رسالة داخلية للأشتر

[imported_أشتر]

كيف كدا معاك ...
بقى ستة على ستة ولّ أولّع ليك النور ...
إتا معاي في الناس الواقفين ديل تكريس للمجتمع الذكوري ولّ عادي ؟؟؟
من غير نسوان أحسن ...

[flash=http://www.sudanyat.org/upload/uploads/SUDANYAT-FINAL2.swf]WIDTH=930 HEIGHT=180[/flash]

[imported_رأفت ميلاد]

بديع .. تسلم الأيادى

جبر الله خاطرك ديمة

خليهم بدون نسوان .. أخير

[imported_سمراء]

اقتباس:
المشاركة الأصلية كتبت بواسطة رأفت ميلاد
ما حردت والله يا أنتيمتى والله .. إستمتعت بيه أيما إستمتاع .. زى ما قال أشتر (ذخيرة حية) .. بس ماعندى رد مباشر .. فضيتو فى الأشتر خزنة واحدة .. حرقنى ردو السويسرى
سلامتك والدقشم كرامتك .. مالى أنا حظى واقع أذن وسطى .. مرتى وأنتيمتى

ياخ الأذن الوسطى ما عندها علاج .. ومرض مقلق لامن تجى (نوبتو) .. دوخة وإستفراغ وطششان شديد .. عندو حبوب بتوقف النوبة وده العلاج الوحيد .. كان ما متوفرة أدينى خبر أرسل ليك

سلامتك ألف سلامة

الود اشتر ده انا لو قبلته عليهو بديهو ليك رد (سودانى) مدنكل فى الانكل ..تانى راسو مايرفعو ...هو ماعارف بكلم منو ؟

بعدين سلامته الف سلامة ام ميلاد وضرتى الكبيرة ..والله انت عارف انا الحمدلله مشيت مع بداية الازمة دى ادانى غايتو حبوب مرتين فى اليوم ..هسه احسن شوية ...بس النصيحه فى عدم تركيز ، ومابكون مطمئنة وانا واقفة ..
الدكتور قال لى ارتاحى وفترة وبتعدى ....
تسلم لى انت ياخ ، ولو احتجته صدقنى بطالبك ترسلة وتجى اتا زاتك صحبة راكب

[imported_أشتر]

المشاركة الأصلية كتبت بواسطة رأفت ميلاد

بديع .. تسلم الأيادى

جبر الله خاطرك ديمة

خليهم بدون نسوان .. أخير

الفكرة بت كبّاس .. تكوس من يأخذ بيدها رايك شنو في المثل دا ؟؟؟؟ صاموتي موش ؟؟؟
ياخ صاموتي شنو يا أشتر قوم فِز !!!!!!

المهم ..
البتاع رزعتو فوق ...

[imported_رأفت ميلاد]

المشاركة الأصلية كتبت بواسطة أشتر
الفكرة بت كبّاس .. تكوس من يأخذ بيدها رايك شنو في المثل دا ؟؟؟؟ صاموتي موش ؟؟؟
ياخ صاموتي شنو يا أشتر قوم فِز !!!!!!

المهم ..
البتاع رزعتو فوق ...

ياخ تُشكر كتير .. غايتو الفكرة بت كباس دى وصف دقيق .. لامن تجيك فكرة بدون سبب .. ذكرتنى زمان شلة عساكر بنسطلوا على البحر .. بقعدوا صانين لامن واحد منهم يقول (كننن) زى صوت الحديدة لامن تقع فى الواطة .. معناتو جاتو فكرة والباقين ينتبهوا .. يقول ليهم مثلاً (مافى طريقة الموية بدل ما تنكب من فوق لى تحت تنعكس الآية)

ذكرتنى بى ساموطى .. يوم دخل علينا صاحبنا قبطى ومرتو وأنا ظابط شاى ساموطى .. مرتو من الناس الخام ديلك .. أديت الراجل كباية شاى .. لبعا وقال لى (يا سلام ساموطى) .. مرتو قالت ليهو (الراجل بعمل فيك خير تنبزو ليهو)

شايفك ما طعمت الرجال فوق .. تعرف الرجال واقفين طابور فوق .. بكون ده يوم القيامة وراجين الحساب .. والنسوان بكونن زمااان ودوهن النار

تعرف المسطول يوم الغيامة قالوا ليهو كان طلعت آدم من وسط الناس ديل بندخلك الجنة .. قال ليهم بسيطة .. رجعوا لى كل زول بطن أمو والبفضل المقطوع آدم

[imported_مهند الخطيب]

اشتر كيفنك؟

ياخي حركة الأعلام فنّااااااااااااااااااااااااااااانة (لكن مامن يتاعات اليومين دي)

عقبال مانشوف علم الجنوب نصهم

خضر الله ضراعك ....

