عفوا حبيب قلبى ما انت لى وطن

imported_منال · 28-10-2008, 12:05 PM

كلمات الاستاذ الفاتح ابراهيم بشير
غناء الرائع جعفر السقيد

انا قلبى عشان ينساك دايرلو تانى زمن

عفوا حبيب قلبى ما انت لى وطن

انا قلبى ذنبه شنو عودته انت عليك

علمته يبكى ينوح يوم ما يشوف عينيك

وكتين ملكته خلاص فريتها لجنحيك

خاطبته باستبداد قلت ليه اختار ليك

هو الصبار المسكين راجى اليالى تروق

لا كل لا مل لا عاتب المعشوق

كل القدر قاله ياناس كتلنى الشوق

والضقته فى دنياى ما ضاقه قط مخلوق

انا يا خلائق اه ضقت العذاب اصناف

شلت الليالى سقد تشهد تبارك وقاف

جربت صبر ايوب كانت نهايته جفاف

والصابنى يالمريود بالعين محال ينشاف

لو دار تعرف البى ارجوك مرة تعال

اقعد وعاين بس ما تسال اى سؤال

انا يا حليلى انا اصبح يمنى شمال

جوايا عشرة اشياء خلت حياتى محال

حظى التعيس الشوم الغيرة والعزال

ليل الضياع والخوف والحيرة والاهمال

انك تملى معاى و بيناتنا كم اميال

احساسى انى بسيط واحلامى واقفه جبال

صبر اً صبرتو عليك ذكرنى سيدنا بلال

حتى ان سكت انا تتكلم الاطلال

وآخر المطاف بالليل سافرت باستعجال

لا طلت بلح الشام ولا ضقت راحة البال

برضك تقول لى اصبر اتحمل المكتوب

واتعوض الله خلاص انسانى يالمحبوب

خلتنى ذى عصفور هبت عليه هبوب

فنتله عشه شمال شالت صغاره جنوب

[rams]http://www.alnsri.com/alshroog/afwan.mp3[/rams]

imported_منال · 28-10-2008, 12:14 PM

[align=center]الفاتح ابراهيم بشير

قبــــلة غُنـــاي

احتـرت كيفـن اوصفـك .. والله يـا قبـلـة غـنـاي
لو كان بحور الكون مـداد بتجـف قبـل مـا تنصفـك

حاولت اكتب ليك واقول واوصف ملامحـك بالشعـر
لكن حروفي تـذوب عديـل قـدام عيونـك تنصهـر
يا عايشة في دمي وغناي يـا ديـدن الـروح والفكـر
خلدت اسمك بي حروف قطرات دماي كانـت حبـر

يا غنوة في وتري الحزين يا ضحكة في الزمن الصعب
يا واحة في عز الهجير يا راحـة مـن بعـد التعـب
يا نسمة هبت في الدغيش عزفت علي وتـر العصـب
يا رحمة من رب العباد مكبوبة فـوق خلـق الله كـب

سافرت في عينيك سنيـن زادي المعـاي ابيـات غنـا
مكتوبة بي دمي الصبـح شـلال مـن الهـم والعنـا
صورت احساسي الدفيـن بـي قافيـة ليـك معنونـة
بتقول بلا كلفة ورتوش يا انتـي يـا المـوت والفنـا

احترت في وصفك انا وحارت معاي كـل الحـروف
مرات بشوفك يا مناي ياقوتـة فـي قلبـي الولـوف
مرات بشوفك ضي امل دبج خطاي رغـم الظـروف
مرات بشوفك جارية نيل امواجو عانقـت الجـروف [/align]

imported_wadosman · 28-10-2008, 12:21 PM

فى السلك يا منال...

الشاعر الفاتح ابراهيم بشير له ملكة فى الالقاء تجبرك للاستماع اليه
احب ان اسمع شعره و هو يلقيه..يستطيع ان يتقمص الكلماات و يعيش
مع جو القصيدة بصورة مذهلة...

شكرا ليك و كترى لينا من زى دا...

imported_منال · 28-10-2008, 12:22 PM

يا قليبي كفاك
انت تزازي فوق كم
جعفر السقيد ... طنبور من غير ايقاع ... سماهو جلسة استماع

[rams]http://www.alnsri.com/alshroog/2/tzazifogkm.mp3[/rams]

imported_منال · 28-10-2008, 12:30 PM

اقتباس:

المشاركة الأصلية كتبت بواسطة wadosman

فى السلك يا منال...

