مظاهرات ( الآن) داخل تلفزيون السودان

[ناصر يوسف]

كتبت البوست ده ورسلته لقيتو مشي علي الخاص ،،،


لليوم التاني علي التوالي
نظم العاملين بالفضائية السودانية تظاهرة سلمية داخل حوش التلفزيون
أمام ( عمارة المدير العام )* ،،، منددين بالإدارة ومطالبين بصرف مستحقاتهم المالية التي وصلت لمستحقات 8 أشهر كاااااااملة

وردد المتظاهرين هتافات تطالب برحيل محمد حاتم سليمان المدير العام لقطاع التلفزيون ،،،

محمد حاتم سليمان مدير عام الفضائية السودانية يشغل الآن مديراً ( ASBU ) إتحاد إذاعات الدول العربية ،،

محمد حاتم سليمان ،،، الذي أوقف التعامل من قبل مع المتعاونين ،، يتعاقد مع متعاونين من خارج السودان ( شركة تركية ) لأجل إنفاذ فلم وثائقي يحكي عن اسياحة في السودان ،،،
وكأنَّ بالوطن العزيز لا يوجد فنانين يمكنهم تنفيذ ذات الفلم بكفاءة عالية وبحس سوداني فني صِرف

في عهد هذا المدير العجيب ،،، تدهور العمل التلفازي السوداني كثيراً جداً ،،، وتحول الفنانين السودانيين إلي مجرد موظفين يعملون كما الآلات ،، لا وجود لفنٍ يذكر ،،،

وتدهورت بيئة العمل كثيراً جداً ،،، توقفت معظم أجهزة العمل من كاميرات إلي وحدات مونتاج ،، الإضاءة والصوت وكل الغرف الفنية من غرف البث والإرسال ،،،

في عهد محمد حاتم سليمان ،،، تم نقل إرث التلفزيون من البرامج القديمة الجييييييييدة من مكتبة التلفزيون العملاقة إلي مخازن في مبني مهجور كان يتبع هذا المكان لشركة أنهار المأسوف عليها ،،،
وحتي أجهزة تحويل الشرائط القديمة إلي حديثة ،،، تم الإستغناء عنها ونقلها لذات المكان المهجور بإهمال تام ،،،،

هذا هو تراث هذه الأمة وذاكرتها يا محمد حاتم سليمان ،،،

إستطاع محمد حاتم سليمان أن يُؤسِس له ( بطانه ) تحوم حوله من بعض المحسوبين علي العمل التلفزيوني والذين لا علاقة لهم لا من قريب ولا من بعيد بالإعلام عموماً ،،، وفي يدهم القول الفصل ،،،

بئساً يا محمد حاتم سليمان ،،، لا أدري من أين أتيت يا هذا لتقود جهازاً بحجم تلفزيون السودان ،، وأي وعي ستقدمه أنت للشعب السوداني المغلوب علي أمره ؟؟؟

وما هي علاقتك أنت بالإعلام أصلاً ؟؟؟

ليته الزمن لو يرجع إلي الوراء حين جئت وقدمت أنت لملء وظيفة مذيع بتلفزيون السودان وكان الرفض كاااامل الرفض من قِبَل لجنة إجازة المذيعين بالتلفزيون آنذاك بقيادة نفرٍ جليلٍ من عظماء إعلاميي بلادي حينما لفظوك ورفضوك مذيعاً لا يمتلك أبسط مقومات المذيع ...

ليت ذلك الوقت يعود يا محمد حاتم سليمان ليته يعود وكفي مهازل

[imported_مهند الخطيب]

[imported_هشام ديدي]

المشاركة الأصلية كتبت بواسطة ناصر يوسف

كتبت البوست ده ورسلته لقيتو مشي علي الخاص ،،،


لليوم التاني علي التوالي
نظم العاملين بالفضائية السودانية تظاهرة سلمية داخل حوش التلفزيون
أمام ( عمارة المدير العام )* ،،، منددين بالإدارة ومطالبين بصرف مستحقاتهم المالية التي وصلت لمستحقات 8 أشهر كاااااااملة

وردد المتظاهرين هتافات تطالب برحيل محمد حاتم سليمان المدير العام لقطاع التلفزيون ،،،

