كتاحه في الخرطوم من النوع (أبو كديس) بالصور

[ندى]

المشاركة الأصلية كتبت بواسطة إسماعيل حميم

وجنس دا كمان

[align=justify]أها في اللحظة دي بالذات أنا ودير قلنا دي القيامة عدييييييييييل كدة

طبعاً الكتاحة زرتنا ليك زرة أنا ودير ياداب ماشين على المواصلات وعينا ما تشوف الا النور أها تاني نجري من جاي لجاي لحدي الساعة حداشر بالليل ما لاقيين اي مواصلات الا في الاخير لقينا تاكسي غايتو نفضنا ليهو كل الفي جيوبنا عشان يوصلنا

دير
والله كل ما اتذكر شكلنا في اليوم داك الضحك بشرطني بركة الما كان في جكس في الجوار هههههههههههه خلق عجيبة ظهرت للسطح
سرورة طلعت حريفة ورجعت بدري اليوم داك يكونو ناس الارصاد شففوها حاجة ولا شنو

لكن ما قلتي لي طرحتك رميتيها ولا لسة صالحة للاستعمال أنا غايتو بلوزتي جادعاها واعاين ليها ما هاينة علي لكن ما اظنها بتنفع بعد دة

دير يا عزيزة والله برغم كل شئ ورغم الخوف الا كانت حتكون معاكي احلى قيامة [/align]

[haneena]

ندوية ظهرتي؟؟!!!

ناس ما يجيبها إلا شمار الكتاحات
و الليل و ما أدراك ما الليل


مشتاقون ياخي صوري لينا البلوزة و ختيها هنا عشان نصدقك
و نفس الشئ طرحة دير

[ندى]

المشاركة الأصلية كتبت بواسطة haneena

مشتاقون ياخي صوري لينا البلوزة و ختيها هنا عشان نصدقك
و نفس الشئ طرحة دير

[align=justify]هههههههههههههههههه
دايرين المعروضات يعني

والله شوقنا كتاحة عديييييييييييل كدة
والله يا الحنينة لو شفتينا أنا ودير تحني علينا
في الاول احتمينا ليك بواحدة من برندات العمارات في السوق العربي مسافة طويلة ومعانا ناس من كل الاصناف فجأة فكرنا انو لو الكهرباء قطعت ممكن يحصل شنو ... فقلنا احسن نتحول من هنا نمشي حتة تانية فلقينا انسب حتة نمشي قصر الرشيد .. أها اتحركنا وتعالي شوفينا بقينا زي الورقة في مهب الريح تسوق فينا شمال ويمين غايتو طلعنا هزيلين شديد قدام الكتاحة العاتية دي شكيتا على الله ... بعد مجابدة وصلنا قصر الرشيد طبعا زباين معتمدين هناك لكن بيني وبينك منظرنا دة حيأثر على مستوانا هناك الله يستر.
أها صاحباتك بكل نفس فاتحة مشن الحمام واللحظة الشفنا فيها نفسنا في المراية اتفقعنا بالضحك هههههههههههههههههههههه والله خلق عجيبة ههههههههههههههههه
غايتو لو كانت جات مطرة كان مستقبلنا انتهى تماما
يوم الله لا وراكي ليهو يا الحنينة

الذ مافيهو انو الرفقة حلوة
دير والله كنت مستمعة معاكي بالجد الله يديكي العافية

الحنينة عازمنك الكتاحة الجاية عليك الله ما تشرينا [/align]

[Deer]

[align=justify]

حميم يا حميم...

قال الحديقة قال...

والله الحديقة تاني سنة ما تنضف... هي نان كانت قيامة نصاح.... والله ما شفتني ومعي ندوية... نتضاير في شارع الجمهورية... والشي جاي علينا... تراب.. لأ لأ كتاحة... لأ لأ دا حريق... حريق عديييييييييل كدا.... دا دخااان و هاك يا جري ... ومضايرة... أول مرة أحس انه لبس الضيق مهم... على الأقل مافي برشوتات ملونه تطير قدام عينك... عينك؟؟؟!!!!... هو فضل فيها عيون يا حميم يا أخوي!!!! أنا حتى الآن ماعاوزة اقيف قدام المرايا... خايفة أشوف البت الشقرا الشفتها في المرايا في قصر الرشيد

غايتو أحمد ربنا انك كنت جوه عربيتك أنا وصاحبتي التراب كالنا ...

الكتاحة الجاية خليك قريب مننا...

قال حديقة قااال...