الشاعر الفاتح ابراهيم بشير له ملكة فى الالقاء تجبرك للاستماع اليه
احب ان اسمع شعره و هو يلقيه..يستطيع ان يتقمص الكلماات و يعيش
مع جو القصيدة بصورة مذهلة...

شكرا ليك و كترى لينا من زى دا...

ود عثمان البوست كلو ح يكون من اشعار الفاتح ... يلا ايديك معانا ... نستمتع بالطنبور الحنين ... و الشاعر الجميل
اليك اهداء خاص ... شوف الصور الفيها مدهشة و حقيقية كمان ...

[align=center]انا لو كتلنى الشوق

انا لو كتلني الشوق صدقني ماغلطان
ما انتا خليتني جواب بلا عنوان
تايه مع الايام من باحة لي باحة
شايل هموم الناس وخلق الله مرتاحة
افراحي مقفولة ومالاقي مفتاحه
والشاله زول نسااي من وين تجي الراحة؟
اشواقي يالمحبوب اكبر من الغنوات ولو دار تعرف البي كدي
اسال النجمات
بتقولك المستور وكيفن ملكتا الذات
وكيف انتا في دمي ومستوطن الخلجات
علمني حبك جد كيفن اكون وافي
وكتين يطولبي الليل ويبقى الامان مافي
انا..انت..والاحلام والواقع الجافي بيناتنا اقوى صراع في عشنا الدافي
بس انت ابقى معاي والباقي كلو يهون
اتحمل الالام والخاطر المحزون
باكر طيور الريد تملى الاماسي شجون
في الساعة ديك يازول الدايرو الله بكون
انا لو قتليك بنساك صدقني اكون كضاب
اناكنتا قبلك زول تايه بلا هداي
زي الغمام رحال ماداري وين مرساي
وكتين رايت عينيك وفيهن لقيتو دواي...عادليا عمري الراح حسيت باني شباب
انتا قفلتا باب قلبي ومفتاحو شلتو معاك
خليتني اشوف الكون باهت جمالو بلاك
مشكلتي يالمريود داير اطولو سماك
لكنو ريشي دقاق والجو غيوم وضباب
ريدك بلا ميعاد هبش النسيج الحي
حملني فوق طاقتي اعياني مني ولي
ماقالو في الامثال اخر العلاج الكي والموت دوام واحد وتتعدد الاسباب
القاك معاي ومعاي ..زي لو معاي ياريت ..
زي الحنين والشوق في الغنوة والدوبيت
زي الضفاف والنيل والودعة والسوميت
ما انتا ليا بقيت زي السؤال وجواب
لوقتليك بنساك..في زول بنسى روحو دحين؟
لوحتى كان مشغول لابد يشدو حنين
اصلو العشق غلاب
اصلو الغرام غلاب
مهما ندسو يبين
نقراهو في العينين ظاهر كانو كتاب
لو قتليك بنساك صدقني اكون كضاب
انت البنيت جواي للريدة سور وابواب[/align]

imported_wadosman · 28-10-2008, 12:32 PM

اقتباس:

بس انت ابقى معاي والباقي كلو يهون
اتحمل الالام والخاطر المحزون
باكر طيور الريد تملى الاماسي شجون
في الساعة ديك يازول الدايرو الله بكون
انا لو قتليك بنساك صدقني اكون كضاب
اناكنتا قبلك زول تايه بلا هداي
زي الغمام رحال ماداري وين مرساي

عجيب..كلااام ملياان و معبر جدا...

imported_منال · 28-10-2008, 12:39 PM

الفرح الحزين

يا قلبي الحزين وين تمشي ليه كل الدروب مقفولة
كيفن زول يصل للجامعة يرجع تاني لي سنة أولى
ياما كتار حليلهم ضاعوا في زحمة دروب مجهولا
يزرعو في النوايا الطيبة كان ثمرة ضياع محصولا
الواحد يريد النجمة ما بيقبل يشوفو افولا
تلقى وسط ظروفو يشابي عشمان انو بكرة يطولا
مسكين كان يخادع نفسو بي سحب الخريف وهطولا
متعشم يقول المسرة يوم باكر يدقو طبولا
مسكين ياحليلو اتناسى نكبات الزمان وفصولا
واتناسى انو نحن غلابا احلامنا العراض مطبولا
من زمن القراية شراي ما بشوف غير سيوف مسلولا
كل ما اقول وصل لي مرسى القى احزاني شادى خيولا
قاسي الزي يقلى الداريو نقاي يعرف المصقولا
اول ما يقول ديك لي كل خلق الله بكرة يجولا
عايش فد سؤال جواي ليه لحظات فرحنا عجولا
وايام الحزن تندب زي السلحافية مهولا
اختلطت على ايامي قدامي الهموم مسدولا
ممشكلتي العلي ومالبي ما هو مرض دوا وكبسولا
اه اه اه اه اه اه اه
اه من دنيتي واقدارا اه من جحيما وهولا
شينا الزي بلقى الدايرو منو الدمعة ما مقبولا
لكن يا رفاق بالدغري كلمات بي صراحة بقولا
انا كان جنيت او ودرت تبقى ظروفي هي المسئولة

