أيها الآباء لاتأذنوا لأزواج بناتكم

[imported_سماح محمد]

سلامات يارشا
وعذرا على التمدد في البوست
-فقط-
عبارة الباش الذكية هذه

المشاركة الأصلية كتبت بواسطة معتصم الطاهر

قلنا ليكن ( تعدد الزوجة ) يغنى عن ( تعدد الزوجات ) ..

إستحضرت لدي قول مريد البرغوثي في قصيدته الأثيرة لدي (الشهوات):

شهوة للقاء مع امراتين فى امراة واحدة
صبحها فى وقار الغسق
ليلها فى فجور الشفق
هى راهبة فى النهار
وفى الليل مرغابة للمسرات
ولوالة بالنداءات مصهالة بالشبق

هذا التلميح الذكي حول نمطية الزوجة يحتمل نقاشا مطولا أتمنى أن نفرد له مساحة نقاش منفردة يوما ما..
بالجمبة:
الأزواج ذاتهم مرات نمطيين

وتحيات وأشواق ليك ياباش ياجميل

[imported_رشا]

المشاركة الأصلية كتبت بواسطة Sahar

سلام يا رشا والمُتداخلين

من يستندون الى انَّ الاصل في الدين التعدد (وهم عادة رجال) يجدون من الأسباب مالا يعد ولا يحصى لتاكيد هذه النقطة..

لمن يستند الى النصوص الدينية بصورة عامة وتفاسيرها التي في بعضٍ منها فُصِلت على جلباب الرجل، اقول ان العقل الذي ذكره رب العالمين في القران الكريم في غالبية آيات التشريع يدعونا الى النظر برؤية جديدة لهذه التفاسير..

اما فيما اثرته من تساؤل فان واقع الحال في كثيرٍ من الاحوال يقول انّ من لجأ للتعدد والزواج بالثانية واحياناً بالثالثة والرابعة، كان له من الأسباب واهيها واستند ليقوي حجته على ان التعدد اصلٌ في الدين (وياها الحجة الواهية انو ده شرع الله ورسوله)..

كثيرون يا عزيزتي (الا قليل منهم) تزوجوا بالثانية لإرضاء شهوات ليس الا..
بعضهم فعلها بحثاً عما لم يجده في الاولى.. والكثيرون (ياللشماتة) لم يجدوا ما بحثوا عنه..

نقطة أخيرة، وهذه كانت بمثابة الصدمة..
رأيت بامِ عيني زوجاتٍ لكبار رجالات المجتمع في سودان القيم والأخلاق يتبارين في اغواء الشباب بالهدايا غالية الثمن ومعسول الكلام .. في مقابل جسد هذا الشاب..
حتى ان لها اسماً هذا الظاهرة، يسمونها ال (new look)






‏

‎أخت سحرلقد أتممت الناقص في الحديث ،،دعيني أضف أشياء أخري (شان الموضوع يكتمل شديد) ‏
‏ كنت قد قلت أن المجتمع دائمامايربط بين الجنس والرجل كأنهماوجهان لعملة واحدة،لكن هل يوجدتبريراخر أكثراقناعالتعددالزوجات من التبريرالجنسي؟ليس التعددفحسب ولكن اذا جاذلنا أن نضيف شيئا الي الذي قاله "فرويد" عن أن الدوافع والغايات التي تحكم الانسان عموماكلهاجنسية ،فاننانجزم أن ذلك يخص الرجل وأن كل أشكال اضطهادالمرأة تأخذ دوافع وأسباب جنسية ،فبداية الفصل بين الجنسان كانت لأسباب بيولجية لاتخص تفاصيل القوة الجسدية التي تتفوق فيهابنية الرجل ولكنهاتخص الأعضاء الجنسية للرجل والمرأة ،اختلاف التكوينات الجنسي هذا كان لابدأن يكون بموجبه أحد الطرفان مبعدا،ولأن الرجل يعتقدأنه هو الأكثرفاعلية في العملية الجنسية، أي هوالمعتدي والمرأة هي الخاضعة ،وبناءاعلي مايترتب علي ذلك من مفاهيم تخص "العيب"و"العار" كان لابد أن يصحب هذاالتصنيف الجنسي تصنيف في المكان أيضا،اذيصبح البيت هومكان المرأة حتي لاتزعج الرجل المتحفذ جنسيافي الشارع ،من هناجاء ابعادالمرأة من المجال العام وحبسهافي المنذل فكانت أولي خطوات الاضطهاد،ومن هناأيضاتصبح كل مشاكل المرأة دوافعهاتصورالرجل للجنس ،فاذاماأخذناوفيات الأمهات صغيرات السن كمشكلة تدرج ضمن قضاياالمرأة فاننابجدأن الرجل دائمامايبحث عن فتاة صغيرة في السن وتفتقرالي الخبرة الجنسية ،امابغرض التعلم أوخوفامن افتتضاح أمره اذاكان يشك في قدرته الجنسية ،هذا التعقدالجنسي يترتب عليه موت الصغيرات اللائي لم يستعددن للحمل أوالجنس نفسه أحيانا، أضف الي ذلك مشاكل التحرش والاعتداء الجنسي غيرنمط الشكل الذي ظلت المرأة حبيسة لديه نسبة لأنهاتنتمي لمجتمع يجعل من مدي" استقامة ساقيها"شرط من شروط اختيارهاللزواج.. ‏
‏ تحياتي مرة أخري وأرجو أن تواصلي الحوارمعنا( سماح ونوروتلك المجموعة الذكورية التي تشاركنا الحوار )‏‎
‎
‎

[imported_رشا]

المشاركة الأصلية كتبت بواسطة معتصم الطاهر

الطيب البشير متجوّز ..( من جوز نساء) ..

ناصر بتاع لخبطة ..

الموضوع/العنوان الاصلى ضاع ..

يعنى بنتى عاوزة تتزوج اكتب فى القسيمة ..ممنوع الدبل ..

قلنا ليكن ( تعدد الزوجة ) يغنى عن ( تعدد الزوجات ) ..

حسبي الله ونعم الوكيل‎
‎

[imported_رشا]

المشاركة الأصلية كتبت بواسطة فتحي مسعد حنفي

ياهو دا عمارك..دايرة تجيبي لي كل زول فينا ضرة..قوموا عليها يارجال قومة رجل واحد وارجموها..طيارة عين نسوان ساكت وخيابة رجال خرنجات علي قول عادل امام

أناماقدرك شان أردعليك ،لكن بشوف ليك زول قدرك يردليك(زي رأفت ميلاد مثلا) ‏
‏ بعدين انت شنو الطلعك من بوستات البهجة تبعك(بيني وبينك حكاية لي كلو زول ضرة دي حلوة)‏‎
‎

[الرشيد اسماعيل محمود]

رشا..
أشدُّ علي يديك إعجاباً..
وربّما علي يديكنّ.. لو أدخلنا سماح في القسمة..
ياخي بوست من البوستات التي لا تترك لك مجالاً سوي للتصفيق..
حوار هاديء وعميق وممتاز..
ومداخلات الشباب فتحت نوافذ جديدة امتدّ لها النقاش بشكل جيّد..
ياخي سلمتِ يا رشا..
مستمتع جدّاً..

سماح..
شكراً برضو..

[imported_عادل عسوم]

جميل ترحيب بك رشا
حقا أنت أضافة (موجبة) لهذا الفضاء الجميل...
وهذا الخيط الموشّى-بالوانه ونوله- لا اخاله الاّ يُصلح من حال دثارنا (رتقا للمهترئ منها أو ابدالا)!
اذ كم تكون الفائدة ارجى كلما كان الحوار هادئا ورزينا و...ثريا بمثل ايراداتك هذه ال(مذكية) لما خمد من ينابيع الرؤى -بين يدينا-وبمثل هذه الاضافات والردود من الأحباب ال(موسعة) لسوح وفضاءات المعرفة.
...
لقد كتبتُ مداخلة طويلة لكنها -وللاسف-ضاعت عند ايرادي لها لاشكالالت تعتري الشبكة هنا...
لكني أعدك بعودة قريبة باذن الله...
فقط أود ايراد هذه النقاط وبعض اسئلة أحسبها ستثري الحوار:
-نظرة الى واقع الذكور والانوثة في عوالم بقية الخلائق على كوكبنا الارضي.
-الاستئناس بدراسة علمية عن قدرات الرجل والمرأة (الجنسية والنفسية).
-حدود الاطار الذي يحكم مفهوم التجديد في الاسلام (مع استصحاب آراء نصر حامد ابوزيد دون اهمال الردود عليها).
-حاكمية النص القرآني من عدمه (من بعد القرار الى تفسير ملزم).
...
مودتي

[imported_رشا]

المشاركة الأصلية كتبت بواسطة الرشيد اسماعيل محمود

رشا..
أشدُّ علي يديك إعجاباً..
وربّما علي يديكنّ.. لو أدخلنا سماح في القسمة..
ياخي بوست من البوستات التي لا تترك لك مجالاً سوي للتصفيق..
حوار هاديء وعميق وممتاز..
ومداخلات الشباب فتحت نوافذ جديدة امتدّ لها النقاش بشكل جيّد..
ياخي سلمتِ يا رشا..
مستمتع جدّاً..

سماح..
شكراً برضو..

ياخي والله أناكنت راجية مداخلتك دي ،،،،شكراعلي الاطراء،انت أصلا ذووق،،وأنابرضو بشكرسماح لأنو أثرت النقاش ‏‎
‎

[imported_رشا]

المشاركة الأصلية كتبت بواسطة عادل عسوم

جميل ترحيب بك رشا
حقا أنت أضافة (موجبة) لهذا الفضاء الجميل...
وهذا الخيط الموشّى-بالوانه ونوله- لا اخاله الاّ يُصلح من حال دثارنا (رتقا للمهترئ منها أو ابدالا)!
اذ كم تكون الفائدة ارجى كلما كان الحوار هادئا ورزينا و...ثريا بمثل ايراداتك هذه ال(مذكية) لما خمد من ينابيع الرؤى -بين يدينا-وبمثل هذه الاضافات والردود من الأحباب ال(موسعة) لسوح وفضاءات المعرفة.
...
لقد كتبتُ مداخلة طويلة لكنها -وللاسف-ضاعت عند ايرادي لها لاشكالالت تعتري الشبكة هنا...
لكني أعدك بعودة قريبة باذن الله...
فقط أود ايراد هذه النقاط وبعض اسئلة أحسبها ستثري الحوار:
-نظرة الى واقع الذكور والانوثة في عوالم بقية الخلائق على كوكبنا الارضي.
-الاستئناس بدراسة علمية عن قدرات الرجل والمرأة (الجنسية والنفسية).
-حدود الاطار الذي يحكم مفهوم التجديد في الاسلام (مع استصحاب آراء نصر حامد ابوزيد دون اهمال الردود عليها).
-حاكمية النص القرآني من عدمه (من بعد القرار الى تفسير ملزم).
...
مودتي

شكرا عادل علي تلك المداخلة الرائعة ، ،، ‏
‏ أنا أيضاتحسرت لمداخلتك الضائعة وقدحدث لي شيءمشابه،،،أماعن الأسئلة التي أثرتهافهي من يستحق الحديث،،في انتظار مداخلة منك لمناقشتها،أتمني ذلك قبل أن ينشف المداد.. ‏‎
‎

[ناصر يوسف]

المشاركة الأصلية كتبت بواسطة معتصم الطاهر

الطيب البشير متجوّز ..( من جوز نساء) ..

ناصر بتاع لخبطة ..
الموضوع/العنوان الاصلى ضاع ..

يعنى بنتى عاوزة تتزوج اكتب فى القسيمة ..ممنوع الدبل ..

قلنا ليكن ( تعــدد الزوجــــــة ) يغنى عن ( تعدد الزوجات ) ..

ونان هي قالولك لخبطـــة نصَاح .. هههههههههه

ياخي لكن الزوجه المتعددة دي قبلت فوقها الهوبه عدييييييييييل ياخ

تسلم لغتك والله

وكما قال راوي السَحَّرة في يومٍ من أيام التذكر:

لو وجدت زوجتي وأنا داخلٌ عليها في ليلةِ دخلتنا وفي خلوتنا وتلكم هي المَرَّة الأولي لي لمشاهدتها ... فلو وجدتها مليحةً بديعةً في خلقها وخُلقِها .. لكبرتُ الله ثلاثاً ...
وإن وجدتها غير ذلكَ من البهاء ... لقلت في سِرِي وعَلَني ...


جهاد


نصر


شهادة



لووووووووول

[ناصر يوسف]

المشاركة الأصلية كتبت بواسطة رشا

أها:كدي نرد ليك بي نفس اللغة (أكان بعرف)،،،أنا أصلا قلت يجب أن يكون هنالك حل لمشكلة التعدد فكيف أجي أقول انو المرأة أيضا لابد أن تعاشر رجال كتار شان تكون في عدالة ، (أنا فقط أدين أحادية الحل )، لو لاحظت أنا كنت دايما بحاول أثبت انو احتياجات المرأة زي الرجل ، طيب لو الاشكال واحد ، وياكافي البلد لا الراجل ولا المرأة بتكفيهم (عينة واحدة) ، خلاص ليه بنحل اشكال الرجل ونتجاهل المرأة ؟ والله العظيم أنابس قعد ألف في الحتة دي ، لوسألتني عن الحل بقول ليك تعال نرسي مبدأ القناعة أي الاقتناع بالواحد و الواحدة (مبدأ أخلاقي كدة يعني زي الخواجات وزي حالاتك كدة)

بخصوص الدين فقد مهدت من البداية بأن هنالك دعوات لتجديد التراث الاسلامي في تشريعات كثيرة تأسيسا لمبدأ تقديم العقل علي النقل (يعني الخطاب الالهي هو خطاب بشري للبشر ومادام أنه بشري فهو خاضع لشروط زمانية ومكانية تتغير)،، فاذا كنت ترفض المبدأ من أصله فهذا شئ اخرستجد اجابته عند الترابي ...

افادة: القانون التونسي يمنع تعدد الزوجات ، والتوانسة مسلمين علي ما أظن
افادة ثانية: تونس تحتل مراكز متقدمة جدا في مسائل الديمقراطية وحقوق المرأة . ‏‎
‎

رشا يا كحيل ...

سلام يا زوله

طيب يا ستي .. مشكلتك في الحلول لمشكلة التعدد وعرفناها تب ..

وبرضو سعال ... ده مُش قول القرآن ؟؟؟ ولا أنا برضو وقعت في طور من يُفَسِر القرآن تلبيةً لرغبات بني جنسه من الرجال ؟؟؟


و الما واقع لي كُلو كُلو ... مسألة الدين دي ..

يعني مسألة إنو الدين لابد في كل زمان إننا نُوَفِق أوضاع قول القرآن علي واقع الزمان المُحدد وفق مُتطلبات العصر وكده ... ( أو ربما هذا هو الذي نمي إلي فهمي هُنا)

دي أبت تقع لي كُلُو كُلُو والله

وما قادر أبلع كتابة أختي سحر في الحِتَه دي:

لمن يستند الى النصوص الدينية بصورة عامة وتفاسيرها التي في بعضٍ منها فُصِلت على جلباب الرجل ، اقول ان العقل الذي ذكره رب العالمين في القران الكريم في غالبية آيات التشريع يدعونا الى النظر برؤية جديدة لهذه التفاسير..

طيب وينها هي الرؤية الجديدة دي ؟؟ وهل الرؤية الجديدة ممكن تغير من قول ربنا سبحانه وتعالي في مسألة التعدد بإنو للرجل ( مثني وثلاث ورباع ... وإن خفتم أ، لا تعدلوا ...) ؟؟؟

[ناصر يوسف]

فيوم من الأيام عندي زولاً صديق لي قرر فجأةً كده إنو يتزوج زوجه تانية .. علي الرغم من إنو كان معاي في حزب الواااااحدة تكفي

سألأته .. يا زول هه كدي قول بسم الله مالك إتغيرت 360 درجة في مفاهيمك ؟؟

قال لي: ( وكانت تبريراته مقنعه وغير مقبوله ـــ تناقض مُش كِدَه ؟؟)

يا اخي الزوله دي إتغيرت تماماً ... ما بتهتم بنفسها إطلاقاً .. وبقي مافي فرق بينها وبينها أنا الراجل ده التقول بقت راجل .. ثُمَّ ياخي دي زوله واهية جداً في السرير .. يعني ما بتعرف ... عرفت كيف ؟؟

أها زول وزوله زي ديل ممكن تقولي عنهم شنو يا رشا ؟؟

[imported_فتحي مسعد حنفي]

المشاركة الأصلية كتبت بواسطة رشا

أناماقدرك شان أردعليك ،لكن بشوف ليك زول قدرك يردليك(زي رأفت ميلاد مثلا) ‏
‏ بعدين انت شنو الطلعك من بوستات البهجة تبعك(بيني وبينك حكاية لي كلو زول ضرة دي حلوة)‏‎
‎

هسة في ذمتك ما لقيتي غير العجوز المسوس دا تجيبيهو يرد عليأعملي حسابك ما تقعي كان اتكلتي عليهو وتلحقي تكل حبوبتي سكينة أم أمي أمينة انتي الظاهر عليك ملخبتة بيني وبين المرحوم زيدان في حكاية البهجة دي

[imported_جيجي]

المشاركة الأصلية كتبت بواسطة فتحي مسعد حنفي

هسة في ذمتك ما لقيتي غير العجوز المسوس دا تجيبيهو يرد عليأعملي حسابك ما تقعي كان اتكلتي عليهو وتلحقي تكل حبوبتي سكينة أم أمي أمينة انتي الظاهر عليك ملخبتة بيني وبين المرحوم زيدان في حكاية البهجة دي

هو ياعمو الزول لو مبتهج فيها حاجة يعني

[imported_فتحي مسعد حنفي]

المشاركة الأصلية كتبت بواسطة جيجي

هو ياعمو الزول لو مبتهج فيها حاجة يعني

كلميها بالله قبال ما أقلب ليها الوش التاني بتاع المشاكل..بعدين انتي اللخبتة عليك شنوالبنية دي جديدة وما عارفاني عجوز..في داعي قداما تقولي لي عمو

[imported_رشا]

المشاركة الأصلية كتبت بواسطة ناصر يوسف

رشا يا كحيل ...

سلام يا زوله

طيب يا ستي .. مشكلتك في الحلول لمشكلة التعدد وعرفناها تب ..

وبرضو سعال ... ده مُش قول القرآن ؟؟؟ ولا أنا برضو وقعت في طور من يُفَسِر القرآن تلبيةً لرغبات بني جنسه من الرجال ؟؟؟


و الما واقع لي كُلو كُلو ... مسألة الدين دي ..

يعني مسألة إنو الدين لابد في كل زمان إننا نُوَفِق أوضاع قول القرآن علي واقع الزمان المُحدد وفق مُتطلبات العصر وكده ... ( أو ربما هذا هو الذي نمي إلي فهمي هُنا)

دي أبت تقع لي كُلُو كُلُو والله

وما قادر أبلع كتابة أختي سحر في الحِتَه دي:

لمن يستند الى النصوص الدينية بصورة عامة وتفاسيرها التي في بعضٍ منها فُصِلت على جلباب الرجل ، اقول ان العقل الذي ذكره رب العالمين في القران الكريم في غالبية آيات التشريع يدعونا الى النظر برؤية جديدة لهذه التفاسير..

طيب وينها هي الرؤية الجديدة دي ؟؟ وهل الرؤية الجديدة ممكن تغير من قول ربنا سبحانه وتعالي في مسألة التعدد بإنو للرجل ( مثني وثلاث ورباع ... وإن خفتم أ، لا تعدلوا ...) ؟؟؟

صباح بلون النسوان،،،والله حكاية الدين دي،، هاك ،دة طرفي منها ،نان ماعندي حاجة أضيفهاتاني: ،لكن في جذء انت أشرت ليهو لازم نوضحوا(وأنكحواماطاب لكم من النساء مثني وثلاث ورباع ،وان خفتم ألا تعدلوافواحدة)،،طبعا انت حذفت "فواحدة"،أظنك متعمد،،المهم هنالك تكملة في آية تانية ،(ولن تعدلوا ولوحرصتم)،أظن الكلام واضح،طبعا نحنا"بنصدق" الله سبحانه وتعالي لأنه هوالأصدق ،فالله نفسه قطع وأجذم بعدم عدالتكم يارجال،لذلك وضع شرط للتعددوهوالعدل،وعاد وأكد عدم العدالة ولوحرصتم(ربماستسأل اذا كان الأمركذلك فلماذا لم يحرم التعدد؟،أقرب وأصح اجابة لهذا التساؤل المنطقي ،هي أنه اختار أفضل الحلول السيئة لحل مشكلة ذمنية لواقع معقدوقتها(انت عارف قريش راسهاقوي كيف) ،،،، المهم في النهاية لوجمعت الآيتين بتلقي المجموع أن الاسلام نفسه بطريقة غير مباشرة برجع بدين تعدد الزوجات ،،(يعني زي ماقالت سحر التعددماالأصل)،،،لاحظ أن الرسول "ص" نفسه أدان تصرف "علي" وعارضه بشدة، ،تاني شنو ؟ ‏‎
‎