رحيق الأسافير
كتب أبو جعفر:
كنا خمسة ثلاثة منا كانوا كتابين وكانت أقلامهم ترسم لوحات قصصية بأسلوب جزل وسهل ممتنع. وكنت ثاني اثنين منهم يعني: ربع ربع، وأظنه الربع كتير يا دوبك بنتخبط. ما كنا بنعرف درب ناشر ولا عارفين في السودان في طباعة زاتو. كنا نشتري الكراس أبو قرشين لمباريات الكتابة وممنوع تشطب أي كلمة. وكانت مكونات المدرسة البشرية هي مسرحنا. يجي حسين الشين ماشي نعاين لبعض وبكرة كل واحد يجي كاتب قصة قصيرة عن حسن الشين. تجي علوية ماشة أو ماشية (كلها بتحمل معنى ثاني) .. وتاني يوم نكون كتبنا عنها.. مرة عمر وصفها بـ (منقة شطة) فسميناها منقة نار، وتحور الاسم إلى منقد نار ورسي على علوية منقد. هوايتنا دي كانت مريحانا من الحصص السخيفة وخاصة حصة الأستاذ نجيب محفوظ ... ونجيب محفوظ ده درس في القاهرة، وأظنه يوم شاف نجيب محفوظ في القهوة، ومن ديك وعييك: نجيب محفوظ، نجيب محفوظ. أها يوم أثناء الحصة المحفوظية بدأت أكتب تحت عنوان (نجيب محفوظ يغرق في عبار مريسة) عن الأستاذ وهو ينسى محفظته في المدرسة ويذهب لبيت المريسة وبعد كم من عبار يريد أن يحاسب فيكتشف عدم وجود المحفظة، وعدم استطاعته العودة للمدرسة بحالته الراهنة. وفي تلك اللحظة وصل الأستاذ إلى جانبي وأنا ملخوم بالكتابة عنه وقرأ العنوان وبداية الكلام وشال الكراس وقال لي تعال. ساقني للناظر وقال ليه: شوف الطالب ده كاتب عني شنو. الناظر قرا الكلام وقال ليهو الزول ده كاتب عن نجيب محفوظ، فقال الأستاذ: ما هم مسمني نجيب محفوظ ... الناظر قال لي أمشي. وأنا ماشي سمعته بيقول للاستاذ. ياخ أنت مكرهنا في نجيب محفوظ قلنا معليش احنا زملا ... الطلبة ديل ذنبهم شنو تضيع ليهم وكتهم؟. |
كتب شلهوت من منبر مجاور صحيت من النوم ولقيت نفسي عاوز أجرب ابقى زول ثقيل وسمج ودمي تقيل وانا طالع من البيت لاقاني ود جيرانّا وقال لي : - شلهوت ازيك .. - أهلا ( من طرف النخرة ) ومعاها - داير شنو .. واتقدمت شوية ولاقتني صرية جارتنا الشمشارة - هي ازيك يا المشلهت امك شديدة!! .. - امشي شوفيها براك .. - كدي بسم الله ات مالك الليلة - مالي في جيبي يا حجة .. اتي هسة دايرة شنو .. - بري ما دايرة منك حاجة يا ولدي .. - خلاس شتتي واصلت طريقي وجيت لعلي بتاع الدكان .. - جيب سجارة - مافي السلام عليكم ؟؟ - ات عاوز تصاحبني ولا شنو ؟؟ - يا خوي مالك الليلة .. ( ويضحك ) بتهظر مش .. - والمناسبة شنو عشان اهظر معاك .. وهسة عندك سجاير ولا اشوف غيرك ؟؟ - في هاك .. والله المستعان .. شلت السجارة واثناء ما بولع فيها جاني واحد ووقف قدامي وفتح معاي موضوع بظرافة : - يا ابو الشباب لو تكرمت ممكن ولعة ؟؟ - ولعة ..!! ليي مشاركني فيها .. هودا الدكان قدامك امشي اشتري ويتحرك بخلعة ويطنطن ( الناس دي جنت ولا شنو ) وانا واقف بدخن جمب الدكان جات فلانة بت الحلة ( جكسويتي ) ملفحة بي توب امها القديم وشكلها كانت عن ناس رحاب وانا عامل فيها عوير وما شايف .. - امبارح بتصل عليك وليي ما بترد - ما حصل تضحك .. - بطل حركات - حركات شنو .. شايفاني قرد بنطط ؟؟ - المشلهت بطل بياخة معاي .. بالجد امبارح ليي ما رديت علي - ما عاوز ارد .. ولا رجالة الشغلة ؟؟ - شلهوت .. ما تهظر معاي هظار بايخ .. بالجد كنت محتاجة اتكلم معاك - انا ما محتاج - المشلهت ات مالك الليلة - اتي المالك ودايرة شنو هسة ( مع نهرة ) أأأآآآآآآآآآآآآآ ؟؟ - انا ماشة - قطر عجيب على بتاع الدكان مرة تانية من وراي - يا زول ات مالك الليلة نظرة من تحت لي فوق وبدون رد ومشيت .. وفي الطريق قابلت حاتم الجزار واتزكرت انه عاوز مني قروش .. ولكن انا عند قراري وما حا اتنازل .. وانا ماش وهو جاي عكس دنقرت في الواطة وعملت فيها ما شايف .. - المشلهت ات قروشي وينا ؟؟ وانا مواصل مشي .. ولما كرر اسمي كذا مرة قرر انه يلحقني ويلكزني من كتفي .. - ات يا زول انا ما بتكلم معاك - منو !! انا ؟؟ - لا انا - داير شنو - داير قروشي - ياتو قروش - آآيي اتوا ساهلة عندكم جيب وصعبة عندكم هاك .. مش على بالطلاق تاني لو تعوعي ما أدينك - ات بتتكلم عن شنو - قروشي - انا ما شلت منك قروش وبحكم جزوريته وعتواته وضيق اخلاقه يمسكني طوالي من لياقتي مع شد القميص - ات قايلني زي ناس متوكل عاوز تاكلني حنك .. والله انا باكلك بسنوني تحت الضغط الكبير والتنشن الحصل اضطريت اتراجع من قراراتي - حاتم كدي هدي .. انا بهظر معاك ياخ .. قول بسم الله فك اللياقة .. - عندك لحدي نهاية الشهر ده يا إمة تديني حقي ولا انا بخلصوا بطريقتي .. - ابشر يا حتوم ياخ وبمشي .. واتلفت اشوف مافي زول شافني وأواصل في طريقي.. |
