الجنس من منظور أنثوي .. قراءة في كتابات أم التيمان

[خال فاطنة]

سلامات يا ماجد و المتحاوروين

حالة أم التيمان في المنبر عبارة عن معادلة أطرافها كالآتي:

عضو يكتب متحرراً من عقد الثقافة + أعضاء يتلقون كتاباتها بذهن و إنفعال حبيس الثقافة التي تحشر العبارات الجنسية داخل درابزين التابووو...هذا في تقديري سر نجاح بوستاتها على مستوى المشاهدات و الإنفعال بها...هناك كُتاب يحاربون و كتب تُحظر في مجتمعاتنا لمجرد أن بها عبارات جنسية صريحة غض النظر عن قيمتها العلمية أو الأدبية، و عادة ما تشتهر هذه الكتب بسبب الحظر الذي لا يعني للقاري سوى أن هناك تابوو ما في صفحات هذه الكتب....
إذن نجاح بوستات الأخت أم التيمان يرتكز بشكل أساسي على ذهنية المتلقي في تقديري...و لنا أن نتخيل وقع جنس كتاباتها في مجتمع لا تدهشه العبارات الجنسية،
إذن عينة كتابة أم التيمان هي ثابت و المتغير هو ذهنية المتلقي...

[ماريل]

غايتو يا عم رأفت كونك تقحم حق المراءة
وتربط كتابات ام التيمان بمحاولة بحثها
عن الحق ده فدى انت بالغت فيها شديد
ياخى...........
وحات نضرى كان حقوقنا بتجى بالطريقة
دى عافنها لوجه الله تعالى مانا دايرنها تب
اها دى يدى من الحقوق دى وعنها ما جمعت

[ماريل]

المشاركة الأصلية كتبت بواسطة خال فاطنة

سلامات يا ماجد و المتحاوروين

حالة أم التيمان في المنبر عبارة عن معادلة أطرافها كالآتي:

عضو يكتب متحرراً من عقد الثقافة + أعضاء يتلقون كتاباتها بذهن و إنفعال حبيس الثقافة التي تحشر العبارات الجنسية داخل درابزين التابووو...هذا في تقديري سر نجاح بوستاتها على مستوى المشاهدات و الإنفعال بها...هناك كُتاب يحاربون و كتب تُحظر في مجتمعاتنا لمجرد أن بها عبارات جنسية صريحة غض النظر عن قيمتها العلمية أو الأدبية، و عادة ما تشتهر هذه الكتب بسبب الحظر الذي لا يعني للقاري سوى أن هناك تابوو ما في صفحات هذه الكتب....
إذن نجاح بوستات الأخت أم التيمان يرتكز بشكل أساسي على ذهنية المتلقي في تقديري...و لنا أن نتخيل وقع جنس كتاباتها في مجتمع لا تدهشه العبارات الجنسية،
إذن عينة كتابة أم التيمان هي ثابت و المتغير هو ذهنية المتلقي...

انت جيت؟؟
حبابك يا (خال)
الخيط ده ممكن يكون موضع للحوار تماما
لذلك سوف اطرح عليك بعض الاسئلة وكلى
عشم فى افحامك لى بالمنطق يا(خال)
هل انت بتعتقد ان اقحام الانسان(رجل او امراءة)
لعبارات ومفردات هى بالتاكيد غارقة حتى اخر حرف
فى الفجور والبذاءه يضيف للموضوع او الحوار فائدة؟؟
ليه اختيار (الست)للمفردات الغريبة دى
وغريبة والدليل على كده اننا فى الحياة العامة نعف عن تناولها
وده شئ طبيعى ومعظمنا بيرى تناول المفردات دى (شاذ)
وحيظل (معظمنا)يرى التناول شاذ الى يوم القيامة....
وده لا يعنى ان لا نناقش مواضيع محددة مثل (الجنس)
ابدا يظل باب النقاش والحوار مشرع ما شاء الله لهذه الفانية
بس ببقى الفرق فى الاسلوب والمفردات المستخدمة.......
ويا(خال)عايزاك تورينى الفلسفة بتاعت المفترع الاخير
ل(ام التيمان)وانا بتحداها لو طلع فى فلسفة او موضوع
غيرالبارتى والرقيص الحاصل فيهو(وكلنا شاركنا بس انت ابدعت)
ياخى عليك دينك ورينى الجمال فى تعبير مثل(تتبرز لحما)
انا هنا لا انتقد الكاتبة بقدر ما اوجه كلامى اتجاه
المفردات التى تتناولها وهى ليست صادمة بالمناسبة
هى مقززة ومقرفة ..................

