وآحة الترابلة... [الأرشيف] - سودانيات .. تواصل ومحبة

المساعد الشخصي الرقمي

مشاهدة النسخة كاملة : وآحة الترابلة...

imported_ود الخير

07-02-2016, 05:04 AM

بسم الله الرحمن الرحيم

السلام عليكم ورحمة الله

مرحب حبابكم
http://gulfupp.com/do.php?img=269

imported_ود الخير

07-02-2016, 05:13 AM

رحمةً من الله ومغفرة على روح الاخ خالد الحاج,

اللهم أجعل قبره روضة من رياض الجنه يا الله..

النور يوسف محمد

07-02-2016, 09:13 AM

بسم الله الرحمن الرحيم

حبيبنا خالد ،
التربال المتمرد ،

أجواء الشانزليزيه ماظن خلت فيك قدرة (للجواد والشتل والقلع ) :D

تحياتى

imported_Hassan Farah

07-02-2016, 09:36 AM

بسم الله الرحمن الرحيم

السلام عليكم ورحمة الله

مرحب حبابكم
http://gulfupp.com/do.php?img=269
----------------------------------------------------------
وعليكم السلام والرحمة ودالخير
ياخى البلح دا غسلو

imported_ود الخير

07-02-2016, 09:45 AM

بسم الله الرحمن الرحيم

حبيبنا خالد ،
التربال المتمرد ،

أجواء الشانزليزيه ماظن خلت فيك قدرة (للجواد والشتل والقلع ) :D

تحياتى

هههههه والله معافرة شديدة خلاص !! قدر ما أقول أتخلص من التربال الجواي يا سعادة فائدة ماف ،،عليك أمان الله مسخ عليّ الشانز والشغلة كلها،،

احترام وأشواق يا جنابو

imported_ود الخير

07-02-2016, 09:57 AM

تحياتي دكتور حسن ،، البلح كان غسلناهو ترابلة ما بيجونا،،

انت ما سمعت قصة (حمار الجزيرة) الجاء الخرطوم ادوهو موية الخرطوم النضيفة ديك بتاعة الآبار الجوفية رفض يشربها ،، الا أضافوا للموية طين بحر حتى شرب ،، فخايفين من جنس دا:)

imported_ZEIN ABDALLA

09-02-2016, 02:19 PM

imported_ود الخير

11-02-2016, 09:28 AM

سلام ودالخير
ياخي انا كنت معجب بتجربتك بتاعة زراعة البطاطس في منطقة الجزيرة
اسلانج. بعد سمعت فديو لعمر بشير قبل كم سنة قال انه مزرعته(٨ فدان)
في السليت بتصفي ليها ربح خالص مليار ونصف(حوالي ٤٠٠ الف دولار
في ذلك الوقت)، فقُلت ود الخير دا لابد يكون طلع ليهو بربح ٤٠ او ٥٠
الف دولار ونسأل الله ان يزيد ويبارك. سؤالي ليك هل ستعيد تجربة
زراعة البطاطس؟ اذا التجربة كانت موفقة هل تنصحني بان استثمر في
الزراعة وهل تقبل ان اشاركك واساهم معاك في الموضوع دا؟

زين العابدين عبد الله
(حفيد ترابلة)

مرحب بيك دكتور زين ومرحب بيك بعباءة:) حفيد الترابلة
اذا استبعدنا أي غرض سياسي من المداخلة فهي محفزة جداً لمواصلة
ما وصلنا اليه في رحلتنا مع البطاطس,, اما اذا كان هناك غرض سياسي فالرسالة وصلت,
ودا حال السودانيين بما فيهم رئيسنا , فهو ماكان يدي اخره بالسرعة دي بخصوص
انتاج ال8 فدان... كما تعلم فالعين حق:),,

شكراً للاعجاب بالتجربة,,
واوعدك بالمواصلة وابشرك فالمشروع ناجح ولكن محتاج صبر

كما ذكرت في اول موضوع الزراعة فتقاوي البطاطس من هولندا, ميزتها ممكن تطلع منها تقاوي السنة التالية للزرعة الاولى, وهذا ما حدث معي اخذنا عدد 50 شوال بطاطس لانتاج السنة الجديدة فقلت تكلفة زراعة الاربعة فدان الى اكتر من النص,, اليومين ديل مبشرين بمحصول يقدر بي 600 شوال بطاطس كانت تكلفتها الملح وجاز الري..لل16 شربة,, والتقاوي طلعت من انتاج السنة الماضية,

التخزين في التلاجة بياخد مبلغ كبير,, واعمال الفلاحة اليدوية برضو غالية وبطئيه
فلنجاح المشروع لازم تكون مالك للتلاجة وعندك معدات زراعة, وقلع ,ورفع,وتنظيف البطاطس, وكل الاشياء دي متوفرة وممكن اذا الناس ختت الكورة واطة ممكن يملكو اي مزارع اليات الزراعة, والتخزين والتسويق, من غير اي اعلام ولا اي ضجة

لكن بيني وبينك امس لما شفت افتتاح عمارات العمال في سوبا جاني شعور باننا ماشين عكس الهدف,, لكن ما بتعرف!

imported_أسامة معاوية الطيب

11-02-2016, 09:37 AM

النور يوسف محمد

11-02-2016, 09:55 AM

سلامات دكتور زين
والله الزول دا بيتّ في بيتو عدييييل بطاطساية وحدة ما جابة لي ، أظنو بقالي عيني حارة

ياخي والله مشروع ممتاز ،
وممكن نركز فيهو ونقراهو كويس ونطلع منو بي حاجة كويسة ،
غايتو الواطة علي ، لغاية 16 فدان عشان نجيب ضعف الرئيس

ود الخير ازيك ياخي

بسم الله الرحمن الرحيم

تعرف يا أسامة ،
السودان ده ما عندو مخرج من أزماته الاقتصادية غير الإعتماد على الزراعة ،
وتطوير أدواته لغزو الأسواق القريبة والبعيدة ، ياخى نوعية الخضار فى الأسواق السودانية وبالرغم من تواضع العرض أجود من كل الخضروات المعروضة فى أرقى اسواق الخليج ،

بالله انت وود الخير معرفه !!