عقبال ماتزيد لينا صندوق الرسائل

عمنا رأفت ازيك؟

[imported_أشتر]

المشاركة الأصلية كتبت بواسطة مهند الخطيب

اشتر كيفنك؟

ياخي حركة الأعلام فنّااااااااااااااااااااااااااااانة (لكن مامن يتاعات اليومين دي)

عقبال مانشوف علم الجنوب نصهم

علم الجنوب لسه ما أخد على السارية ... بكون مخلوع منها حاليا وبسأل نفسو مربوط ليه !!!!
نخليهو ريثما يرفرف ويدخل في قاعدة بيانات الدول حتلقاهو تحِت .. دا لو جوبا فيها انترنت !!!
شكرا ياخ للاطراء وأهو الواحد قاعد إبحبش لغاية منشوف حتودينا وين البتاعة دي ...
بدون مناسبة عندي كم رد هنا برجع ليهم بإذن الله ...

[imported_رأفت ميلاد]

المشاركة الأصلية كتبت بواسطة أشتر
علم الجنوب لسه ما أخد على السارية ... بكون مخلوع منها حاليا وبسأل نفسو مربوط ليه !!!!
نخليهو ريثما يرفرف ويدخل في قاعدة بيانات الدول حتلقاهو تحِت .. دا لو جوبا فيها انترنت !!!
شكرا ياخ للاطراء وأهو الواحد قاعد إبحبش لغاية منشوف حتودينا وين البتاعة دي ...
بدون مناسبة عندي كم رد هنا برجع ليهم بإذن الله ...

كدى هسة وقف التحبيش وقعاد الضماير .. سورى قاصد البنابر بتاعة ود عبد الرحمن قفّل الأبواب والشبابيك وفنجل عيونك .. ما دايريين نخش فى أزمة هكر تانى

نبه ناس الإدارة يغيروا باس ويرداتم العشية العشية .. وكل زول يطلع يسجل خروج .. والمراقبين زاتم يراقبوا بدون دخول إلا للشديد القوى

وجيدة قالت ليكم .. كان حلقوا لأخوك بل راسك

[الرشيد اسماعيل محمود]

المشاركة الأصلية كتبت بواسطة رأفت ميلاد

والمراقبين زاتم يراقبوا بدون دخول إلا للشديد القوى

قلت لي من غير دخول...
طيّب والخاص دة نخليهو أمفكّو ولا ككيف..
وبعدين سودانييز إتهكّر متين يا ربّي..؟
هسّع جاي من هناك وشغّال وبصحة جيّدة..

[imported_رأفت ميلاد]

المشاركة الأصلية كتبت بواسطة الرشيد اسماعيل محمود
قلت لي من غير دخول...
طيّب والخاص دة نخليهو أمفكّو ولا ككيف..
وبعدين سودانييز إتهكّر متين يا ربّي..؟
هسّع جاي من هناك وشغّال وبصحة جيّدة..

هو الخاص بقيتو تجدعوا لينا فيهو قمامة العام ودايرين تراقبو كمان هنا نحن أم فكو .. والدايرنا يجينا عريان

وبعدين أنا لا مشيت ولا جيت سودانيز .. ده كلام معتصم أهو دااااك

[imported_أشتر]

المشاركة الأصلية كتبت بواسطة رأفت ميلاد

هو الخاص بقيتو تجدعوا لينا فيهو قمامة العام ودايرين تراقبو كمان هنا نحن أم فكو .. والدايرنا يجينا عريان

داقّي سِستِم كيف معاك ؟؟؟ هعهعهعهعهعه

[imported_رأفت ميلاد]

المشاركة الأصلية كتبت بواسطة أشتر

داقّي سِستِم كيف معاك ؟؟؟ هعهعهعهعهعه

بالعربى يا أشتر ياخ .. لامن ندخل دورة حافظ للـ(reintegration)

[imported_سمراء]

اقتباس:
المشاركة الأصلية كتبت بواسطة رأفت ميلاد
بالعربى يا أشتر ياخ .. لامن ندخل دورة حافظ للـ(reintegration)

يعنى يا انتيمو بطلونو ( ناصل ) اجارك الله

[imported_رأفت ميلاد]

المشاركة الأصلية كتبت بواسطة سمراء
يعنى يا انتيمو بطلونو ( ناصل ) اجارك الله

ياأنتيمو ما تاخدى الفصل بتاعنا بدل حافظ .. أصلو زاتو داقى سستم