راكوبة المجادعات.. النمة والدوباي

[imported_تماضر حمزة]

المشاركة الأصلية كتبت بواسطة عبد المنعم حضيري

منفلة من جدودا الوالدة والحبوبة
كاسات الجمال شالتن في دروبا
بنوت الفريق شانات عليها حروبا
يا رب العباد تبقالي هي المكتوبة

من نوبة البلد زنجي ومزيجو عروبة
ومن نسل الكرام ما فروا يوم في الحوبة
لولا الخوفة من ريداً بجيبلي حروبة
كنت بكشّف الاوراق وأدك مخروبة

[imported_wadosman]

المشاركة الأصلية كتبت بواسطة تماضر حمزة

من نوبة البلد زنجي ومزيجو عروبة
ومن نسل الكرام ما فروا يوم في الحوبة
لولا الخوفة من ريداً بجيبلي حروبة
كنت بكشّف الاوراق وأدك مخروبة

كلامك كلام خشم شايلو هبوبه
ورقكم كعب ما بيجيلو نزوله...

المشاركة الأصلية كتبت بواسطة wadosman

كلامك كلام خشم شايلو هبوبه
ورقكم كعب ما بيجيلو نزوله...

كلامنا بيطرب النفس الشفيفة طروبة
مسدار الغرام بنجرو فوق ام روبة
نحنا ورقنا قافل دايرلو بس سبوبة
فك العرجة يا مكيش وتعال اتبوبا

المشاركة الأصلية كتبت بواسطة تماضر حمزة

من نوبة البلد زنجي ومزيجو عروبة
ومن نسل الكرام ما فروا يوم في الحوبة
لولا الخوفة من ريداً بجيبلي حروبة
كنت بكشّف الاوراق وأدك مخروبة

من سافل صعيد هيبة ومكانة رهيبة
ومن نسل الكرام لازم تكون محسوبة
الخلاني عايش بين سموم ورطوبة
رمانتين وقدلة ووقلة في المحبوبة

[imported_سجمان]

بعد الراح سدىً بردت يمين همتنا
ياما مع الصحاب سقنا النضم همبتنا
الربقي القبيل قلناهو في لمتنا
يالمسئول متين تسهل عليو لمتنا

الربقي السمح عاقدين عليو جمتنا
راجينمبو الخلود بعد الحياة إن متنا
الشبكة ان غِبَت متل الحدي كفتتنا
رافعين الأمر لي أمينّا ما يكلفتنا

المشاركة الأصلية كتبت بواسطة سجمان

بعد الراح سدىً بردت يمين همتنا
ياما مع الصحاب سقنا النضم همبتنا
الربقي القبيل قلناهو في لمتنا
يالمسئول متين تسهل عليو لمتنا

الربقي السمح عاقدين عليو جمتنا
راجينمبو الخلود بعد الحياة إن متنا
الشبكة ان غِبَت متل الحدي كفتتنا
رافعين الأمر لي أمينّا ما يكلفتنا

يا سجمان تعال قول النميم وأطربنا
سمحة اللمة والراكوبة بيك جمعتنا
الشالو التساب خليهو ماهو رزقنا
جيب الفي النصيب زود كمان إلفتنا

[imported_سجمان]

المشاركة الأصلية كتبت بواسطة عبد المنعم حضيري

يا سجمان تعال قول النميم وأطربنا
سمحة اللمة والراكوبة بيك جمعتنا
الشالو التساب خليهو ماهو رزقنا
جيب الفي النصيب زود كمان إلفتنا

من دن النميم يا خلي ياما شربنا
كم بيهو الهموم من القلوب سرّبنا
الشالو التساب لو الجميع أضربنا
ما كنا بنقول في الداتا ست "يخربنا"

المشاركة الأصلية كتبت بواسطة سجمان

من دن النميم يا خلي ياما شربنا
كم بيهو الهموم من القلوب سرّبنا
الشالو التساب لو الجميع أضربنا
ما كنا بنقول في الداتا ست "يخربنا"

من دن النميم نغرف نعبي قرافنا
نشرب منو يوت ونسقي ل أحبابنا
الشالو التساب تالاهو بنسد بابنا
يا قوقل يمين ما أظن عملت حسابنا

[imported_سجمان]

المشاركة الأصلية كتبت بواسطة عبد المنعم حضيري

من دن النميم نغرف نعبي قرافنا
نشرب منو يوت ونسقي ل أحبابنا
الشالو التساب تالاهو بنسد بابنا
يا قوقل يمين ما أظن عملت حسابنا

كم بل النميم لي ريقنا بل نشافنا
للقريافو كان في حاء وباء وكافنا
القوقل أكان أجدت ليو أوصافنا
لا بودر حقوقنا ولا بسيبنا يعافنا

سقناهو الغُنا وجلة وعليها قحافنا
ومن دنو البجود در البخت لي سلافنا
القوقل بجيب التايهة من اسلافنا
ما بودر يمين اللوم علي إشرافنا

[imported_احمد زين]

سلام يا اهل النم والغنا
طولنا منكم
نديكم راس خيط والشاطر يجُر

وجعي البيّ كل ما اطراك يزيد ويتجدد
بقيت مرضان وناحل جسمي نومي مَسَقّد
من الريدو عشعش في الفؤاد وإتمددْ
اتحويت وراء الدخل الخلاوي وسدد

[ناصر يوسف]

يا سلاااااام ياخ

عاد الدوباي والنمه وعاد لسودانيات بعض الألق

[imported_سجمان]

المشاركة الأصلية كتبت بواسطة احمد زين

سلام يا اهل النم والغنا
طولنا منكم
نديكم راس خيط والشاطر يجُر

وجعي البيّ كل ما اطراك يزيد ويتجدد
بقيت مرضان وناحل جسمي نومي مَسَقّد
من الريدو عشعش في الفؤاد وإتمددْ
اتحويت وراء الدخل الخلاوي وسدد

حبابووووووووووو ود زين..

في التلت الأخير ذكراهو جات تتردد
والعين انطلق دمّاعا ما بتحدد
الشاغل الفكر بين النجوم اتمجد
يا ود زين بقيت من جوز عيونو مهدد

[imported_سجمان]

المشاركة الأصلية كتبت بواسطة ناصر يوسف

يا سلاااااام ياخ

عاد الدوباي والنمه وعاد لسودانيات بعض الألق

هلا ناصر والله

ثم إنو الشوق قلايب ربيد؛؛

[imported_علاءالدين عبدالله الاحمر]

بنصبح وفي الشق نصال شتا
لابنقلعن جت لابنلم الصق انحتة
الواجعني وبقطع دوام في الجتة
نيلنا البجف والراعيه ينمد ويتمطا

[imported_علاءالدين عبدالله الاحمر]

الصافي المنقي في العتم بتلالا
في خده الندا عليه الخلوق تتبالي
شيتا غزل ومرات كلام في رسالة
الا القادر الله ياقمر العشا البتعالي