عفوا حبيب قلبى ما انت لى وطن

[imported_منال]

كلمات الاستاذ الفاتح ابراهيم بشير
غناء الرائع جعفر السقيد

انا قلبى عشان ينساك دايرلو تانى زمن

عفوا حبيب قلبى ما انت لى وطن

انا قلبى ذنبه شنو عودته انت عليك

علمته يبكى ينوح يوم ما يشوف عينيك

وكتين ملكته خلاص فريتها لجنحيك

خاطبته باستبداد قلت ليه اختار ليك

هو الصبار المسكين راجى اليالى تروق

لا كل لا مل لا عاتب المعشوق

كل القدر قاله ياناس كتلنى الشوق

والضقته فى دنياى ما ضاقه قط مخلوق

انا يا خلائق اه ضقت العذاب اصناف

شلت الليالى سقد تشهد تبارك وقاف

جربت صبر ايوب كانت نهايته جفاف

والصابنى يالمريود بالعين محال ينشاف

لو دار تعرف البى ارجوك مرة تعال

اقعد وعاين بس ما تسال اى سؤال

انا يا حليلى انا اصبح يمنى شمال

جوايا عشرة اشياء خلت حياتى محال

حظى التعيس الشوم الغيرة والعزال

ليل الضياع والخوف والحيرة والاهمال

انك تملى معاى و بيناتنا كم اميال

احساسى انى بسيط واحلامى واقفه جبال

صبر اً صبرتو عليك ذكرنى سيدنا بلال

حتى ان سكت انا تتكلم الاطلال

وآخر المطاف بالليل سافرت باستعجال

لا طلت بلح الشام ولا ضقت راحة البال

برضك تقول لى اصبر اتحمل المكتوب

واتعوض الله خلاص انسانى يالمحبوب

خلتنى ذى عصفور هبت عليه هبوب

فنتله عشه شمال شالت صغاره جنوب

http://www.alnsri.com/alshroog/afwan.mp3

[imported_منال]

الفاتح ابراهيم بشير

قبــــلة غُنـــاي


احتـرت كيفـن اوصفـك .. والله يـا قبـلـة غـنـاي
لو كان بحور الكون مـداد بتجـف قبـل مـا تنصفـك

حاولت اكتب ليك واقول واوصف ملامحـك بالشعـر
لكن حروفي تـذوب عديـل قـدام عيونـك تنصهـر
يا عايشة في دمي وغناي يـا ديـدن الـروح والفكـر
خلدت اسمك بي حروف قطرات دماي كانـت حبـر

يا غنوة في وتري الحزين يا ضحكة في الزمن الصعب
يا واحة في عز الهجير يا راحـة مـن بعـد التعـب
يا نسمة هبت في الدغيش عزفت علي وتـر العصـب
يا رحمة من رب العباد مكبوبة فـوق خلـق الله كـب

سافرت في عينيك سنيـن زادي المعـاي ابيـات غنـا
مكتوبة بي دمي الصبـح شـلال مـن الهـم والعنـا
صورت احساسي الدفيـن بـي قافيـة ليـك معنونـة
بتقول بلا كلفة ورتوش يا انتـي يـا المـوت والفنـا

احترت في وصفك انا وحارت معاي كـل الحـروف
مرات بشوفك يا مناي ياقوتـة فـي قلبـي الولـوف
مرات بشوفك ضي امل دبج خطاي رغـم الظـروف
مرات بشوفك جارية نيل امواجو عانقـت الجـروف

[imported_wadosman]

فى السلك يا منال...

الشاعر الفاتح ابراهيم بشير له ملكة فى الالقاء تجبرك للاستماع اليه
احب ان اسمع شعره و هو يلقيه..يستطيع ان يتقمص الكلماات و يعيش
مع جو القصيدة بصورة مذهلة...

شكرا ليك و كترى لينا من زى دا...

[imported_منال]

يا قليبي كفاك
انت تزازي فوق كم
جعفر السقيد ... طنبور من غير ايقاع ... سماهو جلسة استماع

http://www.alnsri.com/alshroog/2/tzazifogkm.mp3

[imported_منال]

فى السلك يا منال...

