الجنس من منظور أنثوي .. قراءة في كتابات أم التيمان

[خالد الصائغ]

المشاركة الأصلية كتبت بواسطة ماجد تاج

ـ


مع أنو دا محور مهم وأساسي في تناولي دا



الاجابة على التساؤل المطروح عن جدوى مثل هذا الاستخدام المستهجن للغة

من كاتبة هل له ضرورة

لكن خليني أنتظر باقي كلامك شان الرؤية توضح

كل سنة وانت طيب يا أخ خالد




ـ

التحايا و أطيب الأمنيات عزيزي ماجد

الإجابة علي التساؤل المطروح في تقديري واضحة يا ماجد

لا جدوي يقينا من استخدام المستهجن و المتجاوز من العبارات اللغوية
جنسية كانت أو خلافها
و ليس ثمة أي قيمة مضافة في ذلك

و الإجابة دي يا ماجد ممكن تفتح باب تاني للنقاش هنا
و بالتالي ينجرف موضوع البوست بعيدا

لأنو ممكن جدا يجينا متداخل/ة و يسألنا سؤال مباشر

ماذا عن ما يسمي بالإيروتيكا أو الأدب الإيروسي ؟؟؟؟

و هو ضرب من الكتابة الأدبية التي يتركز طرحها المركزي حول الجنس
و قد بات له مناصروه و متداولوه بشكل واسع

و من ثم فقد يضيع العنوان الأساسي للبوست في خضم ذلك
و هو عنوان كبير يستحق أن يفرد له وحده النقاش هنا

عشان كدة أنا من البداية يا ماجد إتحفظتا علي إسقاط كتابات أم التيمان علي العنوان
من واقع تصوري إنو العنوان يتوخي بالأساس
تناول مسألة (الجنس من منظور أنثوي) في إطارها العام

أما إذا كان ما تتوخاه من البوست و عنوانه
هو تحليل كتابات أم التيمان بشكل أساسي

فقد ضللتُ التصور إذن

و إن كنتُ ما زلتُ علي قناعتي بأن كتابات أم التيمان
تظل عصية علي تصور مقاربتها بسياق عميق و وعر من قبيل ...
الجنس من منظور أنثوي.

[مي هاشم]

المشاركة الأصلية كتبت بواسطة خال فاطنة

سجل يا عمك واحد درويش اسفيري....gap
دق النوبة ما هين كيف يعني؟ جماعتك ديل قرو ليهو معهد موسيقى؟
أما بخصوص الدعوات (الصالحات) الختمتي بيها مداخلتك، الدنيا جمعة ياخ و الدعاء مستجاب، ما تورطينا ساي عليك دينك

يا ريتني كان درويشة كان فارقت أي شي واشتغلت بالله بس..
بعدين منو القال ليك دق النوبة ما محتاج دراسة؟؟
أسأل ناس الموسيقى ..
والله كان دعوتي بتورطك أنشا الله يوم أجي الشيخ حمد النيل وألقاك لابس مرقوعة
ودارع نوبتك وعرقك يخرخر.. وأنا أمووووووووووت عليك بالضحك gap


عاين.. ما ترد علي ياخ..عشان البوست ما يخرب..


آسفين يا ماجد (نون طيبانية)
واصل

[محمد علي الجراح]

متابع با هتمام شديد ...

ياربي سر الاهتمام العندي دا شنو ؟؟؟

[خال فاطنة]

المشاركة الأصلية كتبت بواسطة معتصم الطاهر

???


بحسن ظن .. فقط









0

معتصم عيدك مبارك ياخي...ما عرفتك قاصد شنو

[معتصم الطاهر]

بحسن ظن ..


حس فكاهي ..


.

