جــــاء النمر . . جـــــاء النمر

[imported_محمد عبد الرحمن]

طه القرشي, مريم الشجاعة ، محمود الكذاب
تأصيلا للمناهج الجماعة غيروا المقرر و قالو الكلام ده ما بتوافق مع مشروعم الحضاري
ياخ قصص ما بتتنسي أبدا.
محمود الكذاب أرهق ناس الحلة بإستغاثاته و تحذيراته المتكررة الكاذبة، جاء النمر جاء النمر، وفي كل مرة يأتي (الفَزَع) وما من نمرٍ هناك. إلى أن أتاه النمر حقيقة فاستغاث وما من مُغيث.

يا جماعة محي الدين عوض نمر وين؟
أما من محمود صادق ينبأنا من خبره اليقين.

[الرشيد اسماعيل محمود]

المشاركة الأصلية كتبت بواسطة محمد عبد الرحمن

أما من محمود صادق ينبأنا من خبره اليقين.

جدّي محمود في آخر أيّام حياتو.. تعب شديد.. الناس كلهم اتلمو عشان يموتوهو..
الكلام دة رمضان 1992 .. قام سأل عن أولادو.. فلان إنت قاعد.. فلانة إنتي قاعدة..؟؟ قال ليهم الليلة يوم شنو.. قالو ليهو يوم السبت.. قال ليهم أمشو لأولادكم.. أنا ما بموت الليلة.. بموت دور اليوم دة.. يعني السبت التاني..
الوالد رفض الفكرة.. وقعد معاهو.. يوم السبت المحدّد.. الوالد لغاية العصُر معاهو.. نسي الموضوع ورجع البيت عشان يرتاح ويفطر معانا.. بمجرّد ما الناس شربت المويات.. جا ولد عمّتي قال لينا الدوام لله..
نفس السبت الحدّدو جدِّي مات فيهو.. الوالد لليلة ندمان إنو ما حضر موت أبوهو.. لأنو قال الحكاية كلام زول عيّان وتعبان..

[imported_حافظ حسين]

هسي انا قايلك داير تكتب عن تجربتك المريرة الطويلة .... عن الحبشي الاداك سفه, الزول الجاب موية لكل الناس, السكران الدقوها فتاشة و لقوا عند فت جنيه, شرطوا الجنيه و دقوهو تاني قالوا ليها سكران زي كدا ما عندك غير جنيه, الزول البسكر و بجي يتحاوم بقادي عشان يلقي حتة ينوم فيها .... و تاني شنو يا رباطابي؟

عموماً يا محمد أضم صوتك ليك ووين محي الدين نمر؟

[imported_بله محمد الفاضل]

ومثلكم
رغم غيابنا الفارط
وحضورنا المتوتر
نتضامن مع الفقد
ونأمل في عودة النمر
والأحباب سواه

[imported_محمد عبد الرحمن]

المشاركة الأصلية كتبت بواسطة الرشيد اسماعيل محمود

جدّي محمود في آخر أيّام حياتو.. تعب شديد.. الناس كلهم اتلمو عشان يموتوهو..
الكلام دة رمضان 1992 .. قام سأل عن أولادو.. فلان إنت قاعد.. فلانة إنتي قاعدة..؟؟ قال ليهم الليلة يوم شنو.. قالو ليهو يوم السبت.. قال ليهم أمشو لأولادكم.. أنا ما بموت الليلة.. بموت دور اليوم دة.. يعني السبت التاني..
الوالد رفض الفكرة.. وقعد معاهو.. يوم السبت المحدّد.. الوالد لغاية العصُر معاهو.. نسي الموضوع ورجع البيت عشان يرتاح ويفطر معانا.. بمجرّد ما الناس شربت المويات.. جا ولد عمّتي قال لينا الدوام لله..
نفس السبت الحدّدو جدِّي مات فيهو.. الوالد لليلة ندمان إنو ما حضر موت أبوهو.. لأنو قال الحكاية كلام زول عيّان وتعبان..

يا حليف ربنا يرحمو
يعني هسة لو كان في كان ورانا ود نمر غاتس وين
فكرة الإحساس بدنو الأجل لاقتني كتير
وما لا قي ليها تفسير
ناس معينين بصيرتن بتكون اكثر نفاذاً !!!
ولا كل الناس بيستشعروا الحاجة دي؟
المهم .....

[imported_محمد عبد الرحمن]

المشاركة الأصلية كتبت بواسطة حافظ حسين

هسي انا قايلك داير تكتب عن تجربتك المريرة الطويلة .... عن الحبشي الاداك سفه, الزول الجاب موية لكل الناس, السكران الدقوها فتاشة و لقوا عند فت جنيه, شرطوا الجنيه و دقوهو تاني قالوا ليها سكران زي كدا ما عندك غير جنيه, الزول البسكر و بجي يتحاوم بقادي عشان يلقي حتة ينوم فيها .... و تاني شنو يا رباطابي؟

عموماً يا محمد أضم صوتك ليك ووين محي الدين نمر؟

دي حيكتبا غزالي

ثم انو عملنا ليك Pilot study صغيرونة كدي جوة الحراسة بي خصوص إهتماماتك ديك بتنفعك.
يازول ضم و أكسر وأفتح شكل صوتك زي ما داير

[imported_محمد عبد الرحمن]

المشاركة الأصلية كتبت بواسطة بله محمد الفاضل

ومثلكم
رغم غيابنا الفارط
وحضورنا المتوتر
نتضامن مع الفقد
ونأمل في عودة النمر
والأحباب سواه

بالأحرى، هو غيابك الباهظ بلة
نأمل عودتك في ذات البهاء
والجميع أيضاً

[الرشيد اسماعيل محمود]

جــــاء النمر . . جـــــاء النمر

القريناها نحن "هجم النمر هجم النمر"
لكن "جاء" دي ما عارف يمكن بعد ما مرقنا أضافوها للقصّة..
المحيّرني إنوّ ناس تامنة بعرفو قصّة محمود الكذّاب دي.. شن عرّفك بيها يا الكاشف..؟
خليك في البستان وملبسنا وحديقتنا.. ونخيلنا..
وين محي الدين..؟