[/align]

[haneena]

أنا حتى الآن ماعاوزة اقيف قدام المرايا... خايفة أشوف البت الشقرا الشفتها في المرايا في قصر الرشيد

يعني ما natural blonde
katta7a blonde


الله يخليك ضحكتيني من أول الصباح
أهم شئ قلنا المعروضات

[Deer]

المشاركة الأصلية كتبت بواسطة ندى

أها في اللحظة دي بالذات أنا ودير قلنا دي القيامة عدييييييييييل كدة

[align=justify]يا أختي نحن قيامتنا الحاصلةعلينا هينة ولا لينة... هسه خلاص حا نمشي ندك كل الاهرامات ونحرق أي مومياء نلقاها طاشة... ونكسر لينا قلتين تلاته عشان نضمن عدم الرجعة ... ( ولا غيرتي رأيك؟؟؟؟ و طلع كلام ليل ساااكت؟؟)...

نجري من جاي لجاي لحدي الساعة حداشر بالليل ما لاقيين اي مواصلات

ههههههههه غايتو الزول لو ربنا ستره يفضح روحو.... بالله شيلي التوقيت دا مالك علينا ... أنا نكرته عديييل كدا.... حلفت الساعة تسعه أنا في بطن البيت...

لكن ما قلتي لي طرحتك رميتيها ولا لسة صالحة للاستعمال أنا غايتو بلوزتي جادعاها واعاين ليها ما هاينة علي لكن ما اظنها بتنفع بعد دة

والله يا ندوية أنا مزعلاني قشرتي... (تعرفي دي بتكون عين سرورة مالكن احلويتن..مالكن أحلويتن لمن وقع المحظور واتغبشنا واتنكشنا وتحت التراب كنكشنا)... ويا بتي الطقم كله مشى السلة لسه ما نظرت في أمره لكن ما أظن فيهو فضله... ( إن شاء نغيرهم باللي باليات بالنا ... آآآآآدر يا كريم)...

دير يا عزيزة والله برغم كل شئ ورغم الخوف الا كانت حتكون معاكي احلى قيامة

ههههههههههه والله الرفقة الطيبة حلوة ومطلوبة حتى في القيامة... بس بيني وبينك كدا وبصرااااااااحة كدا على قول آمون رع (دا جد توت عنخ آمون في تاريخنا)... لو كانو معانا جوز اللوز مش كانت بتكون قيامة رهييييييييييبة كدا!!!.

ندوية يا حبيبة...
ان شاء الله الكتاحة الجاية عيالنا مشرورين وما قادرين يمشوا الحديقة...

شوفي نحن في شنو والحسانية وعيالهم في شنو؟!!!

قال حديقة قااااال...

[/align]

[Deer]

المشاركة الأصلية كتبت بواسطة haneena

يعني ما natural blonde
katta7a blonde


الله يخليك ضحكتيني من أول الصباح

[align=justify]تخيلي يا حنينة... البنيات هنا كاسرات رقابن في عمل الميج... يدفعن بالدينار والدولار.. وأخواتك عشرة دقايق بس في هوا الله.. بقن شي تااااني... كله كوم والمكياج وال (Ponytail ) الشهير كوم... ونحن وسط الشماسة و بنات الشيريا و عيال الورنيش و السلسيون كنا بنضحك على استحياء... لكن لما مشينا للملجأ و عايننا في المرايا... غلبنا... وضحكنا قرب يهد مباني السوق العربي... وبعد غسيل الطرح وتلميع ما يمكن تلميعه... قعدنا وخلفنا رجل على التانية ورجعنا نتناقش في تفاصيل حياتنا...

غايتو يا حنينة الكتاحة دي غير كلاماتنا الما بتنتهي مافي شي جابها...

أهم شئ قلنا المعروضات

المعروضات مافي شركة طيران بتقبل تشحنها... وناس DHL و TNT... مابيقبلوا أي مواد مشكوك فيها... إلا نصورها و ننزلها ليكم هنا...

والجابتها الكتاحة تقلبنا شقروات...

[/align]

[إسماعيل حميم]

المشاركة الأصلية كتبت بواسطة ندى

[align=justify]الموية جاااااااااااااااااااااااااااات

أخيراً الموية جات وملينا براميلنا تحسباً لأي طارئ
كلو ولا العطش
والله ما خايفين من الموت لكن مابيين الفضيحة للبلد يقولو ناسا ماتو من العطش وعندها نيل يسقي العالم [/align]

نــدي
حمداً لله على ســلامتك إنت ودير

قلتي لي المويه جات .. عقــبالنا

والله أنا الليله إشتريت من الحمار

سـمعتي بي جنس دا!!!

مسـافة أقل من كيلو من البحر ونشتري موية آبار

من الحمار أبو برميل.

