إستراحــة مع (الـــكاكـــى ) بســـودانــيات
جنــابو بابكر مخير http://im14.gulfup.com/2011-09-28/1317194278783.png جنابو الطيب بشير http://im19.gulfup.com/2011-09-28/1317196510681.jpeg جنابو النور يوسف http://im14.gulfup.com/2011-09-28/1317196867741.jpg |
يؤخذ عليك!
عدم التقيد بالأقدمية... كيييييييييف صورة سعادتهو الرائد، تجي تحت صورهم "جناباتهم" لاحظي "الشنوبة" ;) لكن بالله، مش؟؟ "شرط" :eek: |
وكثيرين ربما هنا ..لا نعرفهم ..
وللكاكى فى السودان مساحات لايستهان بها ..خيرها وشرها ... ومثلها فى ذاكرة الغنا السودانى ، ومرابيع الشعراء ... وجلسات الونسة الحميمة ... ...وهنا .. نفرد مساحه " خضراء" بلون ذاك اليونيفورم ، لنفر احبهم وتحبونهم دون شك ، نسوح معهم ، فى ذكريات ذاك اللون ، فهلا تكرمو ، وحضرو ، ورفعو تمام الحضور .؟ |
اقتباس:
للارض ......وايم الله ياجنابو :D |
مع "البوليس" الحكاية...
طبعي ما بهابش إلا شيتن بعرفهو،، يعني حتى في الاكل، إلا شيتن ضقته من صغر،، ناس لحم بط وطبيخ سبانخ وربيان والطعام الصيني وأمور كتيرة لي حسي ما مديت يدي عليهم.. آها البوليس والصيدلة،، من الأسرة توارثتهم،، البوليس؛ صديق مخير، علي مخير وحسي فضلي مخير الصيدلة؛ أبراهيم قاسم، يوسف بدري، قاسم مخير وحسي الصادق مخير.. مشي بي جمب الحيطة سااااااااااااكت :) |
حملت فكرة صيدلية تعاونية في شكل دراسة لسعادة اللواء إسماعيل عطية..
عيييييييك إترمت في درج مكتبه لمدة 6 شهور، يوم هفت ليا أشوف الحصل في الفكرة شنهو.. قال ليا: هو يعني عمل إجزخانة عايز لثهو دراسة ذي ورقك دآ؟ ما أهم اليمنين فاتحين دكاكين وبدون دوشة... شلتا ورق دكان اليماني ومشيت للواء خالد حسن عباس وزير الصحة حينها.. وتحولت الفكرة ونفذت "صيدليات شعبية" |
اقتباس:
إيييييييييييييييييييييييييييييييييييييييييييييييه زمن:D ـــــــــــــــ أصو ماحأكسر تلج يا مخير والنور درش بس وأرنب إستعد:D |
.
[media]http://www.sudanyat.org/upload/uploads/March.mp3[/media] . |
جنابو مخير العزيز
واصل بدون فواصل ، شكلو الكاكى ده جا " مغصة " ساى .. _____ ملحوظة : اى زول عندو علاقة ، او لبس الكاكى فى زمن ما ، او الان ..بتفضل البوست بوستينو ...بلا شك فى قمندان حائم يتاوق وشكلو عاوذ يزوغ ...بس وين ليهو ! حانجيبو حتى لو بالانتربول الدولى ... |
اقتباس:
نوت علينا، تقرضنا ....... الفااااااااااااااااااااااتحة :(:( |
اقتباس:
|
دكتورنا الجميل الزوول عوض
مع انى ماسمعتة لاسباب فنية تخصنى ، بس شكلك دعمتة الفكرة بى واحدة من اغانى البنات المجدت العساكر ديل ! صاح ؟ اتا عارف من زمان قاعده تعجبنى الجلالات بتاعتهم دى ، مع انو ماقاعده افرزهم بقولو شنو ...بس ياخ فيها حماس كدى يخليك تقرب تنط حيطةالجيران ...ساى بس:D فى الرحلة بتاعت سودانيات للباسقات ، جيرانا برضو عاملين رحلة وكانو عساكر بالله جايبين ليهم ناس جلالات كدى قلبوها لينا معسكر والكتاحة ماتديك الدرب . شوف عينى جنابو النور قرب يطير :D:D |
