منديل حرير !!! النور يوسف
قيامة دولة المتحولون الانسانية !!! أسعد
خِلِّي العيش حرام - عبر الأجيال !!! أشرف السر
آخر 5 مواضيع إضغط علي او لمشاركة اصدقائك! سودانيات .. تواصل ومحبة > منتـديات سودانيات > منتـــــــــدى الحـــــوار بسبب مفترع المهموم في سودانيات أصبحت حياتي أكثر ثراء اسم العضو حفظ البيانات؟ كلمة المرور التعليمـــات مركز رفع الملفات مشاركات اليوم البحث البحث في المنتدى عرض المواضيع عرض المشاركات بحث بالكلمة الدلالية البحث المتقدم الذهاب إلى الصفحة... صفحة 1 من 2 1 2 > أدوات الموضوع انواع عرض الموضوع 01-09-2020, 06:46 PM #[1] imported_أبو جعفر :: كــاتب نشــط:: بسبب مفترع المهموم في سودانيات أصبحت حياتي أكثر ثراء بسبب مباشر من مفترع المهوم في سودانيات والذي نقلته إلى منتدى سودانت ... توثقت معرفتي بالمرحوم عماد محمد بابكر حسن وأنبثق عن تلك المعرفة قروب آذان الأنعام على الفيس بوك. فقد صدف أن أحد عضوية سوانت كانت له معرفة بالمرحوم على الفيس بوك ... وأتصل به طالباً نسخة من البيان الذي تسبب في قفل جامعة الخرطوم العام 1985م ... ولكن لم تكن عند المرحوم نسخة منه ... ولكني بحثت عن حساب المرحوم على الفيس بوك وأرسلت له طلب صداقة فوافق عليه ومن حينها تواصلت صداقة عمادها التنوير بإسلام القرآن الكريم والذي لا علاقة له بإسلام الطغيان الأموي العباسي الذي نعيش مآسية في كامل عالمنا الإسلامي اليوم. وحتى لا أخرج عن الموضوع وأجابه بمكر المتطرفين والطغاة على مستوى ما لا يقدم ولا يؤخر ... سوف أقوم بنقل الموضوع فقط لتكبير الخط ... فهو بكامله في سودانت دوت أورغ. التوقيع: أحشفاً وسوء كيلة imported_أبو جعفر مشاهدة ملفه الشخصي إرسال رسالة خاصة إلى imported_أبو جعفر البحث عن المشاركات التي كتبها imported_أبو جعفر 01-09-2020, 07:08 PM #[2] imported_أبو جعفر :: كــاتب نشــط:: تعليقات المهموم من مواليد شلعوها البشاقرة ((( 1 ))) تعليقات المهموم من مواليد شلعوها البشاقرة: يا هوووووووووووووو انا يمين بالله سجلت في الشي الاسمه انترنت ده لانه صاحبي ود الفادني قال لي قصة حيرتني ... قالي صاحبك ظهر بعد 22 وعشرين سنة! قلت ليهو منوا يا خوي؟ قال لي الدكتور؟ قلت ليهو ماني فاهم! قال لي الطبيب الهارب! قلت ليهوا لعل ما ريتشارد كمبل؟. قال لي لاااا الدكتور الي انضربت بسببه! قلت ليهو نعل ماهو عماد بابكر ؟ قال يا هووووووووووووو زاتو؟ وقال لي بعد السنين دي كلها ظهر وكمان بقي قرداتي شفت الصفحة وشفت الما يغبي علي يا هوووووووووووو زاته بس كبر كتييير قلت يمين الا اسجل واجي احكي قصتي معاه. ما تفهموني غلط ... انا انضربت بسببه ضرب غرائب الأبل لكن والله احترمه لان نحن في شلعوها البشاقرة الرجالة دي في عضمها بنحبها والجني ده كان راجل زمانه ... بس موضوع القرود ده شوية يخلع ... النصيبة ده اختفي 22 سنة وطلع فجاة يقول داروين كان مسلم؟. ما يكون ناوي يقفل الشرق الاوسط زي ما قفل الجامعة ... الراجل ده مو هين. ان شاء الله احكي ليكم قصة الضرب الي انضربته بسببه بس الحين اللشوف الكلام ده راح يطلع زين ولا لا ... انا المهموم ... كنت في الآداب وبخلط في كلية العلوم يا هوووووووووووو عماد بابكر بقي قرداتي. انا المهموم ... من مواليد شلعوها البشاقرة ... زمان قبل ما يشلعوها الكيزان ... دخلت كلية الآداب ... ضبحوا لي ضبايح وقالوا لي ان شاء تطلع دكتور ... جيت الجامعة مهموم ... انوم طول اليوم ولمن اصحي امشي اخلط في كلية العلوم ... ما عندي هم لا بالكيزان ولا الشيوعيين ولا يحزنون ... وجات الايام ديك من شهر فبراير خمسة وتمانين ... فجاة الجامعة ولعت وما فيش حد فاهم الحاصل شنوا ... كل السمعناهو قالوا في واحد كوز في كلية الطب انشق ... طيب ما الناس تنشق كل يوم ... اخوكم ما شغال بالناس شغلة ... انوم واقوم اخلط في العلوم ... والضرب يزيد كل يوم ..... ومرة ... يسعلني الله كان يوم السبت ستاشر فبراير ... قعدت لي في بنش قدام الاندرلاب ... مقنطر منتظر لي جكسوية تجي تفرق همومي ... شويتين اسمع الهرج والمرج والناس بدت تنطط من المكتبة المين ... في شنوا يا جماعة؟. قالوا كتيبة "صخر" احتلت المكتبة وبيفتشوا علي البيان!. بيان شنوا يا ناس هووووي؟. قالوا بيان الكوز الجنن الكيزان ... قلت انا مالي وماله ... كل زول في حاله ... جامعة حرة او لا جامعة ... دردمت السفة وخلفت رجل فوق رجل وقلت فتاح يا عليم ... جكسوية علوم تفرق الهموم ..... وربك رب الخير جاب واحدة ملبن ... لابسة اسكيرت من النوع المشقوق من وراء وقدام ... جات متلبة من الاندرلاب نفسها مخموم ... ممكن اقعد جمبك؟. قلت ليها هذا من فضل ربي ... اتفضلي يا مدام ... البنية نضيفة تب من النوع الما يقعد في البنشات الا تخت جريدة ... طلعت ليها ملف ورق ابيض وقعدت فيه ... قلت قادر الله وعيني علي الوريقات المبروكة ... لكن البنية نفسها مخموم ... في شنوا يا بنية؟. ممكن اساعدك انا دكتور؟. قالت لي انت قاعد وين؟. الكيزان دخلوا الاندر لاب وانا نفدت بجلدي ... هسع والله ما عارفه اتخارج كيف ... قلت ليها انت مالك و مال الكيزان؟. حتي الزيك ما بيشغلوها طابور خامس ... قالت لي بيفتشوا شنط البنات واللابسة توب يقلعوها التوب ... قلت الكيزان ديل جنوا ولا شنوا؟. قالت لي بيفتشوا في البيان؟؟ قلت ليها النصيبة دي شنوا؟. البيان فيهو شنوا؟. قالت لي بيان عماد اللي انشق من الكيزان؟ قلت ليها الانشقوا قبلوا شوية؟. قالت لي انت باين عليك راح تنضرب ... نايم وين انت ... ده انشق وشق راس الترابي ... واليقبضوه عنده نسخة من البيان سجم امه ... عيوني نططت ... شق راس الترابي دي كلمة الزمن داك تخلع ................. البنية انسحبت براحة وقالت لي الله معاك انا زايغة بشارع النيل ............ جرت بسرعة وانا عيوني علي الاسكيرت ... مالي ومال البيان ... قادر الله ... وقلت هذا من فضل ربي ... وقلت كدي ما دام الخلطة ما طولت اللاتوهط فوق الوريقة الكانت قاعدة فيها دي ... نتبرك شوية في المكان الكانت قاعدة فيهو ده اكيد "مبروك" ... قنطرت السفة واستمخت ... شويتين وظهرت كتيبة "اليرموك" ... اكمل ليكم القصة بكرة بس يا خوانا والله نصيحة مجرب ومضروب ... الجني ده موهوب ... زمان قال الجماعة حرامية ... قلنا زودها حبيتين ... دحين رايكم شنوا؟. ... طيب نصوت في عهد الديمقراطية ... الموافق يرفع يده: دحين الليلة طلعنا جت قرود ... ياهووووووووووووووووووو عماد بابكر بقي قرداتي ... خلاص اكمل ليكم قصتي مع المكان المبروك اللي اتووهطت فيهوا وانقطرت لكتيبة "اليرموك"... انا المهموم اليومي كله نوم ولمن اصح اخلط في العلوم ... قعدت في ورقة الجسكوية قلت مبروكة ... اللتاري كان بيان الشووووووووووووم يتبع ... التوقيع: أحشفاً وسوء كيلة imported_أبو جعفر مشاهدة ملفه الشخصي إرسال رسالة خاصة إلى imported_أبو جعفر البحث عن المشاركات التي كتبها imported_أبو جعفر 01-09-2020, 08:48 PM #[3] بابكر مخير :: كــاتب نشــط:: اقتباس: المشاركة الأصلية كتبت بواسطة أبو جعفر لابسة اسكيرت من النوع المشقوق من وراء وقدام ... كدي البيان والكيزآن اليطيروا ويقعوا في البير.. ست الإسكيرت نعل جبروها وخيطتهو.. لكن عات ما بتبقى عوجة والله.. يابا إتصور! مرت العزيز ظاتها ما عملت العملهو الفصل لي البنية دي الإسكيرت. ديك قدتهو (شقتهو) من دبرٍ بس.. "الشقليني، لقيتني كيف؟؟ التوقيع: بابكر مخير مشاهدة ملفه الشخصي إرسال رسالة خاصة إلى بابكر مخير زيارة موقع بابكر مخير المفضل البحث عن المشاركات التي كتبها بابكر مخير 02-09-2020, 12:22 PM #[4] imported_أبو جعفر :: كــاتب نشــط:: اقتباس: المشاركة الأصلية كتبت بواسطة بابكر مخير كدي البيان والكيزآن اليطيروا ويقعوا في البير.. ست الإسكيرت نعل جبروها وخيطتهو.. لكن عات ما بتبقى عوجة والله.. يابا إتصور! مرت العزيز ظاتها ما عملت العملهو الفصل لي البنية دي الإسكيرت. ديك قدتهو (شقتهو) من دبرٍ بس.. "الشقليني، لقيتني كيف؟؟ تحياتي عمنا بابكر وواضح أنت لسه خطير وعندك جدعات ما هينة ... قلت لي الترزي الشقة الأسكيرت ده خطير ... تصور في الزمن داك ناس شاقة الأسكيرت ديل ما كانن عندهن طعم ... الطعم في أمات تياب جارة بالواطة ... لأن الممنوع مرغوب ... التوقيع: أحشفاً وسوء كيلة imported_أبو جعفر مشاهدة ملفه الشخصي إرسال رسالة خاصة إلى imported_أبو جعفر البحث عن المشاركات التي كتبها imported_أبو جعفر 02-09-2020, 12:29 PM #[5] imported_أبو جعفر :: كــاتب نشــط:: ((( 2 ))) عماد بابكر بقي قرداتي معلوم يا أخوان ... دكتورعماد طبيب نفساني, واكيد بشوف حالات كتيرة زي حالتي وما ظنيته يا خد في خاطره ... بس علا قولي يا زمان ... واحدا هز البلد وقفل الجامعة زمن الكيزان ... والحين جاء يتحدى العالم كله أن اصل الانسان قرد من القرآن ... في ذمتك دي مو عمائل قرداتي؟. البارح سالت ود الفادني اخوي من سرية الانترنت دي ... كلامي ده نعل مو بيصل الجماعة اياهم ... اصلي شايف في المصيبة ده اسلاك و خراتيش كتيرة ما تكون بتوصل للقصر ولا المنشية ... طمني قال لي اخد راحتك كلها توصل لي امريكا بس, والجماعة اصلا كلهم بقو امريكان ... بي سلفاكير ابو طاقية ... يعني لا تخاف وفضفض ... انت ممكون بالحيل. اكمل ليكم قصة اليوم الما انساه داك ..... اتهوطت فوق وريقات الجكسوية المبروكة ... شويتين واسمع صوت حناجر بنوت تقول مستوردة من اليابان ... جايات من جيهت الميدان الشرقي في شارع اللابات ... يهتفن ويكبرن ... شايلات جنازير وسيخ وقالن دي كتيبة (الخنساء)... طلعت في سبيل الله تدافع عن شرف النساء... قلت يا لطيف اليوم دا ما ياهو .... قبلت شمالي ... عيني وقعت علي كتيبة (اليرموك) ... كيزان زي اسود سعرانة ... جنازير وعكاكيز وسيخ ما يديك الدرب ... طلعوا من كلية القانون بعد ما شلعوها, وقالوا عندهم تعلمات يقطعوا الطريق المين ... يا لطيف. ... في يميني نزلت كتيبة (صخر) من المكتبة بعد ما شلعوها تب ... اتجمعوا قدام المكتبة ووقفوا ... قالوا في انتظار التعليمات.... وانا المهموم ... يومي كله نوم ولمن اصحى اقعد في البنشات اخلط بنات العلوم ... كنت متوهط في البنش الاول في الجنكشن مقابل غرب ............. ما اكضب ... الخوفة بدت تدخلني لاني ما كنت فاهم الحاصل بالضبط شنوا ... لكن قلت كل زول في حاله. .. فجاة اشوف اربعة شباب مبرطعين زي الحصين من جيهة النشاط, ووقفوا جمبي ياخدوا نفسهم ... عرفت منهم اتنين وجوهم ما تغبي علي ... ديل من اولاد الهندسة الكانوا عاملين لينا وجع قلب ... اولاد الهندسة ديل يا جماعة كانوا مفترين افترا ... كانهم يا جامعة ما فيك الا انا... لكن نحن في الآداب كنا بالحيل مغبونين منهم ... طالعين يشتمونا نازلين يشتمونا تكنوا بيننا وبينهم تار. لمن تكون في كورة في الميدان الشرقي ... ان شاء الله بين الطب والزراعة ... تلاقي اولاد الهندسة يهتفوا من الضهر " كوم تراب ولا آداب".. الكورة لمن تنتهي سبعة صفر كالعادة ... لصالح الزراعة ... اولاد الهندسة يزفوا الدكاترة للبصات " الي البصات يا دايات" ... لكن ناس الطب ما بيزعلوا لانهم واثقين من نفسهم ... عِلا نحن كنا بالحيل نتحرق ... بعد ما يودعوا الدايات يرجعوا فوقنا تاني : "كوم تراب ولا آداب".. المهم اولاد الهندسة وقفوا في الجنكشن يتلفتوا برعب ... في شنوا يا جماعة؟. واحد قالي لي: الجنوبيين نشروا البيان في جريدتهم والكيزان قطعوا الجريدة واحتلوا النشاط ... قاموا الجنوبيين اتسلحوا واحتلوا الميدان الغربي ... الجامعة ولعت يا زول .... الزمن داك قرنق كان يا دابه دخل الغابة وسلاح الجنوبيين منه خوف ... قبل ما يكمل كلامه سمعنا اصوات من الباب المين وعينينا تشوف حصين ... واحد قال ل التاني: ديل الانصار جو ... يهتوفوا يا لثارات عماد ... دمك الطاهر لن يجف!.. يمين بالله بديت اترعب ... قلت ليهم في شنوا يا جنون؟. قالوا لي في اشاعة قوية ان عماد اتكتل والانصار قرروا ياخدوا بالتار ... يا زول قوم اتخارج ... الناس دي كلها ناوية موت ... اتكتل؟؟؟؟ يا لطيف ... اليوم ده ما ياهووووو ... قال لي ما متاكدين لسه لانه عماد مختفي وخلينا علاء الدين اخوه بيحاول يتصل في البيت من مكتب العميد ... المهم قوم اتخارج .... واحد قال ليهم: يا خوانا ما في حل الا نزوغ وراء المكتبة ونتلب بشارع النيل ... التاني قال ليه الجيش والاحتياطي المركزي مرابطين في شارع النيل... صاحبه جراهوا وقاليهم يا خوانا الجيش ارحم من الكيزان ديل يلا نجري ... قلت ليهم يا مهندسين ارجلوا شوية ... انتوا مالكم بالبيان ... واحد قال لي: شوف يا زول الرجالة ملحوقة والبيان قالوا فيه شيطان... واالله زي المطر ممكن تلاقيه في جيبك من غير ما تعرف ... الله معاك نحن جارين ... فت جروا. اخوكم ضحككككك...اتوهطت في وريقات الجكسوية, و حمدت ربنا وراني يوم في وليدات الهندسة بيقولوا (الرجالة ملحوقة) شويتين ولاقي نفسي بقيت زي السندوشت ... كتيبة اليرموك اتقدمت ناحية الجنكشن وكتيبة الخنساء وقفت وراء ضهري وكتيبة صخر اتحركت للجنكشن من ناحية المكتبة... جاني واحد يمين بالله تقول في معركة احد: انت باين عليك مركز توزيع موش كده؟. قلت ليهوا توزيع شنوا يا مولانا الله يرضي عليك؟. قال لي بطل استعباط ... المقعدك هنا شنوا؟!. هات النسخة العندك؟. قلت ليه يسعلني الله ما معاي عِلا الحقة ... بتسف يا مولانا؟. الله اكبر ... نحن نسف يا قذر؟. ... نحن اطهار وطالعين نجاهد ونطهر الجامعة من امثالكم .... يمين بالله قبل ما يكمل كلامه ما احس الا بسيخة تخبط راسي كانها صاقعة ... راسي لفة وبلعت السفة. يا جماعة والله العظيم انا ما عندي علاقة بالبيان ده ... طيب بتعمل شنوا هنا؟. قلت ليهم والله انا مركلساتي من الاداب بقعد هنا اخلط وبس ... يا مولانا انا شريف ... يمين بالله جابني النسوان مو البيان!. حتي بالامارة المكان المتوهط فيه ده كانت قاعدة فيه جكسوية زي الملبن من بنات كمبوني ... ختت ليها ورقا ابيض اظنه من لندن, قلت اقعد واتبرك فيه ... غلطان يا مولانا لكن يمين بالله نسوان مو بيان ... ما كملت كلامي واتنين من الكيزان قلبوني ورموني في الارض ... اقلبي الورق ده يا اخت ... قال لي واحدة من كتيبة الخنساء ... الورق كان مقلوب وكله ابيض ... وانا المهموم من شلعوها البشاقرة بنت كمبوني شربتني المقلب.............. قلبوا الورق وانا ماني دريان اني كنت قاعد متوهط فوق البيان ... بيان الشوووم يالمهموم ........... يمين بالله يا جماعة لمن قلبوا الورق وعيني وقعوا علي العنوان صرخت زي المجنون: الكترآآآآآآآآآآبـــــــــــــــــــــــــة! امانة ما راح فيها راجل. اكمل ليكم بكرة ............ اصلوا القصة لمن اتذكرها بتجيني خمة نفس لليلة.... لكن قبل ما اروح ... ضروي اسعلكم سعال .......... الكوز الخبطني اول بالسيخة لمن سعلته: بتسف يا مولانا , كان غلطان ولا مو غلطان؟. انا قصدي تسف تمباك واخدت سيخة فوق نافوخي ... امال لو قلت ليه بتسف بير بترول كانوا عملوا فيني شنوا؟. دحين يا اخوانا بعد اتين وعشرين سنة منوا الكان صادق؟. .......... ولا نمارس الديمقراطية تاني؟. ... البيقول بيسفوا يرفع اصبعه ... وبالله يا جماعة اصبع واحد كفاية بطلوا الفوضى. التوقيع: أحشفاً وسوء كيلة imported_أبو جعفر مشاهدة ملفه الشخصي إرسال رسالة خاصة إلى imported_أبو جعفر البحث عن المشاركات التي كتبها imported_أبو جعفر 02-09-2020, 01:27 PM #[6] زين العابدين حسن :: كــاتب نشــط:: [QUOTE=أبو جعفر;552936][SIZE="5"][COLOR="Navy"] ((( 2 ))) عماد بابكر بقي قرداتي معلوم يا أخوان ... دكتورعماد طبيب نفساني, واكيد بشوف حالات كتيرة زي حالتي وما ظنيته يا خد في خاطره ... بس علا قولي يا زمان ... واحدا هز البلد وقفل الجامعة زمن الكيزان ... والحين جاء يتحدى العالم كله أن اصل الانسان قرد من القرآن ... في ذمتك دي مو عمائل قرداتي؟. البارح سالت ود الفادني اخوي من سرية الانترنت دي ... كلامي ده نعل مو بيصل الجماعة اياهم ... اصلي شايف في المصيبة ده اسلاك و خراتيش كتيرة ما تكون بتوصل للقصر ولا المنشية ... طمني قال لي اخد راحتك كلها توصل لي امريكا بس, والجماعة اصلا كلهم بقو امريكان ... بي سلفاكير ابو طاقية ... يعني لا تخاف وفضفض ... انت ممكون بالحيل. اكمل ليكم قصة اليوم الما انساه داك ..... اتهوطت فوق وريقات الجكسوية المبروكة ... شويتين واسمع صوت حناجر بنوت تقول مستوردة من اليابان ... جايات من جيهت الميدان الشرقي في شارع اللابات ... يهتفن ويكبرن ... شايلات جنازير وسيخ وقالن دي كتيبة (الخنساء)... طلعت في سبيل الله تدافع عن شرف النساء... قلت يا لطيف اليوم دا ما ياهو .... قبلت شمالي ... عيني وقعت علي كتيبة (اليرموك) ... كيزان زي اسود سعرانة ... جنازير وعكاكيز وسيخ ما يديك الدرب ... طلعوا من كلية القانون بعد ما شلعوها, وقالوا عندهم تعلمات يقطعوا الطريق المين ... يا لطيف. ... في يميني نزلت كتيبة (صخر) من المكتبة بعد ما شلعوها تب ... اتجمعوا قدام المكتبة ووقفوا ... قالوا في انتظار التعليمات.... وانا المهموم ... يومي كله نوم ولمن اصحى اقعد في البنشات اخلط بنات العلوم ... كنت متوهط في البنش الاول في الجنكشن مقابل غرب ............. ما اكضب ... الخوفة بدت تدخلني لاني ما كنت فاهم الحاصل بالضبط شنوا ... لكن قلت كل زول في حاله. .. فجاة اشوف اربعة شباب مبرطعين زي الحصين من جيهة النشاط, ووقفوا جمبي ياخدوا نفسهم ... عرفت منهم اتنين وجوهم ما تغبي علي ... ديل من اولاد الهندسة الكانوا عاملين لينا وجع قلب ... اولاد الهندسة ديل يا جماعة كانوا مفترين افترا ... كانهم يا جامعة ما فيك الا انا... لكن نحن في الآداب كنا بالحيل مغبونين منهم ... طالعين يشتمونا نازلين يشتمونا تكنوا بيننا وبينهم تار. لمن تكون في كورة في الميدان الشرقي ... ان شاء الله بين الطب والزراعة ... تلاقي اولاد الهندسة يهتفوا من الضهر " كوم تراب ولا آداب".. الكورة لمن تنتهي سبعة صفر كالعادة ... لصالح الزراعة ... اولاد الهندسة يزفوا الدكاترة للبصات " الي البصات يا دايات" ... لكن ناس الطب ما بيزعلوا لانهم واثقين من نفسهم ... عِلا نحن كنا بالحيل نتحرق ... بعد ما يودعوا الدايات يرجعوا فوقنا تاني : "كوم تراب ولا آداب".. المهم اولاد الهندسة وقفوا في الجنكشن يتلفتوا برعب ... في شنوا يا جماعة؟. واحد قالي لي: الجنوبيين نشروا البيان في جريدتهم والكيزان قطعوا الجريدة واحتلوا النشاط ... قاموا الجنوبيين اتسلحوا واحتلوا الميدان الغربي ... الجامعة ولعت يا زول .... ........... تحية يا ابو جعفر و سلام عليك .. بوست ممتع و مهم جدا ... ليّ سنين ابحث عن أحداث ذلك الزمان و خاصة بيان عماد (رحمه الله) ... ذلك البيان العجيب ... قرأته مرة واحدة و من يومها لم تقع عيني عليه .. دحين يا اخوي بننتظر و نتابع حلقات زول شلعوها البشاقرة حتى يظهر البيان ، و إذا لم يكن البيان من ضمن الحلقات ارجوك مدنا به حتى و لو في الخاص و لك الشكر و التقدير ... زين العابدين حسن مشاهدة ملفه الشخصي إرسال رسالة خاصة إلى زين العابدين حسن البحث عن المشاركات التي كتبها زين العابدين حسن 02-09-2020, 04:09 PM #[7] imported_أبو جعفر :: كــاتب نشــط:: اقتباس: المشاركة الأصلية كتبت بواسطة زين العابدين حسن تحية يا ابو جعفر و سلام عليك .. بوست ممتع و مهم جدا ... ليّ سنين ابحث عن أحداث ذلك الزمان و خاصة بيان عماد (رحمه الله) ... ذلك البيان العجيب ... قرأته مرة واحدة و من يومها لم تقع عيني عليه .. دحين يا اخوي بننتظر و نتابع حلقات زول شلعوها البشاقرة حتى يظهر البيان ، و إذا لم يكن البيان من ضمن الحلقات ارجوك مدنا به حتى و لو في الخاص و لك الشكر و التقدير ... وعليكم السلام زين العابدين في الحقيقة وقتها طلبنا البيان من د. عماد عليه الرحمة ولكنه أعتذر بأنه خرج من السودان خلسة أيام الأنقاذ في جدتها وحدتها ... ولذلك لم يحمل معه البيان ... وطلب منا الأتصال بعمر الدقير رئيس حزب المؤتمر السوداني الآن ولكن لم يتصل به أحد. التوقيع: أحشفاً وسوء كيلة imported_أبو جعفر مشاهدة ملفه الشخصي إرسال رسالة خاصة إلى imported_أبو جعفر البحث عن المشاركات التي كتبها imported_أبو جعفر 02-09-2020, 04:22 PM #[8] imported_أبو جعفر :: كــاتب نشــط:: ((( 3 ))) يا هووووووووووووووووووو عماد بابكر بقي قرداتي معليش اخدت لي يومين راحة ... اصلي لمن اتذكر اليوم داك بتجيني خمة نفس وشحتفت روح وتاكلني الكاروشة .... كان يوما ما يا هوووووووووو قعدت فوق الظلط اشوف في الوريقات الكانن بيوض .. بقن فيهن كتابة ..... عيوني ما ساعدتني اقرا المكتوب شنوا لكن حسيت اني شربت مقلب ما يا هووووو الجماعة عملوا حلقة كبيرة حولي وانا مفرجخ في الواطة .... شيخهم قالي: مكتوب فيهوا شنوا الورق ده؟. قلت ليهوا يمين بالله ما شايف ... قال لي هاك امسكه ... اقرا الكتابة .... مسكتوا في يدي اليمين وغطيت الكتابة بي شمالي ... قلت اقراها سطرا سطر ما تجيني سكتت قلب ... العنوان الكبير يمين بالله يقطع النفس .... انا ما كنت قايل الشي ده مرعب كدي. في وسط الصفحة من فوق مكتوب: الاتجاه العلماني عبر السنين الداء والدواء شكل الكتابة تحت العنوان تقول كاتبها ساحر ... كل كلمة في مربع وكل كلمة قدامها مربع فوقه رقم .... منظر يزغلغل العيون: حصاد ثماني سنوات عجاف في الطريق الي الجحيم سنوات ما بعد المصالحة الوطنية من عمر الجماعة الاسلامية 1977-87-79-80-81-82-83-84 لحدي هنا وقلبي مكضب الشينة ... غطيت الاسم بشمالي ورفعت يميني لي فوق وقلت يا مالك الملك والملكوت, يا من طلعت يونس من بطن الحوت, اسم الكاتب ده ما يكون ياهوووووووووووووووووو رفعت ايدي من فوق الكتابة وشفت اللسم: بقلم: الطالب عماد محمد بابكر حسن الصف الربع كلية الطب جامعة الخرطوم ...... البيان وقع من يدي وصرخت: الكترآآآآآآآآآآآآآآآآآآآآآآآآآبة!. امانة ما راح فيها راجل. غطيت راسي بيدي وسكت ... اشهدت وانتظرت ... كلها سيخة سيختين ونتقابل في اللاخرة.... مسكني من راسي وقلاني قال لي: برضك بتاع نسوان؟. يا مولانا يمين بالله ماني عارف نفسي مقنطر فوق بيان الشوووم قال لي نتفاهم ..... انت باين عليك في موقع استراتيجي في الجنكشن ... ورينا باقي الشبكة؟ شبكة شنوا يا مولانا؟. التوزيع بيتم كيف والبمولك منوا؟. يا مولانا يمين بالله انا مهموم يومي كله نوم ولمن اصحي اجي الجنكشن اخلط بنات العلوم!. النصيبة ده مقلب.. قال لي شوف ... ما عندنا وقت نضيعه ... ادينا الكرتونة ولا الكيس؟. مولانا يمين بالله ما عندي غير الحقة. مولانا اتبسم وقال لي: لو بيريحيك نسميها حقة, ماشي ورينا الحقة ... امكن ناخد لينا سفة!. وسمعت ضحكات من كل مكان ... دورت راسي لقيت نفسي محاصر حصارا ما يمرقني منه الا رب العالمين ......... حتي كتيبة الرماة الكانت معسكرة فوق منتدي الفلاسفة فوق الآداب نزلت ... قالوا يشاركوا في جمع الغنائم.... كتيبة الرماة دي اصلا كانت مكلفة بضرب النار ... عندهم ملتوف ومكلفين بمواجهة الجنوبيين والانصار ... لكن باين كلهم صدقوا ان الشبكة وقعت ونزلوا ياخدوا نصيبهم من الغنائم.......... الجماعة ضكحوا لمن شيخهم قال ممكن ناخد لينا سفة .... لكن قلت اطمئن: بتسف يا مولانا؟. لو ما بنسف مصيرنا نتعلم السف ... بس انت ادينا الحقة!. ضححححكت ..... قلت افرق همي شوية .... ضحكت فوق الجكسوية القالت لي انت باين عليك رح تنضرب ... صدقت الملعونة ... اتخلصت من بيان الشوم وشربتني المقلب.. ضحكت فوق جنون الهندسة القالوا لي: البيان ده قالوا فيه شيطان والجامعة كلها في خطر ... قالوا ينزل زي المطر وممكن تلاقيه في جيبك من غير ما تشعر.... وانا التاريني فوقه مقنطر .... كل الجماعة قالوا جاهزين يسفوا ... لكن شوية خجلت من امهمات الامونين في كتيبة الخنساء ... هن شايلات جنازير وسيخ لكن برضهن بنوت ... عشان كده قلت احسن آخد رايهن. واللخوات في كتيبة الخنساء يا مولانا بيسفن؟. قال اسالن بتسفن يا اللخوات؟. ردن علي بصوتا واحد تقول حناجرن مبرمجة في اليابان: نحن مع رجالنا ... اليوم اليتعلموا السف ... كلنا نسف!. اتوكلت علي الله ودخلت ايدي في بنطلوني ... اطلع الحقة. قال لي بزعل: بتعمل في شنوا؟. ... قلت ليه اطلع الحقة من جيب السروال يا مولانا؟ حقة شنوا يا محتال؟. نحن عاوزين كيس البيانات.! قلت ليهوا يا مولانا يمين بالله انا بتكلم عن حقة التمباك. قال لي انت قلت لي اصلك من وين؟. من شلعوها اليشاقرة يا مولانا. باين ما شلعوها كويس.....................شلعوه! باقي القصة الا يحكيها شاهد عيان من الكيزان .... البقي في ذاكرتي بعد الجنزير الاول فوق راسي اصوات طشاش ... زي الانصار كانوا اتقدموا شوية لا قدام لمن كتيبة اليرموك حاصرت مركز التوزيع ... شيخهم بقول للرماة يرجعوا مواقعهم والانصار يهتفوا دمك الطاهر لن يجف ... الجنزير التاني ما صحيت منه علا ولابس سروالي بس معلق فوق ضهر حصان .... بهضرب ... يمين بالله يا مولانا جابني النسوان مو البيان.... . الانصاري قال لي يا زول استغفر ... قلعناك منهم قلع ... ساكن في داخلية شنوا ..... تاني غبيت لكن باقي لي كلمتهم بالداخلية لاني صحيت يوم الاحد سبعتاشر فبراير نص النهار.. صحاني فراش ... هز السرير بالحيل ... يا زول النايم ليها شنوا ..... انت ما سمعت الخبر؟. فتحت عيني ... خبر شنوا؟ قال لي خبر البيان؟ تانيييييييييييي؟. يمين بالله يا مولانا انا جابني النسوان مو البيان!. قال لي يا زول تشدع شوية ..... عمر بليل طلع بيان! الكترآآآآآآآآآآآآآآآآآآآبة! نعل ما انشق برضه؟. يا زول انت جنيت ولا شنوا ... عمر بليل مدير الجامعة وزع بيان رفع الحصانة عن الجامعة ابتداء من الساعة تلاتة والدبابات واقفة بره ... فاضلين ساعتين قوم لملم هديماتك واتخارج!. لقيت نفسي فوق سريري .... مكرضم وملكمس ومكعوج لكن حمدا ليك يا ربي ما زلت عايش .... مافيني عضما مكسور..... لميت هديماتي في كيس والكتب في قفة واتخارجت ... جري علي البصات ........................... الي شلعوها البشاقرة. البيان نفسه ما قريته علا لمن سيد احمد خليفة نشره بعد سنتين في جريدة الوطن .... احكي باقي الاحداث للجيل الجديد المرة الجاية... لكن ... خصمتكم بالله يا جماعة .... بنوت كتيببة الخنساء ما قالن حكم؟ قالن لي بصوتا واحد ... تقول مبرمجات: نحن مع رجالنا ... اليوم اليتعلموا السف ... كلنا نسف!. دحين بعد اتنين وعشرين سنة ... وصوتن لسه بيرن في اضاني ..... رجالهن اتعلموا السف .... هن بقن يسفن برضوا ولا ما بسفن؟. نصوت؟ البقول اتعلمن السف يرفع اصبع واحد كفاية. التوقيع: أحشفاً وسوء كيلة imported_أبو جعفر مشاهدة ملفه الشخصي إرسال رسالة خاصة إلى imported_أبو جعفر البحث عن المشاركات التي كتبها imported_أبو جعفر 03-09-2020, 09:36 AM #[9] imported_أبو جعفر :: كــاتب نشــط:: ((( 4 ))) يا هوووووووووووووو عماد بابكر بقي قرداتي وصلت البلد بقدرة قادر ... الخلعة ما طارت مني اسابيع طويلة ... كل ما تجي سيرة جامعة الخرطوم القفلها واحدا انشق, تجيني الكاروشة وخمة النفس, واشوف كتيبة اليرموك فوق الحيطة ... الايام ديك نذرت لي رب العالمين متين ما يقدرني علي الحج احج شكرا علي السلامة... الخوفة ما فارقتني لامن ربك رب الخير عجل بالفرج و جاء يو 6 مارس الما بتنسي.... كان يوما معكنن ... الكتاحة رابطة لي رب السماء ... البلد مكركبة فوق موضوع الفلاشا ... الجامعات قفلن واحدة وراء التانية ... النقابات مظربنة وناوية علي الريس ... وابعاج اخوي اصلوا ما اتعلم ما يتهوج, لامن ودر نفسه في داهية ... يا حليلك يا ابعاج اخوي... الارسال التلفزيوني والاذاعي فجاة انقطع, وبدت المارشات العسكرية ... قلنا انقلاب شنوا في العصرية كمان ... شويتين وظهر اب عاج يعلن في خطابا طويل مليان زعل وشعور بالخيانة ... اعلن انه اكتشف شبكة كبيرة للمتآمرين باسم الدين ... السيطروا علي البنوك والاقتصاد وتقلقلوا في الاتحاد الاشتراكي الميمون ... الاندسوا وسط الجياشة وبدو يخططوا لانقلاب ... ابعاج حكي قصةً طويلة بالحيل وفي نهايتها شعلهم تب .... عزل الترابي والكيزان جت من كل مناصبهم ... رماهم في السجن بجرة قلم..... يسعلني الله الايام ديك تشابه علي البقر ... كلام ابعاج كتير منه كان كلام عماد في البيان الما قريته, لكن سمعته بيهوا من القروهوا ... يكون الجني ده طابورا خامس للحكومة مهد لابعاج فرصة يشلعهم؟. ما كان في طريقتن نعرف بيها الاجابة, لكن النصيحة لله كبسة البيان قفلت الجامعة يوم الاحد 17 فبراير وابعاج شلعهم يوم ستة مارس ... باقيلكم كلها صدفة؟. ماني عارف ليوم الليلة... علا الامور ما هدت علي كدي ... يوم وراء يوم والبلد زايدة كركبة ... ابعاج اتعرض لمضايقات كتيرة بالحيل في سنينوا الاخيرة لكن الجماعة اياهم كانوا عصاتوا البيهش بيها علي غنمه ... كانوا ضراعوا