غياب البنابر ............... ومسابقة أحلى ست شاي .....!!!!

[imported_مهند الخطيب]

المشاركة الأصلية كتبت بواسطة آيات

ياااااه
بنابر ..؟؟ نحن بنحجز في كرتونة على حجر ..دي أحلى قعدة تحت رقراق سعيدة ست الشاي.. اها جايبة كرتونتي وجاية .؟؟
الرباطابي ده بوست بنكهة الهبهان
وقبل ذلك دعني أحيي
خميسة .. وآمنة أمام الملكية الفكرية
حاجة رقية جوار صحيفة عالم النجوم
أببا جوار حكايات
وحليوة
وسعيدة في علوم سياسية .. جوار الداون تاون

قعاد ساي مابنفع ياآيات
واحدة من طقوس الجبنة الأهم ، ونستا ...
فبالله لو عندي ونسة - حتى كان في شكل قطيعة - حلّي لينا القعدة دي

في البال بعض ممن ذكرتيهن وغيرهن.....
لهن جميعا عذب التحايا بقدر مابنين في دواخلنا مداميك الاحساس

[imported_حافظ حسين]

و الله يا رباطابي لو ركزت جهودك معاي أحسن ليك من البتعمل فيه دا ... فالدنيا الي زوال أخي المسلم .... حمر النعم

[بابكر مخير]

المشاركة الأصلية كتبت بواسطة حافظ حسين

و الله يا رباطابي لو ركزت جهودك معاي أحسن ليك من البتعمل فيه دا ... فالدنيا الي زوال أخي المسلم .... حمر النعم

الليييييييييييييييييييييييييييييييييييييييييلة
دآ شنهو دآ

[بابكر مخير]

المشاركة الأصلية كتبت بواسطة حافظ حسين

و الله يا رباطابي لو ركزت جهودك معاي أحسن ليك من البتعمل فيه دا ... فالدنيا الي زوال أخي المسلم .... حمر النعم

حافظ يابا
كلها شرفت قهوة
تصحصح البال
تهدي الأعصاب
قريبي قصده شريف

[imported_مهند الخطيب]

المشاركة الأصلية كتبت بواسطة حافظ حسين

و الله يا رباطابي لو ركزت جهودك معاي أحسن ليك من البتعمل فيه دا ... فالدنيا الي زوال أخي المسلم .... حمر النعم

كااااااااااااااااااااااااااااااااااااااااااااااااا اااااااااااااااااااااااااااااااك


ياخي لقيتك ..................... احيييييييييي تجّازا اوكما قالت نفيسة بت أب علي

لا والله مركز ومدام جابت ليها هيفاء وهبي وحمر النعم تب التركيز مابيفوتنا شبر ...

الله يجازي محنك ياخي

[imported_حافظ حسين]

المشاركة الأصلية كتبت بواسطة بابكر مخير

حافظ يابا
كلها شرفت قهوة
تصحصح البال
تهدي الأعصاب
قريبي قصده شريف

عمي بابكر الما عارف يقول عدس
يا خي أنا قانص لناس كتااااااااااااااار عشان أشيل بيهم حمر النعم .....
أولهم الجيلي بس مستني الملايكة يمشوا منه .... عليك الله يا رباطابي متخيل الملايكة اليومين ديل مع الجيلي كيف عاملين؟ يا خي أنا أكتب الكلام دا سجن سجن ... غرامة غرامة .. العنوان حيكون الجيلي فيه الملائكة
يعني يا عم بابكر زي ما قلت ليك بعد الجيلي يكون براه ببدأ بيه
لكن قبيلها بشوف الرباطابي و أييييييييييييييييييييك و الله أم التيمان دي بتكون مكسب

[imported_حافظ حسين]

المشاركة الأصلية كتبت بواسطة الرباطابي

كااااااااااااااااااااااااااااااااااااااااااااااااا اااااااااااااااااااااااااااااااك


ياخي لقيتك ..................... احيييييييييي تجّازا اوكما قالت نفيسة بت أب علي

لا والله مركز ومدام جابت ليها هيفاء وهبي وحمر النعم تب التركيز مابيفوتنا شبر ...

