*** مصطلحات عامّية سودانية ***

[imported_فيصل سعد]

كنت فاكرةالقدوم يعنى فم الانسان:p

فكرتك صاح..
و القدوم ايضا هو فم الانسان و غير الانسان :D:D
و طبعا لا يخفى عليك الفرق بينه و بين البوذ :D:D
شكرا للطلة و خليك مواصلة ..

[imported_فيصل سعد]

حكي عامي سوداني

يحكي واحد عن واحد يقول:
نحن قاعدين شفناهو من هناك جاي (ماشي جري) ومن غير سلام دخل و(قام قعد)
و بعد شويه دخل في الموضوع وبدا (يتكلم ساكت) من غير فهم و الموضوع كان عن
مشروب (الحلو مر ).

معقولة بس :D:D
سافر و جا ..

[imported_فيصل سعد]

السلام و التحايا الطيبة لجميع الاحباب هنا ..
و وينكم يا شبارقة و ود ابو عاقلة و بابكر و عبد الماجد و عكود و باسط و ودعثمان؟؟
و اخواتنا و بناتنا و عماتنا و خالاتنا و حبوباتنا مالم ما ظاهرين معانا هنا ؟؟

[imported_فيصل سعد]

http://sudanyat.net/vb/imgcache/883.imgcache.gif

[imported_همس الشوق]

سلام عليكم
وكل عام وانتم بخير

وعيد مبارك

[imported_أشتر]

فكرتك صاح..
و القدوم ايضا هو فم الانسان و غير الانسان :D:D
و طبعا لا يخفى عليك الفرق بينه و بين البوذ :D:D

ولو قسنا البوذ ببوظ
ولو قسنا البوذ ببوذ ... نلقى الفرق شاسع
ياخ ما تشوت ضفاري يا بوكش ...
وكل ضفاري وانت بخير
وربنا يحقق امنياتك لو ما كلها نصها ...

[imported_أشتر]

سلام عليكم
وكل عام وانتم بخير

وعيد مبارك

وعليكم السلاااااااااااااااام
كل سنة وانتي طيبة يا حلم
صوما مقبولا وحجا قريبا

[imported_شبارقة]

كل عام وأنتم بخير وربنا يحقق أمانينا وأمانيكم

[imported_همس الشوق]

وعليكم السلاااااااااااااااام
كل سنة وانتي طيبة يا حلم
صوما مقبولا وحجا قريبا

محمد

أزيك وكل عام وانت كما أنت

والله نفسي في حجة

بس دعواتك ( ينادي المنادي )

[imported_شبارقة]

ما زالت تواجهني مشكلة في المشاركة معاكم ...النظام مرات يسمح لي ومرات يعصلج معاي ... يا ربي دي تكون محاولة لإغراق السيرفر بتاعي من الخرطوم :D

[imported_منال]

ما زالت تواجهني مشكلة في المشاركة معاكم ...النظام مرات يسمح لي ومرات يعصلج معاي ... يا ربي دي تكون محاولة لإغراق السيرفر بتاعي من الخرطوم :D

فقدناك يا فردة تعرف ناس الخرطوم ديل قاصدنك عديل كده وين وير ما تكون :( الا ما تجى نغرقهم كمان فى بركة فى شارع النيل جوار مبنى سوداتيل ولا نفك بخور زى ماقال عمنا بابكر نطير الجماعة

[imported_الزوول]

السلام عليكم
رحم الله المسرحي محمود سراج أبو قبورة
.....

1. جَنَنو جِنْ أبو قبورة
2. لَحَقّو أُمَات طه



....

[imported_فيصل سعد]

السلام عليكم
رحم الله المسرحي محمود سراج أبو قبورة
.....

1. جَنَنو جِنْ أبو قبورة
2. لَحَقّو أُمَات طه



....

و عليكم السلام و رحمة الله تعالى و بركاته ،
انت وين غاطس يا اسيوطي الجن :D:D

[imported_فيصل سعد]

ولو قسنا البوذ ببوظ
ولو قسنا البوذ ببوذ ... نلقى الفرق شاسع
ياخ ما تشوت ضفاري يا بوكش ...
وكل ضفاري وانت بخير
وربنا يحقق امنياتك لو ما كلها نصها ...

نصها ما بخارج يا بوكش يا ود عمك :D:D و كدة ما بتغطي :D:D
خصوصا العيد الجاي فيه خروف و خبيز و هدوم و ملايات و ستائر و شربوت ،
لكن لو دعيت لينا بتلات اربع الباقي بنتمو محلبية كردت كارد و لا بنتمو ونسة :D:D

[imported_شبارقة]

جيناكم يا حبايبنا بعد غربة وشوق (ومشكلة في السيرفر :D)... وهاكم إلى أن نلقاكم :

1- المريق

2- المكرار

3- ما هو الفرق بين المرق والوسادة ؟

[imported_شبارقة]

1- القادوس

2- العرموس

3- الجاقوس

4- الباطوس

[imported_الزوول]

جيناكم يا حبايبنا بعد غربة وشوق (ومشكلة في السيرفر :D)... وهاكم إلى أن نلقاكم :

1- المريق

2- المكرار

3- ما هو الفرق بين المرق والوسادة ؟
....
السلام عليكم
المريق : طحين الذرة
المرق والوسادة " مش الخالية " :):):) http://sudanyat.net/vb/imgcache/977.imgcache.jpg

[imported_أشتر]

نصها ما بخارج يا بوكش يا ود عمك :D:D و كدة ما بتغطي :D:D
خصوصا العيد الجاي فيه خروف و خبيز و هدوم و ملايات و ستائر و شربوت ،
لكن لو دعيت لينا بتلات اربع الباقي بنتمو محلبية كردت كارد و لا بنتمو ونسة :D:D

قتا ليك (لو) دي ما شفتها ؟
اي صحيح بتفتح عملو لكن امكن ما تفتحو انت وحظك ... وما تخليك طماع ...
يعني انا القدامك دا (لو) لاحظ لى لو دي ... لو لقيت الربع ما بطال معاي ... فالقناعة كنز لا يفنى وكان مشيت طمعت القناعة زااااتا بتقنع منك وتفكك عكس الهوا
فدحين ياخوي قول آمين واديها صنة ... ودعوتي ما تعتمد عليها كتير

[imported_أشتر]

....
السلام عليكم
المريق : طحين الذرة
المرق والوسادة " مش الخالية " :):):) http://sudanyat.net/vb/imgcache/977.imgcache.jpg

طيب لو مشيت صغرت (مرق) ببقى مريق ... مع جهلي التام بتنوين المريق الفوق ...
هنا في ورطة ولا المسائل عادية

[imported_شبارقة]

....
السلام عليكم
المريق : طحين الذرة
المرق والوسادة " مش الخالية " :):):) http://sudanyat.net/vb/imgcache/977.imgcache.jpg

شكراً يا الزوول ... وهناك أيضاً مرق ووسادة في العنقريب

[imported_الزوول]

شكراً يا الزوول ... وهناك أيضاً مرق ووسادة في العنقريب

....

السلام عليكم
عاصم ازيك
ولا تزعل يا معلم
أها هاك....
http://sudanyat.net/vb/imgcache/997.imgcache.jpg

...

[imported_فيصل سعد]

قتا ليك (لو) دي ما شفتها ؟
فدحين ياخوي قول آمين واديها صنة ...
ودعوتي ما تعتمد عليها كتير

هو انا كان بشوف و بدقق في كلامك دا كان حالي :D:D
يا زول دعوتك ما بناباها كان اديتنا ربع كان اديتنا بالسيسي :D:D

[imported_فيصل سعد]

ما هو الفرق بين الصاج و الدوكة و ايهما ينتج
الكسرة الصاقعة و الشديدة :D:D

[imported_أشتر]

....

السلام عليكم
عاصم ازيك
ولا تزعل يا معلم
أها هاك....
http://sudanyat.net/vb/imgcache/997.imgcache.jpg

...

الزوول يا جميل
كان تتم جميلك وتجر شخيت للشحاط ...
بس ما تجر شخيت وتقيف بعيد :D

[imported_أشتر]

ما هو الفرق بين الصاج و الدوكة و ايهما ينتج
الكسرة الصاقعة و الشديدة :D:D

الصاج ينتج الكسرة
والدوكة بختو فيها الكسرة
اذن الفرق بينم مدت يد

[imported_كيشو]

ما هو الفرق بين الصاج و الدوكة و ايهما ينتج
الكسرة الصاقعة و الشديدة :D:D

الصاج ينتج الكسرة
والدوكة بختو فيها الكسرة
اذن الفرق بينم مدت يد

الصاج من الحديد ويكون مسطحاً ومستطيلاً أو مربعاً، وهو أحدث من الدوكة وقابل لوضعه على المنقد والبوتاجاز كمان
الدوكة من الفخار وهي دائرية الشكل و(غريقة) نوعاً ما ومجلسها اللدايات
الصاج والدوكة يستخدمان لانتاج الكسر
كفاكم ولا أزيدكم

[imported_كيشو]

الصاج ينتج الكسرة
والدوكة بختو فيها الكسرة
اذن الفرق بينم مدت يد

الكسرة بيختوها في الطبق

[imported_فيصل سعد]

الكسرة بيختوها في الطبق

مذاكر تمام يا ود عمك :D:D
بس ما تكون بخرت او استعنت بصديق/ة يا مولانا :D:D

[imported_أشتر]

الكسرة بيختوها في الطبق
طبق هوتبيرد..
اصلا كان في بالي الريكة عوضا عن الدوكة .. فاختلط علي الاختصاص ما اكتر
طيب العلاقة شنو بين الريكة والويكة ؟

[imported_أشتر]

طيب بسأل عن (خريف الرازة) يعني شنو ؟
قالا لي واحد امبارح وسطحتا !!!

[imported_كيشو]

مذاكر تمام يا ود عمك :D:D
بس ما تكون بخرت او استعنت بصديق/ة يا مولانا :D:D

صديقاتي ما بعرفن جٍِنِس دا يا فردة :)
إنت قايلني ديناصور
بالمناسبة، صححوا المقولة دي أو فسروها:
كان كاك كان ما كاك ياكا مُحراكة الدواك تحذير: كل من كان دون الخمسين لا يستعين بصديقة

[imported_شبارقة]

طيب بسأل عن (خريف الرازة) يعني شنو ؟
قالا لي واحد امبارح وسطحتا !!!

القالا ليك ده غايتو حقو تشيلو في رأسك ... لأنو شبهك بشيخ العرب لما طه الضرير قال ليهو :
مرحبتين حباب شيخ العرب حباب خريف الرازه
مرحبتين حبابو البيهو القبائل عازه
حباب سيف النصر البيه هايشه وهازه

وأنا ما بقصّـر وإنت عليك تفسـّر :D;)

[imported_أشتر]

القالا ليك ده غايتو حقو تشيلو في رأسك ... لأنو شبهك بشيخ العرب لما طه الضرير قال ليهو :
مرحبتين حباب شيخ العرب حباب خريف الرازه
مرحبتين حبابو البيهو القبائل عازه
حباب سيف النصر البيه هايشه وهازه
ياخي وين انت ؟
والله مشتاقين ... وسجلت غياب اكتر من اللازم
شايلو يا شبارقة لكن قصدو شنو بخريف الرازة ؟

[imported_شبارقة]

ياخي وين انت ؟
والله مشتاقين ... وسجلت غياب اكتر من اللازم
شايلو يا شبارقة لكن قصدو شنو بخريف الرازة ؟

هلا يا فردة ... عندي مشكلة في التواصل معاكم وهي صعوبة المشاركة (مرة أقدر ومرات ما بقدر) وما عارف السبب شنو ؟! خالد الحاج قال تكون المشكلة في الكمبيوتر (قمنا غيرنا أبو الكمبيوتر)والحال في حالو ...المهم أرجع لمداخلتي مرة تانية وبتلقاني عملت ليك تعديل تركت ليك فيهو حرية الإجتهاد والتفسير;)

[imported_شبارقة]

قصدو شنو بخريف الرازة ؟

أصلك ما سمعت بالبقرة الرازة ؟! :D

وما سمعت بالعازه الشايلا بطـُنا ولازه :D

[imported_أشتر]

هلا يا فردة ... عندي مشكلة في التواصل معاكم وهي صعوبة المشاركة (مرة أقدر ومرات ما بقدر) وما عارف السبب شنو ؟! خالد الحاج قال تكون المشكلة في الكمبيوتر (قمنا غيرنا أبو الكمبيوتر)والحال في حالو ...المهم أرجع لمداخلتي مرة تانية وبتلقاني عملت ليك تعديل تركت ليك فيهو حرية الإجتهاد والتفسير;)

لو قدرت تمسح الكوكيز يكون تمام والتمبورري انترنت فولدر والهيستوري وتخلي الاكسبلورر كما ولدو بل جيتس ;);)

[imported_أشتر]

أصلك ما سمعت بالبقرة الرازة ؟! :D

وما سمعت بالعازه الشايلا بطـُنا ولازه :D

ما البقرة الرازة ...
البقرة الدّارّة (اي التي تدُر الحليب) وبقولوها لم تكون البقرة حامل ..

[imported_شبارقة]

بالمناسبة، صححوا المقولة دي أو فسروها:
كان كاك كان ما كاك ياكا مُحراكة الدواك تحذير: كل من كان دون الخمسين لا يستعين بصديقة[/font]

ههههههه ذكرتني يا عصام أيام زمان لما كنا في أسيوط ولما تكون ضابح ليك جداده ويجوا الطفيليين :Dو يقولوا ليك : ماشه معاك وعندك كاك :D

كان كاك كان ما كاك ...ياكا محراكة الدواك
المحراكة معروفة والدوكة معروفة (ما دوكة الجنبكم يا عصام ;))لكن كاك كاك دي ما عرفناها:confused:

[imported_شبارقة]

البقرة الدّارّة (اي التي تدُر الحليب) وبقولوها لم تكون البقرة حامل ..
الحامل بقرة كانت أم إمرأة ليس فيها لبن كما تعلم:D ولكن دارة تطلق مجازاً على الحامل بإعتبار ما سيكون :p
وسلملي على اللبا... والميلامين بتاع الصين :p

واحد بلدياتنا شاف ليهو واحدة مكتنزة الصدر قال عاوز يشاغلا قال ليها : سنة يا أم ضرع:p

[imported_كيشو]

القالا ليك ده غايتو حقو تشيلو في رأسك ... لأنو شبهك بشيخ العرب لما طه الضرير قال ليهو :
مرحبتين حباب شيخ العرب حباب خريف الرازه
مرحبتين حبابو البيهو القبائل عازه
حباب سيف النصر البيه هايشه وهازه

وأنا ما بقصّـر وإنت عليك تفسـّر :D;)

ذكرتني أغاني مايو:
حباب مايو حباب عزاً عرفنا معاهو معنى العز
حباب فارسنا (........) الفوق قبايلو يهز
إنتو فارسنا دي الربطا بي مايو شنو

[imported_كيشو]

ههههههه ذكرتني يا عصام أيام زمان لما كنا في أسيوط ولما تكون ضابح ليك جداده ويجوا الطفيليين :Dو يقولوا ليك : ماشه معاك وعندك كاك :D

كان كاك كان ما كاك ...ياكا محراكة الدواك
المحراكة معروفة والدوكة معروفة (ما دوكة الجنبكم يا عصام ;))لكن كاك كاك دي ما عرفناها:confused:

حول الحكاية لي بيان، وكان ما عرفتوها تعالوا كلكم:)

[imported_أشتر]

الحامل بقرة كانت أم إمرأة ليس فيها لبن كما تعلم:D ولكن دارة تطلق مجازاً على الحامل بإعتبار ما سيكون :p
وسلملي على اللبا... والميلامين بتاع الصين :p

واحد بلدياتنا شاف ليهو واحدة مكتنزة الصدر قال عاوز يشاغلا قال ليها : سنة يا أم ضرع:p

يعني كلامي صاح ...
والضرع الفوق احسن من الضرع التحت .... اقلبا واحلب اللبا

[imported_شبارقة]

إنتو فارسنا دي الربطا بي مايو شنو

أسأل محجوب شريف القاعد يتبرأ اليومين ديل من مايو وسدنة مايو ... بعد ما قال وغنيناها معاهو صغارا ً دون أن نعي المعنى : يا فارسنا وحارسنا يا بيتنا ومدارسنا ..... وقال : أنت يا مايو الخلاص يا جدارا ً من رصاص لعدو الشعب في كل مكان (فمن هو عدو الشعب؟ والله إحترنا في سودان الجن داك) يا عصام بالله ما تخلينا نتكلم في السياسة ;)

[imported_somiaadam]

]السلام عليكم
كان كسرتكم مرقت ودوها لي مفروكه (عثمان رغيم )
ولا بنجي نشيلن الاتنين لي حوش النسوان [/color]

[imported_فيصل سعد]

سميّة :
حياك الله وبياكِ وشكرا على التفاعل مع الجدول ..