محمد حاتم سليمان مدير عام الفضائية السودانية يشغل الآن مديراً ( ASBU ) إتحاد إذاعات الدول العربية ،،

محمد حاتم سليمان ،،، الذي أوقف التعامل من قبل مع المتعاونين ،، يتعاقد مع متعاونين من خارج السودان ( شركة تركية ) لأجل إنفاذ فلم وثائقي يحكي عن اسياحة في السودان ،،،
وكأنَّ بالوطن العزيز لا يوجد فنانين يمكنهم تنفيذ ذات الفلم بكفاءة عالية وبحس سوداني فني صِرف

في عهد هذا المدير العجيب ،،، تدهور العمل التلفازي السوداني كثيراً جداً ،،، وتحول الفنانين السودانيين إلي مجرد موظفين يعملون كما الآلات ،، لا وجود لفنٍ يذكر ،،،

وتدهورت بيئة العمل كثيراً جداً ،،، توقفت معظم أجهزة العمل من كاميرات إلي وحدات مونتاج ،، الإضاءة والصوت وكل الغرف الفنية من غرف البث والإرسال ،،،

في عهد محمد حاتم سليمان ،،، تم نقل إرث التلفزيون من البرامج القديمة الجييييييييدة من مكتبة التلفزيون العملاقة إلي مخازن في مبني مهجور كان يتبع هذا المكان لشركة أنهار المأسوف عليها ،،،
وحتي أجهزة تحويل الشرائط القديمة إلي حديثة ،،، تم الإستغناء عنها ونقلها لذات المكان المهجور بإهمال تام ،،،،

هذا هو تراث هذه الأمة وذاكرتها يا محمد حاتم سليمان ،،،

إستطاع محمد حاتم سليمان أن يُؤسِس له ( بطانه ) تحوم حوله من بعض المحسوبين علي العمل التلفزيوني والذين لا علاقة لهم لا من قريب ولا من بعيد بالإعلام عموماً ،،، وفي يدهم القول الفصل ،،،

بئساً يا محمد حاتم سليمان ،،، لا أدري من أين أتيت يا هذا لتقود جهازاً بحجم تلفزيون السودان ،، وأي وعي ستقدمه أنت للشعب السوداني المغلوب علي أمره ؟؟؟

وما هي علاقتك أنت بالإعلام أصلاً ؟؟؟

ليته الزمن لو يرجع إلي الوراء حين جئت وقدمت أنت لملء وظيفة مذيع بتلفزيون السودان وكان الرفض كاااامل الرفض من قِبَل لجنة إجازة المذيعين بالتلفزيون آنذاك بقيادة نفرٍ جليلٍ من عظماء إعلاميي بلادي حينما لفظوك ورفضوك مذيعاً لا يمتلك أبسط مقومات المذيع ...

ليت ذلك الوقت يعود يا محمد حاتم سليمان ليته يعود وكفي مهازل

بقت علي محمد حاتم الصعلوك..ياخ البلد بقت كلها مهازل..............

كلمه صعلوك تشبه هذا محمد حاتم..

[imported_يحي عثمان عيسي]

الحبيب ناصر

انا لله وانا اليه راجعون

[imported_همس الشوق]

يا ناصر يا أخوي
هي بقت على تلفزيون السودان
البلد كلها اصبح يديرها أمثال محمد حاتم هذا

بس حرام حقوق الناس الغلابة ديل
بعدين هو ما تلفزيون السودان
دا اصبح تلفزيون المؤتمر الوطني من زمااااااااااان

[ناصر يوسف]

مهند
هشام
يحي
همس

تحية واحترام ،،،

صَبَر إخوتي وزملائي علي هذا الظلم لشهور وتعاملوا مع الظلم بروية وحِكمة

ولكن ،،، للصبر حدود ومع الصبر تمادي المدعو محمد حاتم وبطانته من المقربين له ومن بعض قيادات التلفزيون بكامل الأسف الصامتين علي الظلم لأنه لم يصل إليهم في ( جيوبهم) ،،،

العديد من الإخوة والأخوات الزملاء يسكنون بالإيجار ،،، وكم منهم تم (طرده ) من قِبَل صاحب البيت المستأجر لعدم مقدرته علي سداد الإيجار ،،،

