اقتباس:
المشاركة الأصلية كتبت بواسطة سفيان بشير نابرى
حجر الزلط شِين بقيسو ..
ليّا دوبا صعيب دربو وبعيد مِيسو ..
طمح النيل الزلالي
جاني اب زيد الهلالي
من الخوف ما بيبالي
و الله يا ود عمي عثمان انت (دهب و قية) غايتو الله يجزيك خير بس العملتو بالاغنية دي خليهو ساي .طبعاً لما تغلبني اغنية او اسم مغني طووووالي برجع لي (آمي شامة بت رابحه بت ود ضبعة) و بتقطع ليّ الشك باليقين ... هسي موضوعك دا معاي انتهى تب لكن عشان الاغنية و الصوت العجيب قررته القصة دي تستمر لانو اغاني (حِميرا) دي غوييييسه فياخ الله يرضى عليك جيب من جوة الجوة و حاول القى لينا دي صوت :-
غير خالد ما ليك تَنِيْنوعرَّشْ دود الأربعين
السار بوبا يا الْفُوْتْك مو دَحِيْن
انا غنيت ليْ الولد المِتْل النعيم ودحمد
وقت العيش إتْفَقْد إنْتَ الكُبري اللركز البلد
انا غنيت قولي صاح ليكَ يا وِلاّدة النجاح
وقت الخشوم بِقن فُصّاح إنتْكَل في ضُل الصباح
سيد..زينك..مو دحين
انا غنيت قولي تام لي العاصي الكسر اللجام
دخل المكتب وقال سلام كل المِدُوُبي.. والقَنْت..وقام.
انت غايتو يا صاحبي بالعافية ال(تخسك) في المصارين .
|
سفيان ياا صااحب...
سلااام كتار ياخ و لك التحيه و التقدير ياا حبيب
التراث هو اصلنا و هو الذى يحكي عن اساس هذا البلد الجميل..
الاغنيه التى ذكرتها اكيد بتكون حااضره فى الحلقه القادمه
و عشام مداخلتك الكاربه دى عفيناك من اسم فنان حجر الظلط
و معزوم معانا عشاء بعدين ياا عمك...
تسلم كتير...