[imported_فيصل سعد]

حمد الله الف على السلامة ..

[imported_فيصل سعد]

أسأل محجوب شريف القاعد يتبرأ اليومين ديل من مايو وسدنة مايو ... بعد ما قال وغنيناها معاهو صغارا ً دون أن نعي المعنى : يا فارسنا وحارسنا يا بيتنا ومدارسنا ..... وقال : أنت يا مايو الخلاص يا جدارا ً من رصاص لعدو الشعب في كل مكان (فمن هو عدو الشعب؟ والله إحترنا في سودان الجن داك) يا عصام بالله ما تخلينا نتكلم في السياسة ;)

بطل جغمسة يا ود عمك و خليك مركز معانا في المصطلحات
و جلي السوالف دي و بطل حركات الاسايطة دي :D:D

[imported_شبارقة]

بطل جغمسة يا ود عمك و خليك مركز معانا في المصطلحات
:D:D

طيب يا فيصل سعد (السمع الرعد ومن الخوف صنقر قعد:D) ... أهلنا قالوا في المثل : علوق الشدَّة ما بنفع .. أها ما هو العلوق؟ وما هي الشدَّة ؟ ومتى يضرب هذا المثل .... ونتلاقى في الرملة الدقاقة ;)

صاحب الإجابات الصحيحة يختار إحدى الجائزتين : بردعة أو ضنـّاب :D

[imported_شبارقة]

يا فيصل سعد .... بوستك ده لقيتو غاطس في آخر الصفحة التانية ولعمري هذه ما حصلت منذ إفتتاحو ...شنو إنت نائم ولا ّ صاحي ولا ّ طرفك من طبعو سرحان :D ... غايتو الخيل تجقلب ومجبورة خادم الفكي على الصلاة:D

هاكم :

1- السيداب 2- الإنقيب 3- البعيميشة

[imported_أشتر]

يا فيصل سعد .... بوستك ده لقيتو غاطس في آخر الصفحة التانية ولعمري هذه ما حصلت منذ إفتتاحو ...شنو إنت نائم ولا ّ صاحي ولا ّ طرفك من طبعو سرحان :D ... غايتو الخيل تجقلب ومجبورة خادم الفكي على الصلاة:D

هاكم :

1- السيداب 2- الإنقيب 3- البعيميشة

البوست طلع حريف وزاغ من ميكا يا شبارقة ...
السيداب دي غير اسم خزان او سد ما شايف ليها جملة مفيدة ...
والباقي انسى !!!

ملحوظة
مشتاقين كميات

[imported_أشتر]

طيب يا فيصل سعد (السمع الرعد ومن الخوف صنقر قعد:D) ... أهلنا قالوا في المثل : علوق الشدَّة ما بنفع .. أها ما هو العلوق؟ وما هي الشدَّة ؟ ومتى يضرب هذا المثل .... ونتلاقى في الرملة الدقاقة ;)

صاحب الإجابات الصحيحة يختار إحدى الجائزتين : بردعة أو ضنـّاب :D

العلوق هو علف البهائم
وما نجيك في شدة ياخوي

طيب العلوق عرفناها ...
فما المقصود بكلمة (عِلْقْ)

[imported_كيشو]

يا فيصل سعد .... بوستك ده لقيتو غاطس في آخر الصفحة التانية ولعمري هذه ما حصلت منذ إفتتاحو ...شنو إنت نائم ولا ّ صاحي ولا ّ طرفك من طبعو سرحان :D ... غايتو الخيل تجقلب ومجبورة خادم الفكي على الصلاة:D

هاكم :

1- السيداب 2- الإنقيب 3- البعيميشة

أعتقد بينطقوها (اللنقيب)، يقول فلان لنقب، ويا فلان بطل اللنقبة
والله جِنِس لنقبة

[imported_كيشو]

ههههههه ذكرتني يا عصام أيام زمان لما كنا في أسيوط ولما تكون ضابح ليك جداده ويجوا الطفيليين :Dو يقولوا ليك : ماشه معاك وعندك كاك :D

كان كاك كان ما كاك ...ياكا محراكة الدواك
المحراكة معروفة والدوكة معروفة (ما دوكة الجنبكم يا عصام ;))لكن كاك كاك دي ما عرفناها:confused:

آخر مرة شفت فيها محراكة متين يا عاصم؟
المحراكة لمن لا يعرف هي قطعة قماش تمسح بها الدوكة أو الصاج، وتحتضن الطايوقة ذي قفاز لعبة الخواجات ديك (البيسبول)، والمحراكة تشبه الأصطبة (فسروا دي)
المهم:
حبوبتي عشه بت الشريف الله يرحمها قالت:
المره قاعدة في التكل تعوس في الكسره، وجنبها جدادة حاضنة، قامت جات جارتا خاشة التكل وقالت ليها يا فلانة سجمك، قالوا راجلك عرس.
المره الدنيا ضلمت في وشها، وشالت الجدادة مسحت بيها الدوكة، والجدادة تكوووورك...كاك كاك، قالت ليها:
كان كاك كان ما كاك ياكي محراكة الدواك
انتهت

[imported_سفيان ابوقصيصة]

أعتقد بينطقوها (اللنقيب)، يقول فلان لنقب، ويا فلان بطل اللنقبة
والله جِنِس لنقبة

اللنقيب

(قال اللنقيب-اي الشاعر-وهو لقب ظل ملازما لهذا الشعر القومي في السودان الي اخريات عهد المهديه)

اعلاه اقتباس من كتاب, نفثات اليراع في الادب والتاريخ والاجتماع
للاستاذ/محمد عبدالرحيم

[imported_شبارقة]

البوست طلع حريف وزاغ من ميكا يا شبارقة ...
مشتاقين كميات
البوست زاغ من ميكا لكن شايفو حرمنا من صورتك ... والأصل ما ببقى صورة ;)

شوقنا أبلغ من غـُنانا

[imported_شبارقة]

طيب العلوق عرفناها ...
فما المقصود بكلمة (عِلْقْ)

يقول ليك فلان ده عـِلق ... يمكن من العلق الطبي؟! :D

[imported_شبارقة]

أعتقد بينطقوها (اللنقيب)، يقول فلان لنقب، ويا فلان بطل اللنقبة
والله جِنِس لنقبة

لا يا كيشو الإنقيب هو الشخص (وغالبا ً يكون صبي) المسئول عن رعاية وسقاية ونظافة الإبل

[imported_شبارقة]

آخر مرة شفت فيها محراكة متين يا عاصم؟
المحراكة لمن لا يعرف هي قطعة قماش تمسح بها الدوكة أو الصاج، وتحتضن الطايوقة ذي قفاز لعبة الخواجات ديك (البيسبول)، والمحراكة تشبه الأصطبة (فسروا دي)


أخي عصام هي إسمها المـُعراكة وليست المحراكة (يمكن في القضارف بتسموها محراكة ).... أما المرحاكة أو المحراكة فقد تم شرحها في بدايات هذا البوست وبالصور كمان.

[imported_شبارقة]

اللنقيب

(قال اللنقيب-اي الشاعر-وهو لقب ظل ملازما لهذا الشعر القومي في السودان الي اخريات عهد المهديه)



حبابك أخونا سفيان وشكراً على الإضافة ... وإن كنت أنا أقصد الإنقيب التي تم شرح معناها في المداخلة السابقة

[imported_كيشو]

أخي عصام هي إسمها المـُعراكة وليست المحراكة (يمكن في القضارف بتسموها محراكة ).... أما المرحاكة أو المحراكة فقد تم شرحها في بدايات هذا البوست وبالصور كمان.

شكراً يا عاصم، هي المعراكة ولكن ماذا أفعل في تحريفي لهذه الكلمة منذ الصغر، الحمد لله هي الآن غير متداولة،وبعد بوست معتصم بتاع الليلة الاهتمامات حتنصرف لحاجات تانية وسلملي على المره التقليدية

[imported_كيشو]

لا يا كيشو الإنقيب هو الشخص (وغالبا ً يكون صبي) المسئول عن رعاية وسقاية ونظافة الإبل

الحركة الدؤوبة التي لا تهدا هي اللنقبة
الإنقيب شفت برنامج عنو في تلفزيون السودان، وقمت معسم بعد نهاية البرنامج من حركة الولد وشقاهو

[imported_كيشو]

اللنقيب

(قال اللنقيب-اي الشاعر-وهو لقب ظل ملازما لهذا الشعر القومي في السودان الي اخريات عهد المهديه)

اعلاه اقتباس من كتاب, نفثات اليراع في الادب والتاريخ والاجتماع
للاستاذ/محمد عبدالرحيم


الشكر للأخ سفيان على الإضافة القيمة

[imported_شبارقة]

أهلنا قالوا في المثل : علوق الشدَّة ما بنفع .. أها ما هو العلوق؟ وما هي الشدَّة ؟ ومتى يضرب هذا المثل .... ونتلاقى في الرملة الدقاقة ;)

صاحب الإجابات الصحيحة يختار إحدى الجائزتين : بردعة أو ضنـّاب :D

زمااان في ثمانينيات القرن الماضي وفي أيام إمتحاناتنا للشهادة السودانية وقبل الإمتحان بحوالي ساعة كده فتحت كتاب الكيمياء عشان أقرأ لي حاجة كنت ناسيها (إختبار الحلقة السمراء) فقامت الوالدة قالت لي : يا ولد كفاك قراية...علوق الشدة ما بنفع ... وفعلا ً كان كلامها صحيح لأني ما فهمت ولا حاجة من القريتو ساعتها لقلة التركيز وضيق الوقت ودخول زمن الإمتحان .

العلوق والعليقة هي علف البهائم كما أورد محمد أبو عاقلة والشدُّة هي وضع السرج في مكانه الصحيح مع عدم نسيان الضنـّاب مع ربط الحزام (الكرّاب) ومن ثم توضع البردعة والفروة وباقي الإكسسوارات :D... وإذا حاولت تقديم أي نوع من العليقة للحمار(مثلاً ) بعد ما تشدوا فأنه لايأكل إلا قليلا ً وقد لا يأكل منها شئياً حتى ولو كان في غاية الجوع (يصبح كل تفكيروا وهموا في الشدة الشديتا ليهو دي ووين ماشي بيهو)

[imported_فيصل سعد]

يا فيصل سعد .... بوستك ده لقيتو غاطس في آخر الصفحة التانية ولعمري هذه ما حصلت منذ إفتتاحو ...شنو إنت نائم ولا ّ صاحي ولا ّ طرفك من طبعو سرحان :D ... غايتو الخيل تجقلب ومجبورة خادم الفكي على الصلاة:D

هاكم :

1- السيداب 2- الإنقيب 3- البعيميشة

سلام يا ود عمك و خليك مصحصح و نجيض
البوست ما يطش منك و اقرعو كان جفل :D:D:D
اخوك الايام دي على سفر محلي و اقليمي :D:D

[imported_شبارقة]

هاكم :
1- السيداب 2- الإنقيب 3- البعيميشة


1- السيداب: هو عنقريب كبير جداً عند البدو والعرب الرُحََّل معمول من الحطب (وليس الخشب) سهل التربيط والتفكيك ... الكراع الواحدة منه مكونة من 3 حطبات مربوطات مع بعض والمُلة بتاعتو برضو من الحطب يوضع عليها برش كبير وترقد عليه كل العائلة.

3- البعيميشة :هناك أغنية لصديق عباس بيقول فيها : يقولوا جافية نقول حنينا ويقولوا جاهلة نعد سنينا يقولوا قاسية نقول رضينا دايرين فراقنا مالكم علينا ... إلى أن يقول ...زي البعيميشة تتمايل وتقدل الملكة فوق جيشا ... أها ما هي البعيميشا ؟؟ قصرنا معاكم ؟؟

[imported_شبارقة]

جـِدَي الريل أبو كزيمة تعال نتمشى في الغيما
غيمة ريد تكب في رهيد شواطيهو الخضُر ديما
أها ماهي الكزيما ؟

[imported_شبارقة]

ما الفرق بين الكركاب والكركابة ؟

[imported_أشتر]

جـِدَي الريل أبو كزيمة تعال نتمشى في الغيما
غيمة ريد تكب في رهيد شواطيهو الخضُر ديما
أها ماهي الكزيما ؟

اصل الموضوع عبارة عن زعل ... وانت عارف الزول لم يزعل ببقى كيف ...
صرة وش ... وكرمشة جبهة ... والبوز متر قدام ...
اها التالتة دي ياها الكزيمة ...
زي الحالة الانا فيها دي ... لكن ما شديد

[imported_أشتر]

ما الفرق بين الكركاب والكركابة ؟

الاولى ضكر والتانية انتاية ;)
اول مرة اسمع بالمصطلحات دي ...
!
!
!
!
يا جماعة انتو ما عاوزين تتعولمو ؟

[imported_كيشو]

الاولى ضكر والتانية انتاية ;)
اول مرة اسمع بالمصطلحات دي ...
!
!
!
!
يا جماعة انتو ما عاوزين تتعولمو ؟

ازيك يا ود اب عاقلة
انت يا خوي الكرت الأحمر دا رافعو لـ منو؟

[imported_عادل عسوم]

أنا غايتو لمن أجي بي جاي قاعد يجيني أشمئناط في الخُجلوج
وخمّة نفَس
وقع اقف اقع:mad:
:D

[imported_شبارقة]

أنا غايتو لمن أجي بي جاي قاعد يجيني أشمئناط في الخُجلوج
وخمّة نفَس
وقع اقف اقع:mad:
:D

حبابك والجابك يجيب عقابك ... قع أقف أقع بتشبه قعورد (بتعرف الوِرْدَه يا عادل ؟)....لكن يا ريت تفسِّر لينا الإشمئناط والخجلوج :p

[imported_شبارقة]

ما الفرق بين الكركاب والكركابة ؟

عفوا ً ... المقصود الكركب وليس الكركاب ... ويا ريت برضو تعرفوهو :D (أسألوا حبوباتكم عن أيام عرسهن الأولى ;))

[imported_شبارقة]

صرة وش ... وكرمشة جبهة ... والبوز متر قدام ...
اها التالتة دي ياها الكزيمة ...
زي الحالة الانا فيها دي ... لكن ما شديد

قرّبت يا ود أبو عاقلة وهي ما التالتة ... الكزيمة أقرب للتانية

الكزيمة يا جماعة هي الطفقة الموجودة أعلى أنف جدي الريل (في بداية الجبهة) وهي تزيده جمال ما عادي وتخليك تأكلوا نئ :D.... زي الطفقة الفي منتصف حنك الرجال التي تزيدهم وسامة عند الإبتسامة ;)

[imported_أشتر]

ازيك يا ود اب عاقلة
انت يا خوي الكرت الأحمر دا رافعو لـ منو؟

رافعو في وش الحسكنيت ... الدابو قايم في التقا :D:D

شنو يا زول ياخ ...