اقتباس:
البوست ده بتاع عساكر ...يعنى انتباه ولا بغم ! يجز كرعيك ;) |
من الملاحظ انو عساكر (الشرطة ) بتحس بيهم ناس (فليكسبل) او اقل خشونة
من عساكر " الجيش" !! السبب شنو ياربى؟ __ نورنا شكلك زعلته لانى اتجاوزته الرتب بالتسلسل الغير منطقى ...ذى ماقال جنابو مخير ....بس العزاء ياخ انى رتبتهم لشى فى نفس يعقوبة :D |
الإخترع جملة أقدم منك أرجل منك دة ما عمل فيني خير أبدا هسا أقلو كنت القائد العام وبالعدم كدة وزير دفاع
أظن يا جنابو منك له :D الجملة أعلاه ظلت عبئا ثقيلا علي كاهلكم حتي فارقتو الكاكي ولا كيف؟ ياخ دي جملة حارة خلاص |
بتاعين كديت ساهي
ينفع يا سمرمر (ما تحمر لي يا أبا دعد يا اخي ما فيها جنس مكوة مكسورة :D) بصراحة في ناس كدا حكاية كاكي ما كاكي دي ما لافقة معاها على الإطلاق والثلاثي المنير أعلاه أنموذجاً إتو كتو قاصدين تمشو الطب لاقتكم العسكرية قبلها قمتو دخلتو ولا كيف كدي ورونا . . . |
بسم الله الرحمن الرحيم
سمراء .. التحايا مشرقات .. كدى خلينا اسجل إعجابى بقدرتك المجنونة على التنوع .. :) لأنو البوست يمكن يكون مجال رحب لطرق مواضيع ذات علاقة .. والشرطة يا عزيزتى هى عشقنا .. عقدين من الزمان بيننا وبين ذلك العشق .. والذى كنا نرى ـ فيما يرى النائم ـ أنه العشق الأبدى .. ولكن عذراً فإن الحكم الصادر من قضاة مدينتنا .. قد عالجنا بالنزوح وزرع فى دواخلنا بذور الشتات .. قلائل جداً تلك الصور التى أرتدى فيها الزى الرسمى فكل عملى كان فى مجال البحث والتحرى .. فى ذات الوقت لم أكن أجد فيه نفسى .. احياناً أشعر بأنه ( يخنقنى ) :) كتبت بعض القصاصات المتعلقة بعملى فى مجال التحقيق وخواطر عن بعض من عملت معهم , سأحاول أن أرفد بها هذا البوست .. وفى البال تلبية طلب من الراحل المقيم خالد الحاج أن اكتب ذكرياتى عن بعض القضايا التى توليت التحقيق فيها .. وحابب أن أعود لبعض المراجع فى إجازتى القادمة لأن الكتابة من الذاكرة فى قضايا معقدة يشوهها ولا يخرجها فى بالصورة التى أود .. ستجدينى مرابط فى هذا البوست ... |
اقتباس:
لا ابداً معقولة .. وهو العين بتعلا على الحاجب .. ود مخير ده كمندانا كلنا وكبيرنا .. وجنابو الطيب دى شيخى .. يعنى الترتيب صحيح ولا غبار عليه :) بالمناسبة مرة فى إجتماع طالبت بعدم إعطاء أهمية للرتب فى التعامل اليومى لضباط المباحث ( قربو يطلعونى مجنون ) يعنى من زمان يا اميرى وسمراء عندى رأى فى التسلسل ده المرون بتاعت ضباط البوليس اكتسبوها من خلال التعامل المباشر مع الجمهور .. ولو أنى مازلت أعتقد أن تعديلاً جوهرياً يجب أن يتم فى منهج التعليم العسكرى لتحجيم النظرة ( الفوقية ) التى يمنحونك إياها فى شكل جرعات .. |
وب على يا بواليص المنتدى رقيتكم واسرتقيتكم
العين الحاسدة ما تعاين ليكم http://smilies.roro44.com/crazy/018.gifhttp://smilies.roro44.com/crazy/018.gif يا سمرمر انتى سمعتى بالغنوة قدمنى يلا يا جياشى مع البوليص انا ماشى:p:D:D :cool::cool: لكى ولضيوفك والمحتفى بهم ووقت فيها ذكريات آدى قعدة |
