شيخ الحناكيش ود ابو عاقلة و راجينو يورينا الافلج و الادج ...شنو يعنى بقيت تطلع فضائية و عايز تفتح لينا :D:D:Dاصبر لى شوية كده ما بتاوق بس لكن ملاحك داك بنضجوا و اسبكو كمان ..و ارسل ام بقبق بى ايميل ;);););););)
imported_شبارقة
17-04-2008, 09:39 AM
النصيحة لى الله يا شبارقة كترت المحلبية شديد
فشويه شويه علينا
دقيقة بس با شبارقة شنو ياخى ما جهحهت شيخ الحناكيش ود ابو عاقلة و راجينو يورينا الافلج و الادج
شفت يا فردة التسوي بي إيدك يغلّب أجاويدك ويغلب المكجنك وال بيريدك ...وسلملي على الفلجة الفي سنونا والدعجة الفي عيونا ..وبنتلاقى في الرملة الدقاقه ..:D
imported_أشتر
17-04-2008, 10:08 AM
شفت يا فردة التسوي بي إيدك يغلّب أجاويدك ويغلب المكجنك وال بيريدك ...وسلملي على الفلجة الفي سنونا والدعجة الفي عيونا ..وبنتلاقى في الرملة الدقاقه ..:D
الرملة الدقاقة دي محل الكتاحة بتقوم والعجاجة بتحوم ... عشان تكون عارف
فاختار حتة تانية ويا ريت تكون احد قاعات MSN الواسعة ...
ياخوي الفلجة معروفة ... والعيون الدعجة لو ما كانت الواسعة تكون شنو؟
لكن بحب اديها لفة وارجع تاني عسى ولعل واحد ينقذ الموقف ...
يعني الواحد ما يكون صريح ولا شنو !!!!!!
imported_شبارقة
17-04-2008, 10:15 AM
ياخوي الفلجة معروفة ... والعيون الدعجة لو ما كانت الواسعة تكون شنو؟
لكن بحب اديها لفة وارجع تاني عسى ولعل واحد ينقذ الموقف ...
يعني الواحد ما يكون صريح ولا شنو !!!!!!
شطارتك إنك بتعرف تمرق زي مرقت الشعره من العجين وزي سرقت الكحل من العين وبتدخل فينا زي النعاس ..عشان كده بفتقدك لما تغيب ...وسلملي على الأدج والأدروج
imported_أشتر
17-04-2008, 10:24 AM
شطارتك إنك بتعرف تمرق زي مرقت الشعره من العجين وزي سرقت الكحل من العين وبتدخل فينا زي النعاس ..عشان كده بفتقدك لما تغيب ...وسلملي على الأدج والأدروج
وانت مشكلتك ما بتفوت حاجة ...
التدريس هدّ فيك شديد ...
والله اول مرة اسمع بالأدج والأدروج ... هي دي كلمات عامية ولا عربية فصحى ... عشان ما يتلخبت علينا الاختصاص
حلوة بتدخل فينا زي النعاس ... مريحة شديد ... لكن لو نمت فايدة دخلتي شنو :D:D:D
imported_شبارقة
17-04-2008, 11:04 AM
والله اول مرة اسمع بالأدروج ... هي دي كلمة عامية ولا عربية فصحى ... عشان ما يتلخبت علينا الاختصاص
:D:D:D
الأدروج هي كلمة دارجية وتقابلها بالفصحى كلمة الأمرد والأمرد هو من لا شارب له ولا دقن (طبيعي وبدون إستخدام آلات الحلاقة وغيرها من المزيلات العضوية :D)
imported_منال
20-04-2008, 10:55 AM
الرملة الدقاقة دي محل الكتاحة بتقوم والعجاجة بتحوم ... عشان تكون عارف
فاختار حتة تانية ويا ريت تكون احد قاعات MSN الواسعة ...
ياخوي الفلجة معروفة ... والعيون الدعجة لو ما كانت الواسعة تكون شنو؟
لكن بحب اديها لفة وارجع تاني عسى ولعل واحد ينقذ الموقف ...
يعني الواحد ما يكون صريح ولا شنو !!!!!!
يا ود ابوعاقلة خلو ساكت اللخو اختار الرملة الدقاق و الونسة الدقاق و قاعات MSN الواسعة المكندشة ما بتناسبو اصلو صحراوى ساى :D:D:D
حلوة بتدخل فينا زي النعاس ... مريحة شديد ... لكن لو نمت فايدة دخلتي شنو :D:D:D
وانت ما تنعس و لا تدقس خليك معانا ..فى رباطا عيونهم منفجلة قدر الريال ابوعشرة :p:p:p
ادخل بشيش ... بشيش
imported_أشتر
23-04-2008, 09:59 AM
البوست دا اول مرة يمشي الصفحة التانية !!!!!!!!
