اقتباس:
المشاركة الأصلية كتبت بواسطة معتصم الطاهر
زمان غنت بنونة بت المك لأبيها ..
كوفيتك الخوده أم عصا بولاد
ودرعك في أم لهيب زي الشمس وقّاد
وسيفك من سقايته إستعجب الحدّاد
وقارحك غير شكال ما بقربه الشدّاد
و غنت بت مسيمس ..
أمك ولدتك ما ولدتم اتنين
تسلم لي يا تلبي البيكيل العين
حالف يمين مابتوه بين بين
دقيت الجسر لي متعت الحيين
و كثيرات أخر
وها هو لهج حديث فى ميزان ذهب من شريكة هذا العصر
من لم يتمنى أن يكون ذاك ..؟
|
تتذكر يوم حصلتك
بتنقع من قرب الهم الحاصل
تلفظ من جسد الارض الشوك
يتكبل من داخلك زاد متواصل
وتستف في الناس الذوق
وانا اول بريدك زول
بزين بغناك كتفي
أنا صف الحبايب فيك
وكل العاشقين خلفي
أخي الشاعر القامة معتصم الطاهر عشرات حبابك في الحروف
واطلالة من شباك حنين وبهديك .ومافي أطعم من حروفك
شكرا للطف والاحتفاءة الجميلة
كل السعادة بوجودك هنا
كن بألف خير ولك الود مستقر والزهر