الشاعر الفاتح ابراهيم بشير له ملكة فى الالقاء تجبرك للاستماع اليه
احب ان اسمع شعره و هو يلقيه..يستطيع ان يتقمص الكلماات و يعيش
مع جو القصيدة بصورة مذهلة...

شكرا ليك و كترى لينا من زى دا...

ود عثمان البوست كلو ح يكون من اشعار الفاتح ... يلا ايديك معانا ... نستمتع بالطنبور الحنين ... و الشاعر الجميل
اليك اهداء خاص ... شوف الصور الفيها مدهشة و حقيقية كمان ...

انا لو كتلنى الشوق

انا لو كتلني الشوق صدقني ماغلطان
ما انتا خليتني جواب بلا عنوان
تايه مع الايام من باحة لي باحة
شايل هموم الناس وخلق الله مرتاحة
افراحي مقفولة ومالاقي مفتاحه
والشاله زول نسااي من وين تجي الراحة؟
اشواقي يالمحبوب اكبر من الغنوات ولو دار تعرف البي كدي
اسال النجمات
بتقولك المستور وكيفن ملكتا الذات
وكيف انتا في دمي ومستوطن الخلجات
علمني حبك جد كيفن اكون وافي
وكتين يطولبي الليل ويبقى الامان مافي
انا..انت..والاحلام والواقع الجافي بيناتنا اقوى صراع في عشنا الدافي
بس انت ابقى معاي والباقي كلو يهون
اتحمل الالام والخاطر المحزون
باكر طيور الريد تملى الاماسي شجون
في الساعة ديك يازول الدايرو الله بكون
انا لو قتليك بنساك صدقني اكون كضاب
اناكنتا قبلك زول تايه بلا هداي
زي الغمام رحال ماداري وين مرساي
وكتين رايت عينيك وفيهن لقيتو دواي...عادليا عمري الراح حسيت باني شباب
انتا قفلتا باب قلبي ومفتاحو شلتو معاك
خليتني اشوف الكون باهت جمالو بلاك
مشكلتي يالمريود داير اطولو سماك
لكنو ريشي دقاق والجو غيوم وضباب
ريدك بلا ميعاد هبش النسيج الحي
حملني فوق طاقتي اعياني مني ولي
ماقالو في الامثال اخر العلاج الكي والموت دوام واحد وتتعدد الاسباب
القاك معاي ومعاي ..زي لو معاي ياريت ..
زي الحنين والشوق في الغنوة والدوبيت
زي الضفاف والنيل والودعة والسوميت
ما انتا ليا بقيت زي السؤال وجواب
لوقتليك بنساك..في زول بنسى روحو دحين؟
لوحتى كان مشغول لابد يشدو حنين
اصلو العشق غلاب
اصلو الغرام غلاب
مهما ندسو يبين
نقراهو في العينين ظاهر كانو كتاب
لو قتليك بنساك صدقني اكون كضاب
انت البنيت جواي للريدة سور وابواب

[imported_wadosman]

بس انت ابقى معاي والباقي كلو يهون
اتحمل الالام والخاطر المحزون
باكر طيور الريد تملى الاماسي شجون
في الساعة ديك يازول الدايرو الله بكون
انا لو قتليك بنساك صدقني اكون كضاب
اناكنتا قبلك زول تايه بلا هداي
زي الغمام رحال ماداري وين مرساي

عجيب..كلااام ملياان و معبر جدا...