[معتصم الطاهر]

المشاركة الأصلية كتبت بواسطة ماجد تاج

ـ



أية حقوق بالمناسبة ؟


وللحق ليس فيه غوص عميق

فمعظم ما تكتبه المذكورة ينحصر في أسطر



هل بالفعل تفعل ذلك لهدف سامي مثلما قلت أعلاه عن حقوق المراءة ؟

مرة تانية حتى لا يضيع تساؤالي السابق أعلاه

أية حقوق تتحدث عنها هنا ؟



ـ

أسئلة ليست للإجابة

[معتصم الطاهر]

المشاركة الأصلية كتبت بواسطة خالد الصائغ

ففي تقديري إنو إسقاط كتابات أم التيمان علي موضوع ماكن و سمين من شاكلة ...
الجنس من منظور إنثوي
فيهو حمولة زائدة (أوفر لوود) علي كتابات أم التيمان في هذا الصدد

المشاركة الأصلية كتبت بواسطة خالد الصائغ

هذا مع الأخذ في الإعتبار إنو كتابات أم التيمان في تقديري و من خلال متابعتي ليها
يغلب عليها دائما طابع التداعيات و الحس العفوي أكثر من كونها تنطلق من قصدية ما.

رجل يقرأ بعقله

[معتصم الطاهر]

المشاركة الأصلية كتبت بواسطة خالد الصائغ

لأنو مدلول كلمة (منظور) بيستدعي بالضرورة توفر رؤية ما
و لو في حدها الأدني
و الرؤية في جوهرا نسيج لا يمكن فصلو عن التوخي و القصدية المسبقة
.

ما قللت ليكم !!!

[ماريل]

المشاركة الأصلية كتبت بواسطة رأفت ميلاد

:[/COLOR][/SIZE][/B] الكتابات المثيرة للجدل زى حالاتنا دى هى التى جعلت منها كاتب .. فى قضايا ما بتتحل بنظرية 1+2=3 .. هى قضايا أقرب من الطب النفسى .. ترقدى على كنبة وتجترى تاريخ الخوف بتاعك .. تتذكرى كل لحظة خلقت منك زول جبان .. نوعية الكلام البتجيبو أم التيمان ده .. ياما أدقيتى أو سمعتى بالقطعو راسا .. عشان كده ماريل شايله كرباج جدها وقايلة ده هو الحل .. مشكلة المرأة غميسة عشان معشعشا جواها .. ما بس تسلط الرجل[/C

الله يا (عمو)عصرت على شديد والله المرة دى
ماريل دى لا شايلا كرباج جدها لا يحزنون
وكان الكلام الزى البتقولو(ام التيمان)ده بخلينى
مصنفة تحت بند(قهر الذات)او(الاستكانة للتسلط الذكورى)
ببقى حباب اى شئ الا الاسلوب ده........
عارف قضية المراءة ومناقشة حقوق المراءة كان لى صولات وجولات
فى هذا الميدان وكنت فارسة لا يشق لى غبار وكم ساهرنا فى الداخليات
ونحن نحيى ندوة او ليلة ثقافية اهديها فرحة جزلة لشقيقاتى نساء الارض جميعها
وكم اهملت دراستى وانا اتنقل من مكتبة الى اخرى بحثا عن موضوع
اقدمه كعنوان فى يوم تتبناه جمعية عازة النسائية او رابطة طالبات جامعة الخرطوم
وكم
وكم
وكم
ليتها تعود تلك الايام لتعرف من هى( ماريل )
انا يا سيدى انسانة بسيطة بفهم اى شئ ممكن أناقشو
بس ما اى مفردة ممكن اتناولا ........
يا سيدى (ماريل)دى اشتغلت حقوق مراءة لمن الله غفر ليها
بديناها بحقنا فى الحياة ذات نفسها مرورا بحقنا فى التعليم
والعمل والاجر المكافئ مرورا بحقنا فى الاحتفاظ بخلقة ربنا
(الختان)وصولا الى (نبذ ممارسات ما بعد الانجاب كعادة سودانية قبيحة)
تجى تقول لى شايلا كرباج جدى لمجرد انى بشوف انو المفردات
التى تتناولها الست (ام التيمان)هى مفردات بعيدة عن التهذيب
لها كامل الحق فى ان تكتب كيف تشاء
ولى كامل الحق ان اراه حديث غير مهذب
ولن اسكت خوفا من اتهاماتك لى بالرجعية
او انى احمل عقلية جدتى وكرباج جدى
ثم انو
تعال هنا ورينى ياتو يوم(ام التيمان)
ناقشت قضية مراءة عشان تبقى
هى مدافعة عن حقوق المراءة
عندك الارشيف امش جيب لى
موضوع واااااااااااااااااحد يمثل ما ذكرته
انت...........
غير انها مهووسة بالجنس ما اكتر من كده
(هذا مع كامل احترامى )

