سودانيات .. تواصل ومحبة - ام ضرع خرفت وطلقت ( الجزء الأول )

سودانيات .. تواصل ومحبة (http://www.sudanyat.org/vb/index.php)

- منتـــــــــدى الحـــــوار (http://www.sudanyat.org/vb/forumdisplay.php?f=2)

- - ام ضرع خرفت وطلقت ( الجزء الأول ) (http://www.sudanyat.org/vb/showthread.php?t=1634)

أنا ما سمعت نصايح بقية أهل الدار وكتبت مداخله تاني ما بقدر أعيدها وأرسلتها لكنها طشت وطششت الدرب

كدي النرجع رنقرا تاني ونجيك صادين .. يا حميد المطموس .... شكيت محن أم ضرع والضحايه وصحباتهن لي الله ..

اقتباس:

القمرا ملجلجي ومضوي الحوش..ونورا فاقع..والكدندار مباري كيمي الحوش..أم ضرع مكوعي راقدي فوق عنقريبا..ومدخلي كرعينو الأربعة في علب صلصة البستان..ومالآهن مويي

حمّيد،
مالك داير ترجعني البلد تاني
وأنا حمو النيل للّيلي ما طفى من ضهري

واصل يا خوي

اقتباس:

المشاركة الأصلية كتبت بواسطة Nasir Yousif

ود يوسف اخوي..
والله ام ضرع دي نسايتا كلو كلو ..
انت آخرابا جيت داخل عليها متين؟
بس اوعك من ادمانا..والله الا تفطرك
وتمرقك بلا صيام.. :D

تعالي يالملكة شوفي نصايحك.. :D
انكت البوست اجيبو :confused:

حميد..

اقتباس:

المشاركة الأصلية كتبت بواسطة عكــود

حمّيد،
مالك داير ترجعني البلد تاني
وأنا حمو النيل للّيلي ما طفى من ضهري

واصل يا خوي

خربتو خراااب..وفترت من المساسقة علي البلد..
الطبقي هين دحين خليني امشي انا اول..
وان بقيتو اديتوني لزة بواصل..

حميد يغريك السلام يالعكود..

أب قرن- يضحك-:
إي أقعدن أقعدن..بهظر معاكن..وأعذرني أمس جطا فيكن..كت ماني واعي..
أم ضرع -جايي كاشتي من التكل-:
إنتي آخرابا تقول ماشي الحج شابكانا الله يوريني..إزيكن وكيفنك آالخبابا وليداتك طيبين..
الخبابا:
كويسين يسعل منك الخير..أب ضلف مشالو علي نوريق..دايرنو براني..والصغير مورود مشى معاهو..بس إن شاء الله ما يعلقوهو معاهن..حتى ولو جواني من علي عود البرازي..وإنتي كيفنك..
أم ضرع:
نحمد الله ونشكرو..إنتي آالضحاية راجلك يكركب في العدي الغسلتها يكوس في شنو..
الحلوب - تلكد في الضحاية وتلز فيها-:
قومي عليهو وأسعليهو من غردي..يمكن يقولك..وبشارتك علي..
الضحاية:
كدي أصبري أسع ماهو فاضيلي..أنا عارفاهو..أشكيهو لي منو؟..الكان عدمني كباية الشاي وقزازة الدهن..والله العرقي علا يشقلو واحد فيهم في الواطا الحارة دي..أها شوفنو جيبو منفوخ..يعلم الله شالن كبايتين..الكان عرفت سواتو..والله مالو أسوي وأبيعو ليهم..وكان قديتلكن جيب الزواري..بس يضرع الحوش ويجي يحاسبني..تلقاهو زي دا يجر جر..وسيت يشطفو من الكبايي وينزل كع في حلقو ويبظق..
الرقطي:
أصبري اللوريك سواتو..يقولو كدي آيمة يجيبو التمر..الجاو أخير من البركاوي..والعاول أير من الجديد..والمسوس أخير من السالم..يبلوهو ويدوهو كشحة خميري..ويومين تلاتة يخمر..يكبوهو بعداك في صفيحي ويزيدوهو مويي..ويليسو خشم القيرواني..ويمرقو منها خرتوش..والخرتوش يدخلوهو في براد علمون في طش مويي..ويوقدو النار..أها البيمرق أولاني أسمو البكري وناس الشرق يقولولو السقطري..وأماني التمر المفور المونة يعني أماني فيهو حلات طعم وأخير من النشا والمديدي..والسكاري كان ما عملو حسابن في المشي يترتعو يكسرو كرعيهم..إنتي آالعرجي يوم كراعك اتكسرت كتي شاربالك شئ..

انتهى الجزء الاول والباقي هنا..

http://sudaniyat.net/forum/viewtopic.php?t=96

اقتباس:

[align=justify]أصبري اللوريك سواتو..يقولو كدي آيمة يجيبو التمر..الجاو أخير من البركاوي..والعاول أير من الجديد..والمسوس أخير من السالم..يبلوهو ويدوهو كشحة خميري..ويومين تلاتة يخمر..يكبوهو بعداك في صفيحي ويزيدوهو مويي..ويليسو خشم القيرواني..ويمرقو منها خرتوش..والخرتوش يدخلوهو في براد علمون في طش مويي..ويوقدو النار..أها البيمرق أولاني أسمو البكري وناس الشرق يقولولو السقطري..وأماني التمر المفور المونة يعني أماني فيهو حلات طعم وأخير من النشا والمديدي[/align]

حميد . .
إنت كنت شغّال مع النعيمة شي؟

لكن الفصل الأخير ده دايرلو مترجم عديييييل
حتى لي ناس الخرطوم
ناهيك عن ناس هولندا ولندن

هسع عليك الله دي يفهموها كيفن؟
وللا يترجموها ذاااتو كيفن؟[align=justify]

اقتباس:

كويسين يسعل منك الخير..أب ضلف مشالو علي نوريق..دايرنو براني..والصغير مورود مشى معاهو..بس إن شاء الله ما يعلقوهو معاهن..حتى ولو جواني من علي عود البرازي

[/align]

اقتباس:

المشاركة الأصلية كتبت بواسطة عكــود

:D :D :D
والله صدقت يا عكود..
نترجملها شنو ترى مافي زول جا ناطي
وقال معناتو شنو..الناس طلعت كلها فاهمي
الا انت..
يا اخي انا كنت معتمد عليكم في الدكشنرا لا تخزلوني
دحين فحّت فحّت كان لقيتلك معاني تقرّب المعنى..
انا عارفك مابتختى..
لفيت البلد كلها تصور ما خليتلك دحيشي ما صورتها
صورة الخرابا دي مالك ماجبتها..ولا تقول لي الضلمّة
فلاش الكاميرا بيزيلا..وللا خفتو من الهواء :D

حميد..