بناتنا ومسخ الوشوش

[منال]

المشاركة الأصلية كتبت بواسطة Babiker Mukhayer

يما
دا بيقولو ليهو
بين حرقت الشباب وراحة الكبر
الدم كان محروق من حر السودان وسموم المراوح
حسي يا ماما، مكيفات وكندشة
عيني باااااااااااااااردا
قال ليك
صورة وحلا
تقولي ليا جمايكا

يابا صيامك مقبول و مبارك باذنه

اها دايرة اقول مقياس الجمال ما عند الفنانين و المغنيات عندى البنيات السمحات الحلفاويات و المحسيات و الشايقيات اللون منقة و الطول بانة مياسة و الاصابع بركاوى ... حاجة فيك الدنقلاويات عينى باردة مهرات ...تجى الوسط العروب يازول ها.. جمال يسحر بس تمتع عينيك بالدهشة و تقبل على الشرق البجا و الهدندوة الربطة فى النص قسمت القوام كية للبكايين ... و الغربيات لون زيتونى و صفرة بشرة و عيون واسعة و جمال جوه و براه .. الجنوبيات ابونسيات قوام انجليزى ..المشية هاك دى و راها دى اناقة و لابقة ...غايتو شارقنى المذيعة لوشية جون فى قناة الشروق

[شبارقة]

المشاركة الأصلية كتبت بواسطة منال

البنيات السمحات الحلفاويات و المحسيات و الشايقيات اللون منقة و الطول بانة مياسة و الاصابع بركاوى ... حاجة فيك الدنقلاويات عينى باردة مهرات ...تجى الوسط العروب يازول ها.. جمال يسحر بس تمتع عينيك بالدهشة و تقبل على الشرق البجا و الهدندوة الربطة فى النص قسمت القوام كية للبكايين ... و الغربيات لون زيتونى و صفرة بشرة و عيون واسعة و جمال جوه و براه .. الجنوبيات ابونسيات قوام انجليزى ..

[align=justify]يا بناتنا الجمال موجود في كل مكان لكن الجمال الأصلي في السودان .. إذا تحاشينا التقليد الأعمى والجري واللهث وراء تغيير اللون بالصناعة [/align]

[align=justify]واليومين ديل شايف موضة تلوين الجفون ...حاجة مشاترة وما بتشبهنا على الإطلاق ... تشويه في تشويه (ينطبق علينا المثل : فلانة الشينة جات تتكحل طبزت عينا) ... وما عليكم إلا متابعة قنواتنا الفضائية عشان تشوفو العجب ... شئ جير وشئ جربنه وشئ شخبطات بيكاسو وشئ بوهيات المهندس ... لا لامين في الجري ولا في الطيران [/align]

[align=center][/align]

[شبارقة]

[align=justify]يرفع بناءا ً على طلب ستات حـِسان قهوة النشاط [/align]

[عادل عسوم]

[align=center]اخواتنا في درب البياض صرفن كتير وضمّة ماخلّن حَتيتي
كان زمان روز أو ديانا وحسّي جات أسماء عديدي
فيها كمّين واحد مسوح وناس تبلّع في حبوب كيفن غليدي
وكل يوم شيتا جديد بعضو مصري والكتيرساوّنّو كيري
الوشي بالليل عاد يراري والصباح تلقاهو زي ضهر الخريتي
في الحفلة تتمارالك (صباح)! زينة وبياض زي الرتيني
لكن كمان شوفة اللّيدين تعرف زويلتك الماتغباك (فلاني)
دة كلّو من (قدّر ظروفك) عاد تحوق بي وين الدهيني
شكيتو (أمبو) كم ظلّط جضوم وياما سوّا سواة الهريتي
وواحدن كمان عاد بس سبوع يدبغ دبغ مفعولو فوري!
تمنو بي شيتا فلاني ومايهم جيبوهو انشاالله من هلسنكي
أخواتنا وبناتنا دة كلو زئبق وكورتزونن سمّو هاري
يسبب أمراضا كتار شيتا خبيس والعجيب فشل الكلاوي
وكمان بقينا في قشير جلود تحلف تقول بيضة جدادي
يمشكو بي شيتا دراش قالوا (بن) عجنوهو بي موية زبادي
والعندها (فلّة) تمرقا في (ابن سينا) الجلسة بالشي الفلاني
الله يحفظكن بناتنا لا تبالغن وختّن الرحمن وقايي
مين قال جمالكن في البياض ماتنسو تسألوا ديك (نعومي)
مالا عاد خدرتنا الدقاقة أو سمارنا الغنّالو وردي
وأسمر جميل فتّان و(ياسمرة) (ياالزول الوسيم ياهادي)
ماالسمار من طينّا وجروفنا والخدار عاد زينة بلادي
ماالسمار من طينا وجروفنا والخدار عاد زينة بلادي [/align]
[align=center]عادل عسوم 2005[/align]

[تحفة حوا]

بوست جميل ويناقش الجمال
وقصيدة جميلة يا عادل عسوم
توضح الواقع المزلوط
بالمناسبة في حاجات بلدية كتيرة وسمحة ما بتفتح اللون بس بتخلي ناير كمان
زي :
_ البن المسحون بالبيض
_ الحلبة المسحونة تبل بي شوية موية ودي تفتح الوش وتخلي صافي من الحبوب
_ الزبادي بالخميرة
دي أشياء طبيعية وكل البنات بعرفنها
اليومين ديل السودانيات في التلفزيون بقن مصريات
بس الرجال لسة لونم بني زي ما بتقول بنيتي
شي عجيب ؟؟؟

[شبارقة]

المشاركة الأصلية كتبت بواسطة عادل عسوم

[align=center]

في الحفلة تتمارالك (صباح)! زينة وبياض زي الرتيني
لكن كمان شوفة اللّيدين تعرف زويلتك الماتغباك (فلاني)
دة كلّو من (قدّر ظروفك) عاد تحوق بي وين الدهيني
[/align]
[align=center][/align]

دة كلّو من (قدّر ظروفك) عاد تحوق بي وين الدهيني

[align=justify]أتاريهو ده السبب ![/align]

[align=justify]عجيييب [/align]

[شبارقة]

المشاركة الأصلية كتبت بواسطة تحفة حوا

بوست جميل ويناقش الجمال

[align=justify]إنتي قصدك يناقش التشويه

هناك جمال طبيعي مدفون ... فقط يحتاج إلى إظهار .... يعني بحاجات بسيطة وطبيعية مثل التي ذكرتيها في مداخلتك ... دون البشتنه والتعرض للكيماويات والكريمات الصناعية.

الموضوع كبير وخطير ويحتاج إلى معالجات وتصحيح مسار وبالذات لدى نساء وفتيات بلادي

شكرا ً على مرورك ... والمطلوب المزيد من الإضاءات حول هذا الموضوع ومن الجنسين .[/align]

[شبارقة]

المشاركة الأصلية كتبت بواسطة تحفة حوا

بس الرجال لسة لونم بني

[align=justify]أوعا يكون المطلوب مننا نحن كمان أن نتبشتن ونتجربن [/align]
[align=justify]عجييب !![/align]

[منال]

المشاركة الأصلية كتبت بواسطة شبارقة

[align=justify]أوعا يكون المطلوب مننا نحن كمان أن نتبشتن ونتجربن [/align]
[align=justify]عجييب !![/align]

شبارقة ازيك

وهو مطلوب ... ده بقى من اهم اولويات الشباب

سلملى على فير اند لفلى فى ايد شاب مجبربن بيهو و شوفو عينى وشو يلمع و يرارى ...قمر14 .

وبمشى بعيد حكونى بان فى شنطة احد الشباب تونر (وده منظف لبشرة الوجه) و كريم اوريال الفرنسى الماركة نايت و كمان داى عشان الاستخدام فى اى من الاوقات و فير للشمس و كمان سن بلوك ... و مطرب الشفاه ... و كريم للايدى الناعمة ده عينة لشاب ترطيبة يعنى فى ايدو قرش بنفقو على جمالو
و الشاب المفلس بستعمل الكريمات الخلطة (قدر ظروفك )
اها تانى فضل ليهو شنو يشاركنا فيهو ... الاجابة ....؟

كمان يا شبارقة الايام دى فى بشتنة كده فى لبس البنطلون الله لا وراك المنظر مقرف عديل وكمان بيقدل و ماشى الجامعة !!!

[شبارقة]

[align=justify]حبابك يا منال [/align]


[align=justify] [/align]

المشاركة الأصلية كتبت بواسطة منال

فى شنطة احد الشباب تونر (وده منظف لبشرة الوجه) و كريم اوريال الفرنسى الماركة نايت و كمان داى عشان الاستخدام فى اى من الاوقات و فير للشمس و كمان سن بلوك ... و مرطب الشفاه ... و كريم للايدى الناعمة ده عينة لشاب ترطيبة يعنى فى ايدو قرش بنفقو على جمالو

[align=justify]أتاريني شايف الأولاد شايلين شنط لكن ما كنت مفتكر أنها (شنط يد) [/align]

و كريم للايدى الناعمة ده عينة لشاب ترطيبة يعنى فى ايدو قرش بنفقو على جمالو

[align=justify]الأيدي الناعمة لشاب ؟!!! طيب خلـّوا للبنات والنسوان شنو ؟!

خلاص إنتن إخشوشنن فإن النـِعـَم لا تدوم [/align]

[align=justify]ولو ده فعلا ً حال معظم الشباب كما ذكرتي أختي منال .. فوجب علينا أن نترحم على شبابنا ... ونعترف فعلا ً بأن الرجال ماتو في كرري .[/align]

[احمد زين]

تحياتي للجميع .........
شبارقة يا اخوي ما تسمع الكلام ده( راجل)بسوي كدي مافي
بعدين انا عشان اخوف البنات ديل في دراسة عملتها طبيبة سودانية متخصصة في المراض الجلدية ... الدراسة عن آثار الكريمات ومستحضرات التجميل المبيضة للبشرة وفيها معلومات وارقام مخيييييييييييييييييييفة نشرت الدراسة في العدد الاول من مجلة الجمعية السودانية لاختصاصيي الامراض الجلدية حا انزلها ليكم بعد موافقة الجماعة ديل والنشوف واحدة ثاني شايلة كريم في شنطتها
بالمناسبة سمعتو بعنبر البيوكلير في مستشفى الامراض الجلدية - الخرطوم؟

[شبارقة]

المشاركة الأصلية كتبت بواسطة أحمد محمد زين حسين

بعدين انا عشان اخوف البنات ديل في دراسة عملتها طبيبة سودانية متخصصة في المراض الجلدية ... الدراسة عن آثار الكريمات ومستحضرات التجميل المبيضة للبشرة وفيها معلومات وارقام مخيييييييييييييييييييفة نشرت الدراسة في العدد الاول من مجلة الجمعية السودانية لاختصاصيي الامراض الجلدية حا انزلها ليكم بعد موافقة الجماعة ديل والنشوف واحدة ثاني شايلة كريم في شنطتها
بالمناسبة سمعتو بعنبر البيوكلير في مستشفى الامراض الجلدية - الخرطوم؟

[align=justify]ما زلنا راجينك يا بوحميد [/align]

[align=justify]ياها دي الكريمات ... أشكال وألوان وفي كل مكان [/align]

[align=center][/align]

[align=justify]وياها دي النتيجة !![/align][align=center][/align]