على جنب يا دكتور زين
الأخ خالد ده من أجمل وأنقى الناس الممكن تعرفهم على الواقع ،

imported_أسامة معاوية الطيب

11-02-2016, 11:55 AM

بسم الله الرحمن الرحيم

تعرف يا أسامة ،
السودان ده ما عندو مخرج من أزماته الاقتصادية غير الإعتماد على الزراعة ،
وتطوير أدواته لغزو الأسواق القريبة والبعيدة ، ياخى نوعية الخضار فى الأسواق السودانية وبالرغم من تواضع العرض أجود من كل الخضروات المعروضة فى أرقى اسواق الخليج ،

بالله انت وود الخير معرفه !!

على جنب يا دكتور زين
الأخ خالد ده من أجمل وأنقى الناس الممكن تعرفهم على الواقع ،

ود الخير انا اكلت في بيتو ونمت فيهو ، ونعلت الحكومة
ومشينا سوا أجمل بحيرة مراكب الله خلقا ، واتونسنا ، وقيل قطعنا ، جاني بي عربيتو في محلي وبي علبة خبيزو (العلبة الزماااان بتاعة الحلاوة ديك ما بعرفو لقاها وين زاتو )
لكن والله بطاطساية وحدي ما جاب لي سيرتا

imported_ود الخير

11-02-2016, 12:11 PM

ود الخير انا اكلت في بيتو ونمت فيهو ، ونعلت الحكومة
ومشينا سوا أجمل بحيرة مراكب الله خلقا ، واتونسنا ، وقيل قطعنا ، جاني بي عربيتو في محلي وبي علبة خبيزو (العلبة الزماااان بتاعة الحلاوة ديك ما بعرفو لقاها وين زاتو )
لكن والله بطاطساية وحدي ما جاب لي سيرتا

ههههههه :D
كنت عاوز اضحك بس لكن لقيت
رد الواتساب دا هنا ما بيأكل عيش

فالرد المساء حايكون كباري وسدود،،

عاوزين شركاء جادين في مشاريع راقدة في ضواحي بلدكم دي بتعمل عمائل في السودان

الان في معمل/ مسلخ دواجن ملحق معاهو تلاجة تجميد سعة 5 الف طن وبسعر شبه مجاني ،، وماكينات التلاجة بيتزر الألماني

imported_سجمان

11-02-2016, 12:12 PM

ود الخير سلام؛؛
عندي معاك نضمي كتير في الموضوع دا..
لو أمكن رسل لي رقم تلفونك..
التلفون ضيع علي الأرقام القديمة كلها..

تحياتي..

imported_ود الخير

11-02-2016, 12:18 PM

تكرم والله يا سعادة ،،

imported_ود الخير

11-02-2016, 12:21 PM

تعرف يا اخ محمد الناس دي هنا كلها مضيعة رقمك
وخاصية الرسائل الخاصة عندي من التلفون ما شغالة

0033684669147

imported_سجمان

11-02-2016, 12:25 PM

تعرف يا اخ محمد الناس دي هنا كلها مضيعة رقمك
وخاصية الرسائل الخاصة عندي من التلفون ما شغالة

0033684669147

تسلم يا حبوب..
بديك تلفون بعدين إن الله هون..
تحياتي للمعاك

imported_ZEIN ABDALLA

11-02-2016, 03:17 PM

مرحب بيك دكتور زين ومرحب بيك بعباءة:) حفيد الترابلة
اذا استبعدنا أي غرض سياسي من المداخلة فهي محفزة جداً لمواصلة
ما وصلنا اليه في رحلتنا مع البطاطس,, اما اذا كان هناك غرض سياسي فالرسالة وصلت,
ودا حال السودانيين بما فيهم رئيسنا , فهو ماكان يدي اخره بالسرعة دي بخصوص
انتاج ال8 فدان... كما تعلم فالعين حق:),,

شكراً للاعجاب بالتجربة,,
واوعدك بالمواصلة وابشرك فالمشروع ناجح ولكن محتاج صبر

كما ذكرت في اول موضوع الزراعة فتقاوي البطاطس من هولندا, ميزتها ممكن تطلع منها تقاوي السنة التالية للزرعة الاولى, وهذا ما حدث معي اخذنا عدد 50 شوال بطاطس لانتاج السنة الجديدة فقلت تكلفة زراعة الاربعة فدان الى اكتر من النص,, اليومين ديل مبشرين بمحصول يقدر بي 600 شوال بطاطس كانت تكلفتها الملح وجاز الري..لل16 شربة,, والتقاوي طلعت من انتاج السنة الماضية,

التخزين في التلاجة بياخد مبلغ كبير,, واعمال الفلاحة اليدوية برضو غالية وبطئيه
فلنجاح المشروع لازم تكون مالك للتلاجة وعندك معدات زراعة, وقلع ,ورفع,وتنظيف البطاطس, وكل الاشياء دي متوفرة وممكن اذا الناس ختت الكورة واطة ممكن يملكو اي مزارع اليات الزراعة, والتخزين والتسويق, من غير اي اعلام ولا اي ضجة

لكن بيني وبينك امس لما شفت افتتاح عمارات العمال في سوبا جاني شعور باننا ماشين عكس الهدف,, لكن ما بتعرف!

