حكاياتى مع النساء :: واشياء اخرى

[دوت مجاك]

[align=center]مدخل اول
لابد منه
يا ولد المرا تعال هنا
يغضب الذى قيل له يا ود المرا

***
امشى يا ود المرا
يثور ويزبد ويدخل فى معركة شديدة حتى يثبت للاخر انه ليس ود مرا
وقد ينتج عن هذه المعركة قتيل وقاتل

***
الرجل السودانى لا يرضى بان يتبع اسمه اسم امه
او ان ينسب لامه

***

يعتقد انه اهانة بل يؤمن انه اهانة

***
لا اعرف اى اهانة فى الامر هنا من وجهة نظرى

***
رغم ان الشعراء السودانيين تغنو للام وحنانها حتى التقطع

***
وهذه المراة قد تكون اختى او حبيبتى او زوجتى
التى احبها

***

انا شخصيا لا امانع بان يتبع اسم امى اسمى

وكثيرون فى الجنوب لا يغضبون من الامر ايضا

بل يتم تغييب اسم الاب كثيرا الا فى الحالات الرسمية

وللتقريب
قد تجد شخص ينادونه حتى فى المدرسة بالاتى
يا دينق فاطمة
ولا شئ محرج هنا

حكاياتى مع النساء
اشياء واقعية مقتطفات من حياتى منذ النشاءة وحتى اليوم
رجل صنعنى النساء ابتداء من امى العزيزة لها الرحمة

اشياء حقيقة كانت وستظل باقية فى نفسى

نقطة
سطر جديد
نقلب الصفحة ونواصل[/align]

[دوت مجاك]

[align=center]مع اشراقات الصباح
وبعد ان اعدت الشاى لزوجها
فاتح الام زوجها فى موضوع الحاق الابن بالمدرسة للتعلم
اجاب الاب باقتضاب
بانه لم يبلغ السن القانونية
حاولت لكن نفس الاجابة
سكوت رفع الجلسة
نهاية الحوار
ونهاية الحكم
***
بعد ذهابه للعمل ذهبت الام لشراء كراسين (حساب وعربى)
ودمورية وقميص دبلان ابيض
فى اليوم التالى قررت ان تذهب لمقابلة ادارة المدرسة بنفسها عسى ولعل ان يتم تسجيل الابن
***
فى المدرسة رفض مدير المدرسة لان شهادة الميلاد يبين ان الابن يبلغ مع العمر ستة سنوات
وحسب القوانين لابد ان يتم سبعة سنوات ليتم تسجيله

وبعد الحاح وافق المدير ان يكون مستمع (فقط)
ولكن الام رجت المدير ان نجح ابنها ليتركه يواصل للصف الثانى

وافق المدير على مضض

***
فى نهاية اليوم كانت تنتظر ابنها على احر من الجمر
ومع كل دقيقة تنظر فى الشارع
وبعد صبر (رغم انه ساعات) وصل الابن
اول مع فعلته فتحت الكراسات
وقالت بفرح
انا عارفك شاطر يا ولدى ربنا يوفقك

***
وحتى لا يغضب الاب عندما يعلم بالامر
اخبرت ابنها بان يقوم باطلاع ابيه عندما يعود شريطة بعد ان يتغدى ويشرب الشاى

كويس يا امى

***
حضر الاب وكان فى مزاج حسن لانه ترقى فى نفس اليوم
واحضر معه اكياس اضافية غير الاكياس الاعتيادية

وكان الامر كما هو مرسوم له
نظر الاب بعتاب للام
وقال انتى علمتى كويس لكن ما معنى كلامك دى تخالفى كلامى وتمشى تودى الولد المدرسة من وراى

لكن طالما وافق المدير مافى مشكلة
بس انتى وولدك ورونى اخر السنة حتجيبو شنو

***

سنة اولى شقاوة
هناك صغار ياتون من منازلهم مشاغبين
يحبون ضرب الاطفال الاخرين
على عكس صاحب قصتنا
مسالم لحد العوارة
لكن امجد كان فى قمة الشقاوة
بكسر الاقلام
بشرط الكراسات
بدق بالمسطرة