وكم من الزملاء إشتري عربة بالأقصاد من البنك ولم يستطع إيفاء الأقصاد وحتي لا يُدخل نفسهُ في غياهب حراسات الشرطة والسجون ،،، إضطر لبيع عربته حتي يوفي ما تبقي له من أقصاد ،،،،



اليوم ستتواصل التظاهرات السلمية وعرفت من أحد الزملاء بأنَّ وزير الإعلام سيكون حضوراً اليوم بمباني التلفزيون لإحتواء هذا المشكل الغير كريم من قِبَل محمد حاتم سليمان ،،،،

سأكون هناك بعد نصف الساعة من الآن

[بابكر عباس]

زمني دا، كلو يا ناصر، كنت مفتكر انو الناس الشغالة في التلفزيون طوال فترة الإنقاذ دي، بالضرورة يكونوا من ناس المؤتمر الوطني أو أصدقاءهم، موش الجهاز دا، برضو خطير؟
بالمناسبة، أيهما أكثر كفاءة إعلامية، المدير الحالي أم الطيب مصطفى؟

يا اخي ربنا دا، عندو حاقات!

هسع المفروض نتضامن مع العاملين بالتلفزيون ضد المدير!

[imported_كيشو]

اليوبيل الذهبي دا ما يراعو شعورو يا جماعة
يعني الرقيص والنطيط والتكريم الشفناهو في الأسابيع الماضية دي كان ينطبق عليهو:
فالطير يرقص مذبوحاً من الأم ؟

[ناصر يوسف]

المشاركة الأصلية كتبت بواسطة بابكر عباس

زمني دا، كلو يا ناصر، كنت مفتكر انو الناس الشغالة في التلفزيون طوال فترة الإنقاذ دي، بالضرورة يكونوا من ناس المؤتمر الوطني أو أصدقاءهم، موش الجهاز دا، برضو خطير؟
بالمناسبة، أيهما أكثر كفاءة إعلامية، المدير الحالي أم الطيب مصطفى؟

يا اخي ربنا دا، عندو حاقات!

هسع المفروض نتضامن مع العاملين بالتلفزيون ضد المدير!

يا سيدي الكريم ،،،

بتلفزيون السودان فنانين ( موظفي دولة) قبل مجئ الإنقاذ

منهم من أضحي تابعاً للمؤتمر الوطني (إيماناً به )

ومنهم من إنكسر عوده و وأضحي ( خوفاً من ذهابه إلي الشارع ) تابعاً للمؤتمر الوطني

ومنهم من أبي ورفض أن ينتمي له وقد ذاق ما ذاق من صنوف التهميش كموظف دولة ،،،

نعم يا صديقي يجب أن نفرق بين أن تكُن موظفاً في جهازٍ حكومي وهذا من حقك ،،، وما بين إنتماءك السياسي الضيق ،،،،

وحتي الطيب مصطفي كان علامة مُظلمة في تاريخ تلفزيون السودان ،،، كُلهم سيان

[ناصر يوسف]

المشاركة الأصلية كتبت بواسطة كيشو

اليوبيل الذهبي دا ما يراعو شعورو يا جماعة
يعني الرقيص والنطيط والتكريم الشفناهو في الأسابيع الماضية دي كان ينطبق عليهو:
فالطير يرقص مذبوحاً من الأم ؟

الأُم دي قدُر ما فتشت ليها حتة أختها فيها هني ما لقيت ياخ ما تبخل علينا باللام التانية ،، سَمِح ؟؟


الطيرُ يرقصُ مذبوحاً من القرف يا كيشو ،،، ومن المهازل ،،،،

والمسألة في رمتها ليس في مسألة عدم صرف المستحقات المالية التي بلغت مستحقات ثمانية أشهر بالتمام والكمال فقط ،،،،

بل في تدهور الواقع المهني بالتلفزيون ،،، البيئة العملية الآن قد تدهورت إلي الحضيض ،،،

نسأل الله السلامه

[آخـر المواني]