سلام خالد ودالخير...
في حساباتك ما دخلت ايجار الارض ولا ال ٤ فدان بتاعتك انت ؟ هل
اذا قدرت تعمل تلاجة لحفظ البطاطس ستحقق ارباح اكثر ام
شغل التلاجة دا بكون بزنس تاني منفصل والتلاجة دي بتكون سعتها كم طن
بطاطس وسعرها كم(سعر الشراء مش الايجار). المعدات الحديثة التي
تقلل العمل اليدوي كيف يمكنك الحصول عليها؟ وهل البنك الزراعي
يمكن يساعد ويشارك في الحصول عليها؟ اذا كان التلاجة والمعدات
الزراعية غير اقتصادية لمشروع صغير(٤ فدان) ، فليه ما تكبر المشروع ....
ارض اسامة ال ١٦ فدان دي رأيك فيها شنو؟
سؤال اخير شوال البطاطس فيهو كم كيلو؟

imported_ZEIN ABDALLA

11-02-2016, 03:34 PM

سلامات دكتور زين
والله الزول دا بيتّ في بيتو عدييييل بطاطساية وحدة ما جابة لي ، أظنو بِقالو عيني حارة

ياخي والله مشروع ممتاز ، وممكن نركز فيهو ونقراهو كويس ونطلع منو بي حاجة كويسة ، غايتو الواطة علي ، لغاية 16 فدان عشان نجيب ضعف الرئيس
ود الخير ازيك ياخي

سلام اسامة
ود الخير قال بخاف من العين الحارة، خاصة بطاطسه دي هولندية مش
زي بطاطس السودان ... يعني بطاطس فريزيان.
هل ال ١٦ فدان بتاعتك بالقرب من النيل ويسهل الحصول علي الماء
لزراعة البطاطس الهولندية؟
غايتو نتمنى تجيب ٢٠ % من مزرعة عمر بشير

imported_ZEIN ABDALLA

11-02-2016, 04:04 PM

بسم الله الرحمن الرحيم

تعرف يا أسامة ،
السودان ده ما عندو مخرج من أزماته الاقتصادية غير الإعتماد على الزراعة ،
وتطوير أدواته لغزو الأسواق القريبة والبعيدة ، ياخى نوعية الخضار فى الأسواق السودانية وبالرغم من تواضع العرض أجود من كل الخضروات المعروضة فى أرقى اسواق الخليج ،

بالله انت وود الخير معرفه !!

على جنب يا دكتور زين
الأخ خالد ده من أجمل وأنقى الناس الممكن تعرفهم على الواقع ،

شكرآ استاذنا النور
ود الخير دا من كلامه البكتبو في سودانيات هنا بتعرف انه زول كويس..
نسأل الله يشيل منه حِتة الكوزنة دي ويفتح عليه دنيا وآخرة ... عليك
الله يا ودالخير قول آمين.

imported_ZEIN ABDALLA

11-02-2016, 04:08 PM

ود الخير سلام؛؛
عندي معاك نضمي كتير في الموضوع دا..
لو أمكن رسل لي رقم تلفونك..
التلفون ضيع علي الأرقام القديمة كلها..

تحياتي..

اهو كدة الكلام دخل الحوش....
ممكن تسمو المشروع (واحة ترابلة سودانيات)

imported_ود الخير

11-02-2016, 08:43 PM

سلام خالد ودالخير...
في حساباتك ما دخلت ايجار الارض ولا ال ٤ فدان بتاعتك انت ؟

دفعنا ايجار الافدنة 10 الف جنيه للسنة ممكن تزرعها بطاطس وفي الصيف علف بيغطي ليك حق الايجار

سلام خالد ودالخير...
هل
اذا قدرت تعمل تلاجة لحفظ البطاطس ستحقق ارباح اكثر ام
شغل التلاجة دا بكون بزنس تاني منفصل والتلاجة دي بتكون سعتها كم طن
بطاطس وسعرها كم(سعر الشراء مش الايجار). المعدات الحديثة التي

بالنسبة لي انا خزنت عدد 500 شوال من شهر مارس الى شهر اكتوبر صاحب التلاجة أخد مني ايجار تلاجة 50 الف جنيه سوداني لكل الكمية , وسعر شوال البطاطس عمل 350 الف جنيه سوداني,, واشتراها مني صاحب التلاجة نفسه وكان صريح معانا بعد عشرة ايام باعها كتقاوي بمبلغ 400 الف ج للشوال
نحن في الجزيرة نسري والتي تقع في ولاية نهر النيل محلية ود حامد قرية الكمر
ممكن ننتج 6 الف شوال لو زرع 10 مزارعين بس محصول البطاطس والعدد زيادة لكن نضرب مثل بي عشرة مزارعين بينتجو 6000 شوال عشان تخزنها لحين تبيع بسعر مجزي انت محتاج لمبلغ 600 الف جنيه سوداني 600مليون سوداني بالقديم عشان تجي تبيع ال6000 شوالضرب350الف س بي 2.100.000 اتنين مليار ومائة الف جنيه سوداني,, دا بالحسابات العادية , اما لو كان في ندرة وسوق وطلب عالي السعر بيكون اكتر,,
وممكن لو عندك مقدرة في الاراضي الخصبة دي ممكن انت لوحدك تنتج ال6000 شوال ومحتاج فقط لزراعة 40 فدان
العمالة اليدوية بيجو عندنا ناس من قبيلة الجموعية وهم ناس مشهورين بزراعة وتسويق البطاطس في اسواق الخرطوم,, الزراعة والفلاحة والنظافة بتفقو معاك بالسرابة الفدان ممكن يكلفك 2 مليون للزراعة,,,,و1مليون للنظافة,,و2 مليون للقلع عند الحصاد,, لاحظ دا فدان واحد ,, دا ممكن تغنيك عنه زرًاعة للبطاطس ودي متوفرة الان للمشاريع الكبيرة وهنا في اوربا اغلى واحدة بتكون بما يعادل 10 مليون سوداني والقلاعة برضو مستعملة بنفس السعرحا انزل صورتها,,
سلام خالد ودالخير...