imported_منال · 28-10-2008, 12:46 PM

الى كل الطيور المهاجرة

عشان خاطر عيونك - الفاتح اراهيم بشير

عشان خاطر عيونك ديل افارق حلتي وطني
اسافر من بلاد لي بلاد كمل صبري وراح بدني
اضوق المره واتغرب واكون مجبور اشد رحلي
وافوت ناسا حنان طيبين وافوت مرتع صباي واهلي
اشيل الذاد غنيواتن اردد فيها من جهلي
كلام يقول انا الراحل وجاييك بكرة يا املي
جاييك يا غرام الروح لو حتى السنين دار تابة
وجاييك لو سنيني تدور وتدوس امالي انيابة
وجاييك لو يطول الليل ولو يبقى الوطن غابة
جاييك قولي لي كيف انساك وانا السافرتا عشان عينيك
فت درب الوطن والعزة والحله المنورة بيك
فت امي وقليبه الحاني وحاجات تاني خافي عليك
وانت لا تشغل قليبك بيها ما دام الصحاب حوليك
قول لي يا حبيب برجاك لو حتى اغترابك طال
وقل لي ما بخونو هواك وما بسمع كلام عزال
وقول لي غير غرامك انت ريد يشغل قليبي محال
وطمن قلبي يا مريودي باقي الغربه ذاته نضال

imported_منال · 28-10-2008, 01:22 PM

اقنعيني
كلمات و الحان محمد سفله

نتـرة الوجـع الشديـد وقمـة الهـم والمـآسـي
اقنعيني إنك سعيـدة وخلـي قلبـي وراك يقاسـي
وشن طعم كل الغناوي الفيها ما بتضحـك عيونـك
وآيه تكون حتي السعادة في سماء الاحلام بدونـك
يا مرايات ذاتي حبـك فجـر الاحسـاس بكونـك
غنوة في خاطر صحايـه ومنـه تتوسـد نعاسـك
يا وطـن فيهـو اتخلقتـا ومنـو طـول اغترابـي
وقسمتك بي غيري تبقي وتبني عزك فوق شبابـك
القي في عينيك قسمتي ابقـي لـى جـوا عذابـي
وشايل اشواقي وجراحي وديمه طاريك وانتى ناسي
وبي بصيص عشم تتاوق روحو من سخر اندهاشه
وكستا في الواقع ملامحك والخيلات حولى ماشـه
لا مدن عينيـك غشنـي وستفنـي مـن البشاشـه
ولا رضيت في اللجه اغرق ولا قنعتا من المراسي
وانت بالذات تستحقـي كـل غنـاي وتضحياتـي
وقلبـي يستنـاك معلـق فـي سمـوات أمنياتـي
وما مهـم القـاك حبيبـه المهـم اهديـك حياتـي
وتاني اهديك باقي عمري قلب ينبض وكل حواسي
لسه في احزاني راحل تحتي لوعه وفوقي شـوق
حسـره تملانـي وتدفـق روح تسـارق للمـروق
ما شكيت للدنيا حالى حاشا ليلـي نهـاري سـوق
وفي القلب شايل ملامحك بيها اتصابـح واماسـي.