اقتباس:
بعدين السؤال الختيتو ده هو بالزبط الدائر فى راسى وماعرفته انزلو ليهم بياتو قالب.. بمعنى : هل الكاكى الدخلو فيهو ده عبارة عن رغبة ؟ ام ..قدر دنيوى خارج عن ما احبوه ؟ سعيدة بتواجدك ....وخليك ثااااااااااااااابت :D |
اقتباس:
وفى الخاطر بعض من تلك الاحرف التى طالما نرجع اليها بعد نثركم لها هنا .وهناك ، فتجعلنا نبحر فى عبابها غير آبهين من لجج معانيها العميقة ، التى كثير مانتوه معها فترسو بنا فى موانى تبعد عن واقعنا المالح .. هنا ، قصدت ان نقترب اكثر -منكم - فى مراحل تحمل بالتاكيد ماتحمل مواقف كثيرة تخالف طبيعتكم التى عرفناها من رقة ... والعسكرية كما نعلمها ، خشونة تفوق الوصف ... _______ اها بعد الكلام السمح الفوق ده ...ياخ عليك الله ماتنقطعو :D وتندمونى على البوست الهبابى ويفتح الروح ...اربعة ضلف ده .. |
اقتباس:
انا بموت فى ضابط الجيش يااااااااااااا ياجماعة زول ينزل لينا الاغنية دى بصوت غرزة طيب الله حنجرتها :D او الود البت داك |
بسم الله الرحمن الرحيم
يا سمراء إنتى نسيتى أهم زول ياخ .. أديبنا الرائع جنابو نصار الحاج .. |
سلام ومصابحة للجميع وسؤال لاخوانا ضباط الشرطة النور يوسف وبابكر مخير.. صديق ضاعت اخباره على...الضابط محمد عبدالجبار الملقب بالكونج هل تعرفونه...منذ السبعينات لم اسمع عنه... |
والله فكرة البوست ممتازة جدا ياسمراء
بس ياريت ناس الكاكي ديل ينداحو لينا حبة ويحكو لينا عن المواقف المرت عليهم في بداياتم مع الكاكي ( الطريفة + الماطريفة :)) |
اقتباس:
غايتو يا النور ومخير تلقاكم كنتوا مكسرين الجكس :D:D اعتبار ماكان ومااظنه كائن... اما الطيب فحمدو في بطنو من مذيع لضابط شرطة تكسر عجيب... بس كيف من بين خشونة العسكر تنهمر شلالات الاحرف الندية هذه,,,؟؟ |
روفى سلامات
يعنى قصدك الجماعة ديل هسى مافى طريقة لاى تكسير جكس؟؟:p:D بمعنى راحت عليهمlooool |
اقتباس:
دكتور حسن .. اسعد الله أوقاتك .. محمد عبد الجبار أحيل للصالح العام بعد ثلاثة أيام فقط من قيام ثورة الإنقاذ فى كشف ضم سبعة من خيرة ضباط الشرطة .. وكان وقتها فى رتبة العميد محمد عبد الجبار كان يلقب (بكارتر ) وشخصية قيادية بامتياز .. وهو الضابط الذى تولى التحرى فى القضية المشهورة ( قتيلة الشنطة ) وتمت ترقيته فيها استثنائياً من رتبة الملازم الى رتبة النقيب مما جعله يتخطى دفعته .. كان نابغة وذو حضور وعلاقات إجتماعية مرموقة .. إنتقل الى جوار ربه إثر إصابته بفشل كلوى على ما أذكر .. له الرحمة والرضوان ولك أخى حسن أصدق العزاء .. |
اقتباس:
ماراحت عليهم ناس الكاكي ديل دايماً مفرهدين والدليل د/مخير على حسبان إني شفتو شخسياً looool ويخيل لي كذلك النورمازال به ذك النور... غايتي ياسرورة خليتيني اتغزل في الجماعة سااااي :D استغفففففرررر الله اعفوا* لي بالله.. * مُستلفة من بابكر عباس اعفى لي عليك الله |
سلامات ..