حليلك يا شبارقة وحليلك يا بلدنا
UP والله يرحم جد وأب
imported_أشتر
23-04-2008, 10:05 AM
يا ود ابوعاقلة خلو ساكت اللخو اختار الرملة الدقاق و الونسة الدقاق و قاعات MSN الواسعة المكندشة ما بتناسبو اصلو صحراوى ساى :D:D:D
دي ما ادونا ليها
حلوة بتدخل فينا زي النعاس ... مريحة شديد ... لكن لو نمت فايدة دخلتي شنو :D:D:D
وانت ما تنعس و لا تدقس خليك معانا ..فى رباطا عيونهم منفجلة قدر الريال ابوعشرة :p:p:p
ادخل بشيش ... بشيش
وماني نعسان في التمني!!!
ولاني داقس بالاماني !!!
جاني طيفك واحتواني هههههه
وهل هنالك داعي لكي (تنططي) عيونك؟
imported_منال
23-04-2008, 02:14 PM
وماني نعسان في التمني!!!
ولاني داقس بالاماني !!!
جاني طيفك واحتواني هههههه
وهل هنالك داعي لكي (تنططي) عيونك؟
برضو تقول ما داقس و لا كاشى المغربية ... و لا مكندك يازووووووووول :p:p:p
ماك عارف النضارة و لا انططن برا الفريم :D:D:D
لكن اللغة ما عندك توليفة الونسة مع الرسمى يازوووووووووول شاتات ;););)
بعدين ياخى شيت فيصل سعد دا ما تفكو ليهو ... كل ما نعمل كليك يدينا رنة مس كول هههههههههههههه فيصل برضو مستنى
imported_أشتر
24-04-2008, 09:27 PM
شتات خالي جاكات
بكونو طلعو من الفريم
حبيت اقيس الري آكشن وترمومتر الخلعة
لقينا الخلعة هي زااااتا نطّت
وما معنى الدفيس
الهردبيس
الميس
imported_منال
27-04-2008, 01:19 PM
شتات خالي جاكات
بكونو طلعو من الفريم
حبيت اقيس الري آكشن وترمومتر الخلعة
لقينا الخلعة هي زااااتا نطّت
وما معنى الدفيس: الدنيا حارة عندنا و الدفسيبة خلها ساكت اللخو :Dالله يستر من السحائى
الهردبيس: الناس راقدين قش --- و سلطة فواكه و الصيف و الخريف.. الكنداكة دفنتنا و تانى قمنا نطط
الميس: وصلت الميس ياابو امنة كدى جر فيها شاشاى
اها ياود ابوعاقلة لقيتا فيك مالو الكيبورد الليك ملكلك تقيس الرى اكشن بتاع الخلعة ...يا تى خلعة و الخلعو منو ياناس الخلعو منو :D:D نططت و فنجطت عدييييييييييييييييييييل ....
يا شبارقة مالك وقفت لعلك بخير تعال شوف شيخ الحناكيش بقى يعيد الفات و يعمل رىاكشن :D:D
imported_شبارقة
27-04-2008, 03:31 PM
وما معنى الدفيس
الهردبيس
الميس
يا شبارقة مالك وقفت لعلك بخير تعال شوف شيخ الحناكيش بقى يعيد الفات و يعمل رىاكشن :D:D
ههههههههه لغاية ما أجيكم ...أصلو اليومين ديل مشغولين بشوية مؤتمرات وسمنارات هنا بالرياض (ليس لها علاقة بالتراث)....مع ودي لكم جميعاً وسلام يا صحاب ... وشكراً يا غالية على السؤال عننا .
imported_شبارقة
27-04-2008, 03:34 PM
البوست دا اول مرة يمشي الصفحة التانية !!!!!!!!
حليلك يا شبارقة وحليلك يا بلدنا
شكراً لك يا غالي وقريباً سنعود إن شاء الله وسبب الغياب مذكور في المداخلة رقم 950 ...وشوقنا بحر
imported_فيصل سعد
28-04-2008, 04:00 AM
سلام للجميع ، تحايا و محبة و مودة ..
مصطلحات عامية جديدة :
جدلة مملوخة
البارجغل
بت مسيمس
الكركاسة
عنكوليب
الدربخانة
imported_أشتر
30-04-2008, 08:56 AM
اها ياود ابوعاقلة لقيتا فيك مالو الكيبورد الليك ملكلك تقيس الرى اكشن بتاع الخلعة ...يا تى خلعة و الخلعو منو ياناس الخلعو منو :D:D نططت و فنجطت عدييييييييييييييييييييل ....
يا معطون في البال وملكك ... ملكك شنو !!! المفاتيح كلها حلجت ... وشوية كدا راسي يلحق المفاتيح ...