[ماجد تاج]

المشاركة الأصلية كتبت بواسطة رأفت ميلاد

أصلو مافى زول كويس وزول كعب .. جوانا فى خلطة عجيبة من الكويس والكعب .. بس الزول يتصالح مع نفسو كيف

يا ماجد إنشاءالله ما بكون بخرمج فى الونسات الجانية دى .. داير أنتهى منها وأقبل عليك

فى نقاط مهمة أثرتها وأنت ماشى .. ما برتاح كان ما لاويتك فيها

ـ



عندك قدرة على إزالة الضجر وتحريك السواكن

عالية جداً للحق يا رأفت



وبدون مجاملة مع الابتسامة ال من القلب دي

ومع قدرة زي دي

بتذكر الواحد دعاء الرسول صلى الله عليه وسلّم

اللهم أنصر الاسلام بأحد العمرين



حتة المصالحة مع النفس دي ذكرتني مولانا حسن علوب الله يرحمه

كنت أبان تواجده في الدوحة أقرأ في كتاب الفتوحات المكية لإبن عربي

واستوقفتني عبارة قالها

قال أن قوائم العرش ثمانية أربعة منها يحملها بشر

وأنا ـ يقصد نفسه ـ منهم

وقد أوكلت بقائم الرحمة ، وهو أفضلها

استفزتني قدرة ابن عربي على التصريح بشيئ بمثل هذه الجسامة

وإلقاءه هكذا بلا خوف من التكذيب المؤكد في حالته

وقدت السيارة لمسافة جاوزت الخمسين كيلو متر

لمولانا حسن علوب رحمة الله عليه

كنت قلق جداً ، ومستفز بشكل لا يخفى

لكن صدمني اكتر استنكاره لإستنكاري

مبرره كان مجرد تساؤلات لا تقرير ، ودار بينا الحوار التالي

ـ انت عندك ما ينفي أنو ابن عربي من حملة العرش ؟

ـ كيف الكلام دا يا مولانا ؟

ـ انت عندك علم بحملة العرش وعارف أنو ابن عربي ما منهم ؟

ـ عندك ما يشير الى حملة العرش ؟

ـ من هم ومن البشر أم من الملائكة ؟

ـ يا مولانا طيب إثباته شنو على مقولة عظيمة زي دي ؟

ـ يا ماجد .. انت بتقرأ في كلمات أنت غير ملزم بتصديقها

وعلمك بحملة العرش أو عدم علمك بهم لن يؤثر في قربك من الله أو بعدك عنه

ولا صلة له لا بالايمان ولا بالعقيدة

ـ أقرأ وتجاوز ، وما تتوقف عنده ستجد في يوم ما ما يثبته أو ينفيه

قواعده البسيطة دي كانت بمثابة الناقل لي من مرحلة القلق النفسي والمقاتلة

لي حتة الصلح مع النفس دي

عدم تحميلها ما لا يلزم

ودخلني لبوابة التصوف السني

من باب غير المعتنق القاع تدخل منه انت لذات المكان



لكن بنفس محايدة ومتشربة في آن

لحدي ما وصلت لمرحلة

ما ضرني لو كفر فلان أو آمن

كل نفس بما كسبت رهينة

لكن مرة مرة كدا تلقى ليك زول قلبك يحبه ليه ما تعرف



وتتمنى تمسك كشاف وتديه ليه في يده وتقول ليه

يا حبيب : ركز هنا ياخ ، الكلام دا بينفعك

العلاقة بين الله والعبد علاقة شديدة الخصوصية

بين الرب والعبد

وما بين العبد والناس له شأن آخر

والرسالة شي .. وما يفهمه عنها معتنقوها شي آخر

أدخل ياخ بسلام وأمن ، هنا وهناك


ـ


صدق أجمل ما في البوست دا الونسات الجانبية دي

لأنو البوست زي ما قال خالد الصائغ فيه مجالات وأبواب كبيرة جداً ومتشعبة

الونسات الجانبية دي ما بتفتل البوست بقدر ما بتثريه وترفده بحاجات مهمة

وإن جيت للحق

أم التيمان أو كتاباتها لا تشغل البال ولا الذهن

لكن كونها نشاذ يبقى اتخاذها مدخل

بيقفل أبواب أنها تتحول لظاهرة دا كل ما في الامر



ـ

[الرضي]

