تأبين حِمّيد في أبوظبي...القدال ، السر عثمان الطيب،د.محمد بادي،حمزة سليمان،بهاء الدين سليمان وآخرين

[imported_الزوول]

...
بمبادرة من كل الفعاليات وقيادة منتدى الطمبور وتحت إشراف النادي السوداني بأبوظبي، تقام ليلة تخليد ذكرى شاعر الوطن (حميد) مساء يوم 11\05\2012 م بمشاركة الشعراء
محمد طه القدال
السر عثمان الطيب
د.محمد بادي
والفنانين :
حمزة سليمان
بهاء الدين سليمان
ونخبة من أعلام الأمارات البارزين
..
الدعوة عامة وأتمنى مشاركة الجميع في الإحتفاء بذكرى هذا الرجل المتفرد والشاعر الإستثنائي

[بابكر عباس]

يا زوول
ح أجي للمشاركة في الإحتفاء بالشاعر العظيم حميد
وبرضو عشان عندي غلاط مع ود بادي بخصوص قولو:
تلب حامد فوق مخلوفة أب زور وإتربع
إن شاء الله أقنعو يغيرها ل:
طفّر خامد فوق مخلوفة أب زور وأتربع

[imported_أسعد]

يا بابكر انت كنت قاعد تدك حصص (لكل مقام مقال)؟!











غايتو لو ما قاعد تدكها
حقو تدكها , عشان تبنيها من جديد

[imported_طارق صديق كانديك]

المشاركة الأصلية كتبت بواسطة بابكر عباس

يا زوول
ح أجي للمشاركة في الإحتفاء بالشاعر العظيم حميد
وبرضو عشان عندي غلاط مع ود بادي بخصوص قولو:
تلب حامد فوق مخلوفة أب زور وإتربع
إن شاء الله أقنعو يغيرها ل:
طفّر خامد فوق مخلوفة أب زور وأتربع

يا دكتور كيف حالك، يبدو أدرنا حوار قبل كده في نفس الحتة دي بس الزهايمر ما متذكر وين، عموماً أجد أن :

كلمة (طفّر) هي الوضع الطبيعي والعادي اذ غالب الأمر أن (يطفّر) من أراد ركوب الجمل وهو منظر اعتيادي. غير أن المقام مقام شعر يستحسن فيه المبالغة والصيغ الخيالية ومن هنا أجد أن كلمة (تلّب) أبلغ اذ جلعت منا نتخيل أن (حامد) من الطول بمكان حتى أنه حين يهم بركوب الجمل لا يقفز اليه انما يأتيه من علٍ وكأنه يسقط عليه من أعلى.

وذاك لايمنع أن تحاول اقناعه

[سيداحمد عبدالرحيم شامي]

حضور أن شاء الله

[imported_نعمات حمود]

حضوووووور انشاء الله
ومرحبا بالقدال شاعر الوطن والانسان
ومراحب بالسر وبكل الجميلين بهاء وحمزة وكل النخب
والف رحمة ونور على حميد .....

[imported_أبوجنزير]

إن شاء الله حضور

[imported_الزوول]

سلامات للجميع
شكراً لكل من مر من هنا ... او من هناك
...
أتيت متأبطاً كاميرتي لأوثق للحدث
ولأشرك فيه سودانيات
فوجئت بأنه (ممنوع الاقتراب و التصوير )
اختلست بعض الفقرات من على البعد
من حسن حظ الكثيرين ممن غادر باكراً أن قصيدة محمد بادي كانت من ضمن هذا الاختلاس
..
من ضمن الناقلين الرسميين لفعاليات الليلة
كانت قناة الشروق
حيث قامت بتصوير الليلة بكاملها
وإن كنت أشك في امكانية بثهم لها
فقد كان فيها الكثير من غير المرغوب في عرضه
....

[imported_زكي عبد الحي]

يا الزوول ما قلتا صحبي الفنان/ ابو بكر سيد احمد ليييييييييييييه

اسي هو هناك ياخ

[imported_الزوول]

المشاركة الأصلية كتبت بواسطة زكي عبد الحي

يا الزوول ما قلتا صحبي الفنان/ ابو بكر سيد احمد ليييييييييييييه

اسي هو هناك ياخ

....

سلامات يا زكي

صحيح ...

أبوبكر سيداحمد
هذا الرجل الفنان (جداً)
والانسان الشهم الوفي لصديقه حميد
كان مجيئه (حسب سماعي) بالصدفة
كان مع السر عثمان الطيب أو القدال أو كلاهما في أحد الليالي بالخرطوم
وعندما تكلم الأخوة المكلفين بترتيب زيارة القدال والسر معهم كان حاضراً بالصدفة
فسألهم عن الحاصل
فأخبروه أنهم بصدد ترتيب سفر هؤلاء الشعراء للمشاركة في تأبين حميد بابوظبي
وفوراً أبدى استعداده للمشاركة والسفر بدون قيد أو شرط من أي نوع وفي أي توقيت
وقد كان
وقد كان... أن كان نوارة الليلة بالأداء الجميل والصوت القوي والطرب حد الثمالة
التحية له ولك
....
التأكد حضورو متأخر شوية

[imported_الزوول]

المشاركة الأصلية كتبت بواسطة زكي عبد الحي

يا الزوول ما قلتا صحبي الفنان/ ابو بكر سيد احمد ليييييييييييييه

اسي هو هناك ياخ

....

سلامات يا زكي

صحيح ...

أبوبكر سيداحمد
هذا الرجل الفنان (جداً)
والانسان الشهم الوفي لصديقه حميد
كان مجيئه (حسب سماعي) بالصدفة
كان مع السر عثمان الطيب أو القدال أو كلاهما في أحد الليالي بالخرطوم
وعندما تكلم الأخوة المكلفين بترتيب زيارة القدال والسر معهم كان حاضراً بالصدفة
فسألهم عن الحاصل
فأخبروه أنهم بصدد ترتيب سفر هؤلاء الشعراء للمشاركة في تأبين حميد بابوظبي
وفوراً أبدى استعداده للمشاركة والسفر بدون قيد أو شرط من أي نوع وفي أي توقيت
وقد كان
وقد كان... أن كان نوارة الليلة بالأداء الجميل والصوت القوي والطرب حد الثمالة
التحية له ولك
....

[imported_الزوول]

....

...

http://www.youtube.com/watch?v=dj_RyiRzXTc
...

.....

[imported_نبيل عبد الرحيم]

مجهود مقدر يازول
فقدنا حميد , وردى ونقد