ارض اسامة ال ١٦ فدان دي رأيك فيها شنو؟
سؤال اخير شوال البطاطس فيهو كم كيلو؟
شوال البطاطس الكبير 50 كيلو والصغير 25 كيلو
بتاع التقاوي بيكون 25 كيلو
أرض اسامة ان بقت في كريمي سمحة تب,, لكن لو غرب امدرمان ما بتنفع لان البرد هنا شوية جايبلو رخوة:) والبطاطس دايرة البرد

التلاجة في السودان 5متر في خمسة بتكلفك حوالي 150 مليون سوداني

ال100 متر مربع في ارتفاع 4 متر ممكن تشيل ليك الكمية المناسبة البتعشيك

محتاج جننيتر يكون جاهز لو الكهرباء قطعت,, ويكون عندك خط ساخن مع فني تبريد لاي طاري

البطاطس لو لقت خلاء دنقلا وري محوري رشاش زرعة واحدة بتاعت 100 فدان بتكون ما عندك مشكلة طول حياتك من ناحية التمويل والكاش والذي منه:)

imported_ود الخير

11-02-2016, 09:09 PM

سلام اسامة
ود الخير قال بخاف من العين الحارة، خاصة بطاطسه دي هولندية مش
زي بطاطس السودان ... يعني بطاطس فريزيان.
هل ال ١٦ فدان بتاعتك بالقرب من النيل ويسهل الحصول علي الماء
لزراعة البطاطس الهولندية؟
غايتو نتمنى تجيب ٢٠ % من مزرعة عمر بشير

http://www.mrkzgulf.com/do.php?img=194132

http://www.mrkzgulf.com/do.php?img=194142

imported_ود الخير

11-02-2016, 09:23 PM

خط واحد لقلع البطاطس تستخدم مع تراكتور صغير
سعرها لا يتعدى ال10 الف جنيه سوداني مستعملة طبعاً

http://www.mrkzgulf.com/do.php?img=194163

imported_AMAL

12-02-2016, 12:24 AM

شكرآ استاذنا النور
ود الخير دا من كلامه البكتبو في سودانيات هنا بتعرف انه زول كويس..
نسأل الله يشيل منه حِتة الكوزنة دي ويفتح عليه دنيا وآخرة ... عليك
الله يا ودالخير قول آمين.

انا بقول امين نيابة عنو
اللهم انا نشهد ان عبدك ود الخير زول كويس
اللهم فانزع عن قلبه حب الانقاذ يارب العالمين 😆

imported_ود الخير

12-02-2016, 09:30 PM

انا بقول امين نيابة عنو
اللهم انا نشهد ان عبدك ود الخير زول كويس
اللهم فانزع عن قلبه حب الانقاذ يارب العالمين 😆
يااااا مرحب الأخت آمال

ود الخير فضلتي فيهو شنو لو نزعتي منو حب الإنقاذ ،، يقول قائلgoood

المفروض نحن واقصد السودانيين عامة المفروض حب الإنقاذ يجمعنا looool

imported_قرقاش

13-02-2016, 08:45 AM

انا بقول امين نيابة عنو
اللهم انا نشهد ان عبدك ود الخير زول كويس
اللهم فانزع عن قلبه حب الانقاذ يارب العالمين 😆

وياربنا كدى ...اديها صنه قبل القلع.
اصلوا الانقاذ هى الفتحت البيبان المقفلنها القبالم بالضبه والترباس
وندعوك ان
تزده من حب الوطن والمواطنين ..والبطاطس

imported_قرقاش

13-02-2016, 08:57 AM

http://www.mrkzgulf.com/do.php?img=194132

http://www.mrkzgulf.com/do.php?img=194142

الحبيب ود الخير ...
سبق لى ان بحثت فى الاسواق عن نوعيه من البطاطس ...تنشف .. وتتقرقش ..بعد التحمير ..ووجدتها فى السودان بكميات قليله جدا جدا ..وهى متوفره بكثره فى مصر .. اعتقد ان زراعتها فى السودان ستعود بعائد اكبر من بطاطسنا الموجوده حاليا فى الاسواق ...