عندكم كلب ولا نجي بالدرب ...؟

معقول لكن !!!!!!!!!!

[imported_أشتر]

قرّبت يا ود أبو عاقلة وهي ما التالتة ... الكزيمة أقرب للتانية

الكزيمة يا جماعة هي الطفقة الموجودة أعلى أنف جدي الريل (في بداية الجبهة) وهي تزيده جمال ما عادي وتخليك تأكلوا نئ :D.... زي الطفقة الفي منتصف حنك الرجال التي تزيدهم وسامة عند الإبتسامة ;)

طيب تعال نتمشى في الغيمة ...
شكرن لاصابة البؤبؤ في عين الحقيقة ...
.
.
اها عندنا ... أببّو ... النما (النون مغتسة بالطريقة السودانية) حاجة كدا من نانا
وهو حرف غير موجود ضمن التشكيلة المكونة من التمانية وعشرين لاعبا .... يعني حرف في الرزيف ...

[imported_كيشو]

رافعو في وش الحسكنيت ... الدابو قايم في التقا :D:D

شنو يا زول ياخ ...

عندكم كلب ولا نجي بالدرب ...؟

معقول لكن !!!!!!!!!!

يا زول انت ما مضمون:
أقول ليك عندنا كلب تطنش
أقول ما عندنا كلب تقول لي انت ود حرام:)

[imported_عادل عسوم]

حبابك والجابك يجيب عقابك ... قع أقف أقع بتشبه قعورد (بتعرف الوِرْدَه يا عادل ؟)....لكن يا ريت تفسِّر لينا الإشمئناط والخجلوج :p
هو ألتواء المصران :cool:
والوردة هي الحمى
ليه أنتا قايلني مولود في السعودية ؟:mad:
:D

[imported_منال]

عفوا ً ... المقصود الكركب وليس الكركاب ... ويا ريت برضو تعرفوهو :D (أسألوا حبوباتكم عن أيام عرسهن الأولى ;))

الكركب: شبشب من الخشب ترتديه النساء ... و بستعمل كعلاج ... و الكركب جات من الصوت البعملو مع ايقاع الحسناوات :p:p:p

محمد ابوعاقلة يجازى محنك فى الكركابة

[imported_شبارقة]

الكركب: شبشب من الخشب ترتديه النساء ... و بستعمل كعلاج ...

محمد ابوعاقلة يجازى محنك فى الكركابة

سلامات يا منال يا بت الحبوبات

فعلا ً الكركب شبشب من الخشب ولكنه ليس لكل النساء ... للعروس فقط (ليه ؟ نسأل لينا واحدة يكون عرسوها قبل 70 سنة :)) أما إستعمالوا للعلاج دي إلا يبقى دكتور شول :D

أما بخصوص الكركابة فقد قال المغني في أغنية الدنيا ما دوامه : بركب الكركابه وبـَدَلا في أم روابه

[imported_همس الشوق]

أما بخصوص الكركابة فقد قال المغني في أغنية الدنيا ما دوامه : بركب الكركابه وبـَدَلا في أم روابه

بيقصد السيارة يعني ؟؟؟؟؟؟؟؟goood

[imported_شبارقة]

اها ... النما (النون مغتسة بالطريقة السودانية) حاجة كدا من نانا
وهو حرف غير موجود ضمن التشكيلة المكونة من التمانية وعشرين لاعبا ....

فعلا ً يا ود أبو عاقلة (الجما) مثال لإدغام الجيم في النون (أو العكس :D) جاب لينا حرف عجيب وغريب ولكنه متداول في السودان مثل إنجمينا وجاءت منها عاصمة تشاد ...والجمّام (طبعاًَ ما ح أقدر أكتبها كما تنطق) وهو البئر أو عين المياه .... وبمناسبة الجمّام في واحد شاف ليهو واحدة جميلة جداً في كردفان قام قال ليها : لما شفتك ريقي جمّه ..قالت ليهو : إجمجمن عينيك أَني ليموناية ليك ؟؟؟!!!:D

أها الولد أتعب أمو بتكرار كلمة يمه يمه يمه وكانت هي مشغولة عنه بالتحدث إلى جارتها فقامت قالت ليهو بزعل : الجما ...فما هي المقصود بالجما هنا

[imported_شبارقة]

بيقصد السيارة يعني ؟؟؟؟؟؟؟؟goood

مرحبتين بهمس الشوق ... إجابة صحيحة ولكن العربية وليس السيارة :D

[imported_فيصل سعد]

يا زول انت ما مضمون:
أقول ليك عندنا كلب تطنش
أقول ما عندنا كلب تقول لي انت ود حرام:)


:D:D:D:D
ايوا فلسفة ، منطق ، يا ود عمك شرايطك في السلك :D:D

[imported_فيصل سعد]

مرحبتين بهمس الشوق ... إجابة صحيحة ولكن العربية وليس السيارة :D

يا ود عمك لازم تفوت و تمشي فلكسبلتي خصوصا مع ناس رشا و همس و لنا و منال ديل :D:D بعدين سيارتها و عربيتك واحد زي موبايلي و تلفونك و كدا :D:D ، اها السنة دي حاجي ولا داكي ..

[imported_فيصل سعد]

سلام للاحباب هنا :

ما هو عيش الحقن ؟؟
و الما عارف يستعين ببابكر مخير و ندعوه ان يردف البوست بنماذج مختارة من دفاتر جده الراحل العلامة بابكر بدري طيب الله ثراه ..

[imported_أشتر]

أها الولد أتعب أمو بتكرار كلمة يمه يمه يمه وكانت هي مشغولة عنه بالتحدث إلى جارتها فقامت قالت ليهو بزعل : الجما ...فما هي المقصود بالجما هنا

زي (أبّبّو) دبل با ... ودبل شدة ... ودبل قبينة
في رأي المتواضع انها بتتقال عشان ما الزول يسكت ساي :D:D:D

[imported_أشتر]

يا ود عمك لازم تفوت و تمشي فلكسبلتي خصوصا مع ناس رشا و همس و لنا و منال ديل .

لكن البت مركبة مكنة حنكشة يسوو ليها شنو ...
لو في محل شبارقة كنت رديت بنفس الكلام ...
قالت سيارة قالت !!!!!!!!!!

[imported_jezabell]

لكن البت مركبة مكنة حنكشة !!!!

موش احسن من تركب مكنة عاضة :D:D










تاااااااااااااااااخ

قلبك ابيض يا عمك ;)

جاتني مقنطرة وما ممكن اجليها ثابتة ياااااااااااخ :D:D

[imported_أشتر]

موش احسن من تركب مكنة عاضة :D:D










تاااااااااااااااااخ

قلبك ابيض يا عمك ;)

جاتني مقنطرة وما ممكن اجليها ثابتة ياااااااااااخ :D:D
فيصل ... قالينا ... خليكم ... معاهن ... فلكسبليين
وسوف نكون كذلك لحين شدة !!!!

[imported_شبارقة]

فيصل ... قالينا ... خليكم ... معاهن ... فلكسبليين
وسوف نكون كذلك لحين شدة !!!!

يا ريت نمشي بوصية فيصل ويكون كلامنا خفيف عليهنّ (شدِّدْ وأدغم النون في السكون :D) والكائن يكون ... وكلمني يا حلو العيون;)

[imported_كيشو]

يا ريت نمشي بوصية فيصل ويكون كلامنا خفيف عليهنّ (شدِّدْ وأدغم النون في السكون :D) والكائن يكون ... وكلمني يا حلو العيون;)

فلكسبيليين شنو يا كابتن
ديل ناقصات إسعاد يونس بس
وشهر تلاتة قرب، وتنضم الموجات، وتنزل الحريفات وعينك ما تشوف إلا النور

[imported_شبارقة]

سؤال :
إبريق الطين (أي الإبريق المصنوع من الفخار) -الحناكيش ما شافوهو ولا سمعوا بيهو :p- إسمو شنو؟ ...

كسرت إبريقى والدّنا (ما هي الدّنا ؟) وسكبت على الثرى كأسي .... وأيضاً هذا النوع من الأباريق كسروا الشيخ فرح ود تكتوك (متعمداً) في قصة المرأة التي أرادت الطلاق من زوجها

[imported_كيشو]

سؤال :
إبريق الطين (أي الإبريق المصنوع من الفخار) -الحناكيش ما شافوهو ولا سمعوا بيهو :p- إسمو شنو؟ ...

كسرت إبريقى والدّنا (ما هي الدّنا ؟) وسكبت على الثرى كأسي .... وأيضاً هذا النوع من الأباريق كسروا الشيخ فرح ود تكتوك (متعمداً) في قصة المرأة التي أرادت الطلاق من زوجها

طيب ما تزيد عليهم: العبار

[imported_شبارقة]

طيب ما تزيد عليهم: العبار

ههههههه .... عارف يا كيشو بمناسبة العبّار دي قالوا ليك كان في فكي (أيام الجاهلية في السودان قبل 50 سنة :p) كان الناس بتبركوا ويتمسحوا فيهو ... أها الفكي ده كان بيشرب المريسة :D وعشان مريدوهو وأتباعو ما يشوفوهو كان بيحتفظ بيها في الإبريق بتاعو ... أها في يوم من الأيام أحد مريديه (وكان بالقرب من الفكي) أمسك الإبريق بقوة ويريد أن يشرب من موية الإبريق عشان ينال البركة ... بركة موية إبريق الفكي !!! (بالله شوف الجهل ده كان كيف) ... وطبعا الفكي تمسك بالإبريق خوفاً على إكتشاف أمر المريسة التي بداخله ... ولما شعر بأن الزول سيغلبه ويخطف منه الإبريق قام طوالي إستخدم الدهاء والمكر مستغلا ً جهل الرجل وقال للرجل : إن شاء الله الموية الفيهو تنقلب مريسة .... وقد كان :p .... عليك أن تتخيل مدى دهشة الرجل من سرعة إستجابة الله تعالى لدعاء الفكي :p ولك أن تتخيل إزدياد عدد المريدين للفكي بعد تلك الحادثة :D:D:D .....

[imported_كيشو]

ههههههه .... عارف يا كيشو بمناسبة العبّار دي قالوا ليك كان في فكي (أيام الجاهلية في السودان قبل 50 سنة :p) كان الناس بتبركوا ويتمسحوا فيهو ... أها الفكي ده كان بيشرب المريسة :D وعشان مريدوهو وأتباعو ما يشوفوهو كان بيحتفظ بيها في الإبريق بتاعو ... أها في يوم من الأيام أحد مريديه (وكان بالقرب من الفكي) أمسك الإبريق بقوة ويريد أن يشرب من موية الإبريق عشان ينال البركة ... بركة موية إبريق الفكي !!! (بالله شوف الجهل ده كان كيف) ... وطبعا الفكي تمسك بالإبريق خوفاً على إكتشاف أمر المريسة التي بداخلها ... ولما شعر بأن الزول سيغلبه ويخطف منه الإبريق قام طوالي إستخدم الدهاء والمكر مستغلا ً جهل الرجل وقال للرجل : إن شاء الله الموية الفيهو تنقلب مريسة .... وقد كان :p .... عليك أن تتخيل مدى دهشة الرجل من سرعة إستجابة الله تعالى لدعاء الفكي :p ولك أن تتخيل إزدياد عدد المريدين للفكي بعد تلك الحادثة :D:D:D .....

الفكي دا ذكرني أخونا الأسيوطي ذائع الصيت "قمر" وقمر طبعاً ما هو فكي، وكمان ما بيشرب الخمر، ولكنه يستفيد من المواقف المحرجة بصورة غريبة، والسبب في ذلك هو وقوعه في المواقف المحرجة بصورة دائمة

[imported_شبارقة]

هاكم :

1- الشايه (الشايا)

2- الكـُجَر ( بضم الكاف ...ليست الكـَـجَر التي أوردناها سابقاً بمعنى العساكر)

3- الصـَقـَر

[imported_منال]

سؤال :
إبريق الطين (أي الإبريق المصنوع من الفخار) -الحناكيش ما شافوهو ولا سمعوا بيهو :p- إسمو شنو؟ ...

كسرت إبريقى والدّنا (ما هي الدّنا ؟) وسكبت على الثرى كأسي .... وأيضاً هذا النوع من الأباريق كسروا الشيخ فرح ود تكتوك (متعمداً) في قصة المرأة التي أرادت الطلاق من زوجها

دقيقة يا شبارقة حكينا الحناكيش عن الشيخ فرح و المرا التى اردات الطلاق ... بعدين الحناكيش ديلاك يفتشوا المعنى

[imported_أشتر]

هاكم :

1- الشايه (الشايا)

2- الكـُجَر ( بضم الكاف ...ليست الكـَـجَر التي أوردناها سابقاً بمعنى العساكر)

3- الصـَقـَر

نمرة تلاتة : الصدأ ... وبس وبفتح الصاد وشدها .. طائر ...
وبضم القاف نقط نقط ;):p

[imported_همس الشوق]

لكن البت مركبة مكنة حنكشة يسوو ليها شنو ...
لو في محل شبارقة كنت رديت بنفس الكلام ...
قالت سيارة قالت !!!!!!!!!!

أركب مكنة حنكشة

مكنة حلاقة

ما ليك دعوه :mad:

[imported_أشتر]

أركب مكنة حنكشة

مكنة حلاقة :D:D:D:D:D:D:D

ما ليك دعوه :mad:
طيب ممكن توطي لينا صوتك شوية وترخي التقسيمة ...
معانا ناس كبار !!

رائك شنو
نربط ليك مكنة بلدية وبت قسّم ...
سِنّة سِنّة ... وبراااااحه
اريح لينا وليك
السيارة دي بالفا !!!!!!*

[imported_همس الشوق]

طيب ممكن توطي لينا صوتك شوية وترخي التقسيمة ...
معانا ناس كبار !!

رائك شنو
نربط ليك مكنة بلدية وبت قسّم ...
سِنّة سِنّة ... وبراااااحه
اريح لينا وليك
السيارة دي بالفا !!!!!!*

بت قسم ولا بت بتي looool

[imported_أشتر]

بت قسم ولا بت بتي looool

بت لِف ;);)

[imported_همس الشوق]

بت لِف ;);)

.....................................goood

[imported_شبارقة]

بت لِف ;);)

بت دوِّر ;) ولمن تدوِّر بت سخِّن :D ولمن بتسخِّن بت كركب ولمن بتكركب عجلاتا بت نفِّس :D ولمن عجلاتا تنفس بت جهجه وبت بشتن:D وسلملي على مساعد اللوري القال للسواق في القصة المشهورة : شفقتكم قدت مكنتكم ;)

[imported_شبارقة]

سؤال :
إبريق الطين (أي الإبريق المصنوع من الفخار) -الحناكيش ما شافوهو ولا سمعوا بيهو :p- إسمو شنو؟ ...