[imported_منال]

الفرح الحزين


يا قلبي الحزين وين تمشي ليه كل الدروب مقفولة
كيفن زول يصل للجامعة يرجع تاني لي سنة أولى
ياما كتار حليلهم ضاعوا في زحمة دروب مجهولا
يزرعو في النوايا الطيبة كان ثمرة ضياع محصولا
الواحد يريد النجمة ما بيقبل يشوفو افولا
تلقى وسط ظروفو يشابي عشمان انو بكرة يطولا
مسكين كان يخادع نفسو بي سحب الخريف وهطولا
متعشم يقول المسرة يوم باكر يدقو طبولا
مسكين ياحليلو اتناسى نكبات الزمان وفصولا
واتناسى انو نحن غلابا احلامنا العراض مطبولا
من زمن القراية شراي ما بشوف غير سيوف مسلولا
كل ما اقول وصل لي مرسى القى احزاني شادى خيولا
قاسي الزي يقلى الداريو نقاي يعرف المصقولا
اول ما يقول ديك لي كل خلق الله بكرة يجولا
عايش فد سؤال جواي ليه لحظات فرحنا عجولا
وايام الحزن تندب زي السلحافية مهولا
اختلطت على ايامي قدامي الهموم مسدولا
ممشكلتي العلي ومالبي ما هو مرض دوا وكبسولا
اه اه اه اه اه اه اه
اه من دنيتي واقدارا اه من جحيما وهولا
شينا الزي بلقى الدايرو منو الدمعة ما مقبولا
لكن يا رفاق بالدغري كلمات بي صراحة بقولا
انا كان جنيت او ودرت تبقى ظروفي هي المسئولة

[imported_منال]

الى كل الطيور المهاجرة

عشان خاطر عيونك - الفاتح اراهيم بشير

عشان خاطر عيونك ديل افارق حلتي وطني
اسافر من بلاد لي بلاد كمل صبري وراح بدني
اضوق المره واتغرب واكون مجبور اشد رحلي
وافوت ناسا حنان طيبين وافوت مرتع صباي واهلي
اشيل الذاد غنيواتن اردد فيها من جهلي
كلام يقول انا الراحل وجاييك بكرة يا املي
جاييك يا غرام الروح لو حتى السنين دار تابة
وجاييك لو سنيني تدور وتدوس امالي انيابة
وجاييك لو يطول الليل ولو يبقى الوطن غابة
جاييك قولي لي كيف انساك وانا السافرتا عشان عينيك
فت درب الوطن والعزة والحله المنورة بيك
فت امي وقليبه الحاني وحاجات تاني خافي عليك
وانت لا تشغل قليبك بيها ما دام الصحاب حوليك
قول لي يا حبيب برجاك لو حتى اغترابك طال
وقل لي ما بخونو هواك وما بسمع كلام عزال
وقول لي غير غرامك انت ريد يشغل قليبي محال
وطمن قلبي يا مريودي باقي الغربه ذاته نضال

[imported_منال]

اقنعيني
كلمات و الحان محمد سفله






نتـرة الوجـع الشديـد وقمـة الهـم والمـآسـي
اقنعيني إنك سعيـدة وخلـي قلبـي وراك يقاسـي
وشن طعم كل الغناوي الفيها ما بتضحـك عيونـك
وآيه تكون حتي السعادة في سماء الاحلام بدونـك
يا مرايات ذاتي حبـك فجـر الاحسـاس بكونـك
غنوة في خاطر صحايـه ومنـه تتوسـد نعاسـك
يا وطـن فيهـو اتخلقتـا ومنـو طـول اغترابـي
وقسمتك بي غيري تبقي وتبني عزك فوق شبابـك
القي في عينيك قسمتي ابقـي لـى جـوا عذابـي
وشايل اشواقي وجراحي وديمه طاريك وانتى ناسي
وبي بصيص عشم تتاوق روحو من سخر اندهاشه
وكستا في الواقع ملامحك والخيلات حولى ماشـه
لا مدن عينيـك غشنـي وستفنـي مـن البشاشـه
ولا رضيت في اللجه اغرق ولا قنعتا من المراسي
وانت بالذات تستحقـي كـل غنـاي وتضحياتـي
وقلبـي يستنـاك معلـق فـي سمـوات أمنياتـي
وما مهـم القـاك حبيبـه المهـم اهديـك حياتـي
وتاني اهديك باقي عمري قلب ينبض وكل حواسي
لسه في احزاني راحل تحتي لوعه وفوقي شـوق
حسـره تملانـي وتدفـق روح تسـارق للمـروق
ما شكيت للدنيا حالى حاشا ليلـي نهـاري سـوق
وفي القلب شايل ملامحك بيها اتصابـح واماسـي.

