أم الكل (نبراس)القلوب - كم افتقدناك !

[imported_سمراء]

هل تعلمى بأن فرحتنا بعرس الجيلى ووهاد كان منقوص بعدم حضورك...رغم حضورك فينا الدائم !!

هل تعلمى ياحبيبة بأن صوتك وحده ، كان يكفى بزرع الفرح الغامر فينا !!

حقيقة افتقدتك بصورة كبيرة ، وتخيلتك وانت تجوبين كعادتك فى مثل هذه الملمات كفراشة تزرع البسمة بين الحضور ، وتجمع شتات نفوسنا ..

افتقدتك ياحبيبة ، مثلما افتقدك الاخرون من عقد سودانيات النضيد ....








____________
اسع دبى دى كان فى داعى ليها اسع

[imported_يحي عثمان عيسي]

مشاعر نبيلة صادقة من القلب الي القلب لا تحتاج الي تُرجمان أدام الله عليكن هذا الحب والمودة والإلفة
ولا شك ان نفحاتكم ستغمرنا ايضا فنحن افتقدنا نبروسه
لكُم سمراء ونبراس الود الذي لا ينتهي

[imported_سمراء]

اقتباس:
المشاركة الأصلية كتبت بواسطة يحي عثمان عيسي

مشاعر نبيلة صادقة من القلب الي القلب لا تحتاج الي تُرجمان أدام الله عليكن هذا الحب والمودة والإلفة
ولا شك ان نفحاتكم ستغمرنا ايضا فنحن افتقدنا نبروسه
لكُم سمراء ونبراس الود الذي لا ينتهي

يحيى الزول النبيل
تحايا بحجم الشوق ، والمودة
البت دى خلت فراق شكلو غريب جواى
يعلم الله فاقداها رسمى وشعبى

[imported_هيثم علي الشفيع]

المشاركة الأصلية كتبت بواسطة سمراء

البت دى خلت فراق شكلو غريب جواى

هسة البي الأحمر دة ياتو فيهم؟؟؟؟؟
المن فارق يفارق فهو مفارق "وعينو قوية"
ولاّ من فرغ يفرغ فهو فارغ "كفؤاد أم موسى"!!؟؟؟؟

ما تفهِّمونا يااااااااااا جماعة



هي بسم الله معليش...نسيت

المعنى نبراس في دبي؟؟؟؟ وماااااااااالم ناس الإمارات ما عاملين هيلمانة وإحتفالات وبوستات وصور.؟؟؟؟ هينة يعني ولا هينة؟؟؟؟

ياخي ربنا يكتب السلام وعوداً حميداً إن شالله



ويييييييين يا ثمرمر؟؟؟؟
الخبارات -غير عرس الجيلي ووهاد وسفر نبراس - شنو؟؟؟؟

[الرشيد اسماعيل محمود]

المشاركة الأصلية كتبت بواسطة هيثم علي الشفيع

الخبارات -غير عرس الجيلي ووهاد وسفر نبراس - شنو؟؟؟؟

غياب الرشيد عن عرس الجيلي و وهاد وما بينهما من هجيج..
ثمّ:
المرّة دي ركبتا معاك سرج واحد..
والمثل الإنجليزي قال:
"if two men ride a horse.. one must be behind"
والبيهايند دة قريييب حينزل..
ويسيبك..
فــ
سيبك.

[imported_اروي حامد عبد الله حامد]

وانا اقول شنو ياسمرمر غايتو حالتهم اسبوعين


رشيدنا سلامات ولك من الشوق كميات

انت عارف سمراء لفتتني لي واحد قالت لي داك الجيلي ولا بشبهه لابس فل سوت بيج
سألتا منك السلفي وقال لي ماقدرتا تجي بس شويتين ولقيت شبيهك في وشي
خفتا قلتا دا قرينك ولا شنو بس هو علي اطول من غير نظارات

فقدناك والله وفاتتك جبجبه مبالغة غايتو الملفات مستلمها ابرا و عبد الجليل

[الرشيد اسماعيل محمود]

المشاركة الأصلية كتبت بواسطة اروي حامد عبد الله حامد

سألتا منك السلفي وقال لي ماقدرتا تجي بس شويتين ولقيت شبيهك في وشي
خفتا قلتا دا قرينك ولا شنو بس هو علي اطول من غير نظارات

أها شين ولا حليوني زيّي كدة..؟
عموماً:
قدر ما حاولت أكون حضور، ما لقيت طريقة..
وطالما الشغل بقيف قدّام رغبتي في ممارسة التفاصيل كما ينبغي..
قرّرت أخيراً أنّي أخليهو وأنحاز للحياة..
جادِّي والله.
يا ربِّي حسدتكم..؟
شوق يا أروي.

قالو لي أميري كان قاطع نص زي كرتونة الزوادة.

[imported_اروي حامد عبد الله حامد]

المشاركة الأصلية كتبت بواسطة الرشيد اسماعيل محمود

أها شين ولا حليوني زيّي كدة..؟
عموماً:
قدر ما حاولت أكون حضور، ما لقيت طريقة..
وطالما الشغل بقيف قدّام رغبتي في ممارسة التفاصيل كما ينبغي..
قرّرت أخيراً أنّي أخليهو وأنحاز للحياة..
جادِّي والله.
يا ربِّي حسدتكم..؟
شوق يا أروي.

قالو لي أميري كان قاطع نص زي كرتونة الزوادة.

لا تعليق عشان المعنويات وكدا اقول ليك اطول وبلا نظارة كدي البس نظارتك دي وبتعرف الفرق

اي حياة يا رشدي العامة ولا الخاصة

والله فاتك الفاتك غايتو حاول الاتصال بصديق للاحداث

هو براه القاطع نص
السلفي الصالح قاطع نص بي قميص ماعارف لونه (بلبس من طرف)
ومحمد عبد الرحمن قاطع نفس
غزالي (بودي قارد سارة) خليه في سرك لما تجي بحدثك
اما مهند (السودان) برضه خليه في سرك

[imported_اروي حامد عبد الله حامد]

عشان مانفتل البوست

نبراس حتصل الجمعة انشاء الله

[الرشيد اسماعيل محمود]

المشاركة الأصلية كتبت بواسطة اروي حامد عبد الله حامد

لا تعليق عشان المعنويات وكدا اقول ليك اطول وبلا نظارة كدي البس نظارتك دي وبتعرف الفرق

والله كان أخير تعلِّقي..
بدل ما تخلينا معلقين ..
المهم:

المشاركة الأصلية كتبت بواسطة اروي حامد عبد الله حامد

غزالي (بودي قارد سارة) خليه في سرك لما تجي بحدثك
اما مهند (السودان) برضه خليه في سرك

إنتي سرِّي دة قايلاهو السّاحة الخضراء ولا شنو..؟
يشيل شنو ويخلّي منو..؟

البوست مفتول من أصلو..
كدة حيستعدل.. ونبراس تصل بالسلامة.

[آخـر المواني]

المشاركة الأصلية كتبت بواسطة اروي حامد عبد الله حامد

وانا اقول شنو ياسمرمر غايتو حالتهم اسبوعين


رشيدنا سلامات ولك من الشوق كميات

انت عارف سمراء لفتتني لي واحد قالت لي داك الجيلي ولا بشبهه لابس فل سوت بيج
سألتا منك السلفي وقال لي ماقدرتا تجي بس شويتين ولقيت شبيهك في وشي
خفتا قلتا دا قرينك ولا شنو بس هو علي اطول من غير نظارات

فقدناك والله وفاتتك جبجبه مبالغة غايتو الملفات مستلمها ابرا و عبد الجليل

يمكن هي قاصدة تقول ليك العريس اللي جنب وهاد داك هو الجيلي

[الرشيد اسماعيل محمود]

المشاركة الأصلية كتبت بواسطة آخـر المواني

يمكن هي قاصدة تقول ليك العريس اللي جنب وهاد داك هو الجيلي

يا آخرا..
سيب التشويش بالله..
قالت قرينك وشبيهك و.. إلخ..
تقول لي قاصدة ويمكن..؟

لكن (والعهدة علي الحضور)، الجيلي الناس ما عرفتو..
غايتو البحر الميّت الله يدِّي العافية ويموت كمان وكمان..
ما فتيء يمدّ العرسان بطينه..

[آخـر المواني]

المشاركة الأصلية كتبت بواسطة الرشيد اسماعيل محمود

يا آخرا..
سيب التشويش بالله..
قالت قرينك وشبيهك و.. إلخ..
تقول لي قاصدة ويمكن..؟

هي بدت كلاما بي "يا رشيدنا" سمراء لفتتن و سو اند سو الي ان وصلت لي سألت منك السلفي وقال لي ما قدرت تجي الخ ..

اها المعني انو هي بتتكلم عنك انت وبدت كلاما بي ماناداتك وتاني دخلت اسم الجيلي والمعني واضح

[imported_سماح محمد]

نبراس الجميلة

بالجد وحشتينا


تصلي بالسلامة

[imported_حافظ حسين]

الفقد واحد يا سمراء

نبراس تصلي بالسلامة و بالله جيبي معاك جل (الجيم بتلاتة نقاط)