اليمين, وبالحيل كانوا ساندنوا فوق الكرسي الكان بجقلب فيهو ... علا باين ما حسب حساباتوا صح لمن شلعهم ... كل البلد كانت مصاقراهو, علا الكيزان ... ببيانه داك كسر كرعين كرسيه بيده, وكلها اربعة اسابيع والجيش استلم السلطة بعد الانتفاضة طلعت علينا حواء الطقطاقة الله يطراها بالخير: يا حليلك يا ابعاج اخوي لكن ما قليت الادب ... قال بثينة دي مرت نجار؟. صعب صعب سوار الدهب.... اها انا بالحيل اتلخبطت ... اول قلت الجنى ده كان طابورا خامس للنميري, لانوا العملة العملا ديك كانت بالحيل كبيرة علي راجلا واحد ... سرها لليلة ما انكشف وما سمعنا تب بزولا تاني كان مع عماد لا في الكتابة ولا في التخطيط ولا في توزيع البيان الكان ينزل زي المطر ... والجامعة كلها انضربت علا هو, مرق منها زي الشعرة من العجين.. لكن لمن نميري نفسه شرب المقلب بعد ما شلع الجماعة, نظريتي اتلخبطت تاني ... انا بقيت ماني قادر افهم الحصل شنوا ... ولليلة ماني فاهم.. البيان نفسه يمين بلله ما قريته علا لمن سيد احمد خليفة نشره في جريدة الوطن زمن الصادق المهدي ... وحتي في داك الحين كنت لسه مرعوب ... خمشت لي نسخة من بتاع جرايد ولفيت بيها سندوشت فول من ابو العباس, قلت الجماعة ما يكونوا لسه ناوين علي شر.... قريت البيان ... مرة ومرتين ... وتلاتة ... ويسعلني الله قلبي ابدا ما شال غبينة في حق الجني ده ... كلامه بالحيل كان يحير ... جابوا من وين ما تعرف ... فصاحة وتحليل ما ياهووووووا ... وكتبوا كيفن في زمناً ما كان فيه لا كمبيوتر ولا مطابع ولا تصويرل ... وزعو كيفن من غير الجماعة ما يصادروا منه؟. اسئلة كتيرة ما زالت محيراني لليلة ... لكن بالحيل انبسطت منه ... الرجالة دي نحن في عضمها بندورها... كل زولا في حياته في تجاربا ما بنساها ... ودي واحدة من تجاربي الما بتتنسي ... لكن الزمن احيانا بينسي, حتي لو الذكريات بقت في موخرة الذاكرة .... كبرنا ووليداتنا كبروا ... ما ظنيت ابدا اعيش لليوم الاشوف فيه الدكتور عماد يطلع تاني ... بعد اتنين وعشرين سنة من صمت القبور ... لا سياسة ولا لقاء صحفي ولا مشاركة في شيتن كان الواحد يظنوا يشارك فيه بعد الفصاحة والرجالة ديك كلها... صمتا نسانا الما بتنسي ... لكن فجاة يطلع علينا من بريطانيا ويقول داروين مات مسلم وان اصل الانسان قرد!. يا جماعة هووووووي ..... الكلام دا ماهو هين والكاتبو ماهو هين ........ انا قلبت الصفحات المعروضة دي فوق تحت الاسابيع الفاتت وبصراحة كلاما حيرني ... عندي فوقو قولا كتير, بالذات فوق موضوع الحج ده وفوق موضوع اذان الانعام ... اصلي ربنا حقق لي النذر ليهو الحمد وحجيت ... لكن رجعت من الحج باسلتن كتيرة ... ابدا ما توقعت يجاوبني عليها زولي الما يغبي علي.... .ماني داير اسبق الأحداث لكن بس حبيت احكي جزء من تاريخ جامعتنا الحبيبة لمن كانت جامعة ... الحين الجماعة شلعوها تب... علا قولوا لي يا جماعة ... كل شاردة وواردة في تاريخ السودان مسجلة واتعمل فيها تحقيق وتحليل علا احداث فبراير خمسة وتمانين ... باقي لي ده موضوع بهمنا بالحيل بالزات بعد السنين دي كلها, وبعد ما الراجل ده طلع تاني في مواجهتن شكلها ما ياها..... ماني داير افتح باب التصويت فوق مطالبة سيدا احمد خليفة يلم في الجني ده ويعمل لينا معاهوا تحقيقا صحفي يجاوب لينا علي اسئلتن كتيرة ما انجاوب عليها طيلة السنين دي... انا ماني في السودان ... لكن رجاء خاص للفي السودان يوصلوا رجائي وطلبي لي سيد احمد خليفة.... وما تنسوا تكلموهو ... وتكلمو عمر الدقير الكان رئيس اتحاد طلاب جامعة الخرطوم وكتها... عماد بابكر بقي قرداتي.... ودعتكم الله لكن برجع تاني ان شاء الله انا المهموم ... اليومي كله نوم ولمن اصحي اخلط بنات العلوم... التوقيع: أحشفاً وسوء كيلة imported_أبو جعفر مشاهدة ملفه الشخصي إرسال رسالة خاصة إلى imported_أبو جعفر البحث عن المشاركات التي كتبها imported_أبو جعفر 03-09-2020, 10:26 AM #[10] elmhasi :: كــاتب نشــط:: سلام ابوجعفر قصة كاملة الجيوش .. خاصة جيوش ’’الخيزان‘‘ اقصد الكيزان .. مع زين العابدين بفتش علي البيان .. حتي عنوانه أو تاريخ اعادة نشره في جريدة الوطن حتي يسهل علينا البحث ... مرسل : كتاب آذان الانعام .. تحميل كتاب : آذان الأنعام - دراسة قرآنية علمية لنظرية داروين في الخلق والتطور تأليف : د. عماد محمد بابكر حسن - م. علاء الدين محمد بابكر حسن تصنيف الكتاب :القرآن الكريم وتفاسيره رابط تحميل الكتاب التوقيع: اقتباس: متعتي في الحياة أن أقول الحقيقة جورج برنارد شو elmhasi مشاهدة ملفه الشخصي إرسال رسالة خاصة إلى elmhasi البحث عن المشاركات التي كتبها elmhasi 03-09-2020, 11:37 AM #[11] imported_أبو جعفر :: كــاتب نشــط:: اقتباس: المشاركة الأصلية كتبت بواسطة elmhasi سلام ابوجعفر قصة كاملة الجيوش .. خاصة جيوش ’’الخيزان‘‘ اقصد الكيزان .. مع زين العابدين بفتش علي البيان .. حتي عنوانه أو تاريخ اعادة نشره في جريدة الوطن حتي يسهل علينا البحث ... [/CENTER][/B] وعليكم السلام المحسي ... وحقيقي أنت زول ما ساهل في دنيا الثقافة وأستفدنا منك كتير ربنا يحفظك ويغطي عليك. بحسب الحكاية الحكاها ود الكباشي (المهموم) ... البيان أتنشر في صحيفة الوطن ... زمان الصادق المهدي سنة 1987م ... وأحتمال العدد يتلقي في دار الوثائق ... وحقيقي أنا كنت مهتم جداً بالبيان لأنه يعتبر من الأرث السياسي لجامعة الخرطوم ... وكان يمثل إشارة جيدة لقيادة الكيزان لإصلاح حال عضويتهم ... فقد تسبب المال السائب في زمان الحركة في تطبيع عضويتها - إلا من رحم ربك - على أستسهال مال الدولة في زمان الإنقاذ وهو شيء خطير جداً وعواقبه وخيمة هي ما نعيشه اليوم ... وقد كتب صهيب حامد في جريدة ألوان عن هذه الظاهرة أي أنتقال الفساد من الحزب إلى الدولة عام 2007م وسوف أنشر مقاله في المداخلة القادمة إن شاء الله تعالى. التوقيع: أحشفاً وسوء كيلة imported_أبو جعفر مشاهدة ملفه الشخصي إرسال رسالة خاصة إلى imported_أبو جعفر البحث عن المشاركات التي كتبها imported_أبو جعفر 03-09-2020, 11:41 AM #[12] imported_أبو جعفر :: كــاتب نشــط:: أقوى نقد لمجتمع مشروع الإنقاذ الحضاري البرجوازية الإسلامية المستحدثة في السودان إلى أين: يكذب من يقول بأن خياراته خير من خيارات الشعب السياسية، وذلك لأن وجهة نظر الشعوب تكون دائماً مبنية على حسابات واقعية معاشة، ولا تميل إلى اللعب على وتر العواطف السياسية الكاذبة التي يجيدها خبثاء السياسة ولصوص الأوطان. وكان معلوم لدينا أن لصوص السلطة وهم خارجها يمثلون مفرزة للتبشيع بالغير وتضخيم أخطاء المنافسين، ثم اكتشفنا بعد وصولهم للسلطة بشقيهم اليساري والإسلاموي بأنهم يمثلون أيضاً مفرزة لإنتاج المشاكل والأزمات بسبب عدم تمتعهم بالموهبة والخبرة السياسية، وعدم التزامهم بالمبادئ والشعارات التي يطرحونها. وهذا ما أكده الأستاذ صهيب حامد في مقاله الرائع بصحيفة ألوان 2/5/2007م عن البرجوازية الإسلامية التي ضخمتها حكومة الإنقاذ حيث كتب مقالاً عنها قال فيه: ".. إن تاريخ هذه الكتلة الاجتماعية التي أسميناها بالبرجوازية الإسلامية يؤشر إلى انحدارها من أوساط اجتماعية فقيرة ومهمشة، ولكن