كدى النقوم بدور المديدة حرقتنى .. رعم أن شعار الشرطة " فى خدمة الشعب " نجد هذه الأقوال الشعبية و الاغاني التراثية .. " أصبعك لو عسكرى . أقطعو " " شرطة الحركة ..اول من أدخل البلصة" " صدقنى انا يا جياشى مع البوليس .. أنا ما ماشي !!" بعد مقتل القرشى " لماذا فسد ضباط الشرطة و كانوا أنظف فئة .. لماذا اشتهرت ميزات الشرطة بالسَكر و الشكش " |
اقتباس:
بسم الله الرحمن الرحيم سلام يا رفعت .. عساك بخير .. الشرطة كلها مواقف وخاصة لمن يعمل فى مجال التحرى والبحث .. وهى مجال ثر للحكى والأنس .. تجد أنك غارق فى دواخل المجتمع حتى تتلاشى لك الخصوصيات فيما يليك وفيما يلى الآخرين .. فى هذا البوست كتبت بعض الذكريات وهنا سندع الأحداث تكتب نفسها .. http://sudanyat.org/vb/showthread.php?t=11521&page=6 |
اقتباس:
يا ستنا وست هوانا .. تسلم لى عيونك وسلم لى عليهن .. تعرف المشكلة فى إنتقاء هذه الذكريات فكثير منها لا يصلح للفضاء والخوف من شبهة التجميل وما يقابله من الظنون .. يعنى المعادلة صعبة :) إجمالاً لم أكن ( قاسياً ) رغم أن كل عملى كان فى مجال التحقيق .. وكنت أعمل على خلق نوع من التواصل الودود بينى وبين من ترميهم الظروف أمامى لإستجوابهم .. روحى كانت طويلة ونادراً ما يفلت منى مجرم .. فى الشمالى الخرطوم وهو من ( اسخن ) اقسام الشرطة والضابط الذى يعمل فيه ما بتخاف عليه تانى .. أذكر واحدة من مدمنات الهيروين ـ توفت لاحقاً بجرعة زائدة ـ كانت فى غاية الجمال و( فلتت ) من كل القضايا التى اتهمت فيها يمكن لبراعتها ومعرفتها بالمخارج .. يوم جيت القسم لقيتا واقفة بره قلت ليها (والله يا .... ألحق لمّا اقول ليم إسمك منو وعمرك كم عشرة سنة ما تحلنى منك ..) قالت لى ( عارفة الله لا وقعنى فى إيدك ) |
اقتباس:
البدلة العسكرية يا ستى تضفى شئ من الالق فإذا ما اضفتى لها ملعقتين من ورد الشباب وأذبتى هذا الناتج مع عطر كلمات صحاح .. تديك خلطة تكسر الجن .. ههههههه لدى صديقة من اليمن السعيد مازلت أحتفظ بعلاقة راقية جداً معها .. غادرت السودان حينما أتى هؤلاءالتتارهى واسرتها .. فى 2005 م سافرت اليمن زيارة لإبن خالتى وبحث عنها فلم أعرف مكانها إلا فى أخر يوم لى وأنا مغادر الى الرياض .. كتبت فى قصاصة صغيرة ( الأخت .... أما زلتين كما الإسفنج , تشربين كل حروف الدنيا ولا تسكرين .. أخوك ...... ) وتركتها عند زوجة قريبى لتسلمها لها .. قالت لى زوجة قريبى هذا أن .... بمجرد أن قراتها قالت ليها والله ده النور ما غيرو .. بالمناسبة عندى بت إسمها .... هوى أخير نتخارج من البوست ده .. :D |
اقتباس:
|
دفعة أولاد مدينة
التحقت بالشرطة "المختبر الجنائي" العام 1975 بعد ما عملت ثلاث سنوات في مجال الصيدلة في الحكومة وعلى عكس القول البيقول إن فاتك الميري إتمرمق في ترابهو "ويقصد دوماً بالميري؛ اللبس العسكري" فأنا بعد ما فاتني الميري لحقتهو.
