قصة الوعد المحال
جيت عليك
جارية مشتاقة لعينيك ولحظة بس اشواقي دفقت لما شفتك انت مافي رجعت البسمات وحرنت انت يا مصدر وجودي وانت يا كاتب وعودي ابقى اكتب عني فيك عن زماني المشتهيك عن محطات انتظارك وعن ملامح من وصالك عن معالمي ودنيتك يا محنن بالهوى ويا مجرتق باكتمال لبن السعادة في نيتك يا ود بشيل منك حروف وبخت عليك احساس ولوف انا حرفي عاشق قصتك شاري النهاية في دنيتك دافق عليك رغم الظروف يا قصة الوعد المحال لمن فتحت الريدة بابك ولما ليا حنيني جابك قلب عاشق للجمال ويا جمالها حدود بلادي لما تنزل فيها وادي ولما تطلع في الجبال ولما بين الشوق اشوفك نخلة بتغازل طيوفك حتة بتناديك وصال انت يا نبع المحنة وانت يا زلزال سكوني وانت يا بركان خيال فيني اتفجر وجودك وبلت الدمعات خدودك لما ليك دكيت حصوني ولما بيك بستاني شال كل ورود اشجاري لحنك وكل جذور اشواقي بحرك وليك بس انت المنال |
هذا وللأمانة الشعرية فقد كتبت هذه الابيات اثناء مجادعات لا علاقة لها بالعنوان اعلاه :D:D
|
وكم رجيتك..
وعد خريف متوسد صيفو وماسك مطر الوصل عناد كل ما يزيد في بعدو جفافي كل ما ليهو الشوق يزداد وكم وسدت الاحلام طيفو وكم ناجيتو وكم حنست الماضي يٌعاد وكم دغدغت الذكرى سنينو وكم في حنينو شال النوم من عيني سهاد وكم ونستو داخل مارق جوة الخاطر زارع فيني خصوبتو سماد واتوهطت التربة ثمارو وحصد الريد في قلبي ديارو وكتب اللقيا بدون ميعاد واتلفحتو مطر الخير في القبلي بروقو وقوس احلامي ملون شوقو وكل الكون من بعدو سواد ________ للناقشين التعديل.. موش قصيدتي؟ الخبتها زي ما دايرة :D:D |
[align=center]رشا صباحك جميل....
غايتوا القريتو ده قصص ما قصّة واحدة....:D يا زولة يا كتّابة...;) ربنا يحفظك...[/align] |
اقتباس:
بمناسبة كتّابة دي، تعرفي يا قمورة اني بحب كتاباتك جدننننن حيث انها تأتي ممخمخة وبي مزاااااااج منقطع النظير فبتهبشني من جوة وبتفرحني بالجد.. اما فيما يختص بالقصص فاسكتي ساااي بس حمدو في بطنو ;) |
اقتباس:
سعيدة بقرائتك لحرفي يا رشا... وإن كانت خربشات تخربشنا ونخربشها ثم نقعد نعاين لي بعض... بس!! :D [/align] |
اقتباس:
بس وكت ابيتي المقمر خليناهو محمص :p امورة حلوة؟ ;) |
اقتباس:
صباحك اجمل وعد يا ازكى ورد........... جمييييييل يا رشا مبدعة بحق وحقيقة |
اقتباس:
غيم الوداد [align=center]نزل غيم الوداد صبا غمر وديان غناي عبا سرى الفرح الحنين تبا حضر وفد الولف سايق بشاشات المطر لبى تعال يا العمرو ما غبا تعال انا وانت في عينيك من عينيك نتخبى تعال اشواقي ما قدرت تقاوم نسمك الهبا كان جيتك تكون اروع زمن دابو الحرف تبا زاهية الدنيا بالافراح لسة اساي ما تبا وكنت دخرتلك غنوات عشان احلامنا تتربى كفاك طول الامل يا ليل اخير تديني باقي الحيل قبل يجرف هواي السيل والم في العمرو ما غبى معاك ببني المشاعر بيت معاك بحلف بقول غنيت ولا بقدل بقول يا ليت ولا بالجاي نتنبى نزل غيم الوداد صبا غمر وديان غناي عبا سرى الفرح الحنين تبا حضر وفد الولف سايق بشاشات المطر لبى وكان حبل العمر ساكن حقيقة زولة تتحبى[/align] |
اقتباس:
خلّيها قمّورة... لشئ في نفس قمّورة.....;) :D [/align] |
اقتباس:
هذه حقيقة...نحسها عندما نمسك القلم ونكتب باللون الوردي. كومون سافا؟ |
إبداااااااع يا رشا والله بتمنى إنو الإبداعات
دي ما تضيع كدة سداً "حرام"تكتبي في المنتدى وفي الورق وبس ياريت يكون ليها مؤلف (ديوان مثلا) وبتمنى اسمع قريب كدة أداء الفنان فلان وكلمات (رشا حاتم) تحياتي/ عثمان الطيب |
| الساعة الآن 07:54 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.