imported_Hassan Farah

13-02-2016, 09:15 AM

انا بقول امين نيابة عنو
اللهم انا نشهد ان عبدك ود الخير زول كويس
اللهم فانزع عن قلبه حب الانقاذ يارب العالمين 😆
------------------------------------------------------------
:L:L:L:L:L:L:L
آميييييين يا رب العالمين

imported_Hassan Farah

13-02-2016, 09:17 AM

شكرآ استاذنا النور
ود الخير دا من كلامه البكتبو في سودانيات هنا بتعرف انه زول كويس..
نسأل الله يشيل منه حِتة الكوزنة دي ويفتح عليه دنيا وآخرة ... عليك
الله يا ودالخير قول آمين.
------------------------------------------------------------
:L:L:L:L:L:L:L:L:L
آميييييين يا رب العالمين

imported_ود الخير

13-02-2016, 05:27 PM

وياربنا كدى ...اديها صنه قبل القلع.
اصلوا الانقاذ هى الفتحت البيبان المقفلنها القبالم بالضبه والترباس
وندعوك ان
تزده من حب الوطن والمواطنين ..والبطاطس
امين امين امين يارب العالمين

والشيوعيين من اخوانا في الوطن السودان
اللهم ارفع عنهم البلاء والشقاء يا رب العالمين

imported_ود الخير

13-02-2016, 05:30 PM

------------------------------------------------------------
:L:L:L:L:L:L:L
آميييييين يا رب العالمين
الحوار الجاب الناس لينا ماجابك ,, الوطن ينادي للناس
الماسكة على الكيبورد,, والله المفروض يا دكتور تكون في قلب الحوار
بالخرطوم,, خبراتك مهمة

imported_ود الخير

21-02-2016, 08:51 PM

بسم الله الرحمن الرحيم

تعرف يا أسامة ،
السودان ده ما عندو مخرج من أزماته الاقتصادية غير الإعتماد على الزراعة ،
وتطوير أدواته لغزو الأسواق القريبة والبعيدة ، ياخى نوعية الخضار فى الأسواق السودانية وبالرغم من تواضع العرض أجود من كل الخضروات المعروضة فى أرقى اسواق الخليج ،

أمانة يا كريمي ما فيك جنس ويكي,

ونحن نقول أمانة يا نسري ما فيك جنس بطاطس,
الارض دي يا جنابو النور فيها سر عجيب ارض نسري اقصد
تتجدد تربتها كل سنة اذا منّ الله عليها بالفيضان, والحمد لله تتنزل طمانينة
على المزارعين ايام الزراعة ويكون اكبر همهم السوق , ولكن من جانب نجاح المحصول عندهم ثقة كبيرة بعد الله في ارض الجزيرة , وفعلاً تصدق حسابات الفدان نوعاً وكماً , وتواجه الناس مشكلة السوق
اليوم طلع الخضار وجادت الارض بكميات كبيرة من البطاطس للزارعين بطاطس
ولكن اليوم شوال البطاطس من الارض بمبلغ 150 جنيه,

http://up.harajgulf.com/do.php?img=554161

imported_ود الخير

21-02-2016, 09:11 PM

للإخوة المتابعين
تكلفة فدان البطاطس اليوم

يحتاج الفدان لزراعته لعدد12 شوال زنة 25 كيلو كتقاوي بمبلغ 4800
زايد ترحيل 200 تساوي 5 مليون تقاوي

ملح وسماد مليون, حراتة,وتجويد, وزراعة 2 مليون

موية/جاز/عامل للتلاتة شهور 2200جنيه/ اتنين مليون وميتين جنيه

نظافة/وترفيع /وقلع 1500 جنيه/ مليون ونص

الجملة11700 عشرة مليون وسبعماية

اليوم انتج الفدان عدد 150 شوال, وسعر الشوال اليوم 150 جنيه

جملة البيع 22500 جنيه

اذاً فايدة الفدان الواحد 10800 في تلاتة اشهر/ ناقص الزكاة

مع وضع في الاعتبار ان السعر دا سعر البيع في الارض,,

خالي من اي رسوم والحكومة بعينها ما بتشوف المحصول:)

تبدا رحلة الرسوم بعد يطلع المحصول من الارض

عتالة/ترحيل/زكاة/تخزين في التلاجة

imported_ود الخير

21-02-2016, 09:16 PM

يجمع المحصول في حفرة ويغطى بجزور شجرة البطاطس
يظل في الحفرة حوالي تلاتة ايام وومن بعد التعبئية

http://up.harajgulf.com/do.php?img=554229

مازالت التعبئية زي زمااااان كيل بس من غير ميزان!!!
http://up.harajgulf.com/do.php?img=554307

imported_ود الخير

21-02-2016, 09:37 PM

للحفاظ على المحصول من التلف, ولكي يجني المزارع
ثمار تعبه لازم من امتلاك تلاجة تبريد/حفظ/ خضار/بطاطس,,

فكان البحث في النت عن
chambre froide ,, ولقيت المفاجات مثل كل المعدات والسلع
يسعى الاوربيون دايمالامتلاك اخر موديلات المعدات حتى يتفادوا الصيانة والاعطال
ويعرضوا القديم بسعر شبه رمزي, سوف انقل تجربة شراء وترحيل وتخليص هذه
التلاجة الى مرحلة التركيب, واذا ناس الجمارك عصرو عليّ عارفكم ما بتقصروا:)

http://up.harajgulf.com/do.php?img=554350

imported_ود الخير

21-02-2016, 09:54 PM

أقصي اليمين فوق في الصورة هذه الشجرة تسمى(الرجوبة)
ان شاء الله لو الله مدّ في العمر نقدم ليكم الدعوة الاخوة في
سودانيات لقضاء اجمل رحلة عبر النيل تبداء من الخرطوم
وتمر بالسبلوقة الى جزيرة نسري ,
جعل الله سودانيات منارة وقبلة لعمل الخير ومحفزاً
لكل ساعي للعلا والرفعة والتطور,,