فيما يبدوا أن مقدار الطموح في المشروع السياسي للحركة الإسلامية قد غذي مشاعر هذه الفئات وهي اليوم بعد تاريخ طويل من الممارسة الطموحة تقف على رأس الحراك الاجتماعي لأهل السودان. عموماً وقبل الاسترسال علينا ملاحظة نقطة مهمة سوف تعيننا في فهم بعض الأشياء إلى الأمام، وهي أن الاستثمارات التي اجتذبها الإسلاميون من الخليج وغيره لتمويل النشاط التطوعي للحركة ومشاريعهم الاجتماعية، كان مالاً سهلاً مما نمى المواهب الطفيلية لدى بعض فئات الإسلاميين الذين اعتادوا على الكسب السهل، وهو الأمر الذي قاد هذه الفئات فيما بعد الإنقاذ للاقتيات من ضعف السياسات والقوانين التي وضعت خصيصاً لتسهيل هذه المسالك. إن تحليل مؤشرات الترتيب الاجتماعي الجديد في السودان إبان العقد الأخير، سوف يضع يدنا على الحقائق الأساسية. فمثلاً لو قمنا بجرد للقاطنين الجدد بأحزمة الرفاهية القديمة المتمثلة في العمارات والرياض والطائف والفردوس والمعمورة والمهندسين والمغتربين والصافية والمنشية وغيرها، لوجدنا أن البرجوازية الإسلامية تمثل الأغلبية العظمى من القاطنين هناك، أما في أحزمة الرفاهية الجديدة المتمثلة في كافوري وغاردن سيتي ومخططات السكن الجديدة لوجدنا أن هذه الأخيرة قد أنشأتها أصلاً هذه البرجوازية. عليه فالنهضة العمرانية التي يشهدها السودان اليوم لا تشكل مؤشراً حقيقياً للنمو، بقدر ما أنها تمثل مؤشراً لنمو هذه البرجوازية التي عزلت نفسها في هذه الأحزمة!. أما مراكز السيطرة الأساسية لهذه البرجوازية في الاقتصاد السوداني فتتمثل في مجالات الاتصالات والبترول وقطاع التمويل عموماً بما في ذلك المصارف خصوصاً بعد دخول الكثير من مؤسسات التمويل الخليجية والعالمية في هذا المجال، وهناك قطاع التوكيلات العالمية وغيرها سواء على مستوى السلع أو الخدمات. إن مثالاً بسيطاً سوف يمنحنا أبلغ مثال على مبلغ الضرر الذي تحدثه هذه البرجوازية في الاقتصاد السوداني. لو تذكرون ذلك القرار الذي صدر من وزارة المالية وفتح مجال الاستيراد أمام معدات النقل الثقيلة فدخل قدر مهول من هذه المعدات تحت بصر وزير المالية وامتلأ السوق بها، وإذا بأصحاب هذه المعدات يكتشفون أنهم قد غرر بهم وهم يعلمون للتو أن سوق النقل في السودان تسيطر عليه ما لا يزيد عن عشرة شركات يكاد كل سوداني يحفظ أسمائها عن ظهر قلب!!. وبذا أكتشف أصحاب هذه المعدات أنهم سوف لن يخدموا سوى كمقاول فرعي لهذه الشركات المدللة بعد أن يرسوا عليها العطاء، وبذا صار كارتل المقاولات هذا يحدد الأسعار كيفما اتفق، فانهار سوق مقاولات النقل بالسودان دون أن يلتفت مسئول واحد لهذه الظاهرة!!. بل لقد وصل سعر بعض هذه المعدات في السوق إلى 10% من القيمة التي استوردت بها!. ويعجب خريج اقتصاد مثلي لمخططي سياستنا الاقتصادية وهم يدعون جهلهم بمآلآت القرارات التي يصدرونها!!. إن الأخطر من ذلك هو انهيار سوق العمل بالسودان وازدياد معدلات البطالة بعد أن قرر مخططينا الاقتصاديون استمرار سياسة الاحتكار هذه، وبذا انهارت آلاف الشركات العاملة في مختلف المجالات فوجد عشرات الآلاف من الموظفين والعمال أنفسهم في الشارع. إن الإشكالية الكبرى التي تمثلها هذه البرجوازية على المشروع السياسي للإنقاذ هي إنها قد طورت علاقات مصالح كبرى مع مراكز الاستثمار والمال العالمي سواء بالغرب أو جنوب شرق آسيا، وصار ارتباطها بهذه المراكز أكبر من ارتباطها بالمشروع السياسي الذي أنجبها مما يعطي الأولوية لخدمة هذه العلاقة الجديدة أكثر من أي شيء آخر. علماً بأن وجود فئات اجتماعية مؤثرة ومتنفذة تتسنم صهوة المشروع السياسي وتنظر إلى أهمية ذواتها وكأنها أهم من هذا المشروع سوف يؤدي بنا في نهاية المطاف إلى فصل مستقبل ومصير هذه الطبقة عن مصير المشروع السياسي الوطني. كما إن الوضع التراكمي لرؤوس أموال هذه الفئات مقابل ضيق أوعية الاستثمار المحلي، سوف يجعلها تفكر في إعادة تدوير هذه الأموال في مكان آخر من العالم تماماً كما يحدث في الخليج من تراكم رؤوس الأموال الوطنية في الترسانات العالمية مساهمة في تحريك اقتصاديات أخرى مقابل عوائد أكبر. إن الأمر الأخير هو ما يفسر لنا التسرب المريع للعملة الحرة خارج السودان في الفترة الأخيرة وهي مسألة ظل يشتكي منها الكثير من المسئولين الماليين بالدولة!. إن الهوية الجديدة للبرجوازية الإسلامية لا تعرف الارتباط القديم بالأيدلوجية الإصلاحية للإخوان المسلمين. فما حدث لهذه الهوية من تطور على يد التجربة السودانية منذ 1964م ومن ثم ما أنجبه المشروع السياسي للإنقاذ كان كبيراً بحيث صار العامل الذي يشكل هذه الهوية هو مركب مصالح وارتباطات متعارضة بشدة مع الأيدلوجية القديمة.. والتي كانت كافلاً لهذه البرجوازية للوصول لهذه النقطة. إن هذه الهوية الجديدة للبرجوازية الإسلامية سوف تعتمد على وجود أكبر قدر من نقاط الارتباط بالمجتمع الدولي ومراكز المال العالمي التي تطالب دوماً بتهدئة نقاط التوتر بين المركز العالمي والمركز المحلي سواء كان المركز العالمي ممثلاً بنقطة ما في الغرب أو نقطة أخرى تقع شرقاً. وهو الأمر الذي سيحول المشروع السياسي للإنقاذ في نهاية المطاف إلى حالة أكثر سوءاً من الحالة المدجنة بالخليج!!"؛ انتهى المقال. وهنا لي تعليق صغير أقول فيه: إن من المعلوم في عالم السياسة أنه لا يصح إلا الصحيح، وهذه القاعدة صدقت مع الحركة الإسلامية، فحسن البنا حاول الاعتماد على فرقة مسلحة يستند عليها لتنفيذ خطه ألجهادي، ولكن أفلتت السيطرة من يده وتسببت فرقته المسلحة هذه في قتله. وخلفه حسن الهضيبي الذي تحالف مع العسكر فأُكل يوم أكل ثور الديمقراطية الأبيض، أما حسن الترابي فقد اعتمد على قوة المال والعسكر معاً فإنقلب عليه العسكر وتحالف معهم المال الذي تمدد إلى فضاءات أوسع تسببت في تدجين الدولة ككل كما أوضح الأستاذ صهيب حامد في مقاله. وهكذا تأكد فيهم قول الله سبحانه وتعالى في سورة العلق الآيات 6،7: {إن الإنسان ليطغى أن رآه استغنى}، فبعد أن صعد العسكر ورأس المال على أكتاف الحركة طغوا عليها وقلبوا لها ظهر المجن. فهل من مخرج من هذه المصائب التي أضرت بالحركة الإسلامية وأضرت بنا؟.. وهنا نقول إن على الحركة الإسلامية بشقيها الثوري والسلفي أن توقف حربها الضروس لله ورسوله وأن تعود في ممارساتها السياسية إلى ما فرضه الله سبحانه وتعالى في شأن الأمر [الإمارة والحكم] في الإسلام، قال تعالى في الآية 38 من سورة الشورى: {وأمرهم شورى بينهم} وتعني أن إمارة المسلمين شورى بينهم. أي أن شؤون السلطة والحكم في الإسلام مقيدة بشورى المسلمين لا بالتكوينات المسلحة ولا بالتحالفات مع العسكر ولا بالتمكين الماليس، فهذه كلها فشلت كما هو ثابت من تجارب الحركة الماثلة أمامنا. عليه فلا سبيل للنجاح في أي عمل إسلامي إلا بالعمل بما فرضه الله سبحانه وتعالى من الشورى وإفشاء الحرية السياسية وإقرار التعددية السياسية، لأن القوة الحقيقية في عالم السياسة تكمن في وحدة الأمة ووحدة مرجعيتها وقد جعلها الإسلام لقرارها. وأخيراً نُذكر السادرين في غيهم بقول الله سبحانه وتعالى في الآية 30 من سورة الأنفال : {ويمكرون ويمكر الله والله خير الماكرين}؛ ودمتم. التوقيع: أحشفاً وسوء كيلة imported_أبو جعفر مشاهدة ملفه الشخصي إرسال رسالة خاصة إلى imported_أبو جعفر البحث عن المشاركات التي كتبها imported_أبو جعفر 03-09-2020, 02:10 PM #[13] زين العابدين حسن :: كــاتب نشــط:: تحية ابو جعفر .. كتبت مداخلة و ضاعت بسبب سوء تقديري ... شكرا لك على هذا البوست الشيق و لا زلت ابحث مع المحسي عن بيان عماد الغريب الفريد ... ارجو من الجميع ان يساعدونا في البحث عنه ...