عانيت منه كثيرا

***
كانت لامى صديقة تعمل معها فى نفس المنظمة
اناديها امى وذلك بعد علقة شديدة تلقيتها من امى لانى اناديها خالتى
اخبرتها بالسر الخطير
فقالت لى ان الحل لديها
ذهبت للدكان
اشترت مسطرة كبيرة
وقالت بالحرف الواحد
اول ما تدخل الفصل
ضربة شديدة فى راس امجد
فرحت واستغربت من الحل الذى لم يخطر على بالى
مع انه الست بتقول لينا اى زول عمل ليك حاجة تعال اشتكى
كنا نقف صفوفا من اجل ان نشتكى امجد

***
بعد طابور الصباح
وكعادته امجد يقف فى الامام ويجلس اخر واحد

لم اعطيه فرصة ليعرف اى شئ
ضربة فى الراس
وقع
صراخ
دم

اول مرة اخاف بهذه الطريقة منذ خروجى من منزلنا
بل منذ مولدى وتلك السنوات الست التى قضيتها فى هذه الفانية

تم اجراء اللازم للجرح
وعتابى وضربى
لم اصرخ مثل الاول
ربما سيطر على الخوف
فقط
دموع ثم دموع
بلا صوت
اعطونى ورقة لا اعرف ماذا يوجد فيها
فانا لى من الايام خمسة عشر يوما
فقط
فى دنيا العلم والتعلم والتادب

***

مطلوب حضور ولى امر التلميد فلان الفلان
غدا صباحا لامر هام وعاجل

***
اخفت امى الورقة من ابى

ذهبنا صباحا
وجدنا ذوى امجد
امه وابيه وحبوبته

***
يا ود الجنوبين
والله الليلة ...
***
تدخل المدير
لايقاف الامر
فربما تطور النقاش واصبحت معركة

***
خيارين امام امى
اما ان اذهب الى منزلى لانى طفل عنيف
او يتم تحويلى الى مدرسة اخرى
خياران احدهما مر

***

لكن لامجد ام من نوع اخر
انفردت بى انا وامى وامجد والمدير
وطلبت منى بكل رفق اصل القصة
قصصتها لها
اجلستنى بين رجليها
واخبرتنى بان ايذاء الاخرين بهذه الطريقة قد تؤدى للموت
واننا اخوة
وطلبت من المدير بان اكون بالمدرسة نفسه والفصل نفسه وانها متنازلة عن كل شئ
وان نبقى اخوة انا وابنه

وتعارفت مع امى بصورة اوسع
واصبحت العائلتان صديقتان

انتهى
نقلب الصفحة ونواصل[/align]

[somiaadam]

[size=5]سلامات يادوت مجاك
تحيه عبرك لأشقائنا في الجنوب ..فلكم سعدنا بأخماد نار الحرب
لكل النساء ........ولكل الاطفال...ولكل الشيوخ ...وللجميع
فلكم ذرفنا معكم دموعا صادقه .. عبر شاشات التلفزيون ...مما كنتم تعانون
وأن كنا بعادا لكن قلوبنا كانت معكم ...فحمدا لله..
سموت يأ اخي بهذه الكلمات التي كتبتها في حق النساء ..
وكل الاديان قد كرمت النساء ..فمريم العذراء عندنا ممجده ولها سوره بأسمها في
كتابنا العظيم القران والذي نقدسه جميعا .وأي تكريم أعظم من هذا .
فالذي عند اولادنا ويتشاكسون فيه بصنع ايدينا ومن عاداتنا السيئه التي غرسناها في تنشئتنا
للاولاد...بتلك النظره الدونيه للمرأه...نحتاج لتصحيح كثير من الامور .
ولكن برغم ذاك سأرد بكامل حسن الظن ..في اعتقادي ذلك الرافض للمناداه
قد يكون ليس غضبا لانه يراها لاشئ ..ففي الغالب هي عنده أعظم من ان يتداول اسمها علي السنتهم
وبتلك الطريقه ...وانشاء الله تكون دي .[/size]

[AMAL]

المشاركة الأصلية كتبت بواسطة دوت مجاك

[align=center]مدخل اول
لابد منه
يا ولد المرا تعال هنا
يغضب الذى قيل له يا ود المرا

