قناة زول الفضائية السودانية وإجترار البرامج

[طيبان]

الأخ عبد الماجد

أتمناك طيّب ..
قبل فترة فتّشت تردد القنــاة (زول) .. ونزّلتها ...
قلت الليلة أحدّدها معاهم واتستف سودنة لامن أقول كفي ..
لمّ فيني مسلسل مدبلج اليفكّو من رقبتي ماعرفتو ..
مشيت وجيت راجع لقيت الأثيوبية بتاعة حنتوب دي بتقول في كلامك الفوق دا زاتو ..
تاني مرقت
وجيت راجع بعد كم يوم وقعت لي في مسلسل مصري وللا فيلم ما فهمتو ..
ولي يومي ويومك دا ما لاقاني سوداني ..
حتّي المذيعات الذكرتهن ديل حكمة الله ما صادفنّي داخلات وللا مارقات مع ملاحظة إني بمر تقريبا علي القناة يوميا من باب الفضول ساكت ...بس ما بدّيهم فرقة يمسكوني تاني ...
لكن بعد كلامك دا أظن تاني الريموت دا يحرم عليهم
___________

هي أزمة صناعة الإعلام عندنا يا صديقي ...
واحدة من كوتة إخفاقاتنا الدائمة ..وعتمات أيّامنا المظلمة ..
لا فضّ فوك وأنت تحلل عن معرفة أوجه القصور .. عسي ولعلّ ينصلح الحــال ...

دمت بخير ...