كان لإكمال تعيني جدل، فأنا صيدلي وكنت أول من يحمل شهادة ذات صلة بأمور الطب "طب، أسنان وصيدلة؛ قرايب ويكاد أن يكونو أبناء عمومة".. حسب تقييم الخدمة والإدارة أني اُّسكن في درجة DS وهي تعادل رتبة الملاحظ "نقيب"، آها كان قبلي وعاملين بالمختبر إتنين من الشباب خريجي كلية العلوم في رتبة ملازم أول، فعمل صديقي وأستاذي دكتور حاكم على تأخير تعيني حتى يضمن ترقية الإتنين ديل وكان معي في الكشف خريج جديد وهو الدكتور محمد عبد الرحيم جاه النبي والفنيين معاوية شرفي وحسن عوض أبو رفاس.. توفق دكتور حاكم بأن حصل على قرار يترقى به كمال أحمد حسن ومعتصم كريم الي رتبة نقيب ويجمعنا الكشف معهم بأقدمية تديني أكون الأقدم على التلاتة التانيين... هذه القصة دفعت بإخوة من الضباط الأقدم الي التهكم على كمال ومعتصم بأن لو لا أن بابكر "ود مدينة بدري" لما تم ترفيعهم.. وعليه أطلق علينا: دفعة أولاد مدينة... أذكر بكل فخر الأحباء، الحارث عطا الله، فيصل بريمة وغيرهم وغيرهم من ضباط عظيمين لا تفضيل بينهم، فهم كانو شرطة حقيقين في حبها ومتجردين في العطاء لها..... الماحقيقين بجيهم راجع.... :mad::mad: |
اقتباس:
و كلمة السر م.ع .. واصل يا دكتور يديك العافية .. |
اقتباس:
نصار الحاج برضو ؟؟ وعماد عبدالله كدى ورونا العلاقة بين الشرطة والأدباء والشعراء والفنانين شنو .. والأمثلة ما دايرة تفتيش .. كتبت بوست من قبل .. حاولت أقول فيه .. (داء الشرطة) .. الهوة الثقافية الضخمة بين الظباط .. وبين ظباط الصف والجنود .. لذا كان الأداء رديئ .. أمام المواطن العادى الدخلت فينا من البوليس ما طلعت .. |
سلام يا سمراء ولابسي الكاكي،
فكرة جميلة لبوست ممكن يكون من أعظم البوستات! يا ريت لو شفنا مشاركات بقية الكتيبة، الطيب بشير، نصّار الحاج، عماد عبدالله، أبراهيم عبدالعزيز وعصام سرالختم. مناشدة لمخيّر والنور، مطلوب منكم المواصلة والإسهاب، ودعوة الزملاء غير الأعضاء للإنضمام لسودانيّات. أذكر يا النور، زميل لك قابلناه في السوق العربي، أظن إسمه عبدالرحيم، وعد بالتسجيل بس ما شفناهو. ___ اقتباس:
وتحيّاتي لكريمتكم. :) |
اقتباس:
ياسبحان الله !معلومة جديدة بالنسبة الى كده معناها نقدر نقول انو ضباط الشرطة " ادباء" من الدرجة الاولى !! ملاحظة جديرة بالاهتمام .. من هنا ، نتمنى ان ينضم إلينا الكاتب والاديب الانيق ...جنابو نصار الحاج وسط كوكبة " الكاكى " الانيقة بسودانيات |
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
والمشاركين فى هذا " المعسكر" الجميل انقل كل " تساؤلاتكم " واسئلتكم الى هؤلاء الجميلين ، فهلا تكرمو بالحضور ؟... ______ على فكرة المابجى بنجيب ليه " امــر قبــض " عادى يعنى :D |
| الساعة الآن 01:39 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.