أكرم الله سبحانه وتعالى ديار أهلنا الشايقية بثلاث قمم هي: عبد الله الشيخ البشير، وحميد، والبركل فقد قرأت:
في ليلة شعرية في قاهرة المعز تم تقديم شيخ شعراء السودان الشيخ عبد الله الشيخ البشير بصورة باهتة خلاف ما كان يفعله المقدم مع غيره من الشعراء والذين كان يسهب المدح لهم والتطويل في ذكر مناقبهم الشعرية. فقد أكتفى حادي الليلة في تقديم شيخنا بالقول: عبد الله البشير من السودان، ولكن الشيخ لقنهم درساً من مقام (أحكموا علينا باعمالنا). وذلك عبر قصيدته الأشهر البحث عن بيت شعر. فحالما بدأ أول بيتين: علي حدِّ السنا أمهيتُ سيفي فرقَّتْ شفرتاه كما ابتغيتُ خرج شيخ أزهري عن طوره وقال أسمعوا ده بيقول سن سيفه على حد الضوء ولم تصمت القاعة عن التصفيق والاستحسان وشيخنا يصف فرسه ويقول: وطار فصاهلَ الشِعرَى وماجتْ عرائشُ من بشائرها جنيتُ ثم يواصل شيخنا في ابداعه فيصف حاله بما رج القاعة رجاً فقال: وناداني من المجهول صوتٌ بدأتَ وكنتُ أحسبُني انتهيتُ وصيَّرني الحنينُ إليه معنىً بلا مبنىً فغبتُ وما اختفيتُ وما إن انتهى شيخنا من قصيدته وإلا ورئيس وزراء مصر قد صعد إلى المنصة وصحبه نازلاً إلى مجلسه. وحقيقة القصيدة تستحق أن نرددها ونحفظها ونستشهد بها وتقول كاملة: علي حدِّ السنا أمهيتُ سيفي فرقَّتْ شفرتاه كما ابتغيتُ وودعتُ القرى الأولى وشيكاً وما استصحبتُ إلا ما انتويتُ ***** فها أنا ذا يُعادي بي مِراحاً بشطِّ الغيبِ مِرِّيحٌ كُمُيتُ رصائعهُ مصابيحُ سهاري لهنَّ خواطرُ الحُذَّاقِ زيتُ ***** فطاف بعبقرٍ ليلاً فهرَّتْ كلابُ الجنِّ: عِرفيتُ وشيتُ وطار فصاهلَ الشِعرَى وماجتْ عرائشُ من بشائرها جنيتُ ومجَّ لجامُهُ ألــقَ الثُّريــا جُذىً مما تغوصُ له الكويتُ ***** وعاد السيفُ ينبوعاً فمالي سوى قوسِ الغمامِ إذا ادّريتُ وقد عرضتْ ليَ الأبراجُ شتَّى عِـراضاتٍ ولكنّي أبيتُ ***** ونصَّتْ لي معارجَ من دخانٍ مــنوَّهةً ولكني انتحيتُ فلو كانت جناحاً من عقيقٍ له لمعُ البوارقِ لارتقيتُ ***** وحِرتُ فدلَّني نجمٌ لموحٌ علي مسرى قوافلِهِ سريتُ ولاحت لي نوافذُ باهراتٍ فجُزتُ من النوافذِ وامّحيتُ وأوفي بي على زبدٍ موشىً على فقَّاعِهِ طرباً مشيتُ ***** وناداني من المجهول صوتٌ: بدأتَ وكنتُ أحسبُني انتهيتُ وصيَّرني الحنينُ إليه معنىً بلا مبنىً فغبتُ وما اختفيتُ ***** ومدّ الرَّغو قُدامي طريقاً مموهةً ولكني قضيتُ وصرَّح منهُ عن بحرٍ ذخورٍ فلما راقني عجباً هويتُ فودّعتُ الظنونَ ورافقتني مآذنُ أثبتت ما قد نفيتُ ***** كأن خُوات أمّ الرعدِ فوقي هماهِمُ ما استمعتُ وما ارتأيتُ رأيتُ اللجَّةَ الزرقاءَ ناراً من الياقوتِ فيما قد رأيتُ فجاشت ثم فاضت ثم ساحت جداولُ مايحتني فارتويتُ ***** ولم أعِ ما أفيضَ عليَّ منها ولمّا لم أعِ الفحوي وعيتُ وحسبي أنني جمَّعتُ منها أصول فرائدٍ مما انتقيتُ فنضدتُ الخفايا في سِلالي ونشَّرتُ الشراع اللذ طويتُ وعدتُ وليتني ما عدتُ دهري وهل تأسو عليل الحظ ليتُ ***** ولما زاحمَ الآفاقَ مني جناحا جبرائيل وما اهتديتُ سمعتُ سهام آفِلُّونَ حولي مُـزفْـزِفةً وآفِلُّونَ ميتُ ومرَّت من أماميَ جيلبوتٌ علي أكتافِها فذٌّ صُليتُ ***** هبطتُ وأجنُحي أدغالٌ نخلٍ إذا غنَّتْ عصافرُها انتشيتُ وحامت صادحاتُ النيل حولي تغلِّفها المواسمُ فاحتفيتُ وأعلم أنها جاءت عجالاً تُقاضي رحلتي وأياً وأيت فقالت لي نراكَ نضيرَ حقلٍ ترِفُّ ندىً فقلتُ لها ارتويتُ ***** فحطتْ ثم طارت ثم قالت: تُرى ما جدَّ؟ قلتُ لها :اقتنيتُ وشيتُ لها وأعماقي صحاحٌ بأسقامِ الصبابةِ إذ وشيتُ فلما أمَّلتْ نقرَتْ رَبابي فهازجَها من الأوتارِ بيتُ |
شكراً ابو جعفر لإهداءك لنا هذه الابتسامه..
|
ابوجعفر ..سلام وتحيه ..