***
امشى يا ود المرا
يثور ويزبد ويدخل فى معركة شديدة حتى يثبت للاخر انه ليس ود مرا
وقد ينتج عن هذه المعركة قتيل وقاتل

***
الرجل السودانى لا يرضى بان يتبع اسمه اسم امه
او ان ينسب لامه

***

يعتقد انه اهانة بل يؤمن انه اهانة

***
لا اعرف اى اهانة فى الامر هنا من وجهة نظرى

***
رغم ان الشعراء السودانيين تغنو للام وحنانها حتى التقطع

***
وهذه المراة قد تكون اختى او حبيبتى او زوجتى
التى احبها

***

انا شخصيا لا امانع بان يتبع اسم امى اسمى

وكثيرون فى الجنوب لا يغضبون من الامر ايضا

بل يتم تغييب اسم الاب كثيرا الا فى الحالات الرسمية

وللتقريب
قد تجد شخص ينادونه حتى فى المدرسة بالاتى
يا دينق فاطمة
ولا شئ محرج هنا

حكاياتى مع النساء
اشياء واقعية مقتطفات من حياتى منذ النشاءة وحتى اليوم
رجل صنعنى النساء ابتداء من امى العزيزة لها الرحمة

اشياء حقيقة كانت وستظل باقية فى نفسى

نقطة
سطر جديد
نقلب الصفحة ونواصل[/align]

[align=center][/align]

دوت ياراقي
مرحب بيك
اموت انا في الرجال البقدرو المرأة خليني اولا اعلق علي الكتابة الانيقة شكلا ومحتوي يازول انت كنتا لابد وين ونحنا شدة ما مقهورين لمن سوينا لينا حوش برانا والله خالد ما يرفع البوست دا في البانر الا نعتصم كلنا واجيب ليك بنات سودانيات كلهم اوقفم ليك طابور ياخي اطربتني شديد تصور في ناس هنا رافضين يدخلو بوست لمجرد انو اسمو حوش نسوان مابقصدك يا شبارقة احييك وبدينا بالام وانا معاك لحدي كل النساء الجميلات الخضبو حياتك

[سفيان ابوقصيصة]

المشاركة الأصلية كتبت بواسطة دوت مجاك

[align=center]مدخل اول
لابد منه
يا ولد المرا تعال هنا
يغضب الذى قيل له يا ود المرا

***
امشى يا ود المرا
يثور ويزبد ويدخل فى معركة شديدة حتى يثبت للاخر انه ليس ود مرا
وقد ينتج عن هذه المعركة قتيل وقاتل

***
الرجل السودانى لا يرضى بان يتبع اسمه اسم امه
او ان ينسب لامه

***

يعتقد انه اهانة بل يؤمن انه اهانة

***
لا اعرف اى اهانة فى الامر هنا من وجهة نظرى

***
رغم ان الشعراء السودانيين تغنو للام وحنانها حتى التقطع

***
وهذه المراة قد تكون اختى او حبيبتى او زوجتى
التى احبها

***

انا شخصيا لا امانع بان يتبع اسم امى اسمى

وكثيرون فى الجنوب لا يغضبون من الامر ايضا

بل يتم تغييب اسم الاب كثيرا الا فى الحالات الرسمية

وللتقريب
قد تجد شخص ينادونه حتى فى المدرسة بالاتى
يا دينق فاطمة
ولا شئ محرج هنا

حكاياتى مع النساء
اشياء واقعية مقتطفات من حياتى منذ النشاءة وحتى اليوم
رجل صنعنى النساء ابتداء من امى العزيزة لها الرحمة

اشياء حقيقة كانت وستظل باقية فى نفسى

نقطة
سطر جديد
نقلب الصفحة ونواصل[/align]

اخي دوت مجاك
لك التحيه و الود
كثير من الرجال السودانيين اللذين ينسبون الي امهاتهم بل ولا يعرفونهم الا بها وهي مدعاة عز ومفخره لهم وفي مكوننا الثقافي والاجتماعي ان من يريد بيان نخوته وفروسته وتحديه ان يقول انا ود فلانه او انا اخوك يا العازه ولدي عدد من المعارف ينسبون الي امهاتهم مثلا احمد ود نفيسه لا اعلم حتى الان ما اسم والده ومصطفي ود الشول (ودالحاجه) اللذي كان زواج ابنته قبل يومين لا يعرف الا بهذا الاسم وسط اهله وزملائه واصدقائه وجميع معارفه.
اما المناداه بود المرة دون النسبه الي علم فهذا شيء مختلف ويرجع ايضا الي اسباب ثقافيه, اجتماعيه ونفسيه, علي انها تربية مرة, وللاسف ان هذه العقليه مازالت موجوده الي الان وبيت الشعر اللذي يحفظه كل متحدث باللغه العربيه (الام مدرسة......) يدرون ولا يدرون ان تلك الام هي المرة......