http://up.harajgulf.com/do.php?img=554369

imported_خالد غالي

22-02-2016, 07:58 PM

يا اخي ده من اجمل البوستات الشفتها في حياتي

شكرا يا ود الخير شديد

imported_قرقاش

23-02-2016, 07:44 AM

يا اخي ده من اجمل البوستات الشفتها في حياتي

شكرا يا ود الخير شديد
اثنى وابصم بالعشره لانه هكذا يكون حب الوطن
.وهكذا تكون محاربه الجهل والفقر والمرض ...
وهكذ تكون تكون اباحه واتاحه المعلومات
وبمثل هذا تستفيد الاوطان والبلاد والعباد من مواقع التوصل الاجتماعى والمنتديات ومن ثوره الاتصالات..
ندعو الله ان يجعله لك ياود الخير من العمل الصالح الذى تجده امامك يوم يبعثون ..

imported_ود الخير

23-02-2016, 02:50 PM

اثنى وابصم بالعشره لانه هكذا يكون حب الوطن
.وهكذا تكون محاربه الجهل والفقر والمرض ...
وهكذ تكون تكون اباحه واتاحه المعلومات
وبمثل هذا تستفيد الاوطان والبلاد والعباد من مواقع التوصل الاجتماعى والمنتديات ومن ثوره الاتصالات..
ندعو الله ان يجعله لك ياود الخير من العمل الصالح الذى تجده امامك يوم يبعثون ..
الغالي خالد ،،والرجل الملاك قرقاش شكراً كتير للطلة الحلوة ويعلم الله ليكم محبة صادقة تعنصراً مع اسم خالد من ناحية وحباً في مداخلات الاخ قرقاش البتديك الشعور إنّو مازال الدنيا بخير أحسن من الأول بكتير :)

ويا قرقاش عليك الله لو عندك زمن تزور جزيرة نسري في اليومين ديل حا تستمتع وكمان تدشن لينا موضوع الحصاد دا،،، حا أرسل ليك في الخاص تلفونات التواصل مع الاخوان في جزيرة نسري

تعرف لو كمان ناصر ربنا اداهو الزمن ورافقك بلدنا دي من قري أقلّ من نص ساعة بي عربية نجيضة

0909631041 اخونا محمد خير ،،
رحلة حا تكون تاريخية

imported_ZEIN ABDALLA

24-02-2016, 01:15 PM

imported_جيجي

24-02-2016, 01:25 PM

سلام ودالخير
قلت ارفع بوستك دا... لسه عندي كلام واسئلة بس مشغول جدآ .
سؤال سريع: ما هي مخاطر زراعة البطاطس الواجب الحرص علي تجنبها (امراض ومناخ) حتي لا تؤدى لفشل الزراعة؟
هل فكرت فى جدوى شراء ارض زراعية بمنطقتكم بدلآ عن الايجار؟الدوك التربالي
ياخ انتو البطاطس مالك ومالها
في سودانا دا النفر الواحد بي 10 شوالات بطاطس
بس ابقوا مارقين

imported_ود الخير

24-02-2016, 02:19 PM

سلام ودالخير
قلت ارفع بوستك دا... لسه عندي كلام واسئلة بس مشغول جدآ .
سؤال سريع: ما هي مخاطر زراعة البطاطس الواجب الحرص علي تجنبها (امراض ومناخ) حتي لا تؤدى لفشل الزراعة؟
هل فكرت فى جدوى شراء ارض زراعية بمنطقتكم بدلآ عن الايجار؟
الله يرفع قدْرك يا دكتور ،، وعليك السلام
البودة مرض بيصيب البطاطس ،، ومتى ما أصابها المرض دا ممكن تتخلص من المنطقة الاصابها المرض ،، ابن عمنا الفاضل السنة دي كان زارع فدانيين بطاطس اصاب جزء من زراعته مرض البودة ،، فقام بقلع الجزء المصاب وممكن يتباع بس بيكون فيهو عيون قايمة

تاني السنة البردها كويس بتكون البطاطس ناجحة

منطقتنا مشاكل التوريث والجري وراء المكاتب لتوريث الارض ومن ثم بيعها واقف عائق للشراء والبيع ،، والمساحات عندنا صغيرة ،، والنَّاس مرتبطة بالأرض شديد
فنادر البيع ،، لكن الان انا في انتظار أوراق دخلت على وزير زراعة دنقلا لارض استثمارية في خلاء دنقلا ناحية السليم ،، ورغم النافذة الموحدة والأسماء الكتيرة دي ،، الإجراءات بطيئة شديد ،، الان الأوراق مشت لاكتر من سبعة أشهر ،،، آخر مرة اتصلت قالو لي ناس الاستثمار كلهم مشوا مهرجان البركل !! وقبيلها كنت منتظر تلاته شهور لما الوزير الجديد يمسك الوزارة ،، وأول ما قدمت الطلب كانت انتخابات المجلس الوطني وتعيين الولاة !انتظرت زي شهرين ! قول ربك يسهل ،، مافي حاجة ساهلة في السودان ،، وبعدين اي زول عنده مشاكله الخاصة ! يعني مافي زول حايمشي ويحاجج بالنيابة عنك ويقول للموظف خاف ربك في المرتب البتاخدو دا ،،، زولي الموكله للأوراق قال لي يومك التسمع الموظف الكلام الحار ورقك بيرسلو ليك ولاية كردفان :) غايتو زي ما كتب الزول في عربيته "دايرة صبر"

imported_شوقي بدري

24-02-2016, 04:20 PM

التحية للجميع . الموضوع سمح قلت اتداخل معاكم بي موضوع قديم .
نحن الترابلة

شوقى بدرى
[email protected]