الله في

موضوع الموية دا داير ليهو بوست براهو

أنا هسع قاعد أوثق ليهو بالصور

منظر الحمار فنان جداً

وما خلف المستور أعظم

إسماعيل حميم

[Sarah hamza]

[إسماعيل حميم]

[يسرا مصطفي]

والله ياجماعه كان شي عجيب لكن يااسماعيل حميم
لقيت فرصه لحدي ماصروت كيف ؟
والله انا ماشه شفت ليك الناس دي جاريه قلت خلاس بث الحكومه اتقلبت
وقبال اتلفت كان القيامه قامت لو كانت الجمعه كنت اقسمت انها القيامه
انا طبعا ماشه اقدل في السوق العربي تشوف منظري تضحك لامن تقع وكت الهوا داك قلب لقيت لي حاجه كبيره تنادي ياوليداتي انا وصلت المواصلات ولالسه كربت ليك شنطتي في رقبتي ومسكتها من يدها كدبت في يدي سالتها ماشه وين ياحاجه قالت ماشه الجرافه المهم ماسكاها وماشه مره الطش لي زول مره يلطشني ليك زول والاكياس الفي الهوا خلهن ساي قربت اتعشي بي كتره كفيتن لي هههههههههههه المهم دخلنا وانا والحاجه دي في عربيه بس الحمد لله العربيه مقفله ومكيفه لامن وصلنا تحلف تقول العربيه ماشه كداري انا ختيت بالي قت خلاص وصلت ؟ اتلفت بي ضو العربيه القي ليك حدائق 6ابريل غايتو كان نعست لامن وصلت البيت بس الحمد لله يوم الله عداه علي خير
وبرضوا ماتبت بقعد لي زي الزمن دا في المكتب تقول شغاله رئيس جمهوريه بس المنتديات ظريفه يلا سلام ياحميم الدوره الجايه التصوير علي تابع لي الثنائي المرح دا ( دير وندي )
يلا سلام

[إسماعيل حميم]

حميم يا حميم...
قال الحديقة قال...

Deer YA Dear
قالوا هم عليك الله ما بالغوا

والله الحديقة تاني سنة ما تنضف... هي نان كانت قيامة نصاح.... والله ما شفتني ومعي ندوية... نتضاير في شارع الجمهورية... والشي جاي علينا... تراب.. لأ لأ كتاحة... لأ لأ دا حريق... حريق عديييييييييل كدا.... دا دخااان و هاك يا جري ... ومضايرة...

الحمد لله الله ستركم بس

أول مرة أحس انه لبس الضيق مهم... على الأقل مافي برشوتات ملونه تطير قدام عينك... عينك؟؟؟!!!!...

أهااا دايرة تجيبي لي ناس جقجق والجيلي بي جاي ولا شنو!

هو فضل فيها عيون يا حميم يا أخوي!!!! أنا حتى الآن ماعاوزة اقيف قدام المرايا... خايفة أشوف البت الشقرا الشفتها في المرايا في قصر الرشيد

غايتو ليك على دي ترابة شهر ما تمرق
حاولي أستثمري الشقار ة دي

غايتو أحمد ربنا انك كنت جوه عربيتك أنا وصاحبتي التراب كالنا ...
الكتاحة الجاية خليك قريب مننا...

الحمد لله لكن إنت مالك جايباها لينا تاني
بس كان جات قولي عوووووك

آل حدييياااا آاال...

يعمي رووووووح


مودتي

إسماعيل حميم

[haneena]

قرأت هذا الخبر الحزين في السوداني قبل قليل
غرق طالبين

لقي طالبان بكلية الزراعة المستوى الثاني بجامعة الخرطوم حتفهما غرقاً بالمرسى النيلي بشمبات، وحمل اتحاد طلاب جامعة الخرطوم الصندوق القومي لدعم الطلاب مسؤولية غرق كل من عبدالكريم عبدالرحمن العدوي وهاشم دفع الله عبدالرحمن بسب عدم توافر الكهرباء والمياه بالداخلية مما اضطر الطلاب للاستحمام في النيل. وقال مدير الادارة العامة للدفاع المدني اللواء شرطة حمدنا الله آدم علي لـ(السوداني) ان طبيعة المنطقة بها تيار شديد و(هدّام) والمياه في زيادة. ومن جهته اعتبر الناطق باسم صندوق دعم الطلاب اتهامات الاتحاد للصندوق بأنها (تهريج سياسي) وتصريحات غير منضبطة.



وقالت رئيس اتحاد طلاب جامعة الخرطوم ولاء صلاح الدين فى حديث لـ(السودانى) إن سبب غرق الطالبين يعود لانقطاع المياه والكهرباء من الداخليات مما اضطر الطلاب للنزول والاستحمام في النيل والمسؤول عن كل ذلك هو صندوق دعم الطلاب.