المشاركة الأصلية كتبت بواسطة ناصر يوسف

وكم من الزملاء إشتري عربة بالأقصاد من البنك ولم يستطع إيفاء الأقصاد وحتي لا يُدخل نفسهُ في غياهب حراسات الشرطة والسجون ،،، إضطر لبيع عربته حتي يوفي ما تبقي له من أقصاد ،،،،

المشاركة الأصلية كتبت بواسطة كيشو

فالطير يرقص مذبوحاً من الأم ؟

المشاركة الأصلية كتبت بواسطة ناصر يوسف

الأُم دي قدُر ما فتشت ليها حتة أختها فيها هني ما لقيت ياخ ما تبخل علينا باللام التانية ،، سَمِح ؟؟

خلاص بعد تجيب لينا أقساطنا الفوق دي و تشيل اقصادك ديك ح نقنع ليك مولانا كيشو يجيب ليك لامك ومعاها لام أكول ظاتو

[imported_كيشو]

المشاركة الأصلية كتبت بواسطة آخـر المواني

خلاص بعد تجيب لينا أقساطنا الفوق دي و تشيل اقصادك ديك ح نقنع ليك مولانا كيشو يجيب ليك لامك ومعاها لام أكول ظاتو

يعني الواحد ما يغلط في البلد دي؟
أكون كتبتها وفي بالي أم البروف التي ظنها خصمه ذات زعلة إسفيرية أنها أمه ليفتح بوست خاص لشرشحة اﻻبن البار
ويا آخر المواني الظاهر إنو أخونا ناصر دا ماا من أرباب الأقساط

[ناصر يوسف]

المشاركة الأصلية كتبت بواسطة آخـر المواني

خلاص بعد تجيب لينا أقساطنا الفوق دي و تشيل اقصادك ديك ح نقنع ليك مولانا كيشو يجيب ليك لامك ومعاها لام أكول ظاتو

والله ياخي زي ما عَبَّر عنها واحد من الأدباء قبل يومين تلاتة في إذاعة البيت السوداني إف إم 100 لما قال ،،، المخرج واحد وفي بعض الفروقات الطفيييفة للغاية ما بين الحرف الإنغلاقي والحرف الإنفجاري ،،، وذكر أمثلة ما بين التاء والطاء ،،، السين والصاد ،،، وأيضتً كذلك الغين والقاف ،،، شفت كيف يا شفيف ؟؟ نحن أخطأنا و بَدَّلنا حرف بحرف بس بقينا أحرف من الذي نقص حرفاً ،،،

ثُمَ إنو ياخ مشتاقين يا عثمان ياخ

[ناصر يوسف]

المشاركة الأصلية كتبت بواسطة كيشو

يعني الواحد ما يغلط في البلد دي؟
أكون كتبتها وفي بالي أم البروف التي ظنها خصمه ذات زعلة إسفيرية أنها أمه ليفتح بوست خاص لشرشحة اﻻبن البار
ويا آخر المواني الظاهر إنو أخونا ناصر دا ماا من أرباب الأقساط

ياخي أغلط أنا ،،، يغلط آخر المواني ده ،،، يغلط أسعد ( الكان وجدي الأسعد ) الذي بطرفكم في السعودية بنين ،،، عااااااااااااادي ياخ ،،،
لكن من قلم مولانا الذي نُحِب ،،، كَو ( وكَو تعني لأ ) شفت كيف ،،،


الجدير بالذكر حتي يوم أمس كان الزملاء بالتلفزيون مواصلين لوقفاتهم الإحتجاجية داخل حوض التلفزيون ولم تُحل المشاكل بعد

قلوبنا معاكم يا شباب

[اشرف السر]

فرحة في التلفزيون


انطلقت الزغاريد والألعاب النارية في مبنى التلفزيون عقب قرار بتعيين اللواء خليل ابراهيم أحمد مديراً عاماً للبث الإذاعي والتلفزيوني، والأستاذ حسن فضل المولى مديراً للتلفزيون.
وهتف العاملون بجاء الحق وزهق الباطل بعد إقالة محمد حاتم وتعيينه في مرفق إعلامي آخر بقرار من مجلس الوزراء في جلسته أمس بهذا الشأن بعد تصاعد أزمة العاملين بالتلفزيون واعتصامهم..

- صحيفة الرأي العام 6 فبراير 2013