لك مودتي

[دوت مجاك]

[align=center]حكاية ثالثة
فى المرحلة المتوسطة
وفى السنة الثانية
استاذ يدرس مادة ما
هناك اناس يقولون بان فلان دة انا بكره فى الله بس بدون اى سبب
ولكن ان ينطبق هذا القول فى استاذ فهذا شئ كبير ومهدد خطير
رغم انى كنت دوما مواظب فى دروسى وان خرجت من العشرة الاوائل فلا اخرج من الخمسة عشر الاوائل
ومصحح كل الكراسات
ولكن الاستاذ
يضربنى كثيرا
وبعنف
ويتبعه بكلمات مثل يا كلب , حمار , غبى
حتى التلاميذ لاحظوا المعاملة الخشنة
ويخبرونى دوما بان اخبر ابى
او اقابل ابو الفصل (الاستاذ الذى يدرس اللغة العربية)
***
فى الامتحان الشهرى
احرزت نسبة 35 من 50
وفى الامتحان الذى سبقه احرزت 43 من 50
جرى العادة بان يتم جلد كل تلميذ سوط واحد لكل درجة نقصت من الدرجات التى فى الامتحان الشهرى السابق
يعنى ثمانية جلدات

كانت الجلدت مؤلمات
بصراحة بكيت
ولم اقوى على الجلوس
وجاء الشريط امامى
ذكريات اضطهاد هذا المدرس لى
مما جعل البكاء الصامت يكون نحيب

لم يعجبه
اخرجنى مرة اخرى
ثلاثة ضربات بالسوط على ظهر
ودفعنى خاج الفصل
مع نفس الالفاظ
من فورى ذهبت لمقابلة المدير
والذى يعرفنى جيدا
لانه صديق ابى منذ الشباب
اختار هو دربه واختار ابى دربه

هدئ من روعى
اخبرته القصة كاملة غير منقوصة
وطلب منى باحضار الشهود

كانت الاحداث فى الحصة الثالثة
وبعدها فسحة الفطور
تم تقييدى فى هذا الحصة كغائب
والحصة الرابعة لنفس الاستاذ


يا الفة انده الغياب
فلان الفلان
يا استاذ انا ما غائب
انت ما طردتنى
امرق لى جاى
كف
شلوت

جاب اخرى
لم اتمالك نفسى
رغم السن
فورا ركضت لاقرب كوم حجار
وركضت نحوه
وهاك يا فليق
حاول ان يتدارى التلاميذ
لكن كنت اقرب واسرع
واحدة فى الراس
والاخرى فى الظهر
وركضت نحو الباب الخروج
ركض خلفى
حاول البواب الامساك بى
نطيت بالحيطة

كان خالى يعمل بالقرب من المدرسة
قلت فى نفسى لو ذهبت لابى سوف ياتى للمدرسة ولن ياخذ موقف تجاه الاستاذ كما اريده
قلت فى نفسى خالى فقط

لا يحب الشينة فى شخصى
ذهبت لى
ترك كل شئ
وامسك يدى

وذهبنا لارض المعركة

لسؤ الحظ وجدنا الاستاذ ومعه المدير فى فناء المدرسة
امام فصلنا
اشرت عليه
وبداء معركة شديدة بدون مقدمات
بعد جهد تم السيطرة عليها والتهدئه

رفض خالى الاعتذار من الاستاذ او ادارة المدرسة بعد شهود التلاميذ
فقط طلب نقلى لمدرسة اخرى
او انه سوف يسفك دم هذا الاستاذ اذا ضربنى مرة اخرى ولو كان على حق