الله يجازي محنك ياخي

يا خي هيفاء وهبي شنو يا رباطابي و الله تصلح و تسمكر الجيلي دا أقلها تتطلع بجنيفر لوبيز

يا خي أنا داير أحرف البوست دا مع سبق الإصرار و الترصد بلا قهوة بلا بنبر

[imported_حمدي اب جقادو]

مهند ، حافظ، الرشيد، مي وكل الشباب والجلاكين

والله متابع بي مزاج اكتر من عالي
واصلو الخمج ده

[imported_AMAL]

البن هبشي مامسري


[youtube]http://www.youtube.com/watch?v=17fusILAcCQ[/youtube]

[imported_مهند الخطيب]

المشاركة الأصلية كتبت بواسطة مي هاشم

رباطابي ازيك..
موضوعك ظريف..

طبعاً بحب أشرب عند ستات الشاي جداً..وعندي مزاج في شكل ومكان القعده..
زمااااااااان أيام الجامعة كنت بشرب قهوة في جامعة السودان إما في زقاق الشاي أو برة جنب الجامعة عند لوشية..
بهتم أول شي لنظافة المكان وشكل الكبابي..لازم تكون نظييييييفة والبرطمانات تكون البهارات جوّاها ألوانها حيّة..
قبل فترة مشيت مشوار يوم جمعة بدري معاي أختي وقريبنا..مرّينا بشارع البحر (اب روف) ولمحت شت شاي تحت شجرة وريفة والمكان هادئ مقشوش ومرشوش والعدة نظيفة تلمع ..بس دسترت عديييييييل قلت ليهم إلاّ أشرب قهوة هنا..
لما أشرب قهوة عن ست شاي بمزاج بحس كأني بسمع أغنية مصطفى (سافر) وانا راكبة عربية بالليل ومنزّلة القزاز نص والهواء باااااارد..


بحب أشرب عند الحبش دايماً..بجيبو ليك بخور مع الجبنة والسّكر برّة

لا مزاجك عاااااااااااااااااالي ...

بعدين أهل الطريق ديل مش كلهم كده

عارفة يا مي الجبنة عند الأحباش عالم جميل

وسيتم افراد باب مستقل لها بهذا البوست مبينا طقوسها وطرائقها كا سيحتوي دعاية مجانية لأكرب مواقع الجبنة الحبشية وأجملها بالخرطوم ....

ترقبونا..............

[imported_مهند الخطيب]

المشاركة الأصلية كتبت بواسطة الرشيد اسماعيل محمود

بالضبط يا منعم..
طقس قايم بذاته..ممكن تمشي ليها براك وتكون جوّاك مجموعة ناس..في المسافة ما بين جيتك ومرقتك منها..بتكون في حوارات دارت بينك وبين ناس شايلهم جوّاك..بتكون في ابتسامات وفرح وغنا وبكا ومجاملة وحب وصد و..و..الخ..
ياخي انا مرّات (وكتير جدا) بمشي براي لست شاي..بقعد بمزاج وبطلب شاي خفيف(كالعادة) وسكر وسط..وبعيش مع الناس الجوّاي..لمّا اخلص الكبّاية بكون اتونست مع ناس كتار وضحكت ورقصت و..الخ..
بعدين ياخي في ذاكرة كدة ممكن تسميها (ذاكرة ست الشاي)..بمرور الزمن وتكرار جلوسكم كمجموعة عند ستّات الشاي..بتتعمّق فيك الذاكرة وبتصبح ستّ الشاي جزء من الذاكرة الجمعية المشتركة..ممكن تمشي براك ليها، لكنك ما حتكون براك..بيحصل استرجاع عن طريق الذاكرة وبتكون كأنك قاعد مع مجموعة..
يعني بتبقي حالة ملتصقة بيك وليس مجرّد فضاء زماني ولا مكاني منفصل..
ياخي والله ستّ الشاي دي حاجة عظيمة جدّا..
ده طبعا بالاضافة لكون ستّ الشاي مناخ في غاية الغناء والخصوبة بالنسبة لمن يريد الاستعانة بتفاصيل اليومي الواقعي في انجاز عمل انساني..ادبي..فني..أو غيره..
يعني ممكن تلقي عند ست الشاي كل الشرائح المجتمعية والمهنية..يعني احتمال تكون المكان الوحيد الناس متفقة علي أنه ملكيّة عامة وفي نفس الوقت حالة مزاجية خاصّة.