[rams]http://www.alnsri.com/alshroog/agnainy.mp3[/rams]

imported_منال · 28-10-2008, 01:37 PM

الامانى الغالية - طارق عبد القيوم

[rams]http://www.alnsri.com/upload/uploads/rrrrr9.mp3[/rams]

imported_هاشم أحمد خلف الله · 28-10-2008, 04:35 PM

شكراً يا منال على الطرب الجميل

imported_الشريف الراقي · 28-10-2008, 05:03 PM

[align=center]منال .. المنال ..
والله يا بنية وديتينا لي زمن بعيد .. هناك حيث كان لا ذم ولا ثم إعتداء ..
آهـ من خفقة الشوق التلوح زي النبال ..
بدايات الشتاء وسكون الليل واستحياء ضوء القمر .. كل هذا بفعلك هذا أثار فيّ حنيناً لمكان كان وزمان مضى .. فها أنا أمشي معه دمعة دمعة ..
منال شكراً كل هذا الشجن الجميل .. [/align]

imported_nagwa · 28-10-2008, 06:18 PM

منال
التحيه واليوم تتحفينـــا بهذا
حسنك بديع معدوم مثالك ...
حير قلوبنا وصف جمالك ..
يا بهجة يا فرح الحزين ...
آمنت زيك ما بكون

imported_باسط المكي · 28-10-2008, 06:28 PM

اقتباس:

المشاركة الأصلية كتبت بواسطة nagwa

منال
التحيه واليوم تتحفينـــا بهذا
حسنك بديع معدوم مثالك ...
حير قلوبنا وصف جمالك ..
يا بهجة يا فرح الحزين ...
آمنت زيك ما بكون

تحياتي
يامنال كوني بخير
ودايما متدفقة

بابكر مخير · 28-10-2008, 08:06 PM

منو العزيزة
قوة قلبك يا ماما
تحير
ما متل الكلام دا
كيف حتى بينقري؛ ولو مرة واحدة؟؟؟
شيتن شديد وقوي وبديهي جميييييييييييييل..
إتي يما شدتك
قريتيهو، سمعتيهو وكمان قال ليك
كتبتيهو
ما شاء الله عليك
دا انا القريتو بس
لفا راسي ذي ما أكون وأخد "لكن ما مبتكوني جربتي الحاجات دي" سفة من ود عماري ولا كاس ع.. ولا عبار م.. ولا عسلية ولا ذي لمن واحد يكون ضارب سمسمية يديك روسية..
شكرن كتيييييير

28-10-2008, 12:05 PM	#[1]
imported_منال Banned	عفوا حبيب قلبى ما انت لى وطن كلمات الاستاذ الفاتح ابراهيم بشير غناء الرائع جعفر السقيد انا قلبى عشان ينساك دايرلو تانى زمن عفوا حبيب قلبى ما انت لى وطن انا قلبى ذنبه شنو عودته انت عليك علمته يبكى ينوح يوم ما يشوف عينيك وكتين ملكته خلاص فريتها لجنحيك خاطبته باستبداد قلت ليه اختار ليك هو الصبار المسكين راجى اليالى تروق لا كل لا مل لا عاتب المعشوق كل القدر قاله ياناس كتلنى الشوق والضقته فى دنياى ما ضاقه قط مخلوق انا يا خلائق اه ضقت العذاب اصناف شلت الليالى سقد تشهد تبارك وقاف جربت صبر ايوب كانت نهايته جفاف والصابنى يالمريود بالعين محال ينشاف لو دار تعرف البى ارجوك مرة تعال اقعد وعاين بس ما تسال اى سؤال انا يا حليلى انا اصبح يمنى شمال جوايا عشرة اشياء خلت حياتى محال حظى التعيس الشوم الغيرة والعزال ليل الضياع والخوف والحيرة والاهمال انك تملى معاى و بيناتنا كم اميال احساسى انى بسيط واحلامى واقفه جبال صبر اً صبرتو عليك ذكرنى سيدنا بلال حتى ان سكت انا تتكلم الاطلال وآخر المطاف بالليل سافرت باستعجال لا طلت بلح الشام ولا ضقت راحة البال برضك تقول لى اصبر اتحمل المكتوب واتعوض الله خلاص انسانى يالمحبوب خلتنى ذى عصفور هبت عليه هبوب فنتله عشه شمال شالت صغاره جنوب [rams]http://www.alnsri.com/alshroog/afwan.mp3[/rams]
imported_منال Banned