ام الفصل
والمدير
حضروا لمنزلنا مساء ذاك اليوم
وقابلوا ابى
ترجتنى الاستاذة بان لا انتقل لمدرسة اخرى اذا كنت اريد النجاح
لان هذا المدرسة مميزة
ولكن تم نقلى لفصل اخر
ليس لهذا الاستاذ دخل بها
واصبحت تزيل من فكرى الافكار التى عششت فى نفسى
مثل العنصرية
الدين
ووو اشياء اخرى كثيرة
عندما نجحت بتفوق للثانوى العالى اهدتنى دراجة
ثم استقالت والتحقت بنفس المنظمة التى كانت تعمل بها امى
وكانت تدرس فى مدارس النازحين (كما يسمونها)

نقلب
الصفحة[/align]

[عادل عسوم]

الأخ دوت مجاك
أولا: يااخوي (تمن) العجلة الزمااااان وينو؟

تانيا:نجي لي ولد المرا ...
عندما قال الشاعرزهير بن أبي سلمى:
كل ابن انثى وان طالت سلامته يوما على آلة حدباء محمول
لعله استعاض ب(ابن أنثى) بدلا عن (ابن آدم) لتمام اتزان البيت...ولكني اراه قد ابدع أيما ابداع حيث يكون التشكك دوما في نسب الأبوة لا الأمومة!...
ولعل الأثيوبيين هم أكثر الناس ألتزاما بهذا المبدأ عندما نسبوا الاسماء الى الأم لا الأب!...
بل أني قد رايت حلقة عن قبيلة في شرق آسيا يحق للمرأة فيها بأن تعدد من أزواجها فتنجب من كل منهم وتسمي كل جنين باسمها هي!...
هذه ثقافات شعوب قد تكون نتاج حراك أجتماعي وحياتي يرتبط بما يقر في وجدانهم من قناعات وتراث...
أما مايجدر ذكره لدينا في الكثير من أطراف السودان الأخرى عندما تتصدي العديد من الأمهات لتربية أبنائهن ... يصبحن الاب والأم للأبناء مما يكون له أثره الكبير في وجدان أولئك الأبناء ...فهنا يزداد التقدير لشأن الأم وان كانت هي دوما مقدرة ...
ولعل الأزجاء الذي ذكرت عن أستنكاف الناس لربط اسمائهم باسم امهاتهم مرده طبيعة النظرة الذكورية المنداحة في أعراف الكثير من مجتمعاتنا في السودان وان كان يوجد في مقابل ذلك من لا تكتمل شجاعته ورجولته لدى الكثير من القبائل الاّ عندما يقول الشاب منهم (أنا أخوك يافاطنة) أو (أنا أبوك يازينب) ...
هو بوست مميز زاد من جماله رقي لغتك وحسن سياقاتك...
مودتي

[دوت مجاك]

المشاركة الأصلية كتبت بواسطة somiaadam

[size=5]سلامات يادوت مجاك

قد يكون ليس غضبا لانه يراها لاشئ ..ففي الغالب هي عنده أعظم من ان يتداول اسمها علي السنتهم
وبتلك الطريقه ...وانشاء الله تكون دي .[/size]

شكرا على مرورك somiaadam
ربما يكون اعتقادك صحيح
ولكن فى الشرق وخاصة عند ادروب
ولكن بقية اهل السودان يظنون ان هذا الامر يوحى بنقصان الرجولة
ولكن الاجمل ان فى نفسوهم وقناعاتهم انهن عظيمات
ولكننا نفتقد ثقافة المساواة
ونتمشك بافكار جدودنا باننا اوصياء على النساء
نحرم عليهن ما نراه صحيح
ونحلل على انفسنا ما نحرمها عليهن
على العموم ما اختلفنا كتير

تحية ومودة صادقة لك

[دوت مجاك]

المشاركة الأصلية كتبت بواسطة AMAL

[align=center][/align]