اكرر شكري و تقديري . زين العابدين حسن مشاهدة ملفه الشخصي إرسال رسالة خاصة إلى زين العابدين حسن البحث عن المشاركات التي كتبها زين العابدين حسن 03-09-2020, 06:21 PM #[14] elmhasi :: كــاتب نشــط:: باحث: نظرية التطور موجودة في الإسلام، وداروين كان صادقا هسبريس - إسماعيل عزام 16-مارس-2013م كثيرا ما كانت مهنة الطب مرادفا للإبداع الأدبي والأكاديمي ، فكثير من الأطباء والطبيبات زاوجوا بين تطبيب الناس والكتابة إليهم ، كأنهم يداوونهم بالعلاج تارة ، وبسحر الكلمات تارة أخرى ، فلم يكن عجيبا أن تنتج المهنة البيضاء – نسبة إلى ستراتهم - نوال السعداوي ، علاء الأسواني ، مليكة مقدم ، سعد الدين العثماني ، وآخرين .. البقية علي الرابط - كلام كتير https://www.youtube.com/watch?v=g5HJAlLdBzM اقتباس: بسم الله الرحمن الرحيم تعليق الإمام الصادق المهدي على كتاب (آذان الأنعام) بقلم د. عماد محمد بابكر حسن ومهندس علاء الدين عماد محمد بابكر حسن 30 ديسمبر 2013م طلب مني أن أشارك في تقديم هذا الكتاب وأقول عنه : إنه كتاب ممتع ومثير، ومقوض لعقائد موروثة ، ومدغدغ للخيال ، وهو مرافعة قوية لعقيدة التوحيد لله ، والنبوة ، وألوهية التنزيل . كثير من الفلاسفة ، والمفكرين ، وعلماء الطبيعة انطلقوا من معارفهم لينسفوا الإيمان بالله ولينسبوا نصوص الوحي لمصادر بشرية ، ومنذ عالم الفلك جاليليو في حقائق الأجرام السماوية ، ثم شارلس داروين في قصة تكوين الموجودات الحية ، بدا كأن العلم قد نسف الدين ، وبدا كأن مقولة أوغست كومت أن الإنسان قد فسر الغيب بالسحر، ثم ارتقى إلى مرحلة الدين ثم تجاوزها إلى مرحلة العلم هي المقولة الصحيحة حول الحالة الإنسانية. هذا التجاوز للدين دعم الفهم المنكفئ للدين الذي أسقط العقل وأسقط الحرية وعزز مقولة أبي العلاء المعري: اثنان أهل الأرض ذو عقل بلا دين وصاحب ملة لا عقل له وقوله: أيها الغرّ إنْ خُصِصْتَ بعقلٍ فاتّبعْهُ فكلّ عقلٍ نبي ولكن في وجه هذا التخلي عن الدين تفلسف المعتزلة لتقويض التفاسير التقليدية للدين وإعلاء شأن العقل. بل ساهم علماء كثيرون في التوفيق بين حقائق الوحي ومعارف الإنسان أمثال ابن رشد وكتابه: "فصل المقال فيما بين الحكمة والشريعة من الاتصال"، وابن طفيل وكتابه "حي بن يقظان". وفي الفكر الأوربي الحديث يقف رجل الدين المسيحي بيير تلهارد دي شاردان علماً قوي الحجة في قبول نشوء الدارونية والإيمان بالله، يشهد على ذلك كتابه: "الظاهرة الإنسانية". إلى جانب هذا التوفيق بين العلم والدين تواصلت حجة الداعين للتفرقة بين الكسب الإنساني والدين في تراثنا الفكري والثقافي الحديث كما في تركيا الكمالية، وكتاب "مستقبل الثقافة في مصر" لطه حسين، وكتابات زكي نجيب محمود، وأخيراً كتاب "أولاد حارتنا" لنجيب محفوظ الذي تبني فكرة كومت بالكامل، ومحمد شحرور وأمثاله الذين جعلوا عقائد الغيب خيالات بشرية. كتاب آدان الأنعام لطمة في وجه هؤلاء، ويقدم مرافعة قوية للتوفيق بين العقل والعلم والدين. كتاب يدعم حجة قدمتها في كتابي الأخير: "أيها الجيل" الذي استعرضت فيه حقائق العلم الفلكي والبيولوجي الحديث وحقائق الوحي وقلت إن العلم الصحيح يقود للدين، وأن الدين الصحيح يقود للعلم؛ وقلت إن حقائق الوحي حق عبر عنه القرآن: (وَبِالْحَقِّ أَنزَلْنَاهُ وَبِالْحَقِّ نَزَلَ)[1]، وقلت إن الكون هو كتاب الله المنظور، وإنه كذلك يقوم على حق: (وَمَا خَلَقْنَا السَّمَاوَاتِ وَالأَرْضَ وَمَا بَيْنَهُمَا إِلاَّ بِالْحَقِّ)[2]، وقلت لا تناقض يبن حقائق التنزيل وحقائق الكون. إنني أهنئ الكاتبين على ما قدما من مرافعة توفيقية بين حقائق الوحي وحقائق العلم. لدى استعراضي لما ورد في الكتاب هنالك عدد من النقاط أؤيدها أهمها عشر نقاط هي: 1. التوفيق بين قصة الخلق وتطور الحياة من أصول جمادية. 2. نسبة كثير من العقائد الموروثة في تراثنا للإسرائيليات والدعوة للتخلص منها لأنها لا تطابق النصوص القرآنية الصحيحة، كما ثمة مسيحيات دبت في تراثنا مقارنة لسيرة النبي محمد صلى الله عليه وسلم بسيرة عيسى عليه السلام، مع اختلاف مهم لا يجوز تخطيه هو أن عيسى عليه السلام آية في مولده وسيرته، بينما النبي محمد صلى الله عليه وسلم بشر كامل البشرية، (قُلْ إِنَّمَا أَنَا بَشَرٌ مِّثْلُكُمْ يُوحَى إِلَيَّ)[3]. 3. مقولة إن الوحي القرآني يشتمل على وحي داخل الوحي ما يجعل كثيراً من حقائقه متطلبة لاجتهاد متجدد لفهمها على ضوء تطور المعرفة الإنسانية. 4. القراءة المتجددة لقصص الأنبياء بدءاً من آدم عليه السلام، إلى نوح عليه السلام: آدم الثاني، إلى إبراهيم عليه السلام وعقيدته المعتمدة على البرهان – الملة الحنفية- المقدمة اللازمة للرسالة المحمدية. 5. التفسير بمنطق الهدد للأسماء التي تعلمها آدم عليه السلام باعتبارها: استيعاب مقدمات الوجود، وقدرة على استيعاب مفهوم الزمان ومراحله، والأبعاد والأحجام والعلاقة السببية بين الأشياء. 6. تفسير استنكار الملائكة لما أراده الله باعتبار أن ثمة كائن بشري متوحش قبل القفزة الآدمية، وتفسير الخلافة لآدم عليه السلام على أساس ما حصل عليه من مواهب جديدة جعلته أهلاً للخلافة في الأرض. 7. التفاسير الرائعة لاختلافات في معاني العبارات مثل خلق وجعل، وإله ورب، وأتى وجاء، واستخدام معاني العبارات في فهم نصوص القرآن. 8. تفسير الكتاب لدور الملائكة كرسل لإنفاذ الإرادة الإلهية. 9. التفسير الجديد للعرش والكرسي على ضوء المعارف الحديثة. 10. محدودية نطاق الطوفان، ومحدودية عدد ركاب سفينة نوح. ولكنني أتحفظ على نقاط أوردها الكتاب أهمها: 1. نعم للأنعام خاصية يدعمها قوله تعالى: (وَذَلَّلْنَاهَا لَهُمْ)[4] ولا مانع من تشبيه حالتها من الغفلة بحالة البشر قبل الآدمية، ولكن هذا لا يسمح باعتبار الأنعام نازلة من السماء، بل هي تنتمي لفصائل حيوانية معروفة متوحشة ثم استأنسها الإنسان، فالبشر أنفسهم كانوا متوحشين قبل الآدمية، نفس الإرادة التي نقلت الإنسان من حال إلى حال يمكن أن تكون من نصيب الأنعام عندما استؤنست، هذا بلا حاجة لافتراض نزولها من مكان خارج الأرض. إن أية اتصالات بين الأرض والملأ الأعلى لا تكون إلا بوسائل روحية أي لا يمكن أن تكون حسية، الحلقة المفقودة في شأن تطور الكون مكونة من: ما هو أصل الوجود؟ كيف نشأت الحياة؟ كيف جاء الإنسان؟ ما هو مصير الكون؟ هذه مسائل غيبية لا مجال لمعارف استقرائية فيها بل كما قال تعالى: (مَا أَشْهَدتُّهُمْ خَلْقَ السَّمَاوَاتِ وَالأَرْضِ وَلا خَلْقَ أَنفُسِهِمْ)[5] كما أن الإنسان لم يستأنس الأنعام وحدها، بل استأنس الدواجن وغيرها من الحيوانات والطيور واستأنس حبوب القوت والخضروات، والفواكه...إلخ هذه كلها موجودات خلوية استأنسها الإنسان مثل الأنعام. 