إسمو الدروه (ترقيق الدال والراء)

[imported_شبارقة]

هاكم :

1- الشايه (الشايا)

2- الكـُجَر ( بضم الكاف ...ليست الكـَـجَر التي أوردناها سابقاً بمعنى العساكر)

3- الصـَقـَر

1- الشايا هي شعبة صغيرونة يربطوا فيها الحمار أو الدحيش أو المكادي أو النعير :D

2- الكـُجَر هي الستاير ... وما كانت الستاير منتشرة في ذاك الزمن

[imported_كيشو]

إسمو الدروه (ترقيق الدال والراء)

الراء المرققة عرفناها، الدال برققوها كيف؟ يبقوها ذي فرامة الخُدرة؟ goood

بعدين يا عاصم الدروة مش هي بتاعت الديش البيتعلموا فيها النيشان؟
إبريق الطين هو الركوة آا باشمهندس، قال حناكيش قال

[imported_شبارقة]

الراء المرققة عرفناها، الدال برققوها كيف؟ يبقوها ذي فرامة الخُدرة؟ goood

بعدين يا عاصم الدروة مش هي بتاعت الديش البيتعلموا فيها النيشان؟
إبريق الطين هو الركوة آا باشمهندس، قال حناكيش قال

حلوة فرامة الخدرة دي يا كيشو :D... لكن الأباريق أنواع وخشم بيوت ... قال توفيق صالح جبريل :ظلت القيد والقوارير صرعى والأباريق بتن في إطراق ... كسلا أشرقت بها شمس وجدي فهي بالحق جنة الإشراق ... فهل كان يقصد إبريق الطين؟
الركوة هي الإسم القديم لإبريق الزنكي أو إبريق النحاس يا كيشو يا غالاط :D

[imported_كيشو]

حلوة فرامة الخدرة دي يا كيشو :D... لكن الأباريق أنواع وخشم بيوت ... قال توفيق صالح جبريل :ظلت القيد والقوارير صرعى والأباريق بتن في إطراق ... كسلا أشرقت بها شمس وجدي فهي بالحق جنة الإشراق ... فهل كان يقصد إبريق الطين؟
الركوة هي الإسم القديم لإبريق الزنكي أو إبريق النحاس يا كيشو يا غالاط :D

أباريق توفيق صالح جبريل تتناسب مع القصيدة والجو والناس، وهي أباريق أعتقد الشاعر تخيلها لتناسب القصيدة الرائعة (تلقى قزازم ما يديك الدرب) goood

[imported_كيشو]

حلوة فرامة الخدرة دي يا كيشو :D... لكن الأباريق أنواع وخشم بيوت ... قال توفيق صالح جبريل :ظلت القيد والقوارير صرعى والأباريق بتن في إطراق ... كسلا أشرقت بها شمس وجدي فهي بالحق جنة الإشراق ... فهل كان يقصد إبريق الطين؟
الركوة هي الإسم القديم لإبريق الزنكي أو إبريق النحاس يا كيشو يا غالاط :D

الليلة الغلاط هولك، يا خالد الحاج تعال شوف الغلاط الجد جد

[imported_كيشو]

سؤال :
إبريق الطين (أي الإبريق المصنوع من الفخار) -الحناكيش ما شافوهو ولا سمعوا بيهو :p- إسمو شنو؟ ...

كسرت إبريقى والدّنا (ما هي الدّنا ؟) وسكبت على الثرى كأسي .... وأيضاً هذا النوع من الأباريق كسروا الشيخ فرح ود تكتوك (متعمداً) في قصة المرأة التي أرادت الطلاق من زوجها

مع احترامنا للكاشف، لكن أحلى من أغنيته ما قاله سيد خليفة:
قم يا طرير الشباب غنِّ لنا غنِّ
يا حلو يا مستطاب أنشودة الجنِّ
واعصر لي الأعناب واملأ بها دنِّي
من عبقري الرباب أو حرم الفنِّ

[imported_شبارقة]

الليلة الغلاط هولك، يا خالد الحاج تعال شوف الغلاط الجد جد

ههههههه الدروة (فتح الدال هي إبريق الطين) وبكسر الدال هي البتعلمو فيها العساكر النيشان

أهلنا زمان قالوا : الإبريق مع الدروه لا بتشبع ولا بتروى ... المعنى إنو إبريق النحاس أو الزنكي (الركوة) ومعاهم كمان إبريق الطين (الدروه) لمن يكونوا مجتمعين معاك أها إنت لا بتشبع ولا بتروى من الصلاة والعبادة ... أها رائك شنو يا كيشو يا أخوي ... والركوة هي كلمة عربية قديمة تعني إبريق الطين ... لكن في السودان فصّلناها وحددناها :D

[imported_كيشو]

ههههههه الدروة (فتح الدال هي إبريق الطين) وبكسر الدال هي البتعلمو فيها العساكر النيشان

أهلنا زمان قالوا : الإبريق مع الدروه لا بتشبع ولا بتروى ... المعنى إنو إبريق النحاس أو الزنكي (الركوة) ومعاهم كمان إبريق الطين (الدروه) لمن يكونوا مجتمعين معاك أها إنت لا بتشبع ولا بتروى من الصلاة والعبادة ... أها رائك شنو يا كيشو يا أخوي ... والركوة هي كلمة عربية قديمة تعني إبريق الطين ... لكن في السودان فصّلناها وحددناها :D

انا في موقفي، لكن تعال يا شبارقة أنا كنت محتار في الابريق دا يطلعوا بيهو الخلاء، ويتوضوا منو، ويشربوا منو وبرضو ما يكمل

[imported_شبارقة]

انا في موقفي، لكن تعال يا شبارقة أنا كنت محتار في الابريق دا يطلعوا بيهو الخلاء، ويتوضوا منو، ويشربوا منو وبرضو ما يكمل

ههههههههه زي إبريق الفكي الفوق داك ... فيهو البركة ...البركة يا كيشو :p
لكن والله يا كيشو أنا أكتر حاجة كانت بتغيظني وبتحرق دمي لمن أشوف لي زول يشرب من الإبريق ... :mad:

[imported_أشتر]

ما خليتو ليكم ابريق حايم ...
باقي ليكم البغلة ... ونكون شطبنا على كدا !!!!
كلو مرة بتظهر لي غتاتة كيشو جليتن وواضحة ...
طيب انت وكت عارف قدر دا ... رامي روحك بهناك ليه ؟...

[imported_كيشو]

ما خليتو ليكم ابريق حايم ...
باقي ليكم البغلة ... ونكون شطبنا على كدا !!!!
كلو مرة بتظهر لي غتاتة كيشو جليتن وواضحة ...
طيب انت وكت عارف قدر دا ... رامي روحك بهناك ليه ؟...

البغلة ساهلة
انت ما سمعت بالشيخ البخش توووش في الركوة ويغتسل ويجي مارق؟ دي قصة حنكيها هناك في بوست ركن نقاش
انا ما قاعد أجي الحلة دي عشان فيها الشمار + تجار الشمار (إنتو)

[imported_شبارقة]

قالت إمرأة : طالق قفاي ووشيا ... فماذا تعني تلك المرأة بقولها عمن تحب;)

[imported_منال]

قالت إمرأة : طالق قفاي ووشيا ... فماذا تعني تلك المرأة بقولها عمن تحب;)

يعنى زوجها مريحة و مجيهة باينة فى وشها و توبها المغطى قفاها و ممكن يكون بتمدح فى ابوها او اخوها او.... (اصلو بقلو التوب السودانى كان تعرفو بقفا المرا اللبساهو ..
او ام بتغنى لجناها ... اصلو حبوباتى قالو ... الولد بعرفو خصائله من بيت ابوهو وجهيتو لامو ... يعنى حتما عليك كساية امك طوالى و ما تنسى الكريمات و اللوشن .. الصندل و المسك والمحلب .. القرفة و الهبهان و العطور ... سوار دى باريس (ليالى باريس) و فرير دامور الاصلى مهمة جدن ... و كان بقيت كحاين بت السودان تكفى ;);)

اجتهاد سااااى

وبرضو ما بلبس التوب

[imported_شبارقة]

... يعنى حتما عليك كساية امك طوالى و ما تنسى الكريمات و اللوشن ..


يجازي مـِحـَنـِك يا منال :mad: حتى أمهاتنا وحبوباتنا دايراهن يستعملن ديانا و روز ... وتظلطيهن علينا بعد العمر ده وبعد النضار والجمال الطبيعي الاصلو ما مزوَّر حقهن داك ;)

[imported_شبارقة]

وبرضو ما بلبس التوب

:mad:

يعني التوب خسار ؟!
التوب بزار؟!
ما بتاع عمل ... التوب زمان راح وإندثر؟!

[imported_شبارقة]

ما الفرق بين اللعبه واللبعه

[imported_منال]

يجازي مـِحـَنـِك يا منال :mad: حتى أمهاتنا وحبوباتنا دايراهن يستعملن ديانا و روز ... وتظلطيهن علينا بعد العمر ده وبعد النضار والجمال الطبيعي الاصلو ما مزوَّر حقهن داك ;)

ههههههههه اتذكرت نكتة ادروب فى وزير الصحة ...انت بالذات..

شيارقة انت بالذات اكان امك فى ترسل الكريمات و اللوشن الدنيى شتا و الجفاف ... و الربحة الناشفة عشان الكركار حبيبنا داك و كان للحكومة تجيبن دبل الحاجات ديك كلها .. اوعك من القطاعى الدنيا عيد ... و لبنياتك الجميلات ... الدوف شامبو و بلسم و كريم و منظف ... قالو نحن مكلفات :p:p

دقيقة ما انسى بنت السودان ... الفيها صورة سيدنا على الميرعنى مقاس كبير بالله

التوب ما عملى ... و مكلف ... اصلا بحب التوب الابيض فى الشغل

لكن و حاتك ما اندثر ... الا فى خامات اخير عدمو ...كلو كلو

[imported_منال]

ما الفرق بين اللعبه واللبعه

اللعبة : اكان فى الرياضة بتكون لعب ما تش
وفى الحفلة و الرقيص زمان عنى ليهو سرور بيت اللعبه

و اللبعة : الرصعة باليد... مرات بتكون حفيفة و مرات اقوى من البوكس و ان كان البوكس السد بتكون مقموتة و فى اللبعة مفتوحة :p:p

[imported_شبارقة]

شيارقة انت بالذات اكان امك فى ترسل الكريمات و اللوشن الدنيى شتا و الجفاف ... و الربحة الناشفة عشان الكركار حبيبنا داك

متع الله الوالدة وكل الأمهات بالصحة والعافية إن شاء الله ... أمهاتنا ما بستعملن الكريمات واللوشن ... في الشتاء بيستعملن الجلسرين ويخلطنوا بالليمون (لييييه :confused:) ... أما الكركار فهو أصل النعومه والملوسه :D ولا خيار غير الكركار :p

[imported_شبارقة]

اللعبة : أكان فى الرياضة بتكون لعب ما تش
وفى الحفلة و الرقيص زمان عنى ليهو سرور بيت اللعبه

و اللبعة : الرصعة باليد... مرات بتكون حفيفة و مرات اقوى من البوكس و ان كان البوكس اليد بتكون مقموتة و فى اللبعة مفتوحة :p:p

10 من 10 يا منال ... واللعبه المقصودة هي الحفلة

[imported_منال]

متع الله الوالدة وكل الأمهات بالصحة والعافية إن شاء الله ... أمهاتنا ما بستعملن الكريمات واللوشن ... في الشتاء بيستعملن الجلسرين ويخلطنوا بالليمون (لييييه :confused:) ... أما الكركار فهو أصل النعومه والملوسه :D ولا خيار غير الكركار :p

ربنا يخليها و يديها الصحة و العافية والدتك ... و يمد فى ايامها ... الجلسرين خلو ما بنعرفو ... الا التجارة الدولية دى ما جابت اللوشن و الكريمات ما بتاعت الظليط و مفروشات فى الواطة بتاعت العربى ... الا اسال محرب لكركار ذاتو ما بشيل غبشة الشتا ده اصلو جاف

[imported_شبارقة]

http://www.l44l.com/up1/uploads1/images/l44l83e06ebc14.jpg (http://www.l44l.com/up1/uploads1/images/l44l83e06ebc14.jpg)
الزمام والرشمة معروفين ... لكن الفي الرأس ده إسمو شنو ؟ وبعدين في حاجات تشبه الريال برضو في الرأس بيسموها شنو ؟
صاحب أو صاحبة الإجابات الصحيحة ليهو هدية ... أكان ضكر بنقدم ليهو شبكة وأكان إنتاية بنقدم ليها عريس:D:D

[imported_أشتر]

من غير شِبكة ... الجدلة

[imported_شبارقة]

من غير شِبكة ... الجدلة

إزيك يا فردة ... مطول الغيبة مالك ؟

طيب الريالات زغت منها مالك؟:)

[imported_أشتر]

إزيك يا فردة ... مطول الغيبة مالك ؟

طيب الريالات زغت منها مالك؟:)

الحال مستور يا شبارقة ... ريالاتك تنفعك لليوم الأسود:D

[imported_منال]

طيب الريالات زغت منها مالك؟:)

هى ريالات و لا هلالات
الفى الراس نبع الجدلة
اكان الفى الاضان ديك هى الفدا ... جمعها الفدو.. والبتكون زيهن فى الدفة فى الارجل .. الحجل بالرجل .. و فى الضراع كمان ... اها التقليعة الان حزام الوسط من جنيه الذهب

[imported_أشتر]

اها التقليعة الان حزام الوسط من جنيه الذهب
دهب عدييييل كدا !!!!!!!!
صعبتوها شديد لكن !!!!
النشوف لينا حزام ناسف ونخش فيهو احنا بعد دا!!!!!
عجبي!!!!!!*

[imported_شبارقة]

اها التقليعة الان حزام الوسط من جنيه الذهب

نحن أحفظ مالك في الساعد أو المعصم جهجهنا وخرب ميزانيتنا ... تقوموا تسووا لينا حزام وفي الوسط كمان ... أها أكان العروس كانت طخينة أقوم جاري سداري ولا ّ شنو ؟ :D:D

[imported_أشتر]

نحن أحفظ مالك في الساعد أو المعصم جهجهنا وخرب ميزانيتنا ... تقوموا تسووا لينا حزام وفي الوسط كمان ... أها أكان العروس كانت طخينة أقوم جاري سداري ولا ّ شنو ؟ :D:D

طوالي تقع الهلنكات يا شبارقة والحلبة بتجيب الفرق بعدين ...

[imported_منال]

طوالي تقع الهلنكات يا شبارقة والحلبة بتجيب الفرق بعدين ...