وفي ذات السياق وصف الناطق الرسمى باسم صندوق دعم الطلاب الفاتح الحسن تحميل الاتحاد للصندوق مسؤولية غرق الطالبين بالقضية السياسية، وقال ان (هذا تهريج سياسي ومن المفترض ان يكون الاتحاد منضبطاً ولا يتاجر بأرواح الطلاب واذا كانت لديه قضية فيفترض ان يحملها لجهات اخرى)، وأشار الفاتح الى ان الصندوق يقوم بتوفير المياه في المجمعات السكنية وفقاً للمياه الموجودة في ولاية الخرطوم.



ومن جهته كشف مديرالادارة العامة للدفاع المدني اللواء شرطة حمدنا الله آدم علي عن انتشار قوة من (65) فرداً من وحدته في كل من شمبات، الشجرة، الجريف لمنع المواطنين من الاقتراب من النيل.



الخرطوم: الفاتح - سلمي - إيمان
http://alsudani.info/index.php?type=3&id=2147519168

لا حول و لا قوة إلا بالله
رحمهما الله و عوضهما شبابهما الجنة

معليش نكدت عليكم

[يسرا مصطفي]

المشاركة الأصلية كتبت بواسطة haneena

قرأت هذا الخبر الحزين في السوداني قبل قليل
غرق طالبين

لقي طالبان بكلية الزراعة المستوى الثاني بجامعة الخرطوم حتفهما غرقاً بالمرسى النيلي بشمبات، وحمل اتحاد طلاب جامعة الخرطوم الصندوق القومي لدعم الطلاب مسؤولية غرق كل من عبدالكريم عبدالرحمن العدوي وهاشم دفع الله عبدالرحمن بسب عدم توافر الكهرباء والمياه بالداخلية مما اضطر الطلاب للاستحمام في النيل. وقال مدير الادارة العامة للدفاع المدني اللواء شرطة حمدنا الله آدم علي لـ(السوداني) ان طبيعة المنطقة بها تيار شديد و(هدّام) والمياه في زيادة. ومن جهته اعتبر الناطق باسم صندوق دعم الطلاب اتهامات الاتحاد للصندوق بأنها (تهريج سياسي) وتصريحات غير منضبطة.



وقالت رئيس اتحاد طلاب جامعة الخرطوم ولاء صلاح الدين فى حديث لـ(السودانى) إن سبب غرق الطالبين يعود لانقطاع المياه والكهرباء من الداخليات مما اضطر الطلاب للنزول والاستحمام في النيل والمسؤول عن كل ذلك هو صندوق دعم الطلاب.



وفي ذات السياق وصف الناطق الرسمى باسم صندوق دعم الطلاب الفاتح الحسن تحميل الاتحاد للصندوق مسؤولية غرق الطالبين بالقضية السياسية، وقال ان (هذا تهريج سياسي ومن المفترض ان يكون الاتحاد منضبطاً ولا يتاجر بأرواح الطلاب واذا كانت لديه قضية فيفترض ان يحملها لجهات اخرى)، وأشار الفاتح الى ان الصندوق يقوم بتوفير المياه في المجمعات السكنية وفقاً للمياه الموجودة في ولاية الخرطوم.



ومن جهته كشف مديرالادارة العامة للدفاع المدني اللواء شرطة حمدنا الله آدم علي عن انتشار قوة من (65) فرداً من وحدته في كل من شمبات، الشجرة، الجريف لمنع المواطنين من الاقتراب من النيل.



الخرطوم: الفاتح - سلمي - إيمان
http://alsudani.info/index.php?type=3&id=2147519168

لا حول و لا قوة إلا بالله
رحمهما الله و عوضهما شبابهما الجنة

معليش نكدت عليكم

ربنا يرحمن ويحسن اليهم
غايتو الطلبه تعبانين وبيعانوا بالجد من المويه دي
انا اذكر زمن الجامعه بي سبب المويه دي مظاهرات حرقوا فيها دفار جديد جابتو الجامعه لي مكافحة الشغب وسموها ليك الطلبه معركة الدفار الشهيره
لكن الحمد لله ماكان في وفاة فقط بعض الطلبه يدينهم حرقوا بي البنبان والضابط رفع يدينوا واستسلم بعد سلو روح الطلبه
ربنا يرحم كل فقيدي العلم والشباب

[إسماعيل حميم]

نـــدي
زغاريد عاليه كدا عليك الله
مش المويه جات!!!
حارسها ليك لي الساعة 4:30 صباحاً
ملينا الصهريج والبراميل والحلل (الكيزان)
باقي الصيف دا كارب شوية
بيني وبينك القصة دي في منطقتنا ما جديدة حكاية كل سنة لمن تسخن

الله في

ندي ودير
بس بالله موضوع حنينة دا ما تتجاهلوه ، صوروا المعروضات
ولا القضية حا تظل قيد التحري

مودتي

إسماعيل حميم