*** مصطلحات عامّية سودانية ***

[كيشو]

المشاركة الأصلية كتبت بواسطة فيصل سعد

سلام يا شباب :

ماهو البدوك و الجخنون و الميز و القشلاق ؟

الجخنون هو الداعوس في لغة أقوام
الميز معروف
القشلاق ياتو؟ حق الديش وللا حق البوليص؟

[فيصل سعد]

المشاركة الأصلية كتبت بواسطة كيشو

الجخنون هو الداعوس في لغة أقوام
الميز معروف
القشلاق ياتو؟ حق الديش وللا حق البوليص؟

افادت مصادرنا، بان مدير و دينمو هذا البوست، اخونا المتمرد شبارقة توعد لقائد المحاولة الانقلابية الفاشلة، حبيبنا اسامة الكاشف بان يغطس حجر هذا البوست و يجيب خبره و يقطع طاريه و يبيته القوى و يلحقه امات طه و كل ذلك التآمر و المخطط المكشوف لدينا، تم بايعاز من الرعديد كيشو، العقل المدبر، الذي غوص نفسه داخل البوست لتشتيت الكورة و تطفيش الجكس من هنا، مما عكر صفو المساعد الاول المستشار الرئاسي محمد ابو عاقلة، الذي حرد البوست و رفع قناية و اعتكف بالفيسبوك و مسابح الدوحة و منتجعاتها الشتوية الدافئة ساونا و جاكوزي و الله يرحم ايامه الساكوبيس في القمائر و الكبجاب مع عماد لوفا و صحبه الميامين دون التطرق لعسلية سبعة بيوت و مريسة الفتيحاب و ابيض ضمير قسيمة بنكهة الجوافة، و غواني الشهداء و سعد قشرة و كرتون كسلا و هكذا حال البلاد صفا انتباه، مطلوب حضور الجميع للتمام و التفتيش ..

حدد المصطلحات العامية في الفقرة اعلاه ؟

[كيشو]

المشاركة الأصلية كتبت بواسطة فيصل سعد

افادت مصادرنا، بان مدير و دينمو هذا البوست، اخونا المتمرد شبارقة توعد لقائد المحاولة الانقلابية الفاشلة، حبيبنا اسامة الكاشف بان يغطس حجر هذا البوست و يجيب خبره و يقطع طاريه و يبيته القوى و يلحقه امات طه و كل ذلك التآمر و المخطط المكشوف لدينا، تم بايعاز من الرعديد كيشو، العقل المدبر، الذي غوص نفسه داخل البوست لتشتيت الكورة و تطفيش الجكس من هنا، مما عكر صفو المساعد الاول المستشار الرئاسي محمد ابو عاقلة، الذي حرد البوست و رفع قناية و اعتكف بالفيسبوك و مسابح الدوحة و منتجعاتها الشتوية الدافئة ساونا و جاكوزي و الله يرحم ايامه الساكوبيس في القمائر و الكبجاب مع عماد لوفا و صحبه الميامين دون التطرق لعسلية سبعة بيوت و مريسة الفتيحاب و ابيض ضمير قسيمة بنكهة الجوافة، و غواني الشهداء و سعد قشرة و كرتون كسلا و هكذا حال البلاد صفا انتباه، مطلوب حضور الجميع للتمام و التفتيش ..

حدد المصطلحات العامية في الفقرة اعلاه ؟

أمات طه تاااني؟

[أشتر]

المشاركة الأصلية كتبت بواسطة فيصل سعد

مما عكر صفو المساعد الاول المستشار الرئاسي محمد ابو عاقلة، الذي حرد البوست و رفع قناية و اعتكف بالفيسبوك و مسابح الدوحة و منتجعاتها الشتوية الدافئة ساونا و جاكوزي و الله يرحم ايامه الساكوبيس في القمائر و الكبجاب مع عماد لوفا و صحبه الميامين دون التطرق لعسلية سبعة بيوت و مريسة الفتيحاب و ابيض ضمير قسيمة بنكهة الجوافة، و غواني الشهداء و سعد قشرة و كرتون كسلا و هكذا حال البلاد صفا انتباه، مطلوب حضور الجميع للتمام و التفتيش ..

ههههههههههههههههههه
لسه فاكر ... الله يرحم القمائر وحفر القمائر وتلك الكٌبب التي انقرضت حيث لا عشش ...
لا مرايس لا عرايس ... وكشحوووووووو ... حيث القماير خلفكم والدباغة امامكم وقومي يا الهجرة لفي ... تلقى نفسك في مركب مبنشرة والكايا مدورة والموجة تقيف ورا الموجة وثابت عندك واحد إريرا ...
ياخوي دوّر بينا البلد دا ... *
وكلامك وما به من مرتكزات كتيرة تخلي الواحد يقرص ويتسند ثم يتكل على ماضي تليد وبعد ذلك يتكل على الله ...
قلنا ليك ما تفتح نفاجات تتور علينا الذكرى الهيجتني ... خلينا ساكتين بالغبينة احسن!!!
على فكرة .. عندي قصة طريفة جدن حصلت ورا سينما الوطنية واكيد عارف ورا السينما في بيوت احرار وناس كتار

[أشتر]

المشاركة الأصلية كتبت بواسطة فيصل سعد

و كل ذلك التآمر و المخطط المكشوف لدينا، تم بايعاز من الرعديد كيشو، العقل المدبر، الذي غوص نفسه داخل البوست لتشتيت الكورة و تطفيش الجكس من هنا،

ياخي دا لا برحم ولا عاوز رحمتو تنزل !!!!
ودا عيب الناس البايعين القضية ...

