في شنو! والحصل شنو ؟
بعافر لي ساعة عشان اوصل هنا
أنا طبعاً زول قراية ساي .. بدخل كل فترة كضيف بقرأ شوية وبستمتع وبطلع
يعني ممكن تقول زول سلبي ما بتاع مشاركات .. ما عارف ليه
المهم دوت اورغ بقول لي تم استهلاك الباندويدث
غايتو بحث وتلتلة تقيلة لحدي ما وصلت هنا
المشكلة كانت إني ناسي الباسويرد .. لمن اطلب استعادة كلمة المرور بوديني لي دوت اورغ
يعني الروابط ما مظبطة كويس
يا ناس الدعم الفني استخدموا اسكريبت search and replace DB الشهير عشان تحولوا جميع روابط دوت اورغ لي دوت نت
غايتو الحمد لله نحت مخي كويس لحدي ما اتذكرت كلمة المرور
طبعاً زي ما قلت ليكم انا ما فاهم التكتح في الحصل على الموقع وكلما افتش اروح زيادة
يعني مثلاً الدومين دوت اورغ قاعد وتم تجديده لكن اتشال من استضافة powweb الكان فيها وهسة تاكلينو في كلاود فلير !! ودي خدمة طوارئ بحسب البعرفه بتشتغل لما الموقع يكون واقف وهسة ما شغالة ذاتو .. يعني الدومين متكول بالخسارة
وبالمناسبة .. سمعتو النكتة بتاعة الزول اللاقى صاحبو جاري بسأل فيه مالك؟ قال ليه ناس الحكومة قالوا أي زول عندو 3 اضنين بقطعوا ليه واحدة .. قال ليه طيب انت شارد مالك ما عندك اضنين اتنين بس !! قال ليه ما هم بقطعوا حتى يعدو
أها ناس Ipage ديل بقطعوا حتى يعدو
والله صحي
لو حصلت ليك أي اشكالية رسلت ايميلات كتيرة تم تهكير موقعك اشتبهوا في ملفات عندك بوقفوا الموقع في الأول حتى يسألوك الحاصل شنو
في عالم الاستضافة ما بتعرف سوء الشركة إلا تحصل ليك مشكلة لكن طالما أمورك باسطة بتقول وحاتها
المهم إذا حصلت مشكلة وإن شاء الله ما تحصل ولا تفكر تعالجها ذاتو .. خم عفشك وارحل hostgator
غايتو أنا طاشي شبكة زي ما قلت ليكم وما تشتغلوا بي أنا ببرطم ساي
بس لو واحد أداني التفاصيل الفنية للحصل بكون ما قصر .. بفهم شوييييية كدة في الشأن الفني
