البكر عوير

[imported_حسن النضيف]

....من قمنا نسمع إنو البكر عوير .... والشين قنيع ... والمرة دقها بي أختها...والقصيريافتنة ياحكمة .... والكثير من العبارات والامثال التي تتداول في المجتمع السوداني ولا توجد شواهد حقيقية تؤكد ذلك ... إذا وقفنا في عبارة البكر عوير تجد ان ظلم كبير وقع علي البكور.. جمع بكر ....بل بالعكس في كثير من الأسر التي تفقد عائلها تجد الولد الكبير)البكر )إنسان ناضج ومسؤول ويراعي إخوته الصغارو يحمل هم الاسرة ويتفاني في سد مكان الوالد ...ويصبح جمل شيل ... وحتي ناس الأسرة يقدرون منه ذلك فتجدهم يقولون أخونا الكبير بكل إحترام، ويذكرون مناقبه ده الربانا ده رايو البمش، هو الذي يضع يده في يد من يتقدمون للزواج من شقيقاته، وهو الذي عنده تنتهي المشاكل الزوجية ؛
وحتي علي مستوي النظام القبلي تجد البكر يحل محل والده إذا كان ناظراً أو عمدتاً في حال غيابه أو وفاته، وعلي الصعيد الصوفي الممتد في السودان تجده وفور إنتقال والده الشيخ يستلم مكانه ويشرع في ترتيب شؤون المريدين وقيادتهم بنظرة جديدة...كل تلك المأثورات تجده حاديها.
أحياناً وعند كثير من الأسر السودانية للأسف تجدها بمجرد زواج الإبن البكر تقلب له ظهر المجن وتبدأ سلسلة من المضايقات نحوه ونحو زوجته وأحياناً تكون الأم طرفاً من كل ذلك مما يقلب الحياة الحلوة إلي جحيم ينتهي غالباً نهايات مؤسفة، ما السبب الذي يجعل الناس تتغير هكذا بمجرد ظهور عنصر آخر بالأسرة ، الغيرة ربما إحساس الجميع بفقدانهم لما كان يقدمه لهم
أخوهم الكبير ربما، أوأسباب نفسية وسلوكية متجذرة في النفس البشرية السودانية تحديداً عند الشعور بالخوف من القادم.

[imported_زول الله]

المشاركة الأصلية كتبت بواسطة حسن النضيف

...ويصبح جمل شيل ... .

ماياها دي العوارة المقصودة




حسن ازييك






اقول قولي هذا واستغفرالله لي......................

[imported_حسن النضيف]

زول الله ..تحياتي..الزول زول الله من الصلاح الرفعت عنهم الألواح

[imported_ندى]

المشاركة الأصلية كتبت بواسطة زول الله

ماياها دي العوارة المقصودة


اقول قولي هذا واستغفرالله لي......................

بسسسسس ياها زاااااتها


بعدين يا حسن يا اخوي انت البكور ديل كلهن رجال ولا شنو

أنا القدامك دي بكر
عوييييييييييييييير gapgap

[imported_عادل عسوم]

المشاركة الأصلية كتبت بواسطة زول الله

ماياها دي العوارة المقصودة




حسن ازييك






اقول قولي هذا واستغفرالله لي......................

ود الشيخ مالك فاضح روحك براك


حسن ازييك وصباحك ريان بالمحبة والاشراقات ياااارب

[imported_حسن النضيف]

العزيزة ندى أبكار البنات هن دائماً الأمهات البديلات،
عادل عسوم،،، التحايا والاشواق..وربنا يمتعنا في الديا والآخرة، ونلتقي