عندما عدت للاستقرار فى السودان فى أيام الديمقراطية الأخيرة ، لاحظت ان الأطفال وحتى الكبار ، قد انفصلوا قليلاً عن الواقع السودانى . أهل المدن كانوا يأكلون الخضار والصلطات والطبيخ بدون أن يفكروا من أين أتى كل هذا . وأنا صغير كان سائق السيارة يعود من السوق فى الصباح بعد أن يشترى متطلبات المنزل . ولم أكن أهتم بمن يزرع ما نأكله أو من يصطاد السمك الذى نلتهمه بشدة . قطف الباميه الذى يحدث كل يومين كان يجعل المساحه بين السبابه والابهام فى اليد ، فى شكل مبرد خشابى بسبب ( الشرا ) . وهو فى باميه الفرك اصعب من باميه الطبيخ الصغيره وإن كان باميه الفرك ارخص بعشرين فى المائه او خمسه وعشرين فى المائه من باميه الطبيخ . ونحن نلتهم الباميه مفروكه وطبيخ ولا نفكر فى معاناة المزارع او التربال . ولان القطف يحدث فى المساء فكنا نسرع فى العمل قبل المغرب . ونعمل باليدين الاثنين وتصير اليدان خشنتين . وعندما تسلم على الآخرين تلاحظ استغرابهم .
السمك كنا نشتريه من العم عثمان السكى فى الموردة ، أو من بشير شقيق لاعب الكرة الدولى المحينة . ولم أحس بمعاناة التربال أو الحواتى الى أن صرت أحدهم . وكنت قبلها قد مارست كثير من المهن مع أصدقائى . فلقد كنت نقاشا زينت أعمالى كثير من منازل أمدرمان . وكنت نجارا . شيدت برندات واثاث فى أمدرمان . أكبر انجازاتى وفخرى كان كشك مرطبات وجرائد فى شارع الأربعين مع تقاطع مرفعين الفقرا . وصاحب الكشك كان صديق الطفولة عزالدين آدم حسين رحمه الله عليه الذى صار طبيبا فيما بعد . وصبة أرضية الكشك كانت من صنع يدى ، وكذلك أرضية كثير من الحمامات والمطابخ فى أمدرمان ، وكنت أمتلك المحارة والطالوش والمسطرين والقدة . والمنشار الكبير والصغير وسؤاق الضهر والجيون والشنكار والفارة والرابو وعدة شواكيش ونصف مرزبة ، كما كنت أساعد أصحابى العجلاتية ، عبدالرحمن ككس والطيب عجوبة ، وخلف الله أبوكرنك وشقيقه زرقان . فى السوق الكبير ، كما كنت أصلح عجلات الأهل والأصدقاء بالمنزل . ولكن تبقى مهنة الترابل هى الأهم والأميز بالنسبة لى ، وهى الأكثر صعوبة ، خاصة فى الصيف عندما تشرب التربة الماء ونقوم بعملية الرى عن طريق الجوز ، وهى صفيحتين وحامل على الأكتاف . وهذه العملية جعلتنى أتعامل مع العتالة فى السويد كنزهة .
كمال سينا شيخ ظرفاء أمدرمان قال لصديقه فى مكتب شئون الخدمة ( يلا كا يا زول ، فقال الصديق لمن نخلص الشغل . فقا سينا ، هو شغل الحكومة دا كان بخلص كان جابوا ليه مقاول .) أستاذى مبارك بسطاوى طيب الله ثراه ، كان يقول لى ( يا شوقى شغل التربال ما بيخلص . تصحى من الفجر للمغرب ، وبكرة تجى تانى . ويوم تلقط ويوم تودى السوق . ) فلقد كنا نخلص بعد مغيب الشمس . الا أنها كانت أجمل فترة فى حياتى . ولقد كنت أجتر هذه الذكريات مع الابن عمر بسطاوى عندما أتى الى السويد ليحضر دراسات عليا . مبارك رحمة الله عليه والذى كان مزارعا وجزارا مع والدع فى بعض الأحيان يستعمل كلمة تربال وهى تعنى من يعمل فى الأرض كالساقية أو النبرو أو الجروف . وأظنها تأتى من التراب والتربة .
الشكر والتحية لأستاذى مبارك بسطاوى رحمة الله عليه وكل أهل توتى. وبعد الأحيان أتخاطب مع الفنان عزيز خطاب ، والابن هزاع الرجل الجنتلمان والذى يسكن الآن فى الدنمارك.
العيد يقترب الآن وأتذكر هذا الموضوع الذى كتبته قبل بضع سنوات
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ
فى يوم العيد وقبل أربعين سنه بالظبط وانا على بعد خطوات من العشرين قضيت اليوم من الصبح الى المساء مرتدياً سروالاً عارى الصدر فى المقرن وابيع البطيخ مساعداً مبارك بسطاوى برفقه صديقى الحبيب الميكانيكى من المورده عثمان ناصر بلال وبعد ان بعنا مركباً كاملاً رجعنا بمركبنا الى الجزيره لنأكل أول وجبه بشهيه عارمه عباره عن كسره بمويه . ونحن سعداء لبيع كل البطيخ .
وهذا العيد يمر ومبارك قد فارقنا . ستكون ذكراه العاطره معى لبقيه حياتى . أحد ابناء مبارك يسوق البنطون بين توتى والخرطوم ويقال انه يشبه والده . لم اقابل مبارك منذ ظهر الخميس يوم 17 شهر 9 سنه 1964 . جزاه الله خيراً على الدروس التى علمنى لها.