دوت ياراقي
مرحب بيك
اموت انا في الرجال البقدرو المرأة خليني اولا اعلق علي الكتابة الانيقة شكلا ومحتوي يازول انت كنتا لابد وين ونحنا شدة ما مقهورين لمن سوينا لينا حوش برانا والله خالد ما يرفع البوست دا في البانر الا نعتصم كلنا واجيب ليك بنات سودانيات كلهم اوقفم ليك طابور ياخي اطربتني شديد تصور في ناس هنا رافضين يدخلو بوست لمجرد انو اسمو حوش نسوان مابقصدك يا شبارقة احييك وبدينا بالام وانا معاك لحدي كل النساء الجميلات الخضبو حياتك

الاخت امل
يديكى العافية
ويا رب يوقع فى طريقك الرجال البقدروا النسوان بس
يا زولة كلك ذوق انا ترددت كتير اكتب الحاجة دى
قلت حيكون كلام ما عنده معنى
لو بقى كدة بواصل فيها
تسلمى

[مواطن]

دوت يا شـديــد ما أروع سطـوة الحرف لديك ..
الواحـد مفروض يقراك في كنبـة صالون وثيرة .. وقدامـو فنجال قهـوة .. وشوية مطر قرمزي ..
وشكــرا حفياً .. فمفرداتك أوشكت أن تكون مناجاة أخيرة.
واصل يا عظيــم

[دوت مجاك]

المشاركة الأصلية كتبت بواسطة سفيان ابوقصيصة

اخي دوت مجاك
لك التحيه و الود
كثير من الرجال السودانيين اللذين ينسبون الي امهاتهم بل ولا يعرفونهم الا بها وهي مدعاة عز ومفخره لهم وفي مكوننا الثقافي والاجتماعي ان من يريد بيان نخوته وفروسته وتحديه ان يقول انا ود فلانه او انا اخوك يا العازه ولدي عدد من المعارف ينسبون الي امهاتهم مثلا احمد ود نفيسه لا اعلم حتى الان ما اسم والده ومصطفي ود الشول (ودالحاجه) اللذي كان زواج ابنته قبل يومين لا يعرف الا بهذا الاسم وسط اهله وزملائه واصدقائه وجميع معارفه.
اما المناداه بود المرة دون النسبه الي علم فهذا شيء مختلف ويرجع ايضا الي اسباب ثقافيه, اجتماعيه ونفسيه, علي انها تربية مرة, وللاسف ان هذه العقليه مازالت موجوده الي الان وبيت الشعر اللذي يحفظه كل متحدث باللغه العربيه (الام مدرسة......) يدرون ولا يدرون ان تلك الام هي المرة......

لك مودتي

الاخ سفيان
شكرا للمرور والاضافة
فعلا الام مدرسة
وهى مدرسة الاجيال
ولكن يتم ظلمها احيانا كثيرا
فكثيرا ما نسمع ديل تربية نسوان
لو كانوا تربية رجال كانوا سوا وسوا
رغم ان الكثيرين من الرجال لم يحسنوا تربية ابنائهم
ولم نسمع تربية رجال ؟

خليك معاى
انا معاك

[دوت مجاك]

المشاركة الأصلية كتبت بواسطة adilassoom

الأخ دوت مجاك
أولا: يااخوي (تمن) العجلة الزمااااان وينو؟

تانيا:نجي لي ولد المرا ...
عندما قال الشاعرزهير بن أبي سلمى:
كل ابن انثى وان طالت سلامته يوما على آلة حدباء محمول
لعله استعاض ب(ابن أنثى) بدلا عن (ابن آدم) لتمام اتزان البيت...ولكني اراه قد ابدع أيما ابداع حيث يكون التشكك دوما في نسب الأبوة لا الأمومة!...
ولعل الأثيوبيين هم أكثر الناس ألتزاما بهذا المبدأ عندما نسبوا الاسماء الى الأم لا الأب!...
بل أني قد رايت حلقة عن قبيلة في شرق آسيا يحق للمرأة فيها بأن تعدد من أزواجها فتنجب من كل منهم وتسمي كل جنين باسمها هي!...
هذه ثقافات شعوب قد تكون نتاج حراك أجتماعي وحياتي يرتبط بما يقر في وجدانهم من قناعات وتراث...
أما مايجدر ذكره لدينا في الكثير من أطراف السودان الأخرى عندما تتصدي العديد من الأمهات لتربية أبنائهن ... يصبحن الاب والأم للأبناء مما يكون له أثره الكبير في وجدان أولئك الأبناء ...فهنا يزداد التقدير لشأن الأم وان كانت هي دوما مقدرة ...
ولعل الأزجاء الذي ذكرت عن أستنكاف الناس لربط اسمائهم باسم امهاتهم مرده طبيعة النظرة الذكورية المنداحة لدى العديد من مجتمعاتنا في السودان وان كان يوجد في مقابل ذلك من لا تكتمل شجاعته ورجولته لدى الكثير من القبائل الاّ عندما يقول الشاب منهم (أنا أخوك يافاطنة) أو (أنا أبوك يازينب) ...
هو بوست مميز زاد من جماله رقي لغتك وحسن سياقاتك...
مودتي