المشاركة الأصلية كتبت بواسطة الرضي و(الكرباج الأكبر) هذا .. هو الإستعمار الذي حصر الناس في اهتمامات بدائية، وحرمهم من المشاركة في إدارة وصنع شأنهم السياسي .. وكذلك حرمهم من السعي نحو الحياة الأفضل فكرياً ... وذلك بقوة السلاح ... وهو اليوم يلعب نفس الدور عبر الرموت ... وبمشي وبجيك برواقة.

الوالد عليه رحمة الله رغم تحفظه الشديد في تناول عبارات الجنس حتى مع أصدقاءه المقربين .. ذكر لنا إن ما تتفوه به (بت مجذوب) من حوار جنسي في رواية الطيب صالح (موسم الهجرة إلى الشمال) ... كان نمطاً سائداً في الفترة التي يعيها وهي تقريباً فترة ما بين الحربين - ( 1919م - 1945م ) - وما قبلها إلى 1898م ... وما بعدها إلى خمسينيات القرن الماضي .. حيث ظهرت الحركة الوطنية فغيرت نمط الحياة الفكرية والسياسية والاجتماعية .. وصار الناس أكثر وعياً ... وهذا يؤكد بأن الوطنية والعمل السياسي ترتقي بالإنسان.

واليوم يواجه السوداني نفس المؤامرة عبر حزم ثورية .. وعلمانية كاذبة .. تفتح الباب أمام حرية جريمة سياسية واجتماعية مطقلة ... فهلا انتبهنا إلى واجبنا تجاه أمتنا .. وواجبنا تجاه أوطاننا .. فننكر الحزم الثورية والعلمانية في نفس الوقت .. فلا حرية حين تمس قيمة المساواة والحق العام.

[طارق صديق كانديك]

المشاركة الأصلية كتبت بواسطة الرضي

[COLOR=blue]

واليوم يواجه السوداني نفس المؤامرة عبر حزم ثورية .. وعلمانية كاذبة .. تفتح الباب أمام حرية جريمة سياسية واجتماعية مطقلة ... فهلا انتبهنا إلى واجبنا تجاه أمتنا .. وواجبنا تجاه أوطاننا .. فننكر الحزم الثورية والعلمانية في نفس الوقت .. فلا حرية حين تمس قيمة المساواة والحق العام.

الرضي صباح الخير

هذا الحديث ( التقريري) فيه تجنٍ عظيم على الثورية والعلمانية وتحميلهما فوق ما يطيقان وذلك بنسبة الكذب والمؤامرة والجرم اليهما هكذا عفو الحديث .

إن الذي يرغب في التقرير بمثل ما تفضلت به يلزمه للأمانة التحليلية أن يشحذ حديثه بما يجعل القارئ والمتابع يشاركه نتائج ما توصل اليه؛ أما قفز الزانة الذي أجده في هذه الفقرة فلا أجد له سوى بغضك لفكرة العلمانية والثورية دون تفنيد لما تفضلت به.

لك وللاخ ماجد وضيوفه التحيات

[همس الشوق]

المشاركة الأصلية كتبت بواسطة رأفت ميلاد

إديكى كل شيئ سمح يا قلب


كدى يا همس أدينى أدينى أضانك .. وأدينى على قول ماريل ولا يهمك .. ضرب الحبيب ألذ من أكل الزبيب


أنتى إمرأة وست البنات .. لكن وجهة النظر لا بتؤنث ولا بتذكر .. ولا حكر .. طريقة أم التيمان ما جندرة .. هى وجهة نظر خاصة بيها