2. يمكن قبول أن الجنة المعنية في الأرض وأن الهبوط يمكن أن يكون من مكان مرتفع في الأرض ولكن الربط بعرفات واعتبار الحج تكراراً لسناريو الهبوط من الجنة وغير ذلك من التفاصيل التي وردت في الكتاب تخيلات بعيدة وهي تخيلات تجرد الدور الإبراهيمي من خصوصيته باعتباره هو أساس شعيرة الحج. أما المثابة فهي لا تعني العودة للمهبط الأول بل تعني العودة المتكررة للمكان كشعيرة دينية كلف بها الإنسان في عهد إبراهيم عليه السلام لا قبله. 3. تفسير الكلمات التي تلقاها آدم بالصفا والمروة باعتبارها حجارة منزلة لا مبرر له. كل مادة الكون متجانسة فالنجوم، والشهب والكواكب كلها من مواد واحدة من أصل واحد فلا فرق بينهما ولا حاجة لنزولها من السماء. 4. نعم لا شك أن آدم قد عصى ربه، ولكن الربط بين المعصية واكتشاف التمايز الجنسي غير مشروع، مجرد وجود ذكر وأنثى معناه وجود شعور جنسي وجاذبية جنسية، أي أن الميل الجنسي جزء من طبيعة تكوين الرجل والمرأة ولا حاجة لدليل لا في الإنسان ولا في الحيوان ولا في النبات عليها، فكل الكائنات الحية ما عدا البسيطة جداً كالأميبا مميزة جنسياً وتتوالد باللقاح، نعم وقعت معصية لأمر إلهي ولكن طبيعة المعصية غير مبينة. 5. لا شك أن إبليس خالف أمر ربه، ولكن معصية إبليس لا يمكن أن تكون خارجة من إرادة الخالق، الخالق أرادها لتكون أساساً لمبدأ الضدية في الكون، لولا الضدية لا سبيل للحرية فالضدية ضرورية للحرية، والحرية ضرورية للامتحان، وهي ضرورية للأخلاق، فإن كان البشر مبرمجين على عمل محدد لا مجال لحرية الاختيار وبالتالي لا مجال للأخلاق. إبليس هو تجسيد لوظيفة الضدية في الكون. لا يكون في ملك الله إلا ما يريد، عندما سئل النبي محمد صلى الله عليه وسلم: "يَا رَسُولَ اللَّه أَرَأَيْتَ رُقًى نَسْتَرْقِيهَا وَدَوَاءً نَتَدَاوَى بِهِ وَاتِّقَاءً نَتَّقِيهِ هَلْ يَرُدُّ مِنْ قَدَرِ اللَّهِ مِنْ شَيْءٍ ؟ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: "إِنَّهُ مِنْ قَدَرِ اللَّهِ"[6]. الداء والدواء. وظيفة الضدية في الكون جزء لا يتجزأ من مهمة الامتحان ومن ممارسة الحرية ومن مكارم الأخلاق. ختام: أهمية هذا الكتاب هو أنه يفتح ملفات في نظر كثيرين مغلقة، ما أضر بالفكر الوضعي، لأن الفكر الوضعي لدى كثير من أصحابه تخلى عن الدين لأنه وجد فهماً ضيقاً للدين يسقط العقل، كما أضر هذا النهج بالدين لأنه ربطه بتفاسير أصحابها معارفهم محدودة بأزمنة غابرة. الاعتقاد الصحيح يتطلب وعياً دينياً مستصحباً لكافة معارف وقدرات الإنسان، العقل وحرية البحث العلمي ليسوا كفريات كما قال أحدهم: التفكير كالتكفير تطابقت الحروف وتطابق المعنى. الإسلام يعترف بكل مصادر المعرفة: الوحي- الإلهام- العقل- والتجربة. ومعارف الإنسان في كل مجالاتها من إرادة الخالق. قال الإمام الشاطبي كل ما أمر به الشرع وافقه العقل، وقال: العقل شرط في التكليف الذي يسقط عن غير العاقل كالطفل أو المجنون. ومن التناقض أن يشترط العقل ثم يأمر بما يناقضه. قال ابن خلدون: كل ظاهرة في الوجود طبيعية أو اجتماعية تخضع لقوانين. وعما نويل كانط قدم خريطة فكرية تجعل العقل وأدواته الحواس مؤهلة لمعرفة قوانين عالم الشهادة. ولكن هنالك وجود خارج نطاق حواس الإنسان وبالتالي إدراكه العقلي، ذلك مجال الوحي، والإلهام. [1] سورة الإسراء الآية (105) [2] سورة الحجر الآية (85) [3] سورة الكهف الآية (110) [4] سورة يس الآية (72) [5] سورة الكهف الآية (51) [6] مسند ابن حنبل رابط - فيه بقية دسمة اقتباس: عمار عبدالله عبدالرحمن تاريخ التسجيل: 02-26-2005 ود الزين بالله ده ياهو عماد الترك الاتجاه الاسلامي واتحول للاخوان المسلمين جماعة احمد مالك ودكتور برات ... صاحب البيان المشهور (عن ممارسة الزنا ... الخ)) والله زمان ,,, التوقيع: اقتباس: متعتي في الحياة أن أقول الحقيقة جورج برنارد شو elmhasi مشاهدة ملفه الشخصي إرسال رسالة خاصة إلى elmhasi البحث عن المشاركات التي كتبها elmhasi 04-09-2020, 10:01 AM #[15] imported_أبو جعفر :: كــاتب نشــط:: اقتباس: المشاركة الأصلية كتبت بواسطة زين العابدين حسن تحية ابو جعفر .. كتبت مداخلة و ضاعت بسبب سوء تقديري ... شكرا لك على هذا البوست الشيق و لا زلت ابحث مع المحسي عن بيان عماد الغريب الفريد ... ارجو من الجميع ان يساعدونا في البحث عنه ...اكرر شكري و تقديري . تحياتي زين العابدين أنا تواصلت مع علاء الدين شقيق د. عماد ... وذكر لي بأن البيان ليس بحوذته وكتبت له مرة أخرى بأن يحاول تحديد الشهر الذي نشر فيه البيان في صحيفة الوطن عام 87 ... وفي أنتظار رده. اقتباس: تحياتي باشمهندس من حكاية المهموم توصلنا إلى أن البيان نشر في جريدة الوطن عام 87 ... ولكن نحتاج المساعدة في تحديد الشهر تقريباً ... فلو عندك أي فكرة عن الشهر الذي نشر فيه البيان يمكن أن يساعدنا كتير. وأيضاً سوف أتصل بأخيه د. عبد الرحيم فهو عضو معنا في قروب آذان الأنعام على الفيس بوك احتمال تكون عنده معلومة عن البيان. التوقيع: أحشفاً وسوء كيلة imported_أبو جعفر مشاهدة ملفه الشخصي إرسال رسالة خاصة إلى imported_أبو جعفر البحث عن المشاركات التي كتبها imported_أبو جعفر صفحة 1 من 2 1 2 > تعليقات الفيسبوك « الموضوع السابق | الموضوع التالي » أدوات الموضوع مشاهدة صفحة طباعة الموضوع انواع عرض الموضوع العرض العادي الانتقال إلى العرض المتطور الانتقال إلى العرض الشجري تعليمات المشاركة لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة Forum Rules الانتقال السريع لوحة تحكم العضو الرسائل الخاصة الاشتراكات المتواجدون الآن البحث في المنتدى الصفحة الرئيسية للمنتدى منتـديات سودانيات منتـــــــــدى الحـــــوار خـــــــالد الـحــــــاج موضوعات خـــــــالـد الحـــــــــاج ما كُتــب عن خـــــــالد الحــــــاج صــــــــــــــــور مكتبات مكتبة لسان الدين الخطيب محمدخير عباس (لسان الدين الخطيب) مكتبة أسامة معاوية الطيب مكتبة الجيلي أحمد مكتبة معتصم محمد الطاهر أحمد قنيف (معتصم الطاهر) مكتبة محي الدين عوض نمر (nezam aldeen) مكتبة لنا جعفر محجوب (لنا جعفر) مكتبة شوقي بدري إشراقات وخواطر بركة ساكن عالم عباس جمال محمد إبراهيم عبدالله الشقليني أبوجهينة عجب الفيا نــــــوافــــــــــــــذ الســــــرد والحكــايـــــة مسابقة القصة القصيرة 2009 مسابقة القصة القصيرة 2013 كلمـــــــات المكتبة الالكترونية خاطرة أوراق صـــــالة فنــــون فعــــاليات إصــدارات جديــدة الكمبيــــــــــوتــر برامج الحماية ومكافحة الفايروسات البرامج الكاملة برامج الملتميديا والجرافيكس قسم الاسطوانات التجميعية قسم طلبات البرامج والمشاكل والأسئلة قسم الدروس وشروح البرامج منتــــدي التوثيق ارشيف ضيف على مائدة سودانيات مكتبة سودانيات للصور صور السودان الجديدة صور السودان القديمة وجوه سودانية صور متنوعة المكتبة الالكترونية نفــاج خالــد الحــاج التصميم Mohammed Abuagla الساعة الآن 05:11 AM. زوار سودانيات من تاريخ 2011/7/11 اتصل بنا / مقترحات القراء - سودانيات - الأرشيف - الأعلى Powered by vBulletin® Version 3.8.8 Beta 2Copyright ©2000 - 2026, vBulletin Solutions, Inc.