انت عارف
لمن قريت ردك فى موضوع دكتورة بيان
ضحكت شديد
بس ما رديت عشان كنت مشغول كتير
وما بعرف اكتب الا لمن اكون فاضى وذهنى صافى
تمن عجلتك يا اخوى
ما مشكلة بنخصمها من نسبة البترول بتاع الجنوب
لان الوقائع قديمة ولم نتحصل على اسم الجانى عليك وعلى عجلتك
لذلك نتحمل نحن شعب الجنوب ثمن العجلة
ونستقطعها من نسبة البترول
بعد داك انت وشطارتك
شيل حق عجلتك من الحكومة
لقيتنى كيف

[دوت مجاك]

المشاركة الأصلية كتبت بواسطة هاشم طـه

دوت يا شـديــد ما أروع سطـوة الحرف لديك ..
الواحـد مفروض يقراك في كنبـة صالون وثيرة .. وقدامـو فنجال قهـوة .. وشوية مطر قرمزي ..
وشكــرا حفياً .. فمفرداتك أوشكت أن تكون مناجاة أخيرة.
واصل يا عظيــم

الاخ هشام
شكرا لكلمات يا عظيم
بتعرف للكلام سحر اخر
يجعل الانسان يكون اخر
يدخل فى دنيا ليخرج من اخر
سنقطن عوالم اخرى
ننسجها باحرف اخرى

شكرا انك هنا

[AMAL]

ويا رب يوقع فى طريقك الرجال البقدروا النسوان بس

عارف يادوت
دي اجمل دعوة
واصل شدوك وتداعيك
ونحنا حاضرين
بعدين ماتصدق ناس عادل ديل والله من جيت المنتدي ما لقيت لي زول كاتب اسم امو في بروفايل

[دوت مجاك]

[align=center]فى اخر الصف الثانى الثانوى
ومع اخر امتحان وخلاص تانى الا النتائج
حضر ابن الخال المتفوق
ومضرب المثل فى الاسرة
يعتمد على نفسه فى الاجازات
ومتفوق فى دراسته

***
يا زول انت خلصت الامتحانات
ايوة
الليلة عندنا حفلة وانحنا ناقصين نفر
شغلكم شنو
بس ترفع الكراسى تنظموها فى الحديقة (المواجه لقاعة الصداقة)
انت كبرت خلاص اتعلم الشغل من هسع الدنيا ما معروف

كلم ابوى
كويس
يا حاج ولدك دى الليلة شغال معانا واحتمال يجى متاخر شديد
الام
الولد دى ممتحن السنة الجاى وانا عايزة ادخله كورس صيفى
يا ولية شغل الليلة بس خلى الولد يتعلم

***
كنا فى مرحلة البلوغ
ننظر للجنس الاخر بشهوة غريبة
نختلق قصص من ادمغتنا الصغيرة
ونندعى مغامرات لم تحدث الا فى خيالنا مع الجنس الاخر

***
ليتنى لم اذهب ذاك اليوم
ليتهم تركونى مع مغامرات رجل المستحيل
المكتب رقم 19
اولاد بشارة
المغامرون الخمسة
ميكى ماوس
ربما تكون اشياء غريبة لشخص على ابواب الجامعة
لكن لى عشق عجيب

***

فى ذاك الحفلة
درات الدنيا امامى
والبوصلة 360 درجة عكس
وجدت عالم اخر
عالم فيها اللبس والمال هى الانسان
الشعبية تكبر كلما كثر ما تحمله من جنيهات ودنانير
ويا حبذا دولار