http://www.alnsri.com/alshroog/agnainy.mp3

[imported_منال]

الامانى الغالية - طارق عبد القيوم

http://www.alnsri.com/upload/uploads/rrrrr9.mp3

[imported_هاشم أحمد خلف الله]

شكراً يا منال على الطرب الجميل

[imported_الشريف الراقي]

منال .. المنال ..
والله يا بنية وديتينا لي زمن بعيد .. هناك حيث كان لا ذم ولا ثم إعتداء ..
آهـ من خفقة الشوق التلوح زي النبال ..
بدايات الشتاء وسكون الليل واستحياء ضوء القمر .. كل هذا بفعلك هذا أثار فيّ حنيناً لمكان كان وزمان مضى .. فها أنا أمشي معه دمعة دمعة ..
منال شكراً كل هذا الشجن الجميل ..

[imported_nagwa]

منال
التحيه واليوم تتحفينـــا بهذا
حسنك بديع معدوم مثالك ...
حير قلوبنا وصف جمالك ..
يا بهجة يا فرح الحزين ...
آمنت زيك ما بكون

[imported_باسط المكي]

منال
التحيه واليوم تتحفينـــا بهذا
حسنك بديع معدوم مثالك ...
حير قلوبنا وصف جمالك ..
يا بهجة يا فرح الحزين ...
آمنت زيك ما بكون
تحياتي
يامنال كوني بخير
ودايما متدفقة

[بابكر مخير]

منو العزيزة
قوة قلبك يا ماما
تحير
ما متل الكلام دا
كيف حتى بينقري؛ ولو مرة واحدة؟؟؟
شيتن شديد وقوي وبديهي جميييييييييييييل..
إتي يما شدتك
قريتيهو، سمعتيهو وكمان قال ليك
كتبتيهو
ما شاء الله عليك
دا انا القريتو بس
لفا راسي ذي ما أكون وأخد "لكن ما مبتكوني جربتي الحاجات دي" سفة من ود عماري ولا كاس ع.. ولا عبار م.. ولا عسلية ولا ذي لمن واحد يكون ضارب سمسمية يديك روسية..
شكرن كتيييييير

[imported_خضر حسين خليل]

علمتو انت براك

علمتو



ياخ شكراً يا منال

[imported_عمر عبد الله فضل المولى]

اغنية جميلة جدا ومريحة ومعبرة في ذات الوقت

[imported_منال]

الاحباب
هاشم احمد خلف الله
الراقى
باسط مكى
نجوى
عمى بابكر مخير
خضر حسين
عمر عبدالله

يكفنى ان تشاركونى الشجن فى الالحان الندية و اليكم جميعا
طارق عبد القيوم فى اخلاص
http://www.alnsri.com/upload/uploads/ekhlas.mp3


عبد القيوم الشريف

http://www.alnsri.com/upload/uploads/aftshlk.mp3

[imported_منال]

غربة و ارتعاش

غصيت على الجزر الدعاش
يا كاتفة قلبي من الرحيل
مالاني غربى وارتعاش
ناجيت بنات القمرة ليل

انا في تواه الأزمنة
مكتوف محاصرني الطشاش
عصفور جناحي معسمة
وساكن دواخلو الانكماش
حزن السحاب الفي السما
حجب اندهاشو من الرشاش
في الذاكرة مر نقضك نما
يوم خاصم الزهر الفراش

اتحتا صفق الامنية
وطشت من النيل الضفاف
وقهم انسياب الاغنية
زكرى انتكاسات الطواف

ليه واعدة للروح بالهنى
ومتواتية للغيم بالكتاف
قدر المسادير الغنى
وقدر العتامير الجفاف
وانا لا بقى دوزنة
لا لاقي فيك حد الكفاف
انا لا طرحتك مرحلة
لا قلت خاتمة المطاف
بس كان غرامك ابتلا
ماسكني في العصب الرهاف




http://www.alnsri.com/grmake/1/'3rbawart3ash.wma

[imported_منال]