يا شبارقة ود ابوعاقلة كلامو ده ديرلوا تفسير من خبير زيك

ايش يقول محمد :cool:

[imported_منال]

نحن أحفظ مالك في الساعد أو المعصم جهجهنا وخرب ميزانيتنا ... تقوموا تسووا لينا حزام وفي الوسط كمان ... أها أكان العروس كانت طخينة أقوم جاري سداري ولا ّ شنو ؟ :D:D

ههههههههه انت راحت عليك ... البركة اللمت احفظ مالك

الا يا شبارقة سمعت بالبنات البسكويت تعرف كلهن بقن زى رصة البسكويت قص قص (داقاق و رجيم طبيعى).. نادر ما تلقى التخينة ... و هن لسان حالهن بقول كدى اليجيب دبلتو دهب عيار 18 هههههههه

[imported_منال]

دهب عدييييل كدا !!!!!!!!
صعبتوها شديد لكن !!!!
النشوف لينا حزام ناسف ونخش فيهو احنا بعد دا!!!!!
عجبي!!!!!!*

هوى اختا الكلام ده بوديك عوج الدرب

الشعار الان من اجل التعايش السلمى و الصلح بين القبائل و العشائر مافيش سلاح ... بتاع العقد الطلقات الثلاثة ديك قالو القانون بيعاقب عليها الجماعة خلوها ...راحت فيها ارواح ياخى اصلو عقد زواج ولا عقد فلل ... الرئاسية كيف جنب البحر ... شفت بدل الطلقة ... الطلبة دايرين كمنجة ...
تسلم كمنجاتك

[imported_همس الشوق]

... و هن لسان حالهن بقول كدى اليجيب دبلتو دهب عيار 18 هههههههه


ههههههههههههههههههه

والله يا منوله يا أختي البنات الزمن ده لسان حالن بقول .......... ذكر مسلم بس وانا البي كله هين ....هههههههههه حالة سعبة

[imported_شبارقة]

لسان حالهن بقول كدى اليجيب دبلتو دهب عيار 18 هههههههه



ههههههههههههههههههه
والله يا منوله يا أختي البنات الزمن ده لسان حالن بقول .......... ذكر مسلم بس وانا البي كله هين ....هههههههههه حالة سعبة

هههههه :D:D مالكن؟ الحاصل شنو يا نسوان؟ مالي أرى تنازلات وإنخفاض في سقف المطلوبات :D... نحن بقينا عملة نادرة ولا ّ شنو ؟

وبالمناسبة دي زماااان حبوبتي قالت لينا : بجي زمن الرجال بيبقوا شوية والنسوان بيبقن كتيرات زي الهم في القلب ... مثلا ً الحلة يكون فيها صبي واحد والباقيات جت عليهن بنيات أها لمن يشوفنوا يقومن يجرن وراهو وكل واحدة شايلة ليها في يدها عود وهو يقوم جاري خوفاً على نفسو ;)... الشاطرة فيهن البتلحقو وتلمسو .. تلمسو بس بالعود .. وتشم العود أكان تلقى فيهو ريحة الصبي ..ريحتو بس بترضي غرورهن :D وعشان كده سموهو شم العود :D .... تشـُمنـَنـَا قدحة :D:D :D:D

[imported_منال]

هههههه :D:D مالكن؟ الحاصل شنو يا نسوان؟ مالي أرى تنازلات وإنخفاض في سقف المطلوبات :D... نحن بقينا عملة نادرة ولا ّ شنو ؟

وبالمناسبة دي زماااان حبوبتي قالت لينا : بجي زمن الرجال بيبقوا شوية والنسوان بيبقن كتيرات زي الهم في القلب ... مثلا ً الحلة يكون فيها صبي واحد والباقيات جت عليهن بنيات أها لمن يشوفنوا يقومن يجرن وراهو وكل واحدة شايلة ليها في يدها عود وهو يقوم جاري خوفاً على نفسو ;)... الشاطرة فيهن البتلحقو وتلمسو .. تلمسو بس بالعود .. وتشم العود أكان تلقى فيهو ريحة الصبي ..ريحتو بس بترضي غرورهن :D وعشان كده سموهو شم العود :D .... تشـُمنـَنـَا قدحة : :D:D

صباحك زين يا شبارقة حكى حبوبتك ذكرنى بتاعين الفرقة الكوميدية وهم بصورو فى مدرسة ثانوى و متوسط كان و البنوت خارجات من المدرسة و فى الحوش الاستاد داك الفى المدرسة و لك ان تتخيلو مليان بنوت ... و وزى خمسة من الشباب بتلفتو و باندهاش و غميض و فتيح عيون ... واحد بضحك ضحكة مدوية بقول هسه يلقوا ليكم عرسان وين بعد الشباب استشهدوا ... ما بحضر زمن العود ده .... الا القدحة من الصافية ما بشمها :D:D:D و هى مقولة تضرب للشىء صعب تحقيقه و يحتاج لمال و قومة نفس ... واعتقد بانو الزواج ما تجارة ... ولو بسيطة شنطة اها شنطة شيلة مادايرها :p:D... شفت التنازلات كيف looool

[imported_كيشو]

واعتقد بانو الزواج ما تجارة ... ولو بسيطة شنطة اها شنطة شيلة مادايرها :p:D... شفت التنازلات كيف looool

يا أخوانا أرجعوا لينا للمصطلحات
ومنال دي شفعوني فيها:
أدوها شيلة باكر gooodgooodgoood

[imported_شبارقة]

يا أخوانا أرجعوا لينا للمصطلحات


حاضر يا كيشو ... لكن مرة مرة كده الكلام بيتفرع ... لكن لن نحيد وبنعرف نقرعوا ;)رُفـــــــَاعَه الرُبَّة قَافَاها البــــَليب ‎طَربــــــانْ‎ ‎
نــــــــَاطح المِنُّو ميثـــــــاق قلبي مو‎ ‎خَرْبــــــَانْ‎
فـــــــوسيبْ السَواقي البي اللَدوب شَرْبــــانْ‎
بِلودُوْ بعيدة فــــــــــوقْ في بَاديةْ العُرْبــــــــــانْ‎ ‎

1- الرُبَّة
2- البــــَليب‎
3- الفوسيب
4- اللدوب

[imported_كيشو]

حاضر يا كيشو ... لكن مرة مرة كده الكلام بيتفرع ... لكن لن نحيد وبنعرف نقرعوا ;)رُفـــــــَاعَه الرُبَّة قَافَاها البــــَليب ‎طَربــــــانْ‎ ‎
نــــــــَاطح المِنُّو ميثـــــــاق قلبي مو‎ ‎خَرْبــــــَانْ‎
فـــــــوسيبْ السَواقي البي اللَدوب شَرْبــــانْ‎
بِلودُوْ بعيدة فــــــــــوقْ في بَاديةْ العُرْبــــــــــانْ‎ ‎

1- الرُبَّة
2- البــــَليب‎
3- الفوسيب
4- اللدوب

إنت زعلت وللا شنو ؟ :)

[imported_فيصل سعد]

سلام للاحباب هنا و تحايا :

الربة : أي الخليط . ورفاعة كانت تعرف بهذا الاسم لانها تجمع العديد من العرقيات وتتعدد فيها الاجناس ، ومن الاقوال الشائعة " رفاعة الربة لا مسيد لا قبة " .
البليب : اسم جمل الشاعر . و لنا حق الملكية في الاسم و يمكننا مقاضاة شركات الاتصالات الخليجية لاطلاق اسم البليب على اجهزة ال Pagers :D:D:D
اللدوب هو ثور الساقية.
الفوسيب هو النبات الغض الطري الذي لم يستوي و يغلظ ساقه.

و الشاهد في الموضوع :D:D هنا شبه الشاعر محبوبته بـ " الفوسيب " الذي تسقيه السواقي التي يديرها الثور المتمرس ..

[imported_كيشو]

سلام للاحباب هنا و تحايا :

اللدوب هو ثور الساقية.
الفوسيب هو النبات الغض الطري الذي لم يستوي و يغلظ ساقه.

و الشاهد في الموضوع :D:D هنا شبه الشاعر محبوبته بـ " الفوسيب " الذي تسقيه السواقي التي يديرها الثور المتمرس ..

الظاهر الفرجوني ما رجع وخشمو ملح ملح :)

[imported_كيشو]

شايف لمبتك صلحوها
صلحوها الشوايقة:D

[imported_فيصل سعد]

الظاهر الفرجوني ما رجع وخشمو ملح ملح :)

يا ود عمك لو ما ملح ملح ياكا مسختو و مررتو ليو :D:D:D بعدين يا مولانا عصام انت شبارقة بتين سميتوا الفرجوني :D:D على الاقل كان تدينا خبر و كدا ..

غايتو جنس غايتو :D:D:D

[imported_فيصل سعد]

شايف لمبتك صلحوها
صلحوها الشوايقة:D

الكلام دا بعدين بتاباو :D:D

[imported_شبارقة]

إنت زعلت وللا شنو ؟ :)

ههههه مرة عمنا فتحي مسعد (الله يطراهو بالخير) زعـّلنا وقال لينا مصطلحاتكم بقت ساهلة وبسيطة وأي حنكوش يقدر يحلها ... قمنا أديناهو من التقيل ... قام كب الزوغة وفارقنا فراق الطريفي لي جملو ...

[imported_شبارقة]

سلام للاحباب هنا و تحايا :

الربة : أي الخليط . ورفاعة كانت تعرف بهذا الاسم لانها تجمع العديد من العرقيات وتتعدد فيها الاجناس ، ومن الاقوال الشائعة " رفاعة الربة لا مسيد لا قبة " .
البليب : اسم جمل الشاعر . و لنا حق الملكية في الاسم و يمكننا مقاضاة شركات الاتصالات الخليجية لاطلاق اسم البليب على اجهزة ال Pagers :D:D:D
اللدوب هو ثور الساقية.
الفوسيب هو النبات الغض الطري الذي لم يستوي و يغلظ ساقه.

و الشاهد في الموضوع :D:D هنا شبه الشاعر محبوبته بـ " الفوسيب " الذي تسقيه السواقي التي يديرها الثور المتمرس ..

برافو عليك ...بقيت تذاكر دروسك كويس يا ود سعد :D:D:D

[imported_فيصل سعد]

برافو عليك ...بقيت تذاكر دروسك كويس يا ود سعد :D:D:D

البركة فيك يا عاصم و منكم نستفيد يا مدير و راعي و مرشد البوست دون منازع ..
الخرفان اسعارها كيف عندكم بهناك ؟؟

[imported_كيشو]

الكلام دا بعدين بتاباو :D:D

يا زول مالك داير تجيب لي الهوا، أنا قاصد شوايقة المنبر دا (خالد وعكود)
الما بتريدوهو خافوا الله فيهو goood

[imported_شبارقة]

البركة فيك يا عاصم و منكم نستفيد يا مدير و راعي و مرشد البوست دون منازع ..
الخرفان اسعارها كيف عندكم بهناك ؟؟

مدير ممكن .... مرشد جماعة ممكن :D لكن راعي وأسعار خرفان دي بتخليني في الضلمة أحمّر ليك :mad:

[imported_شبارقة]

الخرفان اسعارها كيف عندكم بهناك ؟؟

تتراوح ما بين 900 و 1000 ريال

رسـِّل لي القنـزب وأنا ح أرسل ليك خروف بالـ e-mail :D

[imported_فيصل سعد]

تتراوح ما بين 900 و 1000 ريال

رسـِّل لي القنـزب وأنا ح أرسل ليك خروف بالـ e-mail :D

الف ريال دا خروف ولا عجل ؟؟ اجعص خروف مدوعل و "بلدي جزيرة كمان" عندنا هنا ب 200 دولار .. و قنزب شنو الارسلوا ليك دار تشرشحني قبايل العيد يا ود عمك :D:D دا بدل تقولي بضبح ليك و بدعوا ليك في الحرم انه رب العباد يفك سواجيرنا و كدا :D:D

[imported_شبارقة]

الف ريال دا خروف ولا عجل ؟؟ اجعص خروف مدوعل و "بلدي جزيرة كمان" عندنا هنا ب 200 دولار .. و قنزب شنو الارسلوا ليك دار تشرشحني قبايل العيد يا ود عمك :D:D دا بدل تقولي بضبح ليك و بدعوا ليك في الحرم انه رب العباد يفك سواجيرنا و كدا :D:D

:D:D ههههههه ومن حيثيات كلامك هاكم :

1- مدوعل
2- ساجور
3- سبر

[imported_همس الشوق]

:D:D ههههههه ومن حيثيات كلامك هاكم :

1- مدوعل
2- ساجور
3- سبر

مدوعل : سمييييييييييييييييين ومربرب ..:D
ساجور : يعني عارض ... او زي ما بقولوا مطب ...

سبر : إذا كانت بكسر السين ... إتخيل لي مرض او طريقة علاج بلدية ,,,, حاجة كده
ياخ مافي خيارات .. المعني يمشي ويجيني لكن ابى .........goood

[imported_فيصل سعد]

:D:D ههههههه ومن حيثيات كلامك هاكم :

1- مدوعل
2- ساجور
3- سبر

و مالك جليت اجعص :D:D ولا انتوا يا ناس الصعيد ما بتموا جميلكم و كدا :D:D

[imported_فيصل سعد]

مدوعل : سمييييييييييييييييين ومربرب ..:D
ساجور : يعني عارض ... او زي ما بقولوا مطب ...

سبر : إذا كانت بكسر السين ... إتخيل لي مرض او طريقة علاج بلدية ,,,, حاجة كده
ياخ مافي خيارات .. المعني يمشي ويجيني لكن ابى .........goood

يا همس سبر معناها محوطة و مكتوبة و كدا :D:D و عندها علاقة بالفقراء و الاناطين و ناس الدجل و الشعوزة و هلمجرا ،، بالمناسبة انت مالك بتجليني و تعفصي لي في بوستاتك لا سلام لا كلام لا عتاب لا افادة :D:D بطلي الحقارة انا ما مالي عينك ولا شنو ؟؟ :D:D

[imported_همس الشوق]

يا همس سبر معناها محوطة و مكتوبة و كدا :D:D و عندها علاقة بالفقراء و الاناطين و ناس الدجل و الشعوزة و هلمجرا ،، بالمناسبة انت مالك بتجليني و تعفصي لي في بوستاتك لا سلام لا كلام لا عتاب لا افادة :D:D بطلي الحقارة انا ما مالي عينك ولا شنو ؟؟ :D:D

دقيقة يا خوي هدي اللعب

وحاة الله ما حصل في حياتي جليت زول ... معقوله يا فيصل ... بعد الجوابات دي كلها وثقة مافي goood

أمشي شوف انا رديت عليك ولا لأ
والله اول زول جيت الصباح رديت عليك

اها شن قولك
ولك العتبى حتى تستغيث

[imported_كيشو]

يا همس سبر معناها محوطة و مكتوبة و كدا :D:D و عندها علاقة بالفقراء و الاناطين و ناس الدجل و الشعوزة و هلمجرا ،، بالمناسبة انت مالك بتجليني و تعفصي لي في بوستاتك لا سلام لا كلام لا عتاب لا افادة :D:D بطلي الحقارة انا ما مالي عينك ولا شنو ؟؟ :D:D

السِبِر هو ما يتشاءم به أو منه الناس، ذي العرس في الويحيد، ودخول العاقر على الوالدة جديد

ما لك ما كملت باقي كلامك يا إسماعيل الحاج موسى؟ :)

[imported_شبارقة]

[color=#FF0000]سبر : إذا كانت بكسر السين ... إتخيل لي مرض او طريقة علاج بلدية ,,,, حاجة كده
ياخ مافي خيارات .. المعني يمشي ويجيني لكن ابى .........goood


يا همس سبر معناها محوطة و مكتوبة و كدا :D:D و عندها علاقة بالفقراء و الاناطين و ناس الدجل و الشعوزة و هلمجرا :D:D

بمناسبة السبـِر قالوا زمااان أيام حبوباتنا الأوائل كان في واحدة نفساء وبعدين جاء أحد أقاربها ليبارك لها المولود وكان في قرية تقع على الضفة الأخرى من النيل (البحر) يعني قطع البحر وجاءها ... المهم بعد زيارتو ليها بشوية توفيت النفساء (علما ً بأن الرجل لم تكن عينو حارة)... وتكررت هذه الحركة مع نفساء أخرى بواسطة رجل آخر وهكذا ... أها بعدين بقوا الناس يتسابروا بدخول من قطع البحر على أي نفساء .... (علما ً بأن حمى النفاس هي السبب لأنها قرضت النسوان قرِض في ذاك الزمان) .... أها وقع ليكم معنى الســِبـِر

[imported_فيصل سعد]

السِبِر هو ما يتشاءم به أو منه الناس، ذي العرس في الويحيد، ودخول العاقر على الوالدة جديد

ما لك ما كملت باقي كلامك يا إسماعيل الحاج موسى؟ :)


عاد اكملوا كيف و اذا حضر الماء بطل التيمم :D:D

[imported_شبارقة]

السِبِر هو ما يتشاءم به أو منه الناس، ذي العرس في الويحيد، ودخول العاقر على الوالدة جديد


أنا كنت بكتب في قصتي عن السبر ولقيتك دخلت بالجواب الصحيح يا كيشو

[imported_كيشو]

عاد اكملوا كيف و اذا حضر الماء بطل التيمم :D:D

ما تكملوا إنت العامل فيها بطل ورافع شعار:
الكاين يكونgooodgoood

[imported_شبارقة]

أهلنا قالوا : البـِعـِد ولا البلاد أم سـِعـِد ... ما المقصود بأم سـِعـِد ؟

[imported_فيصل سعد]

ما تكملوا إنت العامل فيها بطل ورافع شعار:
الكاين يكونgooodgoood

خايف اكملوا تنط لي في حلقي :D:D و انت عارف انا ما بقدر اغالطك و ما بقدر على زعلك في نفس الوكت .. شفت مصيبتي قدر كيف ؟؟؟

[imported_فيصل سعد]

أهلنا قالوا : البـِعـِد ولا البلاد أم سـِعـِد ... ما المقصود بأم سـِعـِد ؟

قطع شك ما حبوبتي عشة بت النخيل رحمة الله تغشاهم ..

