[سارة]

المشاركة الأصلية كتبت بواسطة hatim ALi

ه
سارة ازيك ، بقيت شيخة متين إنتي ؟ اطلعي من الدور دا سريع و خليك في شكلنا احسن

اها الحديث طلع صحيح

خلوكم طبيعيين يا جماعة و ما تتعصبوا ساكت ، حسة بدور المسكينة دي قهمتوها ساكت

وهي قالت ليكم الحديث هي ما متذكرة نصه ، يعني ما قالت ليكم انا متأكدة الاستعجال لي شنو ؟

إتأكدوا و بعدين تعالوا أفتو

__________

خليك من حديث بدور إنتي كلامك شنو كونك من المعنيين بشأن النقاب دا من النساء

مودتي

حاتم يا جميل( جميل دى كشكرة ساكت عارفاك كمان داير تغشنى )

اولا حتى وان لم تذكر الحديث ذكرت معنى الحديث خطأ يعنى مفهومها للحديث خاطى

وعلى فكرة خطأ كبير فى حق زوجات الرسول الكريم وحتى وان لم يكن مقصود فهو

لا يعفيها من الخطأ هذا واحد ثانيا انا يا حبيب ورغم طعنك الواضح فى شياختى

لكن بقول ليك لرأى كونته عن المتحاورين فى اى أمر يخص الدين احاول بقدر الامكان

ان اتجنب الا اذا اضررت اضطرارا وذلك لاسباب اعتقد انها كافية يمكن ذكرها

فى غير هذا البوست اذا سمحت الظروف احاول تجنب النقاش ليس خوفا منى فانت تعرفنى

لكن بالنسبة لى هناك مسلمات لا تقبل الجدال وان كانت تقبل النقاش والشرح والتوضيح

يعنى اناقشك فى حديث قاله الرسول عليه الصلاة والسلام ونختلف فى صحته ومفهومه

لكن أى امر ربانى بالنسبة لى يعتبر امر حتى ولو لم افعله( مسلم عاصى)

( القرآن عندى قابل للشرح وفهم المعنى وليس تغييره )


ثالثا واخيرا انا جنى وجن الشكل والدواس فى كلام الله والرسول الداير يشاكلنى

عارف وين بيلاقينى عليك امان الله علا ياكل نعلاتو