نجوى و هيثم قصة حزينة النعيشها هنا ( هيثم يكتشف بعد سنين من الحب و الارتباط انو نجوى شقيقته فى الرضاعة و ذلك عندما نوى يتقدم لطلبها من اهلها لتخبره امه بالحقيقة فغنى لهم النصرى

اسفاي يا نجوى اسفاي علي الافراح
رحلت بلا ايذان خلتني للاتراح
آه تاني آه وآه لو كان يفيد الآح
ما كنت خات في البال يوم يتكسر لي جناح
والرحلة يا نجوى ترجع بلا ارباح
يا حليلك يا نجوى وياحليل عمرنا الراح
ياحليل قعادنا زمان جم نيلنا زي سواح
راكبنو قارب الريد والريح معانا صلاح
فجأة الرعود هدرت هبت علينا رياح
عصفت مريكب الريد قلبت ضحكنا نواح
لا مني لا منك حكم الارادة أطاح
بي ريدنا والاحلام قمح عهودنا قماح
يا نجوى بعدك كيف من تاني اعيش مرتاح
لي فرحة الشبان في قلبي مافي براح
دنياي بعدك وين وين تاني اشوف لي صباح
في دنية التايهين بعدك بكون سواح
يا نجوى ما ظنيت حزني العلي ينزاح
وين يمة وعدك لي أنا يوم كنت في الرحراح
بي القرمصيص اقدل في الدارة زادني رواح
والليلة بدنو تراي لابس سوادو وشاح
بس يمة كان بدري توفيني بالايضاح
قبال اقع في ريد نجوى الملانة سماح
وقبال تصيبني سهام من لحظها الجراح
ياحليلي انا الهيثم اليوم كسحت كساح
مت وشبعت في الموت بس فاقد الصياح
صح قالو للصابرين انو الصبر مفتاح
لكني باب قلبي سورتو بالألواح
قدر الرضعتو زمان ياريتو لو كان شاح
في جوف سم هاري خلاني اموت ارتاح
الشي المعذبني والزاد قليبي جراح
الجاهل ما بيفرز الغلطة من الصاح

http://www.alnsri.com/grmake/1/najwa.wma

[imported_منال]

هيثم

هيثم احكيلكم حكايتو قولي صاح مافيهو ريبة
قصتو المشهورة كانت حاصلة قبل سنين قريبة
تبدا بي مشوار عواطف بين قلوب مليانة طيبة
ريدة في عمق المشاعر كل يوم يزداد لهيبا
نجوى بت خالتو الوحيدة ريدتا اصبح مبتليبا
باشتياق لي لقيا دايما كان يسوقا على دريبا
كاتم الريد في دواخلو وبرضو كاتما هي في قليبا
مطوي في الوجدان غرامن زي خلايق ساترة عيبا
كان هي يوما الما تشوفا نهارا كلو تكون كئيبة
وتبكي لما الليل يهود ويسمعو الجيران نحيبا
ما بتغيب عن عينو لحظة وهو لحظة ما بيقدر يغيبا
منو لو غابت دقايق كان تضيق دنيا الرحيبة
المودة البين قلوبن نادرة من نوعة وغريبة
فداها كان الروح بترخص ما بتساوي ولا السبيبه
رغم انو زمانو عاندو والظروف قاسية وصعيبة
خواطرو ما جرى فيها لحظة يوم من الايام يسيبا
كان يقول لو سبت نجوى الشمس تجي من مغيبة
يتركو الناس دين محمد والنصارى تسيب صليبا
مرت الايام وعدت والسنين مرت رتيبة
نجوى بين احلاما كبرت وكان معاها كبر حبيبا
ورسم يوم الفرحة بينهم الليلة يصدح عندليبها
بي سنا الافراح موشحا فاح وعم الدنيا طيبها
الا في زمنو المعاكس ودنيتو الجايرة وعجيبة
ملازمو قصر الايد ودايماً حالتو للناس يشتكيبا
بالزواج في نيتو فكر خاف تقوم تحصل مصيبة
قال بعد تأكيد عزيمتو امو شورتها يبتديبا
وكان هو في كل المواقف يحترم لي امو شيبا
مو كتير جات أمو داخلي ودابة وصلت عنقريبا
بي حنان الأم بتسأل مالو راقد علو طيبة
اختصر حبل الكلام وقعت الكلمة الرهيبة
نجوى دايرة في حياتي تكونلي من اليوم خطيبة
الدموع من عينها سالت وليهو قالت بي نحيبا
أنا من زمان خايفلو قلبك ريدة البت يمتليبا
البنية هي زين سميحة وخاتية من شيتاً يعيبها
أي صح هي جميلة آأية وفاق جمال تاجوج نصيبا
العفاف لابساهو مقنع وفي الضهر مردوم سبيبا
وعودها زي الفي الجروف اتفدعت ميل وطيبا
الا يا هيثم جنايا خالتك إنت رضع حليبا
في الشرع تبقالك أختك وما بتكون لاختك خطيبها