[imported_كيشو]

أهلنا قالوا : البـِعـِد ولا البلاد أم سـِعـِد ... ما المقصود بأم سـِعـِد ؟

وأهلنا قالوا:
الخلا ولا الرفيق الفسِل

[imported_همس الشوق]

بمناسبة السبـِر قالوا زمااان أيام حبوباتنا الأوائل كان في واحدة نفساء وبعدين جاء أحد أقاربها ليبارك لها المولود وكان في قرية تقع على الضفة الأخرى من النيل (البحر) يعني قطع البحر وجاءها ... المهم بعد زيارتو ليها بشوية توفيت النفساء (علما ً بأن الرجل لم تكن عينو حارة)... وتكررت هذه الحركة مع نفساء أخرى بواسطة رجل آخر وهكذا ... أها بعدين بقوا الناس يتسابروا بدخول من قطع البحر على أي نفساء .... (علما ً بأن حمى النفاس هي السبب لأنها قرضت النسوان قرِض في ذاك الزمان) .... أها وقع ليكم معنى الســِبـِر

بااااااااااااااااااااااس الله يبارك فيك يا شبارقة

العربي دا ما صعب خلاص

ايوه صاح اتذكرته ..... اهلنا بقولوا ليك العرس بين العيدين ما كوين .. صاح دا سبر اهلنا والعرسان لازم يتجرتقوا .... وود الطهور لازم يودوهو البحر ... والنفساء يوم الاربعين لازم تمشي البحر ...

غايتو جنس غايتو

[imported_كيشو]

السِبِر هو ما يتشاءم به أو منه الناس، ذي العرس في الويحيد،


الويحيد هو شنو؟

[imported_منال]

الويحيد هو شنو؟

الويحيد مصطلح محلى لشهر هجرى و منها برضو ما عرف سايق و قصير و الضحيتين المولد وهكذا
و تانى الويحيد ... للجنى الذكر وحيد امو

[imported_شبارقة]

بااااااااااااااااااااااس الله يبارك فيك يا شبارقة

العربي دا ما صعب خلاص

ايوه صاح اتذكرته ..... اهلنا بقولوا ليك العرس بين العيدين ما كويس .. صاح دا سبر اهلنا والعرسان لازم يتجرتقوا .... وود الطهور لازم يودوهو البحر ... والنفساء يوم الاربعين لازم تمشي البحر ...

غايتو جنس غايتو

نعم ... والسـِبـِر هو التشاؤم والتطائر ... وطبعاً كما هو معلوم جاتنا من الجاهلية ... والإسلام يمنعها ويحاربها ولكن للأسف ما زالت متوفرة عندنا بكثرة ليس في السودان وحده بل في معظم المجتمعات العربية .

[imported_كيشو]

الويحيد مصطلح محلى لشهر هجرى و منها برضو ما عرف سايق و قصير و الضحيتين المولد وهكذا
و تانى الويحيد ... للجنى الذكر وحيد امو

مصطلح دي ظريفة
الويحيد هو مسمى شهر صفر عند حبوباتنا

[imported_شبارقة]

.. صاح دا سبر اهلنا والعرسان لازم يتجرتقوا .... وود الطهور لازم يودوهو البحر ... والنفساء يوم الاربعين لازم تمشي البحر ...

غايتو جنس غايتو

حتى الزِرّيعَة (حقت الآبري) بـِخـُتو فيها سكين وفحمة :D
والمره لمن تكون ما معاها مرة تانية في العربية (السيارة ;)) بـِخـُتو معاها طوبة :D
غايتو جنس جهل غايتو :p

[imported_همس الشوق]

حتى الزِرّيعَة (حقت الآبري) بـِخـُتو فيها سكين وفحمة :D
والمره لمن تكون ما معاها مرة تانية في العربية (السيارة ;)) بـِخـُتو معاها طوبة :D
غايتو جنس جهل غايتو :p

ياخي والله جهل مبالغ فيهو

لكن على ما أعتقد انه الاشياء دي هسه إنقرضت .. ما زي زمان

وقالو المرا لمن راجلها يموت ما تستحمى بي صابون بريحة ولا تسرح شعرها .. وما تتكلم طيلة المدة ما بين المغرب والعشاء ........ أجي يا اخواني ... في جهل اكتر من ده

[imported_شبارقة]

أهلنا قالوا : البـِعـِد ولا البلاد أم سـِعـِد ... ما المقصود بأم سـِعـِد ؟

السـِعـِد جمع لإسم نبات مفرده السـِعـِدة Ziziphus spina christi وهو نبات غير مرغوب فيه لا للإنسان ولا للحيوان ... ولكنه أثبت فاعليته ضمن بعض النباتات الأخرى كقاتل للقواقع المائية الناقلة لطفيل البلهارسيا

[imported_فيصل سعد]

سلام يا شباب :

ماهو البدوك و الجخنون و الميز و القشلاق ؟

[imported_osman mahmoud]

أنا كنت بكتب في قصتي عن السبر ولقيتك دخلت بالجواب الصحيح يا كيشو

اربعاء وعقاب شهر فى هذا اليوم تحرم اشياء كثيرة منها السفر والرحيل او اتخاذ قرارات مهمة

[imported_كيشو]

سلام يا شباب :

ماهو البدوك و الجخنون و الميز و القشلاق ؟

الجخنون هو الداعوس في لغة أقوام
الميز معروف
القشلاق ياتو؟ حق الديش وللا حق البوليص؟:)

[imported_فيصل سعد]

الجخنون هو الداعوس في لغة أقوام
الميز معروف
القشلاق ياتو؟ حق الديش وللا حق البوليص؟:)

افادت مصادرنا، بان مدير و دينمو هذا البوست، اخونا المتمرد شبارقة توعد لقائد المحاولة الانقلابية الفاشلة، حبيبنا اسامة الكاشف بان يغطس حجر هذا البوست و يجيب خبره و يقطع طاريه و يبيته القوى و يلحقه امات طه :D:D و كل ذلك التآمر و المخطط المكشوف لدينا، تم بايعاز من الرعديد كيشو، العقل المدبر، الذي غوص نفسه داخل البوست لتشتيت الكورة و تطفيش الجكس من هنا، مما عكر صفو المساعد الاول المستشار الرئاسي محمد ابو عاقلة، الذي حرد البوست و رفع قناية و اعتكف بالفيسبوك و مسابح الدوحة و منتجعاتها الشتوية الدافئة ساونا و جاكوزي :D:D و الله يرحم ايامه الساكوبيس في القمائر و الكبجاب مع عماد لوفا و صحبه الميامين دون التطرق لعسلية سبعة بيوت و مريسة الفتيحاب و ابيض ضمير قسيمة بنكهة الجوافة، و غواني الشهداء و سعد قشرة و كرتون كسلا و هكذا حال البلاد :D:D صفا انتباه، مطلوب حضور الجميع للتمام و التفتيش ..

حدد المصطلحات العامية في الفقرة اعلاه ؟

[imported_كيشو]

افادت مصادرنا، بان مدير و دينمو هذا البوست، اخونا المتمرد شبارقة توعد لقائد المحاولة الانقلابية الفاشلة، حبيبنا اسامة الكاشف بان يغطس حجر هذا البوست و يجيب خبره و يقطع طاريه و يبيته القوى و يلحقه امات طه :D:D و كل ذلك التآمر و المخطط المكشوف لدينا، تم بايعاز من الرعديد كيشو، العقل المدبر، الذي غوص نفسه داخل البوست لتشتيت الكورة و تطفيش الجكس من هنا، مما عكر صفو المساعد الاول المستشار الرئاسي محمد ابو عاقلة، الذي حرد البوست و رفع قناية و اعتكف بالفيسبوك و مسابح الدوحة و منتجعاتها الشتوية الدافئة ساونا و جاكوزي :D:D و الله يرحم ايامه الساكوبيس في القمائر و الكبجاب مع عماد لوفا و صحبه الميامين دون التطرق لعسلية سبعة بيوت و مريسة الفتيحاب و ابيض ضمير قسيمة بنكهة الجوافة، و غواني الشهداء و سعد قشرة و كرتون كسلا و هكذا حال البلاد :D:D صفا انتباه، مطلوب حضور الجميع للتمام و التفتيش ..

حدد المصطلحات العامية في الفقرة اعلاه ؟


أمات طه تاااني؟

[imported_أشتر]

مما عكر صفو المساعد الاول المستشار الرئاسي محمد ابو عاقلة، الذي حرد البوست و رفع قناية و اعتكف بالفيسبوك و مسابح الدوحة و منتجعاتها الشتوية الدافئة ساونا و جاكوزي :D:D و الله يرحم ايامه الساكوبيس في القمائر و الكبجاب مع عماد لوفا و صحبه الميامين دون التطرق لعسلية سبعة بيوت و مريسة الفتيحاب و ابيض ضمير قسيمة بنكهة الجوافة، و غواني الشهداء و سعد قشرة و كرتون كسلا و هكذا حال البلاد :D:D صفا انتباه، مطلوب حضور الجميع للتمام و التفتيش ..

ههههههههههههههههههه
لسه فاكر ... الله يرحم القمائر وحفر القمائر وتلك الكٌبب التي انقرضت حيث لا عشش ...
لا مرايس لا عرايس ... وكشحوووووووو ... حيث القماير خلفكم والدباغة امامكم وقومي يا الهجرة لفي ... تلقى نفسك في مركب مبنشرة والكايا مدورة والموجة تقيف ورا الموجة وثابت عندك واحد إريرا ...
ياخوي دوّر بينا البلد دا ... *
وكلامك وما به من مرتكزات كتيرة تخلي الواحد يقرص ويتسند ثم يتكل على ماضي تليد وبعد ذلك يتكل على الله ...
قلنا ليك ما تفتح نفاجات تتور علينا الذكرى الهيجتني ... خلينا ساكتين بالغبينة احسن!!!
على فكرة .. عندي قصة طريفة جدن حصلت ورا سينما الوطنية واكيد عارف ورا السينما في بيوت احرار وناس كتار:D:D;);)

[imported_أشتر]

و كل ذلك التآمر و المخطط المكشوف لدينا، تم بايعاز من الرعديد كيشو، العقل المدبر، الذي غوص نفسه داخل البوست لتشتيت الكورة و تطفيش الجكس من هنا،
ياخي دا لا برحم ولا عاوز رحمتو تنزل !!!!
ودا عيب الناس البايعين القضية ...

[imported_كيشو]

واكيد عارف ورا السينما في بيوت احرار وناس كتار:D:D;);)

أحرار دي كانت من أكبر الشركات العقارية في السودان، قبل أن يعرف الناس الشركات العقارية
هسه يا ود اب عاقلة انت مؤجر من ياتو شركة عقارية؟:D

[imported_فيصل سعد]

ههههههههههههههههههه
لسه فاكر ... الله يرحم القمائر وحفر القمائر وتلك الكٌبب التي انقرضت حيث لا عشش ...
لا مرايس لا عرايس ... وكشحوووووووو ... حيث القماير خلفكم والدباغة امامكم وقومي يا الهجرة لفي ... تلقى نفسك في مركب مبنشرة والكايا مدورة والموجة تقيف ورا الموجة وثابت عندك واحد إريرا ...
ياخوي دوّر بينا البلد دا ... *
وكلامك وما به من مرتكزات كتيرة تخلي الواحد يقرص ويتسند ثم يتكل على ماضي تليد وبعد ذلك يتكل على الله ...
قلنا ليك ما تفتح نفاجات تتور علينا الذكرى الهيجتني ... خلينا ساكتين بالغبينة احسن!!!
على فكرة .. عندي قصة طريفة جدن حصلت ورا سينما الوطنية واكيد عارف ورا السينما في بيوت احرار وناس كتار:D:D;);)

طيب ما تفتها لينا سريع هنا :D:D
او ادينا منها طرف خيت خيتين حسب التساهيل :D:D

[imported_كيشو]

ياخي دا لا برحم ولا عاوز رحمتو تنزل !!!!
ودا عيب الناس البايعين القضية ...

إنت ما خلينا ليك نط الحبل، ما تقتنع بي قدرك وتسكت مننا :D
أما شبارقة فسنعقد ليه مجلس محاسبة، عارفين دفاعو شنو؟ قال عايز يستكشف! دا أسلوبم يا زملاء goood

[imported_أشتر]

أحرار دي كانت من أكبر الشركات العقارية في السودان، قبل أن يعرف الناس الشركات العقارية
هسه يا ود اب عاقلة انت مؤجر من ياتو شركة عقارية؟:D

تواوا انتربرايسز ...
في داعي للأسئلة المحرجة دي ؟!!!!!!!!!!!!!!!

[imported_أشتر]

طيب ما تفتها لينا سريع هنا :D:D
او ادينا منها طرف خيت خيتين حسب التساهيل :D:D

فتها صعب ...
راس الخيت بس بوديني التوج ...
كلو من فريد النحاس الله يطراهو بالخير ...

[imported_فيصل سعد]

تواوا انتربرايسز ...
في داعي للأسئلة المحرجة دي ؟!!!!!!!!!!!!!!!

دي احدى مجموعات بدر الدين الامير
و لا انا داقس يا فردة :D:D
و تحياتنا ليو و ليكم انتربرايسز ..

[imported_أشتر]

دي احدى مجموعات بدر الدين الامير
و لا انا داقس يا فردة :D:D
و تحياتنا ليو و ليكم انتربرايسز ..

:D:D:D:D
والله لقيتك تفتيحة للطيش
ياخ من عماد لوفا عرفتا ذاكرتك اللهم لا شماتة ...
بتجيب الحاجات دي من وين؟

[imported_فيصل سعد]

فتها صعب ...
راس الخيت بس بوديني التوج ...
كلو من فريد النحاس الله يطراهو بالخير ...

مافي عوجة ، عملت لينا شنو في ال CV
و اخبار الوظيفة الساكيها لينا شنو :D:D
الايام دي عندنا اخونا قطري في القهوة هنا
بنجر شيشا سواء من عائلة المهندي، و قريب حرم سمو الامير
كلما يتكبسن يوزع لينا في الوعود و احلام اليقظة :D:D
و لمن نعصروا في الضمنة يشبكنا "دوحة ايه و قطر ايه الله يهداكم"

[imported_طارق صديق كانديك]

فتها صعب ...
راس الخيت بس بوديني التوج ...
كلو من فريد النحاس الله يطراهو بالخير ...

ههههههههههههههه

غايتو الواحد كلما نفسو يقوم ... يجي في الضل ده .. يستمتع شويه ويتخارج ...!!!

( أبيض ضميرك) .. وانا عارفو .. الله يبيض النية ... وكان باضت .. ممكن تفقس .. كتاكيتن .. يسوسو .. سااااااي ... !!!

كجمورو .. وربما شرابيتن .. طااااااااااااااااااعمة ستكون حاضرة هذه الأيام بكثرة ...!!!