الريح قلب

الريح قلب والموج فات الدير
والقريه ميلت وانقطعو العياير
مبارك ود بسطاوي وسط الفوارس امير
كنت بدور اشوفك لكن حكمو المغادير
وعرفت منك البجيبو الله خير في خير
والعمر عاريه ومابربطوه بي سير
واللدر العشاري يوما بياكلو الصير
ماطمعتا يوم في حاجه ومادرت حق الغير
مابتشكي ابدا انت والقليل تشوفو كتير
يالعوا والسماك المابداخلو هجير
يانسمه فجر وفي الفارغه ماك وكير
ساهل حلو وكريم صبرك يغلب العير
حليل سرتقنا داك والطوف وهيط وكبير
وبالنا دايما رايق برمهات والا امشير
ثابت زي ام كبك والحال بدورلو نفير
نوم يافحل شبهك مابشتلوه كتير

الدير : هو حافة المركب
القريه: الصاري باللهجه السودانيه
العيايير: الحبال التي تشد القريه للكونيه
اللدر: التمساح
العشاري :مايبلغ طوله عشر ازرع
العوا والسماك: اثنان من منازل المطر
برمهات: شهر الربيع والريح الطيب في السودان
أمشير: شهر البرد ورياح النو
ام كبك: شبكه تثبت بصخور ضخمه في القاع

مبارك بسطاوي كان من اهالي توتي حلوا بسيطا هادئا وهو اكبر مدرس في حياتي لازمته لسنتين ونصف لم يعكر صفوها اي شئ. كان يزرع الجزيرة الهلاليه بين الموردة وجزيرة توتي الكبيره تقابلنا وانا في السابعه عشر من عمري وعمره ضعف ذلك وقتها كان له خمسه من الاطفال اثنين من البنات وثلاثه من الاولاد مرغني وعمر وصلاح. كان يزرع في الراس الطيني في شمال الجزيره التي عرفت بالسارى وام كيعان وهي اسماء بعض السواقي القديمه في توتي كنا نزرع البازنجان والباميه والسلج والطماطم دخن الجزائر الذي هو عشب لعرش البيوت وفي الطرح او المنطقه الرمليه كانت لنا مقا شرقيه وغربيه نزرع فيهم البطيخ والعجور والكورجيجه(بتعطيش الجيم) وتعرف للعامه بقرع كوسه ولان والده كان صاحب عطاء تشغيل معدية توتي ومعديتين صغيرتين بين توتي وبحري فلقد تعلمت علي يد الريس مرغني الذي يحمل شلوخ الشايقيه وهو من ودراوه تشغيل المعديه وعندما صرت في الثامنه عشر كنت ادير المعديه لوحدي في بعض الاحيان عندما يكون الريس مرتاحا في القيلوله او كنت اساعد الريس عندما يبلط الريح لجر المركب محملا بالدواب والبشر الي بورابوالبتول منطقه البرلمان السوداني الان ثم التجديف بقوة الي المشرع .
وهياني هذا للاختلاط بالحواته والنواته وصرت وكاني احدهم .
اتصور مبارك وهو مكبا علي عمله بجد ماسكا المسحه وهي طوريه عريضه لحفر كونيه في الرمل وهي حفره تملاء بالماروق وهي المخلفات البشريه التي نجمعها من المراحيض من المنازل ونبزر فيها البزور .

مبارك بسطاوي, الحاج, شرف حريقه, خوجلي رجلان وابودبوره والحواته العم الغول , قرض وحجير هم البسطاء الذين صنعوا ويصنعون الوطن بدون جعجعه. كرماء احرار كالسمك في النهر او الطير في السماء رزقهم في رحم الغيب الا انهم شجعان لايساومون صادقون مع نفسهم ومع الاخرين لا يسالون كثير
مبارك بسطاوي تقبلني بدون ان يسالني من انا ومن اين اتيت ولماذا اتواجد معه وتقبلني الاخرون وصار لنا سرتق اومركب حراز صغير بقماش ابيض نظيف وقبلها كان لنا طوف كبير من الطرور نستعمله في رمي الصريمه وهي مئات السنارات مربوطه في خيط قوي.
المني ان اسمع خبر موت مبارك بسطاوي قبل ايام فعندما حضر الهادي من كوبنهاجن لقضاء نهايه الاسبوع وفي محطة القطار قابل الاخ اوبي وهو من توتي ويحضر الان في جامعه غوتنبوري وطلب منه ان يبلغني ان مبارك قد غادرنا انا لم اقابل اوبي ولكن كنت قد افردت فصلا في كتاب حكاوي ام درمان لمبارك بسطاوي واهل توتي

رحم الله مبارك
شوقي بدري

imported_ود الخير

26-02-2016, 05:23 AM

شرفت ونورت استاذنا شوقي ،، ونحن طبعاً نشهد إننا من الناس الشافو قلبك:L
العامر بمحنة أهلنا الطيبيين ،، وقروا ليك في كل احوالك ،، فرح، حزن، اجترار ذكريات ،، صياد،، نجار،، مهاجر ،،، ملاكم ،، ود شمس في أمدرمان ،، سباح،،
واشياء كتيرة سمحة سماحة روحك ،،فتحياتي ليك استاذ وأخ وكاتب ومؤرخ ونتمنى ان نشوفك في السودان علم يرفرف في سماء أمدرمان التي نرى حبك لها يمشي بيننا،، تحياتي