عمر الحاج موسى يا ستى طريقة جديدة علمتنى ليها مى .. تدخل بى خوجلى وتطلع بى حمد .. هى طريقة جديدة جغرافياً فقط .. زمان كنا بندخل بى المسالمة نطلع بالركابية
أمكن عمر الحاج موسى روحو طلبت الرحمة أترحمى عليه .. آخر خطاب ليهو قبال يموت بساعات قال (إن متنا نحن لحاربت المقابر) والله مات ومات على فضل ومات قبلهم زروق .. لا حاربت ولا شئ ..
العلاقة يا ستى بين الزى الجديد والكاتب الجديد وتشبيه فى شكل ورده زى ما قال صاحبك

ثم أنو أنتى بتقصدى بتستقى كلماتا بـ(حرفية) ولّ (بحرية) تحسد عليها .. عرفتى جيجى بتقصد شنو بالرق النفسى .. ول أقوم أحكى ليك قصة محمد صالح أبراهيم فى مجلس الشعب

الكتابات المثيرة للجدل زى حالاتنا دى هى التى جعلت منها كاتب .. فى قضايا ما بتتحل بنظرية 1+2=3 .. هى قضايا أقرب من الطب النفسى .. ترقدى على كنبة وتجترى تاريخ الخوف بتاعك .. تتذكرى كل لحظة خلقت منك زول جبان .. نوعية الكلام البتجيبو أم التيمان ده .. ياما أدقيتى أو سمعتى بالقطعو راسا .. عشان كده ماريل شايله كرباج جدها وقايلة ده هو الحل .. مشكلة المرأة غميسة عشان معشعشا جواها .. ما بس تسلط الرجل

صاح .. ولكن لا يوجد هنا حُكم قاطع .. بس بتطلع فائدة كبيرة .. زى ما أسلفت دى حاجات نفسية بتبدل فى المفاهيم بالتدريج ..


زى ما قلت ليك الأسلوب بختلف من شخص لآخر .. أم التيمان بترميها قنبلة .. ما بتولعا وتقعد تتفرج زى ما قال فتحى .. بتثير الجدل .. تابعى موقف ماريل وأبو فاطنة مثلاً فى بوست الزحف المقدس .. الفايدة ما شوية .. وكل مرة الكلام بكون أكثر مرونة


تتصورى ببساطة (إيوة) المرأة أس مشكلتا داخل غرفة النوم .. المرة (عندنا) كان طلعت القمر ياها المرة بتاعة غرفة النوم .. للأسف الشديد المفهوم الذكورى للمرأة أنها (مهزومة) داخل غرفة النوم .. وما علاقة متبادلة لكل مخلوق فى هذا الكون وليس الأنسان فقط ..
وزى ما قلت ليك المشكلة ما فى الفكر الذكورى فقط .. بل فى المرأة نفسها نفسياً تحس بالهزيمة .. زى فكرة (الزنا) معنى الكلمة للجنسين يتسارع أولاً الى المرأة دون الرجل .. بتكلم أجتماعياً وليس عقائدياً ما يجى زول يشرح لى
أما قصة الحياء والأتزان معايير تحتاج لكثير من المراجعة .. وتختلف كثيراً من شخص لآخر .. والأهم من ذلك كله .. هذه المعايير (وضعية) مفروضة من فئة على أخرى مع منع بات للنقاش .. فى بوست أم التيمان ده وغيره تفتيت لهذا الحاجز

ومستنى معاك .. غايتو كان ما جات .. برضو طلعت منك ومنى ومن تاج الكثير بالريموت كنترول

والله كلام جميل وكان نفسي أفندو فكرة فكرة
بس سؤال مباشر يا رأفت
انت إستفدته شنو من بوستات أم التيمان
وأشير لي لبوست بعينة عشان يكون دليلك
عشان ما نظلم الولية ساكت




ثم أنه أنت في أم التيمان
ولا في سيد البوست العامل مني رايح

[ماجد تاج]