[imported_أشتر]

مافي عوجة ، عملت لينا شنو في ال CV
و اخبار الوظيفة الساكيها لينا شنو :D:D
:D يا زول اللبط خليها ... امشي للناس القلت ليهم سكوها لي ;);)
الايام دي عندنا اخونا قطري في القهوة هنا
بنجر شيشا سواء من عائلة المهندي، و قريب حرم سمو الامير
كلما يتكبسن يوزع لينا في الوعود و احلام اليقظة :D:D
و لمن نعصروا في الضمنة يشبكنا "دوحة ايه و قطر ايه الله يهداكم"
الفت عندكم لكن ...
ولاتأخذ من أفواه المكبسنين سوى الخرابيط الهراء !!!!! ولد دا:D:D

[imported_فيصل سعد]

:D يا زول اللبط خليها ... امشي للناس القلت ليهم سكوها لي ;);)

:D:D

دي برضوا وصلوها و ادوك ليها ;);)
يصبروا لي الجوز :D:D و اتاري انا كلما اسأل
يقولوا لي ود ابو عاقلة معطل الامور غيرة و حسادة :D:D

[imported_أشتر]

ههههههههههههههه
غايتو الواحد كلما نفسو يقوم ... يجي في الضل ده .. يستمتع شويه ويتخارج ...!!!
( أبيض ضميرك) .. وانا عارفو .. الله يبيض النية ... وكان باضت .. ممكن تفقس .. كتاكيتن .. يسوسو .. سااااااي ... !!!
كجمورو .. وربما شرابيتن .. طااااااااااااااااااعمة ستكون حاضرة هذه الأيام بكثرة ...!!!
طارق ...
بردكم وصل العضم ولا شنو ؟
غايتو قعدتك على الهبشة دي منها خوف ...

[imported_أشتر]

دي برضوا وصلوها و ادوك ليها ;);)
يصبروا لي الجوز :D:D و اتاري انا كلما اسأل
يقولوا لي ود ابو عاقلة معطل الامور غيرة و حسادة :D:D

اول حاجة ما بغير من زول اكبر مني وبحترمو :D;):D جكك
وتاني حاجة عارف قلبك ابيض وكلك حسن نية ...
وتالت حاجة بلّها ولوك الصبر ...

[imported_فيصل سعد]

اول حاجة ما بغير من زول اكبر مني وبحترمو :D;):D جكك
وتاني حاجة عارف قلبك ابيض وكلك حسن نية ...
وتالت حاجة بلّها ولوك الصبر ...

الحمد لله ما فيها شراب موية و كدا :D:D

قف تأمل :

وجب السؤال عن حال و احوال اخونا شبارقة
و عساه بخير و عافية .. و في امن و امان ..

[imported_أشتر]

الحمد لله ما فيها شراب موية و كدا :D:D
قف تأمل :
وجب السؤال عن حال و احوال اخونا شبارقة
و عساه بخير و عافية .. و في امن و امان ..

كانت فيهــــا ... وبنطفيهـــــا ...
الدمار ... قالو مِيِتة وخراب ديـــــار ...
وقفنا ... شبارقة ... طال غيابك طال !!!

[imported_بدور التركي]

حزين وواعىgoood

صباح الخير

[imported_فيصل سعد]

حزين وواعىgoood

صباح الخير

صباح النور عليك يا بدور ..

[imported_شبارقة]

شكرا ً لكل من سأل عنا هنا وخصوصا ً فيصل وود أبو عاقلة ... يسأل عنكم الخير والأيام الطيبة إن شاء الله وكل عام وأنتم بخير

رجعنا للإرشيف وجيناكم بالمصطلحات التالية :
ممهوج
موهدب
مبتب
الوكـّاي
توسرو
التقاة
الفداية
الحاري والطاري
الحيف
الرحيح
التحيح
الفلكابة
السايحة والمتراوحة
الدرت
عنقالي
مركوز
مختر
القيساب

امنياتنا للجميع بالتوفيق و النجاح

[imported_فيصل سعد]

شكرا ً لكل من سأل عنا هنا وخصوصا ً فيصل وود أبو عاقلة ... يسأل عنكم الخير والأيام الطيبة إن شاء الله وكل عام وأنتم بخير

رجعنا للإرشيف وجيناكم بالمصطلحات التالية :
ممهوج
موهدب
مبتب
الوكـّاي
توسرو
التقاة
الفداية
الحاري والطاري
الحيف
الرحيح
التحيح
الفلكابة
السايحة والمتراوحة
الدرت
عنقالي
مركوز
مختر
القيساب


امنياتنا للجميع بالتوفيق و النجاح


يا ابن العم حمد الله سلامة ،،
و يمين شوفتك و طلتك بالدنيا ..

و ما شاء الله جيتنا غانم، و ايدك ملانة تب :D:D

[imported_فيصل سعد]

شكرا ً لكل من سأل عنا هنا وخصوصا ً فيصل وود أبو عاقلة ... يسأل عنكم الخير والأيام الطيبة إن شاء الله وكل عام وأنتم بخير





الحاري والطاري





بيقبلوا تاء مربوطة ولا لا ؟؟

[imported_فيصل سعد]

اشرح و عدد معاني و استعمالات الجلة بضم الجيم ؟

[imported_فيصل سعد]

حصريا لكل الاحباب هنا
و دامت ايامكم اعيادا و بهجة و سرورا ..

http://sudaniyat.net/up/uploading/km_ndhrna_hilal.wma

[imported_فيصل سعد]

اربعاء وعقاب شهر فى هذا اليوم تحرم اشياء كثيرة منها السفر والرحيل او اتخاذ قرارات مهمة

مرحب بابن العم عثمان محمود
و نتمنى ان تواصل معنا هذا الدرب
اربعاء و نص شهر و خميس و آخر شهر :D:D

[بابكر مخير]

قالو جعفر محمد نميري قال:
نشكُر الأُستاذ عليِّ حَسْن سلوكآ
"تم التعديل، حسب رغبة لجنة النصوص وتعريب الإسامي الي؛ سلوكة أو سلوكه وفي الحالتين بتفقد المزحة نكهتها، لأنها بتكون نطقها صحيح وأبو النمور كان نطقها غلط، ذي ما كتبناها"
هل دي برضها من المصطلحات ؟؟
قال واحد قرأ في الجريدة عنوان "سرقة كُبرى في مدني"
قال؛ بالله في مدني حتى الكباري بيقو يسرقوها؟؟
برضو مصطلحات
ودي مجموعة مصطلحات!!!

WIDTH=400 HEIGHT=350

[imported_أشتر]

قالو جعفر محمد نميري قال:
نشكُر الأُستاذ عليِّ حَسْن سلوكآ

لو بالها ياها حقت جعفر نميري ...
ولو بالالف بتاعتك دي ختها لينا هنا مع المصطلحات ...
لكن للاسف ذكرت ...
.
.
افتح كبري للمداخلة دي ...

[imported_فيصل سعد]

كل عام و انتم بخير ..

http://songs.njom.net/music/classic/rm/20.rm

[بابكر مخير]

لو بالها ياها حقت جعفر نميري ...
ولو بالالف بتاعتك دي ختها لينا هنا مع المصطلحات ...
لكن للاسف ذكرت ...
.
.
افتح كبري للمداخلة دي ...

الحبيب
حندخل ونغيرها لي "ة" ولا إن عاز لي "ه"
..........
لكن قولت نفتح كبري دي!!
صعبة
لأنو الكباري هي الجسور، ممكن تقع وممكن تستمر قوية..
ما دي جسور;)

http://sudaniyat.net/up/uploading/fall.jpg

وما
علينا بيها........
العلاقة بين الناس تربطها جسور!!looool
وهنا، يتفق الجميع في ضرورة وجود علاقات متبادلة مع الآخرين تدعمها المحبة وتقوّمها الثقة والاحترام المتبادل.
وهنا لا نتحدّث عن الصفات الشخصية الخاصة، التي يحظى بها المحترمون وذوو المكانة والشأن في المجتمع من العلم والإخلاص والتواضع ومعاشرة الناس بالحسنى وغير ذلك من سمات النبل والشهامة.
إنما نتحدث عن العلاقات التي ينبغي أن نقيمها بين بعضنا البعض كجماعات ربطتها سودانيات، لها من اختلاف الرؤى وتباين الأولويات الشيء الكثير الذي قد يفصل بينها وفي نفس الوقت تدعوهم المصالح والأهداف المشتركة إلى التفاوض والحوار والتعاون.........:confused::confused:
حصة سريعة كدآ:D:D
ودي يا صاحبي بي جزئيها؟!
ما بنفرط فيها،،
سيكسيك
معلق فيك....

[imported_فيصل سعد]

اول حاجة ما بغير من زول اكبر مني وبحترمو :D;):D جكك
وتاني حاجة عارف قلبك ابيض وكلك حسن نية ...
وتالت حاجة بلّها ولوك الصبر ...

كل عام و انت بخير يا محمد ابو عاقلة،، و ربك يحقق امانيك الطيبة بكل خير،،
حاولت الاتصال بك طوال ايام العيد على 9745929189 و لقينا الرقم خارج الخدمة ،،
و لم نحظى بسماع صوتك،، حاولت الاتصال بندى القلعة عسى ان تدينا تلفونك الجديد و برضو ما لميت فيها :D:D
العفو و العافية لله و الرسول يا ابن العم و نسأل الله ان يديم الود و المحبة ..

[imported_فيصل سعد]

السلام و التحايا
للجمع الكريم هنا ..

اشرح ما يلي :

المحَويب
المَسور
الشُخب
الرّواق
الدقنوس
الجاكومة

[imported_أشتر]

الحبيب
حندخل ونغيرها لي "ة" ولا إن عاز لي "ه"
..........
لكن قولت نفتح كبري دي!!
صعبة
لأنو الكباري هي الجسور، ممكن تقع وممكن تستمر قوية..
ما دي جسور;)

حصة سريعة كدآ:D:D
ودي يا صاحبي بي جزئيها؟!
ما بنفرط فيها،،
سيكسيك
معلق فيك....
وايمانا منّا بالذين سبقونا إلى ردم الهوة والجسور التي تقع بالعربات ... وحتى لا تتكرر مثل هذه المآسي والخزعبلات لابد من مد الجسور بالمزيد من الخرسانات المسلحة والدعامات الاساسية لارتباط لا فكاك منه حتى وان استخدمنا شاكوش الياس وأجنة عبدو كنكشة ... ومن هذا المنطلق ادعو كل الكباري التي لا تخدم راس الحربة ان يسخر لها الله احد الذين هوايتهم التطبز ... وأسال الله الا يرينا مكروها في عزيز لديكم ...
وجبت طاعتي واحتراماتي وحبي بدون فرز ...
حصة كاربة لكن ...

[imported_أشتر]

كل عام و انت بخير يا محمد ابو عاقلة،، و ربك يحقق امانيك الطيبة بكل خير،،
اماني الجميع يا زول يا حبوب يا فردة جناحي التاني وكت الناس تطير لى عالما ...
والطيران انواع ;)


حاولت الاتصال بك طوال ايام العيد على 9745929189 و لقينا الرقم خارج الخدمة ،،
وانا زاتي خارج الخدمة !!! ولو لاقيتني بى قرش ما تشتريني ... لكن اخوك بعرف كيف يتجاوز محنو ويعلي تمنو :D
الله يعلي مراتبك آآآالخو ...
الرقم العندك دا تعيش انتا ويدوم خيرك يا بوكش ... صلاحيتو انتهت وتاني لو اتصلت عليو بتتسمم :D
اتخيل معاي .. لمدة سبعة يوم يدك لا تهبش ريموت تلفزيون ولا تشتغل بالتلفون ما عدا الزول الفوق دا ...
غايتو اسم عيد وقلة مواعيد ... واجازة بيش ...

[imported_فيصل سعد]

سلام يا اهلنا :

واحد حبرتجي شفت يطلع لينا مصطلحات
من هذه الاغنية الكاربة :D:D

http://sudaniyat.net/up/uploading/zahratRoma_asim.mp3

[imported_بدور التركي]

الأغنية زاتها ما رضت تشتغل معاى
يعنى لو اشتغلت كان حصل شنو؟

ضعيفة فى المصطلحات السودانية!!!

صباح الخير اخى سعد..
عيدك سعيد ولو انها جات متأخرة

[imported_فيصل سعد]

الأغنية زاتها ما رضت تشتغل معاى
يعنى لو اشتغلت كان حصل شنو؟

ضعيفة فى المصطلحات السودانية!!!

صباح الخير اخى سعد..
عيدك سعيد ولو انها جات متأخرة

سلام يا بدور و صباحاتك مشرقة ..
و كل تاخير لخير .. الاغنية راشة بمزاج
انت بس استعدلي الريل بلاير، او افزعي الطشي ليك واحد جديد :D:D

[imported_بدور التركي]

سلام يا بدور و صباحاتك مشرقة ..
و كل تاخير لخير .. الاغنية راشة بمزاج
انت بس استعدلي الريل بلاير، او افزعي الطشي ليك واحد جديد :D:D

ما دى خطتى الجديدة
اللطش
ما شايفنى مفتحة عيونى
وخاتة عينى على واحد جديد
بس مستنية الفرصة المناسبةgoood

[imported_فيصل سعد]

الفرصة المناسبة
ولا الروب المناسب :D:D

شبارقة ، ابو عاقلة، بابكر مخير، طارق، امير،كيشو، منال، همس، رشا، آمال، عادل، عكود، معتصم، لنا،هاشم،خالد، الجيلي
و جميع المحاربين/ات القدامى و الجدد في هذة التبروقة :D:D"المصطلحات تناديكم"

http://sudaniyat.net/up/uploading/asrar-anasudani.wma

[imported_فيصل سعد]

اقترح بعض الاعضاء الاحباب
نقل هذا البوست لمنتدى التوثيق ..

لذلك اود طرح هذا الاقتراح لجميع المشاركين
و المشاركات للتشاور و ابداء الآراء ..

و لكم وافر الشكر و التقدير ..

[imported_فيصل سعد]

منتظرين :D:D

[imported_شبارقة]

اقترح بعض الاعضاء الاحباب
نقل هذا البوست لمنتدى التوثيق ..

لذلك اود طرح هذا الاقتراح لجميع المشاركين
و المشاركات للتشاور و ابداء الآراء ..

و لكم وافر الشكر و التقدير ..

عزيزنا فيصل ... سلامات
قبل فترة وجيزة إقترح أخونا وزميلنا د. الزوول بعض الإقتراحات وتداخل معه بعض الإخوة بمقترحات إضافية كان من ضمنها منتدى التوثيق ووافق معظم المتداخلين شريطة أن تكون المنتديات باينة في الشاشة (في صفحة واحدة) لأنو الناس ما بتحب قيلـَّيب الصفحات كما لا تحب قيلـَّيب البعر:D
الخلاصة : إذا البوست بتاعك ده ح يكون في منتدى التوثيق ويكون ظاهر في الشاشة في صفحة واحدة مع منتدى الحوار ما في أي مشكلة ... لكن يا أخوي أكان وديتو بيغادي بدون ما يكون ظاهر لينا كده عيانا ً بيانا ً ياكا المـِغـَطِّس حجرو ولن تقوم له قائمة أبداً ..وأبقى سلملي على دار الوثائق والمكتبات:D

[imported_فيصل سعد]

لكن يا أخوي أكان وديتو بيغادي بدون ما يكون ظاهر لينا كده عيانا ً بيانا ً ياكا المـِغـَطِّس حجرو ولن تقوم له قائمة أبداً ..وأبقى سلملي على دار الوثائق والمكتبات:D

عزيزي شبارقة : قول واحد اهو الشرك قبض :D:D و ربك يجيب الباقيين/ات ..
عالم ما تجي الا بالتهديد :D:D

و اقبضوا كمان مصطلح جديد :

مغطس حجرو ؟؟

[imported_فيصل سعد]

سلام يا شبارقة و اين محمد ابو عاقلة هاتيك الليالي :D:D

ارح فكك لينا الكمدة و الرمدة و علاقتهم بالغنية دي

http://sudaniyat.net/wadosman/uploading/ya_shoog.wma

[imported_طارق صديق كانديك]

صباح الخير

اتفق مع ما ذهب اليه الأخ شبارقة تمامن ... !!