[جيجي]

المشاركة الأصلية كتبت بواسطة معتصم الطاهر

أسئلة ليست للإجابة

وانت الصادق
الاسئلة دي وتكرارها المتعمد رغم تطنيش الناس ليها هي
محاولة ترميم لجدار الصمت الوقعت فيه ام التيمان خبت بفاسها او قل مزيدا م ن التطويق النفسي برضو زي قصة عمر بن الخطاب بالضبط

[عبده سعد]

المشاركة الأصلية كتبت بواسطة قيس الصديق شحاته

صاحب البوست سلام

محاولة "تزيين" (سطور) أم التيمان برداء العُمق وإضفاء البعد الفلسفي عليها، أمرٌ فيه نظر.. ذلك أنّ أم التيمان يكون أكثر حرصها على حشْو بوستاتها بعبارات جنسيّة مُلفِتة لكنها - للأسف - لا تتناسب مع السياق، ولا تشعر أذهاننا الباردة بحرارة الحاجة إلى استخدامها اللهم إلا لرغبة الكاتبة في استفزاز القرّاء وإثارة انتباههم وتفاعلهم، وهو ما تنجح فيه دائماً.
بالطبع ليس ثمّة رفض للكتابة عن الجنس(الكتابة عن الجنس وليس الكتابة بالجنس)، ولكن أم التيمان لا تناقش أفكاراً واضحة؛ إنها فقط تكتب جملتين أو ثلاث بعد أن تعبّئهن بكلمات ساخنة و"مُثيرة" وموغلة في الحسيّة، وهي تعلم أنّ (حزمة) "التقدميّة" و"التحرّر" و"الدفاع عن حقوق المرأة" و"حرية التعبير"، كفيلة بالتصدّي دفاعاً عمّا تكتب وتبرير عباراتها ما وضح منها وما فضح.
لا أنكر أنّني - شأن كثير من المحترمين في المنبرgap - أتداخل في ما تكتبه أم التيمان (ربّما لم أستطع بعد مغادرة مربّع الصدمة المعنِي)، لكن هذا لا يمنعني القول - والمقام مقام دراسة وتحليل لكتابات أم التيمان - إن كتابات أم التيمان تخاطب الغرائز وليس العقول، ولا أظنّني في حاجة إلى اقتباس نماذج تعضّد بياني.
أمّا مَن يصفون كتابات أم التيمان بالعُمق والفلسفة، فإنّهم يُحمّلونها فوق ما تُطيق وأثقل ممّا تحتمل.

وقبل هذا وبعده، تحياتي وتقديري لأم التيمان، وأرجو أن يتسع صدرها لتقرأ حديثي هذا بعقل مفتوح.

وبالمناسبة أم التيمان بتكتب عبارات تحت عنوان مثير وتخلى الناس فى هرج ومرج وهى خلف الكواليس لا تدلى بأى تفسير أو تعليق على مايكتب .
وتظهر مرة أخرى فى بوست جديد من ذات الشاكلة (وتقحمونها فى قضايا الفلفسة والجنس والمسكوت عنة فياأم التيمان جننتى الناس).

[جيجي]

إن كتابات أم التيمان تخاطب الغرائز وليس العقول، ولا أظنّني في حاجة إلى اقتباس نماذج تعضّد بياني.

والناس بتفصل بين الغرائز والعقول مالها
غايتوا دا الا عند الناس المركز التحكم عندهم مختل
سلام يا محترم

[حافظ حسين]

المشاركة الأصلية كتبت بواسطة خال فاطنة

سلامات يا ماجد و المتحاوروين

حالة أم التيمان في المنبر عبارة عن معادلة أطرافها كالآتي:

عضو يكتب متحرراً من عقد الثقافة (1) + أعضاء يتلقون كتاباتها بذهن و إنفعال حبيس الثقافة التي تحشر العبارات الجنسية داخل درابزين التابووو...هذا في تقديري سر نجاح بوستاتها على مستوى المشاهدات و الإنفعال بها (2)...هناك كُتاب يحاربون و كتب تُحظر في مجتمعاتنا لمجرد أن بها عبارات جنسية صريحة غض النظر عن قيمتها العلمية أو الأدبية (3)، و عادة ما تشتهر هذه الكتب بسبب الحظر الذي لا يعني للقاري سوى أن هناك تابوو ما في صفحات هذه الكتب (4)....
إذن نجاح بوستات الأخت أم التيمان يرتكز بشكل أساسي على ذهنية المتلقي في تقديري...و لنا أن نتخيل وقع جنس كتاباتها في مجتمع لا تدهشه العبارات الجنسية،
إذن عينة كتابة أم التيمان هي ثابت و المتغير هو ذهنية المتلقي (5)...

خال فاطنة كل سنة و انت طيب و عبرك أزجي التحية لصاحب البوست و السادة المتداخلين .... كدي نجي لكلامك دا بطريقة قيس في الترقيم:
(1) عضو يكتب متحرراً من الثقافة: أن كان كلمة الثقافة دي شاملة و هنا تفتقر للضبط لكن نمشيها و بعديها نسألك فهمك شنو انت للتحرر يا صديق... ما بتتفق معاي أن الانسان وقت يتحرر من شئ ما, هذا الشئ ما بكون شغله الشاغل... يعني حسبك منطق المكلوج دا أن أمة عربية ذات رسالة خالدة اكثر الأمم تحرراً من قضايا الجنس, لانهم أكثر الأمم حديثاً عن الجنس كما قال عنه عبدالرحمن منيف....
(2) فكرة غريبة نقيس النجاح بمدي الانتشار اللحظي أو بعدد الكلكات و الا لكانت جريدة الدار أنجح الجرايد السودانية.... و كل المجلات و الجرائد الفضائحية هي التوب نجاحاً.... بالله حاول تتطور أدواتك أكثر فيما يختص بقصص النجاح دي

(3) الكلام دا ما سليم علي عواهنه يا خال فاطنة .... كتب شنو البتحظر بس لانها فيها إيحاءات جنسية و الا ما كان راهقنا بإحسان عبدالقدوس و غيره, الكتب يا صديقي بتحظر في هذا العالم الذي تسميه عالمنا (الاسلامي), تحظر لانها بتهدد الكهنوت و راكد الثقافة لكن كتابة زي كتابة أم التيمان دي ماشة في الخط زي الترتيب......
(4) برضو كلامك مفكوك ساي و ما كل الكتب الانتشرت انتشرت لانها حظرت و الا كان كتابات نوال السعداوي كانت التوب من حيث المبيعات....

(5) دق كيبورد ساي

[رأفت ميلاد]

المشاركة الأصلية كتبت بواسطة ماريل
الله يا (عمو)عصرت على شديد والله المرة دى
ماريل دى لا شايلا كرباج جدها لا يحزنون
وكان الكلام الزى البتقولو(ام التيمان)ده بخلينى
مصنفة تحت بند(قهر الذات)او(الاستكانة للتسلط الذكورى)
ببقى حباب اى شئ الا الاسلوب ده........
عارف قضية المراءة ومناقشة حقوق المراءة كان لى صولات وجولات
فى هذا الميدان وكنت فارسة لا يشق لى غبار وكم ساهرنا فى الداخليات
ونحن نحيى ندوة او ليلة ثقافية اهديها فرحة جزلة لشقيقاتى نساء الارض جميعها
وكم اهملت دراستى وانا اتنقل من مكتبة الى اخرى بحثا عن موضوع
اقدمه كعنوان فى يوم تتبناه جمعية عازة النسائية او رابطة طالبات جامعة الخرطوم
وكم
وكم
وكم
ليتها تعود تلك الايام لتعرف من هى( ماريل )
انا يا سيدى انسانة بسيطة بفهم اى شئ ممكن أناقشو
بس ما اى مفردة ممكن اتناولا ........
يا سيدى (ماريل)دى اشتغلت حقوق مراءة لمن الله غفر ليها
بديناها بحقنا فى الحياة ذات نفسها مرورا بحقنا فى التعليم
والعمل والاجر المكافئ مرورا بحقنا فى الاحتفاظ بخلقة ربنا
(الختان)وصولا الى (نبذ ممارسات ما بعد الانجاب كعادة سودانية قبيحة)
تجى تقول لى شايلا كرباج جدى لمجرد انى بشوف انو المفردات
التى تتناولها الست (ام التيمان)هى مفردات بعيدة عن التهذيب
لها كامل الحق فى ان تكتب كيف تشاء
ولى كامل الحق ان اراه حديث غير مهذب
ولن اسكت خوفا من اتهاماتك لى بالرجعية
او انى احمل عقلية جدتى وكرباج جدى
ثم انو
تعال هنا ورينى ياتو يوم(ام التيمان)
ناقشت قضية مراءة عشان تبقى
هى مدافعة عن حقوق المراءة
عندك الارشيف امش جيب لى
موضوع واااااااااااااااااحد يمثل ما ذكرته
انت...........
غير انها مهووسة بالجنس ما اكتر من كده
(هذا مع كامل احترامى )