***


بعد شهرين
اصبحت من المقربين جدا من المتعهد لتلك الحفلات
واصبحت من حامل كراسى لموزع ادوار
اصبح المال عندى كثير
لم اذهب للاشتراك فى المكتبات كعهدى
اصبحت لا استاذن عندما اتاخر
لا اعتذر عندما اتاخر

***

اصبح لى اصحاب غير الذين تعرف عليهم الاهل
غير العاشقين للكتب وتبادلها

اصحاب عاشقين للصخب والاغانى ووو اشياء اخرى
اصبح المغامرات حقيقية مع الجنس الاخر

***
عندما اتى العام الدراسى
وبدون سابق انذار
فاتحت امى
بانى لن اعود للدراسة مرة اخرى
رجتنى ليال وايام
وحذرتنى لو سمع ابى بالامر ربما يطردنى من البيت

ام استمع لنصحهها
فاتحت ابى بالذى بخاطرى
وترجته بان لا يطردنى

فى ليلة ما
اجلسونى فى الكراسى الساخن وان اخبرهم بشئ منطقى يجعلنى اترك الدراسة فى هذا العمر
وانا ما محتاج عشان اشتغل لاعيل نفسى

***
مش الزول بيقراء عشان القروش
هسع انا عندى قروش اكثر من الناس القروا
ما دام قروش لقروش
انا هسع بجيب قروش

ويا له من منطق

فى ظل ظروفى طبعا

***
بعد اشهر ضرب المتعهد كم عداد وكم ايجار حديقة مرات عديدة
وصلت لمئات الملايين فى ذاك الوقت
وتم فسخ كل العقود مع جميع الفنانين
وتوقف رزقنا طبعا

***
يا شباب كدة نشوف اى زول عندو كم
انا عندى تلاتة مليون
انا عندى كدة
طيب نمشى سوريا نجيب ملابس من هناك
ونرجع ونقعد نقلب كدة
بعد مداولات اهلنا ما بخلونا واحتمال سننا كما يقف امام السفر

خلوها على

اكبرنا سنا

***
اول مرة اسافر خارج السودان
وجدت الانفتاح الحقيقى
وكل شئ متاح طالما تملك المفتاح (الفلوس)
كانت شهر ونصف فقط
فعلنا فيها الاعاجيب
الاغرب
الواحد يقول ليك يا زول انا بكرة عازمك
وتدفع كل مصاريف العزومة
وتكون سى السيد
تعالى انتى
لا جيب ديك كمان
***
حتى لبنان ذهبنا لاسبوع هناك
نسينا انفسنا
حتى الاهل لم يعرفوا اين نحن

لكن اهلى اخبرت صديق بان يخبرهم بعد يومين من ذهابى
ترجانى ولكنى اصريت
***
فى اخر الايام اخبرتهم بان الوقت اتى لنشترى ولنعود
فكانت الحصيلة مخيبة
قررنا الذهاب قدما بدل العودة للسودان بخفى حنين
وان هناك من سيقومون يتهريبنا حتى ايطاليا

***
رفضت وذعبت خلسة للمطار
والعودة للسودان

***
استقبلنى امى بترحاب
عكس ابى

***
جلست فى المنزل فقط
وتوالت الزيارة من الجيران والاهل
للسلام والشمار

***
ابى لا يتحدث الى اطلاقا
تبقى على بداية العام الدراسى شهران

***
فى يوم ما
فاتحت امى سرا بانى اريد العودة للدراسة
اخبرتنى بانى خزلتها فى المرة الاولى عندما عارضت ابى وذهبت بى للمدرسة
***
وعلى هذا المرة ان اذهب لابى
ترددت يومين
واخيرا قلت ليحدث ما يحدث
***
لم يناقشنى كثيرا
كلمات معدودات
القراية دى ما لينا
ليك انت ولبكرة
وعشان اولادك ومستقبلهم
انحنا الحمدلله ما قصرنا فى حقكم
وانا ما بجبرك ترجع ولا ما ترجع
انت اخدت ليك اسبوع تانى وقرر قرار رجال
عشان المرة الجاى لمن تنط تتحمل النتيجة معاى

***
صرفت النظر
وخفت من المرة الجاى

***
نواصل برضو[/align]