http://www.alnsri.com/grmake/1/haitham.wma

[imported_منال]

فكان البوم ممكن انسى - محمد النصرى

انا ليه ما اغني وليه ما ابدع فيهو فني
انا داير اكتب ليك معاني بيها عينيك الهمني
فيها شايف الدنيا حولي والمدى البيناتنا جني
ما انتي في عيني حقيقة احلى من حتى التمني
وانتي ابعد من خيالي الا اقرب لي مني

ممكن انسى او اتناسى ومر مأساتي اتجرع كاسا
بس افتيني الريدة الماتت ايه حيرجع دفء احساسا
والاشواق الكانت الفينا زي النار تحرق انفاسا
فتر خيلا غناك للفرقة دللا قلبك ودقا اجراسا
يا سالبني شبابي الولى فيني جراجك ما بتتآسى
قلبي الكت حياتو وموتو ما فضلك فيهو قداسة
ليه تتبكى عشان الماضي ولي الزكرى تعيد احداثا
وانت الزكرى الشالا بتبكي مآتما اكتر من اعراسا
مهما تفيض ريدة وحنية ما بتروي العتمور ويباسا
حتى وجودك ما بنسيني لحظة خيالاتي الهلواسة
دابي قدرت ألملم نفسي لما اللهفة كتلتا حماسا
وقلتا اعيش راهب وحداني ابعد من الدنيا وناسا
فكري وراك شارد في ظلما قلبي معاك كم أنا وقاسى
وقلبك مني اتبرى اتنكر حتى مشاعري رماها وداسا
كيف من تاني افكر وارجع وآمن لي دنياك واخلاصا
ولا دموعك تاني تعيدك زي ما كت للروح نبراسا
ايوة بدت جواي تتهدم كل مشاعر الحب من ساسا
وما ندمان لكن بتألم كيف تتزيف اجمل ماسة[/


http://www.alnsri.com/momken-ansa/momkn-ansa.wma

[imported_قاسم النصري]

والله ماشاء الله علي الإبداع
أيانا الي اتوهطنا في سودانيات وتاني ما مارقين عشان طيبة أعضاءها الزينين

لكن بس الإبداع يفترض ان يكون متنوع حتى تلبي كل المستمعين يا منال

في انتظار التشكيل

[imported_منال]

و تانى


http://www.alnsri.com/upload/uploads/wdalsia.mp3.mp3

[elmhasi]

كلمات الاستاذ الفاتح ابراهيم بشير
غناء الرائع جعفر السقيد



عفوا حبيب قلبى ما انت لى وطن




سلامات منال وكل الحضور في هذه الدوحة الوريفة بالحروف العذبة ..

غايتو أنا عاجبني البيت ده .. رغم إنو المرفوض الشاعر يقول ( عفواً حبيب قلبي ما إنت لي سكن ) .. لكنه إختار الأكبر والأشمل ، وطن .. يكون قاصد وطن للجميع ؟؟؟

ودي وتقديري

المحسي ..