[كيشو]

المشاركة الأصلية كتبت بواسطة محمد أبوعاقلة

واكيد عارف ورا السينما في بيوت احرار وناس كتار

أحرار دي كانت من أكبر الشركات العقارية في السودان، قبل أن يعرف الناس الشركات العقارية
هسه يا ود اب عاقلة انت مؤجر من ياتو شركة عقارية؟

[فيصل سعد]

المشاركة الأصلية كتبت بواسطة محمد أبوعاقلة

ههههههههههههههههههه
لسه فاكر ... الله يرحم القمائر وحفر القمائر وتلك الكٌبب التي انقرضت حيث لا عشش ...
لا مرايس لا عرايس ... وكشحوووووووو ... حيث القماير خلفكم والدباغة امامكم وقومي يا الهجرة لفي ... تلقى نفسك في مركب مبنشرة والكايا مدورة والموجة تقيف ورا الموجة وثابت عندك واحد إريرا ...
ياخوي دوّر بينا البلد دا ... *
وكلامك وما به من مرتكزات كتيرة تخلي الواحد يقرص ويتسند ثم يتكل على ماضي تليد وبعد ذلك يتكل على الله ...
قلنا ليك ما تفتح نفاجات تتور علينا الذكرى الهيجتني ... خلينا ساكتين بالغبينة احسن!!!
على فكرة .. عندي قصة طريفة جدن حصلت ورا سينما الوطنية واكيد عارف ورا السينما في بيوت احرار وناس كتار

طيب ما تفتها لينا سريع هنا
او ادينا منها طرف خيت خيتين حسب التساهيل

[كيشو]

المشاركة الأصلية كتبت بواسطة محمد أبوعاقلة

ياخي دا لا برحم ولا عاوز رحمتو تنزل !!!!
ودا عيب الناس البايعين القضية ...

إنت ما خلينا ليك نط الحبل، ما تقتنع بي قدرك وتسكت مننا
أما شبارقة فسنعقد ليه مجلس محاسبة، عارفين دفاعو شنو؟ قال عايز يستكشف! دا أسلوبم يا زملاء

[أشتر]

المشاركة الأصلية كتبت بواسطة كيشو

أحرار دي كانت من أكبر الشركات العقارية في السودان، قبل أن يعرف الناس الشركات العقارية
هسه يا ود اب عاقلة انت مؤجر من ياتو شركة عقارية؟

تواوا انتربرايسز ...
في داعي للأسئلة المحرجة دي ؟!!!!!!!!!!!!!!!

[أشتر]

المشاركة الأصلية كتبت بواسطة فيصل سعد

طيب ما تفتها لينا سريع هنا
او ادينا منها طرف خيت خيتين حسب التساهيل

فتها صعب ...
راس الخيت بس بوديني التوج ...
كلو من فريد النحاس الله يطراهو بالخير ...

[فيصل سعد]

المشاركة الأصلية كتبت بواسطة محمد أبوعاقلة

تواوا انتربرايسز ...
في داعي للأسئلة المحرجة دي ؟!!!!!!!!!!!!!!!

دي احدى مجموعات بدر الدين الامير
و لا انا داقس يا فردة
و تحياتنا ليو و ليكم انتربرايسز ..

[أشتر]

المشاركة الأصلية كتبت بواسطة فيصل سعد

دي احدى مجموعات بدر الدين الامير
و لا انا داقس يا فردة
و تحياتنا ليو و ليكم انتربرايسز ..

والله لقيتك تفتيحة للطيش
ياخ من عماد لوفا عرفتا ذاكرتك اللهم لا شماتة ...
بتجيب الحاجات دي من وين؟

[فيصل سعد]

المشاركة الأصلية كتبت بواسطة محمد أبوعاقلة

فتها صعب ...
راس الخيت بس بوديني التوج ...
كلو من فريد النحاس الله يطراهو بالخير ...

مافي عوجة ، عملت لينا شنو في ال CV
و اخبار الوظيفة الساكيها لينا شنو
الايام دي عندنا اخونا قطري في القهوة هنا
بنجر شيشا سواء من عائلة المهندي، و قريب حرم سمو الامير
كلما يتكبسن يوزع لينا في الوعود و احلام اليقظة
و لمن نعصروا في الضمنة يشبكنا "دوحة ايه و قطر ايه الله يهداكم"

[طارق صديق كانديك]

المشاركة الأصلية كتبت بواسطة محمد أبوعاقلة

فتها صعب ...
راس الخيت بس بوديني التوج ...
كلو من فريد النحاس الله يطراهو بالخير ...

ههههههههههههههه

غايتو الواحد كلما نفسو يقوم ... يجي في الضل ده .. يستمتع شويه ويتخارج ...!!!

( أبيض ضميرك) .. وانا عارفو .. الله يبيض النية ... وكان باضت .. ممكن تفقس .. كتاكيتن .. يسوسو .. سااااااي ... !!!

كجمورو .. وربما شرابيتن .. طااااااااااااااااااعمة ستكون حاضرة هذه الأيام بكثرة ...!!!

[أشتر]

المشاركة الأصلية كتبت بواسطة فيصل سعد

مافي عوجة ، عملت لينا شنو في ال CV
و اخبار الوظيفة الساكيها لينا شنو

يا زول اللبط خليها ... امشي للناس القلت ليهم سكوها لي

المشاركة الأصلية كتبت بواسطة فيصل سعد

الايام دي عندنا اخونا قطري في القهوة هنا
بنجر شيشا سواء من عائلة المهندي، و قريب حرم سمو الامير
كلما يتكبسن يوزع لينا في الوعود و احلام اليقظة
و لمن نعصروا في الضمنة يشبكنا "دوحة ايه و قطر ايه الله يهداكم"

الفت عندكم لكن ...
ولاتأخذ من أفواه المكبسنين سوى الخرابيط الهراء !!!!! ولد دا