الشئ بالشئ وعند الله ما بروح شئ .. !! ولا كيف .. ؟

[imported_شبارقة]

اتفق مع ما ذهب اليه الأخ شبارقة تمامن ... !!

شكرا ً أخونا كانديك .... وحبابك ألف معانا بي جاي .

أنا غايتو ح أحاول أفسر معنى الكمدة بالرمدة (الفي البوست بتاعك) التي هي أصلا ً الكمدة في الرمدة

وسبب الحكمة :p إنو في واحد كانت قدم كراعو واجعاهو ومشى ليهو لي فقير عشان يعالجو اها الفقير كان عندو لدايات تحتها رماد دافئ (تقدر تقول كانت فيهو كفتيرة ولا ّ حلة ولا ّ دوكة :D) وقام قال لصاحبنا الكراعو واجعاهو : أكمد (أي دخـِّل) كراعك في الرماد داك ... أها قام صاحبنا بالمطلوب وأدخل كراعو في الرماد ..ومن بعدها لم يشعر بأي ألم في كراعو حتى هذه اللحظة :p وأصبحت الكمدة في الرمدة مثلا ً يحتذى (غايتو نجرتها ليك نجر أخضر من رأسي ساي :D)
أهلنا المصريين قالوا ليك إذا سئلت عن حاجة ما تقول ما بعرف ..أنجر من رأسك ساي والحكاية بتمشي أصلو مافي زول عارف حاجة :D:p
أها يا جماعة كانديك معناها شنو ؟

[imported_طارق صديق كانديك]

شكرا أخوي شبارقة

والله نجرك الأخدر ده ظااابط عدييييل كده .. مع اني ماعارف قصة العبارة المختزلة الجميلة دي ( الكمدة في الرمدة أو بالرمدة ) غير أنني استحست نجرك ده .. !!

اما عن كانديك فدعني أشيل الصبر واكون آخر المتداخلين .. !!

تحياتي

[imported_فيصل سعد]

اما عن كانديك فدعني أشيل الصبر واكون آخر المتداخلين .. !!
تحياتي

ولد دا :D:D حبرتجي، حريف ، شفت، فقري، مقرم، و صعلوك لا يشق لك غبار ..
الواحد يشوف القعدة و الكرفتة يتخيلك من حناكيش الدوحة ..

ارقدوا عافية ..

[imported_طارق صديق كانديك]

ولد دا :D:D حبرتجي، حريف ، شفت، فقري، مقرم، و صعلوك لا يشق لك غبار ..
الواحد يشوف القعدة و الكرفتة يتخيلك من حناكيش الدوحة ..

ارقدوا عافية ..

هههههههههه

هسي عليك اله يرقدوا عافية بي وين ... ؟؟

ياريت ياخ لو كنت من حناكيش الدوحة كان على الأقل لميت في ابو عاقلة ده ..

بس الفيك اتعرفت ..!!

[imported_فيصل سعد]

هههههههههه

هسي عليك اله يرقدوا عافية بي وين ... ؟؟

ياريت ياخ لو كنت من حناكيش الدوحة كان على الأقل لميت في ابو عاقلة ده ..

بس الفيك اتعرفت ..!!

بالجنبة الرايت اهم سايد :D:D
الاتعرفت فيك انت ... يا ود عمك و الظاهر الدم حن
و بقيت تتضامن مع الحلبية ضدنا :D:D

[imported_طارق صديق كانديك]

بالجنبة الرايت اهم سايد :D:D

:D:D

ليك حق مااا جاتك مقنننننننننننطرة ...!!

الواحد إلا يبقى زي عاكف عطا ولا شنو ... !!!

دم بخير

[عكــود]

سلام يا شباب،


أسئلة:

1/- ما هو الطاب؟
إن كنت تعرف إجابة السؤال رقم 1، يمكنك الإنتقال للسؤال التالي، وإلاّ فـ شتّت.

2/- عرّف الآتي:
الولد، التلّة، الأربش، السَــتــَه، القُران.
إن كنت تعرف إجابة السؤال رقم 2، يمكنك الإنتقال للسؤال التالي، وإلاّ فـ شتّت.

3/- ما هي نتيجة حصولك على أيٍّ من المسميّات الخمسة المذكورة في السؤال رقم 2؟

ملحوظة: الحناكيش والشهادة العربية يمتنعون.

أتمنى لكم التوفيق.

[imported_أشتر]

أتمنى لكم التوفيق.



طيب ... إتّا ... وكت ... بتعرف قدر دا...
الشتات ليك شنو ؟!!!!!!:D
.
.
.
ويا شبارقة .... إتّا زاتك فـ شتت :D

[imported_jezabell]

بالجنبة الرايت اهم سايد :D:D
الاتعرفت فيك انت ... يا ود عمك و الظاهر الدم حن
و بقيت تتضامن مع الحلبية ضدنا :D:D

انت بس الحلبية دي واقفة ليك في حلقك..
امشي اشرب لينا موية بالله.. وبالعدم كدا شوف ليك زول يديك ام دلدوم :D:D

[عكــود]

طيب ... إتّا ... وكت ... بتعرف قدر دا...
الشتات ليك شنو ؟!!!!!!:D
.
.
.
ويا شبارقة .... إتّا زاتك فـ شتت :D سلام يا ود أبو عاقلة،

صراحة ماني متوقّع ناس يحلّوا الأسئلة،
لسبب بسيط، الحكاية ليها علاقة بالنخيل،
وما كل الناس من الشمالية.

وقد قال حسّون ود نعمة الله:
يا الجنّون أرح نندلّى
خلّو الطاب أرح نندلّى
أكتلو أب دُك أرح نندلّى
من اليوم لا ولد لا تلّة
أرحكم نشوف الفن
بي تحت المراكب جن
والروّاسي واقف تالا السارة
منّو وليهو غنّى وقال
مانا سكارى مبسوطين برانا*

* المقطع ده برضو فيهو سؤالين تلاتة،
بجيهم بعد ننتهي من مسائل الطاب.ا

بس دحين يا خوي، إنت ماك من البركل وللا أنا غلطاااان؟:rolleyes:
أمامك حلّين،
يا تحل الأسئلة،
يا إمّةً كمان . .
تقع تحت الملحوظة أعلاه. :D

ردّك سريع بالله.

[imported_فيصل سعد]

سلام يا ود أبو عاقلة،

صراحة ماني متوقّع ناس يحلّوا الأسئلة،
لسبب بسيط، الحكاية ليها علاقة بالنخيل،
وما كل الناس من الشمالية.

وقد قال حسّون ود نعمة الله:
يا الجنّون أرح نندلّى
خلّو الطاب أرح نندلّى
أكتلو أب دُك أرح نندلّى
من اليوم لا ولد لا تلّة
أرحكم نشوف الفن
بي تحت المراكب جن
والروّاسي واقف تالا السارة
منّو وليهو غنّى وقال
مانا سكارى مبسوطين برانا*

* المقطع ده برضو فيهو سؤالين تلاتة،
بجيهم بعد ننتهي من مسائل الطاب.ا

بس دحين يا خوي، إنت ماك من البركل وللا أنا غلطاااان؟:rolleyes:
أمامك حلّين،
يا تحل الأسئلة،
يا إمّةً كمان . .
تقع تحت الملحوظة أعلاه. :D

ردّك سريع بالله.


يا عمدة التمر و النخيل نحن اولاده تب :D:D بس ساي نزحنا العاصمة و لبسنا البدل و القمصان :D:D و يا ريتنا قعدنا و لزمنا حواشاتنا و جناينا الكان همبريبا يولول و دعاشها يقول يا غربتي :D:D و باقيليك بنلحق لينا فيها حبل حبلين تلاتة بعد دا !! ..

و لكم التحايا الطيبة ..

[imported_فيصل سعد]

انت بس الحلبية دي واقفة ليك في حلقك..
امشي اشرب لينا موية بالله.. وبالعدم كدا شوف ليك زول يديك ام دلدوم :D:D

يا بت عمك هسة الجاب سيرتك منو :D:D حتي حلبية تانية ما مريحننا فيها و في فراولتها:D:D و معقول انا اجيب سيرتك عيانا بيانا :D:D و لو ما مصدقة كلامنا دا ارمي البحر :D:D و سلميلي على شوشو و دندون، و جلي ام دلدوم و تفائلي خيرا و ركزي في اسئلة عكود الفوق دي..

[imported_شبارقة]

ويا شبارقة .... إتّا زاتك فـ شتت :D

يا إمّةً كمان . .
تقع تحت الملحوظة أعلاه. :D

بالرغم من عدم وقوعنا تحت مظلة الملحوظة أعلاه ... لكن يا ود أبو عاقلة يانا الكابين الزوغة :D:D:D وعمنا عكود ده إلا نجيب ليهو عبد المطلب الفحل :p

[imported_فيصل سعد]

بالرغم من عدم وقوعنا تحت مظلة الملحوظة أعلاه ... لكن يا ود أبو عاقلة يانا الكابين الزوغة :D:D:D وعمنا عكود ده إلا نجيب ليهو عبد المطلب الفحل :p

اها يا راعي و مرشدالبوست ، زمان صاحبك ود ابو عاقلة قال عبد المطلب بعرفو طشاش، لكن الفحل قطع شك قريبو و فردتو :D:D اها تعال فككك لينا المسدار دا :

مى حميرا هريريجة
ومى زريقا كنيكيجة
ديفة الوقفن سيجة
وخلت عقلى دهيجة

[imported_فيصل سعد]

ما هو السمبتيك و السمبهار و السنديانة و سجم الرماد :D:D

[imported_فيصل سعد]

http://sudanyat.net/vb/imgcache/915.imgcache.gif

[imported_شبارقة]

سلام يا شباب،

أسئلة:
1/- ما هو الطاب؟
إن كنت تعرف إجابة السؤال رقم 1، يمكنك الإنتقال للسؤال التالي، وإلاّ فـ شتّت.

2/- عرّف الآتي:
الولد، التلّة، الأربش، السَــتــَه، القُران.
إن كنت تعرف إجابة السؤال رقم 2، يمكنك الإنتقال للسؤال التالي، وإلاّ فـ شتّت.

3/- ما هي نتيجة حصولك على أيٍّ من المسميّات الخمسة المذكورة في السؤال رقم 2؟

ملحوظة: الحناكيش والشهادة العربية يمتنعون.

أتمنى لكم التوفيق.



السلام عليكم وكل عام وأنتم بخير

يا عمنا عكود أنا غايتو ح أخش على السؤال الأول وجزء من السؤال التاني ومن ثم ح أشتت :p:

بالرغم من قلة وجود أشجار النخيل في منطقتنا ولكننا كنا صغارا ً نلعب لعبة تسمى لعبة الطاب وهي اللعب بقطع خشبية صغيرة من جريد النخيل بعد شقه إلى نصفين (ظاهرا ً وباطنا ً :D) وترمى هذه القطع في آن ٍ واحد (بصراحة نسيت قوانين تلك اللعبة )... إذن الطاب من جريد النخل.
إجابة السؤال التاني :
أعتقد أن الولد نوع من أنواع الطاب ... وشتتنا :D بالذات بعدما باءت محاولاتنا بالفشل في الإتصال بعبد المطلب الفحل :)

[عكــود]

السلام عليكم وكل عام وأنتم بخير

يا عمنا عكود أنا غايتو ح أخش على السؤال الأول وجزء من السؤال التاني ومن ثم ح أشتت :p:

بالرغم من قلة وجود أشجار النخيل في منطقتنا ولكننا كنا صغارا ً نلعب لعبة تسمى لعبة الطاب وهي اللعب بقطع خشبية صغيرة من جريد النخيل بعد شقه إلى نصفين (ظاهرا ً وباطنا ً :D) وترمى هذه القطع في آن ٍ واحد (بصراحة نسيت قوانين تلك اللعبة )... إذن الطاب من جريد النخل.
إجابة السؤال التاني :
أعتقد أن الولد نوع من أنواع الطاب ... وشتتنا :D بالذات بعدما باءت محاولاتنا بالفشل في الإتصال بعبد المطلب الفحل :) شبارقة،

سلام . .
لقيتك ماك هيّن والله.
لعبة الطاب هي فعلاً كما ذكرت، قطعتين خشبيتين من عرجون النخل الأخضر (يمكن برضو من الجريد) بعد شق كل منهما إلى نصفين لتكوّن 4 قطع طول كل منها 10 - 15 سم، وترمى هذه القطع بعد تقليبها في الهواء وتشوف نتيجة وضعهم على الأرض (لاحظ إنّو كل خشبة عندها واجهتين، خضراء وبيضاء) و تلعب بواسطة شخصين.
4 خضر، دي السَتَة - 6 جلدات
3 خضر و واحدة بيضاء، دي الولد - جلدة واحدة
2 خضر و اتنين بيض، دي القران أو اليوم - يلعب الشخص الآخر
1 خضراء و3 بيض، دي التلّة - يلعب الشخص الآخر
4 بيض، دي الأربش - 4 جلدات

لعبنا يا كافي البلاء كان كلّو جلد وقلع، الطاب، شليل، الرمّة وحرّاسها وهلمّ كسِر.

شاكر الجميع للمحاولات وإلى اللقاء في حلقة أخرى.

[imported_فيصل سعد]

شكرا يا عمدة على المعلومات الثرية
و خليك قريب ..
السلام و التحايا للجميع ..

[imported_شبارقة]

شكرا يا عمدة على المعلومات الثرية
و خليك قريب ..
السلام و التحايا للجميع ..

الشكر للعمدة براو؟ :mad: أسئلتو الفوق ديك من يوم 25/12 السنة الفاتت :) كلكم طلعتو حناكيش وشهادة عربية :mad: زول فيكم هوَب ناحيتها غير المـُعـلـِـِّم مافي :D

[imported_فيصل سعد]

الشكر للعمدة براو؟ :mad: أسئلتو الفوق ديك من يوم 25/12 السنة الفاتت :) كلكم طلعتو حناكيش وشهادة عربية :mad: زول فيكم هوَب ناحيتها غير المـُعـلـِـِّم مافي :D

افو يا دخري الحوبة :D:D
انت كمان بتدورلك شكر يا جبل الدهب
و ماك محتاجو تب .. ارقد عافية ..

[imported_أشتر]

ما هو السمبتيك و السمبهار و السنديانة و سجم الرماد :D:D

السمبتيك هو القرمبوز
والسمبهار هي الدغمسة
والسنديانة هي السندالة
اما سجم الرماد يا اللخو فهو نوعين
واحد بنخمو والتاني ببشتن حالنا ...
.
.
.
كان شالو ما بتشال وكان خلو سكن الدار

[imported_فيصل سعد]

السمبتيك هو القرمبوز
والسمبهار هي الدغمسة
والسنديانة هي السندالة
اما سجم الرماد يا اللخو فهو نوعين
واحد بنخمو والتاني ببشتن حالنا ...
.
.
.
كان شالو ما بتشال وكان خلو سكن الدار

مرحبا الساعة :D:D
بعد السؤال عن حالك و احوالك و الصحة و العافية ،،
اها حاجاتنا الفي الفرن اخبارها شنو ؟؟
بس ما تقول لي الداشبورد ما ظابط و كدة يا مستر ماك :D:D