المشاركة الأصلية كتبت بواسطة همس الشوق

والله كلام جميل وكان نفسي أفندو فكرة فكرة
بس سؤال مباشر يا رأفت
انت إستفدته شنو من بوستات أم التيمان
وأشير لي لبوست بعينة عشان يكون دليلك
عشان ما نظلم الولية ساكت




ثم أنه أنت في أم التيمان
ولا في سيد البوست العامل مني رايح

ـ




أبداً والله ما عامل رايح

أنا رايح عدييييل



للحق حسيت بأنو لو تناولت المداخلات بالرد واحدة واحدة

ح أفتل البوست ، أو أمطه أكتر من اللازم ، وأضيع زبدته

مداخلتك الاولى كانت متسقة مع أفكاري بصورة كبيرة ، وتابعت باستمتاع ردك على رأفت

وما زلت متابع تحاوركم الشيق

البوست فيه مداخلات كتيرة التعليق عليها ما ليه لازمة

لأنها كافية ووافية وواضحة تمام الوضوح

أسعدتني مشاركتك لأنها بتنور جانب من مهم للغاية

حتة الحقوق المتقول عليها دي من ستات الحق نفسه

بعدين البوست بقى اكبر من أنو يبقى عنده سيد أظن

بسبب دسامة أفكار الناس المداخلة فيه وفرادتها

وللحق ما اتوقعت في البداية أنه يقابل بمداخلات شديدة الوعي

وفيها عمق قدر دا

شان كدا خلي روحك ستو برضو ، وشاركيني متعة الكتابة فيه بأريحية

بالمناسبة كل سنة وانتي طيبة



لكن والله رديت عليها أول ما قريتها

بس انتي يمكن ما سمعتيني



ـ

[ماجد تاج]

المشاركة الأصلية كتبت بواسطة همس الشوق

والله كلام جميل وكان نفسي أفندو فكرة فكرة
بس سؤال مباشر يا رأفت
انت إستفدته شنو من بوستات أم التيمان
وأشير لي لبوست بعينة عشان يكون دليلك عشان ما نظلم الولية ساكت

ـ



يبقا لي السؤال دا ممكن يكون أعم من رأفت بس

فتحي مسعد

جيجي

وكل الناس الشايفين العمق الفلسفي لكتابات أم التيمان

برضو لو أدونا نماذج بيكون أجمل

شان ما نكون بنتكلم عن أفكار في رؤوسنا بس


ـ

[ماجد تاج]

المشاركة الأصلية كتبت بواسطة الرضي

الوالد عليه رحمة الله رغم تحفظه الشديد في تناول عبارات الجنس حتى مع أصدقاءه المقربين .. ذكر لنا إن ما تتفوه به (بت مجذوب) من حوار جنسي في رواية الطيب صالح (موسم الهجرة إلى الشمال) ... كان نمطاً سائداً في الفترة التي يعيها وهي تقريباً فترة ما بين الحربين - ( 1919م - 1945م ) - وما قبلها إلى 1898م ... وما بعدها إلى خمسينيات القرن الماضي .. حيث ظهرت الحركة الوطنية فغيرت نمط الحياة الفكرية والسياسية والاجتماعية .. وصار الناس أكثر وعياً ... وهذا يؤكد بأن الوطنية والعمل السياسي ترتقي بالإنسان.

واليوم يواجه السوداني نفس المؤامرة عبر حزم ثورية .. وعلمانية كاذبة .. تفتح الباب أمام حرية جريمة سياسية واجتماعية مطقلة ... فهلا انتبهنا إلى واجبنا تجاه أمتنا .. وواجبنا تجاه أوطاننا .. فننكر الحزم الثورية والعلمانية في نفس الوقت .. فلا حرية حين تمس قيمة المساواة والحق العام.