زمان ايام ما الناس كان بتجيب صينيه الغداء وتقعد تتغدى الساعه تلاته عصر .. كان اول حاجه بعد غسيل الايدى .. يقوم الكبير فينا بتقسيم قطع اللحمه ..الموجوده فى الملاح (الادام) على الجماعه الحوالين الصينيه ..وطبعا نروح مغطين ليك حته اللحمه بالكسره عشان الواحد يمزمز بيها اخر حاجه ... وده بالظبط ياهو الحاصل مع البوست بتاعك الاسمه ريره ...بالنسبه لى .انا قاعد اصبنه لحدى الخميس بعد الشغل .. ...فعليك الله ركز عليهو شديد ...ماياهو بقى خميسنا ... بوستيك اعلاه ..شكله شكل منقه ..خوفنى على اللحمه ... |
اقتباس:
وحقيي النت شحمان بالحاجات دي وقبل أيام نقلت واحدة لكن هذبتها لأن في المقام حريم (مخكم ما يمشي بعيد) وهاهي كاملة. اقتباس:
|
اقتباس:
وشاكر كتير على المداخلة التي تعطرت بذكرى الكسرة والزمن الجميل ... طبعاً أنا بهناك – في ريرة - داخل على ديار الشايقية. والحكاية ما بتسلم من شبكة بينهم وبين الرباطاب نحكيها، فقلنا شنو: http://sudanelite.com/vb/uploaded/1794_01364730749.jpg لأهلنا الشايقية في البوست ده بالشيخ عبد الله البشير وحميد عشان نوازن الحكاية. |
كنت عند الهجعة بخلي أبو جعفر مركلس في محله وبحلق بعيداً عنه وأنا أقول ليه: خليك راقد شايل هم الشغل وأنا راجع (أم درمان زمان) وكمان إغاظة ليك حارجع للمدرسة و(علوية منقد) تميمة الزمن الجميل. علوية ازيك ... أوووو أصحابنا الزمان وين الكراسات ... كراسات شنو ما راحت عليها، وانتي وين المنقد .... منقد شنو ما خلاص انطفا، وانت كيف عامل ... أنا بقيت زي ما قال حميد: نفد الصبروالجو كتم. وجيبك نضف. وجيبك النضفو شنو ما تحمد ربك شغال وبتقبض كل آخر شهر ... قلتي كدى طيب أحسبي عندك. الجزار وسيد الخضار وبتاع المكوة ديل كوم، المواصلات والسينما ويوسف الفكي ديل كوم تاني، تتلفت للكوم التالت وهو شراية البيت والعربية والعرس ما تلقى التكتح. علوية مستنكرة: بيت وعربية وعرس من الماهية!!!. والله انت زول حقار، يا زول اغترب وأفتح للبلد دي هي ياتو يوم أدت حريف .... أسع عليك الله الحقار منو دايرة تمرقيني من محل الطير كتير وسكرتيرة المدير .... يا زول سكرتيرة المدير دي كان انت ما طرت عنها وشفت مصالحك، هي بكرة بتطير وتخلي خشمك ملح ملح، النسوان ديل اسألني عنهن أنا، عندهن شيطان جماعي، شعاره طيرة في اليد ولا ألف حائرة. يا زول الدنيا دي زي ما قال حميدك ده: كتــــــــاحة تكسح ما تخلـــي تكتح غبارها يلفـــــــح دايرة النجيض (دايرة النجيض دي من عندي) اصحى من النوم ألقى نفسي محلك سر، وهم الشغل في محله. |
اقتباس:
اعمل حسابك على بالتلاق الشوايقة هنا مرتهم راجل:) |
اقتباس:
لن تصدق ان له قدرة كتابة مثل هذه.. تحياتى السُمان |
اقتباس:
قلتي لي الشايقية خطيرة :D ... صدقتي وأنا شاهد .... وكدي أسمعي دي قالوا في واعظ مصري جا السودان في رمضان في الصيف، والمسكين ريقو نشف وقرب يودع، أها بعد الفطور الجماعة سألوه: دحين صيامنا ده بيكفر لينا يا مولانا ... المصري دقه صدروا وقال ليهم وأنا شاهد. دحين أنا أول ما دخلت كريمة كنت شاهد على شاكوش تشرف به أحد أبناء أم درمان، وتم فكه عكس الهواء رغم التقدم الرسمي ... وقد كان شاكوش عينه كدت معه أن أسير في الطرقات هائماً ومنادياً: (أحذروا أخوات مهيرة فإن شاكوشهن والقبر). وتلقي القصة في ريرة ولكن بعد كم من كسيرة تلج هنا لأهلي الشايقية الحنان الرفعوا رأس السودان بحميد القائل: عفارم تمام ... صاح الكلام ... كده يا شباب. |
اقتباس:
فعلاً الزول ده مبدع وحس المفارقة عنده عالي. وأنا أول مرة قريت فيها موضوعه ده خلاني ماشي في الشارع أضحك براي ... وشوف العز ده بقول شنو: اقتباس:
|
آفة الرأي الهوى ...
آفة الرأي الهوى اقتباس:
منقول |
نضّر الله وجهك يا أبا جعفر
هذه القصيد عار على واضعي المناهج في السودان ألا تدرس في المرحلة الثانوية... اقتباس:
|
http://://sudanelite.com/vb/uploaded...1364730749.jpg ابوجعفر ...
صوره معبره ...عن كسير التلج لكن صدقنى فهمتها الليله بس .. مشكلتى ..مابفهم الكلام المغتغت ..ودى والله عامل لى مشاكل كتيره خلاص |
اقتباس:
وصدقت في رؤيتك إن لم تكن هذه القصيدة ضمن المنهج في الثانوية فهي كنز في فن صناعة الشعر. وصدق أفضل من قائل ((إن من البيان لسحرا)).. شاكر للمداخلة العطرة. وأهديك اللوحة في المداخلة القادمة لشيخ الطيب كما يحب أن يناديه طارق جبريل. |
الصفحات الأخيرة من رواية مريود:
محجوب قبل خدها وهو يغالب الدموع فتغلبه. وانحنيتُ عليها وقبلت جبهتها، فتشبثت بي وطوقتني بذراعيها، فأحسست بها مثل سرٍ عزيزْ، مثل شيءٍ عسيرٍ مستحيلْ. ذلك العطر. ذلك الشباب. ذلك الحلم. دارت عجلة الزمان القهقرَى، حتى توقفت عند ليلة صيفٍ قمراءْ، ليست من ليالي هذا الزمان ولا هذه الأرض. وسمعتُ حس بكائي كأن أحداً غيري يبكي الدموع التي ظلت حبيسةً كل تلك الأعوام. هذه حصتي من كل شيء. هذا نصيبي وإرثي. مات عنها وتركها لي لتموت على صدري. لعلني لهذا عُدت. كانت مثل طائر. رفعها محجوب من نعشها فشهق ضوء المصابيح على حافة القبر، وسمعت هبوب أمشير تناديني بلسان مريم "لاشيء .. لا أحد." خطا بها نحو القبر، فاعترضت طريقه ومددت يديَ. نظر إلي برهةً، ورأيت عيناه ترقّان وتغرورقان، فتركها لي. كانت خفيفة مثل فرخ طائر وأنا أسير بها في طريقٍ طويلٍ يمتد من بلدٍ إلى بلدْ ومن سهلٍ إلى جبلْ. لم يكن حلماً. أبداً. كانت مريم نائمةً على كتفي. سرتُ بها على ضفة نهرٍ إلى وقت الضحى، فأيقظها لفح الشمس على وجهها. انفلتت مني وقفزَت في الماء. كانت عارية. أشحتُ عنها، ولكنني لم أطق صبرافأدرتُ لها وجهي. نظرتُ، فإذا هي في بركةٍ من الضوء، وكأن أشعة الشمس هجرت كل شيٍء وتعلقت بجسدها. كانت تغطس وتقلع، وتختفي هنا وتظهر هناك، وتضحك لي من جهة اليمين، ثم إذا هي تناديني من جهة اليسار. نعم. نعم. نعم. أريد أن أغرق في نبع ذلك الضوءالذي ليس من أضواء هذا الزمان ولا هذه الأرض. لكنني ترددتُ، ليس أكثر مما يطرف جفن العين. في تلك اللحظة، عاد الشعاع إلى منبعه، وذهب الطيف، لا أعلم إلى أين. ناديتُ بأعلى صوتي "يا مريوم. يا مريوم." فعاد الصدى مجسماً بألسنةٍ شتىَ "يا مريود. يامريود." ضربتُ دون هديٍ في صحراء عقبة تُويوي ريحها وتتهايل رمالها، حتى بلغ مني اليأس وأخذ مني الجهد. ثم إذا شجرة طلْحٍ يلمع نوّارُها. تهالكتُ عندها. فجأةً أحسستُ بمريم. بُعيد العشاء أو قُبيل الفجر لا أعلم. لكنني أذكر ظلاماً رهيفاً وضوءاً ينسكب على وجهي من عينيها، شربتُ منه حتى بلغ مني الظمأُ غايته. قلتُ لها: - "ألا أسيرُ معك؟. فإنني الآن أقوى." قالت: "لا. أنت تعود أدراجك وأنا أسير من هنا وحدي." قلتُ: "لكنني ..." قالت: "إنك لن تستطيع معي صبرا. فوراء هذه البيداء جبال. ووراء الجب البحر. ووراء البحر لاذا ولاذا. النداءُ لي وحدي. أنت تعود وأنا أمضي." ثم أخذت رأسي ووضعته في حجرها،وهدهدتني زمناً بصوتٍ كأنه دبيبُ نمالٍ في تلال رمال، وقالت لي: - "لا تبتئس يا ضوء عيني فإنني لن أبعد. سوف تراني وتسمع صوتي." قلت وأنا لست أنا "هيهات . هيهات." حينئذ قبلتني بين عيني، وابتسمت بكل جمال وجهها في وجهي، وقالت: - "بلَى بلَى يا رمانة قلبي. إذا احتجتني فادعني فسوف أجيء" قلتُ: - "هيهات . هيهات." قالت: - "ولكن عليك أن تصبر وتُذعن" قلتُ: - "إذاً اجعلي لي آيةً" قالت: - "آيتك ماء. آيتك ماء. أبداً تتلفت خلفك. آيتك أن تظل يقظان إلى آخر العهد. ستراني وسوف أعينك قدر المستطاع." "فلأسر معكِ خطواتٍ أُقدِّمكِ." قالت: - "لا يا تفاحة فؤادي. هنا مفترق الطرق وإنه الوداع." عصر الحزن قلبي عصراً، ولم أجد الدمع الذي أُبرِّد به حر جوفي لأنها سلبتني نعمة البكاء. قلت لها: - "إذاً زوديني ." قالت: - "لا" قلت: - "زوديني" قالت: - "لا" قلت: - "زوديني" قالت: - "لا" قلت: - "زوديني" قالت: - "واحسرتا عليك يا محبوبي. خير الزاد أنا. وإنني مفارقتك من هنا. لا شبع لك من بعدي ولا ري، ولا شفيع ولا نجي. فاضرب حيث شئتْ، وتزود إن استطعتْ واطلب النجاء. إلى أن تلقاني فأعطيك المنَّ والسلوى." ثم أبعَدَتْ. وسمعتُ صوتها كأنه ينـزل من السماء، ويحيط بي من النواحي كافة، تطويه رياحٌ وتنشره رياح: - "يا مريود. أنت لا شيء. أنت لا أحد يا مريود. إنك اخترت جدَّكَ وجدك اختارك لأنكما أرجح في موازين أهل الدنيا. وأبوك أرجح منك ومن جدك في ميزان العدل. لقد أحبَّ بلا ملل، وأعطى بلا أمل، وحسا كما يحسو الطائر، وأقام على سفر، وفارق على عجل. حلم أحلام الضعفاء،وتزود من زاد الفقراء، وراودته نفسه على المجد فزجرها، ولما نادته الحياة... لما نادته الحياة ..." قلتُ نعم. قلتُ نعم. قلتُ نعم. ولكن طريق العودة كان أشق لأنني كنتُ قد نسيت. |
اقتباس:
تعرف حكاية الكلام المغتغت زمان كانت بس عند ناس بورتسودان وبيسموها اشتغل الزول. ولكن زمن النت ده انتشرت كتير ... تشكر الحكومة او أي جهة سلطة يجيبو ليك صورة طبلة تصغر وتكبر حسب الحالة. تتظارف يجيبو ليك تلج في حالة تكسير. فـ شنو مضطر أنك تتعامل مع الحالة. لأنها اصبحت طابع الزمن. |
من دفتر زمن مضى:
في الدمازين الحوش رملي أخضر يعني رمله قايمه فيها نجيلة (حكمته بالغة) العشا سمك وبطيخ على ضوء القمر بسبب مباشر من الجنادب التي تمت إنارة الحوش الخلفي لها لتنعم بالضوء وتدير معركتها مع الدجاج واكتفينا بضوء القمر. ناسك ياكلو في السمك ويجدعوا كل ما لا يأكلونه في الواطة وأنا أشيل وأخت البقايا في الصينية. نهاية الوليمة السمكية، الشافع دفق البقايا - التي اجتهدت في تجميعها - في والواطة وشال الصينية زي الشنطة. جابو البطيخ ونفس الفلم ناسك ما يرجع منهم شي للصينية وما لا يمر للمعدة فهو للأرض عدل، وأنا على نفس الوتيرة أجمع في البذر والقشر في الصينية والشافع كرر نفس الحكاية وشال الصينية شنطة. الصباح صحيت لقيت الجداد قام بعملية النظافة اللازمة أختفى البذر وكل ما يؤكل من السمك وبقي الشوك أبيض شفاف وغير ذي أثر لتباعده. وقشر البطيخ بقى زي ورقة السجاير، ولله في خلقه شئون الجداد بعد ما خلص على الجنادب جا الصباح بدري وخلص على باقي الوليمة البشرية. |
اقتباس:
فى رحلتى الاخيره للصين وفى احدى مدنها خرجت مبكرا جدا فى احدى الصباحات ومررت بى شارع على اطرافه حدائق غناء ... ثم جاء صينى وفتح بابا خرجت من الاف الاشكال من الطيور ..السمبريه ام القدوم وجداد الخلا وجداد البيت والديك الرومى وولحم طير مماتشتهون ..الصين فك الباب وخرج الطيور ...ولا اظنها تركت دوده او حشره فى تلك الحديقه ..ومازالت الاسئله تطن فى راسى ...الطيور دى حقت الحكومه الصينيه ولا حقت الزول الفكاها ...والعمليه دى اساسها شيطنه من الزول الصينى ده ومساعده فى سبل كسب العيش ولا كمان كل طيره بالكرت بتاعها وهى موظفه فى الحكومه الصينيه ..محد عبد الله الريح ( حساس محمد حساس ) حلقومه انشرط وهو يصرخ كل صباح ما تكتلوا السحالى والضبوبه عشلن هى البتاكل الحشرات الفى البيوت ..لكن ماذا نفعل مع ناس ...تهش الذباب ولا تقتله ..وتستعمل طارد البعوض وليس المبيد ... من خطوط خيبتنا العريضه انهزامنا من البعوض والذباب |
اقتباس:
وشكراً كتير على المداخلة والمعلومة وأنا من الصيني ده أبيع بطيخ وأقول للزبائن مارسوا حريتكم في الأكل بعيداً عن سيطرة الحريم في الالتزام بالأتكيت والنظافة الجبرية فالطيور ستقوم بالواجب .... وبالنسبة لناس الدمازين أنا حسدتهم على حريتهم في التركيز على الوجبة وليس تجميع البقايا، الشيء الذي لم أستطيعه فظل وخيال خالتك الحاجة يلاحقني أي زمان أي مكان، ولو أنا عملت زيهم كانت جابت أخوانها وجدعوني من الشباك أصلو هي ما بتقدر علي عشان أنا ضبحت ليها الكديسة زمان، وكنت زول متحضر ضبحت كديسة إلكترونية (كسرت التلفزيون) وكنت مصبن تمنه من الختة يعني منه وفيه، وهي شربت المقلب ههههه. |
أباطرة هذا الزمان د. مصطفى محمود (رحمه الله) لا تصدقني إذا قلت لك إنك تعيش حياة أكثر بذخا من حياة كسرى أنو شروان.. و إنك أكثر ترفا من امبراطور فارس و قيصر الرومان.و فرعون مصر.. ولكنها الحقيقة!!! إن أقصى ما استطاع فرعون مصر أن يقتنيه من وسائل النقل كان عربة كارو يجرها حصان.. وأنت عندك عربة خاصة، وتستطيع أن تركب قطارا، وتحجز مقعدا في طائرة! وإمبراطور فارس كان يضيء قصره بالشموع وقناديل الزيت.. وأنت تضيء بيتك بالكهرباء! وقيصر الرومان كان يشرب من السقا.. ويحمل إليه الماء في القرب وأنت تشرب مياها مرشحة من حنفيات ويجري إليك الماء في أنابيب! وهارون الرشيد كانت عنده فرقة موسيقية تعزف له في أوقات لهوه وفراغه وأنت عندك مفاتيح الراديو توصلك إلى آلاف الفرق الموسيقية، وتحمل إلى أذنك المبهج والمطرب والممتع من كل صوت وكل فن! والإمبراطور غليوم كان عنده أراجوز.. وأنت عندك تليفزيون يسليك بمليون أراجوز. وعندك السينما سكوب والسيزاما! ولويس الرابع عشر كان عنده طباخ يقدم أفخر أصناف المطبخ الفرنسي.. وأنت تحت بيتك مطعم فرنسي، ومطعم صيني، ومطعم ألماني، ومطعم ياباني، ومحل محشي، ومحل كشري، ومسمط، ومصنع مخللات ومعلبات، ومربات وحلويات! ومراوح ريش النعام التي كان يروح بها العبيد على وجه الخليفة في قيظ الصيف ولهيب آب، عندك الآن مكانها مكيفات هواء تحول بيتك إلى جنة بلمسة سحرية لزر كهربائي! أنت إمبراطور, وكل هؤلاء الأباطرة جرابيع وهلافيت بالنسبة لك.. ولكن يبدو أننا أباطرة أغبياء جدا.. ولهذا فنحن تعساء جدا برغم النعم التي نمرح فيها فمن عنده عربة لا يستمتع بها، و إنما ينظر في حسد لمن عنده عربتان.. ومن عنده عربتان يبكي على حاله، لأن جاره يمتلك طائرة.. ومن عنده طائرة يكاد يموت من الحقد والغيرة لأن أوناسيس عنده مطار.. ومن عنده زوجة جميلة يتركها وينظر إلى زوجة جاره.. وفي النهاية يسرق بعضنا بعضا، ويقتل بعضنا بعضا حقدا وحسدا ثم نلقي بقنبلة ذرية على كل هذا الرخاء.. و نشعل النابالم في بيوتنا.. ثم نصرخ بأنه لا توجد عدالة اجتماعية.. و يحطم الطلبة الجامعات.. و يحطم العمال المصانع..و الحقد و ليس العدالة هو الدافع الحقيقي وراء كل الحروب و مهما تحقق الرخاء للأفراد فسوف يقتل بعضهم بعضا، لأن كل واحد لن ينظر إلى ما في يده، و إنما إلى ما في يد غيره، و لن يتساوى الناس أبدا. فإذا ارتفع راتبك ضعفين فسوف تنظر إلى من ارتفع أجره ثلاثة أضعاف، و سوف تثور و تحتج، و تنفق راتبك في شراء مسدسات لقد أصبحنا أباطرة.. هذا صحيح.. و لكننا مازلنا نفكر بغرائز حيوانات تقدمنا كمدينة و تأخرنا كحضارة.. ارتقى الإنسان في معيشته.. و تخلف في محبته.. أنت إمبراطور.. هذا صحيح.. و لكنك أتعس إمبراطور. |
لأبي جعفر تحية طيبة...
قصب السبق ، في الحكاوي والقص ونفثات الشعر مما أبدع الأولون . هذا أراه مكمنك ، حيث الكهوف التي تحمي ، وتعصم الساكنين عن الضواري . كتابة تثلج الصدر ، فليس لنا إلا الإشادة ، فنعم الكتابة هذه .. |
