مــدارات الضجيــج ... خـربشـة رابعة

[معتصم الطاهر]

ممكن يا هاشم تعتبرني بقرا و بقرا لحدى ما يزول التوتر .. واجيك راجع ..

[بابكر الخواض]

سلامات هاشم طه
انت عارف انا فكرت اخربش فى يوم من الايام هنا فى سودانيات لكن بعد بعد خربشتك دى شكلى تانى ما حاخربش بالجد كده خرشتك غير لغتك غير ياخى عليك الله سميها اى حاجة تانية غير خربشة عشان ما تعقدنى من الخربشة فى خربشة كتيرة حصلت صاح ما عليك يا زول يا رايع المهم تتحفنا بحرفك ويا جمال حرفك لما تكتب هى قصدى لما تخربش

[AMAL]

المشاركة الأصلية كتبت بواسطة بابكر الخواض

سلامات هاشم طه
انت عارف انا فكرت اخربش فى يوم من الايام هنا فى سودانيات لكن بعد بعد خربشتك دى شكلى تانى ما حاخربش بالجد كده خرشتك غير لغتك غير ياخى عليك الله سميها اى حاجة تانية غير خربشة عشان ما تعقدنى من الخربشة فى خربشة كتيرة حصلت صاح ما عليك يا زول يا رايع المهم تتحفنا بحرفك ويا جمال حرفك لما تكتب هى قصدى لما تخربش

ماقلنا ليك في زول خربش قبلك وماصدقتنا



دي اسمها خربشة بي اظافر حرير

[مواطن]

الكاتب :محمد أبوعاقلة
بالله الكلام دا كان مهكر يا هاشم ...
اخخخخخخخ !!!!!

السيـوبـر عـزيز
ود أبو عاقلــة ...
كيفـك يا هـويـة الكلام ونبض الحـرف .. عساك بخير..
كان مهـكر .. وكنا مهـكريـن معاه .. وهاكرنا إننا ما نلقاه .. والهاكر بيـنا الله لا وراهـو
وأقعـد بالعافيـة

[مواطن]

الكاتب:بابكر الخواض
سلامات هاشم طه
عليك الله سميها اى حاجة تانية غير خربشة عشان ما تعقدنى من الخربشة

بابكر ود الخواض يا جميل ..
خربـش كما شئـت يا عزيزي .. فعندما تكون فرشاتنا مثلومـة لا تصلح لإكمال اللوحـة نخربش بها ..
لك الود الصادق

[دوت مجاك]

سلامات سيد هاشم
انت عارف
مرات بقراء حاجات
بتكون سمحة فى نظرى
بس كلما ما تكون سمحة
بتكبلنى
من الكتابة
لانى اخاف ان يكون الركاكلة فى لغتى
او لا استطيع جذب انتباه القارئ
عموما حرفان تعلمتها منك اليوم

[مواطن]

الكاتب :معتصم الطاهر
ممكن يا هاشم تعتبرني بقرا و بقرا لحدى ما يزول التوتر .. واجيك راجع ..

الأخ معتـصم ..
في أدبيات التعلـيم يقـرأ الأستاذ على تلاميـذه فيأخـذون منـه .. وهآنـت تقرأ عليـنا عسانا أن نتلقف بعض إبداعـك ..
لك الود

[AMAL]

يا قريباً من حكايا الوهـم وأحجيات لا تقال
وأماني بثها الوجـد العذوب .. لكن لا تـُنال

[مواطن]

الكاتب : دوت مجاك
سلامات سيد هاشم

انت عارف
دوت يا صديق من وفاء ..
ليه بتبعدني عنك بالألقاب العازلة دي .. ؟؟
ما تتكبل من الكتابـة .. أكـتب ولا تهاب .. إنتباه القارئ سيأتي حتماً .. أكتب وإنت سعـيد .. أكتب وإنـت في بيات .. في حالة تشـرنق .. أي حالة كانـت .. المهـم تكـتب .. تصويرك جمـيل .. ومتابع كتاباتك .. وأشكرك على الغشـوة الظريفـة دي
لك التجلة

[مواطن]

الكاتب : AMAL
سلامات يا آمال .. ويا آمال المواسـم إخضراراً
قلـت ذات مداخلـة أنك تحوين شاعرة ولكنها تتهيـب الظهور ..
الوردة والفراشـة وكل ما تنتـقيـنه يحمل مضامين تعبيريـة مختصرة وبليغـة .. فلم لا تكتبين أحاسيسك .. ؟
أعتذر مسبقاً إن أوغلت في التطرق حتى لتوقيعك .. فهـو يشي بقلق لا يتواءم مـع إجمالي إنتقاءك للأشياء المفرحة ..

[فيصل سعد]

نفتقدك يا ابو مهيد
يا صديق التراب ..

عساكم بخير و
في امن و امان ..