ـ


نمط سائد بمعنى شنو يا رضي ؟



ـ

[ام التيمان]

سلامات ماجد
ليس كل ما يكتبة المرء
له فائدة ملموسة
بل محسوسة
و ان كتابات ام التيمان
بها قليل جدآ من الجنس
مليئة بالحس الانسانى
للذى يتعمق فيها

لك تحياتى

[ماجد تاج]

المشاركة الأصلية كتبت بواسطة خالد الصائغ

التحايا و أطيب الأمنيات عزيزي ماجد

الإجابة علي التساؤل المطروح في تقديري واضحة يا ماجد

لا جدوي يقينا من استخدام المستهجن و المتجاوز من العبارات اللغوية
جنسية كانت أو خلافها
و ليس ثمة أي قيمة مضافة في ذلك

و الإجابة دي يا ماجد ممكن تفتح باب تاني للنقاش هنا
و بالتالي ينجرف موضوع البوست بعيدا

لأنو ممكن جدا يجينا متداخل/ة و يسألنا سؤال مباشر

ماذا عن ما يسمي بالإيروتيكا أو الأدب الإيروسي ؟؟؟؟

و هو ضرب من الكتابة الأدبية التي يتركز طرحها المركزي حول الجنس
و قد بات له مناصروه و متداولوه بشكل واسع

و من ثم فقد يضيع العنوان الأساسي للبوست في خضم ذلك
و هو عنوان كبير يستحق أن يفرد له وحده النقاش هنا

عشان كدة أنا من البداية يا ماجد إتحفظتا علي إسقاط كتابات أم التيمان علي العنوان
من واقع تصوري إنو العنوان يتوخي بالأساس
تناول مسألة (الجنس من منظور أنثوي) في إطارها العام

أما إذا كان ما تتوخاه من البوست و عنوانه
هو تحليل كتابات أم التيمان بشكل أساسي

فقد ضللتُ التصور إذن

و إن كنتُ ما زلتُ علي قناعتي بأن كتابات أم التيمان
تظل عصية علي تصور مقاربتها بسياق عميق و وعر من قبيل ...
الجنس من منظور أنثوي.

ـ



أول حاجة برضو ما زلت منتظرك



بعدين قلت لك دا جانب ، مش كل المطلوب

ولو راجعت آخر مداخلة لي أعلاه الموجهة لرأفت

ح تلقى أنو في نهايتها ثبتّ أنه كتابات أم التيمان تحديداً لا تشغل البال

لكن الاطر والابواب ال بتفتحتها كبيرة ولازم نستغلها

للحديث عن المسكوت عنه زي ما قالوا هنا

للحديث عن جوانب من الدين برضو زي ما قالوا هنا

للحديث عن شقي العنوان زي ما قلت

للحديث عن الحرية ، وحدها

عن التهذيب وكيفية قياسه

عن القيم واختلافات فهمنا ليه

عن الدعوى زي ما شايف



يعني لا عنده حد ولا عنده لجام

أهو بوست وانفتح

ونسأل الله نطلع منو بخير ، وبجديد ، وبفايدة

يبقى ما في ضلال ان شاء الله

لكن بفكرة عميان يتلمسوا فيل

كل واحد ح يتكلم عن جزء منه ، الملامسو

مش كدا ؟

بالمناسبة كل مرة بتاوق للبوست متوقعك




ـ

[ماجد تاج]

المشاركة الأصلية كتبت بواسطة ام التيمان

سلامات ماجد
ليس كل ما يكتبة المرء
له فائدة ملموسة
بل محسوسة
وان كتابات ام التيمان
بها قليل جدآ من الجنس
مليئة بالحس الانسانى
للذى يتعمق فيها

لك تحياتى

ـ



البوست دا يستلزم البقاء ، والقراءة ، والرد ، والتوضيح

يبقى طالما جيتي حقو تخلي الطبع الغزلاني دا شوية .. مش كدا ؟



كل سنة وانتي طيبة

وطلتك حلوة خالص بالمناسبة

ما اتوقعتها


ـ