28-10-2008, 12:14 PM	#[2]
imported_منال Banned	[align=center]الفاتح ابراهيم بشير قبــــلة غُنـــاي احتـرت كيفـن اوصفـك .. والله يـا قبـلـة غـنـاي لو كان بحور الكون مـداد بتجـف قبـل مـا تنصفـك حاولت اكتب ليك واقول واوصف ملامحـك بالشعـر لكن حروفي تـذوب عديـل قـدام عيونـك تنصهـر يا عايشة في دمي وغناي يـا ديـدن الـروح والفكـر خلدت اسمك بي حروف قطرات دماي كانـت حبـر يا غنوة في وتري الحزين يا ضحكة في الزمن الصعب يا واحة في عز الهجير يا راحـة مـن بعـد التعـب يا نسمة هبت في الدغيش عزفت علي وتـر العصـب يا رحمة من رب العباد مكبوبة فـوق خلـق الله كـب سافرت في عينيك سنيـن زادي المعـاي ابيـات غنـا مكتوبة بي دمي الصبـح شـلال مـن الهـم والعنـا صورت احساسي الدفيـن بـي قافيـة ليـك معنونـة بتقول بلا كلفة ورتوش يا انتـي يـا المـوت والفنـا احترت في وصفك انا وحارت معاي كـل الحـروف مرات بشوفك يا مناي ياقوتـة فـي قلبـي الولـوف مرات بشوفك ضي امل دبج خطاي رغـم الظـروف مرات بشوفك جارية نيل امواجو عانقـت الجـروف [/align]
imported_منال Banned

28-10-2008, 12:21 PM	#[3]
imported_wadosman :: كــاتب نشــط::	فى السلك يا منال... الشاعر الفاتح ابراهيم بشير له ملكة فى الالقاء تجبرك للاستماع اليه احب ان اسمع شعره و هو يلقيه..يستطيع ان يتقمص الكلماات و يعيش مع جو القصيدة بصورة مذهلة... شكرا ليك و كترى لينا من زى دا...
imported_wadosman :: كــاتب نشــط::

28-10-2008, 12:22 PM	#[4]
imported_منال Banned	يا قليبي كفاك انت تزازي فوق كم جعفر السقيد ... طنبور من غير ايقاع ... سماهو جلسة استماع [rams]http://www.alnsri.com/alshroog/2/tzazifogkm.mp3[/rams]
imported_منال Banned

28-10-2008, 12:39 PM	#[7]
imported_منال Banned	الفرح الحزين يا قلبي الحزين وين تمشي ليه كل الدروب مقفولة كيفن زول يصل للجامعة يرجع تاني لي سنة أولى ياما كتار حليلهم ضاعوا في زحمة دروب مجهولا يزرعو في النوايا الطيبة كان ثمرة ضياع محصولا الواحد يريد النجمة ما بيقبل يشوفو افولا تلقى وسط ظروفو يشابي عشمان انو بكرة يطولا مسكين كان يخادع نفسو بي سحب الخريف وهطولا متعشم يقول المسرة يوم باكر يدقو طبولا مسكين ياحليلو اتناسى نكبات الزمان وفصولا واتناسى انو نحن غلابا احلامنا العراض مطبولا من زمن القراية شراي ما بشوف غير سيوف مسلولا كل ما اقول وصل لي مرسى القى احزاني شادى خيولا قاسي الزي يقلى الداريو نقاي يعرف المصقولا اول ما يقول ديك لي كل خلق الله بكرة يجولا عايش فد سؤال جواي ليه لحظات فرحنا عجولا وايام الحزن تندب زي السلحافية مهولا اختلطت على ايامي قدامي الهموم مسدولا ممشكلتي العلي ومالبي ما هو مرض دوا وكبسولا اه اه اه اه اه اه اه اه من دنيتي واقدارا اه من جحيما وهولا شينا الزي بلقى الدايرو منو الدمعة ما مقبولا لكن يا رفاق بالدغري كلمات بي صراحة بقولا انا كان جنيت او ودرت تبقى ظروفي هي المسئولة
imported_منال Banned

28-10-2008, 12:46 PM	#[8]
imported_منال Banned	الى كل الطيور المهاجرة عشان خاطر عيونك - الفاتح اراهيم بشير عشان خاطر عيونك ديل افارق حلتي وطني اسافر من بلاد لي بلاد كمل صبري وراح بدني اضوق المره واتغرب واكون مجبور اشد رحلي وافوت ناسا حنان طيبين وافوت مرتع صباي واهلي اشيل الذاد غنيواتن اردد فيها من جهلي كلام يقول انا الراحل وجاييك بكرة يا املي جاييك يا غرام الروح لو حتى السنين دار تابة وجاييك لو سنيني تدور وتدوس امالي انيابة وجاييك لو يطول الليل ولو يبقى الوطن غابة جاييك قولي لي كيف انساك وانا السافرتا عشان عينيك فت درب الوطن والعزة والحله المنورة بيك فت امي وقليبه الحاني وحاجات تاني خافي عليك وانت لا تشغل قليبك بيها ما دام الصحاب حوليك قول لي يا حبيب برجاك لو حتى اغترابك طال وقل لي ما بخونو هواك وما بسمع كلام عزال وقول لي غير غرامك انت ريد يشغل قليبي محال وطمن قلبي يا مريودي باقي الغربه ذاته نضال
imported_منال Banned