الفنجطة هينه ... الله يكفينا شر الفنقلة :D
imported_أشتر
30-04-2008, 08:57 AM
ههههههههه لغاية ما أجيكم ...أصلو اليومين ديل مشغولين بشوية مؤتمرات وسمنارات هنا بالرياض .
ارفع راسنا يا شبارقة ... احنا هنا ما قصرنا تب ...
الله يديك العافية يا اللخو ...
imported_أشتر
30-04-2008, 09:05 AM
سلام للجميع ، تحايا و محبة و مودة ..
مصطلحات عامية جديدة :
جدلة مملوخة : يعني ناصلة
البارجغل : ذكرتني حمار شغل ... زيي كدا ولكني احمل اسفارا ممتعة
بت مسيمس : باص
الكركاسة : استعملتها مرة واحدة في حياتي وكان موت الجماعة عِرِس (عقاب جماعي وكدا)
عنكوليب : ود عم قصب السكر يا سكر
الدربخانة : انت قصدك الادبخانة الظاهر لكن قلشت معاك
بالمناسبة : مشتاقين بحرارة
imported_شبارقة
30-04-2008, 09:10 AM
ارفع راسنا يا شبارقة ...
ود أبو عاقلة يا فردة ذكرتني ملاكم سوداني دخل في منافسة ملاكمة والجماعة السودانيين بعنصريتهم المعهودة يشجعوا ليك فيهو ..وفجأة صاحبك جاتوا ليك بنيه من النوع أبو كديس..طااااخ دق الدلجة زي البطيخة اليابسة ..والجماعة يقولوا ليهو : أرفع رأسنا .. أرفع رأسنا ...وفي رقدتو ديك قال ليهم: هو أنا قادر أرفع رأسي عشان أرفع رأسكم !!!
إن شاء الله حالو ما يبقى حالنا ونقدر نرفع ليكم فواخيركم ودقنوساتكم وهاماتكم كمان ...وشكراً ليك يا اللخو
imported_منال
30-04-2008, 09:23 AM
محمد أبوعاقلة سلامات لعلك طيب
الدربخانة : حسب معلومتى انها ليها علاقة بالسلاح و الذخيرة وكدا
لكن كدى ورينا معنى قلشت معاك شنو و الا قصتها
imported_أشتر
30-04-2008, 09:23 AM
هو أنا قادر أرفع رأسي عشان أرفع رأسكم !!! [/align][/color]
:D:D:D:D
imported_شبارقة
30-04-2008, 09:26 AM
جدلة مملوخة : يعني ناصلة الجدلة خشم بيوت وكذلك المِليَخ (إيدي إمّلخَتْ وكراعي إملخت وكتفي ...وهكذا)...وخائفين يا غالي نشطح ونسرح بيكم طوالي ..عشان كده مطلوب تدخل فيصل
البارجغل : ذكرتني حمار شغل ... زيي كدا ولكني احمل اسفارا ممتعة نحن بنقول : بارجغل في بطنو شغل
بت مسيمس : باص نحن بنقول : يا بت مسيمس تقلبي لوري تقلبي تيمس
الكركاسة : استعملتها مرة واحدة في حياتي وكان موت الجماعة عِرِس (عقاب جماعي وكدا) والكركاسة (الكلام للحناكيش) هي حشوة من الجلد أو البلاستيك لزوم سد فتحات الكفرات القديمة ..أما على أيامنا وتقليلاً من آلام الجلد المبرح في المدارس في ذاك الزمن فقد كنا نستخدم كركاسات من مختلف المنتجات الورقية والقطنية والبلاستيكية والكرتونية :D وكنا نتعرف على نوعها بواسطة سماع صوتها الصادر منها عند وقوع السوط عليها..وسلملي على البامبرز :D والله يا ود أبو عاقلة رجعتني لزمن كان صعب خلاص ...إرهاب عديل كده في التعليم ..يستحق الواحد يفتح ليهو بوست خاص :mad:
عنكوليب : ود عم قصب السكر يا سكر
الدربخانة : انت قصدك الادبخانة الظاهر لكن قلشت معاك ههههه ..ما أظنها المقصودة وما أظنها المحرية من فيصل ...أظنو قاصد الدرب خانة أي مكان الدرب ...وطبعاً كما هو معلوم فإن كلمة خانة كلمة تركية تعني المكان ..وسلملي على أردوغان
على هامش الملتقى لقيت لي فرصة أنقشط في النت وأنقشطتا ليكم وتجدون تعليقي بالأزرق ... ودمتم سالمين
imported_أشتر
30-04-2008, 09:28 AM
محمد أبوعاقلة سلامات لعلك طيب
الدربخانة : حسب معلومتى انها ليها علاقة بالسلاح و الذخيرة وكدا
يا بت ديك اسمها (الجبخااااااااانة) جبخانة وكايسه خانة :D:D قبل كم يوم كتبها لكن ما هنا
لكن كدى ورينا معنى قلشت معاك شنو و الا قصتها
وقلشت في اللغة يعني طفشت ... تطفشي عروس قولي امين:cool:
imported_somiaadam
30-04-2008, 11:57 AM
اذيك يافيصل وكيفنك
ترا ماعندك عوجه عارفلك شئ من كلماتنا وهذه اضافه :-
الدانقه :- البرنده الكبيره
القفه :- تصنع من السعف
العرجون- الجريد - السبيطه :-من شجر النخيل
الكتاحه:-الرياح
الكبته:- رياح بتراب شديده
الدميره:- الماء العكر في الفيضان
الدبدب:- المساطب حول المنزل
المرقون:-مخزن يبني داخل الغرف
السحاره:- مثل الصندوق وتحفظ بها الاواني والاشياء الثمينه
السفايه:- الرمل
لنا عوده مع مصطلحات جديده ولكم الشكر
imported_somiaadam
30-04-2008, 12:00 PM
[]اذيك يافيصل وكيفنك
ترا ماعندك عوجه عارفلك شئ من كلماتنا وهذه اضافه :-
الدانقه :- البرنده الكبيره
القفه :- تصنع من السعف
العرجون- الجريد - السبيطه :-من شجر النخيل
الكتاحه:-الرياح
الكبته:- رياح بتراب شديده
الدميره:- الماء العكر في الفيضان
الدبدب:- المساطب حول المنزل
المرقون:-مخزن يبني داخل الغرف
السحاره:- مثل الصندوق وتحفظ بها الاواني والاشياء الثمينه
السفايه:- الرمل
لنا عوده مع مصطلحات جديده ولكم الشكر
imported_شبارقة
30-04-2008, 05:58 PM
اذيك يافيصل وكيفنك
ترا ماعندك عوجه عارفلك شئ من كلماتنا وهذه اضافه
حبابك الأخت سمية نيابة عن الأخ/ فيصل ونتمنى أن تكوني إضافة حقيقية لهذا البوست ...ولكن لو أديتينا الكلمات في شكل مسابقة يبقى أجمل عشان يكون في شوية إجتهاد مننا لمعرفة معاني كلامنا العامي الجميل
وشكراً لك ودمتم سالمين
imported_همس الشوق
01-05-2008, 07:20 AM
يا ناس التكل
ازيكم
لا سوعال ولا اشارة عاد دي خوه دي
imported_شبارقة
01-05-2008, 08:58 AM
يا ناس التكل
ازيكم
لا سوعال ولا اشارة عاد دي خوه دي
سلامات يا حلم الأماسي .... ومنو القال ليك ما سعلنا عنك ... سألنا عليك في المنفى وفي المرفأ وفي جوف السفن ... وسألنا عليك ضلنا المرسوم على رمل المسافة وشاكي من طول الطريق ..وسألنا عليك في الرواكيب الصغيرة وسألنا عليك في الهو وفي الصي وفي الخُشش وفي العتامير وكلهاري كمان :D...ولو رجعتي صفحات كتيرة للوراء حتتأكدي من صدق حكاوينا وغناوينا ... ومرحب بيك مرة أخرى وعوداً حميداً إن شاء الله ... وبرجوعك بيتنا نوّر ياما نوّر كلو وزينة ... ويا ريت تكوني جبتي معاك في مخلايتك كلمة كلمتين كدى من كلامنا العامي الحلو
imported_أشتر
01-05-2008, 09:01 AM
يا ناس التكل
ازيكم
لا سوعال ولا اشارة عاد دي خوه دي
خوة الكاب الحدها الباب !!!
نبرا منها
imported_أشتر
01-05-2008, 09:01 AM
سلامات يا حلم الأماسي .... ومنو القال ليك ما سعلنا عنك ... سألنا عليك في المنفى وفي المرفأ وفي جوف السفن ... وسألنا عليك ضلنا المرسوم على رمل المسافة وشاكي من طول الطريق ..ولو رجعتي صفحات كتيرة للوراء حتتأكدي من صدق حكاوينا وغناوينا ... ومرحب بيك مرة أخرى وعوداً حميداً إن شاء الله ... وبرجوعك بيتنا نوّر ياما نوّر كلو وزينة ... ويا ريت تكوني جبيتي معاك في مخلايتك كلمة كلمتين كدى من كلامنا العامي
غايتو لقيتك !!!!!!!!!!!!
imported_فيصل سعد
01-05-2008, 09:10 AM
اهلا و سهلا اختنا سمية و نرحب بوجودك معنا .. و يا حلم الاماسي مرحبا بعودتك و "العود احمد" هنا و هناك مع انغام ترباس الدافئة .. و يا محمد ابوعاقلة توقيع الجن بتاعنا دا لسة ما انتهي :D:D:D بدل الغناء الفيه باي اغاني لمصطفي او عركي او علي السقيد و فكوا لينا على وجه السرعة و دا آخر اسبوع لينا معاك في السالفة دي :D:D
imported_شبارقة
01-05-2008, 09:11 AM
غايتو لقيتك !!!!!!!!!!!!
ههههه ..لقيتني وين؟ ألا ياحبي السامي لقيتك بأول ايامي:D
ياخ إذا في طريقه نبيع كلام حلو أحسن من نبيع كلام شين ;) ويا ريت ترجع تقرأ المداخلة مرة تانية ح تشوف العجب العُجاب
imported_شبارقة
01-05-2008, 11:26 AM
يا جماعة ...يا رهط ...يا قوم ... ما هو الرابط العجيب ما بين القنقر والبنبر والمنقد ؟
imported_أشتر
01-05-2008, 09:44 PM
. و يا محمد ابوعاقلة توقيع الجن بتاعنا دا لسة ما انتهي :D:D:D بدل الغناء الفيه باي اغاني لمصطفي او عركي او علي السقيد:D:D
كدا تكون غتّست حجرو يا بوكش ... واضرب الزمن في اتنين !!!
لكن اقول ليك حاجة !!!!
انت ما عارف حاجة !!!
imported_أشتر
01-05-2008, 09:46 PM
ههههه ..لقيتني وين؟ ألا ياحبي السامي لقيتك بأول ايامي:D
ياخ إذا في طريقه نبيع كلام حلو أحسن من نبيع كلام شين ;) ويا ريت ترجع تقرأ المداخلة مرة تانية ح تشوف العجب العُجاب
من غير ما ارجع
اذا عجزت عن قول الجميل ... فلا تنطق بسوء ...
imported_أشتر
01-05-2008, 09:46 PM
يا جماعة ...يا رهط ...يا قوم ... ما هو الرابط العجيب ما بين القنقر والبنبر والمنقد ؟
البليلة يا شبارقة ...
imported_فيصل سعد
03-05-2008, 05:46 AM
اتنين !!!
لكن اقول ليك حاجة !!!!
انت ما عارف حاجة !!!
اكيد و قطع شك :D:D:D
imported_أشتر
04-05-2008, 05:12 AM
اكيد و قطع شك :D:D:D
أقطع الشك باليقين يا فيصل ...
وما تقطع وشّك !!!
وما تمش بى وشّك :D:D
imported_أشتر
04-05-2008, 05:21 AM
التكيّة : التكيّة لغير الله مذلة
القوز :
الضرا : (بدون شدة في الضاد)
القوز :
الكوز : (بدون دقن طبعا)
البلف : (افتحو لي البا واكسرو لي اللام واسكنو في الفا حتى لو بالايجار ... وكسر البا تعني اصطباحية لا بأس بها)
الصريف :
imported_شبارقة
04-05-2008, 11:30 AM
التكيّة : التكيّة لغير الله مذلة
القوز :
الضرا : (بدون شدة في الضاد)
القوز :
الكوز : (بدون دقن طبعا)
البلف : (افتحو لي البا واكسرو لي اللام واسكنو في الفا حتى لو بالايجار ... وكسر البا تعني اصطباحية لا بأس بها)
الصريف :
نَدِّي فرصة لغيرنا عشان ما نحرق ليك الفيلم من قولة تيت ... وقوزين ليه؟ ولو أضفت ليهم قوز تاني ح يبقوا حله (بفتح الحاء واللام )
imported_شبارقة
04-05-2008, 11:43 AM
وبمناسبة القيزان يا فردة أهديك جزء من قصيدة مشهورة للدكتور / محمد بادي لما كنا طلبة في ثمانينيات القرن الماضي :
مرحاتنا شرابهن يوت ماغبن
شبعانات في الشقل أب شوك ما شبن
الحملن وولدن وربن
حلماتن تقلن..
جرّن..
فوق سيقانن كبن
اللبن العاتم في ضرعاتن جبّن
المغصة إن كان ضرعاتن خربن
القرعة آ وليد .. السعن آ بنية
القربة كمان... كبوها المية
المغصة إن كان ضرعاتن خربن
شوفو النعمة السالت فوق قيزان الرملة
ناس البندر لبن الشاي بالعملة
مع إحتفاظي بحقي في تفسير الكلمات التي لونتها بالأحمر ;)
imported_همس الشوق
04-05-2008, 12:59 PM
سلامات يا حلم الأماسي .... ومنو القال ليك ما سعلنا عنك ... سألنا عليك في المنفى وفي المرفأ وفي جوف السفن ... وسألنا عليك ضلنا المرسوم على رمل المسافة وشاكي من طول الطريق ..وسألنا عليك في الرواكيب الصغيرة وسألنا عليك في الهو وفي الصي وفي الخُشش وفي العتامير وكلهاري كمان :D...ولو رجعتي صفحات كتيرة للوراء حتتأكدي من صدق حكاوينا وغناوينا ... ومرحب بيك مرة أخرى وعوداً حميداً إن شاء الله ... وبرجوعك بيتنا نوّر ياما نوّر كلو وزينة ... ويا ريت تكوني جبتي معاك في مخلايتك كلمة كلمتين كدى من كلامنا العامي الحلو
يعني معقول انا مافي كل الاماكن دي
عاد بالغته ............ غاطسه وين انا ؟؟؟؟؟؟؟
أشكرك يا شبارقة ولك التحية والود
imported_همس الشوق
04-05-2008, 01:00 PM
خوة الكاب الحدها الباب !!!
نبرا منها
إنت واحد الناس
خوتك خوة ...................:mad:
عارفاك حتموت بالضحك
imported_همس الشوق
04-05-2008, 01:02 PM
اهلا و سهلا اختنا سمية و نرحب بوجودك معنا .. و يا حلم الاماسي مرحبا بعودتك و "العود احمد" هنا و هناك مع انغام ترباس الدافئة .. و يا محمد ابوعاقلة توقيع الجن بتاعنا دا لسة ما انتهي :D:D:D بدل الغناء الفيه باي اغاني لمصطفي او عركي او علي السقيد و فكوا لينا على وجه السرعة و دا آخر اسبوع لينا معاك في السالفة دي :D:D
اهلين فيصل سعد
والله الشوق شوالات عيش
محمد يا عاقلة
انت مشكلتك شنو مع الزمن
imported_منال
04-05-2008, 02:29 PM
وبمناسبة القيزان يا فردة أهديك جزء من قصيدة مشهورة للدكتور / محمد بادي لما كنا طلبة في ثمانينيات القرن الماضي :
مرحاتنا: المكان البربطو فيهو الماشية و السعية اكان فى البيت او حوش جنب البيت لما تكون كبيرة بتبقى مزرعة شرابهن: اللبن البعملو منو الرايب او الروب و البعملو منو السمن يوت : يعنى يوم فى لغتنا الريفية فى الشمال الجغرافى ماغبن: اى ضراعتن جفن و اللبن انقطع و دى اشارة لانهن حملات اى الماشية او السعية و كمان بقولو تقيلات
شبعانات في الشقل أب شوك ما شبن
الحملن وولدن وربن
حلماتن تقلن..
جرّن..
فوق سيقانن كبن
اللبن العاتم في ضرعاتن جبّن
المغصة إن كان ضرعاتن خربن
القرعة: الخضار بتاع الفرع و لما يجفف و تشق النص تستعمل فى شرب اللبن و مويات رمضان و حاجات تانية و بالمناسبة هى بتستعمل فى الشمال و الجنوب آ وليد .. السعن: يصنع من جلد السعية و يجفف و يريط فى الراس البكون هو ذاتو شكل الحيوان و يعبا باللبن الرايب وعشان يطلعو منو السمن و الفشطة و فى بعض المرات يحفظو فيهو اللبن آ بنية
القربة: زى السعن تصنع من جلد الحيوان و تحفظ بيها المى فى ضل الضحى البارد كمان... كبوها المية
المغصة إن كان ضرعاتن خربن
شوفو النعمة السالت فوق قيزان الرملة
ناس البندر لبن الشاي بالعملة
مع إحتفاظي بحقي في تفسير الكلمات التي لونتها بالأحمر ;)
اها الباقى بخلى ليك يا شاب :D:D:D:D:D:D:D
imported_أشتر
04-05-2008, 05:23 PM
إنت واحد الناس
خوتك خوة ...................:mad:
عارفاك حتموت بالضحك
عليك الله فضّلتي فيها شنو !!!! كان تتميا !!!!!
معرفة من متين يا بت عشان تقولي عليها خوة كلاب
هوهوتاااا !!!
نبحتاااا !!!
خربشتاااا !!!
ولا السعران أنا ... ولا الفتران ...
وغايتو حكايتي بين أمرين ... أحلاهما شين !!!!! *
يا بت دي خوة الكُتّاب ... البتدخل بالباب ...
فهمتي ولا نقفل الباب ... الباب البجيب الريح ...
imported_أشتر
04-05-2008, 05:25 PM
محمد يا عاقلة
انت مشكلتك شنو مع الزمن
ما عندي !!!!
imported_أشتر
04-05-2008, 05:33 PM
اها الباقى بخلى ليك يا شاب :D:D:D:D:D:D:D
في رأيي ما خليتي حاجة ... دا لو فهمت حاجة !!!!
لكن مرحاتنا قلتي المكان البربطو فيو الماشية ودي ما صاح ...
والشقل نوع من الشدر ودي عملتي منها نايمة
imported_همس الشوق
05-05-2008, 07:07 AM
عليك الله فضّلتي فيها شنو !!!! كان تتميا !!!!!
معرفة من متين يا بت عشان تقولي عليها خوة كلاب
هوهوتاااا !!!
نبحتاااا !!!
خربشتاااا !!!
ولا السعران أنا ... ولا الفتران ...
وغايتو حكايتي بين أمرين ... أحلاهما شين !!!!! *
يا بت دي خوة الكُتّاب ... البتدخل بالباب ...
فهمتي ولا نقفل الباب ... الباب البجيب الريح ...
العفو يا محمد عمري ما فكرته في اللفظ دا
انا خليتك لي خيالك
ولقيت خيالك .......... أسكت بس
وتاني اسفة لو كنت تعديت الحدود .... بس انا معرفة المنتديات بعتز بيها لانها عرفتني على ناس افخر بهم ..
وسامحني غلطان بعتذر
أقفل الباب
ولا اقول ليك .... أعملها حيطة
imported_أشتر
05-05-2008, 09:09 AM
العفو يا محمد عمري ما فكرته في اللفظ دا
انا خليتك لي خيالك
ولقيت خيالك واطه بس ... أسكت بس
وتاني اسفة لو كنت تعديت الحدود .... بس انا معرفة المنتديات بعتز بيها لانها عرفتني على ناس افخر بهم ..
وسامحني غلطان بعتذر
أقفل الباب
ولا اقول ليك .... أعملها حيطة
بهناك قالو ليكم افتحن البيبان والطاقة ... تجي هنا تعمليها حيطة ...
حيطة ................ الليلة قبل بكرة ...
imported_شبارقة
05-05-2008, 09:26 AM
لما كنا طلبة في ثمانينيات القرن الماضي
اها الباقى بخلى ليك يا شاب :D:D:D:D:D:D:D
إنتي قاصده منو بالظبط يا منال ؟ غايتو أكان أنا بتكوني رفعتي لي معنوياتي وخليتيني أشعر بزهو و نضار الشباب وليس هناك حاجة لأخبره بما فعل المشيب ;) علماً بأنو ود أبو عاقلة وفيصل وأنا والخال خالد كمان أولاد حفرة واحدة :D:D:D
imported_منال
05-05-2008, 09:34 AM
إنتي قاصده منو بالظبط يا منال ؟ غايتو أكان أنا بتكوني رفعتي لي معنوياتي ورجعتيني لثمانينيات القرن الماضي علماً بأنو ود أبو عاقلة وفيصل وأنا والخال خالد كمان أولاد حفرة واحدة :D:D:D
اااااى يا شبارقة قاصداك و الله و عارفة الشباب قلب ما عمر :D:D و تشكر للمعلومة و كان لرفع المعنويات بجيب الونش لناس كدا عاملينى اخخخخخخخخخخخخخخ تاخخخخخخخخخ:p:p
وشيخ الحناكيش شغال لينا كتير ... اصبر لى بجيب خبرو;);) بس فكنى منو بالصاح و الغلط ادينا المعنى الصحيح فيما سبق و هو خلى ينكش فى السحارة لمن تلدغو:D:D
imported_منال
05-05-2008, 09:38 AM
بهناك قالو ليكم افتحن البيبان والطاقة ... تجي هنا تعمليها حيطة ...
حيطة ................ الليلة قبل بكرة ...
محمد يا ود امى مالك كاربة كدا:D:D فاتحين شبابيك الهمبريب كمان و برضو الحيطة بتلبو منها اكان فى الليل و لا نسطت نهار
imported_أشتر
05-05-2008, 09:44 AM
علماً بأنو ود أبو عاقلة وفيصل وأنا والخال خالد كمان أولاد حفرة واحدة :D:D:D
:D:D قال حفرة قال ...
منال ... الزول دا ما ياكل راسك !!!!!!!!!!!!
imported_أشتر
05-05-2008, 09:49 AM
محمد يا ود امى مالك كاربة كدا:D:D فاتحين شبابيك الهمبريب كمان و برضو الحيطة بتلبو منها اكان فى الليل و لا نسطت نهار
بى شبابيكم دي !!! لا حسينا بهمبريب ولا قعدنا في عناقريب ...
وما تسمعي تولوب دي ...
فصاحة نت ساي !!!
في العتمة او نصّت نهار ..
imported_منال
05-05-2008, 09:56 AM
بى شبابيكم دي !!! لا حسينا بهمبريب ولا قعدنا في عناقريب ...
وما تسمعي تولوب دي ...
فصاحة نت ساي !!!
في العتمة او نصّت نهار ..
الله يجازى محنك با ولد ابوعاقلة :D:D:D:D التقول رباطابى
imported_أشتر
05-05-2008, 10:00 AM
الله يجازى محنك با ولد ابوعاقلة :D:D:D:D التقول رباطابى
لا رباطبابي ولا صعلوق كنابي هههههه
بتعرفي الكنابي ؟
مفردها كنبو ...
imported_شبارقة
05-05-2008, 10:55 AM
بتعرفي الكنابي ؟
مفردها كنبو ...
هههههههههههههه ... لمن إتفنقلتا من الكرسي ... الكنبو ما بسكن جنبو ..ويا حاجة دُقي لينا كاروشة ...الكاروشه في بلدنا مافيشه :D:D:D وسلملي على المُشُك :D:D:D
imported_شبارقة
05-05-2008, 11:02 AM
فهمتي ولا نقفل الباب ... الباب البجيب الريح ...
أقفل الباب
ولا اقول ليك .... أعملها حيطة
مالكم يا شباب؟ نسوي ليكم المديدة حرقتني؟ :D:D
ويا ود أبو عاقلة كلامنا السمح جاب لينا من حلم توقيع سمح ;) ;) (زهرة ووردة وكلام يرتفع بنا لرحلة بين طيات السحاب :D:D) وكلامكما جاب أبواب وحيطة وزيطة وزمبريطة وأم برمبيطه زاتو ..:D:D
أها ...عارفين أم برمبيطه؟ :D:D
imported_شبارقة
05-05-2008, 11:35 AM
وشيخ الحناكيش شغال لينا كتير ... اصبر لى بجيب خبرو;);) بس فكنى منو بالصاح و الغلط ادينا المعنى الصحيح فيما سبق و هو خلى ينكش فى السحارة لمن تلدغو:D:D
يا فردة الجماعة ديل مالم معاك؟ لقوك صغير وجاهل وقعدوا يصقعوا فيك لمن رأسك إتورم !!! وسلملي على الدَبَس :D:D:D
imported_منال
05-05-2008, 11:54 AM
يا فردة الجماعة ديل مالم معاك؟ لقوك صغير وجاهل وقعدوا يصقعوا فيك لمن رأسك إتورم وسلملي على الدَبَس :D:D:D
دقيقة بس يا شباب فى كلمات كتيييييرة ما عرفتا دى من وارد الخليج :p:p ما تخمونا ساكت و البوست مفتوح للمصطلحات العامية المستوردة كمان:confused:
لقوك صغير وجاهل وقعدوا يصقعوا فيك لمن رأسك إتورم !!!
بس ياها :D:D لكن اصبر لى الصغير منو ليهم الجهل عرفناهو ما اصلو حناكيش سوا فى فد مركب:D:D
خلى ساى اللخو الراس الشايلو ورم كتييييييييييير
لكن يا شبارقة لقيتك كدا و المديدة الحارة بنحصلها ;) و هاك من دى الحناكيش ما عرفوها
الفنان النصرى فى اغنية لا تنجع قال
النيل صبح رحراح المعنى يا معلم
بارك لى يا شبارقة بقيت اعرف اعمل اقتباس زيك ههههههههههههه و تسلم يا عمنا معتصم
imported_منال
05-05-2008, 12:58 PM
لا رباطبابي ولا صعلوق كنابي هههههه
بتعرفي الكنابي ؟
مفردها كنبو ...
http://http://ds4.fileflyer.com/d/451f8706-94ff-4969-b68d-d40759c13781/0/ALBESAL%20MA%20BETOOH%20-%20NEJOOM%20ALGHAD.wmv
عرفت
imported_عماد السنهورى
05-05-2008, 03:09 PM
موضوع جميل اخى فيصل
ان نتداول لغتنا العامية
وهى فى الحقيقة اقرب اللهجات المحلية للغة العربية
بين كل لهجات العرب المحلية
دمت اخى ود سعد
imported_شبارقة
06-05-2008, 07:19 AM
موضوع جميل اخى فيصل
ان نتداول لغتنا العامية
وهى فى الحقيقة اقرب اللهجات المحلية للغة العربية
بين كل لهجات العرب المحلية
دمت اخى ود سعد
الخيل تجقلب والشُكر لي حمّاد ! يا عماد يا أخوي هو فيصل وينو؟ فتح البيبان والطاقه وهجَّ :D:D
imported_شبارقة
06-05-2008, 07:27 AM
دقيقة بس يا شباب فى كلمات كتيييييرة ما عرفتا دى من وارد الخليج :p:p ما تخمونا ساكت و البوست مفتوح للمصطلحات العامية المستوردة كمان:confused:
خليج شنو يا حبوبه ... ده كلام سوداني ...وخليك سوداني :D
vBulletin® v3.8.8 Beta 2, Copyright ©2000-2026