محفزات الحوار بين داخل الانسان ومحيطه عجيبة التأثير ياخي !!

يعني أنا ست الشاي بتحفزني للتأمل الداخلي .... اي والله

زي ما الاستماع لموسيقى معينة بحفزني لفتح خزانة الافكار والتحاور مع الذات ...

جربت مثلا تسمع حافظ عبد الرحمن مع كباية قهوة فوق بنبر أمام ست شاي؟!!!

ياخي دي جرعة عالية ، ممكن توصلك لحل لقضية الصراع الفلسطيني الاسرائيلي!!!!


بالجمبة كده:
انت مشيت وين ياقريبي ؟ تحياتي

[imported_مهند الخطيب]

المشاركة الأصلية كتبت بواسطة AMAL

زماااان
قالو واحدة ممرضة بمستشفي شهير بامدرمان
مزاجا عالي
تخرج بعد انتهاء الوردية والراس ظابط جدا
وتبدأ تأشر لبتوع التاكسي
= إندك مسجل
= لا ماعندي
= توييل يا

وهكذا
الي ان تظفر بالتاكسي ابو مسجل
فيا لمزاجك العالي
الخلاك تدور في اضابير ستات الشاي
طويل ياا
طويل ياا
بحثا عن ست الشاي الاجمل

اما دريت انهن كلهن جميلات

ويحك ياهذا

عارفة لو قلت ليك حركة الزولة دي انا كنت بأعملا زمن الجامعة حتقولي لي شنو؟

حتقولي لي تويييييل ياااا

وطقس شراب القهوة بيتطلب ست شاي بمواصفات معينة لكن ده ابدا مابينفي صحة كلامك........... كلهن جميلات ....

عواطف واحدة من امهر ستات الشاي في امدرمان (ودي دعاية مجناية لعواطف)
يعرفها من اعضاء هذا المنبر الكثيرين
هذه العواطف تجلس على شاطئ النيل قبالة الملازمين عند الركن الجنوبي الغربي لمدارس كيمبردج. امراة فارعة الطول متوسطة الجمال (بمقياسي الخاص طبعا)
يتردد على مجلسها كثير من العشاق وكأنها توزع صكوصك الحب مع كل كباية شاي او قهوة , شهدت كثير من وجهاء مجتمعات امدرمان ياتون عندها فيحتسون شايهم او قهوتهم ويتصببون عرقا (مثل صاحب منعم ) ثم يذهبون الى حال سبيلهم.
واحدة من اعظم انجازات هذه العواطف انبثاق منتدى ثقافي من على بنابرها وهو الآن من اعظم المنتديات في الخرطوم عموم
كنا ولا زلنا جلس الى جوارها مجموعة من المثقفين وكبار الشعراء والفنانين نتسامر ونتناقش ونختلف ونتفق وهي تسمع الى حواراتنا في غاية السعادة وتقدم لنا ما نطلبه منا في فرح يبدو على محياها.
مع تكرار هذه الجلسات لاكثر من سنة وبصورة يومية تقريبا اقترحنا ان ننشئ منتدى ثقافي على بنابر عواطف التي لم تمانع ان نستغل بنابرها بل رحبت جدا بذلك
وقد كان.
الغريب في الامر انه عندما تتغيب عواطف لاي سبب تاتي أحدى بنتها التي تتمتع بجمال كامل الدسم الغريب ان المبيعات تقل في ذلك اليوم

ملحوظة
صاحب هذا البوست وصاحب صاحبه شاهدان على ذلك

[الرشيد اسماعيل محمود]

يا سلام ياخي..
البوست ده والله ماشي بمزاج عالي..
سأعود..أعاني من بعض الإشكال الفني..

[imported_مهند الخطيب]

المشاركة الأصلية كتبت بواسطة حمدي اب جقادو

مهند ، حافظ، الرشيد، مي وكل الشباب والجلاكين

والله متابع بي مزاج اكتر من عالي
واصلو الخمج ده

يللا يااب جقادو انا كان محكر متل تحكر الزول القاعد قدام السمحة دي أمانة مااعمل عمايل!!

حينها يمكنني أن أذهب وأرجع وأسوح بلا قيد !!!

بالجمبة كده:
ياأب جقادو بدل مانواصل الخمج ده برانا ماتجي تكلمنا عن طقوس كيفك وكيف طقوسك...