28-10-2008, 01:22 PM	#[9]
imported_منال Banned	اقنعيني كلمات و الحان محمد سفله نتـرة الوجـع الشديـد وقمـة الهـم والمـآسـي اقنعيني إنك سعيـدة وخلـي قلبـي وراك يقاسـي وشن طعم كل الغناوي الفيها ما بتضحـك عيونـك وآيه تكون حتي السعادة في سماء الاحلام بدونـك يا مرايات ذاتي حبـك فجـر الاحسـاس بكونـك غنوة في خاطر صحايـه ومنـه تتوسـد نعاسـك يا وطـن فيهـو اتخلقتـا ومنـو طـول اغترابـي وقسمتك بي غيري تبقي وتبني عزك فوق شبابـك القي في عينيك قسمتي ابقـي لـى جـوا عذابـي وشايل اشواقي وجراحي وديمه طاريك وانتى ناسي وبي بصيص عشم تتاوق روحو من سخر اندهاشه وكستا في الواقع ملامحك والخيلات حولى ماشـه لا مدن عينيـك غشنـي وستفنـي مـن البشاشـه ولا رضيت في اللجه اغرق ولا قنعتا من المراسي وانت بالذات تستحقـي كـل غنـاي وتضحياتـي وقلبـي يستنـاك معلـق فـي سمـوات أمنياتـي وما مهـم القـاك حبيبـه المهـم اهديـك حياتـي وتاني اهديك باقي عمري قلب ينبض وكل حواسي لسه في احزاني راحل تحتي لوعه وفوقي شـوق حسـره تملانـي وتدفـق روح تسـارق للمـروق ما شكيت للدنيا حالى حاشا ليلـي نهـاري سـوق وفي القلب شايل ملامحك بيها اتصابـح واماسـي. [rams]http://www.alnsri.com/alshroog/agnainy.mp3[/rams]
imported_منال Banned

28-10-2008, 01:37 PM	#[10]
imported_منال Banned	الامانى الغالية - طارق عبد القيوم [rams]http://www.alnsri.com/upload/uploads/rrrrr9.mp3[/rams]
imported_منال Banned

28-10-2008, 04:35 PM	#[11]
imported_هاشم أحمد خلف الله :: كــاتب نشــط::	شكراً يا منال على الطرب الجميل
imported_هاشم أحمد خلف الله :: كــاتب نشــط::

28-10-2008, 05:03 PM	#[12]
imported_الشريف الراقي :: كــاتب نشــط::	[align=center]منال .. المنال .. والله يا بنية وديتينا لي زمن بعيد .. هناك حيث كان لا ذم ولا ثم إعتداء .. آهـ من خفقة الشوق التلوح زي النبال .. بدايات الشتاء وسكون الليل واستحياء ضوء القمر .. كل هذا بفعلك هذا أثار فيّ حنيناً لمكان كان وزمان مضى .. فها أنا أمشي معه دمعة دمعة .. منال شكراً كل هذا الشجن الجميل .. [/align]
imported_الشريف الراقي :: كــاتب نشــط::

28-10-2008, 06:18 PM	#[13]
imported_nagwa :: كــاتب نشــط::	منال التحيه واليوم تتحفينـــا بهذا حسنك بديع معدوم مثالك ... حير قلوبنا وصف جمالك .. يا بهجة يا فرح الحزين ... آمنت زيك ما بكون
imported_nagwa :: كــاتب نشــط::

28-10-2008, 08:06 PM	#[15]
بابكر مخير :: كــاتب نشــط::	منو العزيزة قوة قلبك يا ماما تحير ما متل الكلام دا كيف حتى بينقري؛ ولو مرة واحدة؟؟؟ شيتن شديد وقوي وبديهي جميييييييييييييل.. إتي يما شدتك قريتيهو، سمعتيهو وكمان قال ليك كتبتيهو ما شاء الله عليك دا انا القريتو بس لفا راسي ذي ما أكون وأخد "لكن ما مبتكوني جربتي الحاجات دي" سفة من ود عماري ولا كاس ع.. ولا عبار م.. ولا عسلية ولا ذي لمن واحد يكون ضارب سمسمية يديك روسية.. شكرن كتيييييير
بابكر مخير :: كــاتب نشــط::	التوقيع: