خريجو جامعة أسيوط لمزيد من التواصل

[كباشي]

[align=justify]لكن ياناس الرياض ماشاء الله صور في قمة الروعة وسألت منير عن نوع الصبغة دي وأسمها شنو قال دي الرحات ، وخير فعل الحبيب أبو شعر بإرتداء الزي السوداني الكامل !! وكم هي جميلة طاقية ود ابوكنة ونحن غايتوا البسألنا عمركم كم بعد دا بنوريه الصور دي ونقوله ديل زملان الدراسة وعيني باردة ما تخافوا . وشكيتوا علي الله سيد أحمد أبشعر أقنعني بوضع الصور يوم داك كان هسع بنزلكم صور من الزمان وتمشي المكنة وبلاش فضايح كبر . نفسي كان كيشو يكون معاكم ما في واحد ينزل لينا ليهو صورة احدث من بتاعت مكي دي .[/align]

[كيشو]

المشاركة الأصلية كتبت بواسطة kabashi

[align=justify]الأستاذ كيشو تحياتي هسع يعني حكاية أخوي الكاشف دي لازم منها ، زمان في ناس غشونا قالوا تزوج القضية وهم جلسوا يحبوا في البنيات السمحات حتى وجدنا أنفسنا بعد التخرج أمام أكبر فراق وأشق مهمة هي البحث عن رفيقة عمر في مليون ميل مربع !! ولو ما لطف الله ينقضي العمر ولا تنقضي المهمة ولكن صدق السياسة ما خزلتنا فهي سبب المعرفة بأسرة أم العيال طبعاً مع القسمة . أما بعد كدا فكونا من قضيتكم الوطنية المابتتحل دي وشفوا ليها واحد ما عنده عيال وما تغرك تسخيناتي الشايفة في البوستات هنا دي عملية تسويق ورفع سعر لأنه اليومين دي في مفاهمات تلفونية مع منير العوض وكم بيدفعوا عشان أعملهم بيان إنضمام ومعي عشرون وهميين ؟ [/align]

المشاركة بتاعتك دي حقو نسميها الحب والظروف (بتعرف الحب والظروف يا كباشي؟)
أنا لو يسمعوا كلامي يدفعوا ليك براك فأنت تساوي الكتير، هسه الوزراء ديل مش سياسيين، ومش بياخدوا مرتبات؟ ومش بيركبوهم أفخم العربات؟ ومش لمن يعزموا ناس بتكون العزومة من بند الضيافة؟ ولمن ما يعزموا ناس بيكونوا هم المعزومين؟ طيب الدفع دا كيف؟

[منير]

المشاركة الأصلية كتبت بواسطة كيشو

المشاركة بتاعتك دي حقو نسميها الحب والظروف (بتعرف الحب والظروف يا كباشي؟)
أنا لو يسمعوا كلامي يدفعوا ليك براك فأنت تساوي الكتير، هسه الوزراء ديل مش سياسيين، ومش بياخدوا مرتبات؟ ومش بيركبوهم أفخم العربات؟ ومش لمن يعزموا ناس بتكون العزومة من بند الضيافة؟ ولمن ما يعزموا ناس بيكونوا هم المعزومين؟ طيب الدفع دا كيف؟

انت عارف يا اخ عصام الاخ كباشي ليه معزة خاصة وهو من الشخصيات التى لاتترك مجال الا ان تحبها
وفي محاولات لضمها للمؤتمر الوطني بس لازم يكون معه جماعة من اسيوط وبعدين مسألة الدفع مابنخلتف فيها (هلموا الينا)

[كباشي]

[align=justify][align=justify]الإخوة الأعزاء كيشو ومنير
شكراً على هذا الإطراء ووالله من القلب للقلب رسول أو كما قالت ليلى العامرية سهم الحب واحد وكلانا له هدف ولكن يامنير لا زلت أملي فيك كبير .[/align][/align]

[كيشو]

المشاركة الأصلية كتبت بواسطة منير

انت عارف يا اخ عصام الاخ كباشي ليه معزة خاصة وهو من الشخصيات التى لاتترك مجال الا ان تحبها
وفي محاولات لضمها للمؤتمر الوطني بس لازم يكون معه جماعة من اسيوط وبعدين مسألة الدفع مابنخلتف فيها (هلموا الينا)

المشاركة الأصلية كتبت بواسطة kabashi

[align=justify][align=justify]الإخوة الأعزاء كيشو ومنير
شكراً على هذا الإطراء ووالله من القلب للقلب رسول أو كما قالت ليلى العامرية سهم الحب واحد وكلانا له هدف ولكن يامنير لا زلت أملي فيك كبير .[/align][/align]

يا كباشي منير دا أقنع منو فهو لو ما كان كدا كان حيكون حزب أمة
ويا منير كباشي دا كان جاكم حيكون عريس سيرتو براها
أنا من أمس أسال نفسي: إذا كباشي دا اتجه نحو الحب والجكس، كان حيكون مجكس منو في أسيوط؟ ياخ دا كان جاب تاريخ الخلفوها

[مكي محمد الحسن]

السلام عليكم يا صعايدة
زمان ...عندما كنا بالقاهرة كنا نسمي اهل المعارضة انذاك ..
ناس الخارج.... وناس الداخل ...
علي وزنها الان...
يا أخوانا انتو اسايطة الداخل ديل وين؟؟؟...
منتظرين مداخلاتهم وصور فطورهم من بداية رمضان واسع نحنا قبايل عيد ...
وعلي فكرة المشكلة ليست في الكونكشن بتاع الانترنت ..ما عوزين نقول المشكلة كسل..
غايتو جنس غايتو.....

[كيشو]

شايفك بقيت تلقّط
غايتو جنس غايتو

[عكــود]

سلام وتحية يا بني أسيوط
كل عام وأنتم والأسَر على أفضل حال
رافلين في السعادة ورضى النفس وراحة البال

[كيشو]

المشاركة الأصلية كتبت بواسطة عكــود

سلام وتحية يا بني أسيوط
كل عام وأنتم والأسَر على أفضل حال
رافلين في السعادة ورضى النفس وراحة البال

شكرا على الزيارة
ويا ريت نشوف الصورة الحلوة دي في كل صفحة

[عمر محمد مرزوق أحمد]

المشاركة الأصلية كتبت بواسطة Kamal Mahjoob

أهل البيت الجديد سلام
ريحة البوهية ما تمنعكم من الدخول
أول الغيث قطرة رقيقة ، رسالة وجدتها من الأخ أسامة الكاشف على بريدي أدخلت على سرورا ، له التحية من هنا فيكون بذلك أول الذين نحييهم من الدار الجديدة

في البداية و دائما كل بداية تكون غريبة لطول مدة الإفتراق و شايف قالوا البويه لسه مرطبة حاسبوا ما تتشقق و تقع و نحن يا دوب داخلين إزيكم يا أسايطة و كيف حالكم يمكن دي أول مرة أخش عليكم توش بدون إحم ولا دستور أخوكم عمر محمد مرزوق خريج تجارة 1985 مع ناس بستم و قبل ناس الرفيع و الحاج حمد وبقية العقد الفريد طبعا ما كنا جايبين خبر للموقع و بالصدفة أخونا محمد الأمين مصطفي دلانا عليه ..نحن في السودان تواصل الأسايطة أخذ منحني الإستمرارية و سيدوم و لمن تجوا تلقونا بقينا اسرة كبيرة مترابطة أعجبت بصور ملتقي الرياض بشيوخه و شبابه و مزيد من التلاقي ودمتم عمر محمد مرزوق 00249919419419

[كيشو]

المشاركة الأصلية كتبت بواسطة عمر محمد مرزوق أحمد

في البداية و دائما كل بداية تكون غريبة لطول مدة الإفتراق و شايف قالوا البويه لسه مرطبة حاسبوا ما تتشقق و تقع و نحن يا دوب داخلين إزيكم يا أسايطة و كيف حالكم يمكن دي أول مرة أخش عليكم توش بدون إحم ولا دستور أخوكم عمر محمد مرزوق خريج تجارة 1985 مع ناس بستم و قبل ناس الرفيع و الحاج حمد وبقية العقد الفريد طبعا ما كنا جايبين خبر للموقع و بالصدفة أخونا محمد الأمين مصطفي دلانا عليه ..نحن في السودان تواصل الأسايطة أخذ منحني الإستمرارية و سيدوم و لمن تجوا تلقونا بقينا اسرة كبيرة مترابطة أعجبت بصور ملتقي الرياض بشيوخه و شبابه و مزيد من التلاقي ودمتم عمر محمد مرزوق 00249919419419

أهلا يا عمر
والله انبسطت لرؤية اسمك، وانبسطت لكلماتك
ما محتاج تعريف
أها عرفتني؟

[فيصل سعد]

المشاركة الأصلية كتبت بواسطة كيشو

شايفك بقيت تلقّط
غايتو جنس غايتو

سلام لمكي و كيشو و عموم الاسايطة ..
ما شاء الله و عيني باردة على نقلاتكم و جغمساتكم
انتوا بيجاي و شبارقة بهناك

كل عام و انتم بخير ..

[كيشو]

المشاركة الأصلية كتبت بواسطة فيصل سعد

سلام لمكي و كيشو و عموم الاسايطة ..
ما شاء الله و عيني باردة على نقلاتكم و جغمساتكم
انتوا بيجاي و شبارقة بهناك

كل عام و انتم بخير ..

تعرف يا فيصل
مكي هاجمني في المسنجر
وقلت ليه: خليك في النور يا حلو
ود اب عاقلة ومكي عايزين يخلونا نمشي جنب الحيطة

[عمر محمد مرزوق أحمد]

المشاركة الأصلية كتبت بواسطة شبارقة

[align=justify]أطلـّت وهلـّت قبل حوالي ساعة من الآن (أي حوالي العاشرة مساءا ً) مولودة جديدة على أسرة أخونا عبد الله بستم بالرياض ... تهانينا وألف مبروك للأخ عبد الله بمقدم الأمـّورة العسـّولة وحمدا ً لله على سلامة والدتها ... وإن شاء الله تربى في عزكم يا عبد الله ...وجعلها الله من الصالحات المباركات ببركة الشهر الفضيل والعشر الأواخر هذه [/align]

عزيزي بستم كيفنك و كيف أحوالك و مبروك البنية و تتربي في عزكم طبعا ما إتقابلنا منذ 1985 لما كنت في الهفوف إتصلت عليك و للأسف ماكنت بلقاك ما أنا عارفك أسيوطي عموما دا كان قبل عصر الجوال و هسه لمن شوفت صورتك في الإفطاربتاع الرياض حمدت الله إنو نحن لسه شباب و طبعا أنا حاليا مستقر بالسودان بالمناسبة ياسر أحمد عثمان (أربجي) موجود في الرياض جواله0530482332 كلموه يواصلكم و كل عام و أنت و الأسرة و الأسايطة جميعا بخير أخوك عمر محمد مرزوق 00249919419419

[عبدالله عبداللطيف]

أسايطه سلام
التحية لكم جميعا وكل عام وانتم بخير ( قبل الزحمة ) وعيد سعيد وكل سنة وانتو تامين ولامين وأدام الله التواصل والحبة بينكم جميعا .
شكرا للجميع على التهنئة بالمولوده والحجوزات كلها اتسجلت لكن يا جماعة ناس منير ديل في زول بيقدر يرفض ليهم طلب أها يا منير قول لي ولدك من هسع أديناها ليك والمهر من هسع حق البامبرز فقط والباقي مقدور عليه .
عمر مرزوق .. يا دفعه والله طلتك أسعدتني وغطت على الفرحه بالمولوده كيفك وكيف أخبارك والله مشتاقين لي الزمن الجميل وأصلو الزول لمن يقعد مع الأسايطه بينسى الكم وعشرين سنه الماضية ويعيش الزمن الجميل زمن الشباب وايام أسيوط التي لا تنسى .
الأخوان عكود .. سلامات وأجمل التهاني بالعيد .. والله طلتكم دي عندنا بالدنيا وأنا أسعد جدا بتواجدكم معانا ويا ريت زياراتكم والأهم مشاركاتكم معانا تكون أكثر وبنتشرف جدا بتواجدكم معانا ودايما متابعين معاكم بس هناك .
الأخت رشا .. لك التحية وكل عام وانتم بخير .. وبالله تحياتنا لي بت خالة صاحبة أمك الجابتك لينا بي جاي وعلى كده بقيتى من الأسايطه .. أها وين المشاركات .. عموما شرفتينا ونورتينا ..وبالمناسبة الذكرى الحلوه ما في أسيوط بس يعني هسع بي لماتنا دي قاعدين نطلع بى حاجات حلوه وذكرى لا تقل عن ذكريات الزمن الجميل (ياهو زمن الشباب ذاتو ) ودي بتكون ذكريات زمن ( النص ونص ) والله يستر من ذكرى زمن الخرف .
لكم جميعا عاطر التحايا وكل عام والجميع بألف خير .