هيّ ضحـوكٌ فَرِحـةٌ تُحـاكي طائر الهَـزَار بعض من الرواية قيد الإنجاز نهديها للجمع الكريم : في كريمة ...، إن قرب الدار أشد نفعاً مما كنتُ أحسب ، وإن قسمة اليوم بين الحضور والغياب جفوة ما اعتدناها من قبل . النهار بوجود سيدتي شمسان : ضياء ٌ وفرح ، ومن بعد احمرار الشفق تغربُ شمس دُنيانا وتغربُ شمسها . تبدل الحال وانحسر اللقاء الحميم . الليل صار له طعم اجترار النهار بصخبه وتفكيك الحديث المُبطن المحفور في الذاكرة كما حفر الأقدمون بأظافرهم أسرار الحياة الصاخبة للذين يملكون . قال حكيم : إن العقل مثل القمر ، يستمد نور الوعي من الذات التي تشبه الشمس . حبٌ جديد في زواج قديم : لأكسيد الحياة الجديدة وهو يدخل مسام الجسد فعل السحر ، يحيل الماضي ركاماً من أشلاء نفس تشيأت ثم تغيرت لإنسانية جديدة غسلت الغلظة التي صحبتنا زماناً ، وإن الثورة التي طفحت من العشق فعلت في سيدتي الأفاعيل . أحس بدبيب الأنوثة يُمتِّعها ويلون وجهها بألوان الزينة ، فتراها أنت مهرجاناً تصطخب ألعابه النارية من الهالة المضيئة التي تلتف من حولها . تفجرت نفسها وتفرق عبق الحياة الحُرة والنفس الزكية تنضح مما بداخلها . كنتُ مثلها على طرف آخر انتظمت دُنياي على فراش يرفُ فرِحاً من رحيق بث روائحه شوقاً وانتشر . تغير الحال ، وصار السيد الذي برفقتها أكثر حظوة مني . ليله معها أطول ، ولا يُضير الشمس أن تلقي بأنوارها على حجرٍ ! . صار لقاؤنا عند الحجارة التي شربت دهوراً وعند كهوف الزمان وأقباء المدافن وقد أحيتها دهشتنا وسرقت حزن الرحيل منها . وتنورت قلوبنا بعواصف الذين نقبوا عن آثار القديم بحثاً عن معالم اختبأت وجاء فتح الكشف عنها لتبين الكنوز . نتجول نحن في النهار وفي العصر ، وكان حديث سيدتي إليَّ بشفرات كالنحت على حجارة الأقدمين ، رسوم تستعصِ على غير الذي يعرف . نطوَّف على آذان الجميع ولا أحد ينتبه ! . بيني وبين سيدتي لغة تختبئ كعسل النحل في بيوته،التي يخافها المُتطفلون من اللسع . حذِقتْ السيدة النبيلة مُخاطبتي من وراء أستار اللغة ، فظاهر الحديث عن الحجارة ورسوم التاريخ ، وباطنها رقة وحنين وسلسبيل نهر يتدفق : كيف حالك ؟ وكيف أمسيت ؟ و كيف منامك ؟ إني أحس بيني وبينك دهراً... يسمونه الليل ، ولكنك بجانبي دوماً. أدعي التعب لأختلي بك في المنام . أنسيتني؟ افتقدتُ رائحة جسدك وطعم ثمار الشفاه . أين نختبئ الآن من الجمهرة ؟ جفت حياتي كجزع الشجر ، ظاهرها خشناً وباطنها طريق الرحيق من الأرض وإلى العلا .إن الفرق ليلاً فسحة للتفكر ، ومسافة يقطعها الشوق ركضاً من بدء المساء وإلى ضُحى اليوم التالي .. *** |
اقتباس:
سررت كثيراً لمرورك الذي أثرى وعطر البوست بأناقة ليست بمستغربة من قلمك الذهب ينثر درراً .. والصمت في حرم الجمال جمال وأنت تقول: (وأقباء المدافن وقد أحيتها دهشتنا وسرقت حزن الرحيل منها) فهل هناك أبدع من هذا لا أظن ولا أعتقد، فمنكم يبدأ العالم الجميل. وشكراً جميلاً لكل حرف نثرته. |
واحد بيسأل صاحبه: مرتك من النوع النكد
قال ليه: هو في نوع تاني |
اقتباس:
|
اقتباس:
مرحب كتير أميرة الفريق والدايرة أها شفتي يا بت أخوي ما تصدقي الرجال البطلعوا النكت ديل لأنو يصدق فيهم المثل البقول (الما بتلحقو جدعو)، وبعدين عمك أبو جعفر ده زاتو ما تصدقيهو لأنه بجدع زيهم. وأحنا لاقنكم وين قال نكديات قال :D:D:D |
يا جماعة أنا بنقل ما تزعلوا مني
واحد بياكل في شية مع مرتو قال يا ريت لو كنا برانا قالت ليهو سجمي المعانا منو قال ليها: أنا بتكلم مع الشية |
[rams]http://www.sudanyat.org/vb/uploaded/2873_1387069388.wma[/rams]
|
مع حسين خوجلي .. والفكر الذي فقد ظله ... د. محمد حسن
ابتدرك بطرفة كما اعتدت ان تتداخل ببعض الطرف اثناء حديثك ( احد اخوتنا الجنوبيين دخل المطعم وبعد الاكل طلب من الجرسون وصلة ورفض الجرسون وطلب منه ان يقوم ويدفع الحساب هنا قال له الجنوبي شوف وصله في هساب في وصلة ما في هساب مافي .. وطقت الحجة وانفعل اخونا وذهب وغسل يديه .. صاحب المطعم استشعر خطر عدم الدفع فقال للجنوبي اقعد نجيب ليك وصله فرد عليه الجنوبي وهو يمسح يديه بأد سنو). فهسة يا حسين بعد شنو فنتازيا جمهورية الحواري :eek: !!!!... حقا انك رجل نبي حالم ما تنادي به انت في جمهورية القرى واستزراع الاراضي ودراسات الجدوى تقدم بها شخصي الضعيف في اكتر من مقال هنا في هذا المنبر وختمتها بمقال عن صناعة الزراعة ولكنك كنت سادرا في غيك سابحا في ملكوت الحركة الاسلامية الهلامي الذي لاشكل له ولا طعم ولا رائحة وانا استمع اليك وانت تتحدث عا وهم الحركة الاسلامية استرجعت تلك الايام التي كان لها ايقاع نشاز حينما استضفت عددا من رموز اليمين واليسار وانت تجير لعلو كعب الاسلاميين اتذكر محاوراتك الشهير لصلاح احمد ابراهيم .. بالله عيدها لنا في قناتك الحريرية ولاتنسى ايضا لقاءك مع ابو آمنة حامد عارف يا حسين خوجلي اول خطواتك لكي يصدق الناس نبوءاتك ايها المنتظر هو ان تغتسل وتتوضأ من ادران سابقة وتعتذر لما تبقى من الشعب الفضل عن انك كنت احد مبشري السودان الجميل المتسامح بثورة المشروع الحضاري عجبت لتأسفك على د. حسن مكي من انه ليس بحركة اسلامية او مؤتمر وثني لا تنس يا حسين انها التربية داخل الحركة الاسلامية كن معنا تكن من احسن الناس ولكن بعد ذهاب اموال النفط لم تعد هناك حسنات فذهاب المنصب يبشر بمبادرة العداء واختم بما قلت لم يخلق الله الحسن سدى http://www.sudaneseonline.com/cgi-bi...msg=1384061909 |
من الفيس
انت ملحمة العبور الكبري، تعلمت من خلالها انه لايوجد ما يسمي بالمستحيل مطلقاً.
كانت البداية بالتردد بالتفكير ثم التفكير ثم ٤ محاولات فاشلة، كنت أمدد سبابتي الي طرف الماء ثم أسحبها كملسوع واتراجع مجددا. استعنت بهاتفي وضغط علي أغنية ( ما دايرالك الميتة أم رماداً شح .. دايراك يوم لقا بي الموية تتوشح) ولم تجدي نفعاً أمام نُقاط الماء، ابدلت الأغنية فورا بـ ( تمساح جزائر البرد البقضي الغرض الكركدان المرق ما مِتلك ولد) وكاللذي أيقن انتحاره وضعت الهاتف بعيدا وتقدمت مندفعاً . كانت لحظات مهيبة ومهببة لم ادري كيف تمر والهاتف من تلقا نفسة أبدل الأغنية ( أني اتبشتن تحت الماء.. أني أتجمد أتجمد أتجمد ). لقد خضت المستحيل ولكن توبة يا حبوبة وقررت أن لا حمام بعد اليوم وتأني اورنيش بسس. والعاقل من أتعظ بغيره. |
كلمات ... منقولة
لا تكن كقمة الجبل ... ترى الناس صغارا ويراك الناس صغيراً *** لا يجب أن تقول كل ما تعرف ... ولكن يجب أن تعرف ما تقول *** لا تبصق في البئر فقد تشرب منه يوما *** ليست الألقاب هي التي تكسب المجد بل الناس من يكسبون الألقاب مجدا *** عندما سقطت التفاحة الكل قالوا سقطت التفاحة إلا واحد قال لماذا سقطت ؟؟ *** ليس من الصعب أن تضحي من أجل صديق ... ولكن من الصعب أن تجد الصديق الذي يستحق التضحية *** _الحياة مليئة بالحجارة فلا تتعثر بها بل أجمعها وابن بها سلما تصعد بها نحو النجاح *** لا تستهن بالقطرة *** في لحظة تشعر أنك شخص بهذا العالم بينما يوجد شخص في العالم يشعر انك العالم بأسره *** إذا ركلك أحد من الخلف ... فأعلم أنك في المقدمة *** من أحب الله رأى كل شي جميلا *** الصداقة كالمظلة كلما اشتد المطر كلما ازدادت الحاجة إليها *** ليتنا مثل الأسامي ... ما يغيرنا الزمان *** يكفي أن يحبك قلبا واحدا كي تعيش *** كل شي إذا كثر رخص إلا الأدب فإنه إذا كثر غلا *** كل شي يبدأ صغيرا ثم يكبر إلا المصيبة فإنها تبدأ كبيرة ثم تصغر *** للصمت أحيانا ضجيج يطحن عظام الصمت *** الضمير صوت هادئ ... يخبرك بأن أحدا ينظر إليك *** لا تشكو للناس جرحا أنت صائبة ... لا يألم الجرح إلا من به ألم *** عش ما شئت فإنك ميت , وأحبب ما شئت فإنك مفارقة .. واعمل ما شئت فإنك مجازى به *** إن من أعظم أنواع التحدي أن تضحك والدموع تذرف من عينيك *** أصدق الحزن ... ابتسامة في عيون دامعة *** قطرة المطر تحفر في الصخر ,ليس بالعنف و لكن بالتكرار *** احصد الشر من صدر غيرك بقلعة من صدرك *** جميل جدا أن تجعل من عدوك صديقا , والأجمل ألا يتسع قلبك للعداوة فتكره على تحويله إلى صداقة *** ليس العار في أن نسقط ولكن العار ألا نستطيع النهوض *** يفوح شذى الياسمين وإن قتلناه ألف مرة *** لا تتخيل الناس ملائكة ...فتنهار أحلامك ...ولا تجعل ثقتك بالناس عمياء ...لأنك ستبكي ذات يوم على سذاجتك *** الإنسان دون أمل كنبات دون ماء ,, ودون ابتسامه كوردة دون رائحة ,, إنه دون حب كغابة احترق شجرها ,, الإنسان دون إيمان وحش قطيع لا يرحم *** ما فائدة القلم إذا لم يفتح فكرا ... أو يضمد جرحا ...أو يرقا دمعه ... أو يطهر قلبا ...أو يكشف زيفا .. *** أو يبني صرحا ... يسعد الإنسان في ضلاله *** إنه من المخجل التعثر مرتين بالحجر نفسه *** للذكاء حدود لكن لا حدود للغباء *** طعنه العدو تدمي الجسد ... وطعنة الصديق تدمي القلب *** لم يخلق الدمع لامرئ عبثا ... الله أدرى بلوعة الحزن *** حتى ولو فشلت ... يكفيك شرف المحاولة *** |
كتب تمبس من سودانيز أون لاين
- - انا من النوع الرمضان بخش العضم عندو بدري جدا .. اقوليك حاجة ... حسع دي انا رمضان دخل العضم خلاص .. وحياة ابتسامتك الصباح صحيت من النوم عندي (تليليجــة) النوع البكفو فوقه الباغـة ديك .. رقدت ليك بي اكبر كوووز .. زي الكوز العندي دا في السودان رئيس محلية .. المهم بعدما رقدت ليك بي رئيس المحلية دا .. والله قربته ابكي .. غايتو انت الباقي دا تمو تخيلات ساااي واعرف سبب بكاي شنو .. .. بالنسبة لي صيام عطبرة دا .. انا ما عندي فوقو اي عود .. زي الحلفاوي الكان مع ناس ابوجهينة .. صام اول يوم وتاني يوم جاهم جالد وبي حقتو .. قالو ليهو ياخ رمضان دا اتعمل عشان تحس بي غيرك .. وتتضامن معاهم وإلخ إلخ .. وأنا والله عرفتو من أول يوم ... http://www.sudaneseonline.com/db/attention/200_4e.gif .. قلت لي اسمو مصطفى مضوووي ..؟ غايتو ما عارف يا .. حيدر لكن .. ونحن صغاار .. كان عندنا اكتر من مسرح في الشارع الساعة اتنين يجيك يكورك بتاع حطب الكسير .. الصباح بدري يكورك ليك بتاع اللبــن .. نصت نهار يجيك بتاع الجردقة والحرجل النبق النبق .. يللا عمار اخوي الصغير كان لما يجي بتاع حطب الكسير دا يكورك .. اخوي دا كان بقعد يبكي بي حرقة شديدة جدا .. حتين بعداك ينوم .. يعني لو ما جا الزول دا ما كان نام لحدت الان .. ياخ مصطفى مضوي دا الله يديهو العافية بس .. لكن ضغط علي شديد في زمنو داك .. كما ضاغطه علينا حسع دي نانسي عجاج وطلحـة والجمبو |
يواصل تمبس
- - بالنسبة للناس .. البتحضر معاي قناة فتافيت دوت كوم .. http://www.sudaneseonline.com/db/attention/200_4e.gif يعني دارين الخطيب دي بتبالغ .. انا ما عارفه هي ست القناة .. واللا ست الفنائل واللا ست الودع ..؟؟ أول حاجة .. قاعده تمشي تسافر بلدان كتيرة .. وكل بلد تمشي تعضي اي حاجة بدوها بتاكله اصلو ما بتقول لا ولا قاعده تجيها اي حاجة ولا يوم واحد قالو لينا دارين دي عيانه راقده مستشفى .. طيب ما تجي السودان .. تدخل الكراكير الجوانية ديك تضرب ليها ملاح مرس .. يا ام صقعو عشان تعرف حاجة .. لاقيه لي الخضروات واللحوم والفواكه وتتجدع .. المهم .. دارين الخطيب .. غير البرنامج حق السفر دا .. عندها برنامج تاني مع الطباخ المصري .. اضف لذلك .. اسمها مكتوب في اي مكان .. انا غايتو من اخر استنتاج شخصي لي استنتجته انو هي المنتجة بتاعت البرنامج يا اي حاجة كبيرة كدا ليها علاقة بالبرنامج .. طيب انصاف فتحي دي .. ما ممكن ياخ .. حسين خوجلي اكان عندو تأبين في القناة بجيب انصاف فتحي تغني .. حتى ظننت انها شريكته |
لفترة من فترات نجوم الغد الذهبية كنت من ضمن المعجبين بصوت الفنانة انصاف فتحي .. وربما ما زلت احمل لها بعض من تقدير من الناحية الغنائية والفنية .. اقول بعض الملامح التي ما تغيرت في صوتها .. لكن كطبع الاصوات الكتيرة والمتكررة .. تأتيك بالملل ، غصبا عنك .. اكتشفت من فترة اني امل صوت .. النور الجيلاني امل صوت .. ابراهيم خوجلي إلى الحد الذي يجعلني ان ابكي مثل اخي الصغير مع الرجل الحطاب .. امل صوت .. القلع عبد الحفيظ + سلمى العسل (كوستاوي) .. للدرجة التي تجعلني اشفق على كوستاوي هيم سيلف .. امل صوت .. ستونه مجروس في فيلم صعيدي في الجامعة الامريكيـــة .. وما قدمته لنا من هباله عجيبة .. .. مللي هذا لا يندرج تحت بند التحقير لهذه الشخوص .. بقدرما هو ملل عادي .. كما مللي الذي اتملله الان وانا اتذكر انني كيف استطعت ان استمع لذلك الذي سودن اغنية تيتانك وحقبها .. كما حقب صالحين حق الهيلاهوب احدى الاغنيات ظانا انها نوع من الحرفنـة والشيطنة والعبقرية الفذة ... بالمناسبة: فذة دي .. مشتقة من قوووم فذ من قودامي ..؟ المهم .. ان انصاف فتحي .. جعلتني املها لتكرارها الدايم في قناة امدرمان .. بالقدر الذي كلما فتحت القناة وجدتها تطل كشاشـة من خلف شاشة التلفاز .. جعلتني انصاف فتحي امل صوتها في جميع فعاليات قناة امدرمان .. وعندما عقدت مقارنـة .. وجدت الاتي فيما يتعلق بي نجوم الغد: شريف الفحيل .. حرم النور .. افراح عصام .. انو انصاف فتحي بالرغم من طلتها الملولة لشخصي الضعيف .. اكتر اعتدالا في الطرح من شريف .. افراح حرم .. حيث تبين ان شريف بعدما قال نشيد العلم في الآمارات .. وافراح عصام جابت لينا التونــة .. وحرم ساي كدا بس .. تبين انو التلاتة الاخيرين .. برضو جابو لي الملل للدرجة التي افقدتني متعة المشاهدة لاي فعالية ترتبط بصوتهم .. هل هو التكرار ايضا .. يفسد المتعة بالاشياء الجميلة .. اذا فرضنا جدلا ان هناك ما هو جميل فيهم .. طيب .. وردي دا ما جميل .. محمد الامين دا ما جميل .. حسن عطية ما جميل .. عثمان حسين ما جميل .. بروف بادي محمد الطيب ما جميل ..خضر بشير ما جميل .. وكل لحظة والتانية ممكن الواحد ينوم ويصحى بيهم .. |
يواصل تمبس
- --- حسين خوجلي دا احسن زول بنضم .. واحسن زول بستضيف .. واحسن زول بستفز الضيف استفزاز حميد عشان يطلع العندو .. لكن الزي حسين خوجلي دا شان تكتمل المتعة تحضر ليه الحاجة عند اللزوم .. ياخ في حلقة جاب فيها يوسف البنا وعلاء الدين ود البيه تمنيت انها ما تخلص .. بالمناسبة يا امير غاية الامال من شدة ما سمعتها لمن جابت لي الملل .. اظنو الملل من انصاف دي سببو الاغنية دي http://www.sudaneseonline.com/db/attention/200_4e.gif بعدين الغريب في الأمر .. كلما احضر قناة امدرمان وحسين خوجلي في برنامج كلما اطلت انصاف .. وكلما اطلت انصاف كانت هناك اطلالة غير السابقة .. بعد ان تحولت اشكال الفنانات والممقدمات التلفزيونات إلى نسخـة حية من (فلة) دمية الاطفال الشهيرة .. الغريبة الواحدة تلقاها الليلة لونــة ابياااااض .. بعد بكرة تلقى لونه .. ابيييييييييييييض شديد جدا من البيض الاولاني .. http://www.sudaneseonline.com/db/att.../020_Frown.gif.. |
يواصل تمبس
والله انصاف دي غناية والعاجبني فيها طريقة اخــدر .. يعني بي صورة اوضح .. ما زولة كتمــات وعدادات اضف لذلك انها كان قعدت للغناء بتقعدو .. وحسين خوجلي الكلام فيهو كملان .. لكـن ما كمان ينومو لينا على الخط ويلعبونا ون تـو.. شويـة كمان يدونا فرصة معاهم .. ممكن يشكوها ويخجوها .. يجي يغني لينا حسين وتقدم لينا الباشمهندس انصاف .. :biggrin: |
يواصل تمبس
- - ياربي .. في السويــد بكون في ناس بقعدو في العتبة كدا زينا .. وعندهم لستك وعمود بتاع نور واي حاجة ..؟ .. طيب لو ما عندهم .. كيف يطلق عليهم دول العالم الأول ..؟ وعلى اي مبدأ استندو .. وما هو المعيار ..؟ http://www.sudaneseonline.com/db/att.../020_Frown.gif انا لا اعترف باي بلد ليس لها عمود نور ولستك .. ليتباحث فيه الشباب عن اسقاطاتهم الأخيرة .. واحلام السفر .. وذلك تحت ظل الفلس .. وبنطلون الجينز المستهلك .. |
اقتباس:
يا حولة ياخ ،، معقول البوست ده من سنة ألبارح 2013 وما يقع فوق عيني ديل ياخ ؟؟ !!!! لااا لأ ياخ ،، أكان كدي أنا حاجز بنبري وفنجان قهوتي وبجيه أتفرشخ ليه بمزااااااااااااااج ،،، اقتباس:
ياخي والله السويدين ما ليهم حق ياخ ،، أهديك صورة لشاب سويدي بدل ما يتحدث معانا في اللستك التحت عمود النور عن إسقاطاته الأخيره وعن السفر والترحال والفَلَس ،،، كان بيتناقش معانا في البيتش الموووو خمج في إنو شايل هم صحفي إرتري قابع في سجون نظام أفورقي ،، وهو زي بيعمل في تبصير للناس بإنو لازم يقيفوا مع الصحفي ده عشان ياخد حريته ،، أحيييييييييييا انا ياخ ،، هاك الحريه دي بالمناسبة يا ابو جعفر ،، الصورة التِحِت دي صورة شاب سويدي مُنقنَق ومرتااااح ،، وما لابس بنطلون بلو جينز أحمر بالمناسبة ( مُهَلهَل) ،، لابس ليه تي شيرت مطبوع عليه شعار الشمعه المسجونه كناية عن الصحافي المسجون ،، شُفت كيف ؟؟ قال لستك وعمود نور قال :tongue: :tongue: :tongue: http://www.sudanyat.org/vb/uploaded/350_1398933994.jpg |
| الساعة الآن 01:22 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.