أووووو يا ماريل .. ياخ نفسك قايم شديد .. هسة وينو الموضوع الماشين نتونس فوقو .. حبة حبة ووالله بنصل .. هسة أنا قلت كرباج جدك .. والحقيقة كرباج جدك وجدى ..

كدى هسة سيبك من أم التيمان .. خلينا فى حقوق المرأة .. ندواتكم دى ما ضاعت هباء .. أثمرت الكثير والمثير والخطر .. لكن ما أعتقد (حرر) المرأة من كرباج جدى وجدك ..
زى ما قلت ليك حقوق المرأة الملموسة والظلم النازل عليها زى ماقلتى من طهارة فرعونية وعدل .. دى مراحل كدنا نتخطاها بمجهودات نساء عظيمات ..
إنحنا بنتكلم عن مرحلة أوسع من كدة .. بنتكلم عن الخوف المفروض على المرأة ومعشعش جواها لأنها أنثى ..

داير رأيك فى الحتة برؤيتك الخاصة جداً

[ماريل]

المشاركة الأصلية كتبت بواسطة رأفت ميلاد

أووووو يا ماريل .. ياخ نفسك قايم شديد .. هسة وينو الموضوع الماشين نتونس فوقو .. حبة حبة ووالله بنصل .. هسة أنا قلت كرباج جدك .. والحقيقة كرباج جدك وجدى ..

كدى هسة سيبك من أم التيمان .. خلينا فى حقوق المرأة .. ندواتكم دى ما ضاعت هباء .. أثمرت الكثير والمثير والخطر .. لكن ما أعتقد (حرر) المرأة من كرباج جدى وجدك ..
زى ما قلت ليك حقوق المرأة الملموسة والظلم النازل عليها زى ماقلتى من طهارة فرعونية وعدل .. دى مراحل كدنا نتخطاها بمجهودات نساء عظيمات ..
إنحنا بنتكلم عن مرحلة أوسع من كدة .. بنتكلم عن الخوف المفروض على المرأة ومعشعش جواها لأنها أنثى ..

داير رأيك فى الحتة برؤيتك الخاصة جداً

عارف شنو؟؟
حجزت الحتة دى عشان اتكلم فيها باسهاب
مشغولة شديد بس اكيد برجع ليك(اذا بقيت حية)
هبشتنى شديد فى الحته دى تخيل؟؟

[رأفت ميلاد]

المشاركة الأصلية كتبت بواسطة ماريل
عارف شنو؟؟
حجزت الحتة دى عشان اتكلم فيها باسهاب
مشغولة شديد بس اكيد برجع ليك(اذا بقيت حية)
هبشتنى شديد فى الحته دى تخيل؟؟

يموتوا عدوينك إنشاءالله أنتى تبرى .. مستنيكى بس بردى النفس

[الرضي]

المشاركة الأصلية كتبت بواسطة رأفت ميلاد .. والحقيقة كرباج جدك وجدى ..

أولاً سلام رأفت وأسمح لي أهديك وسام القيادة الماهرة لقناعاتك .... واستقلال كل شاردة وواردة لصالح قضايا الحق الإنساني.

ولكن صدقني يا رأفت إن وراء كرباج الجدود (كرباج أكبر) حصر الجدود داخل بوتقة المكون الحيواني فيهم ... وهو لا زال يفعل الشيء نفسه مع الأحفاد.

و(الكرباج الأكبر) هذا .. هو الإستعمار الذي حصر الناس في اهتمامات بدائية، وحرمهم من المشاركة في إدارة وصنع شأنهم السياسي .. وكذلك حرمهم من السعي نحو الحياة الأفضل فكرياً ... وذلك بقوة السلاح ... وهو اليوم يلعب نفس الدور عبر الرموت ... وبمشي وبجيك برواقة.