أنا عقلاني للآخر
وما مقتنع بي إنه في جن بركب زول وكدة .. لكن شفت وجودهم بعيوني
سكنت في بيت مسكون قبل كدة
الكلام دة وانا عمري 17 سنة لسة ما عرفنا درب المعاصي ولا اتعلمنا الخوف .. لكن علي الحلال هسة كان اديتني مليون دولار ما اعملها
كنا ممتحنين شهادة وعندي صاحبي يوم وزعوا الخوف كان غايب .. عندو بيت عمه مغترب فاضي من سنين طويلة ومعروف إنه مسكون مشى نضفه وعمله مكان قراية
أنا طبعاً ما كنت عارف المعلومة دي وهو ما كلمني .. بس قال لي تعال نعمل معسكر قراية وجيت سكنت معاهو
بديت اشعر بحركات غريبة في البيت .. الشبابيك تفتح وتقفل براها اسمع صوت هواء شديد وكتاحة أطلع برة الصالون ألقى مافي ولا نسمة هواء
المهم بدت الشكوك عندي لحدي ما يوم مساهرين قراية زي الساعة 2 صباحاً كدة جيت امشي الحمام .. أول ما وصلت باب الصالون قبل أطلع صاحبي قال لي ماشي الحمام ؟ قلت ليه أيوة
قال لي تعرف ! لمبة الحمام دي فيها مشكلة كهرباء مرات بتطفي وتولع براها
وقفت وبقيت مبتسم وبعاين ليه وهو ما قادر يدس الضحكة .. قلت ليه قلت لي مشكلة كهرباء ؟
وصاحبك فكاها ضحكة .. قلت ليه يا ود اللذينة أنا من زمااااان شاكي
لكن موش الحمام دة ! خليناهو ذاتو لا كهرباء لا بطيخ
